#بلاعنوان
البارت الخمسون
ل ورد العامري
بطبيعه الانسان ان يأخذ كل ممنوع
مرغوب
حته في وصفه الطبيب
ان منع شي رغبناه
وان كتب لاتقترب نقترب كأن
في داخلنه التمرد يولد معنا
ندخل اماكن نتمنى لو لم ندخلها ابد
قد تكون محضوره بالنسبه لنا
لكن يدفعنا لها
قدرنا….. ام غبائنا
جهل بالمعرفه
ام
تهوور !
زينه: اصعب شي انك تتمنه لو ممنفذ الي كنت كلك حماس لتنفيذه
تتمنه انك تغمض ويرجع لوقت ليوره
اندكت الباب ودخلت ام مؤيد
من خوفي كمت وكفت
ام مؤيد: ليش كمتي يمه كعدي ارتاحي
ليش مماكله شي ممقبوله منج الزاد ينحط وينشال ماتمدين ايدج
زينه: والله مااشتهي اكل اي شي
ام مؤيد: لايمه اذا موالج لروح الي بطنج
ماكلتيلي يمه ياشهر وله اني نسيت ياشهر
زينه: خمس شهور
ام مؤيد: بسلامه بسلامه ان شاءالله
بدايته يمه
زينه: لا يوم 21ادخل ست شهور
ام مؤيد: مابقه شي ان شاءالله كلها كم شهر
وصيت البنيات ايجهزون الزاد لاترديهم
لطفل يريد اكل مايصير
البيت بيتج يمه اخذي راحتج ليش
مافاتح حجابج اخذي راحتج يمه
اليوم ارتاحي بهل غرفه باجر ان شاءالله
نجهز غرفتج
زينه: مؤيد وي
ام مؤيد: مؤيد طلع عنده شغلات لازم يكضيها
اخذي راحتج يمه وهلابيج
زينه: طلعت بس ايجهزون غرفتي يعني شنو
ههههه يعني تقبلو الوضع
لحمدلله ياربي واخيرا خلصت
سمعت ماما راح نكون ويه بابا 24ساعه
مانكون بضلمه بعد
خلص طلعنه للنور
ماكو خوف بعد راح لخوف تقبلو كلشي
ياربي شكد فرحانه
مؤيد ميكون لغيري
ولاراح يمر يوم من غير مااكون وياه واشوفه
كدام الكل راح اكون وياه
فتحت حجابي وخف التوتر الي جان عندي ولخوف انزال
فرحانه وكاني انتصرت حاسه بطعم الانتصار
خلص خليته امام الامر الواقع
عرفو مزوج خرب زواجه من بنت عمه
وراح اعيش وياه كدام الاكل واهمهم اهله الي جان
حاط الف شرط والف منع عليهم
دخلو صينيه اكل
اكلت بفرح والمس بطني
تعبت اليوم مو يله ميخالف تعبنه اله فايده
بابا صار النه وبسس
بابا جان يفكر من تكبر شيكولك
هسه ميحتاج راح تجي لدنيه وراح تشوف كل اهلك
عمامك همه كال 7ولد ابوك بس اليوم شفت محمد ومحمود نعرفه لباقين بعدين نشوفهم
وشفت عماتك3عندك بس وحده اخت ابوك من امه وابوه
وراح تشوف بيبيتك
وراح تشوف جدك
جدك ايخوف هههه
لاهوه مويخوف لان بشع
لا يبعث للكدامه خوف منه تحس صوتك يختفي اوكلام يتلكئ بوجوده
بس انت راح تصير مثل ابوك
تعامل ابوك هيج بااحترام راح تهابه هيج
بس لاتخاف ابوك طيب صح مرات يتعصب
بس مومثل ابوه لا راح تحس بالامان بوجوده موبخوف
صارت ساعه 9 بليل
اكثر من مره فاتت مرت ابو لمؤيد
وكأني اميره انسئل محتاجه شي تردين شي
وكل شويه داخله صينيه للغرفه
من بعد ال9 انعاد صوت لهدوء
قبل كم ساعه كان ينسمع صوت طفل اوصوت احد يسد باب يصعد ينزل تحسسك اكو حركه بالبيت
دخل مؤيد كان دخوله كان ميريد احد يشوفه يدخل بسرعه ويسد لباب
كمت بفرح
حبيبي
مؤيد: اشششش لبسي حجابج وحطي اذنج ع صوت لباب اول مايدكها محمد طلعي وياه
زينه: وين اطلع وياه ليش تحجي بصوت ناصي
مؤيد: روحي وياه طلعي منا من غير ماتخلين احد يحس بيج
زينه: ليش مؤيد ليش
مؤيد: لان الافضل الج ماتبقين هنا
زينه: ههههه حته لاينكسر شرطك واضل عايشه بضلام خلص انكسر ميفيد بعد
مؤيد: انتي متعرفين الي سويتيه شنو
زينه; سويت الي انت مكدرت اتسوي موكتلي موبيدي موبيدي اتركها بس اني بيدي خليتك تتركها وتكون بس الي
مؤيد: غبيه غبيييه انتي دمرتينه
زينه: لا ليش لان مصارت حبيبه كلبك الك خربت زواجك
مؤيد: طلعي منا مو وقت لحجي
زينه: مااطلع امك كالت باجر يجهزون غرفتنه يعني اتقبلو كلشي من شنو خايف بعد
مؤيد: خايف عليج سمعي كلامي وطلعي من يجي محمد
زينه: لاتخاف بعد عليه خلص اهلك عرفو وباقيه هنا ماروح لمكان
مؤيد: اذا تبقين هنا تخسرين ابنج
زينه: حط ايده ع بطني تخسرين ابنج دفعت ايده شنو يعني اخسر ابني
مؤيد: بقيتج هنا لحد انتهاء فتره حملج اني ماريد ابني ينحرم من امه افتهمي
زينه: شفتهم ليش ينحرم مني
مؤيد: زينه لشيخ قرر
زينه: ايي شقرر احجي
مؤيد: تبقين هنا لحد ماتولدين كال
زينه: احجي شكال
مؤيد: ناخذ ابنه وترجع من وين ماجتي
زينه: شنو يعني
مؤيد: يعني ياخذون الطفل منج وانتي ايبعدوج ترجعين من وين ماجيتي
زينه: كذاب تسوي هيج حته تاخذ بنت عمك صح
مؤيد: اي بنت عم اني وين وانتي وين
زينه: لهل درجه تحبها مستعد تكذب وتمثل حته تاخذها
مؤيد: انتي بعقلج لصغير متوقعه حته اذا عرفو بزواجي منج مااتزوج بنت عمي هنا الي ماعنده اربعه عنده ثنين وماملكت يمنك
زينه: هسه فهمت كلام امك
مؤيد: مو وقت حجي اذنج ع باب
زينه: مااطلع لمكان وماروح ويه احد
مؤيد: زينه زينه اذا مايهمج ابنج اني يهمني
زينه: خلص اذا حجيك صح وهيج قرر ابوك انت وين غير تحمينه
مؤيد: واني جاي احميكم هنا مااكدر احميكم لاتخلين احد يحس طلعي
زينه: مااطلع مسح وجهه بعصبيه
مؤيد: ماشي ضلي هنا ابقي بهل بيت بس باجر من ينأخذ ابنج من حضنج لاتعاتبيني سويت الي عليه اني
زينه: مؤيد تعال
طلع وعافني
كذاب
اي اكيد كذاب
ليش ياخذون ابني
معقوله يسوها
لا طبعا
بس هوه ليش هيج حجه
حته يستمر
شنو الي يستمر همه عرفو وخلص
يعني صدك ممكن ياخذون ابني مني
ليش ليش هيج ايسون
امه كالت ايخف حملج شنو قصدها
ضليت افتر بمكاني معقوله الي حجاه يصير
قررت خلص اروح ويه محمد بس وين اروح
لاي مكان ليش خايفه كدرت اوصل ابوه مره
واكدر اوصله ثاني مره
وشنو الي اخاف منه بعد كلهم عرفو اني زوجته
لاواني ليش اطلع اصلا واصدك كلامه
بس اذا جان كلامه صدك شلون
ساعه1:30اندكت لباب دكات خفيفه
وانعادت اكثر من مره لبست حجابي وفتحتها
-يله خيتي تعاي وراي
زينه: اتقدم خطوات ويتلفت اني بمكاني بين اروح وبين لا
-يله خيتي استعجلي
زينه: مشيت بتجاهه عيني عليه امشي وراه شفت روحي طلعت من باب صغيره البيت ورايه وهل باب طلعتني ع حديقه
-اوكفي هنا خيتي
زينه: تقدم كم خطوه وكال تعالي
رحت وراه افترينه فره شفت باب الشارع
يعني فتت من ضهر البيت حته من ضهر لغرفه الي جنت بيها بقه غرفه وشبابيك بس نعبرها ونعبر الكراج بي سيارات ولباب
كم مره كلي اوكفي تندارعينه حوالين البيت
-اوكفي خيتي
زينه: شفته يباوع ع شبابيك الغرفه اشر باايده تعاي وبعدها اوكفي
-هذا احسن قرار ابني انت تعرف الي وراك شنو وكم نفس انت تقود من بعدي
الولد اوالبنت الي يجي من الله حياه الله
منه وبينه دمنه ولحمنه
محمد: يله خيتي خيتي
-يتربه بينه وبنت الناس تروح لحال سبيلها هيج ناس بويه لانتكربلهم ولايتكربولنه
محمد: خيتي يله قبل مايحس احد
زينه: اشر باايده كم مره تعاي اباوع عليه وكفتي صارت ع حايط يفصل بين شبابيك ثنين سمعت صوت ابوه يحجي
اتقدم محمد لان صفنت عليه سمع دنج وباوع عليه كال يله
-يابه صدكني البنت
-اعرف الي احجي صعب بس انت رجال ولرجال اتهون عليه الصعاب ابني
ماتفيدك بصمه تضل بيك وبااولادك ماتروح ولاتنزال
محمد: خيتي امشي وياي
زينه: جان يحجي بهمس هزيت راسي اي مشيت وياه وعيني ع شباك لحد
محمد: اشغل السياره وصعدي
زينه: جنت مثل الي حابس نفسه عيني اندارت ع مكان دخولي منا فتت وشفت ابوه
صعد محمد بسياره باب البيت مفتوحه واول سياره سيارته
شغل السياره وفتح بابها
-يله خيتي
زينه: ركضت بسرعه وصعدت سديت لباب وعيني ع بيت حرك محمد طلع من البيت كله واني عيني عليه
اضاهر مكتوب عليه اكون بضلمه فقط انتمي لهل بيت جيت بنهار وطلعت بليل اتسحب
رن بااذني حجي ابومؤيد
جريت نفس كأني جنت مخنوكه حطيت ايدي ع حلكي وبجيت بخنيك
كذبته وطلعت واني مكذبته
محمد: خيتي اهدي لاحول الله
زينه: انهار كلشي كدامي فرح باانتصار مزيف
وكف بشارع ونزل من السياره
بجيت بصوت اكثر ضربت روحي ع الي سويته ليش هيج سويت ليش رحت ياريت ضاله بمكاني ياريت
دقايق وضوه سياره ضرب ورانه
انداريت بخوف وكفت السياره بصفنه
مسحت دموعي بخوف وايدي ع يده الباب انزل واركض وينك مؤيد
انتبهت هوه نزل من السياره تقدم عليه محمد
ومؤيد يهز براسه وجر راس محمد باسه
واجه ع سياره فتح لباب وصعد محمد ع وكفته
تحركت السياره محجه شي بس صوت تنفسه جان يطلع بقوه وبسرعه
مؤيد
مؤيد حاجيني الله يخليك
مؤيد: مبقيتي شي ينحجي
زينه: مجنت اعرف
مؤيد: سكتي زينه سسسسسككتي
زينه: خنكت صوتي باايدي وابجي بوون
وكفنه كدام باب البيت نزل فتح لباب نزلت وفتت وراه سد باب الشارع ودخل قبلي اباوع ع ضهره
يمشي قبلي فتح باب الدخول وطب طبيت وراه
كعد ع قنفه اكو طبله مستطيله تصير اكبر وحده بطبلات محطوطه بنص
رفع رجله دفعها وكانه يدفرها
مؤيد: لج لللللليييييش ليش
زينه: عاط وهوه كاعد بمكانه مؤيد غصب عني والله كام اجه عليه
مؤيد: شللون غصب عنج فهميني بله
زينه: مكدرت الموت جان احسلي ولاتكون وحده غيري يمك
مؤيد: هههههه انتي غبيه غبببببييييه كلج عقلج الي هل كدوته
كلج سوي هيج حته مايزوج مو هههههه
لوجنتي موزينه لوجنتي بنت ملك الشام
كال بنت اخوي تفوت بيتي عروس
تفوت لو عله ضهري 10نسوان بجهالهن
زينه: مؤيد بس اسمعني
مؤيد: شسمع دمرتينيه انتي ليش كتلج قدري وضعي
كتلج لحمل الي ع جتافي صعب
كتلج اهابه وهيبته ماانزلها لو ع كص ركبتي
كتلج انتي كلشي بدينتي
انتي هنااا محد غيرج موجود
كتلج الدنيه كلها بكفه وانتي بروحي اشيلج مااشيلج بكفي
كل هذا موكف بعينج هيج طشرتينه مثل طشار سبحه
زينه: مجنت اعرف هيج يصير
مؤيد: لاتعرفين زينه الف مره حجيت الف مره كلت حته لوماحاجي جان انتي تفتهمين موزع روحي وصل ايام اجيج نصاص الليل عيوني ماتشوف النوم واني كاتلني التعب افضلج ع روحي النهار فات وماشفتها لاتحس روحها وحدها
اجيج واطلع منا افرك عيوني حته مانام
ابوك الوقت بوك حته اكضي وياج
كتلج ياريت لومو منهم لوماينذكرون بذكرج
احارب الدنيه كلها مااخاف لااستحي من شي
كل ضنج خايف من اهلي لا موخوف بس اعرف سجينه ضهري شنو ومنو
اعرف الي ينحجي وينرد اعرف لو صحت بصوت يفزز الميتين ماكوالي يثق ويصدك وان صدك ايكولي الساس دساس
واي ساس ههههههههه اي ساس
محمود فتح التاريخ كله حجه حجي وذكر شغلات استحيت من نفسي. بيها
مصدكوني اوكال انه صدكني وانج تختلفين
بس ساس الي مايطلع بيج يطلع بذريتج
كال ناخذ ابنه يتسمه بااسمنه ويعيش ويانه
يعرف اطباعنه ولونعرف انشربه دمنه شرب حته مايبقه دم ل لساس امه بيه
وهيه يابه
هيه تروح بدربها لاالها يمنه شي ولاالنه يمها شي
زين شكوله اكوله احبها كلت
واهلك
كتلج بيوم اذا خيروني بينج وبينهم
زينه: مؤيد مؤيد الله يخليك لا لاتعوفني
مؤيد مااسويها بعد اتوبه اسفه والله اسفه بس لاتعوفني
اني اني ماعندي غيرك حبيبي متعوفني صح متعوفني انت هااا
مؤييييييد
د
توسلت بي تنزل دموعي وعيونه تشوفني لزمت جتافه توسلت بي
وخر ايدي وطلع صحت وركضت وراه سد لباب وطلع
كأنه بنضرته يثبت الحجاه
ان تخيرت بينكم اختارهم
طلع وعافني اختارهم الهم الهم وبس
-
…… .يتبع