Chapter (16) - အိပ္ယာဝင္ အနမ္းမေပးလို႕ အလုိမက်ျဖစ္ေနေသာ အကိုႀကီး (Z+U)
ဒါက ပထမဆုံး သူတို႔ႏွစ္ေယာက္ လက္ခ်င္းတြဲမိတာ မဟုတ္ဘူးလား။ ဘယ္လိုျဖစ္ၿပီး အခုလို အဆုံးသတ္သြားရတာလဲ။
ရႈနင္သည္ လူခ်င္းခြာၿပီး အိမ္ေပၚကို ခပ္သြက္သြက္ထြက္သြားလိုက္သည္။ ဧည့္ခန္းထဲတြင္ ဧည့္သည္မ်ားေရာက္ေနၿပီး သူ႔ကို ဘယ္သူမွ သတိမထားမိခင္ အိမ္ေပၚကို အေျပးလႊားထြက္လာရသည္။ တကယ္ေတာ့ သူက ဒီ ရႈအိမ္ေတာ္က တရားမဝင္သား တစ္ေယာက္၊ လူတိုင္း မ်က္စိစပါးေမြးစူးစရာ ကေလးတစ္ေယာက္ မဟုတ္လား။
အေဖက အကိုႀကီး ရႈဟိန္ကို အခ်စ္ဆုံးျဖစ္ၿပီး အေမက ေနာက္ေမြးလာမယ့္ သားငယ္ ရႈေယာင္းကို အခ်စ္ဆုံးျဖစ္သည္။ သူကေရာ....။ သူ႔ကို အေဖေကာ အေမေကာ အရာမသြင္းၾကေပ။ သူေကာ သားအရင္း မဟုတ္လို႔လား။ အရင္ဘဝကဆိုရင္ ဧည့္သည္မ်ားလာပါက သူက မျမင္ကြယ္ရာမွာပုန္းေနရၿပီး ရႈဟိန္ႏွင့္ ရႈေယာင္းတို႔က ဧည့္သည္ကို ထြက္ကာ ဧည့္ခံစကားေျပာရသည္။ သူ႔အေနထားက အိမ္မွာ သိမ္ငယ္ကာ ေနာက္ဆုံး company ကို ဝင္ႏိုင္သည့္အခါမွ ေနရာ နည္းနည္းရခဲ့သည္။ ထိုအခါမွ အေမက သူ႔ေနာက္မွာ ရပ္တည္ၿပီး အကိုႀကီးႏွင့္ အတိုက္ခံလုပ္ကာ ေနရာရေအာင္ ကူညီေပးခဲ့သည္။ အေမရဲ႕ ေသြးထိုးမႈေၾကာင့္ ရႈနင္က အကိုႀကီးကို ပိုပိုမုန္းကာ ရန္သူလိုမ်ိဳး ေနာက္ကြယ္ကေန မ်ိဳးစုံ ေႏွာက္ယွက္ခဲ့သည္။ အေမက သူ႔ကို ခုလို ျဖစ္ေအာင္ လႈံ႕ေဆာ္ခဲ့တာက ေနာက္ဆုံး ရႈေယာင္းအတြက္ဆိုတာ သူက တုံးအၿပီး ဘာမွ မသိခဲ့ေပ။ အေမ့လက္ထဲမွာ ႐ုပ္ေသး႐ုပ္ျဖစ္ခဲ့ၿပီး လူဆိုး တစ္ေယာက္ျဖစ္ခဲ့သည္။
ဧည့္ခန္းထဲက ပရိတ္သတ္မ်ားက တေယာသံနားဆင္လိုက္၊ ဝိုင္ေသာက္ၿပီး စကားစျမည္ေျပာလိုက္ႏွင့္ ရယ္သံမ်ားလည္း ထြက္ေပၚေနသည္။ မီးေရာင္ထိန္လင္းေနသည့္ ဧည့္ခန္းမႀကီးက ေပ်ာ္စရာ အတိဖုံးေနသလိုထင္ရသည္။
ရႈဟိန္သည္ ဧည့္ခန္း အဝနားတြင္ရပ္ေနရင္း ရႈနင္ ဆုပ္ကိုင္သြားသည့္ သူ႔လက္ကို ျဖန႔္ကာ စိုက္ၾကည့္ေနမိသည္။ ဒီလက္ကို ေသးငယ္ႏူးညံ့ေသာ လက္ေလးက လာေရာက္ဆုပ္ကိုင္လိုက္စဥ္ သူ႔ရင္ထဲ ထူးထူးျခားျခား ခံစားလိုက္ရသည္။ ရႈနင္ဆီက အားကိုးျခင္း၊ ခ်စ္ခင္ျခင္း တို႔ကို ဒီအေတြ႕မွ ရလိုက္သျဖင့္ ရႈဟိန္ ေၾကာင္ အမ္းအမ္းျဖစ္ေနမိသည္။ ဒါေပမယ့္ သူေခါင္းငုံ႔ထားေသာေၾကာင့္သူ႔မ်က္ဝန္းထဲက ခံစားမႈကို ဘယ္သူမွ မျမင္ေအာင္ ဖုံးကြယ္ထားလိုက္ႏိုင္သည္။
" ေရွာင္ဟိန္...သား... ဒီမွာ ဘာလုပ္ေနတာလဲ...လာ.. ဒီမွာ မင္းရဲ႕ အန္ကယ္ခ်န္းနဲ႔ စကားေျပာပါဦး "
ရႈခ်ိန္က သူ႔သားႀကီးႏွင့္ သားငယ္က ဘာေၾကာင့္အခန္းထဲက ထြက္သြားၿပီး အျပင္မွာ လမ္းေလွ်ာက္ေနသလဲဟု ေတြးကာ ထူးဆန္းေနသည္။ ဒါေပမယ့္ အခု မိတ္ဆုံစားပြဲတြင္သားႀကီးကို ပြဲထုတ္ကာ စီးပြားေရးလုပ္ငန္းေလာကထဲ သြင္းေတာ့မည္ျဖစ္လို႔ သိသင့္သူမ်ားႏွင့္ ေခၚကာ မိတ္ဆက္ေပးလိုက္သည္။ တကယ္ေတာ့ သူ႔သားငယ္ရႈနင္ အျပင္က ျပန္လာသည္ကို ရႈခ်ိန္ လုံးဝမသိလိုက္ေပ။ ဒီအေၾကာင္းကို ရႈဟိန္က ေကာင္းေကာင္း ဖုံးထားေပးခဲ့သည္။
ရႈနင္က ဒုတိယ ထပ္ကို ေရာက္သြားေတာ့ မထင္မွတ္ပဲ အိမ္ေတာ္ထိန္းႏွင့္ တိုးေတာ့သည္။
"အိမ္ေတာ္ထိန္းႀကီး ေအာက္ထပ္ ဧည္ခန္းမႀကီးမွာ မေနဘူးလား "
" ဦးေလးက အိုၿပီေလကြယ္။ ဒါေၾကာင့္ အိမ္ေတာ္ထိန္းရာထူးကို ဦးေလးရဲ႕ ဒုတိယသား ဆြန္းေဟာက္ရန္ကို လႊဲေပးလိုက္ၿပီ။ ဦးေလးက အခု အဖိုးရဲ႕ ေဝယ်ာဝစၥကိုပဲ လုပ္ေတာ့မယ္။ ဦးေလးမွာ သားႀကီးက ဆြန္းေဟာက္က်ယ္၊ သမီးအငယ္က ျပင္သစ္မွာ စာသင္ေနတယ္။ ဒါေၾကာင့္ ဒုတိယ သခင္ေလး အခုကစၿပီး ဦးေလးကို အန္ကယ္ဆြန္းလို႔ပဲ ေခၚပါေတာ့။ "
အိုး....ဒါက အိမ္ေတာ္ထိန္းေဟာင္းႀကီးက သူ႔ကို အသိမွတ္ျပဳၿပီး ေသခ်ာလာေျပာျပတာေပါ့။ ဒါက အတိတ္ဘဝတုန္းကနဲ႔ မတူသျဖင့္ ရႈနင္၏ ရင္ထဲ လႈိင္းေလးတစ္ခုလႈပ္ခါလာခဲ့သည္။
" အန္ကယ္ဆြန္း..ကြၽန္ေတာ္ကို လာေစာင့္ေနတာလား "
" ဟုတ္တယ္။ အန္ကယ္ဆြန္းကို ပထမ သခင္ေလးက ဒီမွာ လာေစာင့္ခိုင္းထားတာ။ ပထမ သခင္ေလးက သခင္ေလးကို ေအာက္ဆင္း တဲ့အခါ ခ်န္းမ်ိဳးႏြယ္ ဧည့္သည္နား သိပ္မကပ္ဖို႔ ေျပာခိုင္းလိုက္လို႔ပါ။ လူႀကီးမင္းခ်န္းက ခ်န္းမိသားစုရဲ႕ အႀကီးကဲျဖစ္ၿပီး အခု ပါတီကိုလာတာက ေျမယာလဲလွယ္ေရးအတြက္ေၾကာင့္ျဖစ္တယ္။ သူက အင္မတန္ကို ဉာဏ္မ်ားတဲ့ ေျမေခြးအိုႀကီးျဖစ္လို႔ ဒုတိယ သခင္ေလးကို ျမင္သြားရင္ တခုခု သတင္းအစ္မွာစိုးလို႔ သူနဲ႔နီးတဲ့ေနရာ မေနပဲ ခပ္ခြာခြာ ေနဖို႔ လာေျပာတာပါ။ "
အကိုႀကီး၏ ဂ႐ုစိုက္မႈကို ခံစားလိုက္ရေသာေၾကာင့္ ရႈနင္၏ ရင္ထဲ ေႏြးေထြးသြားခဲ့သည္။ ခ်န္းရွန႔္တုံး ဆိုသည့္ အဖိုးႀကီးကို ရႈနင္ ေသခ်ာသိသည္။ ဒီလူက ရႈခ်ိန္၊ ရႈဟိန္တို႔လို လူမ်ိဳးကမွ ေကာင္းစြာကိုင္တြယ္ ယွဥ္ၿပိဳင္ႏိုင္ေသာ ဉာဏ္မ်ားသည့္ ေျမေခြးအိုႀကီးျဖစ္သည္။ အရင္ဘဝက ခ်န္းရွန႔္တုံးႏွင့္ ပတ္သတ္မိေသာေၾကာင့္ ရႈနင္က အေရခြံခြာခံရမလိုျဖစ္သြားခဲ့ရၿပီး အခုခ်ိန္ထိ ျပန္ေတြးရင္ ရွက္ေၾကာက္မိေနဆဲျဖစ္သည္။ အခုဘဝေတာ့ ဒီလို အျဖစ္ ဘယ္ေတာ့မွ မျဖစ္ႏိုင္ေတာ့ေပ။ ရႈနင္က အိမ္ေတာ္ထိန္းေဟာင္းႀကီးကို ေမးလိုက္သည္။
" အန္ကယ္ဆြန္း... ေျမယာလဲလွယ္တယ္ ဟုတ္လား။ အဲ့ဒါ ဘာေတြလဲဟင္.. ကြၽန္ေတာ့္ကို ေျပာျပပါဦး။ "
ြဆြန္းလင္းက ဒုတိယ သခင္ေလး၏ သိလိုစိတ္ကို ၿပဳံးၾကည့္ကာ ေျပာျပလိုက္သည္။
" သခင္ႀကီး ရႈခ်ိန္က ဒီသတင္းကို ဘယ္က ၾကားလာသလဲ မသိဘူး။ ရႈမိသားစုက လိုခ်င္ေနတဲ့ ေျမယာအပိုင္းမွာ ျပသနာတစ္ခုရွိတယ္လို႔ေျပာတယ္။ ဒါေၾကာင့္ ရႈမိသားစုက ယူမယ္လုပ္ထားတဲ့ ေျမယာအပိုင္းကို အျခားအပိုင္းနဲ႔လဲလွယ္ဖို႔ လုပ္ေနတယ္။ ဒီအေၾကာင္းကို လူေတြသံသယ မဝင္ဖို႔ သခင္ေလး ရႈဟိန္ကို စီးပြားေရး အေတြ႕အႀကဳံရေအာင္ ဆိုတဲ့ ရည္႐ြယ္ခ်က္နဲ႔ အခု ေျမလွဲတာကို ဦးေဆာင္ လုပ္ခိုင္းလိုက္တယ္။ ဒါဆိုရင္ လူေတြလည္း သံသယမဝင္သလို ရႈအိမ္ေတာ္က ဆုံးရႈံးသြားမယ့္ ဂုဏ္သိကၡာလည္း ကာကြယ္ၿပီးသားျဖစ္သြားၿပီ။ ခဲတစ္လုံးနဲ႔ ဌက္ႏွစ္ေကာင္ကို ပစ္လိုက္သလိုပဲေပါ့။ "
"အဲ့ဒီလိုလား.... "
ရႈနင္က သေဘာက်စြာေျပာလိုက္သည္။ သူက အဝတ္စားလဲလွယ္ၿပီး အိမ္ေတာ္ထိန္းေဟာင္းႀကီး အန္ကယ္ ဆြန္းလင္းကို ႏူတ္ဆက္ကာ ေအာက္ကို ျဖည္းညႇင္းစြာ ဆင္းလာခဲ့သည္။
သူက ႀကီးေဒၚႏွစ္ေယာက္ကိစၥကို ဘယ္လို ကိုင္တြယ္ေျဖရွင္းရမလဲ လို႔ အသည္းအသန္စဥ္းစားေနရခ်ိန္တြင္ အေဖက ရႈအိမ္ေတာ္ကို ေအာက္ထိ ဆြဲခ်သြားေစမယ့္ ျပသနာႀကီးကို အကိုႀကီးလက္ထဲ လႊဲထည့္လိုက္ၿပီး ေအးေအးေဆးေဆး ေျဖရွင္းသြားခဲ့သည္။ နတ္ဘုရားစြမ္းရည္ ရွိသူမ်ားႏွင့္ သာမန္လူမ်ား၏ ကြာျခားခ်က္က ႀကီးမားလွေပသည္။ အခု အကိုႀကီးရႈဟိန္က စီးပြားေရး စတင္လုပ္ဖို႔ အေတြ႕အႀကဳံယူသည့္အေနျဖင့္ လုပ္သည္ ဆိုပါက ေနာက္ပိုင္း ခ်န္းမိသားစုက အရႈံးနဲ႔ရင္ဆိုင္ရခ်ိန္မွာ ရႈမိသားစု အႀကီးကဲမ်ားကို အျပစ္ဖို႔လို႔မရေတာ့သလို လူငယ္ေလး ရႈဟိန္၏ လက္ထဲမွာ ရႈံးနိမ့္ခဲ့သည့္ ဆိုသည့္ သတင္းက သူတို႔ကို အရွက္ရေစမယ့္ အျဖစ္တစ္ခုျဖစ္သြားေပလိမ့္မည္။ ဒါက ခ်န္း မိသားစုကို တခါတည္း ဦးခ်ိဳးခ်လိုက္သလိုျဖစ္ေပမည္။ ၿပီးေတာ့ အကိုႀကီးရႈဟိန္က company ထဲဝင္ၿပီး Director ရာထူးကို ရယူခ်ိန္မွာ ဘယ္သူမွ မကန႔္ကြက္ႏိုင္ေတာ့ေပ။ အကိုႀကီးရႈဟိန္၏ အရည္ခ်င္းကိုလည္း သက္ေသျပၿပီးျဖစ္သြားလိမ့္မည္။ ေျမေခြးအိုႀကီး ခ်န္းရွန႔္တုန္းက အရႈံးကို ရင္ဝယ္ပိုက္လိုက္ရရင္ ရွက္လို႔ ေသသြားမလားေတာင္ မသိဘူး။
သူ႔အေမ ခ်င္ယြိက်ိဳးက အာဏာပါဝါ ရဖို႔ ေအာက္တန္းက်က် ဘယ္ေလာက္ပဲ ႀကိဳးစားေပမယ့္ တန္ရာတန္ရာပဲ ရတာပဲ ..ဒါက ကတုံးေပၚ ထိပ္ကြက္ ခံရတာမဟုတ္ဘူးလား...... ဟား...ဟား...ဟား...
အဓိက ကေတာ့ သူ႔အေဖ ရႈခ်ိန္က တကယ့္ကို ရႈမိသားစု ေခါင္းေဆာင္ေကာင္းပီသ သူပဲျဖစ္သည္။ အခု ရႈမိသားစုရဲ႕ေျမယာအပိုင္းကို အျခားမိသားစုရဲ႕ေျမနဲ႔ လဲလွယ္ဖို႔ လုပ္လိုက္တဲ့အကြက္က အင္မတန္ကို လွပသည္။ သူ႔အေဖ က S ၿမိဳ႕၏ ထိပ္သီး စီးပြားေရးလုပ္ငန္းရွင္လို႔ ေျပာလို႔ရသည္။ သူ႔အေဖက လက္ေျမႇာက္ လိုက္တာနဲ႔ ေလေတြ မိုးေတြကို ဆင့္ေခၚလို႔ရတဲ့ နတ္ဘုရားလို စြမ္းရည္မ်ိဳးရွိသူျဖစ္သည္။
လက္ရွိမွာ သူတို႔ၿမိဳ႕မွာ ေဟာ္မိသားစုက အင္အားအႀကီးဆုံးျဖစ္ၿပီး ရႈမိသားစုနဲ႔ ခ်န္းမိသားစုက ဒုတိယ အင္အားအႀကီးဆုံးျဖစ္သည္။ အရင္ဘဝကေတာ့ ရႈမိသားစုက တတိယေျမကြက္အပိုင္းနဲ႔ပတ္သတ္ၿပီး အရႈံးႀကီးရႈံးလို႔ အေႂကြးမ်ားစြာတင္ၿပီး ရႈမိသားစု အင္အားက်ဆင္းကာ ခ်န္းမိသားစုက ပိုမိုအင္အားႀကီးထြားလာခဲ့သည္။ အခုဘဝမွာေတာ့ သူ႔အေဖရဲ႕ လုပ္ေဆာင္ခ်က္ေၾကာင့္ ရႈမိသားစုက ဆုံးရႈံးမယ့္ ေဘးက လြတ္သြားၿပီး ခ်န္းမိသားစုက ေသခ်ာေပါက္ က်ဆင္းရေတာ့မွာျဖစ္သည္။
ေဟာ္မိသားစုက အင္အားအႀကီးဆုံးျဖစ္လာတယ္ဆိုတာကလည္း သူတို႔ အျမတ္ရႏိုင္တဲ့ အခြင့္ေရးေၾကာင့္ျဖစ္သည္။ ဒါေပမယ့္ ရႈမိသားစုက ဒုတိယ နယ္ေျမအပိုင္းေတြကို ရရွိၿပီး တိုးတက္လာခဲ့လွ်င္ ေဟာ္မိသားစုကို ပုခုံးခ်င္း ယွဥ္လာႏိုင္ေတာ့မွာ ေသခ်ာသည္။ ခ်န္းမိသားစုကေတာ့ တတိယ ေျမယာအပိုင္းေၾကာင့္ ေငြမ်ားစြာ ေခ်းယူရေတာ့မည္။ ထိုအခ်ိန္ ခ်န္းမိသားစုကို အတိုက္ခံလုပ္ဖို႔ ဘယ္မိသားစုမွ အမိုက္ခံမည္မဟုတ္ေပ။ ဒါေၾကာင့္ ရႈမိသားစုက ရႈဟိန္ကို ေခါင္းေဆာင္တင္ကာ ထိုကိစၥကို ကိုင္တြယ္ေစတာ အေကာင္းဆုံးနည္းျဖစ္သည္။ 18 ႏွစ္အ႐ြယ္ လူငယ္ေလး တစ္ေယာက္ ေၾကာင့္ ခ်န္းမိသားစု ခုလို ရႈံးနိမ့္သြားရတယ္ဆိုရင္ သူတို႔ က ရႈမိသားစုက တမင္သက္သက္ ညစ္ၿပီး မေကာင္းသည့္ ေျမကို ထိုးေပးလိုက္သည္ဟု စြပ္စြဲလို႔မရေတ့ာေပ။
ခ်င္ယြိက်ိဳးကို အရင္က ဒီေျမကိစၥ လုပ္ခြင့္ေပးခဲ့ေပမယ့္ အခုေတာ့ ရႈဟိန္ကို ဦးစီးခြင့္ေပးလိုက္သည္။ လုပ္ရမည့္အစီစဥ္ေတြကလည္း ခ်င္ယြိက်ိဳး စီစဥ္ထားသည္ႏွင့္ လုံးဝဆန႔္က်င္ဘက္ျဖစ္သည္။ ေျပာရမည္ဆိုလွ်င္ ဒုတိယ မယားကို အိမ္ထဲ ေခၚသြင္းလာမိသည့္အတြက္ ရႈခ်ိန္က သူ႔ အမိမဲ့သားႀကီး ရႈဟိန္ကို ဘယ္လိုမွ မ်က္ႏွာအငယ္မခံေပ။ ခ်င္ယြိက်ိဳးကိုသာ မ်က္ႏွာ အပ်က္ခံမည္။ ဒါေၾကာင့္ ဒီေျမယာႏွင့္ပတ္သတ္တာကို ဘာမွ အေၾကာင္းျပခ်င္မေပးပဲ ရႈဟိန္လက္ထဲကို တခါတည္း ထည့္ေပးလိုက္သည္။
ဒီလုပ္ရပ္က ရႈဟိန္အတြက္ အရည္ခ်င္းအတြက္သက္ေသျပခြင့္ ေပးလိုက္တာျဖစ္သလို ေနာင္ company ထဲ ဝင္လာခ်ိန္ ဘယ္သူမွ မဆန႔္က်င္ရဲေအာင္ လုပ္လိုက္တာပဲျဖစ္သည္။
ဒီအျဖစ္က ခ်င္ယြိက်ိဳးကို ပါးျဖတ္႐ိုက္လိုက္သလိုျဖစ္ၿပီး သူမက company ထဲမွာ မ်က္ႏွာပ်က္ အရွက္ရခဲ့သည္။ ဒါေပမယ့္ သူမက ဧည့္ပရိတ္သတ္ေရွ႕တြင္ ဘယ္လိုမွ မ်က္ႏွာမပ်က္ေစပဲ ခ်ိဳျမစြာၿပဳံးက ရႈခ်ိန္ေဘးကေနၿပီး မယားေကာင္းတစ္ေယာက္ မိခင္ေကာင္းတစ္ေယာက္လို သ႐ုပ္ေဆာင္ကာ ဧည့္သည္မ်ားကိုဧည့္ခံ ေနသည္။ လွပၿပီး ထက္ျမက္ေသာ ခင္ပြန္းကို ႐ိုက်ိဳးေသာ ဇနီးေကာင္းကဲ့သို႔ လူေရွ႕မွာ သ႐ုပ္ေဆာင္ေနေပမယ့္ ရႈနင္က သူ႔အေမ အေၾကာင္းကို အသိဆုံးျဖစ္သည္။ သူမက ေဒါသထြက္ေလ အၿပဳံးက ပိုခ်ိဳေလျဖစ္သည္။
ရႈနင္က ျပပြဲႀကီးကို စိတ္ဝင္တစား ေစာင့္ၾကည့္ေနသည္။ ခ်င္ယြိက်ိဳး အေနျဖင့္ သူမ ေယာက်ာ္း ရႈခ်ိန္က ဘာမွ ႀကိဳမေျပာပဲ ႐ုတ္တရက္ ညေနပါတီက်မွ ရႈဟိန္ကို လုပ္ပိုင္ခြင့္ အားလုံးလႊဲေပးလိုက္သည္ကို ေတြ႕ရေသာ အေသြးအသားထဲက ေဒါသေၾကာင့္ တဆတ္ဆတ္တုန္ေနေပမယ့္ သူမ ေယာက်ာ္း၏ စိတ္ေန စိတ္ထားကို သိသျဖင့္ မ်က္ႏွာမပ်က္ဝံ့ပဲ အၿပဳံးမပ်က္ နားေထာင္ကာ ရႈဟိန္ကို ခ်ီးက်ဴးစကားပင္ေျပာေပးေနသည္။ သူမ ကို မနာလိုျဖစ္ေနသည့္ လုပ္ေဖာ္ကိုင္ဖက္မ်ားက တမင္သက္သက္ ပါတီကိုလာၿပီး သူမ၏ က်ရႈံးခန္းကိုေလွာင္ေျပာင္လိုဟန္ျဖင့္ံ ၾကည့္ေနၾကသည္။ ေနာက္တေန႔ သူမ ႐ုံးသြားလွ်င္ လူရယ္စရာျဖစ္ေတာ့မွာ ေသခ်ာသည္။ ဒါဆိုလွ်င္ သူမက အဖိုးႀကီးရႈေကာင္းျဖစ္ေစခ်င္သလို အိမ္မွာပဲ ေနၿပီး မိမိကိုယ္ဝန္ႏွင့္ သားႀကီး ရႈနင္ကို ေစာင့္ေရွာက္သည့္ အိမ္ရွင္မပဲ လုပ္ရေတာ့မွာလား။
သူမက အာဏာကို ရဖို႔ အရာအားလုံးကို စေတးကာ အစြမ္းကုန္ႀကိဳးစား ခဲ့သမွ် အခုလို ရႈဟိန္ဆိုသည့္ မေကာင္းသည့္ ေကာင္ေလး လက္ထဲ ေရာက္သြားရသည္ကို လုံးဝ လက္မခံႏိုင္ေပ။ company ထဲမွာ သူမရဲ႕လူမ်ား ရွိေသးသည္။ ရႈဟိန္ ဆိုသည့္ ေကာင္ေလးကို လက္ေတြ႕ လုပ္ငန္းေလာကဆိုတာ ဘာလဲ ဆိုသည့္အေၾကာင္းေကာင္းေကာင္း သိေအာင္ လုပ္ရမည္။ ဒါမွ သူမ ေယာက်ာ္း ရႈခ်ိန္လည္း သူ႔သားအႀကီးေပၚ စိတ္ပ်က္သြားေပလိမ့္မည္။
ခ်န္းရွန႔္တုန္းက ရႈခ်ိန္ႏွင့္ ဒုတိယ မယား ႏွင့္ သားအႀကီးရႈဟိန္တို႔ကို တိတ္တဆိတ္ အကဲခတ္ကာ စိတ္ထဲကေန ကဲ့ရဲ႕ေနသည္။ အ႐ူးေတြပဲ.... ။ ရႈခ်ိန္လည္း အရႈး။သူ႔ ဆယ္ေက်ာ္သက္သား ရႈဟိန္ကို အထင္ႀကီးၿပီး လုပ္ပိုင္ခြင့္ အကုန္ေပးေနသည္။ ရႈဟိန္ဆိုသည့္ ေကာင္ေလးက ဘာမွ မသိပဲ လူေပၚ လူေဇာ္လုပ္ခ်င္သည္။ ရႈေကာင္း၏ ေသြးသားမ်ားက ညံ့ဖ်င္းကာ အရည္ခ်င္းမဲ့လွသည္။ ဒါေၾကာင့္ သူတို႔ ခ်န္းမိသားစု ေနာက္မွာ က်န္ရစ္ေတာ့မည္ကို ေတြးကာ ေက်နပ္စြာ တိတ္တခိုးရယ္လိုက္သည္။
ရႈနင္က ဘြန္ဆိုင္းပင္ႀကီး၏ အေနာက္မွာ ကြယ္ၿပီး နံရံကိုမွီကာ ေဖ်ာ္ရည္တစ္ခြက္ကို ေအးေအးလူလူေသာက္ကာ ပြဲကို ၾကည့္ေနသည္။
ခ်င္ယြိက်ိဳးရဲ႕စိတ္ေနစိတ္ထားအရ သူမက ၿငိမ္ခံေနမည္မဟုတ္ေပ။ ျဖစ္ႏိုင္ရင္ company ထဲမွ သူမရဲ႕လူမ်ားကို တခါတည္း အျမစ္ျဖဳတ္ ထုတ္ပစ္မွ စိတ္ခ်ရေပမည္။ သူမက ဒီ ပေရာဂ်က္ကို မစီမံရလွ်င္ ပ်က္စီးရာ ပ်က္စီးေၾကာင္းကို ေသခ်ာေပါက္ ဖန္တီးလိမ့္မည္။
ရႈခ်ိန္က ပြဲမၿပီးခင္ ဘယ္သူမွ ဘာျပသနာမွ မတက္ေအာင္ အတတ္ႏိုင္ဆုံး ထိန္းထားခဲ့သည္။ ခ်င္ယြိက်ိဳးက အရမ္းကိုခ်စ္တတ္သည့္ မယားအလိမ္မာကဲ့သို႔ ေဘးမွ လက္ေမာင္းကို တြဲခ်ိန္ၿပီး ဧည့္သည္မ်ားကို အလိုက္ထိုက္ ႏူတ္ဆက္ေနသည္။
တတိယ ေျမကြက္ႏွင့္ ဒုတိယ ေျမကြက္ကို ေအာင္ျမင္စြာ လဲလွယ္ၿပီးေနာက္ ခ်န္းရွန႔္တုန္းက ထရပ္ကာ ႏူတ္ဆက္ၿပီး ျပန္သြားခဲ့သည္။ ရႈခ်ိန္က ခ်န္းရွန႔္တုန္းကို အေပါက္ဝထိ လိုက္လံ ပို႔ေဆာင္ေပးခဲ့သည္။
ပြဲၿပီးသြားေတာ့ ရႈနင္က အိမ္ေပၚတက္ၿပီးေရခ်ိဳးကာ ညအိပ္ဝတ္စုံလဲလိုက္သည္။ ၿပီးေတာ့ေခါင္းအုံးကို ပိုက္ၿပီး အကိုႀကီး၏ အိပ္ခန္းတံခါးကို အသာေလး ဖြင့္ကာ ေခ်ာင္းၾကည့္လိုက္သည္။
ရႈဟိန္က ညအိပ္ဝတ္စုံလဲကာ သူ႔အိပ္ယာထက္တြင္ လွဲကာ စာအုပ္တစ္အုပ္ ဖတ္ေနသည္ကိုေတြ႕လိုက္ရသည္။ သူကေခါင္းေမာ့ၾကည့္ကာ လွမ္းေခၚလိုက္ေတာ့ရႈနင္က အခ်ိန္မျဖဳန္းေတာ့ပဲ သူ႔ေျခေထာက္တိုတိုေလးႏွင့္ အိပ္ယာေပၚ ကုန္းတက္ေတာ့သည္။
" မင္း... ခုနက ဘာေၾကာင့္ လူၾကားထဲ မလာခဲ့တာလဲ... "
" ကြၽန္ေတာ္ လာၿပီး ဘာလုပ္ရမွာလဲ ဟင္.... "
ရႈနင္က ႐ိုးသားသည့္ မ်က္ႏွာေလးျဖင့္ ေမးလိုက္သည္။ ╮(╯▽╰)╭ အ႐ူးပဲ လူၾကားထဲ သြားလိမ့္မည္။
သူ႔အေမ ခ်င္ယြိက်ိဳး မ်က္ႏွာကို လာၾကည့္ရမွာလား။ သူ႔ကိုသာ ေတြ႕ရင္ သူ႔အေမက ေသခ်ာေပါက္ အကိုႀကီးကို ဖိႏွိပ္ဖို႔ သူ႔ကို အသုံးျပဳလိမ့္မည္။ ဒါေၾကာင့္ ရႈနင္က ေနာက္ကြယ္မွာပဲ ေနေနျခင္းျဖစ္သည္။
"ညေနတုန္းက မင္း...ၾကည့္ေကာင္းတယ္..."
အိုး...ငါ အခု ခ်ီးက်ဴးခံေနရတာလား..... ဘုရား..ဘုရား... အကိုႀကီး ဆီက ခ်ီးက်ဴး စကားၾကားလိုက္ရတာလား။ ထိုစဥ္တခဏ ရႈနင္က အရမ္းေက်နပ္သြားခဲ့သည္။
ရႈဟိန္က စာအုပ္ကို ခ်လိုက္သည္။
" အိပ္ၾကစို႔.... "
" အြန္း "
ရႈနင္က အိပ္ယာထက္တြင္လွဲခ်ကာ အကိုႀကီး၏ မ်က္ႏွာေခ်ာေခ်ာကို ခဏ စိုက္ၾကည့္ေနေသးသည္။ ဒါေပမယ့္ သူ ကေန႔ တေနကုန္ ဦးေလးဆီသြားတာေရာ၊ ေျမကြက္အသစ္ ကိစၥစီမံရတာေကာ၊ ညေန ပါတီက ျပပြဲကိုၾကည့္လိုက္ရတာေကာႏွင့္ အရမ္းပင္ပန္းလို႔ေနၿပီ။ ရႈနင္က ေစာင္ကို ဆြဲၿခဳံကာ ခ်က္ခ်င္း အိပ္ေပ်ာ္သြားေတာ့သည္။
ရႈဟိန္က 10 မိနစ္ၾကာသည္အထိ မလႈပ္ရွားပဲ အိပ္ခ်င္ေယာင္ေဆာင္ေနၿပီး အိပ္ယာဝင္ အနမ္းေပးလာမည္ကို ေစာင့္ေနေပမယ့္ ရႈနင္က ႏွစ္ႏွစ္ၿခိဳက္ၿခိဳက္အိပ္ေပ်ာ္သြားေလၿပီ။
ငါ့အတြက္... အိပ္ယာဝင္အနမ္းက ဘယ္မွာလဲ.......?
ႂကြက္ကေလးကေတာ့ေလ။ သူ႔ကို ဒီ အကိုႀကီးက အခြင့္ေရးယူဖို႔ တမင္ အိပ္ခ်င္ေယာင္ေဆာင္ေနေပမယ့္ ဒင္းေလးက အိပ္ေပ်ာ္သြားခဲ့ေလၿပီ။ →_→
ရႈဟိန္၏ ရင္ထဲ ကူကယ္ရာမဲ့ ခံစားလိုက္ရသည္။ ညီငယ္ေလးဆီက အနမ္းတပြင့္ကိုမရလိုက္သည့္အတြက္ သူ႔စိတ္အေျခေနက မေကာင္းေတာ့ေပ။ ဒီည သူ ေကာင္းေကာင္း အိပ္မေပ်ာ္ေတာ့ေပ။
မနက္ႏိုးလာေတာ့ ရႈနင္က သူ တခ်ိဳးတည္း အိပ္မက္ေတာင္ မမက္ပဲ အိပ္ေပ်ာ္ခဲ့သျဖင့္ အိပ္ေရးဝလို႔ေနသည္။ အိပ္ယာထထခ်င္း ေဘးမွာ အကိုႀကီးကိုမ ေတြ႕ရသျဖင့္ အိပ္ယာမွ ထထိုင္ကာ သူ ဘယ္သြားေနလဲ ဆိုေတာ ေတြးေနသည္။ ရႈနင္ ေခါင္းကုတ္ရင္း ေရခ်ိဳးခန္းထဲက ေရသံကို ၾကားလိုက္ရၿပီး အကိုႀကီးရဲ႕ ခႏၶာကိုယ္ကို စဥ္းစားလိုက္တဲ့အခါ စိတ္ထဲ မသက္မသာျဖစ္လာခဲ့သည္။ ဒါေၾကာင့္ အကိုႀကီး ေရခ်ိဳးခန္းထဲက မထြက္လာေသးခင္ ေခါင္းအုံးေလးကို ပိုက္ၿပီး သူ႔အိပ္ခန္းဆီကို ျပန္လာခဲ့သည္။
ရႈနင္က သူ႔အခန္းထဲက ေရခ်ိဳးခန္းထဲမွာ ေရခ်ိဳးၿပီးထြက္လာေတာ့ အိပ္ခန္းထဲမွာ သူ႔အေမသူ႔အိပ္ရာေပၚထိုင္ေနသည္ကိုေတြ႕လိုက္ရသည္။
" ေနာင္မွာမင္းရဲ႕ေစာင္ ကို ခုလို သပ္သပ္ရပ္ရပ္ေခါက္သိမ္းထား ဖို႔မလိုဘူး။ ဒါကို အေစခံေတြ လုပ္လိမ့္မယ္ ႀကားလား။ "
ခ်င္ယြိက်ိဳးသည္ ရႈနင္၏ အခန္း အရမ္း သပ္သပ္ရပ္ရပ္ျဖစ္ေနသည္ကို ေတြ႕ေတာ့ အရမ္းကို မႏွစ္ၿမိဳ႕ဖြယ္ခံစားေနရသည္။ ထို႔ေၾကာင့္ ရႈနင္က သူမကို ဘယ္လိုမ်ား ေပ်ာ္ရႊင္မႈကို ယူလာေပးနုိင္မလဲဟု ေတြးေနသည္။ ဒီကေလးက ေတာမွာႀကီးလာျပီး ကြ်န္ဇာတာပါေနသည္။ မင္းသားတစ္ပါးလို ထားေပးေပမယ့္ မင္းသားတစ္ပါးလို ခန္႕ညားစြာ ဘယ္ေတာ့မွာ မေနနုိင္ေပ။
"ေကာင္းၿပီ... အေမ ထင္တယ္၊ ဒုတိယထပ္ရဲ႕ အေစခံအားလုံး ကို ရႈဟိန္ ပဲ ပိုင္တယ္၊ သူက မင္းအတြက္ ခက္ခဲတဲ့အရာေတြ တမင္သက္သက္ လုပ္ေနတယ္ မလား၊ ငါ့ရဲ႕သနားစရာ ကေလးေလး.... မင္း ခံစား ရသမွ် အားလံုး အေမ့အမွားေႀကာင့္ပါကြယ္.. အေမ အသံုးမက်လို႕ ရႈဟိန္ အနုိင္က်င့္တာ ခံရတယ္။ "
ဟုတ္တယ္။ အေမ့ရဲ႕အမွားပဲ။ သူမက ရႈနင္ကို ဂ႐ုမစိုက္တဲ့အတြက္ ကံေကာင္းေထာက္မစြာနဲ႔ သံသယျဖစ္စရာ မေတြ႕ခဲ့ေပ။ ဒါ့အျပင္ သူမက ညတိုင္း ရႈခ်ိန္ အခန္းဆီ သြားသြား အိပ္ေနတဲ့ အတြက္ ရႈနင္က ဘယ္သူနဲ႕အိပ္သလဲ ဆိုတာမသိေပ။ Shu Ning က ဒီအိပ္ယာေပၚမွာ တစ္ရက္ေလးေတာင္ မအိပ္တာကို ခ်င္ယြိက်ိဳး လံုးဝမသိပဲ လွလွပပ သရုပ္ေဆာင္လို႕ေနသည္။
"အေမ ဘာျဖစ္လုိ႕လဲ..."
"သား...လာ...ဒီနားမွာ လာထိုင္ပါ ဦး!"
သူ႕အေမက ရွည္လ်ားသည့္ မိန္႕ႀကားခ်က္ေျပာေတာ့မည္ကို သိသျဖင့္ ရႈနင္က ဦးေအာင္ေျပာလိုက္သည္။
" အေမ့ကို သား ေျပာစရာေတြရွိတယ္၊ မေန႔က သားတို႕ေက်ာင္းက ို႔စာေမးပြဲရွိတယ္၊ မြန္းလြဲပိုင္းမွာ အတန္းမရဘူး၊ ဒါနဲ႔ ဦး ေလးရွာဖို႔ သြားခဲ့တယ္"
ရႈနင္ က ပထမ အန္တီႏွင့္ဒုတိယအန္တီက သူ႔ ဦး ေလးကိုအႏိုင္က်င့္ပုံ၊ ဦးေလးရဲ႕ လစာေပၚ အျမတ္ထုတ္တာေတြ၊ အဖြားေသဆုံးေအာင္ ပစ္ထားတာေတြ၊ အဖြားေသျပီးေတာ့ သူတို႔က ဦးေလးရဲ႕အိမ္ကို သိမ္းပိုက္ခ်င္လို႕ ဦးေလးက ရြာက အိမ္ကိုေတာင္ မျပန္ရဲပဲ ျမိဳ႕ က ေဆာက္လုပ္ေရး လုပ္ငနး္ခြင္မွာ ေနေနရပံု၊ ဒါေတာင္ အေဒၚနွစ္ေယာက္က သူတို႕ကေလးေတြကိုေခၚျပီးဦးေလးကိုအလုပ္ထဲထိ လာေနွာက္ယွက္ပံုကို ေျပာျပလိုက္သည္။
ရႈနင္သည္အလြန္စိတ္ေသာကေရာက္ေနဟန္ျဖင့္ ေႀကကြဲစြာ ေျပာျပကာ ဝမ္းနည္းသည့္ မ်က္ဝန္းပံု လုပ္ျပလိုက္သည္။
ခ်င္ယြိက်ိဳး၏ႏွလုံးခုန္သံ ျမန္ဆန္လာၿပီး သူမ၏ မ်က္လုံးမ်ား က်ဥ္းေျမာင္းကာ ဆိုးဝါးသည့္ အရိပ္ေငြ႕ေပၚလာသည္။
" အေမ့ရဲ႕ကေလးေလး ဒီကိစၥကို အေမ ေျဖဖရွင္းမယ္။ မင္း စိတ္မပူပါနဲ႔၊ ေက်ာင္းစာကိုပဲ အာ႐ုံစိုက္ျပီး သင္ေနာ္.. ဟုတ္ျပီလား"
"အင္း "
ခ်င္ယြိက်ိဳးထြက္သြားျပီး တစ္ေန႔လုံး သူမ၏ခင္ပြန္းထံမွ စာနာမႈ ရရန္ ဒီကိစၥကို မည္သို႔ အသုံးခ်ရမည္ကို အစီအစဥ္ေရးဆြဲရန္ႀကိဳးစားေနသည္။ သူမက မၾကာေသးခင္က အျဖစ္ေႀကာင့္ စိတ္ဓာတ္က်လြန္းေနၿပီး၊ အဆင္မေျပမႈမ်ားလည္းရွိေနသည္။ ဒါေႀကာင့္ အဆင္မေျပမႈမ်ားကို သူမ အစ္မ နွစ္ေယာက္ေပၚ ပံုခ်လိုက္ဖို႕ ဆံုးျဖတ္လိုက္သည္။
ရႈနင္ သည္ သီခ်င္းတစ္ပုဒ္ကိုအသံထြက္ ညည္းရင္း ေက်နပ္စြာျဖင့္ ဝတ္စားဆင္ယင္ၿပီးေနာက္ မနက္စာစားရန္ ေအာက္ထပ္ကို ဆင္းခဲ့သည္။ သူ၏အခန္းမွထြက္လာေသာ ရႈဟိန္ကို ျမင္လိုက္ေတာ့ ရႈနင္၏ မ်က္ဝန္းမ်ား ေတာက္ပလာျပီး ဝမ္းသာအားရျဖင့္ လွမ္းေခၚလိုက္သည္။
"အစ္ကို!"
ရႈဟိန္သည္ ရႈနင္၏ ေခၚသံေႀကာင့္ တုန္လႈပ္ေခ်ာက္ခ်ားသြားျပီး ေနာက္ဆုတ္ကာ တံခါးကို အသံျမည္ေအာင္ ပိတ္ခ်လိုက္သည္။
အဲ့ဒါ ဘာျဖစ္သြားတာလဲ?
ဒီ ျပီးျပည့္စံုတဲ့ လူငယ္ေလးက ဘာျဖစ္သြားသလဲ။ ရႈနင္ ေခါင္း ရႈပ္သြားသည္။ ခ်င္ယြိက်ိဳးက မေန႕ကပြဲမွာ သူ႕ကို တခုခု ျပသနာရွာလိုက္လို႕လား။
ဒါျဖစ္နုိင္တယ္။ ဒါဆို ငါ သြားျပီး နွစ္သိမ့္ေပးမွာ။ ဒါမွ ငါနဲ႕ အကိုႀကီး ႀကားက အကြာေဝးက ပိုနီးလာမယ္။
ရႈနင္က ဒီလိုေတြးျပီး အကိုႀကီး၏ အခန္းတံခါးကိုေခါက္ဖို႔ ေရွ႕တိုးသြားခဲ့သည္။
====================
Chapter (16) - အိပ်ယာဝင် အနမ်းမပေးလို့ အလိုမကျဖြစ်နေသော အကိုကြီး (Z+U)
ဒါက ပထမဆုံး သူတို့နှစ်ယောက် လက်ချင်းတွဲမိတာ မဟုတ်ဘူးလား။ ဘယ်လိုဖြစ်ပြီး အခုလို အဆုံးသတ်သွားရတာလဲ။
ရှုနင်သည် လူချင်းခွာပြီး အိမ်ပေါ်ကို ခပ်သွက်သွက်ထွက်သွားလိုက်သည်။ ဧည့်ခန်းထဲတွင် ဧည့်သည်များရောက်နေပြီး သူ့ကို ဘယ်သူမှ သတိမထားမိခင် အိမ်ပေါ်ကို အပြေးလွှားထွက်လာရသည်။ တကယ်တော့ သူက ဒီ ရှုအိမ်တော်က တရားမဝင်သား တစ်ယောက်၊ လူတိုင်း မျက်စိစပါးမွေးစူးစရာ ကလေးတစ်ယောက် မဟုတ်လား။
အဖေက အကိုကြီး ရှုဟိန်ကို အချစ်ဆုံးဖြစ်ပြီး အမေက နောက်မွေးလာမယ့် သားငယ် ရှုယောင်းကို အချစ်ဆုံးဖြစ်သည်။ သူကရော....။ သူ့ကို အဖေကော အမေကော အရာမသွင်းကြပေ။ သူကော သားအရင်း မဟုတ်လို့လား။ အရင်ဘဝကဆိုရင် ဧည့်သည်များလာပါက သူက မမြင်ကွယ်ရာမှာပုန်းနေရပြီး ရှုဟိန်နှင့် ရှုယောင်းတို့က ဧည့်သည်ကို ထွက်ကာ ဧည့်ခံစကားပြောရသည်။ သူ့အနေထားက အိမ်မှာ သိမ်ငယ်ကာ နောက်ဆုံး company ကို ဝင်နိုင်သည့်အခါမှ နေရာ နည်းနည်းရခဲ့သည်။ ထိုအခါမှ အမေက သူ့နောက်မှာ ရပ်တည်ပြီး အကိုကြီးနှင့် အတိုက်ခံလုပ်ကာ နေရာရအောင် ကူညီပေးခဲ့သည်။ အမေရဲ့ သွေးထိုးမှုကြောင့် ရှုနင်က အကိုကြီးကို ပိုပိုမုန်းကာ ရန်သူလိုမျိုး နောက်ကွယ်ကနေ မျိုးစုံ နှောက်ယှက်ခဲ့သည်။ အမေက သူ့ကို ခုလို ဖြစ်အောင် လှုံ့ဆော်ခဲ့တာက နောက်ဆုံး ရှုယောင်းအတွက်ဆိုတာ သူက တုံးအပြီး ဘာမှ မသိခဲ့ပေ။ အမေ့လက်ထဲမှာ ရုပ်သေးရုပ်ဖြစ်ခဲ့ပြီး လူဆိုး တစ်ယောက်ဖြစ်ခဲ့သည်။
ဧည့်ခန်းထဲက ပရိတ်သတ်များက တယောသံနားဆင်လိုက်၊ ဝိုင်သောက်ပြီး စကားစမြည်ပြောလိုက်နှင့် ရယ်သံများလည်း ထွက်ပေါ်နေသည်။ မီးရောင်ထိန်လင်းနေသည့် ဧည့်ခန်းမကြီးက ပျော်စရာ အတိဖုံးနေသလိုထင်ရသည်။
ရှုဟိန်သည် ဧည့်ခန်း အဝနားတွင်ရပ်နေရင်း ရှုနင် ဆုပ်ကိုင်သွားသည့် သူ့လက်ကို ဖြန့်ကာ စိုက်ကြည့်နေမိသည်။ ဒီလက်ကို သေးငယ်နူးညံ့သော လက်လေးက လာရောက်ဆုပ်ကိုင်လိုက်စဉ် သူ့ရင်ထဲ ထူးထူးခြားခြား ခံစားလိုက်ရသည်။ ရှုနင်ဆီက အားကိုးခြင်း၊ ချစ်ခင်ခြင်း တို့ကို ဒီအတွေ့မှ ရလိုက်သဖြင့် ရှုဟိန် ကြောင် အမ်းအမ်းဖြစ်နေမိသည်။ ဒါပေမယ့် သူခေါင်းငုံ့ထားသောကြောင့်သူ့မျက်ဝန်းထဲက ခံစားမှုကို ဘယ်သူမှ မမြင်အောင် ဖုံးကွယ်ထားလိုက်နိုင်သည်။
" ရှောင်ဟိန်...သား... ဒီမှာ ဘာလုပ်နေတာလဲ...လာ.. ဒီမှာ မင်းရဲ့ အန်ကယ်ချန်းနဲ့ စကားပြောပါဦး "
ရှုချိန်က သူ့သားကြီးနှင့် သားငယ်က ဘာကြောင့်အခန်းထဲက ထွက်သွားပြီး အပြင်မှာ လမ်းလျှောက်နေသလဲဟု တွေးကာ ထူးဆန်းနေသည်။ ဒါပေမယ့် အခု မိတ်ဆုံစားပွဲတွင်သားကြီးကို ပွဲထုတ်ကာ စီးပွားရေးလုပ်ငန်းလောကထဲ သွင်းတော့မည်ဖြစ်လို့ သိသင့်သူများနှင့် ခေါ်ကာ မိတ်ဆက်ပေးလိုက်သည်။ တကယ်တော့ သူ့သားငယ်ရှုနင် အပြင်က ပြန်လာသည်ကို ရှုချိန် လုံးဝမသိလိုက်ပေ။ ဒီအကြောင်းကို ရှုဟိန်က ကောင်းကောင်း ဖုံးထားပေးခဲ့သည်။
ရှုနင်က ဒုတိယ ထပ်ကို ရောက်သွားတော့ မထင်မှတ်ပဲ အိမ်တော်ထိန်းနှင့် တိုးတော့သည်။
"အိမ်တော်ထိန်းကြီး အောက်ထပ် ဧည်ခန်းမကြီးမှာ မနေဘူးလား "
" ဦးလေးက အိုပြီလေကွယ်။ ဒါကြောင့် အိမ်တော်ထိန်းရာထူးကို ဦးလေးရဲ့ ဒုတိယသား ဆွန်းဟောက်ရန်ကို လွှဲပေးလိုက်ပြီ။ ဦးလေးက အခု အဖိုးရဲ့ ဝေယျာဝစ္စကိုပဲ လုပ်တော့မယ်။ ဦးလေးမှာ သားကြီးက ဆွန်းဟောက်ကျယ်၊ သမီးအငယ်က ပြင်သစ်မှာ စာသင်နေတယ်။ ဒါကြောင့် ဒုတိယ သခင်လေး အခုကစပြီး ဦးလေးကို အန်ကယ်ဆွန်းလို့ပဲ ခေါ်ပါတော့။ "
အိုး....ဒါက အိမ်တော်ထိန်းဟောင်းကြီးက သူ့ကို အသိမှတ်ပြုပြီး သေချာလာပြောပြတာပေါ့။ ဒါက အတိတ်ဘဝတုန်းကနဲ့ မတူသဖြင့် ရှုနင်၏ ရင်ထဲ လှိုင်းလေးတစ်ခုလှုပ်ခါလာခဲ့သည်။
" အန်ကယ်ဆွန်း..ကျွန်တော်ကို လာစောင့်နေတာလား "
" ဟုတ်တယ်။ အန်ကယ်ဆွန်းကို ပထမ သခင်လေးက ဒီမှာ လာစောင့်ခိုင်းထားတာ။ ပထမ သခင်လေးက သခင်လေးကို အောက်ဆင်း တဲ့အခါ ချန်းမျိုးနွယ် ဧည့်သည်နား သိပ်မကပ်ဖို့ ပြောခိုင်းလိုက်လို့ပါ။ လူကြီးမင်းချန်းက ချန်းမိသားစုရဲ့ အကြီးကဲဖြစ်ပြီး အခု ပါတီကိုလာတာက မြေယာလဲလှယ်ရေးအတွက်ကြောင့်ဖြစ်တယ်။ သူက အင်မတန်ကို ဉာဏ်များတဲ့ မြေခွေးအိုကြီးဖြစ်လို့ ဒုတိယ သခင်လေးကို မြင်သွားရင် တခုခု သတင်းအစ်မှာစိုးလို့ သူနဲ့နီးတဲ့နေရာ မနေပဲ ခပ်ခွာခွာ နေဖို့ လာပြောတာပါ။ "
အကိုကြီး၏ ဂရုစိုက်မှုကို ခံစားလိုက်ရသောကြောင့် ရှုနင်၏ ရင်ထဲ နွေးထွေးသွားခဲ့သည်။ ချန်းရှန့်တုံး ဆိုသည့် အဖိုးကြီးကို ရှုနင် သေချာသိသည်။ ဒီလူက ရှုချိန်၊ ရှုဟိန်တို့လို လူမျိုးကမှ ကောင်းစွာကိုင်တွယ် ယှဉ်ပြိုင်နိုင်သော ဉာဏ်များသည့် မြေခွေးအိုကြီးဖြစ်သည်။ အရင်ဘဝက ချန်းရှန့်တုံးနှင့် ပတ်သတ်မိသောကြောင့် ရှုနင်က အရေခွံခွာခံရမလိုဖြစ်သွားခဲ့ရပြီး အခုချိန်ထိ ပြန်တွေးရင် ရှက်ကြောက်မိနေဆဲဖြစ်သည်။ အခုဘဝတော့ ဒီလို အဖြစ် ဘယ်တော့မှ မဖြစ်နိုင်တော့ပေ။ ရှုနင်က အိမ်တော်ထိန်းဟောင်းကြီးကို မေးလိုက်သည်။
" အန်ကယ်ဆွန်း... မြေယာလဲလှယ်တယ် ဟုတ်လား။ အဲ့ဒါ ဘာတွေလဲဟင်.. ကျွန်တော့်ကို ပြောပြပါဦး။ "
ွဆွန်းလင်းက ဒုတိယ သခင်လေး၏ သိလိုစိတ်ကို ပြုံးကြည့်ကာ ပြောပြလိုက်သည်။
" သခင်ကြီး ရှုချိန်က ဒီသတင်းကို ဘယ်က ကြားလာသလဲ မသိဘူး။ ရှုမိသားစုက လိုချင်နေတဲ့ မြေယာအပိုင်းမှာ ပြသနာတစ်ခုရှိတယ်လို့ပြောတယ်။ ဒါကြောင့် ရှုမိသားစုက ယူမယ်လုပ်ထားတဲ့ မြေယာအပိုင်းကို အခြားအပိုင်းနဲ့လဲလှယ်ဖို့ လုပ်နေတယ်။ ဒီအကြောင်းကို လူတွေသံသယ မဝင်ဖို့ သခင်လေး ရှုဟိန်ကို စီးပွားရေး အတွေ့အကြုံရအောင် ဆိုတဲ့ ရည်ရွယ်ချက်နဲ့ အခု မြေလှဲတာကို ဦးဆောင် လုပ်ခိုင်းလိုက်တယ်။ ဒါဆိုရင် လူတွေလည်း သံသယမဝင်သလို ရှုအိမ်တော်က ဆုံးရှုံးသွားမယ့် ဂုဏ်သိက္ခာလည်း ကာကွယ်ပြီးသားဖြစ်သွားပြီ။ ခဲတစ်လုံးနဲ့ ဌက်နှစ်ကောင်ကို ပစ်လိုက်သလိုပဲပေါ့။ "
"အဲ့ဒီလိုလား.... "
ရှုနင်က သဘောကျစွာပြောလိုက်သည်။ သူက အဝတ်စားလဲလှယ်ပြီး အိမ်တော်ထိန်းဟောင်းကြီး အန်ကယ် ဆွန်းလင်းကို နူတ်ဆက်ကာ အောက်ကို ဖြည်းညှင်းစွာ ဆင်းလာခဲ့သည်။
သူက ကြီးဒေါ်နှစ်ယောက်ကိစ္စကို ဘယ်လို ကိုင်တွယ်ဖြေရှင်းရမလဲ လို့ အသည်းအသန်စဉ်းစားနေရချိန်တွင် အဖေက ရှုအိမ်တော်ကို အောက်ထိ ဆွဲချသွားစေမယ့် ပြသနာကြီးကို အကိုကြီးလက်ထဲ လွှဲထည့်လိုက်ပြီး အေးအေးဆေးဆေး ဖြေရှင်းသွားခဲ့သည်။ နတ်ဘုရားစွမ်းရည် ရှိသူများနှင့် သာမန်လူများ၏ ကွာခြားချက်က ကြီးမားလှပေသည်။ အခု အကိုကြီးရှုဟိန်က စီးပွားရေး စတင်လုပ်ဖို့ အတွေ့အကြုံယူသည့်အနေဖြင့် လုပ်သည် ဆိုပါက နောက်ပိုင်း ချန်းမိသားစုက အရှုံးနဲ့ရင်ဆိုင်ရချိန်မှာ ရှုမိသားစု အကြီးကဲများကို အပြစ်ဖို့လို့မရတော့သလို လူငယ်လေး ရှုဟိန်၏ လက်ထဲမှာ ရှုံးနိမ့်ခဲ့သည့် ဆိုသည့် သတင်းက သူတို့ကို အရှက်ရစေမယ့် အဖြစ်တစ်ခုဖြစ်သွားပေလိမ့်မည်။ ဒါက ချန်း မိသားစုကို တခါတည်း ဦးချိုးချလိုက်သလိုဖြစ်ပေမည်။ ပြီးတော့ အကိုကြီးရှုဟိန်က company ထဲဝင်ပြီး Director ရာထူးကို ရယူချိန်မှာ ဘယ်သူမှ မကန့်ကွက်နိုင်တော့ပေ။ အကိုကြီးရှုဟိန်၏ အရည်ချင်းကိုလည်း သက်သေပြပြီးဖြစ်သွားလိမ့်မည်။ မြေခွေးအိုကြီး ချန်းရှန့်တုန်းက အရှုံးကို ရင်ဝယ်ပိုက်လိုက်ရရင် ရှက်လို့ သေသွားမလားတောင် မသိဘူး။
သူ့အမေ ချင်ယွိကျိုးက အာဏာပါဝါ ရဖို့ အောက်တန်းကျကျ ဘယ်လောက်ပဲ ကြိုးစားပေမယ့် တန်ရာတန်ရာပဲ ရတာပဲ ..ဒါက ကတုံးပေါ် ထိပ်ကွက် ခံရတာမဟုတ်ဘူးလား...... ဟား...ဟား...ဟား...
အဓိက ကတော့ သူ့အဖေ ရှုချိန်က တကယ့်ကို ရှုမိသားစု ခေါင်းဆောင်ကောင်းပီသ သူပဲဖြစ်သည်။ အခု ရှုမိသားစုရဲ့မြေယာအပိုင်းကို အခြားမိသားစုရဲ့မြေနဲ့ လဲလှယ်ဖို့ လုပ်လိုက်တဲ့အကွက်က အင်မတန်ကို လှပသည်။ သူ့အဖေ က S မြို့၏ ထိပ်သီး စီးပွားရေးလုပ်ငန်းရှင်လို့ ပြောလို့ရသည်။ သူ့အဖေက လက်မြှောက် လိုက်တာနဲ့ လေတွေ မိုးတွေကို ဆင့်ခေါ်လို့ရတဲ့ နတ်ဘုရားလို စွမ်းရည်မျိုးရှိသူဖြစ်သည်။
လက်ရှိမှာ သူတို့မြို့မှာ ဟော်မိသားစုက အင်အားအကြီးဆုံးဖြစ်ပြီး ရှုမိသားစုနဲ့ ချန်းမိသားစုက ဒုတိယ အင်အားအကြီးဆုံးဖြစ်သည်။ အရင်ဘဝကတော့ ရှုမိသားစုက တတိယမြေကွက်အပိုင်းနဲ့ပတ်သတ်ပြီး အရှုံးကြီးရှုံးလို့ အကြွေးများစွာတင်ပြီး ရှုမိသားစု အင်အားကျဆင်းကာ ချန်းမိသားစုက ပိုမိုအင်အားကြီးထွားလာခဲ့သည်။ အခုဘဝမှာတော့ သူ့အဖေရဲ့ လုပ်ဆောင်ချက်ကြောင့် ရှုမိသားစုက ဆုံးရှုံးမယ့် ဘေးက လွတ်သွားပြီး ချန်းမိသားစုက သေချာပေါက် ကျဆင်းရတော့မှာဖြစ်သည်။
ဟော်မိသားစုက အင်အားအကြီးဆုံးဖြစ်လာတယ်ဆိုတာကလည်း သူတို့ အမြတ်ရနိုင်တဲ့ အခွင့်ရေးကြောင့်ဖြစ်သည်။ ဒါပေမယ့် ရှုမိသားစုက ဒုတိယ နယ်မြေအပိုင်းတွေကို ရရှိပြီး တိုးတက်လာခဲ့လျှင် ဟော်မိသားစုကို ပုခုံးချင်း ယှဉ်လာနိုင်တော့မှာ သေချာသည်။ ချန်းမိသားစုကတော့ တတိယ မြေယာအပိုင်းကြောင့် ငွေများစွာ ချေးယူရတော့မည်။ ထိုအချိန် ချန်းမိသားစုကို အတိုက်ခံလုပ်ဖို့ ဘယ်မိသားစုမှ အမိုက်ခံမည်မဟုတ်ပေ။ ဒါကြောင့် ရှုမိသားစုက ရှုဟိန်ကို ခေါင်းဆောင်တင်ကာ ထိုကိစ္စကို ကိုင်တွယ်စေတာ အကောင်းဆုံးနည်းဖြစ်သည်။ 18 နှစ်အရွယ် လူငယ်လေး တစ်ယောက် ကြောင့် ချန်းမိသားစု ခုလို ရှုံးနိမ့်သွားရတယ်ဆိုရင် သူတို့ က ရှုမိသားစုက တမင်သက်သက် ညစ်ပြီး မကောင်းသည့် မြေကို ထိုးပေးလိုက်သည်ဟု စွပ်စွဲလို့မရတေ့ာပေ။
ချင်ယွိကျိုးကို အရင်က ဒီမြေကိစ္စ လုပ်ခွင့်ပေးခဲ့ပေမယ့် အခုတော့ ရှုဟိန်ကို ဦးစီးခွင့်ပေးလိုက်သည်။ လုပ်ရမည့်အစီစဉ်တွေကလည်း ချင်ယွိကျိုး စီစဉ်ထားသည်နှင့် လုံးဝဆန့်ကျင်ဘက်ဖြစ်သည်။ ပြောရမည်ဆိုလျှင် ဒုတိယ မယားကို အိမ်ထဲ ခေါ်သွင်းလာမိသည့်အတွက် ရှုချိန်က သူ့ အမိမဲ့သားကြီး ရှုဟိန်ကို ဘယ်လိုမှ မျက်နှာအငယ်မခံပေ။ ချင်ယွိကျိုးကိုသာ မျက်နှာ အပျက်ခံမည်။ ဒါကြောင့် ဒီမြေယာနှင့်ပတ်သတ်တာကို ဘာမှ အကြောင်းပြချင်မပေးပဲ ရှုဟိန်လက်ထဲကို တခါတည်း ထည့်ပေးလိုက်သည်။
ဒီလုပ်ရပ်က ရှုဟိန်အတွက် အရည်ချင်းအတွက်သက်သေပြခွင့် ပေးလိုက်တာဖြစ်သလို နောင် company ထဲ ဝင်လာချိန် ဘယ်သူမှ မဆန့်ကျင်ရဲအောင် လုပ်လိုက်တာပဲဖြစ်သည်။
ဒီအဖြစ်က ချင်ယွိကျိုးကို ပါးဖြတ်ရိုက်လိုက်သလိုဖြစ်ပြီး သူမက company ထဲမှာ မျက်နှာပျက် အရှက်ရခဲ့သည်။ ဒါပေမယ့် သူမက ဧည့်ပရိတ်သတ်ရှေ့တွင် ဘယ်လိုမှ မျက်နှာမပျက်စေပဲ ချိုမြစွာပြုံးက ရှုချိန်ဘေးကနေပြီး မယားကောင်းတစ်ယောက် မိခင်ကောင်းတစ်ယောက်လို သရုပ်ဆောင်ကာ ဧည့်သည်များကိုဧည့်ခံ နေသည်။ လှပပြီး ထက်မြက်သော ခင်ပွန်းကို ရိုကျိုးသော ဇနီးကောင်းကဲ့သို့ လူရှေ့မှာ သရုပ်ဆောင်နေပေမယ့် ရှုနင်က သူ့အမေ အကြောင်းကို အသိဆုံးဖြစ်သည်။ သူမက ဒေါသထွက်လေ အပြုံးက ပိုချိုလေဖြစ်သည်။
ရှုနင်က ပြပွဲကြီးကို စိတ်ဝင်တစား စောင့်ကြည့်နေသည်။ ချင်ယွိကျိုး အနေဖြင့် သူမ ယောကျာ်း ရှုချိန်က ဘာမှ ကြိုမပြောပဲ ရုတ်တရက် ညနေပါတီကျမှ ရှုဟိန်ကို လုပ်ပိုင်ခွင့် အားလုံးလွှဲပေးလိုက်သည်ကို တွေ့ရသော အသွေးအသားထဲက ဒေါသကြောင့် တဆတ်ဆတ်တုန်နေပေမယ့် သူမ ယောကျာ်း၏ စိတ်နေ စိတ်ထားကို သိသဖြင့် မျက်နှာမပျက်ဝံ့ပဲ အပြုံးမပျက် နားထောင်ကာ ရှုဟိန်ကို ချီးကျူးစကားပင်ပြောပေးနေသည်။ သူမ ကို မနာလိုဖြစ်နေသည့် လုပ်ဖော်ကိုင်ဖက်များက တမင်သက်သက် ပါတီကိုလာပြီး သူမ၏ ကျရှုံးခန်းကိုလှောင်ပြောင်လိုဟန်ဖြင့်ံ ကြည့်နေကြသည်။ နောက်တနေ့ သူမ ရုံးသွားလျှင် လူရယ်စရာဖြစ်တော့မှာ သေချာသည်။ ဒါဆိုလျှင် သူမက အဖိုးကြီးရှုကောင်းဖြစ်စေချင်သလို အိမ်မှာပဲ နေပြီး မိမိကိုယ်ဝန်နှင့် သားကြီး ရှုနင်ကို စောင့်ရှောက်သည့် အိမ်ရှင်မပဲ လုပ်ရတော့မှာလား။
သူမက အာဏာကို ရဖို့ အရာအားလုံးကို စတေးကာ အစွမ်းကုန်ကြိုးစား ခဲ့သမျှ အခုလို ရှုဟိန်ဆိုသည့် မကောင်းသည့် ကောင်လေး လက်ထဲ ရောက်သွားရသည်ကို လုံးဝ လက်မခံနိုင်ပေ။ company ထဲမှာ သူမရဲ့လူများ ရှိသေးသည်။ ရှုဟိန် ဆိုသည့် ကောင်လေးကို လက်တွေ့ လုပ်ငန်းလောကဆိုတာ ဘာလဲ ဆိုသည့်အကြောင်းကောင်းကောင်း သိအောင် လုပ်ရမည်။ ဒါမှ သူမ ယောကျာ်း ရှုချိန်လည်း သူ့သားအကြီးပေါ် စိတ်ပျက်သွားပေလိမ့်မည်။
ချန်းရှန့်တုန်းက ရှုချိန်နှင့် ဒုတိယ မယား နှင့် သားအကြီးရှုဟိန်တို့ကို တိတ်တဆိတ် အကဲခတ်ကာ စိတ်ထဲကနေ ကဲ့ရဲ့နေသည်။ အရူးတွေပဲ.... ။ ရှုချိန်လည်း အရှုး။သူ့ ဆယ်ကျော်သက်သား ရှုဟိန်ကို အထင်ကြီးပြီး လုပ်ပိုင်ခွင့် အကုန်ပေးနေသည်။ ရှုဟိန်ဆိုသည့် ကောင်လေးက ဘာမှ မသိပဲ လူပေါ် လူဇော်လုပ်ချင်သည်။ ရှုကောင်း၏ သွေးသားများက ညံ့ဖျင်းကာ အရည်ချင်းမဲ့လှသည်။ ဒါကြောင့် သူတို့ ချန်းမိသားစု နောက်မှာ ကျန်ရစ်တော့မည်ကို တွေးကာ ကျေနပ်စွာ တိတ်တခိုးရယ်လိုက်သည်။
ရှုနင်က ဘွန်ဆိုင်းပင်ကြီး၏ အနောက်မှာ ကွယ်ပြီး နံရံကိုမှီကာ ဖျော်ရည်တစ်ခွက်ကို အေးအေးလူလူသောက်ကာ ပွဲကို ကြည့်နေသည်။
ချင်ယွိကျိုးရဲ့စိတ်နေစိတ်ထားအရ သူမက ငြိမ်ခံနေမည်မဟုတ်ပေ။ ဖြစ်နိုင်ရင် company ထဲမှ သူမရဲ့လူများကို တခါတည်း အမြစ်ဖြုတ် ထုတ်ပစ်မှ စိတ်ချရပေမည်။ သူမက ဒီ ပရောဂျက်ကို မစီမံရလျှင် ပျက်စီးရာ ပျက်စီးကြောင်းကို သေချာပေါက် ဖန်တီးလိမ့်မည်။
ရှုချိန်က ပွဲမပြီးခင် ဘယ်သူမှ ဘာပြသနာမှ မတက်အောင် အတတ်နိုင်ဆုံး ထိန်းထားခဲ့သည်။ ချင်ယွိကျိုးက အရမ်းကိုချစ်တတ်သည့် မယားအလိမ်မာကဲ့သို့ ဘေးမှ လက်မောင်းကို တွဲချိန်ပြီး ဧည့်သည်များကို အလိုက်ထိုက် နူတ်ဆက်နေသည်။
တတိယ မြေကွက်နှင့် ဒုတိယ မြေကွက်ကို အောင်မြင်စွာ လဲလှယ်ပြီးနောက် ချန်းရှန့်တုန်းက ထရပ်ကာ နူတ်ဆက်ပြီး ပြန်သွားခဲ့သည်။ ရှုချိန်က ချန်းရှန့်တုန်းကို အပေါက်ဝထိ လိုက်လံ ပို့ဆောင်ပေးခဲ့သည်။
ပွဲပြီးသွားတော့ ရှုနင်က အိမ်ပေါ်တက်ပြီးရေချိုးကာ ညအိပ်ဝတ်စုံလဲလိုက်သည်။ ပြီးတော့ခေါင်းအုံးကို ပိုက်ပြီး အကိုကြီး၏ အိပ်ခန်းတံခါးကို အသာလေး ဖွင့်ကာ ချောင်းကြည့်လိုက်သည်။
ရှုဟိန်က ညအိပ်ဝတ်စုံလဲကာ သူ့အိပ်ယာထက်တွင် လှဲကာ စာအုပ်တစ်အုပ် ဖတ်နေသည်ကိုတွေ့လိုက်ရသည်။ သူကခေါင်းမော့ကြည့်ကာ လှမ်းခေါ်လိုက်တော့ရှုနင်က အချိန်မဖြုန်းတော့ပဲ သူ့ခြေထောက်တိုတိုလေးနှင့် အိပ်ယာပေါ် ကုန်းတက်တော့သည်။
" မင်း... ခုနက ဘာကြောင့် လူကြားထဲ မလာခဲ့တာလဲ... "
" ကျွန်တော် လာပြီး ဘာလုပ်ရမှာလဲ ဟင်.... "
ရှုနင်က ရိုးသားသည့် မျက်နှာလေးဖြင့် မေးလိုက်သည်။ ╮(╯▽╰)╭ အရူးပဲ လူကြားထဲ သွားလိမ့်မည်။
သူ့အမေ ချင်ယွိကျိုး မျက်နှာကို လာကြည့်ရမှာလား။ သူ့ကိုသာ တွေ့ရင် သူ့အမေက သေချာပေါက် အကိုကြီးကို ဖိနှိပ်ဖို့ သူ့ကို အသုံးပြုလိမ့်မည်။ ဒါကြောင့် ရှုနင်က နောက်ကွယ်မှာပဲ နေနေခြင်းဖြစ်သည်။
"ညနေတုန်းက မင်း...ကြည့်ကောင်းတယ်..."
အိုး...ငါ အခု ချီးကျူးခံနေရတာလား..... ဘုရား..ဘုရား... အကိုကြီး ဆီက ချီးကျူး စကားကြားလိုက်ရတာလား။ ထိုစဉ်တခဏ ရှုနင်က အရမ်းကျေနပ်သွားခဲ့သည်။
ရှုဟိန်က စာအုပ်ကို ချလိုက်သည်။
" အိပ်ကြစို့.... "
" အွန်း "
ရှုနင်က အိပ်ယာထက်တွင်လှဲချကာ အကိုကြီး၏ မျက်နှာချောချောကို ခဏ စိုက်ကြည့်နေသေးသည်။ ဒါပေမယ့် သူ ကနေ့ တနေကုန် ဦးလေးဆီသွားတာရော၊ မြေကွက်အသစ် ကိစ္စစီမံရတာကော၊ ညနေ ပါတီက ပြပွဲကိုကြည့်လိုက်ရတာကောနှင့် အရမ်းပင်ပန်းလို့နေပြီ။ ရှုနင်က စောင်ကို ဆွဲခြုံကာ ချက်ချင်း အိပ်ပျော်သွားတော့သည်။
ရှုဟိန်က 10 မိနစ်ကြာသည်အထိ မလှုပ်ရှားပဲ အိပ်ချင်ယောင်ဆောင်နေပြီး အိပ်ယာဝင် အနမ်းပေးလာမည်ကို စောင့်နေပေမယ့် ရှုနင်က နှစ်နှစ်ခြိုက်ခြိုက်အိပ်ပျော်သွားလေပြီ။
ှုငါ့အတွက်... အိပ်ယာဝင်အနမ်းက ဘယ်မှာလဲ.......?
ကြွက်ကလေးကတော့လေ။ သူ့ကို ဒီ အကိုကြီးက အခွင့်ရေးယူဖို့ တမင် အိပ်ချင်ယောင်ဆောင်နေပေမယ့် ဒင်းလေးက အိပ်ပျော်သွားခဲ့လေပြီ။ →_→
ရှုဟိန်၏ ရင်ထဲ ကူကယ်ရာမဲ့ ခံစားလိုက်ရသည်။ ညီငယ်လေးဆီက အနမ်းတပွင့်ကိုမရလိုက်သည့်အတွက် သူ့စိတ်အခြေနေက မကောင်းတော့ပေ။ ဒီည သူ ကောင်းကောင်း အိပ်မပျော်တော့ပေ။
မနက်နိုးလာတော့ ရှုနင်က သူ တချိုးတည်း အိပ်မက်တောင် မမက်ပဲ အိပ်ပျော်ခဲ့သဖြင့် အိပ်ရေးဝလို့နေသည်။ အိပ်ယာထထချင်း ဘေးမှာ အကိုကြီးကိုမ တွေ့ရသဖြင့် အိပ်ယာမှ ထထိုင်ကာ သူ ဘယ်သွားနေလဲ ဆိုတော တွေးနေသည်။ ရှုနင် ခေါင်းကုတ်ရင်း ရေချိုးခန်းထဲက ရေသံကို ကြားလိုက်ရပြီး အကိုကြီးရဲ့ ခန္ဓာကိုယ်ကို စဉ်းစားလိုက်တဲ့အခါ စိတ်ထဲ မသက်မသာဖြစ်လာခဲ့သည်။ ဒါကြောင့် အကိုကြီး ရေချိုးခန်းထဲက မထွက်လာသေးခင် ခေါင်းအုံးလေးကို ပိုက်ပြီး သူ့အိပ်ခန်းဆီကို ပြန်လာခဲ့သည်။
ရှုနင်က သူ့အခန်းထဲက ရေချိုးခန်းထဲမှာ ရေချိုးပြီးထွက်လာတော့ အိပ်ခန်းထဲမှာ သူ့အမေသူ့အိပ်ရာပေါ်ထိုင်နေသည်ကိုတွေ့လိုက်ရသည်။
" နောင်မှာမင်းရဲ့စောင် ကို ခုလို သပ်သပ်ရပ်ရပ်ခေါက်သိမ်းထား ဖို့မလိုဘူး။ ဒါကို အစေခံတွေ လုပ်လိမ့်မယ် ကြားလား။ "
ချင်ယွိကျိုးသည် ရှုနင်၏ အခန်း အရမ်း သပ်သပ်ရပ်ရပ်ဖြစ်နေသည်ကို တွေ့တော့ အရမ်းကို မနှစ်မြို့ဖွယ်ခံစားနေရသည်။ ထို့ကြောင့် ရှုနင်က သူမကို ဘယ်လိုများ ပျော်ရွှင်မှုကို ယူလာပေးနိုင်မလဲဟု တွေးနေသည်။ ဒီကလေးက တောမှာကြီးလာပြီး ကျွန်ဇာတာပါနေသည်။ မင်းသားတစ်ပါးလို ထားပေးပေမယ့် မင်းသားတစ်ပါးလို ခန့်ညားစွာ ဘယ်တော့မှာ မနေနိုင်ပေ။
"ကောင်းပြီ... အမေ ထင်တယ်၊ ဒုတိယထပ်ရဲ့ အစေခံအားလုံး ကို ရှုဟိန် ပဲ ပိုင်တယ်၊ သူက မင်းအတွက် ခက်ခဲတဲ့အရာတွေ တမင်သက်သက် လုပ်နေတယ် မလား၊ ငါ့ရဲ့သနားစရာ ကလေးလေး.... မင်း ခံစား ရသမျှ အားလုံး အမေ့အမှားကြောင့်ပါကွယ်.. အမေ အသုံးမကျလို့ ရှုဟိန် အနိုင်ကျင့်တာ ခံရတယ်။ "
ဟုတ်တယ်။ အမေ့ရဲ့အမှားပဲ။ သူမက ရှုနင်ကို ဂရုမစိုက်တဲ့အတွက် ကံကောင်းထောက်မစွာနဲ့ သံသယဖြစ်စရာ မတွေ့ခဲ့ပေ။ ဒါ့အပြင် သူမက ညတိုင်း ရှုချိန် အခန်းဆီ သွားသွား အိပ်နေတဲ့ အတွက် ရှုနင်က ဘယ်သူနဲ့အိပ်သလဲ ဆိုတာမသိပေ။ Shu Ning က ဒီအိပ်ယာပေါ်မှာ တစ်ရက်လေးတောင် မအိပ်တာကို ချင်ယွိကျိုး လုံးဝမသိပဲ လှလှပပ သရုပ်ဆောင်လို့နေသည်။
"အမေ ဘာဖြစ်လို့လဲ..."
"သား...လာ...ဒီနားမှာ လာထိုင်ပါ ဦး!"
သူ့အမေက ရှည်လျားသည့် မိန့်ကြားချက်ပြောတော့မည်ကို သိသဖြင့် ရှုနင်က ဦးအောင်ပြောလိုက်သည်။
" အမေ့ကို သား ပြောစရာတွေရှိတယ်၊ မနေ့က သားတို့ကျောင်းက ို့စာမေးပွဲရှိတယ်၊ မွန်းလွဲပိုင်းမှာ အတန်းမရဘူး၊ ဒါနဲ့ ဦး လေးရှာဖို့ သွားခဲ့တယ်"
ရှုနင် က ပထမ အန်တီနှင့်ဒုတိယအန်တီက သူ့ ဦး လေးကိုအနိုင်ကျင့်ပုံ၊ ဦးလေးရဲ့ လစာပေါ် အမြတ်ထုတ်တာတွေ၊ အဖွားသေဆုံးအောင် ပစ်ထားတာတွေ၊ အဖွားသေပြီးတော့ သူတို့က ဦးလေးရဲ့အိမ်ကို သိမ်းပိုက်ချင်လို့ ဦးလေးက ရွာက အိမ်ကိုတောင် မပြန်ရဲပဲ မြို့ က ဆောက်လုပ်ရေး လုပ်ငန်းခွင်မှာ နေနေရပုံ၊ ဒါတောင် အဒေါ်နှစ်ယောက်က သူတို့ကလေးတွေကိုခေါ်ပြီးဦးလေးကိုအလုပ်ထဲထိ လာနှောက်ယှက်ပုံကို ပြောပြလိုက်သည်။
ရှုနင်သည်အလွန်စိတ်သောကရောက်နေဟန်ဖြင့် ကြေကွဲစွာ ပြောပြကာ ဝမ်းနည်းသည့် မျက်ဝန်းပုံ လုပ်ပြလိုက်သည်။
ချင်ယွိကျိုး၏နှလုံးခုန်သံ မြန်ဆန်လာပြီး သူမ၏ မျက်လုံးများ ကျဉ်းမြောင်းကာ ဆိုးဝါးသည့် အရိပ်ငွေ့ပေါ်လာသည်။
" အမေ့ရဲ့ကလေးလေး ဒီကိစ္စကို အမေ ဖြေဖရှင်းမယ်။ မင်း စိတ်မပူပါနဲ့၊ ကျောင်းစာကိုပဲ အာရုံစိုက်ပြီး သင်နော်.. ဟုတ်ပြီလား"
"အင်း "
ချင်ယွိကျိုးထွက်သွားပြီး တစ်နေ့လုံး သူမ၏ခင်ပွန်းထံမှ စာနာမှု ရရန် ဒီကိစ္စကို မည်သို့ အသုံးချရမည်ကို အစီအစဉ်ရေးဆွဲရန်ကြိုးစားနေသည်။ သူမက မကြာသေးခင်က အဖြစ်ကြောင့် စိတ်ဓာတ်ကျလွန်းနေပြီး၊ အဆင်မပြေမှုများလည်းရှိနေသည်။ ဒါကြောင့် အဆင်မပြေမှုများကို သူမ အစ်မ နှစ်ယောက်ပေါ် ပုံချလိုက်ဖို့ ဆုံးဖြတ်လိုက်သည်။
ရှုနင် သည် သီချင်းတစ်ပုဒ်ကိုအသံထွက် ညည်းရင်း ကျေနပ်စွာဖြင့် ဝတ်စားဆင်ယင်ပြီးနောက် မနက်စာစားရန် အောက်ထပ်ကို ဆင်းခဲ့သည်။ သူ၏အခန်းမှထွက်လာသော ရှုဟိန်ကို မြင်လိုက်တော့ ရှုနင်၏ မျက်ဝန်းများ တောက်ပလာပြီး ဝမ်းသာအားရဖြင့် လှမ်းခေါ်လိုက်သည်။
"အစ်ကို!"
ရှုဟိန်သည် ရှုနင်၏ ခေါ်သံကြောင့် တုန်လှုပ်ချောက်ချားသွားပြီး နောက်ဆုတ်ကာ တံခါးကို အသံမြည်အောင် ပိတ်ချလိုက်သည်။
အဲ့ဒါ ဘာဖြစ်သွားတာလဲ?
ဒီ ပြီးပြည့်စုံတဲ့ လူငယ်လေးက ဘာဖြစ်သွားသလဲ။ ရှုနင် ခေါင်း ရှုပ်သွားသည်။ ချင်ယွိကျိုးက မနေ့ကပွဲမှာ သူ့ကို တခုခု ပြသနာရှာလိုက်လို့လား။
ဒါဖြစ်နိုင်တယ်။ ဒါဆို ငါ သွားပြီး နှစ်သိမ့်ပေးမှာ။ ဒါမှ ငါနဲ့ အကိုကြီး ကြားက အကွာဝေးက ပိုနီးလာမယ်။
ရှုနင်က ဒီလိုတွေးပြီး အကိုကြီး၏ အခန်းတံခါးကိုခေါက်ဖို့ ရှေ့တိုးသွားခဲ့သည်။
====================