#بلاعنوان
البارت السادس والثلاثون
ل وردالعامري
حياتنا تحكم بااقدارنا
نسير طرق مجهوله
لانعلم ماذا ينتضرنا
في نهايه الطريق
هل الحب ❤
ام الحرب👮
لكن ان نوجد الحب فهناك حرب
وان نوجدت الحرب فهناك قدرك
في الاتجاهين يحكم القدر
ومن منا يعرف ما مقدر له
فكيف لمن بنيت حياته. ع مجهول
فكيف يكون قدره!!!!
زينه: مؤيد شبيك
هاي امي مو
مؤيد
سد سماعه التلفون وحط ايده ع وجهه غطه وجهه بكفه ومسحه ونزلها استقرت ع حلكه مغطي حلكه ويباوع عليه بغضب
مؤيد شبي.
مؤيد: روحي من كدامي
زينه: بس فهمني شصار
مؤيد: رووورحي من وجهي
زينه: عيط وصيح ويحرك باايده روحي
رجعت للغرفه
ياربي هنه يومين فاتن ضحكت وتونست بيهن ميصير ايكملن
لازم ابجي يعني هسه غير افتهم الي صاير شنو
بس امي ليش تكوله اريد اشوفك وجه لوجه
بس يجوز موامي
لاكال ام زينه
اي قابل بس امي ماكو غير..
لالا سمعت صوتها امي
مؤيد: ززززيييينه
زينه: صاح عليه بعيطه
كمت ركض طلعت
نعم
مؤيد: تعالي كعدي هنا
زينه: اشرلي كعدي هنا ع قنفه المقابيله
جان حاط ايده ع حلكه ومسند عكسه ع رجله
ورجله تهتزز. بعصبيه
مؤيد: ليش هسه يله طلع هل حجي ليش كل هذا معقوله هذا عقلج رسملج تخيلات اوتوقعتي اني هذا كال مايكدر يعوفني ف اسوي عليه هل افلام
معقوله اجه بعقلج هيج شي
هههه انتي اسهل من شرب كلاص لمي عندي
اخاف عبالج كم كلمه حجيت تبنين عليها احلام لا انتي ولمي سوه بهل سهوله ينتهي
زينه: كال ينتهي وصفك ايد باايد
مؤيد: فهميني وين تردين توصلين حاااجيني
زينه: مؤيد ماريد شي والله بس لااصيح
مؤيد: هاا تخافين لان الي مثلج يخافن
نزلن دمعتين ليش تبجين بله فهمينييي
زينه: مؤيد انت اصيح واني ماافهم شي ماعرف شنو الي سويته وهيج عصبت وامي
مؤيد: عفيييه امج هل فلم اختراعج لواختراعها لوكتابه سيناريو مشترك
زينه: يافلم شكالتلك امي شصار اصلا
مؤيد: هههههههههه خطيه متعرفين شي مسكينه
زينه: والله ماعرف شي فهمني شصاير وامي ليش تريد اشوفك
صفك ايد باايد ويباوع عليه
مؤيد: ياصبر ياصبرررر
زينه: كام راح للحمام كمت وراه سمعت لباب انضربت بالحايط من قوه لدفع
رجعت كعدت بمكاني متحركت
اجه بيده لمنشفه ينشف وجهه وايده كعد كبالي
مؤيد: شوفي راح اسويها اضعف الايمان اسمع حاب اسمع التسفيط كله احجي
زينه: شحجي
مؤيد: اوف شتحجين شلون صارت شغلتنه زينه احجيلي
زينه: ياشغله
مؤيد: هااا زواجنه زواجنه هههههه شلون صار بله
زينه: مسحت دموعي وضحكت
هههه شلون صار شنو
مؤيد: زينه لاترجعين الجواب بسؤالي
حاجيني عدل
زينه: مؤيد شبيك شنو الي شلون صار زواجنه
مؤيد: اي شلون صار شلون عرفتي بي منو كال عليه احجيلي
زينه: هاااا هوه بابا كال
مؤيد: اييي
زينه: اي كال ل امي جنت واكفه اني كال اكو واحد خطب زينه
مؤيد: راح تضلين كلمه كلمه وادنجين وهل تصرفات احجي فضيني
كال اكو واحد هذا لواحد منوشنووو
زينه: بابا كال خوش ولد ومعروفين اهله وصايم مصلي
وخطب مني زينه هاا حته كال اخو محمود وامي بوقتها ضاجت يعني المهم بس بابا جان فرحان وكال
مؤيد: لحضه ليش امج ضاجت مفهمت
زينه: هيه يعني ضاجت لان يعني محمود يعرف سمر بس بابا كال هوه مومثله يعني انت مو مثل محمود وحته جان فرحان وهاا حته وصانه منحجي كدام هديل وسمر
مؤيد: متحجون كدام سمر هههه
زينه: اي والله كال لاتحجون واحنه ضلينه منحجي ابد حته من دزيت انت فلوس النيشان
مؤيد: فلوس شنو
زينه: سئل بتعجب ااا فلوس نيشان يعني هذني الي اشتري بيهن ملابس وهاي
مؤيد: هاا اني دزيت بله شكد معرفتي ههههه
زينه: لاهوه بابا اخذنه لسوك وجان هوه ينطي للي نشتري منه بس امي تدري يعني شكد لان سئلته وحته كم مره كالتله عندك بعد وهوه يكول اشتروو
مؤيد: هااا
زينه: اي والله ف بابا كال لاتحجون كدامهم وحته من طلعنه اشترينه هدوم كال الهم رايحين نتسوك ونشوف بيت موكتلك بابا جان ايدور بيت ايجار
محجينه احنه لحد يوم الي جيت انت
امي جانت مقهوره يعني لان ماكو عرس ولاهاي فا بابا كلها هلهلي
وهمه سمعو هديل وسمر وتعاركو ويانه بيومها
مؤيد: سمر تعاركت وياكم
زينه: اي هيه وهديل حته من طلعنه احنه هنه جانن ايعيطن اذا تذكر جان صوت بالبيت صياح من جيت مسمعته
مؤيد: لاسمعت بس بيت اوووف شتوقع منه
زينه: انقهرت من حجيه شبي ليوم ليش هيج يحجي
مؤيد: اي وهذا الزواج يعني وانتهه هذا الي تعرفي
زينه: اي هوه بابا جاب لعقد وكاال عقدنه واني
مؤيد: زين ليش مجيتي بالعقد هذا مو زززوووواج
زينه: اني بابا كال قاصر ميحتاج اجي وسئلني موافقه كتله اي
مؤيد: كلتيله اي هاا زين ال اي ع منو شنو لوهم بابا بس كال اني كلت اي
زينه: لا هوه بابا كال خوش ولد وحباب وكتلك جان فرحان وكال هل قسمه ماجان متوقعها يعني
مؤيد: زين هذا ماسئلتي نفسج منين عرفني وين شافني
زينه: لااا هوه بابا كال بيوم الي رحنه للمطعم احنه من طلعنه جانت سياره واكفه كال هوه شافج يعني انت شفتني من طلعنه للمطعم جنتو توصلون سمر يعني محمود اخوك ايوصلها بسيارتك
مؤيد: فلم هندي هذا شنوو
زينه: لا والله هوه بابا
مؤيد: بابا بابا بابا شطلع هل بابا
زين بله هل زواج غير بعرس بخطوبه بعزه اسود انتي مفكرتي بكل هذا لوهم بابا
زينه: تؤ مؤيد شبيك والله هذا الي صار بابا كال عمك مصار هواي من ميت وهوه كال يعني اااا
مؤيد: اي نطقيها للدره فضيني
زينه: هوه بابا كال يعني ممعقوله اهلك يجون ويخطبون يعني من شسمه من ماما وبابا ف
مؤيد: هااا لعد شلون زواج هذا امج من تحجي واكو شغلات لازم افهمك عليها
هل حجي الي تحجي اذا صدك جان
وين اكو زواج بله اهل الولد وبعدين شلون بله اخذج وانهزم لو اطير
هااا كالج بابا اعوف اهلي علمود وحده مثلج مثلا خوش حل يفيد للفلم الي تحجيه شكولين
زينه: مؤيد والله لافلم ولاكذب هذا الصار والله والله حته اسئل بابا
مؤيد: اسئل بابا
زينه: اي والله وهوه كال بابا ان انت يعني بعد ماتطلع السنه مال عمك وهاي تكولهم اني ازوجت
مؤيد: هااا وتطلعين اختي بالاخير واني انصدم لااا
هذا فلم هندي شايفه اني
زينه: مؤيد ليش تحجي هيج والله موفلم. ولاكذب حته سئله لبابا ول ام
مؤيد: اسئل بابا هههه اذا هل حجي صدك ابوج او البابا الكو….. د اشرف منه بهواي يكون
زينه: مؤيد شبيك
مؤيد: لج شنو شبيه انتي مخبله عاقله شبيج بابا
هههههههه شهل فلم هذا
زين مكلتيلي هذا لفلم منج من امج
زينه: يافلم شبيك
مؤيد: هااا شبيك
سؤال بله شلون عرفتي امج الي جانت تحجي ويايه
زينه: انت كلت ام زينه
مؤيد: اني كلت ام زينه همممم
زينه: اي واني سمعت صوتها تكولك اشوفك وجها لوجه بس ليش تريد اشوفك
مؤيد: يعني هذا هسه الي حجيتيه من كل عقلج لوشنو فهميني راح اتخبل
زينه: مؤيد والله مكذبت بشي ليش هيج تحجي هوه موهذا الي صار يعني شبيك
مؤيد: كومي من كدامي زينه لااشوفج الي بيه بشمرج من لبلكون كومييي
زينه: ياربي وبعدين شحجي وكال كذب وفلم زين ليش مو هذا الي صار بعد شكوو
ضليت بس دموع واخاف اكوم يمه
طب هوه للغرفه
مؤيد شعري
جرني من شعري كاعده جنت بجره شعري كمت
وجرني من شعري للهول
شعري مؤيد شبيك حباب
شمرني ع قنفه دفع
مؤيد: دكي ع امج هسه بسرعه
زينه: شلت سماعه التلفون وهوه واكف يمي
الووو
صوت طه ضليت اباوع عليه اخاف ارد ويحجي شي طه
وهوه مخنزر عليه
الوووو
هاي انتي زينه مووو
زينه: غمضت عيوني وهوه تقرب ع سماعه اكثر
-هاي انتي صار كم مره ادكين عرفت انتي
ليش هيج سويتي بس يله فاتن كالتلي كلشي
ادري موذنبج كله من وره خالي
بس يصير خير من ترجعين اني اشوفه لخ..
زينه: داس ع دكمه الي تحت السماعه سده
ورجع جرني من شعري
مؤيييدد عفيه
مؤيد: منو هذا انوب
زينه: بس هد شعري حباب راسي
مؤيد: منو هذا
زينه: ااااي يجر بشعري ويحرك براسي من يجره
طه طه هذا طه ابن عمتي
مؤيد: هاا وموقعه من لفلم شنو شهل خريط الي يحجي وخالي وترجعين
زينه: بس هد شعري حباب الله يخليك
مؤيد: احجي فضيني بسرعه
زينه: هد شعري وواكف كبالي ويصيح بسرعه
هوه طه جان يعني هوه
مؤيد: ايي
زينه: جان خطيبي يعتبر بس
مؤيد: خطيبج كلتيلي
زينه: هوه يعني متفقين جانو بابا وعمتي بس اني وامي ماجنه موافقين
مؤيد: هاااا ووين جان خطيبج ذيج الايام لواخذ حصته وسكت
زينه: هوه جان بالعسكريه وبابا راد ازوج قبل مايرجع هوه
حته كال ل امي ان تخلص من طه
ازوجها
مؤيد: خطيبي امممم من هذا من سمعتي صوته انخرستي الحب الاولي الاصلي هذا
زينه: لااني اصلا مااحبه ل طه بس هوه ذيج لمره من خابرت صيح عليه و
مؤيد: هاي شوكت
زينه: من جنت انت موهنا دكيت ع امي وهوه جاوب
مؤيد: جيد حب عبر لخطوط صاير مااجاج لهنا اكيد اجه طبعا كم مره اجه هنا
زينه: مااجه ابد والله
شعري شبيك والله مااجه شلون يجي حته لباب مقفول
مؤيد: هاا يعني لو مفتوح جان اجه
زينه: لاوالله لا مؤيد
مؤيد: زين من اكو سبير جاهز ليش هل افلام بعد وين تردين توصلين فهميني
زينه: مارررريد شي والله
مؤيد: عليمن اترفعين صوتج انتي
زينه: مؤيد ماارفع صوتي بس شعري اذاني حباب
جار شعري ويجر بيه منا ومنا ركبتي تتحرك ويه ايده
عطت من لوجع جرني اكثر
مؤيد: اني يلعب عليه اني صوجي هيه ليله ارضي مزاجي وخلص وكل ليله بالي يعجبني
زينه: مؤيد حباب
يحجي ويضرب منين تجيني الضربه مادري وشعري احسه انشلع من فروه راسي
مؤيد: كومي من كدامي كووومي
زينه: جان يحجي بصعوبه بتعب من لضرب الي ضربه الي
رحت للغرفه مفرفحه كلشي بيه يوجعني واسمع صوت ضرب وتركع شي بالكاع
انشمر وانكسر
فات وقت وفات للغرفه
مؤيد: حطيت ابالي اني اعاملج باانسانيه وكلت هيه فتره ليش
اخلصها بااهاين ماردت اتعامل بااسلوب رخص بس اني غلطت الي مثلج من تتعامل باانساينه وتشوف الي كدامها ساكت عبالها غشيم فتريد تصعد ع ضهره
انتي كلج ع بعض مواكثر من نزوه
نززززوووه
رضيت بيها رغبتي وبسس
زينه: مؤيد كافي
مؤيد: اكثر من هذا ماالج
نزوه مدفوع ثمنها وبعده مخلص بعد 10ايام
زينه: كافي مؤيد شنو ثمن شنو ايام كافي لاتضرب
مؤيد: ليش هاا للييش
زينه: لان كافي ضرب شبيك
مؤيد: لاموكافي بكيفي بمزاجي بفلوووووسي حر بالي اسويه
زينه: طب ضرب ويحجي ويضرب
مؤيد
مؤيد: ااششش حلكج ماتفكيه مااسمع صوتج مفهومممم
هذا سدي كلمه مااسمع بعد
زينه: ضرب ع حلكي،ضاغط باايده ع ذقني رافع وجهي ويضرب بحلكي
وع وجهي ضرب
وطلع
شفتي من كثر لضرب تحركني من جوه
وملوحه بحلكي مسحته دم حلكي متروس اخاف اكوم اغسل
ضليت كاعده بمكاني ابجي وكاتمه نفسي اخاف حته لا يسمعني
فات وقت واني ع كعدتي سمعت صوت اذان باوعت الساعه 6:45 دقيقه
اذن لمغرب واليوم خلص ضرب ومشاكل
بس هدوء بالشقه من طب للغرفه وطلع صار تركع ووراها هدوء
كمت اريد اغسل واخاف وعطشانه
ع طارف ااصابيعي امشي
وكفت يم باب لغرفه طلعت راسي اشوفه وين جان متمدد ع القنفه وحاط ايده فوك راسه
مشيت ع طارف اصابيعي
وركض للحمام غسلت بس عطشت اريد مي خفت اوصل للمطبخ كبال الهول يحس لاهم يضربني
حطيت ايدي من مي لمغسله شربت وطلعت راسي شفته ع نومته رجعت للغرفه
ياربي ليش كل هذا
امي شكالتله
هوه شبي ليوم ليش هيج سوه
ساعه 10بليل ع كعدتي اني اخاف اتحرك تمددت ع جربايه وبس دموعي وبراسي الف سؤال وكلمه ليش
دك التلفون وصوته جاوب
الووو
اي
باجر اشوفج
والله ماعرف شوفي حل انتي باجر اريد اشوفج
زينه: ويامن يحجي منو يشوف
مؤيد: اطيج لعنوان
'هااا ماشي وين تحبين
لاماحجيت شي اريد افهم الي تكولين عليه ايوضح الصار
-ماشي
-شوكت
-ماشي انتضرج هناك
-ماشي
زينه: سد لتلفون وهدوء ماكو صوت
كعدت ع جربايه اكل بضافيري ويامن حجه المن يشوف
طب للغرفه فزيت خفت راح يرجع يضرب
طب جر لمخده من لجربايه وطلع
اوووف همزين
ماعرف شلون خلص الليل
هوه الليل كله يفتر بشقه واني
جامده بمكاني
اذن لفجر واخاف حته اتحرك ومن لبارحه بله صلاه اخاف اكوم.
سمعت صوت لمي
وصوته الله واكبر
غمضت عيوني واذكرت لبارحه شكد حلو صليت وراه
شكد جنت مرتاحه
ليش كل هذا صار
ياربي دخيلك ليشش
غفيت بعد ماطلعت الشمس
راسي احسه حينفجر من البجي والتفكير
غفيت وحسيت ع صوت لكنتور كمت بفزه
حته مندار عليه
طلع هدوم وفلوس
ولبس لقميص مدكمه
لبس البنطرون
مؤيد
مجاوبني صرت كباله اريد افهم ليش هيج صار
مؤيد
مؤيد: لاتصيرين كبالي
زينه: بس فهمني ش
مؤيد: لااصيرين كبالي ولاتسمعيني صوتج
زينه: صيح ومخنزر بوجهي
عافني وطلع
رجعت كعدت بمكاني جانت ساعه7الصبح
رجع طب طلع حذاء وفتح لمجر اخذ جواريب وطلع
وره شويه صوت لباب انفتح وانسد انطبك حيل
كمت لكيته طالع
دخلت للحمام غسلت وجهي
بطني من لبارحه توجعني
انتبهت من لخوف من ضربني لبارحه هيه اذتني
غسلت وبدلت وغسلت هدومي وطلعت افتر بشقه
بس بطني توجعني كل مره ماما تسويلي شي دافي وتطيني براسيتول
اذكرت بالمجر بالغرفه براسيتول اخذت حبايه
وراسي يوجعني اخذت الخ
شفت وجهي بالمرايا خدي ازرك وحلكي حته شفتي احسها منفوخه وتحركني مشككه من جوه
تمددت بطني اتأذيني ورجعت ابجي مابيدي شي غير لبجي
الكنتور الي بنص مفتوح مسده ع نص مسدود كمت اسده ماانسد فتحته حزام واكع وصاير بين لباب والكنتور شلته والكنتور بي فلوس
رجعت لحزام بمكانه وسديته وقفلته
طلعت للمطبخ اسوي غده بس اخاف يحجي
لا خل اسوي التهي شويه
ركبت الغده وطلعت لميت لهول طبلات وحده مكسوره الرجل مالتها والثانيه طاكه من فوك شلتهن بالمطبخ ولميت لكزاز مال كلاص لمي اذكرت كلامه انتي اسهل من شرب كلاص لمي. شنو يعني شيقصد جان
نضفت لشقه ساعه صارت 10:30
رجعت تمددت وع دقايق اسكت وارجع ابجي
كمت فتحت لمجر طلعت حبايه ثالثه
ورحت للمطبخ اشرب مي شربت وطلعت بطلعتي انفتحت لباب
مؤيد: تفضلي
زينه: منو تفضلي فاتت وراه امي
ماما
ركضت عليها ابجي
-يروح امج يانضرعيني يايمه
زينه: حضنتها وبجيت من كل كلبي كأن من لبارحه لليوم مجنت ابجي ومجلبه بيها
مؤيد: تفصلي كعدي ام زينه
زينه: ع صوته وخرت
شبي وجهج ماما
'-شبي وجهج
زينه: ثنينه نفس السؤال ونفس لوقت من طبت ركضت عليها حضنتها ماانتبهت ع وجهه وهيه هم تبجي وحضنتني ماانتبهت
رجعت حضنتها وبجيت
من سئلتني
ام زينه: لااااا مؤيد لااا ليش فوك ضلم الدنيه ليش هيج
زينه: حضنتني حيل وصوتها تبجي اكثر وتحجي وياه
مؤيد:كعدي ام زينه كعدي هسه
ام زينه: ليش هيج وجهه والله حرام والله
جايه اتنخه بيك الكه هيج وجهه ليش ادري ياربي شحجي شكول حسبي الله ونعم الوكيل عليك يايونس
زينه: حاضنتني وتحجي بعدت نفسها جرت وجهي تمسح بي وتبجي وتبوس لمكان الي مضروب
مؤيد: استغفر الله ام زينه كعدي يابه
روحي زينه جيبي مي ل امج
ام زينه: ماريد شي رحم الله والديك ممقصر
مؤيد: كعدي هسه
زينه: باوعت عليه كلتله ممقصر وغطت وجهه تبجي
كعدت ولازمه ايدي كعدت يمها
راح مؤيد جاب مي
مؤيد: تفضلي ام زينه
زينه: اخذته امي وهوه كعد كبالنه
شبي وجهج
ام زينه: مابي حبيبتي مابي اوووف يايمه
زينه: وجهه جان مبين عليه اثار ضرب قوي وجهه كله منفوخ وعيونها داير مدايرهن ازرك
شلون مابيه
ام زينه: مابيه حبيبتي عمت عيني يمه ليش هيج مزورك خدها الله يرضاها نكول مضلوم تضلموه اكثر
مؤيد: تؤ والله مادري بس عقل ماضل عندي وبعد الي حجيتيه مومضل عندي عقل لا راح اتخبل
زينه: حاطه راسي بحضنها هيه مطوقه ايدها ع راسي ومثبته ع جتفها
اذكرت صدك
ماما
ام زينه: عيون امج
زينه: شلون جيتي يعني مؤيد جابج لو انتي اندليتي
ام زينه: لامؤيد جابني
زينه: هاا باوعت عليه كاعد جاتف ايده ويباوع
ام زينه: عيوني انت تسلم وماقصرت اني اخذها بعد والي بقه ادفع
مؤيد: شنو هل حجي ام زينه متفقنه هيج بالمطعم
زينه: ليش جنتو بالمطعم
ام زينه: اي ماما ردت مؤيد بشغله وجابني واجه
اتفقنه ع شي وصار غير شي مؤيد شفت غير شي مااتوقعت هيج اني حجيت وياك لان كلت اتصرف باانسانيه لليوم محجه ولاعيرها ولاذلها جيت اتنخه بيك بس
مؤيد: واني لليوم مقصرت بشي وياها وتعاملت باانسانيه وياها بس صيري بمكاني الي حجيتي يتصدك عقلي وكف ماعرف شلون مديت ايدي عليها اصلا اني مو هذا طبعي
ام زينه: ع عموم مقصرت رحم الله والديك
مؤيد: ام زينه اتفقنه تبقه لحد ماتكدرين تاخذين مستمسكاتج وبعدها
ام زينه: لاتسلم عوفهن يمهم جنت خايفه لايسوي تهديده وصدك يسويله مصيبه ويذب جنسيتي
بس هسه طبني مرض لمهم اخذ بنتي واخلصها
زينه: مستمسكاتج شنو ويامصيبه
ام زينه: بعدين ماما
مؤيد: ام زينه كتلج الي صار شنو وانتي نخيتيني وان
ام زينه: نخيتك وكتلك دخيل الله ودخيلك بس ماتوقعت هيج
زينه: اشرت ع وجهي
ماما هوه ميضربني هاي اول مره ماعرف شبي البارحه
ام زينه: كافي بجي عمت عيني عليج يايمه
زينه: حضنتني ومؤيد كام برفعه ايدها الثانيه شفت ايدها مشدوده داير مدايرها
شنو هاي شبيها ايدج
ام زينه: انجرحت
زينه: ومنا انجرحتي شلون
ام زينه: صارت انجرحت مادري ووو بجام طبت ايدي
زينه: ياجام
ام زينه: مال المطبخ طلعت مفطوره واني امسح بيها طبت ايدي
زينه: ايدها جانت ملفوفه من بعد الكف داير مداير ايدها وين خط الوريد مناك ملفوفه
مؤيد: هذا الي كتلج عليه ام زينه حقي من مااصدك واتعصب مايطب بالعقل والله ماعرف شكول
زينه: طب للغرفه وطلع اطه ورقه ل امي
فتحتها وسدتها بس لمحت تعهد خطي
شنو هذا باوعت ع مؤيد دنج محجه
شو ماما بعدتها ومسحت دموعها
شنو هذا ماما شنوتعهد خطي
ام زينه: هيج خل يولي
زينه: مؤيد لزم شواربه ويمسد بيهن وعينه بالكاع وامي. اخذت الورقه ولازمتها حيل باايدها وتبجي زاد بجيها اكثر
شبيكم شنو الي صاير
صدك ماما ليش ردتي تشوفين مؤيد
وشصار اليوم يعني ع شنو تشاوفتو شنو الشغله
مؤيد ايده حطها ع راسه مثل الي مشط ايده بااصابيعه وحط ايده ع ركبته من وره
مؤيد: ا.وووووف استغفر الله
ام زينه: بعدين
زينه: شنو لبعدين ليش هيج كمتي تبجين
حطت ايدها ع وجهه بيدها الورقه وتبجي بصوت كأن حته نفسها انقطع
ماما شبيج
جريت الورقه من ايدها
ده اجرها اخذتها بسرعه وكمت
ام زينه: زييينه اطينياها
زينه: شبيها فتحتها مكتوب تعهد خطي
اتعهد انا يونس
امي تريد تاخذها مااخليها ابعد ايدها
بس انجرت الورقه من ايدي جرها مؤيد
شنو اتعهد واسم بابا
مؤيد: ميخصج هل شي
زينه: لايخصني اريد افتهم شبيكم انتو البارحه انت تضربني ومااعرف شتحجي واليوم امي متكدر تحجي بس تبجي فهموني شصاير شبيكم
مؤيد: هاج اقريها
ام زينه: لا مؤيد صدك
مؤيد: اول وتالي تعرف
زينه: اخذتها منه شعرف
ام زينه: زينه ختولي يمه
مؤيد: ام زينه كم يوم كلها 10ايام ويبين كلشي
زينه: امي تريد الورقه ومؤيد بوجهه يحاجيها اني فتحتها
اتعهد انا يونس……… الاسم الثلاثي
ولي امر زينه……….
اتعهد واقر ان زوجت ابنتي من مؤيد……..
زواج متعه (لفتره محدده اقصاها شهرين اواقل )
وعند الانفصال لايطالب باي حقوق
واقر اني استلمت كافه حقوقها
ولا يحق لنا بمطالبه مؤيد…….. وبعد انتهاء لمده تنتهي صلاحيه العقود
وع ماذكر اوقع وانا بكامل قواي العقليه
التوقيع
يونس………
الشهود سمر……
واسم جوه اسمها وتوقعيها
مناره……… .. وتوقيع
واسم ثالث ع صفحه
سالم…… .. وتوقيع
ششنو يعني
امي كاعده ع قنفه مغمضه عيونها وبس دموع تنزل
وهوه كبالي واكف عيونه بعيوني ملتصقه
شنو يعني هذا
شنو يعني زواج لمده اقصاها شهرين اواقل وشنو متاع وبين قوسين متعه
هذا لمكتوب شنو معناه
عيوني بعيونه دموعي مااسيطر عليهن
حسيت نضرته جانت تخترق عيني ووجهي غمض ودار وجهه
ضرب زره (اعلى القدم) بقوه
ام زينه: ردت تصدك موو تريد تشوف اخاف كذب ارتاحيت هسه ان شاءالله رضيت انسانيتك
زينه: احد يفهمني شنو يعني هذا
ليش بابا كاتب هيج
ام زينه: لهنا وماضل شي عندك ويانه والعشرة ايام ارجعلك اني فلوسهن
رحم الله والديك عرفت بيمن انتخي وعد منو ادخل دخيل مقصرت امشي ماما بدلي هدومج داخلين بحمه الله منحتاج بشر ان شاءالله
مؤيد: ام زينه
زينه: شنو بدلي شنو حمه الله فهموني شككووووو شنو معناه لهذا
مؤيد: اول وتالي راح تعرف مسويت شي غلط اني
ام زينه وبهل طريقه مطلبت منك غير هل 10ايام تكون تحت حمايتك سمعت يريد ياخذ جنسيتها بلغتك حته لاتطيها اله
بين مااخذ جنسيتي ومستمسكاتي
زينه: منو ياخذ جنسيتي وشنو هل 10اياام
مؤيد: بله صوت عالي
زينه: فهموني لعد
مؤيد: كعدي اني افهمج كعدي ام زينه خلص الي عنده ورقه يكشفها بعد واني كدها ان شاءالله طلبتي 10ايام لا20يوم تحت هل شارب محد يطخها لو مو ابوها وطلعتج انتي وياها اني كفيل بيها كلتيلي دخيل عندي وماتعلمنه ارد الدخيل دخلتي عتبت بابي تكعدين انتي وبنتج والي يوصلكم يخسر روحه
ام زينه: ميحتاج بعد اشكرك
زينه: تفهموني لوشلون اضل بس اباوع عليكم
مؤيد: اول وتالي حتعرف
زينه: باوع ع امي وحرك ايده وحتعرف
شعرف احجي
مؤيد: احم شوفي زينه احنه يعني اني وياج
زينه: اي
مؤيد: زواجنه يعني
زينه:شبي
مؤيد: زواجنه موقانوني
زينه: مفهمت شنو يعني وشنو معنه متاع ولمده لزواج
مؤيد: احم احم الزواج الي صار هوه كدام الله زواج بس اتفقت اني وابوج ااا يكون هل زواج لمده وادفع ثمن هل مده فلوس
زينه: لامافهمت شنو يعني
ام زينه: حبيبتي اخذج ل ابعد مكان واعوضج عن ك
زينه: ع شنو تعوضيني ماريد تعويض ولااريد شي بس فهميني
ام زينه: شوفي ماما ابوج الله لايطي
زينه: ماما لاتبجين بس احجي فهميني الله يخليج
ام زينه: ابوج ناطيج لمؤيد لفتره بثمن يعني مثل الي يعني مؤيد مثل الي يشتري شي اخذج
زينه: وابويه الي بايعني صح
ام زينه: حسبي الله ونعم لوكيل
زينه: لحضه يعني بابا باعني الك
يعني اني مثل مثل سديل تذكرين كلتي باعتها عمتي لواحد يعني اني مثلها هم باعني ابويه لمؤيد صح
مؤيد: احنه بينه عقد امام الله زواج لمده
زينه: يعني شنو لحضه يعني هسه زواجج انتي وبابا بمده
زين مويكولون الزواج يعني يضلون طول العمر
لالالحضه تذكرين بابا شكال كال نزوج
وهوه بسكوت لان عمه ميت موهيج كال بابا
مؤيد: بالفعل اني عمي مات قبل شهرين تقريبا بس اني وابوج اتفاقنه كان لمده تكونين وياي وخلص
زينه: لا مكادره استوعب عقلي ميجمع الي تحجوه
شنو يعني مده شنويعني متاااع فهموني
مؤيد: يعني تكونين زوجتي لفتره معينه بس هذا الزواج يكون مقابل ثمن
وبعد ماينتهي خلص و
زينه: انت كلت عمك ميت وبابا كال مده لحد ماعمك يروح لحزن يعني هسه طلع لا الزواج كله مبني ع مده وثمن
راسي
ام زينه: كافي رجيف لج شبيج تختضين مثل السعفه
زينه: لالحضه لحضه احجيلي كلشي من لبدايه اريد افهم
انت انت مو جيت لبابا وخطبت تذكرين بابا كال خطبو زينه هههه
تذكرين موو انتي تعاركتي وياه شلون اخو محمود وسمر سمر متدري
بس اسمها بهاي الورقه
مؤيد: سمر تدري وهيه جابتلي الصور هيه وام سهام
زينه: الصور الصور شنو الصور
مؤيد: صور مجموعه بنات اشوفهن واختار
زينه: العرض الي كلت عليه صح
هز راسه اي امي جانت مجلبه باايدي واجرني تحضني وادفعها
يعني اني جنت بهذا العرض
مؤيد: اي اختاريت من خلال الصوره وسمر وصلتني ل ابوج واتفقنه
زينه: ع شنو اتفقتو
مؤيد: مثل مكلت عقد بثمن
زينه: لاانتو اتفقتو ان كلشي يصير بسكوت وانت هسه كلت صح عمك ميت
مؤيد;:صحيح عمي مات شوفي هوه لموضوع كله بااختصار
اني خاطب بنت عمي ف ابوها مات
اتأجل الزواج واني جنت بحاجه لزوجه يعني
فردت احد يكون ويايه لمده
هاي اول مره بحياتي ادخل هيج شي
بس شفت محمود والشباب نفسي ماتتقبل اروح ل اماكن معينه
ردت شي خاص ايكون الي واكون اول واحد يعني
احم ف عرفني محمود ع سمر وحجيت الهم الي اريده كالو هواي وعادي
بس شرطي كان زواج لان اول شي ماريد تكون زنه امام الله
وثانيا اريدها ويايه تكون حته لايصير شي اذا احدشافنه فعقد موجود
يعني مثل الي دك الباب علينه ثاني يوم
المهم جابو صور وبعدها التقيت باابوج وكال انه يعرف سيد
ورحنه اني وياه
والسيد كال هل شي عادي وبالعكس ايحصنك من قضيه الزنه
وان كانو بالحروب من زمن الرسول متواجد هل زواج
وتم كلشي و
زينه: نزوه صح انتي مجرد نززوه هذا كلامك اسهل من كلاص لمي هههههه هسه فهمت
ااااااااه
يعني اني مثلكم صرت صح
يعني مثل سمر وسديل وهديل
يعني مكدرتي اتخلصيني
شوفي مكدرتي
انهاريت جنت احجي بصعوبه وابجي لدرجه قطع النفس
واضحك واكوم واكعد ماعرف الي اسوي شنو
امي جانت تحضني وتحاول اتهديني
جنت ارتجف من السعف بهبه الريح القويه
كأني شجره اقتلعت من ترابها
وانشمرت حسيت بروحي كاني هذي الشجره الي يااما راح يقطعوها وتصير حطب
او يحركوها وتصير فحم
وبالاثنين اني محتركه
حسيت ع امي كايدتني واجر بيه
وانجريت منها
مؤيد: اذا اطلعين من هل باب متأكده مراح ايصيدوج اوميسون التهديد يذبوج بداهيه وهيه شلون حتبقه بين ايدهم يعني كتلج دخلتي دخيل عندي ومايكون اله خاطرج طيب
ام زينه: مومهم شيسون خل ايسوي بس اخذ بنتي واخلص
زينه: تهديد تهديد شنو
مؤيد: مكدرين كلتيلي اكثر من مره ومرجعيج وهل مره موبعيده يسوها ويسجنوج حته تكون زينه تحت ايدهم
زينه: رجلي مكادره اوكف عليها جسمي كله يرجف واكفين هوه وامي يم لباب امي لازمتني من ايدي عيوني تغوش بينهم
وصار سواد بعيني
فتحت عيني ع جربايه وجهي وهدومي كلها مي
ومؤيد بيده عطر يرش بوجهي وامي يمي تفرك ايدي
بس كعدت ارجف مبردانه بس ارجف سنوني اطك سن بسن وابجي كأني عمري كله مباجيه انفطمت ع بجي
مؤيد: انتي تغلطيني لان حجيت اول وتالي لازم تعرف حته من تكولين اخذها تكون هيه عارفه لموضوع موبساعتها تفضلي جان هيج صار
ام زينه: زيونه ماما حبيبتي كومي يروحي والله اوديج ل ابعد مكان كومي عيني
مؤيد: ام زينه انتي دخلتي دخيل عندي وكتلج كعدي هنا انتي وبنتج لحد ما تكملين كل اوراقج
زينه هنا تبقه وابقي انتي هم
ام زينه: لاميحتاج مقصرت تسلم
مؤيد: ام زينه ناقص ع عرضي اذا مديت ايدي عليها ولمستها مجرد لمس
طلبتي حمايتي ومطلبتي ينحجي شي بس لازم تعرف اذا جيتي وكتيلها امشي متكول ليش عود بوكتها تحجين ميصير لازم تعرف حته تكون فاهمه لوضع شنو وهيه هم تبتعد عنهم
اذا جنتي انتي تردين تحافضين عليها
ام زينه احنه متعلمنه ارد دخيلنه
وحمايتج بهل ركبه عيب عليه اهد نسوان ثنين طلبن العون مني للشارع
هذي موشيمنه كملي اوراقج وجيبي اوراق زينه
وصدكيني حته تهريبكم عليه موبداخل العراق كله خارج العراق ادزكم
وقبل ماتحجين افهم نضرتج شنو معناها كلشي ماريد الي راح اسوي لسبب واحد هوه كلمه داخله ع الله وعليك
ام زينه: الايام الي بقن اطي
مؤيد: ام زينه سدي لحجي وبصراحه ان كنتي كاذبه اوصادكه الي يهمني انج حرمه وطلبتي لعون حته اذاكان كل الي نحجه ع عموم اني بالخدمه بس جيبي اوراقج او ضلي يم زينه هنا افضل
ام زينه: لاماكدر لازم اروح ماريد يعرف اني عرفت مكانها هوه مطمن ضام جنسيتي واوراقي ومهددني ايسويله جريمه ويعوف اوراقي هناك لويسوي لعبه بيهن
ويعرف ماعوف بنتي مطمن مااندل مكانها وماكدر اوصل الها
بس زينه امانه الله بشاربك دخيله يمك احسبها
مؤيد: ميكون اله خاطرج طيب
زينه: لا اروح ويياج
ام زينه: لج يمه شنو هل رجيف كوه تحجين حبيبه صيري قويه اني اخذ قوتي منج ماضل الي حيل هدني الي صار صيري قويه وعينيني يمه
مؤيد داخله عليك اذا صار شي مرجعت وكعت بدرب متت امانه تهزم زينه ماتطيها بيدهم دخيل الله ودخيلك ابوس ايدك
يمه
مؤيد: استغفر الله ام زينه صلي ع نبي ميكون خاطرج اله طيب
زينه: ارجف وعيني عليهم ودموعي تنزل
ماريد ابقه هنا بعد مخنوكه من كلشي
ماعرف الي احس بي شنو بس كأني متت
وكأن روحي انذبت بنار
امي جرت ايد مؤيد تريد تبوسها وتتوسل بيه
ام زينه: امانه يمه
مؤيد: ان شاءالله
زينه: لاتروحين
ام زينه: ماكدر وداعتج
مؤيد: شلون راح ترجعين ميكولج. وين جنتي
ام زينه: لا قبلها انهزمت بالايام الي فاتت ونص الدرب ورجعت مكدرت اعرف تصير بيد انذال رجعت علمودها كتله جنت ازور
وليوم هم اكوله رحت زياره زرت ورجعت
كتلك هوه مطمن ماكدر اسوي شي
مؤيد: اوصلج
ام زينه: لالا خليك هنا زينه حاجيني ماما غسلني دموعج يمه
حبيبتي الي صار صار حقج بس صيري قويه بعد مامنها يايمه مامنها بعد
زينه: راحت امي مقبلت تاخذني جريت لغطه حضنته وبجيت وكثر مايزيد البجي ماارتاح ايزيد وجع بروحي
اذكرت كل كلمه لفتره
الي بيني وبينج بس هذا
اسهل من كلاص لمي
صور عرض
كل كلمه مرت ع بالي واني العن غبائي واكره روحي اكثر
شلون الانسان يكدر يكذب ويغش ويخدع
شلون كدر ايسوي كل هذا اني موبنته موكال الضنه غالي
موكال يكسر الضهر
موكال خايف عليه
موكال فرحان
موكال اريد احافظ عليها
وين كل هذا
شلون كدرو ايمثلون
سمر ابويه شلون كدرو
العركه. وتهديد سمر ووعيدها كل. هذا تمثيل
شلللللووون