#بلاعنوان
البارت الثالث والثمانون
ل وردالعامري
زينه: رجعت للبيت وبشرت امي كملت شغله الشقه
ابالي شغله الاتصال
بس شكول مستحيه منه
ام زينه: شبيج تتصفنين اليوم
زينه: كلي شغله ابو خليل واريد اسويها بس حايره بالي احجيه
ام زينه: وشنو هل شغله
زينه: كلي خابري ع محمد وكوليله انج راح تتحولين لغير بيت
ومتردي يندل مكانج يعني كال كوليله ماريد افشلك ويه اهلك
ام زينه: والله كلامه صحيح
اني هم جنت افكر بيها موبعيد يكول
الي حجو اهلي عليها صحيح وتاليتها اخذت ولد اخويه من غير متبلغني
هاي دنيه يمه وذوله صعدو وله نزلو عمام ولدج
خليج باجر ينحجي كدام ولدج ضلموج. واذوج
بس ماينسمع منج غلط
زينه: شكوله
ام زينه: خابري كوليله اريد اخلصك من لمشاكل
وحته لااضل شايل همنه مادري خابري وهوه الكلام يطلع
قابل هوه انشاء نكعد انفكر
خابري والي بكلبج احجي احسن
من ماترتبين واحجي هيج ومااحجي هيج
زينه: ماشي
جريت التلفون دكيت عليه
-الو
-السلام عليكم شلونك محمد
-بخير خيتي انتو شلونكم
-الحمدلله صوتك تعبان خيرك
-الحمدلله ع كل حال هذا هوه تمشي الايام متضل
-صاير وياك مشاكل لاسامح الله
-والله ياخيتي ماعرف شكولك هذا هوه قدر الله وماشاء فعل
-لاحول ولاقوه الابالله خويه محمدولوتعبان بس خابرتك
اريد احجي وياك واتمنه متزعل مني
-لالاخيتي الله لايجيب زعل كولي
زينه: ااااااا والله ياخويه اعرف المشاكل زادت عليك
وجزء من لمشاكل والضغط اني وولدي
محمد: لاتكولين هيج خيتي
زينه: محمد الى متى راح تتحمل ضغط اهلك عليك
وحلفانك انك متعرف علينه شي
ياخويه اني اريد اشيل هل مسؤليه من جتافك
خلي يخف حملك شويه
محمد: مفهمت شنو قصدج
زينه: ااا اني اشتريت شقه
محمد: اييي زين تسوين شكد ادزلج ف.
زينه: لالاالحمدلله كفن الي عندي اريدك سالم
محمد: يعني كملتي اشتريتها
زينه: اي والله استلمت سند تمليكها
محمد: زين تسوين احسن من الايجار
واني بهل سفره اجيبلج مب..
زينه: محمد اني ممخابرتك ع فلوس
بصراحه خابرتك اريد اكولك ان ماريدك تضل بهيج موقف ويه خوالك وولد عمامك بسببي اني وولدي
اني راح انقل للشقه الجديده بس
ماريدك تعرف العنوان كافي كل يوم ضاغطين عليك
وانت حشاك من الكذب تكذب بسببنه
محمد: ام ادم
زينه: نعم
محمد: خيتي انتي خايفه لايجي يوم وادلي ع مكانج ومكان ولدج
لااحد من اهليتي
زينه: اني موقصد
محمد: حقج حقج خيتي حقج تخافين
وحقج تشكين بس اعرفي شي واحد
ولد مؤيد ولدي واخوتي ولد اخويه
وافديهم بروحي ومااخلي واحد من
ذوله يعرفلهم مكان
لان كلها اوراقهم انكشفت
وطلعت كلها عبيد للمال
بدينار توديهم واجيبيهم
زينه: محمد اني ماانسه وكفتك وردت بس اخفف حمل
محمد: خيتي كتلج حقج
اني اليوم ابن ابويه غدرني
وغدر اخوه حقج انتي تخافين اذا ل اخ غدر اخوته
زينه: صاير شي جديد محمد
محمد: والله خيتي الجديد كراج مؤيد
اخذوه محمود وولد عمي اخوه ام احمد
ع هذا حلال جهال اختنه
ومشاكل صار كم يوم يردون اوراق السيارات واوراق الكراج
زينه: الاوراق
محمد: اعرف عندك وخليهن خيتي لاتزعلين مني لااقرب شخص عليج لاتشوفيهن
خليهن عندج غصبا ماعليهم السيارات تتجمد لحد ما نشوف حل
وكل واحد ياخذ حقه
زينه: بس اني ادري اكو توكيل
محمد: وكاله للسياقه قصدج للسواق
زينه; اي
محمد: خيتي لغريب طلع اخو دنيه اكثر من لكرايب
السواق اجوني اطوني لوكالات ونزلو
من السيارات كلامهم واحد مانشتغل عدهم
وناكل حرام بمال الي فاتح بيوتنه سنين
غريب ووكفه بعينه العشره
والاخ كل يوم هاد عليه الاوراق عندك
زينه: حسبي الله ونعم الوكيل
محمد: ام ادم الكراج هسه تجمد
وكلشي ميكدرون ايسوون
حته بمطالبه بورث يخافون ايسوها لان يعرفون الحصص الاكبر الكم تروح
الاوراق ضميهن عندج منا لحد ماتفرج
لان الاوضاع هنا هم تعبانه
زينه: ان شاءالله خير اني ضامتهن
محمد: اي شي تحتاجيه اني بالخدمه
زينه: اريدك سالم وفدوه لاتزعل تره موقصدي ب
محمد: خيتي حقج تأمنين ع ولدج
بس عندي طلب
زينه: عيوني خويه
محمد: لاتكطعيني من اخبارهم خلي هل تلفون بينه
اطمن عليهم بي ولاتخليهم ينسون اهلهم
الهم حلال هنا ينشد عودهم ويرجعون ياخذوه من عيون اكبر واحد
زينه: والله ماعرف شكولك والله خجلت من الي حجيته
محمد: لاحقج خيتي حقج
زينه: سديته من محمد خجلانه ياريت محجيت هيج والله تراجعت واريد اكوله لعنوان هوه رفض كال هيج احسن
اوووف ياربي حلها من عندك يارب
ثاني يوم رحت بعت ذهب امي وذهب ام خليل وباقي كم فلس عندي
الشقه فارغه لازم اشتري اثاث
اشتريت ست جرابي ام النفر حديد
ودواشك بطانيات
اشتريت تلفزيون وستلايت
اشتريت 4جدوره ومواعين طباخ صغير ثلاجه صغيره
اشتريت نص تخم كملت الشقه وكمل الي عندي مبقه شي
يادوب اطيت ل امي جابت عدس ع فاصوليا ع تمن
كعدنه بشقه اربع جرابي للولد بغرفه واني وامي بغرفه
بس ضلت شغله الصرف منين
محمد يخابر ادزلج رفضت ايدزلي شنو ذنبه
همه ع املاك ابوهم
مشاكل
وكراج مؤيد اجمد
اتصلت بمس رقيه فاتحه روضه
رحتلها نفس شغله امي تنضيف وتغير للاطفال
ام زينه: عيني كعدي بالبيت ويه ولدج واني اشتغل
زينه: انتي صعده ونزله متكدرين. الولد راح تبدي مدارس خابرت ابوخليل يسحب اوراقهم هوه يعرف المدير
يسحبلي اوراقهم اسجلهم هنا تخلصين من ادم وعمر
يبقه عليج علي وعمار
بديت بشغل الي يومين واجه ابوخليل
جايب الاوراق مالتهم
ومسوك ع هذا للولد اني خالهم وجبت الهم
جايب فواكه ونساتل
قدمت اوراق الولد الزي مالهم يختلف
اني المحبس والتراجي بعتهن اسوكت بيهن للبيت
مابقه بس الزنجيل ومداليه اسم مؤيد
كعدت بشارع شسوي
ماريد ابيعها بيها اسمه
وولولد شلون يراد فلوس للمدرسه تجهيز الهم
ولبيت يرادله مسواك
كمت دمعتي بعيني فتت للصايغ بعتها
وعيني ع اسم اخذت لفلوس وطلعت لازمه لفلوس وابجي
رجعت للشقه محاجيت احد طبيت للحمام
بجيت لحد ماارتاحيت يله طلعت
ام زينه: كملتي بجي
زينه: لاسبحت
ام زينه: اي بعيونج الي منفخه
زينه: ادم اتغدو بسرعه انت وعمر اريد اخذكم اشتريلكم هدوم لمدرسه
انهزمت من امي اخذت الولد جهزتهم هدوم ودفاتر اقلام وجنط واحذيه العفو
واخذت لعلي ولعمار هم هدوم رحمه همه بضاعتهم رخيصه
واسوكت للبيت ورجعت
استمريت بالحضانه اسبوع وبدت لمدارس
دامو ادم وعمر
واني بالحضانه
عده شهر
استلمت الراتب بين ماما اريد وماما جيبي
وماما هذا وذاك
لراتب لنص الشهر انتهه
وطلباتهم مخلصت
وبيت يريد مسواك ويريد زايده وناقصه
ذهب مبقه عندي بس لحلقه بيدي
بعتها ورحت للسوك جبت شغلات حياكه وتطريز ومكينه خياطه
بديت اشتغل حياكه زين اتعلمت شي بسجن طلعت بفايده
اطرز قطع لطبلات لميز وجوه مخاديد شغلات بسيطه بس اكو يحبون عمل يدوي
ولحياكه مفرش دائري للسفره لومربع
صرت من لحضانه للبيت ادرس ادم وعمر
الي كل يوم بجي المنهج متغير وبذات ع ادم
اكمل اكعد يااطرز يااخيط يااحوك
شعندي وكف من البارحه اكمله اليوم
الحك انام ساعتين واطلع
يكملن كم قطعه تاخذهن امي تبيعهن تفتر بيهن ع محلات محل واحد ياخذ منه
بس يوصي ع التطريز اكثر شي وجوه مخاد وقطع للطبلات
والباقي امي تجي بايعه منهن تكول اخذهن
بس اني رحتله بس تطريز يريد ميريد حياكه
عدت فتره واجانه ابوخليل
ابوخليل: خيتي شتحتاجين اني موجود
زينه: لحمدلله مامحتاجين شي والله
ابوخليل: خيتي اني شفت لحجيه والله كلبي نزف دم
زينه: امي قصدك
ابوخليل: اي والله انقهرت واكفه ع صفحه بسوك السيده ولازمه
قطع حياكه وتبيع بيهن وكل شويه رايحه بصفحه واكفه ويطردوها
تره بلديتهم هنا هم متقبل ياخيتي يرحون ياخذوها
زينه: حطيت ايدي ع راسي من هذا الليل كله رجلها طلعت تفترتبيع بيهن
راح ابوخليل وهيه جتي كوه تمشي
دكيت ولطمت وهيه تكولي معليج اني التهي بيهن
وكفت لحياكه كمت اطرز بس لهذا المحل
جبت كم قطعه قماش خيطتهن دشاديش حلوه
الله هداه عرضهن يمه والله مشن
كمت اسوي بجايم اطفال بنات خياط
دشاديش نسائيه اغلبها العراقيين يشترون يحبون لخياط
ميردون لجاهز
صار عندي مورد ايساعد ويه راتب الحضانه
بس مواكثر من مصرف البيت ولولد
دخلنه بال2006ومؤيد مختفي من ال2004 بشهر السابع
صار سنتين ع غيابه وماعندي خبر عنه
محمداتصالي بيه وبعدهم ع مشاكلهم
ميدري ابوخليل يندلني
وابوخليل بين فتره وفتره يجي من الباب يسلم ويروح
واني اركض منا ومنا
عدت سنه ال2006اني ع حالي نوم مااشبع منه
يمكن حدبت لاحته شيب طلع براسي عيوني سواد داير صايرات
ايست راح الامل مني
راح ندخل ب2007وخبر من مؤيد ماكو
صرت بيني وبين نفسي من اباوع ع ولدي انقهر
واذا ضربت واحد منهم ابجي
اكول شذنبه هل. يتيم اضربه شيفتهم هوه
اتأكدت ولدي صارو يتامه وله وينه
ادم كل يوم يصير عنيد اكثر
وواخوته يتعلمون منه بذات عمر لان وياه
اعيط واصيح عمار يختل من اعيط
من اسكت يطلع راسه
-عفو عفو
يرفع ايده ويبوس بعد متر وماد حلكه عفو ويبوس
ادم كملت دروسك
ادم: كملت
زينه: ليش مكلوبه الخلقه
ادم: بعد يومين ع راس السنه
زينه: اي وشنو يعني
صفنت بوجهي شنو يعني راس السنه
ادم: راس السنه الجديده جتي واحنه محبوسين هنا
زينه: محبوسين يعني انت يازعطوط تعرف معناها لهل كلمه حته تحجيها
ادم: اهوووو
زينه: ووووجعووو كم مره كتلك لاتشومر باايدك بوجهي وتعيط
ادم: انتي بس عيطي علينه وصيحي ودرسو واكلو ونامو
ومن انكولج طلعينه تقشمرين علينه اي باجر
زينه:لك مامامتشوفني اركض منا ومنا يوم الي مااداوم اني كاعده ع مكينه
عمر: ماما هاي مو اصدقائي واصدقاء ادم يطلعون ويروحون للملاعيب بس احنه هنا مااطلعينه
ادم: هوه لو ابويه هنا جان كل يوم طلعنه
بس انتي لاابقو بالبيت وبس صيحي
زينه: ادم احجي عدل
ادم: اريد نطلع ضجنه كل منحاجيج وكلتي متشوفوني متشوووفوني
زينه: لاتصيح لااكسر راسك
ادم: اهووو حته طلعه مااريد
زينه: تعال لك
ام زينه: عووووفي
ادم: اصلا اني اكرهج ياريت انتي ميته مو ابويه
زينه: ضربته يبجي ويصيح من كال ابويه ميت عرفت ان همه هم ايسو من رجوعه
اخذته امي للغرفه واسمعها تصيح عليه شلون تحجي هيج ويه امك
يربي شنو الي اتحمله بعد اني والله كلبي ميحمل بعد
ابني صار يكرهني
وين جان ابوهم معيشهم ووين اني بس شسوي موبيدي ياربي وين اطي وجهي
اطو عطله بالحضانه ع راس السنه
عندي كم فلس والله مسهلها ابو لمحل اطاني بايع كم شغله
رجعت للبيت كتلهم اليوم نطلع
كلها ركضت تبوس بيه وهيييي
ادم: اني احبج والله بس ضجت ابويه شوكت يجي اشتاقيتله
زينه: الله كريم ماما واني. هم احبك انت ابني الجبير
اريدك تعلم اخوتك ع زين موهيج تعلمهم تعيط بوجهي
ادم: اني اسف بعد مااعيدها
زينه: حبيبي يمه الله يحفظكم
وينك مؤيد والله الحمل ثكيل
اخذتهم مدينه العاب لعبو وكمزو ويريدون بعد شتطي ميكفي يردون اكثر
قشمرتهم اروح نتعشه رادو مطعم
اخذتهم مطعم عراقي معروف جان
طلبو اكل واكلو ويسولفون وفرحانين
كامت امي تغسل
ورجعت تصيح يله كومو
عمر: بيبي تعبت
ادم: ههههههه بيبي لوصاعده بالمنخل شسوين
ام زينه: ولكم كومو
زينه: شبيج هههه
ام زينه: ماكو شي يله دفعي لحساب خل نطلع
زينه :شصاير طلبت لحساب بس وجهه ميتفسر
دفعت وطلعت من المطعم الولد يمشون كدامي ادم وعمر وعلي كايد،امي وعمار كايدني
-زينه زينه
زينه: انداريت انصدمت هذا شجابه جريت عمار وامشي،بسرعه
ام زينه: اني موكتلك لاتخليها تشوف خلقتك يانذل والله اشرب من دمكم والله
-خاله بس احاجيها كلمتين زينه بداعه ولدج حجايتين اكولج والله
زينه: كل حجي ماعندي وياك ولاتلحكني بعد
ادم: وخررر ولك لاتلحك امي
زينه: نمشي ويمشي ورانه
-حبيبي عموو وخر زينه كلمتين واحنه بنص. شارع سمعينهن مني ماريد منج شي
زينه: شتريد طه شترررريد مكفاك الي سويتوه بيه لاتطلع كدامي دير بالك
تعااال ادم ادم وعمر يدفعون بي لان يمشي ورانه سحبتهم ومشيت
-زينه بس سامحيني لوجه الله حاليليني ووهبيني
زينه: اندارت عليه بستهزاء يعني صدك يحجي
-ادري الي سويناه وياج ماكو اقذر منه
واعرف اذيناج
بس والله العضيم مايوم اني جنت ناوي ائذيج
زينه: وخر من وجهي
ام زينه: طه الم عليك العالم والله
-كلمتين سمعيهن وروحي والله متشوفيني بعد
زينه: مااحتاج اسمع ودير بالك تلحكني هل مره بنص كلبك احطها موبجتفك
عفته ومشيت امي ورايه اني اجر باادم وعمر
-حوبتج معافتنه سمر وهديل انكتلن واني طلعت من حلك لموت
زينه: وكفت بمكاني لااكدر اندار ولااكدر امشي صار بوجهي
-حوبتج معافتنه دخيل الله اعفي عني لوجه الله
والله تبت الله نجاني من الموت اهتديت
يشهد الله اخاف ائذي نمله بس حوبتج بعدها بركبتي
اني والله مايوم فكرت ائذيج
بس والله جانو ايدفعون بيه امي وسمر
والله العضيم حته بدعوه مالتج اني مجنت موافق بس مااكدر ع احد منهم انتي تعرفين
وخفت انسجن والله متندم ع كل الي صار ومن بعد ذبح امي سافرت وعفتهم
بس رجعت لان ضليت مهجول اللكمه حسره عليه
رجعت والله نجاني من الموت اهتديت
وهسه اشتغل بهذا المطعم
واريد تسامحيني حته الله يغفرلي
ام زينه: المثلكم ايتوب
طه: والله تبت مرت خالي شفت لموت بعيني
والله تبت
زينه: شلون سمر وهديل
طه: بس اوكفو ع صفحه احنه بنص الشارع
زينه: وكفت ع جهه ادم واكف كدامي عود شلون حمايه الي وعينه عليه وعله طه
طه: الله يحفضه
زينه: شكرا شنو الي صار
طه: بعد الاحداث كعدنه بشقه
اني وسمر وهديل وابويه
تعرفين الي صار ناس راحت وجتي ناس ابدالها
وليد لمله كم واحد وصارو يعني شله بهل موجه الي طلعت تس
زينه: اي اي الولد عيونهم واذنهم ويانه فهمت عصابات تسليب ونهب
طه: اي فصارت مجموعات ولبنات هم تعرفن ع مجموعه
المهم صارت شغله ماتفاهمو بينهم وراها يعني شغله متفاهمو بتقسيمها
ناس اتحملت ع ناس وناس هددت ناس
زينه: اي
طه: بليله طبو علينه مينشافون كلها اسود بااسود لبسهم حته وجوهم مغطايه
بسلاح رمي و و
ام زينه: يعني صدك تحجي انت
زينه: غطه وجهه دموعه تنزل ايده ترجف طلع جكاره حطها بحلكه
طه: خاله مطلع واحد منهم اني بطني كلها منتيهه وحده من كلياتي انتهت صحيت بنصهم بيه روح من الخوف كمت كلها مجطله
طلعت تحملت صوابي من لخوف امشي الدنيه ليل
انزف واتلفت ورايه بخوف من الي شفته
الله دزلي رجال شالني بسيارته للمستشفى
فاقد الوعي وره كم يوم صحيت
عرفت من كثر لمشي طلقه مهشمه وحده من كلياتي وشايليها وهاي بطني
زينه: عااا رفع تشيرته بطنه مثل من لطول لطول مخيطه
وصفحه بطنه اليمنى
طه: هاي بطني ورجلي رمي خرط طبو علينه الي براسه والي ابطنه اني براسي مصار بس بطني انتهت طلقات
الرجال الشالني معافني يمكن الله دزه الي
ابنه قبل فتره كاتليه
شغله تسليب ماخذين سيارته وكاتليه وشامريه
عباله اني هم نفس الشي واني محجيت خفت
كلت جماعه طلعولي وهيه تايهه ناس تنكتل علمود الهويه وناس ع اسم وناس تبوك وتسلب وتالي ناس تكتل ناس ع تقسيم الغنائم
معافني الرجال عنده مطعم جان ببغداد شغلني بي وبعدها سافر لهنا كتله ماعندي احد امي ميته وابويه وماعندي كل احد
كام ايخليني ابات بالمطعم الله هداني ع ايده وهوه الله هداه عليه شافني بمكان ابنه الي انكتل
هوه ماعنده غير ولد وبنيه
الولد كتلوه
ولبنيه بيها شلل اطفال ولسانها شويه ثكيل
كالي ازوجك بنتي وتكون ويايه حالك من حال ابني
اخذت لبنيه وسافرت وياهم هسه هوه شريك بهل مطعم اني تعلمت ع ايده
اطبخ واخبز واسوي مقبلات
والله زينه الله هداني لحمدلله اصلي لفرض بفرضه
والله اني من شغله امي خفت
وسحبت نفسي معليه بيهم جنت كاعد بالبيت لاالي بذوله ولابذوله بس كاعد وياهم من اعوفهم وين اروح
لااعرف شغله ولاعمله والله حته ويه وليد مدخلت خفت
الله كتبلي عمر جديد وهسه من بيتي للمطعم والله اخاف اغلط،بشي
اريد الله يغفرلي
اني والله ما اذيت احد
بس انتي اعترف اذيتج بس والله من دفعهم بيه.
بداعه ولدج سامحيني
الله اطاني هل عمر اريد اكفر بي ع كلشي سويته
ابوس ايدج اعفي اني
زينه: استغفرالله
طه: اريد الله يغفرلي اني بحسره الطفل هسه
وهل تشوفين صوابي اريد الله يغفرلي ويرحمني
زينه: يبجي جر ايدي يريد يبوسها جان مبين عليه صدك مكسور وخايف من رجفه ايده
ام زينه: استغفر الله
طه: حوبتج الي،سوته امي بيه ضال بحسره طفل
من ذيج مصار عندي ومن هاي مصار
خاله والله تبت وتعالو لبيتي شوفو مرتي واهلها والله وسئلوهم عني والله زينه تبت واخاف من الله
فرض ماافوت
شيلي ذنبج من ركبتي الله يفرح كلبج ويحفظلج رجلج وولدج
زينه: استغفرالله طه احنه تربينه سوه ليش تالي
طه: والله من زنهم ع اذني ماانكر جنت نكس بس والله تبت
ام زينه: شوكت صارت هل احداث
طه: بل2003. هيه بالحواسم حوسمو وطبو لبيوت وسلبو وعود كعدو يتقاسمون
ام زينه: استغفر الله وتالي منو دفنهن موشالهن
طه: والله خاله مادري من خوفي موصلت بعد بس هيه لعالم تشيلهم حالهم حال الي يرحون يندفنون مجان بيهم احد عايش اني متاكد
ويجوز بت هديل دفنتهم لان وليد زوجها لواحد من ربعه
زينه: هم عصابات يعني
طه: اي
ام زينه: ابوك وين
طه: ابويه مات بال2000مات
ام زينه: موت الله
طه: اي اي اخر فتره تمرض وتالي مات
زينه: لاحول ولاقوه الابالله شنكول الله يرحمهم
طه: زينه يحفظلج الله ولدج ورجلج اعفي عني
يفرحج بولدج ان شاءالله وبذريتهم ويخليلج رجلج
وتكوليله يسامحني ادري بي جان يدور عليه
ام زينه: مؤيد هم اختفه بهل احداث
طه: لااا والله اني سمعت يدور عليه يريد دمي
يعني اختفه متعرفون عنه شي
ام زينه: لاوالله هاي من ال2004ولهسه
طه: لاحول ولاقوه الابالله
زينه بداعه رجلج بغلات مؤيد اعفي عني اريد الله يسامحني ويسهلي امري
زينه: الله يسامحك ويسامحنه اجمعين بعد هل احداث منو اله كلب يشيل ع احد بعد
طه: يعني مسامحتني عليج الله
زينه: الله يسامحك ويسامحنه جميعا
استغفر الله لاسوي هيج
بجاني يبجي ويريد يبوس ايدي
طه: الله يحفضلج. ولدج ويفرحج بيهم
الله يردلج مؤيد سالم غانم الله يريح كلبج عليه
زينه: ادعيلي الله يرده سالم
طه: الله يدره سالم بجاه النبي ياااارب ترده سالم يااارب يفرح كلبج
روحي الله يخلي ايدج فوك الايدين الله يرجع مؤيد بسلامه
الله يفرحج بذريه ذريه ولدج
زينه: يصيح بشارع ورافع ايده يدعي ويبجي
كافي طه دير بالك ع نفسك وكافي ذاك الدرب
طه: لاا اتوبه شفت لموت خيتي اتوبه
امانه شمحتاجه خادم عندج اني
زينه: محشوم تربينه سوه وكبرنه سوه انت مثل اخويه
طه: ع راسي ع راسي
ام زينه: الله يهديك يمه
طه: والله بيتي قريب تفضلو يمنه
زينه: عامر بوجودك طه انت اخويه وابن عمتي
الله يسامحك والله يثبتك ع توبتك بس ياخويه انت بدرب واني بدرب
لااريد اندلك ولااريدك تندلني
طه: حقج واني اسف اعترضت طريقكم اعتذر مع السلامه مع السلامه
زينه :حط ايده ع راسه ودنج وسلم ودار وجهه وراح
ام زينه: الله يهديك
زينه: زين طلع احد من هل عائله وصار بي خير
ام زينه: امهم ضلمتهم وهوه بذات علمته ع دلال ومشته بهل طريق
الله يمكن يحبه خلاه ينفض روحه من هل قذاره
زينه: ضليت الطريق كله اتلفت رغم ان جان مبين صدك تايب بس خفت
شفته صدك راح بدربه حته ماالتفت بعد وصلت للشقه وماكو احد ورانه
والليل كله بيه خوفه اتأكد ان لالحكنه ولاوصل
فتنه بال2007وامي كل مجالها تعب اكثر من بدايه سفرنه وهيه تشكي صدرها
ومتخليني اوديها دكتور تنزل للصيدليه تاخذ بهل مسكنات
بنهايه ال2006كامت متفيد وياها لمسكنات
اكو مستشفيات للعراقيين
شكو عدها كتله
بس لازم بره تسوي زرع
هيه معانده كلتلتها اتصل بمحمد ايحولي معانده متروح
لحد نهايه الشهر الواحد وهيه تعاند مابيه شي ياكتله منين تجيني
اداينت فلوس من مس رقيه ومقبلت تروح رجعتهن
لنهايه الواحد تعبت صارت تصرخ
دبرت فلوس واخذتهاغصب وديتها
سولهازرع وننتضر النتيجه
رحت وحدي استلمها
كالو خبيثه
بذاك اليوم حسيت صدك الدنيه ضدي
اسودت الدنيه بعيني كعدت كدام المستشفى ابجي شسوي هسه وين اروح
للمغرب اني ع كعدتي
سحبت نفسي كوه ورحت للبيت شكولها
اكولها بيج سرطان شحجي يومين
لابيه احجي ولابيه اسكت واذا حجيت شكول
بلغت مس رقيه تحاجيها
دزيتها للبيت واني طلعت مااتحمل اكعد كاعده جوه العماره ابجي العالم تباوع عليه مثل لمخبله
نزلت مس رقيه
كالت كتلها
شسوت
-ماعملت شي قالت كنت شاكه
زينه:ايي
-شوو اييي قالتلي تعاي تغدي معنا
وقامت لتحضر لصحون
زينه:شلون يعني
-مابعرف كأني قلتلا ((كلتلها) عندك كريب(افلاونزه)
زينه: راحت مس رقيه وصعدت لكيتها صابه الغده وكاعده تغدي الولد
ام زينه: الله جابج تعاي ع واهس
زينه: كعدت صافنه عليها تغدت عادي ولاكأنما اكو شي
الولد رجعو للغرفه واني ع كعدتي اباوع عليها
ام زينه: شو مااكلتي
زينه: ماما انتي مفتهمه لمرض شنو
ام زينه: شنوو مرض حاله حال غيره اكو رب هوه الي يشافي
زينه: هذا خبيث خبيث
ام زينه: مابيه شي
زينه: موبكيفج اروح لدكتور باجر
ام زينه: لااروح ولااجي دكتوري الله
زينه: لاتخبليني اكولج خبيث هذا لازم فحوصات وكيمياوي
ام زينه: ماااروح ولا اجي واذا لحيتي عليه اعوفلج البيت واطلع
زينه: حاولت وردت بله فايده وكعت وره 10ايام انجبرت تروح
ضلينه شهر اسبوع اراجع كالو ماكو. فايده حته كيماوي ميفيدها لازم ينشال
كص الثدي
ام زينه: اي شكرا دكتور
زينه: سحبتني وطلعت انتي تمثلين الصحه شنو وجهج منتهي عيونج رايحه الالم كاتلج المسكن الي تاخذيه حته ميفيدج بعد
ام زينه: شوفي زينوه ان جبرتيني وجبتيني بعد لدكتور والله العضيم اعوفج انتي وولدج واهج
زينه: انسوي لعمليه فدوه لاتشيلين هم لفلوس محمد حولي وكال شتردين احولج بعد
ام زينه: رجعي فلوس مس رقيه
زينه: رجعتهن والله من محمد دز رجعتهن
ام زينه: اي اشتري للولد شوفي شيحتاج للبيت
زينه: يمه اتسوين لعمليه كعدت ع رصيف بشارع
ام زينه: روحي ماارجع وياج
زينه: ماما لاتسوين هيج
ام زينه: روحي ماارجع وياج كوه ترديني تموتيني انتي مستشفى ماروح وشسوين سوي عوفيني هيج بشارع
زينه: كوه كومتها رجعت للدكتورركوه اطاها ادويه وكال ميفيدنها بشي بس شسوي هيه معانده
صارت بالبيت تلبس كمامه ومتوصل للولد تخاف عليهم رغم تدري انه ميعدي
وهيه متقبل تروح لدكتور
عدت ايام وشهور
واني ع حطتي ابوخليل بين فتره وفتره يمر
من كثر مالح وايس اني اخذ او اطلب
كام يجي محمل مسواك ومن احجي يكولي لجهال اختي واخويه صار يجيبلي مواد غذائيه زيت تمن شكر
اتصلاتي ب ام خليل مستمره جانت تبلغني من يسافر ابوخليل اعرف راح يجي
الولد يتصلون بمحمد ومحمد يتصل بيهم
وبعد موت عمي كام ميكدر يسافر رحلات يعني يكون هوه سايق
لان خواله وبقيه ولد عمه نصبوه شيخ
املاك عمي ع حطتها لان هم ناس تريد تبيع وناس لا
وام مؤيد بذات متريد يتقسم الورث
حته ام محمود متاخذ شي
اجاني ابوخليل بشهر الرابع بال2007
ابوخليل :اكو شغله سئلت عليها صار فتره اسئل لحد مااوصلت للزبده
زينه: خير ان شاءالله
ابوخليل: ام ادم ابوج موعدمه صدام
زينه: اي
ابوخليل: ابوج مجان لاحزبي ولاابد
ام زينه: لا وين اميله حزبي
زينه: هوه انعدم لان كاتل حزبي اصلا
ابوخليل: خلص لعد تحصلين
زينه: شحصل
ابوخليل: مو سوو رواتب للي عادمهم صدام
وابوج لاحزبي ولاابد وفوكاها كاتل حزبي
ام زينه: يعني تقاعد ايصيرله
ابوخليل: اي اي
زينه: هههه هوه مجرم تقاعد لشنو
ابوخليل: عدمه صدام هذا هوه
زينه: والله دنيه هههه
ام زينه: اي عاد ناخذ من جلد ال
اووو قصدي هاي شسوي روحي وشوفي
ابوخليل: اني اكول امشي بيها ع قليل راتب لولدج يصير انتي بالغربه
وهيه العالم كلها تاخذ ع قليل حصلي شي من هل الدوله
زينه: والله مادري شكولك
ام زينه: روحي روحي راتب لهل ولد تركضين ولعشه خباز ومجايبه الراس ع راس روحي
زينه: اذا صارله راتب تتعالجين
ام زينه: اي اتعالج حته اكول حصلت شي من يونس تعالجت بفلوسه هههههه
زينه: اذا صدك تتعالجين اسويه
ام زينه: اي والله روحي
زينه: قررت اسوي اهم سبب جان هوه امي. اعرف متتعالج لان تعرف اني ماعندي
وبمره عرفت اني ناويه ابيع الشقه لان ماعندي فعندت اكثر
ويه ابوخليل مااكدر ارجع لان حده لمحافضه واني رايحه لبغداد
من وصلت لكيت ام نوح تنتضرني
رجعت لذيج الايام وبقيتي يمهم
تأميم مزوجه وصاير عدها جهال
والاصغر منها كذلك ونوح صاير شاب ماشاءالله وخاطب
مشيت بالمعالمه وروح وتعال كالو الج راتب
وهل فره استمرت 8شهور
اني بين سوريا وبغداد
يارايحه ياراجعه وتصادف عطل ارجع
انوب صارت عطله قبل راس السنه
دخلنه 2008
كالعاده عفت التلفون يم امي اتصل بيها مناك اطمن عليهم
وعفت مصرف واخذت كم فلس جوه ايدي وحضرت روحي اسافر
ام زينه: مرار هل شغله بس صرف وتعب وكل يوم داكه هل درب والله اخاف عليج اضل بقلق
زينه: ماكو شي ان شاءالله وهل مره استلم طلعت الهويه الايام الفاتت العطل اخرتنه واني بين فتره وفتره يله انزل كملت ان شاءالله
البس واحجي ويه امي اتعلمت اللبس الشال واعوف طرفه حته اجره ع وجهي من اشوف احد عينه عليه اذب طرف لشال ع وجهي
لبست عباتي وطلعت بوست الولد
ادم: لاتتأخرين
زينه: ان شاءالله استلم تقاعد واجي ركض
عمر: يعني راح تشتريلي الاتاري
زينه: ان شاءالله
ادم: ننتضرج
زينه: ديربالكم ع بيبي ودير بالك ع اخوتك
عمر: روحي روحي حته تجين ااجيبين الاتاري
ايييي وراح تجي لفلووس
واشتري
همزييين
ايييي حيجي الخير
زينه: يفرك بيده ويكول حيجي لخير حتجي لفلوس واشتري
تعال انت عليمن ولك مصلحجي بس لا ع البالي جماله هوه هم الثاني وره ابوكم ههههع
ام زينه: لاولج يروحلهم فدوه ونذر انتي واعدتيهم تشتريلهم هذا ابو السي دي
عمر: كلتي مصلحجي موو ماشي روحي وشوفي اذا مجبتي الخير واجيتي شوفي اها
زينه: هههههه يله اروح اني يمه منكم انتوو
بوستهم وجنطه صغيره بيدي نزلت صعدت سرفيس للكراج ومناك صعدت بسياره
اتأخرنه ناس جنط ومحملين وانوب السايق مادري،شعنده
طلعنه متأخرين نص الليل صار واحنه مفاييتين الحدود السوريه
وصلنه وجه الفجر
هوسه وسيارات سره واكفات عالم هواي
تلفلفت بعباتي ونزلت امشي تريلات واكفه بالحدود خطيه صعبه صارت شغلتهم
امشي وسمعت صوت
-ااااام ادددم
زينه: انداريت كومه ناس واحد ورايه غمز
كبور صعدت ايدي وحطيت شالي ع وجهي وتلفلفت بعباتي وطبيت
للبنايه الي اختم بيها لجواز سره شطوله لبره واصل
بس يجي بااذني صوت ام ادم كمت مااندار
سمعت اسم خلاني اندار بسرعه اتلفت بين العالم
-اام ادم
زينه
زوزو
…… يتبع