💧💧 *RAMUWAR GAYYA.!*
©️ *HASKE WRITER'S ASSO.*
Home of expert & perfect writers
*FEEDOHM💞.*
Wattpad@Feedohm.
*2*
**Kalmar lagwani ta mashi ciwo ba kaɗan ba, ya kalle ta cikin ɓacin rai lokacin da yake niyyar bar mata tabarmar, ya ce "Ni kike kira da lagwani Fadila.?
Ta rafka mashi harara ta ce "Ashe ma ka ji me na ce? Yo ba lagwanin bane? Abu yi ɗaya ta lauye sai ka ce ruɓaɓɓar ayaba..!
"Ƙarya kike wallahi kin sani sarai ni namiji ne. " Ya faɗa a harzuƙe.
Ta kalle shi sheƙeƙe tana faɗin" Sai fa namiji, minti ɗaya an buga ya fita fiiii kamar riƙaƙƙen fitsari, ita kuma ta koma ta langwaɓe kamar ƙwaɗaɗɗen latas, malan dallah ka dinga karanta littafan hausa anan zaka ga namiji ba tamiji, masu share dare rankatakam suna abun arziki da matayen su. "
Takaici ya hana sa ƙara ce mata komai, ya juya da niyyar bar mata daƙin sai tsinkayar muryar ta yayi tana faɗin" Idan ka fita ka taho mani da tsire, dan Allah mai kitse kitse nake so. "
"Ba za'a siyo ba, ki je mazan littafan su siya maki." Ya faɗa kai tsaye.
"Uban kuturu kuma yayi kaɗan wallahi, kai nake aure ba su ba, don haka kai zaka siyo shi, kuma ka ƙwana da sanin yau na fara wankin mahaifa, duk masifar ka sai ka kusance ni, ni haihuwa na ke so." Ta ƙarashe maganar ta ƙanƙance ido saboda azabar fitinar dake cin ta.
Haka ya juya ya bar mata gidan, yayin da ya nufi gidan mahaifiyarshi dake nesa kaɗan da su, a can ya samu ta zubo mashi ɗan wake da mai da yaji, ya ci sosai ya bi da ruwan randa, sannan ya shigingiɗa tana tambayar sa ya su Habibu.?
Ya lumshe idon sa "Lafiya yake Inna."
"Ɗan albarka, Allah ya ƙara tabbatar mashi da ita." Ta faɗa tana faɗaɗa fara'ar ta.
Bata da wata fira da ta wuce ta Habibu, tare da yabon shi, sannan ta sake jaddada ma Jafar ɗin ya riƙe amana, ya ƙyautata mashi kamar yadda suma yake ƙyautata masu. Sannan ta dawo ga Fadila, tana tsegumin har yau shiru abu shekara biyar amma ko ɓari bata taɓa ba, ita ta rasa wake da matsala cikin su? Anya ba zai ƙara aure ba? Ita fa bata so ta mutu ba taga jikan ta ba.
Wayar shi ta ɗauki kuwwa don haka ta dakata da zancen ta, ya kara a kunne da sauri ganin sunan Yaya Habib dake yawo a screen ɗin.
Habib ɗin yace dashi, ya zo office ya same shi zai bashi saƙo ya kai gida.
Jiɓi ya share yana faɗin "To ganinan zuwa."
Yayi mata sallama ya tafi tana faɗin "A gaida Habibun, ka ce Allah ya mashi rahama ya ji ƙan iyayen shi."
Shi dai amin ya ke faɗa wacce iyakar ta laɓɓan sa.
Ba dan ran shi ya so ba, haka ya amshi saƙon ya nufi gidan da shi, yayin da gaban sa ke dukan uku uku, da bismillahi ya tura ƙofar falon sannan ya kutsa kai ciki, cikin sa'a babu kowa, don haka ya sauke ajiyar zuciya tare da aje ledar bisa carpet ya juya da azama da nufin ficewa..
Yana gab da fita daga falon ya tsinkayi muryar ta ina tambayar "Waye anan.?
Gaban sa yayi mummunar faɗuwa" Ya salam," Ya furta a zuciya, sam ba haka ya so ba, so yayi ya fice ba tare da na fito ba.
"Who's there..? Na kuma faɗa a tsawance.
Ya lumshe ido, ba tare da ya jiyo ba ya ce "Ya Habib ya ce a kawo maki wancan saƙon.
Duk da na fahimci ko waye amma hakan bai hana ni faɗin "I didn't ask you me ka aje, I just ask wane sakarai ne anan wuri? I mean wane dabbun arab ne ya shigo mani falo kamar tsohon ƙwarton."
Ya kulle idon shi gam na ƴan mintina, kafin ya buɗe baki a dasashe ya ce "Jafar ne..!
Na murmusa tare da aje plate ɗin dake hannuna bisa dining table, sannan na ƙarasa shigowa falon ina taunar cingum, na ɗosana ƙuguna bisa doguwar kujera tare da ɗaura ƙafa ɗaya bisa ɗaya ina faɗin "Ayyoh! Ashe ma dai dai na canka, tsohon ƙwarton ne! Yauwa, dama ina jiran ka, ka je bakin tap na baya, aƙwai kaya a bucket, ka dauka ka ƙarasa wanke su tas, na fara kuma bazan iya ba, dole na aje maka..!
Ya ja gwaron numfashi sannan ya juya ba tare da ya ce komai ba, ya sani sarai kayan wankin Amir ne ta aje masa, duk da kuwa wanki ake masu a gidan amma bata taba haɗa wa da nashi ba, haka zata tara su, na fitsari da kashe har sai lokacin da ta ganshi sannan ta sanya shi ya wanke su.
Bai da yadda zai yi haka ya tsugunna ya cigaba da wanke kayan, wanda yawancin su duk kashi ne a jiki, sai da ya ɗauraye ya shanya, sannan ya zauna bakin tap ɗin ya dafe kan shi, lokacin guda wasu hawaye suka fara silalowa daga ƙwayar idon sa, ya fara gajiya da waɗannan abubuwan dake faruwa..
"Jafaru..! Na ƙwala mashi kira daga inda nake tsaye riƙe da ƙugu.
Ya ɗago idon shi tab da hawaye ya ɗaura kaina, wani ja'irin murmushi na sakar mashi ina faɗin "Ga wasu nan ka haɗa da su."
A raunane ya ce "Fadila na asibiti tana jirana zan maida ta gida, kiyi hakuri madam idan na dawo zan wanke." Yayi ƙarya a tunanin shi zata fidda shi, don ina matuƙar ragawa fadila, ko zuwa suka yi gaida mu indai tare suke ko ƙala bana cewa dashi.
"Wallahi baka isa, ko Inna ce asibitin sai kayi abunda na sanya ka muddun kana son zama lafiya."Na faɗa kai tsaye.
Idon shi ya tsayar kan Amir da ya fito da gudu daga falo, cikin rashin sa'a silɓil tiles ya ja shi ya faɗi ƙasa, kafin in yunƙura gareshi har ya ri ga ni, ya saɓe shi a kafaɗa yana lallashin sa, wani so yake ma yaron wanda ban san iyakar sa ba.
"Idan ba aka aje mani yaro ba, wallahi sai na kifa maka mari." Na faɗa a tsawance.
Jikin sa na ƙyarma ya miƙo mani shi, amma maimakon da na amshe shi in rarrashe sa, sai ma mari dana kifa mashi na ja kunnen shi ina faɗin "Ban hana ka gudu ba a cikin gida..!
Har cikin ran sa yaji saukar marin nawa, ya kulle idon shi gam yana furzar da iska, yayin da Amir ɗin ya kuma tsallara ƙara, na angaje shi ina faɗin" Maza ka koma falo tun kafin in daka ka anan.."
"Komai za kiyi ki mani Meenari, amma dan girman Allah ki sassauta wa Amir, bai san komai ba, yaro ne." Ya faɗa a raunane.
Na kalle shi kallon ƙasƙanci ina faɗin "Meye matsalar da abunda zan ma yarona Jafar.?
" Nima yaro na ne..! Ya faɗa har cikin ran sa.
Na ɗauki shewa ina dariya, sannan na gumtse ina hararansa sama da ƙasa, a daƙile na tambaye shi "Wace uwar ta baka shi.?
Yayi shiru..
"Yarona! Yanzu na gane wane jinsin bunsura ya kamata na aje ka..! Na faɗa ina ɗage gira ɗaya.
" Let's forget the past Meenari." Ya furta yana kallon ƙasa.
Wani sakaran mari na kifa mashi yayin da idanu na suka rine, in manta fa ya ke nufi? Na mance da abunda ya faru a baya, na furzar da zazzafar iska daga bakina "Na manta ko Jafar? Ban taɓa sanin daƙiƙancin ka ya kai har zaka ce in manta baya ba! Wallahil Azim ba zan taɓa sarara maka ba muddun ban ga hawaye na ƙwaranya a idon ka ba, sai na tabbatar maka da baƙin ciki mara yanke wa a rayuwar ka, sai na tabbatar da ka wulaƙanta tun anan duniya."
Manyan idanun sa ya ɗaura bisa fuskata, da suka ri ga suka rine zuwa kalar jini, a raunane ya ce " Shin har sau nawa kike buƙatar ganin hawayen na wa Meenari? Duk abunda kika aikata bai isa kin rama abunda na maki ba? Bai isa kin manta ba? Ki ji tsoron Allah Aminatu, kar ki zama silar zubewar ɗan mutuncin da na jima ina tattali.."
Na murmusa, murmushin takaici haɗe da kunar zuci, yayin da hawayen da nake danne wa suka gangaro saman kuncina, na cije laɓɓana "Yaushe ne kasan Allah? Ai ban ma dauka ka fara sallah ba ma tukun? Mutunci kake magana ko? Har ka manta kai ne ka dagargaza yarda da amincin haɗe da mutuncin gidan mu? Ko ka mance wanene babana? Shehun malami ne masani addinin, mutun mai daraja da mutunci a idon duniya, amma da kalmar *so tak* ka kawar da duk wani mutunci nasa, da ɗaiɗaita mani rayuwa, ita wannan Yaudararrar kalmar kayi amfani da ita ka saka cuta a zuciyar sa, ya amince maka, ya yadda da kai, ka zamto silar jinyar sa har gobe..!
Hawaye na hango ƙwance bisa fuskar sa, na zabga mashi harara sannan na sanya bayan hannuna na share nawa hawayen.
"Ki yafe mani Meenari, nasan na aikata babban kuskure...
Na daka mashi tsawa ina faɗin" Dallah rufe mani baki, wallahi ba zan taɓa yafe maka ba, kuma har gobe duk lokacin da na kai goshina ƙasa shin ko kasan ne nake roƙo? Ina tawassali da sunayen ubangiji na roƙe shi ya wulakanta ka Jafar, ya watse maka albarka, ya hanaka rayuwa cikin salama, ya sanya wuta ta zamto matabbata a gare ka...
Ya tsawan ce ya kira Sunana "Amina...!
Nima a tsawance na ce "Ai ban ƙarasa ba Jafar, Ina roƙan Allah ya haɗaka da fitina ta duniya da lahira, ya hana maka zama lafiya, ya tozarta ka...!
Ban san yadda aka yi ba, sai ganin shi nayi a gaba na a kiɗime, ya sanya tafin hannun shi ya wanka mani lafiyayyen mari haɗe da riƙe kafaɗuna yana faɗin "Ki dawo hankalin ki Meenari...!
Na fincike kafaɗa ta ina kallon shi a tsanake, mari na fa yayi da hannayen sa, a tsawance na cigaba da faɗin "Ina roƙan Allah ya watse maka albarka..
"Subhanallah, kina cikin hankalin ki kuwa Aminatu? Kin san me kike faɗa.? Murya Habib ta doki kunnuwa mu.
Wani azabben kuka ya suɓuce mani, na ƙarasa da gudu gare shi, na sanya hannaye na na rungume shi, sannan na cigaba da rai rai kukana mai tsuma zuciya.
Nan da nan ya ruɗe, ya juya a zafafe yana tambayar Jafar, me ke faruwa.
Bai bashi amsa ba sai jikin sa ya dauko ɓari, ya kuma daka mashi tsawa yana faɗin "Ka faɗa man me ke faruwa Jafar? Me ka ma Meenari ta? Me ka yi ma mata ta.?
Samun kai nayi da faɗin "Kama shi nayi yana sanya wa Amir al'aurar sa a baki, shine ya dawo kaina da zummar yi mani fyaɗe, don naƙi aminta shine ya kifa mani mari..!
Yadda idanun Habib suka fito waje ya tabbatar da maganar ba ƙaramin dakar shi tayi ba, ya ture ni daga jikin sa ya nufe shi ya cakumi wuyan shi yana faɗin "Maciyi amana ɗan iska....
*RAMUWAR GAYYA Feedohm.*
*RAMIN MUGUNTA Slimzy.*
Mai buƙatar tagwayen littafai biyu. 300 ne kacal gaba ɗaya, mai son guda ɗaya zai biya 200.
Payment.
👇🏻👇🏻👇🏻
2255398727
Zenith Bank.
Amina Jibril.
Shaidar biya.
07042277401.
Or
Katin Mtn
08036953516.
Shaidar biya ga ɗaya daga cikin waɗannan lambobin.
08036953516 ko 07042277401
*FEEDOHM.💞*