#بلاعنوان
البارت السابع والثمانون
ل وردالعامري
مؤيد: الفجر نتوكل ان شاءالله
محمد: كوم ابوخليل اروح للكراج
زينه: يريد يطلع محمد اشرتله
محمد: انزل ابوخليل نازل وراك ها خيتي
زينه: محمد اني انزل وياكم
محمد: لالا
زينه: ياخويه انزل وياكم احسب حسابي
محمد: خيتي مؤيد اصلا مايخليج
زينه: احسب حسابي انت واذا مقبل مؤيد اني الحكم يامكثر السيارات
محمد: ههههه وربي هسه عرفت ليش متوالمين انتو اثاري نفس الواير مكطع عدكم طبكات
زينه: هههه ماعوفه وحده ينزل واضل هنا انتضر غير اموت
محمد: اني وياه يعني اخلي ينكس ايده بيهم شبيج
زينه: لاطبعا ادري انت وياه وتكفي وتوفي اني اصلا مونازله علمودهم قابل شكدر اسوي بس اريد اكون وياه
محمد: والولد وامج
زينه: ماعليهم شي يم امي
محمد: امج تعبانه يمعوده موحملهم
زينه: لاتكدرلهم همه كلهم كبار ما شاءالله يكدرون يعتمدون ع نفسهم اخذ بس عمار ويايه
محمد: والله انتي ومؤيد معليه اني
مؤيد: خير
زينه: بسم الله هههه فززتني
مؤيد: شكوو
محمد: ماكوشي يله رايح اني
مؤيد: اني جاي وياك تعال اريدك
زينه: اخذه ع صفحه سمعته يسئل ع فلوس محمد ايجاوبه اي شايل
مؤيد: يله بس البس
زينه: التراكسود صيفي مؤيد
محمد: شمحتاج انت اني اجيبلك
مؤيد: سيت هدوم يمعود ابيش انزل هاي الدشداشه صيفيه
محمد: اني اجيبلك لاتنزل بارده
مؤيد: لقياس تره اختلف ههه كرش ماكو هاا
محمد: هههه اعرف اعرف يله رايح ام ادم محتاجين شي حجيه ياشباب تردون شي
زينه: سلامتك
ام زينه: تسلم سلامتك
زينه: لولد هم مرادو شي متعلمين ميطلبون من احد
طلع محمد ومؤيد راح للغرفه رحت وراه
واكف ع مرايا مدكوكه بالحايط ايباوع ع مرايا ذبيت حجابي
شبيها ركبتك
مؤيد: مادري احس بحكه منا
زينه: شوو حز ركبته مابي شي
مؤيد: يجوز لان صار هواي ممزين وحطيت عطر اتخدشت
زينه: يمكن بااصابيعي لمست مكان لحيته
بردان حبيبي
مؤيد: لا بس درب هذا شارع الهوه يصير اقوه
زينه: حبيبي
مؤيد: همممم
زينه: صرت كباله لزمت ياخه دشداشته
اريد اطلب طلب
طوق خصري بيده
مؤيد: وشنو الطلب
زينه: اطلب ومتفشلني
حرك خشمه فوك خشمي
مؤيد: هممم
زينه: فتح لقراصه نزل شعري ايده تلمس شعري وضهري اريد
مؤيد: اييي
زينه: ارريد
اخذ شفتي وضغط ع ضهري قربني اكثر عليه
جرني ورجعني ليوره ضهري ع حايط
جان يبوسني بلهفه
انفاسه تصير ع ركبتي ويرجع ياخذ شفتي
مؤيد: يابنت الكييييلب
زينه: حاضني وفجأه هدني ورجع ليوره
مغمض عيونه
ليش تسبني شسويتلك
مؤيد: لاتتقربين زينه
زينه: تقربت عليه لمست كتفه بعد ايدي
مؤيد: موحلفت بنت المنبوش ع كوله امج
تحرمين عليه بنت الكلب طلعي
زينه: هههههههه
مؤيد: لاتلعبين بااعصابي طلعي شويه زينه طلعي عيني عوفيني هسه
زينه: ماااطلع ههههه
مؤيد: لااسوين هيج
زينه: تدري عاجبني ادك النذاله وياك واعاندك ومااطلع حته متحلف هيج حلفان بعد
مؤيد: شوفي اني حلفت تحرمين عليه اذا لمستج واني مماخذ حقي
ودايس ع روحي فلا ادوسين ع جن وتكولين اسم الله هااا
زينه: ههههه طلعت طلعت
طلعت وسديت الباب عليه الولد يدرسون
وامي كاعده ع تلفزيون
حبيبتي
ام زينه: عيني يمه
زينه: اعرف تعبتج وانتي تعبانه
ام زينه: لايمه كولي عيني تردين شي
زينه: راح انزل وياهم ماريد اعوف مؤيد وحده
ام زينه; اي يمه روحي حبيبي
زينه: بس شلون انتي والولد
ام زينه: شكو علينه يمه روحي وياه وهاا اوصيج وصيه
يمه الله رحم بحالج وبحال ولدج ورجعه
رجلج دمه فاير وضارب اخوه بصواب موت لوما الله ساتر
تعبتي وتأذيتي صح بس بيج خير لاتخليه يروح من ايدج مره ثانيه اذا كتل واحد منهم لوصوب واحد
انتي وولدج الي تخسرون
هم يشيلوه واضلين تراكضين سجون
بيج خير تخلين عيونج براسج لشغله موشغله سلاح
شيريد،يسوي خل ايسوي بس بسلاح لا
لسلاح غدار صاحبه تره
وانتي وولدج مناقصين مصايب
خلي فوك راسج وراس ولدج
زينه: الله لايخليني من وجوده حبيبتي راح اخذ عمار وال
ام زينه: لاكلهم عوفيهم روحي ويه رجلج معليج بيهم
زينه: لاحبيبتي عمار متعب يحتاجله ركض خلي ويايه مراح ايأذيني والولد يمج وراح يضل بالي عليج
ام زينه: اني ماعليه شي روحي
زينه: الله كريم طلع مؤيد باوع عليه صفح وضحك
ام زينه: ها يمه لونايملك ساعه وراكم درب
مؤيد: لاكاعد وياكم
ام زينه: اكولج صدك شغله التقاعد شلون
زينه: والله مادري لازم اروح
مؤيد: شنو قصه التقاعد سولفلي عليها ابوخليل
زينه: مو ابويه انعدم
مؤيد: اي اي اعرف التفاصيل بس صدك يعني
زينه: اي والله هههه اني هم ممصدكه بس مضل شي ع اساس هل نزله استلم
مؤيد: عوفي خل ايولي
ام زينه: لا ليش
مؤيد: ماريد شي لامن هل دوله ولابااسم يونس لاازعلون
ام زينه: يمعود ع قليل انحصل منه شي
مؤيد: عمه شتحتاجين اني موجود اروح وارجع وشلعي عيوني
ام زينه: لايمه سالمات
مؤيد: شغله هل تقاعد بااسم يونس عوفوها
ام زينه: لايمعود شعرايه خل نحصل من هل دوله ومن يونس
مؤيد: عمه اني مااكدر امنعج بس اكولج اني شتحتاجين اني حاضر عوفيه
وانتي بكيفج بس زينه فلس لبيتي ولولدي ميدخل من هل باب
زينه: الناس كلها تستلم شبيك
ام زينه: مؤيد ع قليل واحد عنده تقاعد
مؤيد: عمه انتي عاجبج وضع التقاعد هههه
ام زينه: اي يمعود اريد احس حصلتج شي من يونس
مؤيد: هههه عمه بكيفج اني ماامنعج بس مثل محجيت زينه خلي عمتي تستلم تريد تحصل شي من يونس هههه انتي لا
وعمه تستلمي الج تشترين ذهب اذبي بالبحر الج
بس لبيتي ولولدي ميطب شي منه
زينه: يااا
مؤيد: زينه شي بااسم يونس ماريد نقطه ع سطر لاتناقشين بهل سالفه ابد
زينه: سكتت محجيت وامي هم سكتت مناقشنه بالموضوع كان ببالي يرتاح ونحجي مو وقته هسه
رجع محمد جايب هدوم وقمصله وحذاء(عفوا)
كدرهن مؤيدتمام عليه
واتفقوا لفجر يطلعون
اتعشينه ونامو الولد حضرت جنطه حطيت بيها هدوم لعمار
والي
مؤيد: شسوين
زينه: احضر جنطتي
مؤيد: ليش وين العزم ان شاءالله
زينه: هااا هههه مو كتلك اريد طلب وانت
مؤيد: اي اي احجي من بعيد
زينه: ههههه صاير ضد اللمس
مؤيد: حاليا اي احجي شنو الطلب
زينه: اجي وياك حبي
مؤيد: حلم ابليس حبي
زينه: شنو حلم ابليس
مؤيد: كعدي يم ولدج وسكتي
زينه: مااعوفك تروح اذا مو وياك
مؤيد: زينه لمي ولدج وكعدي كلها كم يوم وتلكيني يمكم
زينه: انزل وياك يروحي متروح وحدك
مؤيد: شكلت حلم ابليس خل انام ساعه
زينه: اي نام
جوازه بجيب البنطرون حطه طلعته ضميته
طلعت محمد يحجي ويه مرته
ضليت انتضره يكمل
محمد: ها خيتي محتاجه شي
زينه: محتاجتك بشغله اريدها منك
محمد: كولي ام ادم
زينه: اريد انزل وياكم
محمد: هههه مقبل مؤيد مو عرفت ابقي هنا خيتي احسن
زينه: عليك الله بروح ابوك تقنعه اروح وياكم بداعه جهالك بروح ابوك
محمد: تورطيني اني ويه مؤيدهههه
زينه: عليك الله تقنعه اروح وياكم
محمد: ادري شسوين نازله وياه
زينه: محمد وحدك متكدرله شوف 3ايام مكدر يصبر اني وياك نتعاون عليه لايسوي شغله والله كلبي ميتحمل بعد
محمد: تؤ اووووف ماشي احاجيه
زينه: الله يحفظلك جهالك يارب
رجعت للغرفه
وبدلت وحضرت عباتي بدلت لعمار
هوه نايم
لفيت حجابي وكعدته
مؤيد حبيبي
مؤيد: هممم
زينه: يله عيني هم يله بين ماتبدل وتاكل لكمه
مؤيد: اي اي شو مبدله خير
زينه: موكتلك اجي وياك
مؤيد: وخري خل ابدل ماكو روحه
تجي ويايه رايح العب ماخذج كعدي جهالج مدارسهم
زينه: جهالي يبقون هنا يم امي بس عمار اخذ
مؤيد: زينه لاتلحين
زينه: مااعوفك تنزل وحدك مؤيد ياتاخذني وياك يامتروح
مؤيد: تؤمريني لج شنو
لااطلعين خبالي عليج
زينه: حبيبي بس اكون وياك اخاف ابتعد عنك والله اريدك تكون كدام عيوني
مؤيد: موطفل اني كدام عيوني هه
زينه: مؤيد اذا غاليه عندك تاخذني
مؤيد: لاتلحين
زينه: اذا مااخذتني وياك الحكك
مؤيد: لج شنو تعلمتي رايحه جايه. اكسر راسج زينه والله
زينه: جر شعري من وره الحجاب
مؤيد لو ماعرف شسوي ماتروح وحدك
مؤيد: شنو تحكميني زينه
زينه: اذا متريدني اطك واموت من لخوف تاخذني
مؤيد: لاطكي وموتي
زينه: ماشي براحتك
لبس هدومه ومد ايده ع جيبه طلع الجنسيه وكلب جيوبه كلها
اني كاعده وساكته ولاكأني اعرف شي
مؤيد: وين لجواز
زينه: ياجواز
مؤيد: زينه مو مال لعب جوازي وين
زينه: مادري
مؤيد: استغفر الله لج بابا اطيني لجواز عيني بله هل سوالف
زينه: ماعندي شبيك
مؤيد: هاي كلمه شبيك اكرهه تره اطيني لجواز
زينه: ماعندي
مؤيد: لجج منوو
محمد: ها كاعد
مؤيد: فوت فوت
محمد: صباح لخير
زينه; صباح لنور
مؤيد: صباح لنور فضيني زينه
محمد: شبيك
مؤيد: والله هل كلمه صايره تعصبني جيبي لجواز خل اولي
محمد: الجواز شنو
زينه: ماعندي
مؤيد: وبعدين نضل نلعب زينه
زينه: مانلعب اخذني وياك
محمد: هاها
مؤيد: تمشين حجايتج عليه شنو
زينه: راد يضربني جره محمد
موامشي حجايتي بس خايفه
مؤيد: طفل وتخافين عليه
محمد: هسه مشكلتكم شنو تريد تجي اخذها وياك
مؤيد: انت مخبل رايح العب اني
محمد: مؤيد مرتك تكون وياك شكو بيها ثاني ياخويه الي صار صار وياها مو وياك
يجوز تصير شغله ايريدون ايسمعون منها
مؤيد: انت من كل عقلك ليش راح اكعد وياهم حته اسمعهم ويسمعوني
محمد: ابواحمد حبيبي انت. عاقل اهدء ياخويه من هسه فاير هناك شلون
مؤيد: هناك العين بالعين والسن بسن والبادي اضلم
محمد: هذا موحجي
مؤيد: محمد اطلع منها اني ماريد احد ويايه اصلا
وجهي بوجهم اريد حته اذا صار شي بس اني بساحه ماريد احد يتأذه
محمد: من كل عقلك تحجي مؤيد اني مو خايف منهم اني خايف من نفسك ع نفسك
تحرك تحرك بهل اعصاب ارتاح شويه وشتريد احنه حاضرين
تعال. بره احاجيك
زينه: طلعه بره سمعت بس صوت مؤيد صاح لا وين اخذها
ومحمد مااسمع شيحجي بس تبسبس
وره شويه فات تخوصر
مؤيد: تمشين ويايه صوتج مااسمعه
ماتدخلين بشي تردين ترتاحين وميضل باالج امشي تردين ادخلين نفسج بشي ضلي هنا احسن
زينه :لالاماادخل بس اخذني وياك
مؤيد: وولدج شلون
زينه: يم. امي همه متعلمين عليها
الف حجه طلع ويمشي ويحجي
لفلفت عمار وشلته اخذه مني هوه ولطريق كله يلفه بالبطانيه ويحجي عليه مطلعه هل طفل اني شلون انضرب عقلي وكتلج تعاي
رجعي ونتوسل بي اني ومحمد
طلعنه يسوق ابوخليل
جبنه الطريق نحجي شلون صارت وبالحدود
من طبينه لحدود العراقيه خفت
وكل ماانقرب اخاف اكثر
رحنه لبيت عمي ابو مؤيد بوجهنه وصلنه ابوخليل
نزلنه بالباب شفته التفت ع ديوانيه ابوه وجر حسره
فتنه لداخل طلعت مرت ابوه وخواته اتلكنه
ومن بين ل اصوات
-هلايمه ابواحمد
زينه: ام مؤيد تقدمت من شافتني جفلت
-ضل بالي يمك مالحكت اشبع منك شوف
زينه: هز راسه مؤيد وطب اني وراه بديوانيه الداخليه
مؤيد: كعدي وصوتج مااسمعه
زينه: شاورني بحجه واكف يمي ويكولي كعدي
مؤيد :اخوتك وين
ام مؤيد: اخوتك يمه بالكراج
مؤيد: ومنو كلج عندي اخوه اني طبعا حشه ابومريم(محمد)
ام مؤيد: كلهم اخوتك يمه بيهم لخير ولبركه
مؤيد: جانو عندي اخوه فاركتهم وهمه اخوتي بس برجعتي ماتو واخذت عزاهم
ام مؤيد: لاتحجي هيج ع اخوتك اخوتك رادو لزين الك ولولادك
مؤيد: الزين بكتل واحد لو بحرمان الباقين من امهم
ام مؤيد: اذا جانت امهم جايبها من
مؤيد: لهناااا وحدج
ام مؤيد: تعلي صوتك ع امك مؤيد
مؤيد: اي ام منهم الي طبت بيتي ويه لنهبو وشافت بيتي يحترك
ام مؤيد: اني ماجنت وياهم
مؤيد: لو الي طبت ع بيتي بنصاص الليالي تريد تاخذ ولدي من امهم
ام مؤيد: امهم ماتستاهل تربي ولدنه
مؤيد: لو الي كتلت طفل بعده ببطن امه
ام مؤيد: مليتي اذنه علينه يابنت ابليييس
مؤيد: محد مله اذني بشي كذب لوششوفين يامرت الشيخ ويابنت الشيخ
ام مؤيد: تستهزء مؤيد اي مرت شيخ وبنت شيخ اني مو بنت العواهر تصعد عله ركبتي
مؤيد: بنت الي تكوليه صانت عرضي وشرفي وولدي
ام مؤيد: ومنو يكول ع كولت ابوك العرك
مؤيد: لوجان العرك دساس جان ثمر عرك لشيوخ بنسلهم
جان هاج العرك بمده ايد لناس ماتسوه وواتفاقات
ام مؤيد: اني مااتفقت ويه احد
مؤيد: هههههه
ام مؤيد: صار سنين وجاي تحجي بزود حفضت بيتي وعرضي
شتعرف عنها بهل سنين
محمد: كافي يمه
مؤيد: ردج الي هوه يعرف عنها ردج الي جاراها ع انه مايندل وين تسكن جاره خوفها ع ولدها منكم
زينه: يعني محمد يندلني جان باوعت عليه ابتسم بوجهي ودنج
ام مؤيد: تكول ماعرف عنهم شي محمد
محمد: لا اعرف
-صبيتلك جاي بين مايصير الغده
مؤيد: وين شيخ محمود
ام مؤيد: ماكو شيخ غيرك انت وريث ابوك وخوالك يردو…
مؤيد: وريث ابوي صح بس خوال ماعرف الي بيني وبين الخوال خيط جان وانكطع
محمد اخذ ام ادم يم زوجتك
زينه: طبت مرت ابوه سئلها ع محمود وردت امه
طلعت بعدني بباب الديوانيه سمعته يكولها
-انكطع هل خيط مثل مانكطع نبض الطفل تذكريه
ام مؤيد: ماردت يكونلك من هاي
-هلا حبيبتي
زينه: تلكتني ام مريم مرت محمد واني متقصده واكفه بالممر الي بين الديوانيه ولهول دنجت عود اعدل هدوم عمار
مؤيد: موتكولين كذب تهيمه ماسويتها
-يله فوتي
زينه: اي اي طبيت للصاله وسدت لباب
يعني اعترفت مسويتها جنت اغلي نار بس اخاف احجي
-زينه
-نعم
-مكفاج يمه ضرب لولد بصواب وخله دمه بالكاع
شالوه ولد عمه يصيح من صوابه
مكفاكم كل هذا جايبته وجايه شتردين بعد
ام مريم: عمه
زينه: لحضه ام مريم اني لوبيدي ياام محمود مااخلي مؤيد يوصل عتبت هل باب
لسبب وحد بس ماريد يوصخ ايده بناس عافت لخجل ولمستحه وحطت عينها ع عرض اخوها
-لاتذبين بلاج ع ابني تردين تهجمين بيته
زينه: اذا اني اذب بله عليه محمد اخوه شاهد
-تردين لاخوه يتكاتلون ابينهم شسوالج ابني وهيج اتفقتو عليه كل هذا ع المشيخه اخذيها انتي ورجلج ماريد منكم شي بس كفونه شركم
زينه: حجيه اب..
صوت مؤيد صار عالي
-من مشيتي وره كلامه تركضين خليتي خاطر ل اابنج وكف بعينج ابنج. هسه جايه تكوليلي امك
امي نزلت من عيني من زمان بس هسه لا انمسحت من حياتي
زينه: ركضت اريد اروح يمهم لان صوته عالي
ام مريم: لازينه ديربالج هوه كلج طلعي اذا رجعتي للديوانيه مايرضه ويعصب عليج
ام محمود: اي يمه علميها الاصول لان ماتعرفها
زينه: محاجيتها حاطه اذني اسمعهم
-من خوفي ع ولدك سويت كل هذا ماردت يتربون عد وحده مثلها
ماجنت ادري بسوايه محمود
-ليش ابنج مكالج محمد ماكلت ل امك
-لاوالله الف مره حجيت
-اي عبالي تتبلاه هيه لمثلها..
-المثلها تنحط ع راس وتروحلها فدوه بنات اثخن شارب
زينه: ام محمود راحت للديوانيه وردت الحكها لزمتني مرت محمد
ام مريم: لاتدخلين
زينه: مااحجي بس اشوفه ليش هيج عصبي ويصيح
ام مريم: معليج اي حجايه تحجيها لاطبتج بعد ماهوه كلج طلعي تنحسب غلط عليج
مؤيد: محمود وين
-يمه ان صعد وله نزل محمود اخيك وانت اخوه الجبير
مؤيد: ابنج ووين
-ابنج ابنج ياهو الي يجي وكال ابنج ابني هج من وراكم حته يخلص منكم ومن تهايمكم عليه
مؤيد: هاا تهايمنه مرت ابوي خابري ابنج كوليله احمد ماخلف نسوان تنهزم وتتختل
خلف زلم تواجه وكوليله مؤيد يكول مؤيد الي حسبالك
كوله جايك بمكان عزرائيل يتناتب عليك فصير زلمه وواجهني
وكوليله لو موتتختل اطلعك اطلعك شلون الفار اجرك من اذنك واطلعك ف خلي يصير زلمه
-ابواحمد وروح ابوك محمود ماعليه همه كلهم دفعوه وحركوه ع ام ادم والله هوه يحسبها مثل اخيته
-منووو الي حركوه
-انتي واخوتج خيه مؤيد يمه امك وخوالك همه الي دفعوه
-هااا ولج احنه نعرف ابنج جان طباب طلاع عليهم هوه اجه ياكال عمتها يابنات عمتها ياامها يااهلها
كلشي مانعرف هوه اجه يصيح ولدنه واهلها واحنه مشينه وراه تالي طلع مو حب بولد اخوه
-لاخيه وليدي ماعليه انتي تعرفين اهلها كلش زين
-منين اعرفهم اني
-ليش موتعرفين عمتها
-انا اعرف عمتها ليش ولج شكالولج علي
هوه ابنج الي مايستحي جابها الي كال تخلصنه منها ومن الي اب…
مؤيد: اي كملي كملي ليش سكتي.
تدرين حته كلمه يمه ماتطلع مني الج
-مؤيد كتلك لمصلحتك
مؤيد: مصلحتي تنسيتي تنسين عندج ولد مااكدر اكولج حسبتج من الماتو بس انتي حسبيني متت
-السلام عليكم
مؤيد: اهلا ياهلا هلت وحيت هلا بااخوتي بحزام ضهري
زينه:هاي لولد جوي عزه
ام مريم: معليج محمد يمه
مؤيد: هلاهلا والله بوكفتكم هاي تسدون عين الشمس
-احنه قصرنه
مؤيد: انتو انذال ذياب مو اخوه
منو بيكم ماشلت حمله انييي
هااا مصايبكم شكثرها شلتها ع ضهري
وماوصلت شي ل ابوكم
من جنت موجود جنتو تصيحون ابونه انت
ومن غبت غدرتوني ماعرفتو تحمون ولدي مثل ماحميتكم
-اني مدخلت
-ولااني احنه ماادخلنه بطرفين
مؤيد: عشتوو والله زلم سباع ينحرك بيت اخوك ويتهجول اهل بيته وانتو متفرجين
-محد طلب لعونه منه حته نفزع
مؤيد: تفزع ياابن ابوي تريد تنطلب العونه منك
ولك الغريب اركضله باايدي قبل رجلي
وانتو لعيال اخوكم تردون طلب العونه
وانت صلاح شوساكت ماسمعت صوت ياابن امي وابوي
-اني اني جنت ويه محمد سئله
وحته تكاتلت وياهم ابيتك اسئل زوجتك
بس من سمعت لحجي الي طلع
سحبت نفسي وبس كلت اي ناهذ الولد ماادخلت بشي لاجنت وياهم من حركو بيتك ولااعرف انه ويه محمد طفيته
مؤيد: تفوووو ع شواربكم الي نحطت بوجوهكم وولدي يتشردون بشارع
زينه: صوته جان يهز لبيت هز
نسوان اخوه مؤيد من سمعن زلمهن جوي اجن للصاله قبلها مادخلن ولاوصلن وخوات مؤيد كلهن تزوجن ومدخلت وحده منهن ابد شكد صار ماشفت وحده منهن ولاسمعت شي عن لسانهن
صلاح: اني من كلي محمد ع محمود سئله شسوينه بي اني ومحمد والله هنا تمالخنه وياه اني ومحمد وهوه طلع ونهزم بعد ماشفناه
لحد موتت ابوي يله شفناه وهم محمد طرده من الجادر بس سكتنه حته لاننفضح بين الوادم
-بس هوه نكر يكول تبلي علي
مؤيد: اخوك محمد هم يتبله عليه
زينه: الديوانيه كان بس صوته لعالي بيها حته من يردوه صوتهم ميعله
حجي هواي يتعذرون وهوه يرد عذرهم بغدرتوني
ام مؤيد: مؤيد لاتصير مثل ابوك واكفين خوانك بين ايدك حته ماكعدو واكفين ع حيلهم ويردون رضاك
مؤيد: الله يرحمكم قسم بالله قريت لفاتحه عله ارواحكم وخذت عزاكم من لولدم اااااخ
ياريتكم غربه عني ياااريت
ولكم الغربه سند الي وانتو ماجنتو سند
زينه: رغم عصبيته اكو. نبره قهر بداخله
عمار نام وصار لمغرب وهوه يصيح ويعيط البيت كله واكف قصاص جان
ام مريم: حبيبه تعالي نيمي لطفل خطيه ركبته انكسرت
زينه: شلت عمار ودخلت وياها صعدتني فوك لغرفتها نيمت عمار وبنزلتي صار بوجهي مؤيد ومحمد بالممر واكفين
محمد: والله ماتطلع اصعد فوك ارتاح
مؤيد: مااريد اشوف احد منهم جيبي ابنج
محمد: تعالي خيتي بالله ماتطلع مؤيد اني وياك عليهم
بس تره صدك محد ادخل وصلاح جان وياي ببيتك بس غره لحجي
مؤيد: وعذر انهم ماادخلو محمد
محمد: غلطو بس غلطهم انهم سحبو نفسهم وبس
ماطلع منهم شي وصلاح غلط،ومن سمع ارد وسحب نفسه
من طبو لهسه شكد حجيت وغلطت وشسويت بيهم همه واكفين كدامك ماواحد منهن رفع راسه
ممتعلمين عليك صلب هيج ويانه حبيبي
احنه هم ولدك
زينه; واكفين يحجون وطب صلاح مدنج
دار وجهه مؤيد وهوه جلب بضهره حضنه
-غلطت اني غلطان انغشيت بالحجي
غلطت ياخويه
زينه: والله نقهرت عليه وصدك اخوه مؤيد غلطهم الوحيد انهم ماوكفو بوجه محمود وولد عمهم وخوالهم سحبو نفسهم
مؤيد: غدرتوني
صلاح: اني غلطان جان لازم اضل ويه محمد
وهاي بوسه لراسج خيتي اني غلطت والله مجنت اعرف بمحمود والي مسويه
زينه: ع صوت صلاح جوي الباقين وبالممر يحجون وياه
محمد: صعدي فوك خيتي
زينه: صعدت وعيني عليهم الي عجبني شغله من جوي لولد يحجون ويه مؤيد كل وحده من نسوانهم راحت لمكان لبيت كأن فرغ بس الهم
صعدت يم عمار صعدت يمي مرت محمد
وره شويه صعد محمد صاح زوجته ضليت بمكاني متحركت
ام مريم: حبيبتي جهزت لغرفه الكم والله ابواحمد ميقبل لوباقين بغرفتنه هذا لولد نايم
زينه: لاحبي تسلمين
اخذتني لغرفه هم فوك اني اعرف هاي غرفه محمد لان من طلع مؤيد من بيت ابوه
انقل محمد لغرفه مؤيد وهاي لغرفه سووها للبنات من ازوجن عافوها ع حطتها للخطار اليجيهم
سريرين خشب ابو نفر طابكيهن سوه
نيمت عمار ووره شويه صعد مؤيد جكاره بيده
هاي شنو
ذب قمصلته
مؤيد: اكل شي،لطفل قبل مينام
زينه: اي مرت محمد وكلته
مؤيد; وانتي
زينه: ماشتهيت صبت خطيه بس مكدرت
ذب لجكاره مؤيد
مؤيد: عوفيني زينه
زينه: تمدد بهدومه ع فراش
دنجت انزعه حذائه
مؤيد: لالا طالع
زينه: وين طالع ساعه 9متعبت من جينه لهسه صوتك راح
مؤيد: كتلج تجين ويايه بس متسمعيني صوتج
زينه: اي بس ارتاح
كام طلع من لغرفه
وره ربع ساعه طب اخذ،قمصلته لبسها
وين رايح
حط اصبعه ع حلكه اشش وطلع
ركضت وراه شفت محمد واكف يم باب غرفته نزل وياه
رجعت للغرفه اووووف
منوو
-اني افوت
زينه: فوتي ام مريم
ام مريم: اخاف تردين تنامين
زينه: لاشينيمني
ام مريم: الله يعدي هل ليله ع خير
زينه: يارب متعرفين وين راحو
ام مريم: هاا لامادري
زينه: ياربي سترك وين راح بهل ليل
ام مريم:تعالي كوليلي شصار بيج من اجاج لخبر مال كوثر كيفتي موو اني كلت هسه تركص ركص
زينه: خبر شنوو
ام مريم :امممم
زينه: شبيج والله ماعرف شكو شبيها كوثر
ام مريم: يااا صدك مكالولج
زينه: لا شيكولولي
ام مريم: اني محمد بتلفون سولفلي
زينه: غير تحجي ع شنو
ام مريم: ياا مومؤيد مخلي محمد يخابر هذا صديقهم لمحامي
حته يمشي بطلاك
زينه: طلاك منو
ام مريم: يااا خيه طلاك منو غير رجلج راح يطلك ضرتج
زينه: صدددك
ام مريم: والله شبيج سمعت من محمد هل حجي
زينه: فرحت يمكن غلط ويمكن انانيه هل فرح بس فرحت وفرحت لسبب ان محد يشاركني بي بعد
ام مريم: شوف لخدود وردن
زينه: هههه يمعوده بياحال اني وين راحو عليج الله محمد مكالج
ام مريم: هوه مكالي بس نزل سلاح
زينه: شنزل
ام مريم: نزل الرشاشه جوه سمعت ابواحمد يكوله بسياره حطها
زينه: عزه بعيني نزلت اركض طالعين
وين راحو ياالله
. ………… ..يتبع-