#بلاعنوان
البارت الثالث والخمسون
ل ورد العامري
زينه: رجعت للبيت شايله ع،جتافي الم ووجع وحسره
عمتي مفاركتني غسلتلي وبدلتلي وتصبر بيه
دخلت للغرفه تمددت دموعي ع خدي
صورته بين عيوني
دخلت عمتي وكالت اتفضلي ام مؤيد
درت راسي فاتت ام مؤيد
ام مؤيد: اخذي راحتج يمه حمدلله ع سلامتج العوض من الله البقاء لله وحده
زينه:كعدت ع جربايه كمت وبجيت بحسره
ام مؤيد: وين مؤيد
ام طه: طب،يسبح راح ذبح واجه دخل يسبح
ام مؤيد: لحمدلله ع كل حال
زينه: طبطبت ع ايدي
صوت مؤيد صاح هلايمه
رفعت راسي عليه لابس دشداشه بيضه شعره مبلل
كامت ام مؤيد
فتحت ايدها
ام مؤيد: هلابيك ينور عيني يمه
زينه: باس راسها وباس ايدها وصوته شهك
برفعه راسه حضنته امه وصوته يبجي
مؤيد موضعيف
بس لوجع يجبر لدموع تنزل
حضن امه
مؤيد: دفنته قبل مااكبر بااذنه قبل مااشبع منه شوف حطيته بتراب
ام مؤيد: يعوضك الله يمه
مؤيد: جفنته يمه وفتحت جفنه الطريق كله اشوف وجهه ماشم ريحه هوه الدنيه يمه
ام مؤيد: تعترض ع امر الله مؤيد العوض من ربك مامقبول منك هل شي،يمه ينضر عيني
خوانك بره ميصير يشوفونك هيج
مؤيد: غصب عني يمه بجهل هل ولد راح
تعلكت روحي بي قبل ماشوفه ومن شفته سلمته للتراب
زينه: اسمعه وابجي زادت ناري نار باست راسه امه مسح وجهه وبوسها
وطلع اسمع سلامه ورد عليه
ام مؤيد: ارتاحي يمه نامي
زينه: طلعت وعمتي طلعت وياها
حضنت بطني وبجيت،حجيت ويه روحي مثل ماجان هوه واحجي وياه
ليش خليتيه ايموت
ليش مابقيتي هنا ليش راح
مرات عيونه تطي لدمع بحركه
بس ماكو فايده
عده ليوم واني ع وضعي مؤيد،من جتي امه اخذته وراحت
عمتي يمي اجه لصبح
مؤيد: شلونج اليوم
زينه: لحمدلله ع كل حال
مؤيد: محتاجه شي
زينه: لا
مؤيد :راح ورجع بليل طب،سئل وطلع نام بالهول
ثالث يوم طب شافني واكفه ع مغسله فات للغرفه عمتي بالمطبخ
غسلت ورجعت للغرفه جان كاعد ع جربايه
مؤيد: شلونج اليوم
زينه: زينه لحمدلله
مؤيد: ارتاحيتي هسه يعني كتلتي طفل يسوه راسج وعشيرتج كلللها
زينه: شبيك مؤيد شنو كتلتي
مؤيد: اي انتي كتلتيه بتصرفاتج بجهلج راح
تكمز وبجي ولطم وشيل هذا وذاك ودك درب ورجيف
شبقيتي بي كطعتي نبضه وكتلتي
زينه: مؤيد لاتكول هيج هذا ابني تره موبس ابنك
مؤيد: خانكني هواي حجي وساكت كلت اكتم بس مكادر اتحمل بعد
ثالث يوم اليوم اله بس تدرين الله رحمه واخذه حته متكون عنده ام مثلج
زينه: كام وكف كدامي
مؤيد: الي مثلج رعنه ماتصير ام الله حبه واخذه خلصه من تصرفاتج الطفوليه الرعنه
زينه: محجيت شي شجاوب والله حته جواب ماعندي
طلع وعافني طبت عمتي تهدي بيه
-يله ميخالف فتره وتعدي مهما جان رجلج وابو بيتج
هوه هم مادري،شبي الله يسلمه بس هوه كلبه محروك هم يخاف الله بالي عاش جواها كل هل شهور الي حست بي وبحركته
يله يمه ميخالف تهون تهون
اكولج زيونه يمه اني بقيتي هنا متراد بعد عيب شيكول رجلج
والله اني بقيت علمودج ذيج الايام
زينه: تعبتج عمه
-لايمه لاتحجين هيج حالج من حال بناتي انتي والله شتحتاجين يمه اني،يمج ووياج
ان امج غابت اني امج حبيبه شبقه من اهلي بس انتي من ريحه يونس
زينه: حضنتني وتبجي ويايه بجيت بقهر بحضنها جنت محتاجه امي تمنيتها موجوده
ساعه11الصبح راحت ضليت وحدي بالبيت وعدن يومين لااجه مؤيد ولابين
ثالث يوم اجه ساعه9الصبح
سمعت فتح لباب كمت شفته فات باوع عليه وكعد ع تخم
وينك صار يومين
مؤيد
مؤيد وين جنت حته اتصال مااتصلت
مؤيد: زينه كعدي
زينه: شبيك
مؤيد: كعدي
زينه: وجهه ميتفسر كعدت
مؤيد: زينه اني تعبت وبذات وياج تعبت خسرتيني كلشي وكلت ميخالف
ابني ابطنها
هذا ابني مااحرمه من امه ولااحرم امه منه
بس انتي متستاهلين كلشي
زينه: مؤيد. الي مات ابني اكثر ماهوه ابنك جان بداخلي اني الي احس بس وبحركته
مؤيد: والي صار شنوموتت الطفل كله من ايدج
زينه: حرام عليك مؤيد كافي الي اني بيه
مؤيد: من ايدج كل الصار من ايدج
شنو الي ماسويته الج شنو الي ماقدمته وصلت وياج
عفت اهلي علمودج
وانتي لاعرفتي تحافضين ع هل بيت ولاكدرتي تخلينه مرتاحين رحتي وكلبتي الدنيه وعذرت
ومشيت وياج وكفت بوجه ابويه واختاريتج
رغم كل لمصايب الي صابتني من وراج
لاعرفتي تحمين بيتي ولاعرفتي تحافظين ع ابني
زينه: مؤيد،ان..
مؤيد: انتهه زينه. الي بينه انتهه لالي عين كادره تشوفج ولااذاني متحمله تسمع صوتج
زينه: لاتضلمني
مؤيد: انتي،ضلمتي نفسج اني ماضلمتج ولاراح اضلمج
هذا البيت تبقين بي مصرفج احتياجاتج توصلج
ان اطلعج من ذمتي،شي
واني اوكف وياج شي ثاني
مااقبلها ع روحي اتركج بشارع
هذا لبيت الج وكل اسبوع يوصلج مصرفج
زينه: وانت
مؤيد: اني وياج بعد مايجمعني شي
منا لساعه يجي محمد وياه سيد
اطلعين من ذمتي ولهنا ونقطه ع سطر انتهه كلشي بينه
زينه: ليش تسوي بيه هيج مؤيد حرام عليك
مؤيد: الي عرفته عن امج انها سافرت غير شي ماعرف عنها وان سمعت ادزلج خبر
زينه: مؤيد،باوع عليه حاجيني ليش هيج تسوي بيه
مؤيد حاجيني
مؤيد: لان طلعتي من كلبي انغسلتي غسل من روحي
علمود وحده مثلج ردت اخسر اهل وعزوه وسند عبالي تسوين
زينه: طلعت مااسوه
مؤيد: متسوين الي ردت اخسره بسسبج
زينه: مؤيد لاتشيلني ذنب موذنبي وتعاقبني عليه
مؤيد: ذنبج من طلعتي من هل باب وماحسبتي انج حامل ذنبج من مافكرتي بينه
ذنبج وذنبج كلشي صار
خلص انتهه الي بينه جان راح
زينه: يعني الي بينه جان بس لطفل
مؤيد: لا البينه جان مينعد ومينوصف كله هدمتي ومن بقيت ع اخر شي بينه هم ضيعتي
زينه: موبيدي
مؤيد: بيدج لو مقدره لومفكره ومحترمه انج حامل جان خفتي من لهوه يطخج
زينه: مؤيد بس اسمعني
مؤيد: مضل شي ينسمع بينه
زينه: انت حاكم عليه ومقرر حته مجال متريد تطيني ابرر ولااحجي
مؤيد: لان انتهه خلص كلشي خلص خذلتيني ذليتيني خليتني اوكف مذلول
ينضر عليه بعين زغيره شوفتيني الي عمري ماشفته
خليتيني بين حلوك ناس ماتسوه تنطق اسمي
زينه: كل هذا سويته اني
مؤيد: الي عندي حجيته وبعد ماعندي غيره
هل بيت الج تكعدين بي
زينه: ماريده
مؤيد: واني مااخليج للشارع
زينه: الشارع احسن من الي اشوفه بعيونك
مؤيد: كعدي بهل بيت ومصرفج يوصلج و
زينه: صدقه
مؤيد: لا احترام لزاد وملح الي بينه ضل احتراما الهن احافظ عليج
زينه: واني ماريد منك تحافظ عليه
مؤيد: غصب عنج تبقين بمكانج منا لحد مايوصل خبر عن
زينه: ماكو شي غصب عني انت بعت وخلص
مؤيد: متعرفين حجم الي سويتيه ولاحاسه بي بعدج تحجين بنفسج وبس
زينه: انانيه فكرت بنفسي وبروحي نسيت الوجع الي بداخلي نقطه ببحر من حمل وحس وفرح
اندكت الباب طلع ضليت بمكاني
ليش هيج صار معقوله جنت اريد موت ابني
مؤيد: لبسي حجابج وجيبي جنسيتج وطلعي
زينه: مؤيد لاتبيع ولاتحطني بذنب
مؤيد: انتهينه زينه من ليوم ماتعنيني بشي بعد
زينه: ولاانت تعنيني بعد
مؤيد: جيد لبسي حجابج وطلعي
زينه: لبست حجابي وطلعت بداخلي صوت يكول ميردني اني هم ماريده حته ماسمعني حاطني كمتهم وبس مافكر بالي احس بي ولاحس
محمد وابوخليل موجودين وسيد
طلكني كدامهم
توقعت للحضه انه ميكدر ايسويها
حط عينه بعيني
ونطق
طالك طالك طالك
حسيت روحي انسحبت من جسمي
ضربات وحده وره الثانيه
كم وجع يجيني بعد
مالحكت اجر نفس من خسراني ابني
خسرتك انت هم
دخلت لداخل الغرفه عفتهم بره كاعدين
بعده السيد مطالع
بوجهي لميز تواليت اباوع ع روحي
يعني صدك كل هذا صار
وبعدج واكفه كل الي مر هذا وبعدني اجر نفس
منو لغلطان اني لان غيرتي عليه وحبي اله عماني
لو هوه لان ماعذر ولاقدر
معقوله اني كتلت ابني اي اني كتلته
بتهوري بندفاعي اله
يكول ماتستاهلين
لاهوه مايستاهل
كل الي صار بسبب منو لا
اني شنو ذنبي ليش لازم حياتي
يضل بيها شي ناقص
ليش فرحتي ماتكمل
ليش غصتي بكلبي تنحبس
ليش مفكر بيه
اني دونه اموت
لاماموت وره ابني مامتت
بس شنو فرقي عن لميت
ماافرق شي بس جرت النفس
-خيتي زينه
جفلني صوت
نعم
فتحت لباب محمد
-خيتي ايريدج مؤيد
زينه: طلعت جنت امشي مثل اللعبه الي بيهاخيط تنجر تمشي
احساس مدمر وروح محروكه
بكلب مكسور
بتعب
مؤيد: الي ضل بينه زاد وملح واله حوبه وحك
وانتي الج دين بركبتي هذا غايبج
كدام شهود استلمتي والي تؤمرين بي اني حاضر
زينه: يحاجيني وهوه مدنج يعني معقوله صرت غريبه بهل سرعه
ايام كلها ايام صرت غريبه ماتباوع عليه
حط كيس اسود وكال غايبج غمضت عيني ورجعت ليوم الشقه من حط فلوس كدامي
ليش البشر يفكر ان هل ورق جبير
لفلوس ورق لااداوي جرح
ولاتشفي العله الي بكلبي
رجعهن ماريد منك شي
مؤيد: هذا حقج
زينه: ماعندي حق بيوم ضنيت اني عندي حق وطلعت من هل باب اطالب بيه نسيت الحق انباع
ونكتب عليه اتفاق
رفع عينه عليه خزرني
مؤيد: كل اسبوع يمر محمد يشوف طلباتج
زينه: مشكور متقصر ماله داعي
ابوخليل :احنه اخوتج خيتي شتحتاجين اني بالخدمه
زينه: تسلم
محمد: واني اخوج وكل اسبوع امر ان شاءالله وبخدمتج
مؤيد: اعذريني اذا قصرت وياج بيوم
هذا عقد البيت وهاي نسخه لمفاتيح لعندي وهذا عقد الزواج وهذا الطلاك
زينه: سفط اوراق كدامي
والاتفاقيه وين
رجع رفع عينه خزرني
صح سقطت جانت شهر صارت سنه
مؤيد; ستري ماشفتي مني وسامحيني ع قصوري
زينه: كام انطاني ضهره وراه ابوخليل
ومحمد
مؤييد
ضل شي بحياتي مااسامحك عليه ولاانساه
باوع عليه وهز راسه وطلع
كان روحي الي طلعت موهوه
انسدت الباب وصرخت بااااااااه
ماطلعت من لساني صاحتها روحي
بعمري مااسامحك ع اول فتحت عيني الي انفتحت عليك
مااسامحك ع اول امان حسيت بي وضاع
مااسامحك ع كل اااه تصرخ بروحي
ماسامحك ع رخص الي عندي يمك
مجنت متوقعه بهل رخص اني عندك بجره قلم
بحطه افلوس مثل اول مره شلتهن بجيسهن فتحتهن
انباعيت بيجن وانشريت بيجن وهسه رجعتن انحطيتي كبالي
شكد رخيص لبشر كدامجن لعد
ذبيتهن ع ميز وكعدت
حايره باامري وين اروح
والمن الجئ
ابقه هنا منو اني اني الي ينحط
كدامها كل يوم ثمنها
اوووف شكد رخيصه ياروحي
وين اروح وينج ماما
وين الكاج
بيا بلد صرتي ووين رحتي
مالي غير ام هناء توصلني
الها
شلون اوصل ل ام هناء ووين الكاها
الساعه جانت 11لصبح
فتحت لكنتور شفت هدومه جريت قميصه شميت ريحته
وكعدت ع جربايه وين اروح
باي مكان بس مابقه هنا
كافي تعبت باعني وضلمني بموتت ابني
حملني ذنب موكده اني
طلعت هدوم بدلت وانتبهت لابسه المحبس ولحلقه لتراجي زنجيل
نزعتهن وطلعت الذهب الي بالكنتور بتوت سوار حطيتهن بعلبهن وحطيتهن ع ميز تواليت
هل ثمن الي تشوف اني انباع بي ماريده
اخذت من لفلوس 100دينار. بس
ورجعتهن اخذت جنسيتي بس حته لعقود عفتها باوعت ع بيت كله افتريت بي
من كثر ماشفت بيك فرح توقعت ماشوف لحزن طلعت
قفلت لباب
وطلعت
دكيت باب بيت ابوخليل
منوو
اني
هاخاله فوتي
صيح ماما حبيبي
طب وره شويه طلعت ام خليل تصيح تفضلي تفضلي
فتت للطرمه بوستني
-عين لماصلت ع نبي انحسدتو والله ساعه شيطان 😈 اعوذبالله منها
زينه: ابوخليل موجود
-لاوالله راح ويه مؤيد محتاجه شي حبيبه
زينه: هذا مفتاح لبيت اطوه لمؤيد
-اي خيه تدللين بس وين رايحه انتي
زينه: موجوده بس هذي مفاتيحه اطوهن اله
-تدللين تفضلي كعدي
زينه: لاحبيبتي تسلمين
-زينه شو ممرتاحه مبدله وين رايحه هسه لو شايله جنطه جان كلت هجت المره هههههه
زينه: هههه ام خليل اطي لمفتاح وابوخليل ايبلغه اخذت 100دينار من فلوسه
-وين رايحه خيه انتي كعدي هسه يبين ابوخليل
وين رايحه كوليلي اهلج واعرف انهم مسافرين
وين تردين ترحين
ابوخليل ايوديج
زينه: لاميحتاج
-زينه سمعيني خيه وين رايحه
كوليلي رايحه لبيت لمره الي جانت ابيتج عمتج ماعرف خالتج
زينه: اي
-وين همه ساكنين
زينه: موبعاد خابرتهم
-خيه طبي كعدي وتهدي برحمن
زينه: ام خليل عوفيني براحتي الله يخليج
-بس سمعيني ياخيتي
زينه: عفتها وطلعت وهيه ورايه تصيح
وتصيح ع ابنها اركض جيب عباتي
وصلت لشارع تكسي وكفت نزلت رجال
السلام عليكم
-وعليكم السلام
-توديني لبغداد
-بويه لبغداد تصعدين من لكراج
اوديج للكراج حدي
-ماشي صعدت وسمعت ورايه اوكفي زينه
انداريت ام خليل شايله بتها وابنها لثاني يجر بعباتها
صعدت بسياره وتحركت رفعت ايدي سلمت عليها
ماعرف وين رايحه لوشلون الكه ام هناء بس كل الي اعرفه اريد انهزم من هل مكان
يمكن ترتاح روحي
وصلني للكراج وكلي تركبين سيارات بغداد دلاني عليهن
تشكرت منه واسمع ايصيحون بمناطق
وصوت بغداد نفررر بغداد نفرر
صعدت سياره مليانه ناس
كرسي فارغ يمه مره جبيره كعدت
-لايمه تعاي منا انا ادوخ من لشباك
زينه: حولت كعدتي صارت من يم لشباك
شويه وحركت المنشئه
انداريت ع درب
هذا الدرب جيت اول مره بيه مفاركه امي
وليوم راجعه منه مفاركه روحي بروح بتراب ماتهنيت بيها وروح باعت وماندارت وراها وشافت اشعافت
لطريق كله دمعتي رفيق دربي
والف حيره براسي وكل همي اوصل ل ام هناء
طب بنايه كراج
خاله وين احنه هسه
-كراج بغداد هذا يمه
نزلت ناس هواي وهوسه اكثر اصوات
يصيحون محافضات
وصوت جاااي
جرك
وناس تروح وتجي
اتلفت بينهم وين اني
المن اسئل ووين اروح
دخت افتر راسي واني ادور منا ومنا بهوسه العالم
كعدت
ع رصيف اباوع ع ناس
بااي اتجاه اروح منين اطلع
شفت بنايه بداله
رحت السلام عليكم
وعليكم السلام
-بس لتلفون
اطانياه ماعرف غيرها ومحد غيرها ايوصلني ل ام هناء
مااطب بيتها اخذ عنوان ام هناء واروح
بس يعرفون عنوان امي شلون
لاماريد مادك عليها
وين اروح لعد
شلون اوصل ل امي مالي غيرها توصلني ل ام هناء
دكيت الرقم واني اكول لنفسي لاجتني ودارتني
بجت ع بجايه قرار اعدام ابويه كرصها
ع كولتها مابقه الها احد غيري
دكيت الرقم
الوووو
الووو اااا عمتي موجوده ام طه موجوده
-هلا زيونه موووو
-اي
-هلايمه والله بالي يمج شلون صرتي
-عمه اني ببغداد
-ببغداد وين يمه
-اني بالكراج منين اكدر اجيكم
-ضلي بمكانج يمه اني اجيج حبيبتي اوكفيلنه كدام الكراج اني جايتج يمه