البنات اللي جاوبوا صح البارت اللي فات هما ساندي سامح و ايمان صبحي... المنزل اللي قصدي عليه اللي هو البيت اللي جميلة لما هربت من المستشفي راحتلوا و كان قديم و مهجور و أحمد راح وراها.... مبروك يا ساااااااندي مبروك يا ايمااااااان.. اللي يشوف مبروك دي يقول اني ادتهم ايفونات 😂😂😂
~~~~~~~~~~~~~~~
عند نادين و أحمد
صعد أحمد الي غرفته بعصبية و هو يتنفس بسرعة لم يجب ان يفعل ما فعله معها الان هي مريضة و هذا سيؤذيها و لكنها هي من اخرجته عن شعوره... لا يعرف ماذا حدث لقد كانت طبيعية في الصباح قبل ان يذهب الي العمل ماذا تغير في هذا الوقت... خلع أحمد چاكيت بدلته و القاه جانبا و خلع قميصه ولكن قبل ان يرتدي التيشرت وجد يدين يلتفون حول صدره من الخلف
أحمد بإبتسامة :طلعتلي لوحدك ليه ..كده غلط عليكي ثم ادار نفسه ليأخذها في احضانه فوجدها فريدة و ترتدي قميص نوم قصير جدا
أحمد هو يحاول كتم غضبه :انتي ازاي تدخلي اوضتي كده
فريدة ببرود :عادي.... دي اوضة ابو ابني... من حقي اجي وقت ما احب
أحمد:اطلعي بره
اقتربت منه فريدة ووضعت يدها حول عنقه بدلال و قربت وجهها من وجهه : انت ليه مش عايز تصدق اني بحبك يا أحمد ثم ارادت تقبيله كان أحمد سيدفعها عنه و لكنه صدم عندما وجد نادين تقف عند باب الغرفة تنظر اليهم و عنيها مغرورقة بالدموع كان سيهم أحمد بالحديث و لكنها اخفضت رأسها ورحلت بدون و لا كلمة
أحمد :نادين... نادين ثم نظر الي فريدة بغضب كبير و اخذ قميصه و ذهب خلفها فجلست فريدة علي السرير وابتسامة واسعة تشق وجهها
كانت نادين جالسة في الحديقة و تبكي بشدة فوجدت أحمد يجلس بجانبها كانت سوف تقوم و لكنه امسكها من يدها و اجلسها مرة اخري
أحمد :نادين صدقيني انا معملتش حاجة هيا اللي حضنتني و لما كنت هبعدها لقيتك جيتي
نادين و هي تنظر امامها بيأس :ولو مصدقتش مش هتفرق.. و لم تستطع منع دموعها انت من حقك تكون جنبك ست تاخد بالها منك و تعرف تسعدك و تخلف منها ثم اكملت بتهكم انما انا واحداة الدكتور محذرها من الحركة يعني زي زي الكرسي اللي قاعدة عليه ماليش فايدة .. ثم زادت دموعها بجيب لنفسي كوباية الماية بالعافيه..وانا مش هلومك انت راجل و ممكن تضعف غصب عنك و خصوصا ان مراتك مش بتديك حقوقك لانها شبه عاجزة
امسك أحمد يدها بعيون مدمعة ثم اخذ نفس عميق :انتي ازاي تتجرأي و تقولي علي مرات أحمد الاسيوطي عاجزة.. انتي بس تعبانة شوية و هتخفي ...انا عمري ما ابص لست غيرك يا نادين لان بإختصار كل الستات ماتوا في عيني يوم ما حبيتك... انا شفت فيكي امي الحنينة اللي عندها مصلحتي اهم من اي حاجة في الدنيا... انا للاسف يا نادين كل البنات اللي شفتهم كان اهم حاجة عندهم المظاهر و كانوا عايزني بس منظرة زي العربية و المجوهرات كده ... ثم اردف بإبتسامة انما انتي....مستعدة تعملي اي حاجة تسعدني حتي لو علي حسابك وانا بقولك يا نادين انا عمري ما هسيبك الا و انا ميت
وضعت نادين يدها علي فمه بدموع :اوعي تقول كده تاني....انت لازم تشوف نفسك و تنساني انا م....
لم تكمل نادين جملتها لان أحمد قاطعها بقبلة عاصفة تعبر لها عن مدي عشقه لها و انه لا يستطيع التخلي عنها كانت نادين تبادله قبلته بحب صادق... ابتعد أحمد عنها و نظر في عيونها و امسك يدها ووضعها علي قلبه... قلبي ده بينبض عشانك انتي وبس يا نادين
ادمعت عيون نادين بسعادة ثم اخذته في احضانها
~~~~~~~~~~~~~~~~~~
في المستشفي
كان زين في غرفة العمليات و منه واقفة بالخارج مع علي و تبكي بشدة
علي :اهدي يا منه عشان متتعبيش
لم تستمع له منه انما بكت اكثر فأخذها علي في احضانه و شدد عليها و كأنها ستضيع منه
علي :خلاص يا منه اهدي
تمسكت منه في قميصه بشدة و دفت وجهها في صدره... شعر علي بشعور غريب يشعر و كأنها التحمت به و اصبحوا شخص واحد و لو ابتعدت عنه
سيشعر انه فقد جزء منه
خرج الطبيب فركضت اليه منه و خلفها علي :هو الحمد لله بقي كويس دلوقتي و الجرح كان سطحي ثم تركهم الطبيب و ذهب
اشارت منه لعلي انها تريد ان تراه...فأمسكها علي من يدها :استني يا منه.. مينفعش تدخلي بالحالة دي هيتعب اكتر علشانك....روحي اغسلي وشك و ظبتي شعرك و تعالي... واقفة ليه ياله... ذهبت منه الي الحمام لتغسل وجهها
طرق علي باب غرفة زين و دخل
كانت الممرضة تريد اعطاء الادوية لزين و لكنه صرخ بها :قللللت مش عاااايز حااااااجة ااااطلعيييييي بررررره
انتبه زين لعلي فقال بتعب بتعب :منه فين
علي :منه واقفة بره مش عايزة تشوفك.. و طلبت مني ادخل اطمن عليك... ثم ابتسم بتهكم اوعي تفتكر الشويتين اللي انت عملتهم دول دخلوا عليها.. بالعكس دي كرهتك اكتر وبقت مش طايقة تشوف وشك
زين بغضب :اطلع بره... اطلع بره
علي وهو يقف :طالع... بس نصيحة.. ملكش دعوة بمنه تاني... انت فاهم
خرج علي فوجد منه قادمة و عندما كانت ستدخل امسكها علي من يدها :استني يا منه متدخليش
فنظرت له منه بإستغراب
علي بأسف :انا دخلتله و حاولت اتكلم معاه بهدؤ بس هو طردني و قال ان هو مش عايز يشوفك تاني
نظرت منه بعدم تصديق و اصرت علي الدخول لزين وعندما فتحت الباب و دخلت كان زين موليا ظهره للباب و يبكي فقال بصراخ شديد :قللللللت مش عاااايز اااشووووف وش حد برررررررره
ارتعبت منه من صوته ونزلت دموعها فتراجعت واغلقت الباب خلفها
علي :مش قلتلك... ياله بينا
امسك علي يدها و قام بتقبيلها
علي بإبتسامة :انا جنبك
و قام بإصالها الي منزلها و لكن قبل ان تنزل من السيارة امسك علي يدها فنظرت منه بعيون مدمعة
علي بإبتسامة :اوعي تزعلي عليه يامنه هو ميستهلكيش
ابتسمت له منه بإمتنان ثم صعدت الي منزلها راقبها علي الي ان صعدت و ظل في سيارته يفكر لماذا فعل ذلك ما دخله هو... كان يشعر بتأنيب ضميره و لكنه اخرسه حين قال لنفسه انه يفعل ذلك لمصلحتها شخص مثل زين لا يستحقها ابدا فهو من الاساس من فعل بها ذلك و اوصلها الي تلك الحالة
~~~~~~~~~~~~~~
عند يحيي
محمد :وانت بقي عرفت اختك منين ؟
يحيي بألم لذكرياته :لما اختفيت بعد اللي عملتوا كانت ام نادين عايزة توصلك بأي طريقة عشان تلاقي بنتها لانها اختفت معاك ...فضلت تسأل وتدور لحد ما عرفت ان انت كنت متجوز قبلها وعرفت عنوانا انا وماما وجتلنا عشان تستنجد بينا
Flash back
كان يحيي ذو 8 اعوام و كانت والدته مريضة كانسر و مطلقه من والد يحيي منذ خمس سنوات لانها علمت انه محتال و يحاول الاستيلاء علي اموالها وفي يوم من الايام اخذت والدة يحيي الدواء و اثناء جلوسها وجدت الباب يطرق
ام يحيي :قوم افتح الباب يا حبيبي
اتجه يحيي ليفتح الباب فوجد امامه يبدوا الشحوب الشديد علي وجهها
حنان :مامتك موجوده يا حبيبي
يحيي :دقيقة واحدة
دخل يحيي الي والدته و اخبرها انه هناك امرأة تريد رؤيتها فسألته انعرفها فقال لها لا فطلبت منه الام ان تجعلها تدخل... دخلت حنان الي المنزل و عندما رأتها والدة يحيي استغربت هيئتها فقد كانت امرأة جميلة و لكن وجهها مرهق جدا
ام يحيي :اتفضلي.... ممكن اعرف عايزاني ليه
حنان ببكاء :انا عرفت انك كنتي متجوزة محمد ابو ابنك ده
ام يحيي :وبعدين.... اقدر اساعدك ازاي؟
حنان ببكاء :محمد اختفي بنتي مش عارفة راح فين ثم وطت علي قدمها تقبلها ببكاء شديد ابوس رجلك عايزة بنتي انا هموت لو بعدت عني.. انا عارفة ان انتي ست واصلة و بنت ناس ابوس رجلك انا ماليش حد و ابويا مات و سابني
ام يحيي بصدمة و دموع :قومي يا حبيبتي انتي بتعملي ايه ثم اجلستها علي الكرسي و طلبت من يحيي ان يحضر لها عصير
حنان ببكاء :انا مش عايزة اشرب حاجة انا عايزة بنتي
ام يحيي :طب اهدي بس وانا هتصرف.. وبعدين انتي مش شايفة وشك اصفر ازاي لازم تشربي حاجة احسن تقعي من طولك
احضر لها يحيي العصير ثم جلس بجانبها وهو يبكي :متزعليش يا طنط ثم قبلها من خدها
ابتسمت له حنان بحب :ربما يبارك فيك يا حبيبي و يفرح امك بيك يا رب
ام يحيي :انا هتصل حالا بمعارف بابا الله يرحمه وهما هيتصرفوا متقلقيش... ثم قامت برفع سماعة الهاتف و ضغطت عدة ارقام ..ازي حضرتك ...انا الحمد لله بخير.... بصراحة انا عايزة خدمة صغيرة من سعتك.... في شخص مختفي و معاه بنت عاسزين نعرف اي حاجة عنها ثم املته اسمه بالكامل و مواصفاته و اعطت الهاتف لحنان لتصف له نادين ثم اغلقت الهاتف
حنان :انا اسفة اني ازعجتك بس غصب عني.... بعد ازنك
ام يحيي :استني... مش هتمشي الا و انتي عارفة مكان بنتك.. اتفضلي اقعدي و احكيلي ايه اللي وقعك في شيخ المنصر ده
حنان بإحراج :نصيبي
شعرت ام يحيي انها لا تريد الحديث في هذا الموضوع :طب قوليلي بقي.. انتي اسمك ايه و عايشه فين و ازاي
اطمئنت لها حنان كثيرا و شعرت انها امرأة حنونه جدا :انا اسمي حنان وابويا الله يرحمة كان تاجر بس مش كبير اوي يعني بس كان الحمد لله معيشنا احسن عيشة.. وعايشة في بيته اللي هو بناه ليا انا واختي بس انا اختي متجوزة و عايشة في السعودية و انا ماليش حد هنا خالص ...ثم بكت ماليش غير بنتي
ام يحيي :اهدي بقي انشاء الله هنلاقيها و بعد ساعتين وجدت ام يحيي هاتف منزلها يرن فأجابت و اخبروها ان نادين موجودة في قسم الشرطة... ارتدت ام يحيي ملابسها الانيقة و ارتدي يحيي ايضا ملابسه و ذهبوا معها
في القسم
حنان بلهفة :بنتي فين؟
الضابط :اهدي حضرتك حالا هتكون عندك
حنان :طب ايه اللي حصل و ابوها فين
الضابط بأسف :للاسف والدها هرب بعد ما قتل بنت عمه
حنان بصدمة :ايه... ازاي ؟
الضابط :هو قتلها و هرب و هما في الستشفي سلمونا بنتك
وبعد قليل احضروا لها الصغيرة الذي نامت من كثرة البكاء اخذتها حنان في احضانها بلهفة و هي تبكي
ام يحيي :طب ليه العياط بقي دلوقتي ما هي الحمد لله بخير اهي... و ياله نعزم ست نادين علي ايس كريم و يحيي كمان
خرجوا جميعا و اخذتهم ام يحيي الي محل لبيع الايس كريم و اثناء جلوسهم استيقظت نادين و تمسكت بأمها بخوف
ام يحيي بإبتسامة :قوم يا يحيي سلم علي اختك
قام يحيي بأبتسامة بريئة و مد لها يده ليسلم عليها :انا يحيي
نظرت له الصغيرة و هي لا تعي ما يحدث حولها فقامت بعض يده بأسنانها الصغيرة
يحيي بألم :ااااه
حنان :اسفة يا حبيبي حقك عليا.. ثم نظرت الي نادين بغيظ اصل انا بنتي متربتش
ام يحيي بإبتسامة :بلاش تخوفيها كده... دول اطفال بيلعبوا مع بعض ...انت زعلت يا يحيي
يحيي بضحك :ههههههه لأ... بس سنانها صغيرة اوي
ام يحيي :طبيعي مش هي صغيرة يبقي سنانها هي كمان لازم تبقي صغيرة و بعد قليل جاء النادل و هو يحمل الايس كريم
تناولوا جميعا الايس كريم و عندما كانوا سيهموا بالذهاب
حنان و هي تحمل نادين علي يدها :انا مش عارفة اشكرك ازاي لو اختي مكنتش هتعمل معايا كده
ام يحيي :تشكريني بإنك تخدي بالك من الصغنونة الشقية دي و من رقت للتاني تزوريني ثم تنهدت بحزن لان انا كمان معنديش حد غير يحيي
حنان :بس كده حاضر
ثم ذهبت كلا منهم الي منزلها و بعد مرور حوالي شهر قررت حنان ان تذهب لزيارتها فأخذت نادين و ذهبت و ظلت ترن الجرس و لكن لا احد يفتح فذهبت الي السوبر ماركت تحت منزلهم و اخبروها انها مريضة كانسر و تذهب لتلقي العلاج فسألتهم عن عنوان المشفي و اخذت نادين و ذهبت و هناك عندما ذهبت سألت موظف الاستقبال فأرشدها و عندما صعدت و جدت يحيي جالس يدفن وجهه بين يديه ويبكي فذهبت اليه حنان و اخذته في احضانها
حنان :ربنا يشفيالك يا حبيبي
و بعد قليل انهت ام يحيي جلسة الكيماوي و قامت حنان بإصالها الي منزلها
ام يحيي :انا مش عارفة اقولك ايه ...بجد شكرا ليكي انك فضلتي جنب يحيي
حنان :دي اقل حاجة ممكن اقدمهالك... انتي جميلك علي راسي
و بعد قليل اخذت حنان نادين و ذهبت الي منزلها و ظلت حنان تذهب كل جلسة كيماوي لتكون مع يحيي و تقربت حنان ام يحيي كثيرا و بعد مرور عامين كانت قد شفيت والدة يحيي و كانت حنان تحاول ان تقدم لنادين بKG بإحدي المدارس الخاصة و لكنهم رفضوها بسبب سمعة والدها فالحادثة كانت مشهورة جدا بسبب شهرة سمير والد أحمد
ام يحيي :انتي لازم تطلقي منه عشان سمعتك انتي و بنتك
حنان :اطلق منوا ازاي وهو مش موجود... يعني انل معرفش ايه اللي لازم يتعمل
ام يحيي :انا هساعدك و بالفعل بعد مرور عدة اشهر قامت المحكمة بتطليق حنان من محمد فشكرت حنان ام يحيي كثيرا
وفي يوم من الايام وجدت حنان باب منزلها يطرق وكان هذا يحيي الصغير ووالدته
حنان بترحيب :اتفضلوا وعندما دخلوا جلس يحيي مع نادين و كان يلعب معها
ام يحيي :بصراحة اما جاية اودعك
حنان :ليه ؟
ام يحيي :انا مسافرة لعمي في استراليا اعيش انا و يحيي معاه لانوا كبير في السن و مالوش حد و انا حابة اخد بالي منه
قامت حنان بإحتضانها :ربنا يوصلك بالسلامة و يقدرني علي غيابك انتي ويحيي
ام يحيي :وانتي كمان انتي ونادين هتوحشوني اوي
ولكهنم قاموا بسبب صوت شجار الاطفال
يحيي بغضب طفولي :انتي قليلة الادب
ام يحيي :في ايه يا يحيي مالك ؟
يحيي بغضب :عمالة تقولي انها لما بتروح الحضانه بترقص لزمايلها
ضحكت امه بشدة :وانتي يا نادين بتعرفي ترقصي
نادين بحماس طفولي :اه يا طنط اوريكي
ام يحيي بضحك شديد :لأ متورنيش انا واثقة في قدراتك... ثم امسكت يد يحيي.... ياله سلام ثم قبلت نادين و حنان ورحلت و لم يتواصلوا من وقتها
Back
يحيي :وماما اتوفت في استراليا بس قبل ماتموت وصتني اني الاقيها و اخد بالي منها هيا ووالدتها و كتبتلي ورقة بعنوانهم بس لما رحت مكنوش موجودين لانهم سابوا بتهم و اتهد
محمد :بس انت طلعت ناصح و عرفت توصل برضوا
يحيي بغضب:انت لسا ليك عين تتكلم يا راجل يا بجح... قوم امشي اطلع بره ثم طرده بمنتهي الاهانه وجلس مكانه مرة اخري ووضع يده علي وجهه بتعب و هو يتذكر عندما جاء من استراليا و ذهب الي حيهم الذي يقتنون به و اخبره صاحب احدي المحلات انهم باعوا منزلهم بعد خطوبة إبنتها فسأله يحيي عن عنوان خطيبها اخبره صاحب المحل انه لايعرف سوي اسمه شريف انور و عندما بحث عنه يحيي علم انه لديه شركة و يبحث عن موظفين فذهب له يحيي و قدم في احدي الوظائف هناك و بالفعل قبلوه بها و عندما لم يجد اي معلومة تدله علي اخته اتضطر الي خطوبة سكرتيرته حتي يجمع عنه معلومات و لم يرد ان يخبره انه اخوها حتي لا يكشف قصة والدهم امام خطيبها و يتركها و في يوم من الايام كان يحيي جالس ليري عمله فوجد الموظفين يتهامسون ان خطيبة يحيي تعمل معهم فذهب يحيي بهدؤ وقف بعيد عن مكتبها قليلا و ابتسم كم هي جميلة و ملامحها لم تتغير كثيرا ولكنه لم يرد ان يخبرها بحقيقته الا بعد ان تتزوج وخصوصا ان شريف قد اعلن زواجهم بعد اسبوعين ولا يعلم اذا اخبرها ماذا ستكون ردة فعلها و هو لا يرير ان يؤثر عليها قبل عرسها و لكنه لم يستطع اخبارها لانه علم ان الزواج لم يتم بسبب اختفاء نادين من العرس و علم منذ عدة ايام انها تزوجت بأحمد الاسيوطي ..... قام يحيي و اتجه الي غرفته لينام فيومه كان ملئ بالاحداث و لكنه قبل ان يغفوا تذكر تلك الفتاه الغريبة التي قامت بإصاله اليوم و ابتسم علي شكلها عندما قالت انها تستطيع الدفاع عن نفسها ثم نام و هو يعيد احداث يومه مرة اخري
~~~~~~~~~~~~~~~
في صباح يوم جديد استيقظ علي علي صوت رنين هاتفه و عندما نظر اليه وجد اسماء
اسماء :السلام عليكم
علي بإبتسامة :و عليكم السلام يا قلب علي
اسماء بخجل :انت لسا نايم لحد دلوقتي... دا الضهر اذن... قوم ياله و فوق كده و بعدين انا عايزة اشوفك بقالك كتير اوي مش بتيجي
علي : حاضر يا ستي ساعتين كده و جاي اقعد معاكي شوية
اسماء :وانا هستناك ثم اغلقت هاتفها و ذهبت لتستعد و ترتدي ملابسها الرسمية و خمارها و بعد مرور ساعتين وجدت الباب يطرق و كان علي و يحمل في يده بوكيه ورد جميل
اسماء بإبتسامة :اتفضل
دخل علي و قامت ام نادين لتسلم عليه و ترحب به و بعد حوالي نصف ساعة
الام :بعد ازنك يا بني انا داخلة اريح شوية اصلي تعبانه والبيت بيتك انت مش غريب ثم دخلت و كانت اسماء تنظر لها بمعني ان لا تتركهم بمفردهم و لكن الام نظرت لها بعدم فهم و دخلت الي غرفتها
كان علي يلاحظ اشارتها الي خالتها فشعر بالضيق منها
اسماء بإحراج :دقيقة وراجعة
امسكها علي من يدها و اجلسهامرة اخري :استني يا اسماء رايحة فين انا جاي اقعد مع مراتي شوية و عادي نقعد لوحدنا و مكنش ليه لزوم الحركات العبيطة اللي عملتيها لخالتك دي
اسماء :مينفعش يا علي نقعد لوحدنا
علي بعصبية :انتي بتقولي ايه يا اسماء... انتي مراتي و بعدين مش كفاية انك قاعدة قدامي بالخمار
اسماء بغضب هي الاخري :و حضرتك بقي عايزني اقعد معاك بقميص النوم
علي :انا مقلتش كده علي الاقل البسي طرحة عادية او اقعدي جنبي مش قاعدة و والمكان بيني و بينك ممكن يقعد فيه تلاتة... يا اسماء انا مش متعود علي كده و عشان كده طلبت اننا نكتب الكتاب عشان نبقي براحتنا
اسماء بغضب :هو انت فاكرني زي الاشكال الزبالة اللي انت كنت تعرفها اللي تقعد تتمايع و هي بتتكلم... و بعدين اذا كنت انت واحد بقي عايش بره و عندك الحاجات دي عادي فأنا مش كده
وقف علي :براحتك يا اسماء ثم خرج بدون و لا كلمة
ظلت اسماء مكانها و هي مصره انها لم تفعل شئ خاطئ فهي لم تربي علي ذلك
~~~~~~~~~~~~~~
عند يحيي كان يحاول الاتصال بمليكة و لكنها لا تجيب.. كانت مليكة تستعد لجلسة التصوير و ارتدت احد الفساتين و كان هاتفها يرن و عندما وجدته يحيي جعلت الهاتف علي وضع الصامت و اتجهت لتري عملها وكانت تشعر ان قلبها مكسور بشدة و لكنها يجب ان تكون قوية فيجب ان تحمد ربها انه قد كشف لها و عندما انهت جلسة التصوير اخذت اغراضها و ذهبت الي شركة شريف و هناك عندما دخلت وجدت شريف يقف في منتصف الشركة و يبدوا عصبي جدا اليوم فلم تهتم مليكة و ذهبت الي مكتبها لتري عملها فوجدت شريف يدخل عليها بغضب :النظام ده مش هينفع لازم تشوفيلك حل
مليكة و هي تحاول كبح دموعها :حاضر
شريف وهو يعقد حاجبيه :انتي كويسة
مليكة :اه كويسة
اتجه لها شريف خلف مكتبها و نزل علي ركبتيه امامها ورفع وجهها الغارق بالدموع ونظر في عيونها :ممكن اعرف مالك
مليكة بحزن :انا و يحيي هننفصل
شريف بفرحة :يا شيخة دانا قلت في حاجة مهمة و قعتي قلبي
مليكة بذهول :نعم!!!!
شريف :يروح يحيي يجي مكانوا الف ولا انتي ايه رأيك
مليكة بإرتباك :بعد اذن حضرتك عايزة اشوف شغلي
تركها شريف و خرج و هو سعيد للغاية لانها انفصلت عن يحيي و هو بالاصل لم يكن مرتاح له و يشعر انه يخبئ شئ خطير
~~~~~~~~~~~~~~~
عند يحيي عندما لم تجب مليكة ظن انها من الممكن ان تكون مازالت تعمل فرجع هو الاخر الي عملة و بعد قليل وجد احد الموظفين يخبره ان هناك ثفقة كبيرة تمت مع احدي الشركات و ان مدير حسابتها بالخارج يريد مقابلة يحيي فأذن له يحيي بالدخول
يحيي :اهلا وسه...
لم يكمل يحيي كلامه بسبب صدمته
ليلي :مساء الخ.... هو انت
يحيي بصدمة :انتي
ليلي :اه انا يا خويا... انت بتعمل ايه هنا
يحيي :انا مدير حسابات الشركة هنا
ليلي :وانا مديرة حسابات شركة بابا... ثم جلست امامه بتكبر ووضعت ساق علي اخري يالا نبدأ
يحيي :بقولك ايه يا بت انتي لو عايزانا نشتغل مع بعض من غير مشاكل يبقي تبطلي عنطظتك دي و تتعدلي معايا
ليلي بغضب :انت ازا
يحيي بحزم :لما تتكلمي معايا تنزلي رجلك انا مش بشتغل عندك
ليلي بغضب :انت لولايا امبارح كان زمانك نايم في الشارع
يحيي بإبتسامة :اظن ان انتي قلتي ان واحدة قصاد واحدة يعني انتي ملكيش فضل عليا... صحيح متعرفناش انا يحيي
ليلي :وانا ليلي و بالنسبالك انسة ليلي
نظر لها يحيي بغيظ مكتوم ثم بدأ عمله
في المساء كان قد انهي يحيي عمله و حاول الاتصال علي مليكة مرة اخري و لكنها لا تجيب فقلق عليها و قرر ان ينتظرها تحت شركة شريف فأخذ تاكسي و ذهب الي هناك
كانت مليكة قد انهت عملها و عندما كانت ستوقف تاكسي وجدت يحيي يأتي خلفها
يحيي :مش بتردي ليه خوفتيني عليكي ؟
مليكة :انا مش عايزة اشوف وشك تاني انت واحد كداب
يحيي بصدمة:انا!!!!
مليكة:ايوة انت و اتفضل امشي بقي بدل ما اعملك فضيحة و كانت ستذهب و لكنه امسكها من يدها فصرخت مليكة بشدة :اااللللححححققققووونننااايييي هههيييخخططففننييييي
تجمع الناس حولهم سريعا فقال احد الواقفين بغضب :ياخي حرام عليكوا بنات الناس اللي انتوا بتخطفوا فيهم و توجعوا قلب اهاليهم عليهم
قالت امرأه :اخيرا مسكوا حد منكوا يا تجار الاعضاء خفوا بقي شوية عقبال باقي زمايلك ثم ذهبت الي مليكة و اخذتها في احضانها.. اهدي يا حبيبتي هيخدوه علي القسم حالا و هيعترف علي باقي زمايلوا في العصابة
كان يحيي ينظر لهم بصدمة :يجماعة دي خطيبتي
لم يصدقوه و اخذوه هو مليكة علي القسم
~~~~~~~~~~~~~~
عند قد ارسل الي منه :اوعي تكوني لسا زعلانه.. هو ميستهلكيش يا منه....انا هعدي عليكي هسهرك سهرة تحفة
منه بحزن :تمام
استعد علي و ذهب الي منه في منزلها و اخذها الي احدي المطاعم الراقية
وعندما دخلت منه فنظرت حولها بإستغراب
علي :اصلي حجزت المكان لينا و بس ثم اخذ يدها و جلسوا علي الطاولة المجهزة لهم و طلبوا العشاء
علي :تسمحيلي بالرقصة دي
لم ينتظر يحيي موافقتها و انما جذبها من يدها و اتجهوا للرقص و كانوا يرقصون علي انغام اغنية رومانسية جدا شعر علي و كأنه في عالم اخر يشعر انه طائر من السعادة و هو معها ثم اقترب من اذنها كالمغيب انتي جميلة اوي يا منه ثم ابتعد عن اذنيها و نظر لها في عيونها و اقترب منها و قبلها فدفعته منه بغضب و صفعته علي وجهه بشدة ثم ذهبت الي طاولتهم لتأخذ حقيبتها فأمسكها علي من يدها
علي بعصبية :خلاص يا منه محصلش حاجة... انتي مكبرة الموضوع
لم تدري منه بنفسها الا وهي تسحب أحد الكؤوس من علي الطاولة و تكسرها علي رأسه و لحسن الحظ انه كان كأس خفيف فلم يؤذي علي ثم تركته منه و ذهبت و ظل هو واقف مكانه بغضب
اتجهت منه و اخذت تاكسي فخرج علي من المطعم و اتجه خلفها و كان يحاول قطع الطريق عليهم و بالفعل نجح
السائق:في ايه يا عم هو محدش ركب عربيات غيركوا
لم يعيره علي اي اهتمام انما اتجه الي الباب الخلفي و فتحه وجذب منه بالغصب و هي تحاول جذب يدها منه و ادخلها الي سيارته و رمي للسائق حسابه
~~~~~~~~~~~~~
عند نادين كان أحمد مازال في عمله في حين رن جرس الباب كانت نادين جالسة في الحديقة في حين وجدت فريدة تاتي بعصبية :انتي ايه اطرشتي مش سامعة الباب قومي افتحي لان مفيش حد من الخدم هنا
نادين :والله انا مش شغالة عندك و لو الباب عاملك ازعاك روحي انتي افتحيه
فريدة بغضب :ماشي انا هوريكي ثم اتجهت لتفتح الباب
فريدة بعصبية :نعم عايز مين
محمد :انا ابو نادين قوليلها والدك عايزك.
¤¤¤¤¤¤¤¤¤¤¤¤¤¤¤¤¤¤
حابة بس اوريكوا حاجة شوفتها علي جروب الواتس بتاع دفعتي قبل الفيديوهات
لكل البنات لو سمحتم فى حالات خطف على اعلى مستوى الايام دى لازم تقرؤوا الكلام ده كويس جدا
علشان نتجنب حالات الخطف
- لو لقيتي واحدة بتقولك يا بنتى كلميني عيب كدة أنا زى أُمك مترديش عليها
- محدش ياخد أى ورقة فية ريحة بيرفيوم من أى حد حتى لو قالك المحل جديد و ياريت تجربوا معانا أى نوع بيرفيوم الله أعلم أول ما بتشمية بيكون مُخدر و لا أي
- لو ركبتى ف الميكروباص ولقيتي واحدة جمبك بتقولك إلحقى يا بنتي في حاجة علي هدومك صوتي ولمى عليها الناس لإن بيكون معاها واحدة وراها بتحطلك حاجة مخدرة علي الهدوم و إنتى بحُسن نية بتمسحيها بإيدك و بتشميها فبيُغمى عليكي وتقول للسواق دى تبعى وأغمى عليها وبعدين تاخدك و كان الله بالسر عليم
- لو لقيتى طفل صُغير بيعيط فالشارع و بيقول أنا تايهة ملكيش دعوة بية أبوس إيدك
- لو لقيتي ست كبيرة سواء قد مامتك أو نينتك واقعة فالشارع و بتصوت و عايزة مُساعدة بالله عليكي لتخليكي فـي حالك أظُن الرجالة كُلها هتكون موجودة فالشارع بلاش دور طرزان يظهر علشان بردو إنتى اللي هتتاخدى
- لو واحدة وقفتك و قالتلك يا بنتي أروح إزاى للعنوان دا برضو مترديش لو قالتلك ممكن تقريلى الورقة دى برضو متروديش
- ماتقفيش جنب أى تومنايه أو توكتوك أو تاكسى أو ميكروباص فاضى من فضلك
- يوم ما تلاقى أى قلق من فضلك يا بنت الناس متبصيش و لا تقفى تتفرجى أمشى علي طول
• أخيراً نصيحة ليكي لوجهة الله
-- بلاش دور الحماسة و الشهامة ياخدك و تساعديهم لإنك إنتى اللى هتتخدى معلش يا بنتي اللى بيعمل خير دلوقتي بيتخطف سامعة بيتخطف !
وربنا يسترها علينا كلنا 🙏
- ياريت تبعتيها لكل اللي عندك علشان الموضوع بجد بقا مرعب ومنتشر بطريقة غبية جدااا
ربنا يسترها علينا كلنا
¤¤¤¤¤¤¤¤¤¤¤¤¤¤
نججججججوم ورأيكم 😘😘😘
نادين و أحمد
علي ومنه