#بلاعنوان
البارت السادس والسبعون
ل وردالعامري
زينه: سماه ادم مثل ماردنه من لبدايه
طبعا بفتره حملي محجه بالاسم جنت كل
ما اسئل يكول الله كريم بوقته
جان خايف هم ايسميه ونخسره اسم الله
صله بالمستشفى ركعتين شكر لله
وبعدها شاله وكبر بااذنه وسماه
حاضنه بيده
ويلمس خده بطرف خشمه
طلعنه للشقه
والطريق كله يكولها ل امي لزميه ديري بالج
لان هوه كايدني الي
وهوه وامي ناس ترد ع ناس
مؤيد: عمه ديري بالج
ام زينه: امشي معليك اني شايله عيوني بين ايدي هسه
عيوني لوبيدي هم موبغلاته
زينه: وصلن للشقه كعدت ع قنفه
وامي تحضر فراش أدم مؤيد حاطه بحضنه
وكاعد تمددت ع قنفه نعسانه
اول محطيت راسي نمت
من طلعوني من صاله الولاده واني نعسانه
حسيت ارفعت فتحت عيني
مؤيد: انشيلج انشيل ابنج اشتغل حمال عد الخلفوكم اني هههه
زينه: نعسانه شايلني وثبتت راسي ع صدره عيوني تنسد وحدها
نزلني نمت ع مخده وين ادم
ام زينه: هياته بفراشه نامي اني يمه
زينه: بالمستشفى رضعته وسكت مبجه بعد
وامي تطي مي وشكر
غفيت حسيت احد،يمي
فتحت عيني متمدد يمي مؤيد ثاني ايده عكسه ع مخده وكف ايده ساند راسه
شعندك كاعد
مؤيد: مجايني نوم عيني متشبع منكم شوف
زينه: ههههه وين ادم
مؤيد: اخذته امج بره نايم هسه جنت يمهم
زينه: وانت نام يله
يله سحبت ايده حط راسه ع مخده
اندكت لباب فوتي ماما كعد هوه
امي جايبه أدم يبجي
ام زينه: جوعان خطيه رضعي
زينه: بعد عذاب وهوه يبجي واني ابجي رضع
مؤيد: حليب وممه من لصبح اجيبله
زينه: ليش
مؤيد: لاليش فرفح جوع اتموتيه جوع لطفل تبجين وياه
زينه: نام واخذته امي وهوه يصيح جوعان شرضع
جوعان نام ع جوعه
زينه: مسكت لحد مانام
ومن لصبح جاب حليب وممه وطلع رجع ذابح لوجه الله
وجايب مسواك
ضل 10ايام يمنه ونزل
امي تعلمني عليه بعده ناعم مااعرفله
اسبوع واجه
4ايام هوه يطلع بالهول بليل من وره ادم لان اني وامي يمه ميقبل اينام ويستحي مؤيد يتمدد كدام امي ينعس ويطلع اينام بره
مؤيد: صباح لخير
زينه: صباح لنور
مؤيد: نام لصبح الافندي بعد مانيمني
زينه: هههههه اي
ام زينه: صباح لخير
مؤيد: هلاعمه صباح النور
ام زينه: يله احضر لريوك اني
زينه: طلعت امي وهوه كعدع جربايه
مؤيد: حبي مو هم يله نرجع لبيتنه
زينه: اي بكيفك
مؤيد: ويه ليوم الج 21يوم راح احجز وفد 3ايام ننزل
زينه: ماشي
بلغت امي شالت هم شلون وبعد واخاف متعرفين وبليل منو يمج
قنعتها اني اكدر
بليل نيمته وطب مؤيد شافه نايم
تمدد ع جربايه حطيت لطفل بفراشه
ورحت تمددت يمه مد ايده حطيت راسي ع ايده
حضني شسوي
مؤيد: شسوي يعني
زينه: ههه لاتبوس
هههه كلت لاتبوس مو عض
بجه وخرر
كمت للطفل بجه وهوه يبوس ويعض
رجعت نيمته
وتمددت
يتحارش شتريد انت
هههه وخر ميصير
مؤيد: ليش ممنوع
زينه: اي اربعين يوم يله اي ليش
كفخني ع راسي
مؤيد: اربعين يوم ليش
زينه: ميصير حرام
مؤيد: حرمت عليج شلون احجي حجايه
اربعين يوم حرام بكيفج مو تفتين الفتوه
زينه: غير همه يكولون
مؤيد: ومنو همه بله من باجر رجعي صلي عوفي هل سوالف اربعين يوم وماعرف شنو
زينه: اي بس وخرر كعد لطفل
هزيته ورجع نام
جرني
بحضنه
راسه بركبتي وعاصرني بحضنه
رجع عاط ادم
كام هوه اله شاله من فراشه
وين موديه يااا مؤيييد
اخذه وطلع
كمت وراه مؤيدد ياا وين موديه
امي كاعده فارشه فراشها وكاعده تباوع تلفزيون
مؤيد: عمه هاج هذا يبجي عليج يريدج
ام زينه: اي يمه جيبه حبيبي ايدور ع ريحتي شلون راح تاخذوه
زينه: هههههه لمسكينه صدكت اندار عليه
هزيت راسي يمه منك
مؤيد: اشش كدامي عوفي يم بيبيته
زينه: طب للغرفه اخذ الممه ولحليب حطهن بنص سله هدومه
ذني ليش هيج
مؤيد: سكتي انتي معليج
عمه
زينه: يااا وين موديهن
طلعهن بره
ام زينه: ها يمه
مؤيد: ممته وحليبه يمج وهدومه
شبعي منه نيمي يمج احنه مريده
زينه: لااني اريده
مؤيد: روحي نامي انتي كلها 3ايام واروح خل يشبع من بيبيته
ام زينه: اي حبيبي يايمه يابيبي اني اشبع منك
شلون راح ياخذوك شوفي شلون متعلم ع ريحتي مينام
مؤيد: اي نيمي يمج يله
تصبحين ع خير عمه
زينه: انت فد واحد مينكدرلك
مؤيد: اي تشبع من لطفل خطيه
زينه: ياعيني تريدها تشبع منه
مؤيد: لا بصراحه اني اريد اشبع منج وهذا راح يضل ع دقايق يعيط
موخوش شغله خلي يم بيبيته احسن
زينه: وهناك وين تودي
مؤيد: الله يرحم بحالي هناك بعد
زينه: عفته ينام وكمت اريد اشوف لطفل بس رفعت نفسي حس
مؤيد:لاتحوصين(لاتتحركين) اريد انام
زينه: اشوف لطفل
مؤيد: يم امج نامي
زينه: نمت ماعندي حل ثاني فزيت ع صوت ادم يبجي سحبت نفسي حس كتله يبجي
طلعت اركض امي شايلته بس هوه يبجي مؤيد هم كعد شافه ورجع نام
ثاني يوم الصبح
كال نطلع ونتغده بره
طلعنه اني وامي ومؤيد ادم جوه لعباه حاطته امي
زورناه السيده زينب وافترينه بسوك
اتغدينه رجعنه للبيت العصر امي كالت مااطلع عوفو الطفل يمي وروحو
طلعنه اني وياه وداني لجبل قاسيون
وافترينه لليل يله رجعنه
حضرت غراضي
الايام الفاتت لبنات الي بالحضانه كلهن جني شافني وشافن الطفل
سمعن راح ارجع هم جوي بيومها مؤيد طلع ولليل يله رجع
من راحو
الفجر سلمت ع امي ومقبلت اله توصلنه للسيارات
بيدها ادم تبوس بيه وتحضن
صعدنه بسياره وهيه حاضنته
اشوفها من لجامه بس تحركت لسياره كامت تبجي
بجيت وياها خطيه تعلمت عليه بهل فتره
وصلنه لمغرب وهوه طلع ثاني يوم هم ذبح لوجه الله
متأخر ساعه ورجع كال ابويه راح يجي
اجه عمي شاف ادم بوسه وتحمدللي ع سلامه
جان بالفعل فرحان حمدت ربي انه اتقبلني
من بعدها ملحكت ارتاح من لطريق من ثاني يوم
ناس رايحه ناس جايه جتني ناس كمت
مااركز منو ذوله
طلعت اربعيني وناس تروح وتجي
الفتره الي راحت اني وكوثر
ماوحده دخلت للخ ولاصار لقاء بينه
من اخر مره من رحت وصارت مشكله
من جوي بنات عم مؤيد. صعدت سلمت ونزلت
صار عمر ادم شهرين
ومؤيد كال راح اشتري كاع ابني بيوت ثنين واحد الج وواحد لكوثر
ضل حدود شهر يدور كاع وكل مره يلكه ميعجبه موقع
اخر شي لكه كاع كال موقعها حلو بس
راح تكون الج ابنيها كوثر تضل بهذا البيت افتحلها العزل
وانتي تكعدين ببيتج
ولحسن الحظ يرجعون مره ثانيه بيت ابوخليل جيراني
لان ماخذين لقطعه لبصف قطعتنه وهم راح يبنون
حياتي هادئه ماعندي شي هيه بمكانها واني بمكاني ومتكدر اسوي شي
مؤيد كاشف كلشي يصير هوه يرده
حته ماادخلت بيوم وصارت بيني وبينها مشكله
صار عمر ادم اربع شهور
ومؤيد كل يوم من جان ادم اصغر من هل عمر
كل يوم يصعد احمد يكعده يم اخوه
ويخلي ادم بحضنه يعلمه بوسه
هذا اخوك يحبك
هذا اخوك جابلك يطي نستله بسكت
حمودي يمشي. صار هوه يصعد يدور ع ادم
ايصحله اام ااام من لباب
اليوم هم من لصبح الباب تندك وصوته احمد يبجي ركضت فتحت لباب
وراه امه تركض تريده
خير خير شبيك حبيبي
كوثر: ماكو شي بس هذا يتهزم تعال انزل
زينه: شالته من ايده حيل
كوثر شبيج خطيه ليش هيج
الطفل فرفح وميقبل يروح مجلب بالباب اريد اشيله متخليني
وهوه من دنجت عليه جلب بيه ويصرخ
كوثر عوفي شبيج
كوثر :لالا تععااااال وللك
زينه: لاضربيه خطيه
كوثر: لاتدخلين انتي مواحن مني ع ابني
زينه: لاموهذاقصدي بس لطفل فرفح خطيه
كوثر: خلي حنيتج لنفسج
زينه: جرته حيل للطفل وهوه مجلب ضربته ع وجهه دفعت ايدها
ليش هيج شبيج
دفعت ايدي جريت لطفل تقاوت ويايه عوفي شبيج
جرته حيل من ايدي واخذته ونزلت ولطفل يصرخ
سديت لباب ايدي وجعتني
شفتها بيها اثار اصابيعها من جرتهاواضافيرها مخرمشه كف ايدي
فركتها ودمي يغلي ع طفل شهل انانيه
ادم كاعد شلته بدلته وغسلتله بعصبيه
اسمع صوت لطفل فرفح
واخرشي سكت ضليت احجي عليهابكلبي
رضعت ادم. وسمعت صوت لباب فات مؤيد للغرفه بيدي ادم
مؤيد: زينه ليش هيج لولد شنو زعج نومه حضرتج
زينه: ياولد شنو نومه حضرتج
مؤيد: طفل صاعد يلعب ويه اخوه واذا دك لباب من لصبح انزعجتي
زينه: لاصيح مؤيد الطفل صعد الصبح واني نايمه كمت
مؤيد: واذا نايمه طفل هذا نومتج شنو
رايح وجهه باي حق اضربيه
اكسر ايدج والله ماتمدين ايدج ع ابني
زينه: شنو تريد تضرب جاي تهد عليه شو
مؤيد: اضربج واكسر راسج طفل تضربيه والله زعجج
زينه: ماضربته اني لااضل تصيح
مؤيد: شومتحترمين انتي
زينه: لاتمد ايدك مؤيد
مؤيد: لاشومديتها شسوين
زينه: يتهدد عليه دفعت ايده كتله لاتمد ايدك رجعها بضرب الي
كملت
مؤيد: الحجي مثل ماللجوه كلته اكوله الج
ذوله ثنينهم ولدي ويتربون ناس تحن ع ناس وناس تسند ناس لاتدخلن بهل شي
والي تمد ايدها منجن ع ولدي اكسر ايدها
وانعل لخلفوها
زينه: لاتضل تصيح وتكلب الدنيه وانت ممفتهم شي
مؤيد: لاتعلين صوتج
زينه: انت لااصيح ياتكعد تفتهم ياتسكت
مؤيد: لا ويامن تحجين هيج انتي
زينه: شعري مؤيد لاتضل تمد ايدك عليه
مؤيد: لاتعلين صوتج حته ماامد ايدي عليج واطيح حضج
زينه: كملت مديت ايدك وصيحت وغلطت ارتاحيت هسه
مؤيد: لاتحجين ويايه بهل اسلوب
زينه: وانت لااضل تصيح وتعيط افهم اول
الطفل دك لباب وطلعتله امه تركض وراه
مؤيد: ليش اضربي انتييي
زينه: انننني مضربته
مؤيد: لاتصيحين
زينه: لااصيح ونص مضربته امه ضربته وهاي ايدي شوف اضافيرها
اريد اخلص الولد منها تدفع باايدي وتلوي بيها
مؤيد: يعني انتي مضربتي وهيه تريد تخلصه منج ضاربه ايدج
زينه: مؤيد لطفل صعد اصلا يبجي ع صوته بجيه كمت اركض
فتحت لباب هيه وراه شالته من ايده شيول ولطفل مجلب بيه
يبجي ضربته ع وجهه وخرت ايدها جرت ايدي حيل ودفعتها
وخرتها وشلت لطفل تتقاوه ويايه حته تاخذه اجربيدي بلوي هاي اضافيرهاواصابيعهاشوف ايدي
اضرب لطفل ليش موكل يوم يصعد
لوهاي هم تعال شوف الزراك البي
وهيه تضربه وتتهمني
صفن بوجهي
لاتصفن صعدهاهنا كدامي تكول ضربتي لطفل
لوالمن تصعدها اني نازله كمت جريت لعباه اخذها من ايدي
مؤيد: تأدبي وكعدي
زينه: لا مواني ضربته وصاعد انت تضرب وتصيح
مؤيد: ولدي اريدهم ناس تحن ع ناس
ماوحده منجن تمنعهم
زينه: والله روح كول الها هل حجي موالي
مؤيد: ثنينجن تسمع
زينه: اني مااحتاج انت اتسمعني لان مااتهم احد كوه
وبيني وبينها الله والله يشهد والله العضيم وداعت ادم وغلات عيونه بالقران ماضربته للطفل
اني وخرتها منه وكلتلها عوفي تكولي انتي مواحن مني
وهيه كل ضربه اطته تخلي يفرفح وجرته جر من ايدي
وهذا الله فوكايه شاهد ع كلامي
باوع عليه ونزل
سمعت لعيطه من جوه تصيح تصدكها الها
وصوته يغلط ويكسر وصوتها
تكوله صوتها اتصيح عليك كادر بس عليه تمد ايدك وتضرب
صعد عاقج حاجبه ركع لباب وفات كعداخذت ادم ورحت للغرفه
طب يفتح بدكم قميصه وعود هوه ضايج
يجرجر بقميصه بنرفزه
ذبيت ادم بفراشه نام وطلعت للهول
كعدت
طلع ورايه
مؤيد: شكو هل بجي
زينه: عفته وكمت جرني
مؤيد: راح نضل نلعب يارايحه ياجايه
زينه: هد ايدي مؤيد
مؤيد: واذا مهديتها شسوين
زينه: يريد يحضني دفعته. لا شسوي
انت تسوي تضرب وتهين
مؤيد:انتي تعلين صوتج عليه
زينه: من ماتسمع وماتفتهم الي صاير وماتطي مجال للكدامك يحجي شسويلك هااا
مؤيد: لازعلين مني منو يتحملني اذا موانتي
اني بنص لكراج حير بهذاوشوف ذاك وطلع هذا وجرد واحسب
وايخابروني بمشاكل شصير
زينه: مايوم خابرتك عله مشكله لاتجمع
مؤيد: حقج عليه اني غلطان
زينه: لاحقي عليك ولاع غيرك عوفني بحالي
مؤيد: وراح انضل نبجي
زينه: مؤيد كعدنه هنا مااكعد بعد
كل يوم حجه واكول هوه يردها
هاي ثاني مره تتهمني بضرب احمد
وانت تصدك مره تراقبني ومره تمد ايدك عليه تضربني
مؤيد: اني غلطان كلبج جبير تحمليني
زينه: لامؤيد المره الجايه تشمره من لسطح لطفل وتكول هيه
كعده هنا ماالي بعد
مؤيد: سكتي بابا
زينه: لاتستهزء لوتلكالي بيت لوتبلش بالبناء
مؤيد: صدك تحجين
زينه: اي بعدماابقه هنا
وهاا تبلغها اتسد بابها حته لطفل لايطلع ويصعد اني ماامنعه لاوالله
ياريت يجي يلعب ويه اخوه اكيف
بس ليوم تهمتني ضربته وهاي ثاني مره بثالثه شسوي الطفل بوجودك بعديصعد
مومرايده نفسي اني باجر شوف شتتهمني
مؤيد: ماشي بس سكتي كافي
زينه: ابدي ببناء لبيت ياطلعني بغير بيت
مؤيد: لاخلص راح ابدي بالبناء
زينه: من يومها بعد مصعدت ولاوصلت واحمد بس بوجود مؤيد يصعد يلعب ويه ادم ومرات ميقبل ينزل
كم مره اسمع صياحهم جوه لطفل ميريد ينزل وهيه تريده يشيل مؤيد يفرفح
ويشمر بنفسه
مؤيدكلشي ولاواحد منهم يبجي
ايعوفه ايبات يمنه تضل ادك تخابر وهوه يسده يتعاركون بتلفون يهددها حنزلج يله تسكت
سمعت بده يبني
وبين فتره وفتره تجيني ام خليل
تكول خوش بناء وبيت جبير
اسئله يكول لا ع كدنه
ميقبل اروح اشوفه
صار عمر ادم 10شهور
مؤيد: باجر ان شاءالله يسلموني مفتاح لبيت
زينه: كمل كلشي يعني
مؤيد: اي ليوم يغسلوه بليل العمال ويكملوه الصبح استلم مفتاح
زينه: شوكت اشوفه لوهم صبري
مؤيد: هههه لا استلم لمفتاح ويطلعون لعمال ميبقه الهم شي بالبيت واجي اخذج
زينه: منمت متحمسه اريداشوفه ام خليل تكول بيت جبير وهوه يكول لا ع كدنه
طلع الصبح واني انتضر للضهر يله اجه
يله اروح
مؤيد: غديني اول جوعان
زينه: صبيت لغده بسرعه اريده بس يكمل
هاا اروح
مؤيد :انام فد ساعه
زينه: لاعاد كافي كلت غده غديتك انوب نوم وديني ومن نرجع نام
مؤيد: ههههه امشي
زينه: طلعنه بعد مسافه عن بيتنه
طب بفرع بنص لفرع وكف كدام بيت
ماشاءالله ضحم
مؤيد: هذا بيتنه
زينه: ااشر ع بيت صغير حلو مشتمل
نزلت كتله ماشاءالله شلون بناء هذا بالعافيه ع اهله
ضحك وبيده لمفاتيح فتح باب لبيت
لا كول والله
مؤيد: ههههه فوتي فوتي
زينه: كراج اطب بيه سيارتين وحديقه مثل تصميم بيت اهله داير مداير لبيت
بابين بداخل وحده بالوجه خشب
والثانيه صفح صايره
فتح باب لخشب مسافه مربعه ممر وبعده صاله جبيره
وبعدها غرفه جلوس وغرف 3ومطبخ جبير
درج فوك اربع غرفه وحمام
وكل غرفه بيها باب للبلكون صغيره
افتر بالبيت بيده ادم وورايه يمشي
مؤيد: هااا
زينه: حبيبي يخبل بس انضيع بي هذا شعدنه
مؤيد: لاهوه يادوب ع كدنه
زينه: مؤيد تحجي صدك البيت قلعه ياع كدنه جر ايدي جنه بطابق الفوك
مؤيد: هاي غرفه ادم ان شاءالله
وهاي غرفه عمر
وهاي غرفه عمار
وهاي غرفه علي
زينه: عمر وعمار وعلي هاي عائله العين منوو بله زحمه
مؤيد: ولدي شنو منوو
زينه: ولدك ولدك منين بله زحمه عندك العينات عائله العين ذوله واني مادري
مؤيد: لاحبي شلون متدرين غير ولدي منج ذوله
زينه: هههههه هاااا ومقرر اربع ولد حضرتك
مؤيد: لا اربع ولد واربع بنات لهل سبب غرفتين حطيت جوه للبنات لان اول وتالي يزوجن ميضلن فكل ثنين بغرفه
والغرفه الثالثه الي اني وياج
زينه: والله مقسم لبيت حضرتك ومحدد
مؤيد: اي طبعا البنات. زينب ومسك وعائشه
وفاطمه
زينه: ياسلام ومجهز اسماء مؤيد امشي كدامي امشي
اربع ولد واربع بنات محدد بله زايد ناقص منا منا مابيها مجال
مؤيد: لالاعادي يصيرون خمس بنات اوخمس ولد عادي
المهم 8واذا الله قدرنه نكمل العدد 10
زينه: ههههه والله ياربي امشي انزل انزل
مؤيد: هههه هل مره انتي تختارين الاثاث صار كم بيت اني اختار هل مره اخذج اختاري
البيت الجوه اثثي الفوك خلي هسه مقفول
زينه: البيت جبير مااشاءالله وبنائه حلو
بدينه نطلع نختار اثاث الغرفه نفسها ننقلها الديوان صغير ميكعد لابالهول ولابصاله
ولمطبخ بس الثلاجه ولمجمده نقلنه
اثثت البيت كاونتر خشب صار داير مداير المطبخ
والهول تخم وبوفيه جبيره انحطت بي
مؤيد: الديوان (الصاله) اني اختار اثاثه معليج بي
زينه: الصاله ايسميها ديوان
جابلها تخومه ثنين نفس اللون بس تخومه ضخمه وبوفيه جبيره جاي
وحط ثريات علك بيها وصور وجاب سيوف
البيت اجهز كله بسبوعين عود اتآخرنه علمود الكاونتر
والصاله
بعدها ختمت 3اسابيع يله كال بعد مااجيب شي
تحفيات كبار صور ايات قرانيه
كتب جاب مكتبه صغيره زاويه صارت وحط بيها كتب
جان يكعد ويصفن اجيب هيج بعد
اليوم كعد يباوع منا ومنا
هااا شجيب بعد بس صالتك هيج
مؤيد: لاخلص ماجيب بعد شي
زينه: همزين
مؤيد: بعد بس اشد شمعه هنا وهنا
زينه: مؤيد شعندك
مؤيد: معليج معليج البيت كله الج ادخلي بي هاي معليج بيها
بدت العالم تجي تباركلنه ع
بيت واليجي يضل صافن بصاله البيت كله تعبي بي هيج
راح بس يصيحون الديوان هوه مكيف
كل ما يحجون وكال هاااا شوفي حجيتي عليه
احسن منج البيت كله هيج العالم بس بالديوان تمدح
بدت العالم تجي تباركلنه بالبيت
وصارت الصاله خاصه اله
يجون عليه ناس ع شغل او مرات يجون
يحاجوه بشغلات اوكفه يردوها من ابوه
وهوه بيت كوثر فتح العزل وشال الدرج
وصرنه كل وحده ابيتها
اني وام خليل رجعنه جيران وصارت بسفرات ابو خليل
واذا صادف يوم مؤيد مو يمي تبات يمي
صار ادم سنه وسوينه عيد ميلاده
وراه بشهر حملت
علاقتي بعمي بين فتره وفتره اشوفه ام مؤيدكل الي اعرفه انها
وين متروح تكول بسبب مؤيد عافني ابومؤيد
محمد اكثر واحد بحمويني يجيني طبعا اخوه مؤيد محمد وسلام وصلاح وصالح والمات وهوه طفل مازن
ومن ابوه محمود وعبيده
فاتت فتره حملي ملتهيه بين البيت ومؤيد وادم
بتاريخ 9/2/1998
ولدت عمر ولدته بالمحافضه جانت ويايه ام خليل
مكدرت اسافر لاامي جانت اخر سفره
هيه ولاده ادم من بعدها انقطع السفر
وحته شغل مؤيد تغير الطريق
جان بينه فقط الاتصال
وتحجي وتبجي مفرفحه ع جهال تريد بس اشوفهم
ع عيون عمر كبر شغل مؤيد وقوه
اشتره سيارات ثنين بعد واشتره
شفل
وذبهن هم بكراج ابوه يشتغلن
صارعمره لعمر 8شهور اخذ مساحه قريبه ع كراج ابوه
سواها كراج اله ويدير الكراجين هوه
واخوته ماعدى محمود كعد ببغداد لان الشيخ ابومؤيد
رافض وجوده وممنوع يوصل
لبيت ابوه او للكراج
وره ولاده عمر بشهرين سمعت كوثر حامل
ماانكر اني مرات احس باانانيه بمؤيد
اريده بالفعل يكون الي وبس
بيومها النهار كله جنت متنرفزه
بس كالعاده عرف شلون يخليني
اتقبل لموضوع واضوج لاني ضوجته
جنت دائما اخابره للكراج ايجاوبني هوه
اليوم اخذ ادم وياه واحمد وياهم
ضل بالي
دكيت
الووو
الوو السلام عليكم
هلاهلاخيتي ام ادم شلونج
هلاخويه ابوخليل ابو احمدموجود
-لامموجود طلع كال رايح لمرتي الثالثه
-ههه ليش هيج ليش خويه ابيش طالبني
مؤيد: ههههههههه شتكول اثلث يعني
زينه: هااا ماشي من تجي للبيت نتناقش بهل موضوع
مؤيد: هههه ابوخليل يكول اني شكوو
زينه: هااا لولد وين
مؤيد: لولد يلعبون هسه ساعه واجي
زينه: اي عيني تعال
مؤيد: هههه ماشي
زينه; سمعتي رجلج ابيش متفاول الي
ام خليل: هااا خير
زينه: يكولي مؤيد راح لمرته الثالثه
ام خليل: يااا اخاف هوه يحضي ناوي يثلث
زينه: ذوله لثنين دومهم سوه يخفون صارو
ضليت انتضرهم
طب ادم
هاااي،شنوووهل تراب ولوصخ
-بابا تال العبو
زينه: بابا تال هوه وينه بابا
طلعت شفت احمد طب هلاحماااده
ركض بوسني شنو هاي كلكم تراب ووصخ
-هوه بابا كال ميخالف
مؤيد: هاا الله يساعدهم
زينه: ويساعدك عيني لازم يساعدك موتريد الثالثه
مؤيد: ههههه من لباب اتسمعنه
زينه: طب طب وانتو الاثنين كدامي للحمام
مؤيد: هههه يله حمودي اسبح هنا وتغده واوديك
زينه: سبحتهم وغديتهم
بين ماشلت لمواعين كل واحد منهم ماخذ قنفه نايم
مؤيد: خليهم ع نومتهم بس غطيهم تعبو من الركض
اخابر كوثر اكولها يمنه
زينه: اغسل لمواعين وسمعته يصيح ناااايم الولد نايم من يكعد اجيبه
ايصيح وسده اجه للمطبخ
مؤيد: شلون مغثه اطيني مي
زينه: هاك عيني حقك يراد الثالثه حته متنغث
يشرب مي يضحك غص
اتكيف ع هل سيره مووو
مؤيد: ولج اختنكت ههههه
زينه: تثلث موو بسيطه
مؤيد: تعاي تعاي شنوبسيطه شسوين
زينه: اني
مؤيد: اي
زينه: ابد والله كلشي مااسوي بس اسمك واسمها واحركم حته اخاف متموت بسم اموتك بالحرك
مؤيد: اتحركيني يطيج كلبج
زينه: يطيني ونص اني كوثر ضاربه روحي ضرب وجارعتها
انوب تجي وحده لخ اخنكك غير
مؤيد: ههههه مجرمه صايره
زينه: اي شعبالك لعد
مؤيد: ههههههه حلوه جارعه كوثر
زينه: اي والله شبيك لاتأمن يجوز بيوم اطك خبالاتي عليكم
مؤيد: لاشبيج اجيبلج الثالثه تساعدج بالبيت
زينه: مشاكيه الحال الك ابوالثالثه
مؤيد: ههههه لاتعضين لجج اااخ
زينه: الثالثه انوب عليه
عضيته وكرصته وهوه يحرك كلبي يتمضحك
عفته وكمت جرني شالني
نزلني نزلني يحجي بثالثه مؤيد مكافي ع كلبي كوثر
مؤيد: هههههههه لج احب خبالج
زينه: وخر لاتبوس
مؤيد: المن ابوس لعد ابوس الثالثه
زينه: خرررررب
مؤيد: لج اخخ سنونج حاده
زينه: ديربالك لعد
مؤيد: ههه لج انتي مرتي الثانيه والثالثه والرابعه
زينه: قشمرني قشمرني
مؤيد: هههه لاوالله بعدج الله ماخلق نسوان تحله بعيوني
زينه: شحدك افكسهن لعيونك
مؤيد: هههه هوه ماكو اصلا بس،انتي،بنص عيوني وبوسط كلبي
زينه: عبالي
مؤيد: ههه مخبله
زينه: بيك مخبله بيك انت مخبلني
مؤيد: احبج
زينه: اموت عليك وبدونك اموت
مؤيد: اوووف ولج اعشق حته لكاع التمشين عليها انتي
زينه: غمرت راسي بصدره اسمع دكات كلبه
نمت بحضنه كعدت ع صوت عمر
ولولد كاعدين
كعد هوه ووده احمد ورجع
بليل تعشينه وبيده عمر يلعبه
ودك لتلفون
الووو
هاا
شبي
يامي بارد مخبله انتي بابا
لج سبح هوه وادم
كوثر روحي روحي
زينه: خير
مؤيد: تكول احمد مصخن سابح بمي بارد
زينه: لاوالله دافي انت موفتت وراهم شفت المي
مؤيد: سدي لموضوع خلينه مرتاحين
زينه: ضليت اكل بروحي اني صوجي شكو اسبحه ليش مااجوز
ثاني يوم لازم ايبات يم كوثر راح ورجع بليل مبين صاير شي محجيت
صراحه كيفت بجيته
ولدت كوثر بنيه سموها نور
جان الي،فتره مشايفتها رحت وديت هديه وتحمدت ع سلامتها بسرعه بسرعه
طبيت وطلعت وهوه ويايه محد،كدر يحجي
حياتي بوجود مؤيد وولدي ماكو احله منها
ووضعنه زين مشاكل ماكو بينه وان صارت مشاكل تنتهي بنفس الوقت
بال2000صار عندي علي
وهم ام خلدون جانت واكفه ويايه
صار عمره سنه واخذتهم وسافرنه ل امي
من شافتهم تحير المن تحضن
وتبجي نستني الي تحضن بيهم واني واكفه مو بحالي
ماما اني تره لحد هسه واكفه
ام زينه: ياعيون امج تعالي حبيبه والله ممصدكه شفتكم
بقينه 10ايام وهم من ردنه نرجع امي تبجي وتحضن بالولد
حمودي اتسجل مدرسه وكل يوم من يرجع يجي يشوف اخوته ويروح
بال2002سجلت ادم مدرسه ويروح هوه واخوه للمدرسه
واكو حجي عن الحرب والعالم متحذره وخايفه
ودخلنه 2003وبدت الحرب
القصف جان قوي بالمحافضه انجمعنه بنفس البيت جاب كوثر ولااكو شغل ولاطبه ولاطلعه
كوثر: اروح لهلي اني
زينه: شعندج فجأه هل رمي يصير كعدي
كوثر :لالااريد اروح مؤيد اذا متوديني دز ع اخويه ياخذني
مؤيد: كملي غراضج واوديج
زينه: كامت تلم بغراضهم مؤيد خطره وين طالع
مؤيد: لتخافين حبي مااتأخر ماكو شي
… ..يتبع