وفي بيت فيصل الثاني....
أماني واللي استقبلته فيصل أفضل أستقبال
فيصل وهو يجلس: كيف حالك يا حبيبتي وكيف ولدنا مشاري
أماني بابتسامة: الحمد لله بخير يا قلبي والحمد لله على سلامتك
فيصل: الله يسلمك بس فين مشاري ما أشوفه والله أني اشتقت له
أماني بزعل مصطنع: يعني أنت بس اشتقت لمشاري أما أم مشاري ما اشتقت لها صح
فيصل ابتسم وشد أماني لحضنه: لا تخافين أنتي بعد اشتقت لك يا حبيبتي
أماني: أشوى احسب أنا مالي مكان في قلبك... والحين خليني اروح وأجهز لك الفطور لأنك أكيد ما فطرت وقامت عشان تروح... بس تفاجأت بفيصل اللي مسك يدها
فيصل بكل جديه: لا تروحين لأني أبيك في موضوع مهم
أماني بخوف بلعت ريقها وبينها بين نفسها (ياويل حالك يا أماني الظاهر فيصل قرر أنه يطلقني بس لو هو طلقني أنا فين بروح): خليني أجهز لك الفطور وأرجع
فيصل باستغراب من ملامح أماني اللي تغيرت مية درجه: أنا فطرت يا أم مشاري فاجلسي لأني مستعجل
أماني جلست جنب فيصل وهي عافسة ملامحها: هلا يا أبو مشاري
فيصل حس بخوف أماني فحب يكسر: أماني حبيبتي أنا عندي لك بشارة إذا قلتها لك أيش لي يا حبيبتي
أماني بابتسامه خفيفة: بشارة لي أنا يا فيصل طيب أيش هي
فيصل بفرح: أخوك راشد حي يا أماني حي وأنا عرفت مكانه في أمريكا
أماني بصدمة: أيش أخوي راشد يا فيصل أنت من جدك تتكلم
فيصل مسك يدها أماني وبحنان: أي يا قلبي من جدي وأنا بأسوي أوراقك وبمجرد ما تنتهي أحنا راح نسافر على طول
أماني احتضنت فيصل وهي تبكي وتقول: الله لا يحرمني منك يا فيصل والله يسعدك ويفرحك مثل ما فرحتني... أماني وهي تبعد عن حضن فيصل/ آآآآآآه يا ليت أمي كانت فيه كان فرحت هي بعد
فيصل: الله يرحمها يا حبيبتي الله يرحمها والحين قومي وجيبي لي بطاقتك الشخصية عشان اجراءات السفر وكمان لو عندك جواز سفر هاتيه
أماني بخوف: والله يا فيصل أنا ما عندي جواز سفر لأني ما قد سافرت خارج السعودية يا قلبي
فيصل هز رأسه بموافقه: طيب يا حبيبتي هاتي بطاقتك الشخصية
أماني بفرحة ما تنوصف: حاضر... فيصل أخذ بطاقة أماني وخرج وراح على السفارة
**************************
وبعد مرور عشر أيام وفي السوبرماركت
ريم بخوف: سالي لا تتركين مشاري يروح بعيد عنك أوكي
سالي: أوكي مدام وراحت ورى مشاري
ريم وقفت قدام رف البطاطس وبدأت تختار اللي تحبه واللي طلبته ليان: يالله أحس نفسي نسيت شيء... في هاللحظة رن جوال ريم فردت بدون ما تشوف الاسم/ الو هلا
نواف واللي ذاب من صوت ريم: الله... والله وحشني هالصوت كيفك يا حياتي
ريم عفست ملامحها وطالعت في ميري وباستغراب: عفوا من معي
نواف بابتسامة خبث: لا لا لا ما اتفقنا على كذا معقول تكوني نسيتي صوتي حبيبك يا ريم
ريم بشوية حدة: حبيبي في عينك وكمان أنت والله منت من باقي أهلي عشان أتذكر صوتك
نواف: في وقتنا الحالي أنا فعلا مو من عائلتك بس عن قريب جد راح تكوني أنتي من عائلتي يا حياتي
ريم: حلم أبليس في الجنة بأني أكون من عائلتك وأنا قبل كذا قلت لك أحلم على قدك
نواف بضحكة سخرية: أوكي يا عسل بس عبايتك مره حلو ومحتشمة وأنا أحب زوجتي تكون كذا دايما والحين راح أقولك أنا عندي لك هدية راح أرسلها لك ولزوجك المغفل... وأنا متأكد أنها راح تصدمك يا عمري
ريم بخوف التفتت يمين ويسار تشوف أي شخص ماسك جوال ويتكلم بس الكل كان مشغول بالتسوق مع عائلته: أيش تقصد أنت
نواف بخبث ولئم: باي يا حبيبتي باي... وقفل الخط في وجهها... ريم حاولت تخلص المشتروات بسرعة وأخذت مشاري والخدم ورجعوا على بيت أبو مناف وأول ما وصلت استأذنت أم مناف وليان وطلعت على غرفتها هي وفيصل وأول ما دخلت قفلت الباب وجلست على سريرهم وخرجت جوالها ودخلت على الواتساب ومن جد انصدمت من الصور اللي أرسلها لها نواف لأنها ما تعرف كيف وصلت له وهي متأكدة بان فيصل لو شاف الصورة ماراح يرحمها فقررت أنها تتصل على أسماء
أسماء بفرح: هلا والله بأختي الغالية
ريم ببكاء: أسماء الله يخليك ألحقي علي
أسماء قامت بسرعة من عند أهلها وطلعت على غرفتها: ريم حبيبتي أيش فيك وليش تبكين
ريم بنفس النبرة: أسماء تخيلي الحيوان رسل لي عشر صور مختلفة من صوري مرة في زواج خالد وباقي وأحنا في الكلية يعني هو مراقبنا في كل مكان وأخر صور اخذها لي في السوبر ماركت قبل شوي أسماء والله لو فيصل شاف الصور هو راح ينحرني يا أسماء ومهما حلفت له هو مارح يصدقني ... ريم بشهقة/ المشكلة هو أنا ما أعرف كيف الصور وصلت له أو مين اللي ما يخاف الله اللي سوى فيني كذا
أسماء صعقت وصارت عاجزة عن التفكير: طيب خليني أفكر أيش راح نسوي
ريم: تفكرين هو في وقت تفكرين فيه يا أسماء أنا جالسة أقول صوري عند الحيوان هذا وأنتي تبين تفكرين
أسماء استوعبت على ريم: أسفه يا ريم وأنا قلت كذا من الصدمة بس أسمعي أنتي كوني طبيعية قدام أهل زوجك وأنا الحين بأمر عليك وأخذك لمشوار ضروري
ريم وهي تمسح دموعها: ليش فين بنروح بالضبط
أسماء: لو جيت راح تعرفين كل شي
ريم واللي رجعت للبكاء: طيب بس الله يخليك تعالي بسرعة لأني أحس نفسي أني بأموت
أسماء: ريم أنتي لازم تكوني قوية عشان تقدرين تدافعين عن نفسك والحين سلام... ريم قامت ودخلت على دورة المياه وغسلت وجهها وبعد كذا خرجت وغيرت ملابسها وجلست تفكر أيش راح تقول لخالتها عشان تخرج من البيت وبعد ما وصلت لقرار نزلت عند خالتها
ريم باخوف: خالتي بعد إذنك أنا بخرج مع أختي
أم مناف باستغراب: الحين يا حبيبتي طيب تعشي وبعدين روحي
ريم: لا ياخالتي أنا راح أتعشى مع أختي أسماء
أم مناف: طيب بس أنتي بترجعين على البيت ولا بتروحين بيت أهلك
ريم وهي تطلع في ليان: لا أنا يمكن أنام عند أهلي وبكره لو خرجت من الكلية راح أرجع على هنا
أم مناف بابتسامة: طيب يا حبيبتي استودعتك الله وانتبهي على نفسك
ريم: أن شاء الله يا خالتي... ريم جلست مع أم مناف وليان بتوتر واضح الين ما وصلت أسماء فودعت خالتها وليان وخرجت وراحت مع أسماء على مطعم من المطاعم وأول ما وصلوا اتصلت على راكان واللي كان قريب منهم فجا عندهم على طول
راكان وهو يطالع في أخواته باستغراب: السلام عليكم ورحمة الله
ريم بخوف وأرتباك وأسماء: وعليكم السلام
راكان: أيش عندكم أنتي وهي وأيش مهببين أثنينكم ومخرجيني من عند الشباب بهذي الطريقة
أسماء طالعت في ريم وبلعت ريقها: خلينا ندخل جوى المطعم لأن وقوفنا هنا شبهة
راكان: طيب شرفوا قدامي أنتي وهي والله يستر... ريم وأسماء وراكان دخلوا على المطعم وجلسوا يحكون لراكان كل اللي صار مع ريم من شخص أسمه فاعل خير
راكان طالع في ريم: ليش يا ريم ليش ما جيتي وقلتي لي من البداية وخليتي وأحد قليل الدين والرجولة يتمادى عليك كذا
ريم ببكاء: لأني كنت خايفة أنك ما تصدقني وكمان وهو في البداية أتصل عشان يخليني أكره فيصل بس والله ماكنت أعرف أنه يراقبني في الاماكن اللي أروح لها
راكان واللي الدم بدأ يجري في عروقه من تصرف أخته وبانفعال: هذا لأنك حماره وغبية ووالله لو ما كنتي حامل كان عرفت كيف أتصرف معك
أسماء بخوف من أنفعال راكان أكثر من كذا: راكان حبيبي أحنا نبيك تحل الموضوع ومو تعصب علينا أكثر من كذا وريم من حقها تخاف من بعد اللي صار لها قبل زواجها
راكان واللي حط يده على خده: لا يشيخ ليتك تضلين ساكته يا حضرة المحامية... وبعدين تعالي وقولي لي أنا ماكنت واقف معها في ذاك الوقت... وحتى زوجها من فيصل كان رفضته كان وقفت معه في وجه خالد... في هذي الحظة رن جوال ريم وكان المتصل فيصل
ريم بصوت مبحوح وخوف: الوو
فيصل بشوية عصبية: السلام عليكم فينك يا ست ريم
ريم طالعت في راكان وأسماء: أنا برى مع راكان وأختي أسماء
فيصل باستغراب من نبرتها: طيب متى بترجعين البيت لأني أبيك ضروري
ريم حست بخوف وشافت بأن الدنيا اسودت فجأة قدامها: هاااااا وليش أيش اللي صار
فيصل اتنهد: لو رجعتي البيت راح تعرفين والحين متى راجعة
ريم: شويه برجع على بيت أهلي لأني بنام هناك اليوم
فيصل: طيب بس على الأقل كان أرسلتي لي أنك بتروحين بيت أهلك وبتامين هناك
ريم ببكاء: فيصل والله أنا تعبانه يا فيصل تعبنه ونفسيتي مثل الزفت فالله يسعدك لا تزيدني هم أكثر من همي
راكان شد السماعة بسرعة من ريم: هلا فيصل معليش خلي ريم الحين وشويه كلمها
فيصل بخوف على ريم: ليش هي أيش فيها وأيش جاها وعن أي هم تتكلم... بس لا تكون مريضه وأنتم ما تبون تقولون لي
راكان واللي يبي يطمن فيصل: لا تخاف عليها بس شكلها اشتاقت لك عشان كذا تتدلع عليك عاد أنت تعرف دلع البنات
فيصل بشك: أنت متأكد أنها موب مريضه يا راكان
راكان واللي كان يطالع أخته اللي كانت تبكي وتشهق بصمت: والله ماهي مريضه وأن شاء لو كلمتها ثاني مره راح تكون أفضل
فيصل: طيب خلاص قول لها بأني راح أتصل عليها بعد ساعتين من الحين
راكان بابتسامة: أن شاء الله يالنسيب والحين في حفظ الرحمن
فيصل: في حفظ الرحمن
راكان مد الجوال لريم: خذي جوالك وزوجك يقول بأنه راح يتصل عليك بعد ساعتين من وقتنا الحالي والحين أعطيني رقم الحيوان اللي يتصل عليك وأعطيني جوالك لأني راح أحاول رقمها على جوالي ... ريم فتحت جوالها وأعطته لراكان... راكان أخذ الرقم / ها يا حلوين أيش تبون تتعشون أنتي وهي
أسماء: ممممم أنا أبي شيش طاووق مع صحن سلطة وأنتي يا ريم تاخذين مثلي
ريم: لا ما أبي شيء نفسي مسدودة
راكان: أنا راح أطلب لي معكرونة صيني تبين أطلب لك مثلي ولا تبين مثل أسماء وياويلك لو قلتي نفسك مسدودة
ريم بابتسامة خفيفة: خلاص أبي مثلك وأبي ورق العنب
راكان: طيب أوكي ... المهم بعد ما تعشوا رجعوا على البيت
****************************
في بيت أبو خالد
وفي غرفة ريم
ريم: والله يا أسماء أنا خايفة يكون هذا الحيوان أرسل الصور على جوال فيصل مثل ما أرسلهم علي
أسماء بابتسامة: لا أن شاء الله والله يشغله في نفسه يا قلبي... ولو مثلا هو فعلا أرسلها كان لقيتي زوجك قوم الدنيا عليك
ريم وهي تطالع ساعتها: والله ما أعرف أنا حاسة بأني راح أموت من الخوف... وبطفش/ اوف هو كمان فيصل ما أعرف أيش فيه تأخر وما أتصل
أسماء بخبث: أكيد هو مع أماني الحين ونساك... ومثل ما يقولون مادام معي القمر مالي ومال النجوم
ريم طالعت أسماء بنصف عين: لا والله أحلفي وأنتي واقفه يعني تبين تزيديني هم على همي
أسماء وهي مدعية الاستغراب: لا والله على أساس... وبتقليد لريم/ والله يا أسوم أنا ما أبي فيصل وأنا راح أنتقم منه على اللي سواه فيني أخوه وبعدين أفكر أتطلق ولا لا... أقول ترى والله أنتي ما عندك ما عند جدتي ما غير جننتيني بكلمتك هم على همي ما أعرف من أي مسلسل رحتي ولقطتيها
ريم: مسلسل في عينك وبعدين أيش عند جدتك وأنا ما عندي ولا حضرتك تبيني أترك زوجي يا هانم
أسماء: لا أنا ما قلت كذا والله يهنيكم أنتم الاثنين في بعض... في هذي اللحظة رن جوال ريم
ريم بفرح: فيصل اتصل
أسماء بابتسامة: أنا بروح عند خالتي وساره وشويه أرجع لك يا قلبي... أسماء خرجت وريم ردت على فيصل
ريم: الوو
فيصل: هلا والله با أحلى ريم في حياتي هلا بعسل حياتي
ريم بعتاب: ليش تأخرت علي في الاتصال
فيصل بابتسامة: أسف حبيبتي والله أني انشغلت مع أماني وأخوها
ريم بدمعة وصوت شبه باكي: فيصل متى بترجع والله أنا اشتقت لك ومفتقدتك
فيصل حس بنغزه في قلبه من كلام ريم: والله حتى أنا اشتقت لك يا قلبي بس أيش أسوي جالس أصلح أوراق أخو أماني وزوجته وعياله عشان يرجعون معنا على السعودية
ريم ما قدرت تتمالك نفسها أكثر من كذا فبكيت: فيصل والله أنا تعبانه يا فيصل ومحتاجتك وما أعرف يمكن أموت وأنت بعيد عني
فيصل بخوف وارتباك: بسم الله عليك أيش هذا الكلام يا ريم يا حبيبتي... ريم واللي يرحم والدينك أيش فيك أنتي مريضه حاسة بشيء يا قلبي قولي لي عشان أقدر أتصرف
ريم: .............بس كانت تشهق من البكاء
فيصل واللي شويه وعقله يطير على زوجته: ريم حبيبتي بس أعطيني أسبوع والله حتى لو ما خلصت أنا راح أرجع لك بس الله يخليك لا تبكين وتقطعين قلبي عليك
ريم وهي تمسح دموعها بيدها: لا خلاص خلص شغلك وتعال وأنا راح أنتظرك بس الله يسعدك لا تتأخر علي
فيصل بحنان: طيب من عيوني وأنا مثل ما قلت لك بعد أسبوع راح أرجع يا قلبي وانتبهي على نفسك ولا تزعلك روحك ولو ما تبين تجلسين عند أهلي خلاص أجلسي عند أهلك الين ما أرجع يا قلبي وأهم شيء راحتك ولا تنسين أنك حامل يا روحي
ريم: لا والله أنا مرتاحه عند خالتي وماهي مخليتني أحتاج لشيء
فيصل بتنهيد: طيب يا حبيبتي أيش تبيني أجيب لك معي من أمريكا
ريم: ما أبي شيء بس أبيك أنت ترجع لي
فيصل بابتسامة: أن شاء الله يا عمري... بس تدرين أول مره أحس أنك تحبيني يا ريم وعمري ما أتخيلت أن بعدي راح يسوي فيك كذا يا عسل حياتي
ريم: ..................
فيصل بضحك: أعرف أنك ماراح تردين على كلامي... والحين قولي لي تبين شيء قبل ما أقفل يا روحي
ريم بشوية فرح بعد ما هدت أعصابها من بعد كلام فيصل لها: لا ما أبي غير أن ربي يرجعك لي بالسلامه
فيصل بضحكة خفيفة وبهمس: أن شاء الله بس أنا أبي أطلب منك طلب
ريم: لبي يا قلبي
فيصل: لبيتي أن شاء الله في منى معي... ريم أنا أبيك توعديني أنك ما تضيقين صدرك ياقلبي وأن شاء ماعد أتركك وأسافر بدونك
ريم بنفس الهمس: أن شاء الله يا عمري
فيصل: طيب يا حبيبتي في حفظ الله ومع السلام
ريم: في حفظ الرحمن يا قلبي ومع السلام... ريم قفلت من فيصل وضمت الجوال وهي تحس براحة من بعد ما سمعت صوت حبيب قلبها وفي هاللحظة جاتها رسالة من فيصل... (هاك روحي فدوة لبسمة رضاك وهاك قلبي هدية ولا تردينه هاك أفراحي وأعطيني أحزانك أعياد قلبي حبك لا تسألينه ولا تلومينه أحبك يا أغلى أحبابي... أحبك يا عسل حياتي يا ريم) ريم فرحت من رسالة فيصل وحست أنها امتلكت الدنيا بالي فيها فقررت ترسل له رسالة وهي (صحيح رسالة منك تفرحني... لكن صوتك يريحني... وشوفتك تسوى أغلى ما عندي يا عمري أنت)
.......................
يتبع