#بلاعنوان
البارت الواحد والاربعون
ل وردالعامري
بين الموت والحياة خط فاصل
يفصل حياتك ينهيها
ليكون الموت مستقرك الوحيد
لكن…….
بين العيش والعيش المميت
مسافات من الالم
تعيش بجسد ولكن بروح ماتت
وقلب اهلكه التعب
تعيش لتؤدي فريضه التنفس فقط
بلاامل ولامستقبل معروف
تكون كالميت مايفرق بينكم
النفس الي تأخذه رغم حته دخوله لرئتيك يكون مؤلم……
زينه: ساعه 11دك لتلفون مجاوبت انسد ورجع دك واخر شي دك ساعه 1بليل رفعت السماعه
الوو
صوت امي
ها ماما
-عيون امج بشري اجه مؤيد اتفقتو ان شاءالله
-لامااجه
-ليش مااجه
-مادري
-مخابر
-لا
-بس لايسويها لبخت ويرجع بكلامه لو من حجيتي اخذ لكلمه هذا هوه اوف يازينه شحجاج
-ماما احسن حته نكون سوه شبيج
-لالا زينه منا لباجر اذا مابين اني احاول اوصل لمحمود حته يحاجيه
-ماما حبيبتي بس اسمعيني
-حجينه بهل موضوع زيون ماما لاتفتحيه
كوليلي اكلتي شي
-مااشتهي شي
-لاكومي اكلي عندج مسواك مو
-اي هوه اسوك قبل ميروح
-يله كومي بداعتي اني وياج ع خط ذوله كلهم طلعو اضل احجي وياج لحد ميرجعون
-والله مااشتهي
-كومي حبيبتي ليش تقهريني كومي يله اني ع خط كومي
زينه: رحت للمطبخ اخذت تفاحه
ورجعت الوو
ام زينه: هاا شجبتي
زينه: تفاحه
ام زينه: لاكومي بداعتي عليج سويلج لفه اي شي حته لو خيار وطماطه يله بداعتي ماما
زينه: رجعت للمطبخ سويت لفه جبن ورجعت كتلها وتصيح اكلي وتحلفني
ام زينه: لوتدرين اليوم شسويت
زينه: شسويتي
ام زينه: لميت غراضي حته اول متروووحين انهزم
زينه: واوراقج
ام زينه: اخذتهن اخذتهن انتي بس ترحين اني اروح
كملتي لفتج
زينه: اي
ام زينه: حلفي
زينه: والله كملت
ام زينه: يله اكلي التفاحه يله حبيبي
زينه: ماما مادام اخذتي اوراقج خلينه
ام زينه: اكلي تفاحتج بداعتي لاازعليني زيونه شكلت ماما اذا تردين راحتي روحي حته ارتاح
اليوم طلعت صور لمدرسه مالتج شكدوتج جنتي ههههههه ومغمضه بوحده من لصوره
زينه: هههه اي هاي بثالث
ام زينه: اي عرفتها جنتي دبدوبه بالاول بثاني ضعفتي مادري ليش
زينه: ماما
ام زينه: عيونها ل امج كولي
زينه: تذكرين جنتي تغنيلي
ام زينه: ههههه اي زينه زينه زينه ههههه
زينه: غنيها الي حبابه
ام زينه: اي موبعيني هههه
زينه زينه زينه
زينه غاليه علينه زي ضي عنينه زينه زينه
زينه: صوتها اختنك وصوت شهكتها طلعت مكدرت تكتمها واني ع بجيها ابجي
ام زينه: صاير صوتي موحلو خهههه
زينه: ماما فكري ح
ام زينه: زينه لاتضلين تفتحين لموضوع بجيت لان مو عله روحتج اذكرتج من جنتي صغيره بسرعه كبرتي ودموعي دموع فرح موحزن
عوفي هاي لسوالف كومي غسلي وجهج يله
-غسلت
-هذا يجوز يجي الصبح اي ان شاءالله يجي لصبح يارب دخيلك
كومي بدلي وعدلي وجهج يله حبيبتي اني وياج ع خط يله ماما شتفقنه احنه
زينه: جبت تراكسود يم لتلفون احجي وياها ولبسته وتكولي حطي كحل عدلي شعرج
ام زينه: بنتي الحلوه ميحتاجلها شي بس ذني حته انتي هم نفسيتج ترتاح وحلوات يصيرن اكثر ع وجهج
من يجي كوليله اختاريتك الك
هل جمله اختاريتك الك
مفهوم
زينه: مفهوم
ام زينه: بعد ماكو بجي انتي موصغيره ماما اتحملي دوسي ع نفسج
زينه: ماشي
ضلت تحجي ويايه للساعه2:30
وكالت رجع يونس من يوم الي صار صارت متكول ابوج ابد
سدته وضليت كاعده يم لتلفون بجيت من سديت لسماعه
شلون تكولي تحملي وتكدرين اني هسه متمنيه احضنج وانام بحضنج تمددت ع قنفه وابجي غفيت ودمعتي بعيني
حلمت اني بحضن امي تلعب بشعري مثل كل مره اتخليني انام غصب
شميت عطرها واضحك وهيه تكولي نامي ولج نفس حجايتها ماتتغير
شفت روحي غفيت بحضنها
فزيت ع صوت زينه
فتحت عيني مؤيد بالباب بعدها مفتوحه مبين هستوه طب
عاف لباب واجه عليه رفعت بس راسي ملحكت اكوم جر راسي بحضنه
مؤيد: اوووووف اووووف خفت خفت افوت وما الكاج
زينه: حاصر راسي بصدره وهوه مدنج عليه وخر باس راسي
ويضحك بوجهي جنت حاسه براحه بهل حلم ياريت مكعدت
مؤيد: هههه عفت لباب
زينه: راح سدها وكعدت عدل اجه كعد يمي وجرني لحضنه
مؤيد: لوتدرين شكد ارتاحيت مكدرت اجي بليل كلت راحت هسه افتح بالباب وايدي ع كلبي لاتكونين مموجوده اوووووووف هسه ارتاحيت
بقيتي ويايه مووو
زينه: رفع وجهي باايده يمسد خدي وكالي بقيتي ويايه
بلعت ريكي بصعوبه
اختاريتك الك
جرني بحضنه وعصرني بقوه
مؤيد: حبيبتي اوووف ياكلبي انتي
زينه: تفاجئت حبيبتي وكلبي
مؤيد: مااخليج تندمين ابد راح تكونين ويايه راح اعوضج عن كلشي
زينه: جنت بحضنه مثل الي باقي بمكان ويعرف بروحه رايح للموت بس شاف بطريقين هوه ميت
فااختار هل موته وخلص
مؤيد: ليش متحجين
هااا
زينه: طوق وجهي باايديه ثنينهن
شحجي كتلك اختاريتك الك دمعتي نزلت وكأنها تأكدلي ان هل كلمه مراضي عنها داخلي لكن كالعاده تسيرت ماسرت
مسح دمعتي وباس خدي
مؤيد: زينه متعرفين شكد احبج
زينه: تحبني
مؤيد: متصورين شكد حبيتج بكل مره جنت اكول لا تعود وامنع نفسي بس من اشوفج كلبي احسه يركض الج
لشوفه عيونج
لحضنج لشمه عطرج
وملمسج صرتي تمشين بداخلي
بيوم الي ابعد عنج اختنك اضوج واتعصب من كلشي
انتي اول وحده بحياتي تكون عندي وياها علاقه كامله
واول وحده تدخل كلبي وتخليني هيج مهزوم كدامها
اعرف الي حجيته صعب بس غصبا عني
كلبي يريدج لاكلشي بيه يريدج
بس محكوم بهووووااااي شغلات
مره كتلج ياريت
ياريت زينه لو ماتنتمين الهم جان مو واجهت ابويه لا اوجه الدنيه كلها
بس هسه اذا كلي بت منو شكول
لوجنتي بنت اي احد فقير غني بس يملك سمعه نضيفه
احارب علمودج اي شي وغصبا ماعليهم يرضخون
بس هسه شلون شيحجون راح يكونون اهل حق
محد راح يصدك الي احجيه اوالي شفته منج
زينه تدرين بيوم الي اخذتج اول يوم النه
جان بداخلي شك بسبب محمود
كالي موبنت عمتها هيه استاذه بهيج شغلات شتتوقع بعد
تقربتلج وبداخلي شك دققت حته بشوفه الجرجف لونه احمر يجوز انغش
ورغم من تقربتلج جان كلشي واضح وميحتاجله تأكيد بس ردت اتأكد اكثر
بشوفه العلامه
اخويه ويدري شغلتي وياج جانت مجرد مده وشكك الف مره بهل شغله
لواكول زوجتي صارت لواحجي ولو اجيب الف دليل حيكولون صح بس هيه منين
راح ينسبوج الهم اول شي حيكولوه الي ربت ع هل بيئه
موليوم باجر راح تحن لبيئتها
مايصدكون جنتي محبوسه بغرفه لاشفتي ولاسمعتي ولاعشتي وياهم
مومثلهم محد يصدكني
بس اني مصدك بكلشي
ومتأكد بهل بياض الي بداخلج وبترافه روحج
كل الي اكدر عليه اكولج مااخليج تندمين
راح تكونين بوسط كلبي وبين عيوني
هههه تدرين من الساعه12افتر اني بشارع وهسه بالخمسه افتر اخاف اصعد وماالكاج
هل دموع ماريد اشوفهن بعد ابد ماشي
زينه: اممم
يحضني بقوه يعتصرني
الايام الي فاتت جانت ترسم بوجهي ابتسامه من يحضني واحس بفرح بداخلي
ليوم ماعندي اي احساس بتجاهه
مؤيد: يله لمي غراضج حته نطلع من وكت اوديج يم
زينه: اشوف امي اول يعني ل اخر مره
مؤيد: ماشي لمي غراضج وحضريهن هيه لصبحيات نحصلها
هسه يجوز نايمه كملي غراضج حته تشوفيها ونطلع
راح اوديج هل يومين يم اخت ام خليل بين مااجهز بيت مااتأخر شغله يوم يومين لبيت تقريبا لاكيه بس اخذه
والاثاث اني اجيبه
لالا اني وياج نطلع منا اختاري وسيارات تحمله تودي ل………
زينه: ليش راح انعيش ب……… ..(تعرفون القصه شنو واشوفها حساسه شويه والبطله رافضه ذكراسم لمحافضه
وماكدر انسبها لمحافظه ثانيه لحساسيتها)
مؤيد: اي ماكدر كل يوم اروح وارجع درب هذا راح اخذلج بيت قريب ع الكراج
زينه: واهلك
مؤيد: لااهلي بعاد عنج اهلي بالمركز مال لمدينه نفسه يعني مسافه اكو تقريبا ثلاث ارباع الساعه بعد بسياره
بس ع كراج قريبه دقايق واكون يمج
يله كومي لميهن يله حبيبتي
زينه: فتت للغرفه من اول ماكمت اعتصرت دمعتي حته كلبي نزلت بنار تحرك بيه بس تطلع بسكوت من غير صوت
فتحت لكنتور ونفسي متريد كل هذا
صاح زينه مسحت دموعي
فات للغرفه
مؤيد: اني اساعدج والم غراضي بعد شعدنه هنا جنت علمودج اريد بغداد هسه انتي يمي
زينه: رجع حضني وكل مره يحضني احس باالم بداخلي اكثر
اخذ لجنطه مني فتحها مديت ايدي ع هدوم
مؤيد: شنوذني
زينه: انداريت ع صوته القطع البيض بيده فتحهن وشاف لفانيله دنجت من صارت نضرته عليه جر حسره ووكف كبالي رفع وجهي بلزمه ايده لذقني
مؤيد: اسف مجنت اعرف بالموضوع حته اعرف اهميته ذبيتها لان
زينه: خلص مؤيد
مؤيد: اسف يانبض مؤيد تحبيني زينه مثل مااحبج
زينه: باوعت بوجهه بداخلي بالفعل مادري ان جنت احبه اولا بس لو قبل كم يوم سائل هل سؤال جنت متأكده من جوابه بس هسه مشككه بروحي اني احبه
هزيت راسي اي جر ايدي باسها
مؤيد: اني اعشق كلشي بيج حته دفو ايدج اعشقه
يله يله لميهن
زينه: هوه تقدم للكنتور وطلع هدوم
لميت غراضي وهوه يمي يفرغ لمجرات فرغ كنتوره طلع لفلوس واوراق
من ضمنهن صورتي
حطهن ع جربايه اخذتها حطيتها بين ايدي اريد اشكها شويه انشك منها واخذها
مؤيد: لااااا ليش هيج
زينه: صور لعرض ل
مؤيد: اشششش صوره مرتييي وحبيبتي كملي يله
زينه: طبكها وحطها بجيبه كملت وسديت لكنتور وهوه هم كمل وافتر مره اخيره يتأكد ان ماكو شي
مؤيد: هسه انسوي ريوك اني وياج يله تعالي كدامي
زينه: سوينه ريوك طكيت بيض وهوه جاب صمون وجبن كصكص وكعدنه بالكوه كدرت اكل شويه احس روحي متريد اي شي
صارت الساعه 8:30كعد يم لتلفون شال السماعه ودك رقم
وعاد الاتصال ماكو رد
الووو
صباح لخير
الله يسلمج
ام زينه ربع ساعه وطلعي بين مااوصل يم لجامع زينه تريد تشوفج تكدرين تجين مو
ماشي هسه حطلع اني ربع ساعه انتي وطلعي
حروح اجيبها حبيبتي بدلي وجهزي نفسج حته تشوفيها ونطلع ماشي
زينه: ماشي
بس سدلباب كتمت نفسي باايدي وبجيت
معقوله تحبني وراح تحرمني من اقرب انسان الي
غسلت وبدلت ودموعي تنزل ماكدر اوكفها
بجيت لحد ماسمعت صوت لباب مسحت دموعي طبت امي ركضت عليها وهيه بالباب
حضنتها اشم ريحتها بكل قوه عندي
وهيه حاضنتني
كعدت واني مجلبه بحضنها اريد اشبع منها بس كل مااحضنها اريد اكثر بعد واكثر
ام زينه: الله يحميج يمه وينور دربج
مؤيد امانه الله
مؤيد: بعيوني
ام زينه: تره حطيتها بيدك امانه عندك وعند الله
مؤيد: والله بعيوني
ام زينه: تعقد عليها
مؤيد: بحيل الله
راح انزل الجنط اني
زينه: اخذ لجنط ونزل حبابه ماما
ام زينه: روحي وذني مسحيهن
عيشي حياتج معليج بشي الي هنا ميفيدوج ايضروج وبس سمعي مني ارتاحي وخلي كلبي يرتاح
مؤيد: نتوكل احنه زينه
ام زينه: اي اي يمه روحو
زينه: حضنتها بقوه ماريد اعوفها هيه بعدتني عن حضنها
ام زينه: مؤيد مااوصيك
مؤيد: ميحتاج
ام زينه: هله هله بيها
مؤيد: لاتوصيني بعيوني
ام زينه: تعقد عليهامؤيد فدوه ابوس اي
مؤيد: لاام زينه لاتحجين هيج
زينه: قهرتني اكثر ببجيها وتوسلها بي
تقرب هوه باس راسها
وهيه باسته من كتفه تكوله
ام زينه: امانه متأذيها ودير بالك عليها امانه
مؤيد: بعيوني والله وهسه تطلعين ويانه اخذها لسيد اعقد عليها
ام زينه: ياريت تريح كلبي والله فدوه لعينك
مؤيد: يله نتوكل لعد طلعو كدامي اسد لباب اني
زينه: نزلنه سوه هوه قفل لشقه وورانه نزل فتح لسياره كعدت ليوره امي وكعدت يمها
ام زينه: وين روحي يم رجلج
زينه: اريد اشبع منج عوفيني الدرب كله حاطه راسي ع صدرها واشم بعطرها
وكف السياره كال اسئل ذوله لازم هنا اكو
نزل من السياره
ام زينه: مااوصيج بعد صيري قويه لاتضلين هيج تبجين البجي ميفيد ماما ايملل وبس صيري قويه بنتي
زينه: رجع صعد واندار حجه ويانه
مؤيد: اكو واحد ابيته ايكول ثالث فرع محطوطه قطعه يم لباب
ام زينه: اي لسياره تفوت
مؤيد: هسه انشوف لاوالله اطبكها هنا ونتمشه بيانه ذاك يمه قطعه
زينه: طبك السياره ونزل فتح الجكمجه طلع جنسيته واني جنسيتي بجيبه والعقد هم شاله
نزلنه كايده امي اني هوه يمشي قبلنه دك الباب وسئل سولنه درب فتنه غرفه صغيره شويه واجه السيد
كله مؤيد عقد زواج شاف الجنسيه
-قاصر لازم ولي امرها
ام زينه: اني امها
-بنتي لازم ولي امرها رجل اذا والدها متوفي فيكون اخوها اوعمها المهم المسؤل عنها
هيه والدها متوفي
ام زينه: لاعايش
مؤيد: ااا سيدنه هيه زوجتي اصلا بس صار سوء تفاهم بينه ورميت عليها اليمين
-زوجتك داخل فيها لو بس عقد قران
مؤيد: لالاسيدنه زوجتي هذا عقد لزواج قبل شهر تزوجنه
-عقد قران ام
مؤيد: لاسيدنه يعني تزوجنه اخذتها
-ابني الطلاق مولعبه صارلك شهر واطلك لوسنه شسوي
مؤيد: صارت حاله عصبيه وصارت
-هذي اول مره
مؤيد: اي
-متواجدين شهود
مؤيد: ااا اي متواجدين
-ابني اذا رميت اليمين ثلاث مرات في حضور الشهرد فيعتبر طلقه واحده ويحق لك استرجاعها من غير عقد قران جديد
مؤيد: سيدنه اني يعني حته ليضل شك بداخلي اريد بس اجدد عقدنه
-ابني هيه زوجتك اعقد عليها من جديد وهيه زوجتك ماطلعت من ذمتك
مؤيد :سيدنه بس انردد وراك حته مايضل عندي شك
-ابني لاراح يفيدك ولا يضرك
مؤيد: خلص سيدنه ع كولتك لايفيد ولايضر. اردد وراك للامان
-لاحول الله ياابني استغفررالله
ابني شوكت رميت عليها اليمين
مؤيد: قبل يومين
-ابني زوجتك ماكملت العده تكدر ترجعها بم
مؤيد: سيدنه ينوبك اجرنه
زينه: ضل يلح ع سيد لحد مازهك وصار هوه وليي وصاح شباب ثنين وردد كلمات ورددنه وراه امي جانت مبتسمه بوجهي من طلعنه حته ماقبل ياخذ فلوس
راد بس يخلص منه
مؤيد: ههههه يريد بس نطلع
ام زينه: زهك مبين عليه الحمدلله الله يسعدكم يمه
مؤيد: صعدي
ام زينه: لا روحو الله وياكم
زينه: لزمت ايدها اقوه
مؤيد: صعدي نوصل زينه واني اوصلج
ام زينه: توكلو انتو ان
مؤيد: صعدي اريدج بشغله صعدي نوصل زينه هسه
زينه: رجعت كعدت ليوره ماريد افاركها وهيه تهمس بااذني صيري قويه تحملي مالج غير رجلج بعد
وصلنه كدام باب بيت
مؤيد: يله زوزو
زينه: نوصل امي اني وياك حباب
مؤيد: لاحبيبتي نزلي اني اوصلها يله عيني
ام زينه: نزلي يله هههه
زينه: حضنتها ماريد اهدها وهيه تدفع بيه نزلي
نزلت وعيني ع سياره
دك لباب ورجعت الها مره ثانيه لحد مانزلت حضنتها وهيه تكولي روحي لعالم عيب فات رجلج وطلع كم مره منا لشارع
دفعتني وهيه كعدت بصدر تحرك باايدها روحي
طببني مؤيد مره تقريبا بعمر امي تلكتني بوستني جنت كوه اجر النفس
بين مابوستني انداريت مؤيد ماكو طلعت لكيتهم رايحين متت روحي طلعت من صدري
والله مشبعت منها
طببتني لمره اطتني مي وكومتني غسلت ومكادره اسكت موبيدي
صعبه مااشوفها بعد لاماريد اريد ارجع ل امي
حجيها يرن بااذني احرك روحي وتشوفني ايدها تكول كصيت شراييني
اشبع قهر اكثر وازيد بالبجي
هذا تحيه صباحيه منورين منورين هههههه