#بلاعنوان
البارت الواحد والخمسون
ل ورد العامري
بدايه الدمار حجر صغير
ترميه
وسوء حضك لم يكن الحجر المرمي
تكون نفسك ترمي بها للتهلكه
تندم لكن لامجال للندم
زينه: مهما يكون الالم من احد يأذيك يهون ع ان انت تأذي نفسك
من حركت كلبي لطمت وضربت روحي بكل قوه
احجي ع نفسي واغلط
غبيه كل الي سويتيه غباء شوداج يارب تموتين يااارب اموت
اضرب بروحي واغلط واعيط سمعت صوت الباب
بعدني ع وكفتي
اسحب النفس كوه
رجعت للممر دخول الباب فات
مممؤيد
دمعته بخده
اختنكت اكثر
سدلباب وحرك ايده يأشر ع باب
مؤيد: مكدرت اروح مكدرت
زينه: شمرت روحي بحضنه
مؤيد: بيه غضب متمني احركج من شعر راسج لاضفر رجلج
وبيه وجع بروحي مايكدر ع فراكج
شسويتي بينه شسويتي بيه اني شلون والمن اختارر الاثنين متعلكين بروحي يااااااللللله
زينه: عصرني بحضنه وبجه صوته تغير من يحجي وتبعه صوت نفسه بعبرته
لاتعوفني ماعندي احد غيرك
اتيه بدونك لاتعوفني
مؤيد ماتعوفني موو
ايدي ترجف لزمت وجهه مغمض عيون دموع تنزل ع خده عاض ع شفته الجوه
حاجيني متعوفني
لاتعوفني الله يخليك
اسفه والله والله احتركت تخيلت كلشي بينه يكون وياها
مؤيد: دمرتينه دمرتيني الي خليتيني حاير بدربي وين اروح
زينه: دفعني وطب رحت وراه وكفت بوجهه
اسفه الله يخليك سامحني مادري ماعرف اني غبيه انت موكلت انتي غبيه اني غبيه والله غبيه
مؤيد اتوبه والله ماسويها بعد بس لاتعوفني روح روح خل خل تاخذك
خلي كلشي يصير بينكم بس اني لاتعوفني
والله اموت اموت بدونك والله يارب هيه تموت وماتاخذك
كل النار الي بيه ومن ذكرتها زدت نار اكمز يارب تموت جرني
صوته يبجي ويايه حط راسه بركبتي دموعه تنزل تنفسه كان اشبه بنار تلمس ركبتي
حاضنته بكل قوه عندي متشبثه بي بخوف وبحب وبقلق وباامان
محسيته غير بس وياه
وخر مسح وجهه وابتعدت كعد ع قنفه
مؤيد كولي متعوفني الله يخليك
مؤيد: مكدرت نص لدرب ورجعت واني يمج واريدهم وبدربهم ردتج
وضليت لاني مشرق ولاني مغرب
زينه: مؤيد اني ماعندي غيرك
مؤيد: ورايه اهل يسدون عين الشمس
ورايه عزوه وسند
بوجودج اخسرهم
وبوجودهم اخسر روحي اذب روحي بنار تحرك
انعل اليوم والساعه الي دخلتي لروحي بيها
ياريت لاشايفج ولاعارفج
ولاضايك هل لوعه ونار صدري
بمنو افكر بيج بيهم باابني بمنوو
شسويتي بيه اني شعملتي
هسه شسوي اكتلج خلاص
لواكتل روحي
الي اسوي شنوووو اعوفج واكول كان ماصار شي
اروحلهم واضل تايهه بروحي شسوي فهميني من مشيتي هل درب ورحتي مفكرتي بيه
زينه: لان افكر بيك سويت هذا كله مؤيد مااتحمل والله حسيت روحي طلعت شلون اتحمل فهمني اشوفك دقايق وتكون الها ساعات
مؤيد: لاالج ولاالها ولاالهم
اهج اهج منكم بس شلون اهج الي يهج وهوه شايل كلشي بوسط صدره وين ايروح
زينه: حبيبي الله يخليك اني لا اضيع افضل الموت والله انك تعوفني معناها موتي مااتحمل هل عقاب الله يخليك بس هل شي لاتسويه لخاطري
يمسح وجهه ويدير عينه عنه واني افتر وره عيونه
لزمت ايده بستها كعدت كدامه اتوسل
جر راسي حطه ع صدره
حاسه جسمي كله نحل الدنيه تفتر بيه
وخرني وكام
كمت بسرعه صرت كباله
وين رايح مؤيد لاتروح
كأني انرفعت من الارض وافتريت فره سريعه رجلي مااحس بيهن بعد عيوني غوشت وسواد صار
حسيت ايده اطبطب ع خدي
مؤيد
مؤيد: يمج
زينه: لاتعوفني
مؤيد: كتلج يمج
زينه:لزمت ايده جسمي نحلان بست ايده دموعي نزلت ع كفه
صعد رفع راسي ع ايده حضني
الليل كله لادموعي وكفن ولادمعته انمنعت رغم جان يكابر بديره عيونه بكز اسنونه ع شفته
طلع الضوه حاطه راسي ع صدره دموعي مانشفن مالي حيل احجي شي كام لزمت ايده
لاتروح
مؤيد: عوفيني بحالي زينه خليني اشوف دربي
زينه: مؤيد
مؤيد: لاتحجين شي مامتحمل روحي
زينه: طلع الليل كله مانام واول ماطلع لفجر طلع
لمت روحي شكد بس ياريت اللوم ايفيد
لو ايصلح الصار
ساعه 8رجع ع صوت لباب كمت بعدني مطالعه من لغرفه صوت الباب انسدت بس بقوه
مؤيد
مؤيد: لاتصيرين كدام عيني ولاتخليني المحج
زينه: شصار فه
مؤيد: زينه روحي من كدامي حاط براسي انج حامل لاتشوفيني روحج
زينه: كرسي التخم شاله وشمره لاتشوفيني روحج رجعت للغرفه واسمع تكسر ودفر بالغراض
كعدت ع جربايه اخاف اطلع
صار هدوء كمت ع كيفي مديت شويه راسي من باب لغرفه بس طشار الهول هوه وين طلعت شويه حته التلفزيون مشمور بالكاع الجام مال الشبابيك مطشر بالكاع
ادفر برجله
وينه هوه بديره عيني شفته متمدد ع قنفه لجبيره حاط ايده فوك راسه
رجعت بمكاني فاتت اربع ساعات ع طبته واخاف اتحرك
سمعت صوت طكطكه يمكن يدور ع شي بنص التكسر
اندفر شي
وهدء ثواني وسمعت
الووو
ابو سراج محمد موجود
اطينياه
هاا محمد
سد لحجي محمد اريد منك شغله
سالمه حبيبي سالمه ومحفوضه
اريد تجيب جوازي
محمد حبيبي اني مااريد اروح يكفي الصاراليوم لاتجبرني اروح اني
زينه: عزه بعيني شيسوي بجواز كال راح اهج يله ارتاحي هسه
الله ياخذني
مؤيد: حبيبي جيبلياه هسه والله كريم
بغرفتي بالكنتور هوه واوراقي وفلوسي كلها جيبها
ماشي حبيبي
اني اجيك
ماريد اتعبك
ماشي يم بيت ابوخليل
اي السايق بصف بيته مباشرتا بيت صغير معزول
اي اي هوه
هذا هوه انتضرك
زينه: صوته سد لتلفون ركع
دقايق ورجع
الوو
هامحمد نسيت اكولك جيبلي عقد لزواج
اي عد ابويه
لاكوله كوله مؤيد يريده
ماشي حبيبي الله وياك
زينه: احوص بمكاني شيسوي بجواز
شويه وطب للغرفه فتح لكنتور طلع هدوم ذني من لبارحه لابسهن ونام بيهن طلع تعلاكه هدوم
مؤيد بس اسمعني
مؤيد: شسمع هاا شسمع طيحتي حضي. وخري من وجهي
زينه: يعني راح تعوفني موو
بعده فاتح لكنتور جر حزام بجرته من لكنتور ضربني
عطت رفعه يضرب مره ثانيه شمره وشمر لهدوم وطلع لضربه صارت ع جتفي وصدري ضهري من صفحه فوك
عبالي طلع كمت شفت لباب مفتوح واكف بطرمه رافع راسه ليفوك ع سمه وايده بجيوبه الهول
رجعت كعدت بالغرفه شلت هدومه ع جربايه
وره نص ساعه فات اخذهن وطب للحمام
ماتحركت بعد لغرفه قريبه ع حمام شفته طلع قميصه بعده مفتوح لبس البنطرون وعدل حزامه
ويمشي ويدكم بقميصه
هدوء صار كمت شفته هم متمدد ع قنفه
ساعه4العصر اندكت لباب
وصوته صاح منووو
منو جاينه ياستار يارب دخيلك
باوعت من شباك لغرفه يبين لطرمه من صفحه
فات محمد وهوه كدامه
اول مافات اسمعه يكوله
-هاي شكووو
مؤيد: جبتهن ابوشهاب
-جبتهن بس هاي شمسوي
صدك كذب
مؤيد: وينهن
-هااك بس ابوك يك
مؤيد :لاتكولي شيكول احسن
-من كل عقلك مؤيد هااا بيدمن اتعوفنه ياخوي بيد محمود نافش ريشه من لبارحه جنه فسيفس
مؤيد: لااعوف ابني محمد ترضاها لواخذه من حضن امه
-اني وياك بس هدي وخل كم يوم تعدي ياخوي اليوم محمود شافني بغرفتك اخذ اوراقك مالحكت انزل لكيت السالفه عد ابوي
مؤيد: ممتحمل حجي محمد اروحلك فدوه خويه سد لحجي
-لاحول الله مرتك وين ليكون هذا كله مكسره عليها هاااا مؤيد
مؤيد: لايمعود ذيج جوه
-شسويت ببت الناس نارك كابه
مؤيد: شسويت اااااخخ لوفارغه ااااخ
-زين لعد موفارغه الطفل حمايه صارلها لمسكينه هههه
مؤيد: اوووووووووف اوووووف
-مؤيد اكدر اشوفها
مؤيد: منوو
-لخيتي مرتك اكدر اشوفها
مؤيد: اي محمد البيت بيتك ياخوي
ززززززيييييينهه
زينه: اسم الله ربي زلزال مواسمي صاح
نعم
-اكعد خويه انا ادخل جوه هيه
مؤيد: اي
-خيتي السلام عليكم اكدر ادخل
زينه: لبست حجابي مسحت دموعي تفضل
فات وكف بباب الغرفه كمت
السلام عليكم اعذريني خيتي بس ضل بالي ليكون مسويلج شي ع منضر البيت
زينه: لاماسوه شي
-استغفرالله سمعيني خيتي اني ماعرفج ولاكنت اعرف بيج بس ياخيتي انا مايهمني انتي منين لو منوين لوتكونين من بلد اليهود
مايهمني الي يهمني اخوي اخوي رايدج وفضلج ع هله
الي اريدج منه تهدي هل كم يوم وتتحمليه وفكره السفر حاولي اتأجليها
لحد مايهده الوضع ابوي ماله غنه عن مؤيد ولااحنه نسوه شي بدونه
زينه: اني مكنت اقصد الي صار
-خيتي الي صار صار صح غلط صار مايفيد نحجي بي بعد
بس الوضع تأزم اكثر بختيار مؤيد
اختارج وبلغ الجميع ان ياخذج ويسافر ومحد يسمع بذكره بعد
خيتي هديه وتحمليه ان جار عليج (غضب اوزعل اوتعصب )لان انجار عليه هواي
وحاولي تأخرين هل سالفه وثقي ايام وتبرد نارهم
زينه: هوه يحجي واني توقف السمع عندي لحد ان اختارج الج يعني اختارني مسواها واختار اهله
مسوه لكاله من خيروه
سلم محمد وطلع واصلا رجله ماعتبت باب الغرفه واكف بالباب
رجعت كعدت واردد يعني اختارني الي الي ميعوفني
جماعه الشغب منورين منورين😁😁😁😁😁
لتكولون قصير ادري بي
ولوتدرون شلون كتبته
كتبته بمساعده اتونه ايدها ويه ايدي وامسح واكتب
واعدل
حسبوه هذا بارت من وتين صغير مثلها 😁😁😁😁