#بلاعنوان
البارت التاسع والاربعون
ل وردالعامري
-شيخنه ماكو رجال مايعرف زوجته
زينه: واكف ع وكفته من طب
كال زوجته فرحت نضرت اله بفرح ردها الي بنضره غضب
اتقدم خطوتين ووكف ماكعد عيونه ع ابوه
ابومؤيد:كلت شيخنه مؤيد يعني تعرف الي ع جتافك شنو
مؤيد: حلال الله شيخ ماسويت الحرام
ام مؤيد: ونعم من حلال الله محشوم من لعيب ولحرام
ياابو
زينه: نضر الها نضره مكملت سكتت حسيت بخوف موطبيعي مجرد نضره تكفي بحل كل شي
ابومؤيد :حلال الله تندك الباب اكو من طالبك ياشيخ
واتبلغ بنت طالبه عونه
حجت شي
لاماحجت بس لبنت حبله
حلال الله ياابني ياعضيدي
وصل لتفكيري ان البنت محتاجه عونه ع عيبه
ماضنت العيبه تكون حفيدي ياابواحمد (مسسستعار)
زينه:صاحله بااسمه يعني سمه ابن مؤيد ع اسمه (ذكرنه ان الاسم مستعار )
مؤيد واكف محجه شي حسيت بوقتها
بالفرق الي حجه عليه
واكف بين ايد ابوه عينه مارفعها تحس ان وكفته بااحترام موخوف
مؤيد: محكوك الك ياشيخ
ابومؤيد: انا ابوووووك
لاتذكر الشيخ حته تطلب سماحه
اليوم حاجيني ع اني ابوك
الي صارر الي تفسير ورد
بس مااضن اله سماح عندي
ام مؤيد: ابومؤيد صلي ع نبي وتعوذ الشيطان
ماجاب العيب لاسامح الله
واكف كدامك بحلال الله
ابومؤيد: بس انا فكرت العيبه بطبت البنت
الي وكفتج بيني وبينها خوف من حرام الله وكفتها وياي من غير ولي
حرام الله الي مايمشي ع نسوان والدي
ياجبيييييرررررر
زينه: افتهمت ان من ام مؤيد دخلت وضلت كاعده يمي
لان عدهم عيب اوحرام توكف مره ويه رجال غريب وحدها
بيومها حسيت بكل نضره اشوفها كدامي احفظها
ويرن بااذني كلام مؤيد
جان يتفسر كدامي بمسافه شاسعه
بااشياء معرفتها متربيت عليها محسيتها
مؤيد: بين ايدك شيخ والي تأمر بيه
ابومؤيد: كتلك لاتذكر الشيخ يا عضيدي
زينه: كام وكف ومثل الي ندسه اودغه بقبضه ايده لكتف مؤيد
باوع عليه ومؤيد متحرك ولاحته رفع عينه كأن صنم انبنه كدامه
رجع كعد
منين البنت
مؤيد: من بغداد
ابومؤيد: بنت منوو اهله من وين
مؤيد: ناس حالهم حال هل ناس
ابؤمؤيد: من ويين من اي عمام
مؤيد: من عباد الله
ابومؤيد: مايطلع احد من فطر حايط مؤيد اله الي عنده عرك دساس
ام مؤيد: اهل بغداد ياشيخ مايهتمون لعم..
زينه: الجواب ع كد السؤال والي يدخل تجي نضره غضب تسكته
ابومؤيد: البنت حامل شكد عمر حملج يابنت الحلال
مؤيد: خمس شهور
زينه: جاوب مؤيد بمكاني
ابومؤيد: العقد يكول صار سنه ع زواجك
مؤيد: سنه وشهر تقريبا
ابومؤيد: سنه وشهر واهلك مايعرفون
وين اهلج شلون تركوج
جيتي من بغداد لهنا وحدج بهل درب
مؤيد: مكانت ببغداد جبتها لديرتنه من.
ابومؤيد: بديترنه وحوالين عيونه وما احد يعرف ياام مؤيد
ام مؤيد: يشهد الله ماكان عندي علم بشي
ابومؤيد: يايوم جنت ناوي تبلغ اهلك سنه وشهر مرن ماصارلك فرصه بهل اشهر الفاتت تبلغ اهلك
مؤيد: احتراما لحزنك ولرغبتك سكتت
ابومؤيد: حزني خلص من شهر
ورغبتي مابقالها شي اسبوعين
بايوم جنت ناوي تبلغني
تعرف نفسك ماعندك عذر
ماضنت منك الكذب يادليل دربي
مؤيد شفت واحد من ربعك ردو قبل بثلاث ايام
لابويه ماكان ويانه
مؤيد باليل طلبتك ماموجود بالكراج
تمشيت بديره جفاني النوم وطلعت اشم هوه
ماشكيت بعذرك ابد
من خطبت ماسئلوك اهلك عزوتك
لوكلت انك يتتتتيم
ماعندك احد
زينه: من كال يتيم دنج ع ايده مؤيد باسها
وباس راسه
مؤيد: يومي قبل يومك اسمك وهيبتك بغيابك والله لايكتب عليه غيابك بيوم كفن ووفن
ياشيخ
ابومؤيد:اكعد وكولي لوراك مااضن لسانك من عاد كلمه الشيخ ذكرها وهوه خالي
زينه: من كله اكعد يله كعد جان واكف كدامه كل هل وكت وماكعد اله كله اكعد وع حسب حركه ايده اشرله ع كرسي بصفه بين كرسيه وكرسي مؤيد طبله
ابومؤيد: حياج الله بويه لبيت بيتج والاهل اهلج
جيتي وحييتي بس يابويه لوطالبتني اجيج والبيج لوجنتي باارض مايدخلها بشر
انتي من بناتنه ومنه وعلينه يابنتي
بناتنه مايمشن درب بطولهن
ام مؤيد: الجهل بالمعرفه يشفع الها ياابومؤيد هله هله بيهم
البنت تختض بين ايدي
زينه: ايدها جانت عاصره ع كف ايدي من وجه نضرته وحجيه الي صوته كان يهز حته شعر راسي
وعيني عليه وعله مؤيد بخوف ادور بينهم
من كالت ام مؤيد تختض بيدي اندار مؤيد عليه
نضرته بيها غضب بس كأنه حس بخوفي
عيونه صارت ع امه غمض عيونه ثواني وفتحها بهزه راسه
ايد امه صارت ع جتفي طبطبت ولمست ايدي طبطب عليها
وصاحت كأن البنيه واكفه بضهر الباب بس ينصاح صوت تصير يمنه
ام مؤيد: يمه اخذي مرت اخوج و…
ابومؤيد: لاخلي البنت بمكانها اريد اسمع منج بويه مثل مااسمع من ابني
وكتلج انتي بنتنه ومنه وعلينه
كول مؤيد اسمعك
مؤيد: احم حجينه ماكو كلام ينكال ع كلامك امر وألبي بالي تريد تعرفه
ابومؤيد: كتلك البنت من وين وين اهلها من ياعمام وحياها الله من وين ماتكون كلنه عباد الله
مؤيد: مثل ما كلت ياشيخ كلنه عباد الله
ابومؤيد: انا مقصد كلامي لاجاه ولامال مؤيد كلنه عباد الله لامال ايدوم ولالجاه يضل
اهلها من وين
مؤيد: من بغداد
ابومؤيد: حياج الله بويه هذي ديرتج واحنه اهلج
ابوها بالوجود خوانها
مؤيد: وحيده اهلها حجي
ام مؤيد: احنه عزوتها ان شاءالله
ابومؤيد: شلون وصلت لهلها من وين تعرفهم وهم من بغداد
مؤيد:بالفتره الي ترددت ع بغداد
ابومؤيد:كلامك مبطن ضاهره يخفي داخله
-السلام عليكم مسموح الي ادخل بويه
زينه: صوت بره رده صوت ابو مؤيد
ابو مؤيد: ادخل مابينه غريب
-ان شاءالله اهل الي كاله محمد
زينه: دخل محمود بديره وجهي صفن عليه
-زززينه مؤيد شنو لقصه ياخوي
ابومؤيد: طلع واحد من اهلك يعرف مؤيد
-انتي مونهزمتي و..
مؤيد: محمود
ابومؤيد: ناهب البنت نهيبه من اهلها مؤيد
مؤيد: حجي
-لاااا هيه
مؤيد: محمووود
-شنو لقصه ياخوي فهمني
ابومؤيد:انتو الي تفهموني شنو قصه هل بنت ناهب البنت مؤيد
مؤيد: زوجتي امام
-زوجتك بعقد مؤقت
ابومؤيد: عقد مؤقت شنو
-زواج مسيار فضل عليها بي وراح بوقته وانتهه
مؤيد: محمود لاتدخل
-لاادخل الي مثلهن اني اعرفهن شجايه تذبين بل
مؤيد: محمود الي كدامك زوجتي وام ابني
-شششتكوووول انت مخبل
ابومؤيد: زواج مسيار مؤيد
مؤيد: لازواج بعقد امام الله وشهود
-اي عقد انت مجنون ورقه بااتفاق وانهزمت
مؤيد: سد الي عندك محمود
ابومؤيد: ام مؤيد
زينه: صار بين محمود ومؤيد حجي بنبره اعصاب ومن اشر عليه محمود اعرف الي مثلهن دفع ايده مؤيد كله زوجتي وام ابني
اتمنيت للحضه اني لاطلعت ولافكرت ولاجيت لهنا
قطع حجيهم ابومؤيد صاح ع ام مؤيد واشر بيده
لزمتني من كتفي
ام مؤيد: كومي يمه وياي
زينه: كمت وياها عيني ع مؤيد هز راسه كأنه ايلومني ع الي سويته طلعت بره رجعت للغرفه الي فتتها اول مره فتت صاحت ام مؤيد ع بنيه وجتي
ام مؤيد:اخذي البت داخل
زينه: راحت يمهم مبين عليها لتوتر ولقلق وانزعاج خلاها ماتكرر كلمه مرت اخوج كالت البنت
اشرت لبنيه فتت وراها بخوف دخلت بيت جبير ممر وبي اكثر من باب مره جبيره طلعت من غرفه صارت بوجهي كالت هلايمه
اني عيوني غوشن من لبجي رجلي كوه احركها
فتحت باب
كالت تفضلي فتت غرفه بيها سراير ثنين منفصلات
-اخذي راحتج خيتي هذا غرفتنه محد يطبلها ارتاحي
زينه: عرفت انها غرفه بناتهم طلعت وسدت لباب كعدت ع سرير غطيت وجهي وبجيت شسويت اني ياريت ممسويه كل هذا
شنو حيصير شلون مفكرت اني وين شجابني لهنا
شجابني الهم اصلا
مؤيد وينك لاتعوفني خايفه ياربي شحيصير
انفتحت الباب المره الي كالتلي هلا فتحتها ووراها بنيه شايله صينيه بيها ماعون فواكه
-تفضلي يمه ليش هل بجي يمه اتهدي برحمن تبات نار تصبح رماد
جيبي مي يمه
زينه: حطت لبنيه لصينيه ع طبله
وراحت تجيب مي تقدمت لمره عليه ودنجت لزمت كتفي
-كومي يمه كومي غسلي وجهج مايصير هل نحيب
زينه: كمت وياها اريد اطلع ارجع يمهم اسمع شيحجون وشيصير
طلعت والله ماعرف منين دخلت بنات وجهال هواي موجودين بالبيت
مشيت وراها مغسله غسلت وجهي
اطتني منشفه اخذتها بس لزمتها بيدي بقوه من لخوف عيوني ادور بالبيت وع بنات وكفن ع صفحه وحده تضرب الثانيه بعكسها شوفيها ويضحكن بوجهي
-ذني بنياتنه ذني الاثنين بنياتي وهذن نسوان ولدنه هم بنياتنه
زينه: صوت بايات الدرج رفعت راسي نزلت بنيه
-وهاي هم بنيتنه بنت الشيخه
زينه: باوعت عليه من فوك ليجوه عندها نضره تختلف عن كل الواكفات البنات الاثنين وحده منهن عنبر الي دخلتني وقدمت
والثانيه ماعرفتها
اكو شي يفرق بينها وبينهن
مجانت نضرتها بغرور بس بثقه اكثر من كل الي واكفين
معقوله النسب والاهل همه سبب هل نضره
وهل شموخ تحس مزروعه بزرع هيبه
-اهلاوسهلاخيتتي
تقدمت سلمت وبوستني ومن شافوها لبنات تقدمن وسلمن
كأنهن تبعنها
دقايق واكفه بينهن عيوني عليها وكفتها حركتها بثقل برزانه
تحسس لمقابل بفخر فخر داخلها
وحته من سمتها مرت ابو مؤيد كالت بناتي وبنت الشيخه
كلهن بنات شيخ بس الي ميزها بهل ثقه انها منين مامالت الاب شيخ وابن شيخ والام بنت شيخ
حسدتها وبنفس الوقت افتهمت
ان الام والاب موبس فخر كدام الناس لافخر النه بنفسنه
ينزرع فخر بيهم مو خذلان
رجعت للغرفه وايدي ضاغطه ع الخاولي
جانت بس عيوني بينهم تتحرك ودموعي تنزل
محجيت تقدمو وسلمو مكدرت احجي
جان بس عقلي بي صوت ايحسسني اني موبس اقل منهم لابعيده هواااااي عنهم
فاتت ساعه ودخلت صينيه اكل بمااشتهت النفس دجاج وتمن وفوكاه لحم خبز حار
حطتها لبنيه كدامي ووراها فاتت اخت مؤيد من امه
-هني وعافيه خيتي عذرينه الشيخه التهت بضيوف انتي من اهل البيت انمون عليج ماانمون ع ضيف
زينه: ااااحم مؤيد و وين
-مؤيد عند الشيخ اذا احتاجيتي شي ان
زينه: لاا شككرا
صوتي يرجف
طلعت وسدت لباب
وينك مؤيد تعال الله يخليك
فات وقت واجتي لمره لجبيره
-ليش يمه مااكلتي مد ايدج يمه ميصير الزاد انحط
زينه: خاله بس مؤيد
-يمه مؤيد بديوانيه ابوه هوه والشيخه عدهم كلمه راس وكالو لاحد يوصل لديوانيه ان شاءالله خير يمه ماتضيق اذا متفرج
زينه: كل هل وقت وبعده وياهم
لحت ع اكل مكدرت امد ايدي شالوه
-اجدد الج الزاد
زينه: لالامااكدر والله
-مايصير
زينه: والله ماكدر شكرا
ضحكت بوجهي وطلعت
كاعده بالغرفه هدوء عجيب كأن لبيت مابي بشر وين يله ينسمع صوت طفل
فتت لبيتهم ساعه 10وهسه ساعه 3لضهر صوت الساعه تك تك تلاكيها دكات كلبي وكانه يقرع طبول
وعيوني عليها
ساعه اربعه انفتحت لباب ودخل مؤيد بسرعه وسد لباب
وكف يم لباب ايباوع عليه كمت مؤيد اني
تقدم اتوقعته يضربني
لزم وجهي بثنين ايده
عيوني بوجهه ماعرفت افسر نضرته
عيونه جانت تفتر حوالين وجهي
ترفع لعيوني وتنزل لذقني
مؤيد: ليش سويتي هيج بينه ليييش
زينه: مؤيد الله يخليك
حط كصته ع كصتي وجرر نفس ودفعه مغمض عيونه
هد وجهي وطلع بسرعه كانه يركض
سد لباب وطلع
خفت حته الحكه كأن رجلي اثبتت بالكاع
شنويعني شنو الي صار
شنو معنه كلامه ليشش
اكيد قصده ع جيتي بس عيونه جان بيها شي
حسيته سحب نفسي من جر نفسه
كلبي احسه راح يطلع من صدري من لخوف
لزمت بطني وكأني حضنتها
اريد شي اتمسك بي ويروح هل خوف بداخلي
غمضت عيوني احجي بداخلي
راح نعيش وياه بعد منعيش بضلمه
حنكون وياه دائما هذا الي حيصير هذا الي حيصير