-امينه
_قولي ف ايه من غير عياط بس من غير عياط
-قلبي مجروح
_حطيله طحينه
-لو سمحتي متتريقيش ع احزاني
_طب ارغي
-عريس
_جري ايه ي ملكه جمال العشوائيات انتي ،هو مفيش غيرك ف الدنيا ولا ايه!!!
-هتجنن ي امينه والله زهقت.. كل اللي بيجي يقول بيدور ع بنت محترمه، اشتغلهم ف كباريه يعني؟!
_طب واخر واحد ده اسمه ايه؟!
-اسمه جاسر
_الله حلو حاسر ده اقعدي معاه
-امينه قولنا مبقعدش مع حد، مش بحب حد يتحط ف موقف وحش بسببي بجد، ليه يعني يقعد معايا وارفضه ويحس باحراج م ارفضه من بره اصلا
_لا غلط طبعااا ،مفيش حاجه اسمها كده، الشخص من بره غير لما تقعدي معاه وتكلميه
-مش عايزه
_طب عيني ف عينك كده، انا عرفاكي كويس انتي خايفه لتقعدي معاه وتعجبي بيه صح
-انا رفضت بعقلي وفكرت ف الموضوع كويس فمش عايزه حاجه تشتتني وارجع افكر تاني من الاول
_طب ايه سبب رفضك ل استاذ جاسر ده كمان
-متدين ومحترم
_نعم يختي!!!
- ي امينه مش بهزر انتي عرفاني مجنونه وتافهه وبحب الهزار والكوميكس مش عايزه حد بقي يقفلني وكل ماجي اعمل حاجه يقولي دي عمايل واحده كبيره والجو ده ،عايزه حد اقول الكوميكس يرد عليا مش يقولي ايه معناها ايه ده، ف خطوبه اتفسخت بسبب انها بتقوله طب بالسلامه انت ي
فرج ي اخويا قالها ايه ده انتي بتطرديني طب كل شئ قسمه ونصيب ...باختصار انا عايزه واحد سرسجي
ضحكت كتيييير_يخربيتك فصلتيني ضحك دي مواصفات واحده كبيره دي
-ايوه هو انا كده بقي ..وبعدين جواز الصالونات ده مبحبوش
_اسمه جواز مصونات
-لا اسمه جواز صالونات ي امينه ،واللي هيجي ده هسميه ع فوني جاسر صالون ...وعلفكره هو كذا نوع:
نوع بيبقي شاف البنت قبل كده وعجبته ف قرر يدخل البيت من بابه وده من ارقي انواع الجوازات اصلا
وف نوع انه مش بيبقي شافها قبل كده اساسا وجي ع اساس ان ماما اختارتهاله او خالته قالتله كويسه وده بيبقي من احقر الانواع بالنسبالي لانه بيبقي اولا احراج للبنت لان البنت هي اللي ليها الاولويه تقول رايها ف الولد اما ف الحاله دي هو اللي بيقول رايه فيها وهي اللي بتبقي منتظره رد فعله ...ده غير كده انه بيبقي جي عايز عروسه والسلام اهي واحده تقعد ف البيت زي الكرسي ع مخلص شغل تعملي الاكل وتغسلي الهدوم وخلاص
لا والنوع اللي مضحك اكتر بقي انه بيبقي هو مسافر اصلا ومشفهاش ولا عارفها وشاف صورها اللي مامته بعتهاله ويرجع يكتب الكتاب عليها او يوكل حد يكتب الكتاب وده بيبقي عايز واحده تونس مامته
وف كلتا الحالات لو تعبت هيتجوز غيرها عااادي لانها بالنسباله لا تعنيله شئ ،حاجه اشتراها وباظت وهيشتري غيرها لو ماتت تاني يوم هيزعل ع الفلوس اللي دفعها ف جوازهم مش هيزعل ع موتها....وانا واحده متعلمه وفيا عقل ومش هقبل باي حاجه من دي
_ايه ي بت النضوج والعقل ده من امتي؟!
-من زمان جداا ي ماما بس للي يقدر
_وبعدين ده هاجي ابعتله اغنيه لحمو بيكا يسمعها ازاي يعني ولا اقوله عايزه احضر حفله لتامر حسني ولا اروح شرم بأني وش يعني
-يبنتي م يمكن لما تقعدي معاه تطلع كل مخاوفك دي غلط ويطلع زي منتي بتتمني
_لا ولو ولو ابقي كلبه لو قعدت معاه
دخل بابا الاوضه عليا ف رميت الفون من ايدي
-الناس هتيجي بكره جهزي نفسك
_ ي بابا...
خرج وقفل الباب
-بيموت ف قفل الباب والسكه ف وشي واخدهم هوايه
-ايوه ي امينه معلش بابا دخل عليا الاوضه ف معرفتش اعمل ايه ف رميت التليفون
_ ي بنتي اكبري بقي انتي بتكلمي صحبتك هو انتي بتكلمي ميشو
-يوووه ي امينه متزهقنيش بقي ،عموما انا قولتلك ابقي كلبه لو قعدت معاه وبابا قالي انهم جايين بكره وهقعد معاه وانا الآن ف طريقي الي الهوهوه
_اقعدي قعدت عليكي حيطه ده امه داعيه عليه ف ساعه استجابه
-شششش انا واثقه ف نفسي بصوت مني ذكي ف كده اوكيه
_غوري ي بت ده انتي مصيبه
-هقوم بقي احط ماسكات عشان ابان قمر وارفضهم بقي بقلب جامد واجهز الخطه للتطفيش
_بردو اللي ف دماغك ف دماغك يعني
-ايووون
_طب غوري ي بومه وابقي طمنيني ،سلام
قفلت مع امينه وقضيت طول اليوم ماسكات ونمت بدري وصحيت تاني يوم بدري وقعدت انا وماما نروق الشقه ونمسح تحت السرير عشان الناس متاكلش وشنا واحنا مستضفينهم تحت السرير يعني
جهزت نفسي وجم الناس وطبعاااا مسكت الصينيه وكنت هوقعها ع العريس
دخلت ماسكه الصينيه جااامد وقلبي بيدق جدااا من الخوف عشان حرفيا اول مره اتحط ف الموقف المخرج ده
حطيت الصينيه وقعدت معاه
-ازيك
_كويسه
-ايه ده انتي لابسه نضاره؟!
_اه لابساها علطول مبقلعهاش ليه ف مانع
-لا اصلها محلياكي اكتر منتي حلوه ماشاءالله
اتكسفت جدااا بس رجعت لنفسي تاني ده مش وقت كسوف احنا لازم نطفشه وف اسرع وقت شغل البنات ده مش شغلنا
فوني رن
*مشينا صح مش عاجب والغلط مش سكتنا*
لقيته بيكمل-ع ايه بترفعي الحاجب ابعدي بقا بقا بقا
ضحكت جداااا _ايه ده انا ضحكت واتكسفت!!! هنخيب ولا ايه ي رمضان!!!
_ايه ده ليك ف الاغاني الشعبي
-انا ليا ف كل حاجه
_وانتي ليكي ف الخطف؟!
-نعم؟!!!
_اصل ضحكتك خطفت قلبي
-لا بص ي استاذ...
_جاسر قوليلي جاسر بس ،عايز اسمع اسمي بصوتك
-بص ي استاذ جاسر انت انا مليش ف شغل المحن وصبري وست البنات والجو ده
_خلاص ي شبح اللي تشوفه
-شبح!!!! منا بردو مكنش ينفع اقول اني عيزاه سرسجي
لقيته قلع نضارته وبيمسحها ببص ف عينه لقيت عينه ملونه ودي تقريبا نقطه ضعفي
_انا بقول اقوم احسن وعموما بابا هيبقي يبلغك بردي عن اذنك
طلعت جري واتصلت ب امينه
-قولتلكو ي امينه مقعدش معاه قولتلكو يستي
_ ايه ي بومه اللي حصل هببتي ايه؟!
-ده طلع ورور ي فندم
_ورور!!!
- ايوه ي امينه ده طلع عنيه ملونه..العيال هيطلعو عنيهم ملونه، اي نعم هيبقي ابوهم وامهم لابسين نضارات وهيبقو عيال عاميه ..بس قمامير
_صبرني يااارب ع البلوه دي
-امينه شكلي هخيب واوافق ولا ايه
_قولت كده والنعمه قولت كده
دخل بابا عليا الاوضه تاني
-بصي ي همس انا عارف ي حبيبتي انك مكنتيش عايزه تقعدي معاه
-انا ي بابا!!
_ ايوه ي حبيبتي بس والله انا كنت عايزك تقعدي معاه وتجربي بس
-لا ي بابا والله كبرت الموضوع..
_خلاص ي حبيبتي متزعليش انا رفضته ريحي نفسك
-لااااااا لوتفي استني ي لوتفي
صحيت من النوم ع صوت المنبه وقومت مفزوعه... جريت ف الشقه لقيت ماما ف وشي
-ماما فين بابا
_جوه ف الاوضه ليه يبت مالك ف ايه؟!
-اصلي حلمت.. اه صحيح الحلم ...جاسر.. يلهوووي ل بابا يرفضه
_يبت مش فاهمه حاجه اتكلمي براحه
سبتها وجريت ع بابا
-بابا حبيبي الحمد لله اني لقيتك
_صباح الخير ي حبيبتي
-مش وقته ي بابا سلامات... فاكر ي بابا العريس اللي قولتلي عليه قبل كده
_منا...
-لا ي بابا متقولش رفضته ابوس ايدك
-لا انا قولتله يستني شويه
_ عسل ي بابا عسل...قوله خلاص بنتي رجعت ف كلامها ...يلا ي بابا اتصل بيه قوله متبصليش كده
"وان لم تكتنفني عيناك.. اين سأكون؟! "
#عٌآشُقٌهِ_آلُآڛوُڊ🖤
#دنيا_فرج✨
فولو ليا لو عجبتكو❤️