اسكريبتات وقصص قصيرة

سهيلة

=ماما انا عاوزه أخرج مع صحابي
_لأ
=يا ماما لييه
_قولت لأ متقوليش ليه
*لسه بتمشي اوضتهابعدين رجعت تاني*
=ماما على فكره إنتي مش ماما
_قولي والله
=ايوه أنا أكيد بابا وماما ناس ملكيين وإنتي خطفتيني منهم زي روبانزل، روبانزل مامتها كانت بتقولها متخرجش وبعدها اكتشفت إنها مش مامتها
_ملكيين ايه يابنتي احنا لقيناكي فالشارع اصلا، وبعدين بتقولي مامتها مكانتش بتخليها تخرج، أنا بخرجك تروحي دروسك شوفتي بقى
=بتوديني اتعذب اسمها
عالعموم إنتي لو مخلتنيش أخرج هطلع من الشباك وانادي على يوجين بصوت عالي ينقذني منك
_طيب روحي يا حبيبتي يلا امشي بدل ما انا اللي اضربك بالطاسه مش انت اللي تضربي بيها يوجين يلااا
=وانتِ عرفتِ منين انها ضربته بيها؟
_ايه؟
=ايه؟
_ايه
=خلاص قفشتك ياست الحبايب انتي عامله استرونج بس بتسمعي ديزني زيي زيك عادي هاها
_إتأكدتي اني مامتك يعني؟
=أيوه ايوه، بقولك إيه بيقولوا فروزن الجزء الجديد نزل تيجي نسمعوا سوا؟
_موافقه جدا ونسمع السنافر بعديه تمام؟
=هههه، تمام ياماما تمام يلا بسرعه قبل ما بابا يجي ويقول عوض عليا فمراتي وبنتي يارب
_ماشي يلا شغليه بسرعه لحد ما اجيب الفشار
=منتظراكي ياست الكل
*وهما بيسمعوا*
=ماما
_عاوزه ايه؟
=بحبك أكتر من ما مريدا كانت بتحب مامتها
_وأنا بحبك أكتر ما مارلن بيحب نيمو♥
#Sohila