#بلاعنوان
البارت السابع والعشرون
ل ورد العامري
زينه: يمكن الايام متمشي بالنسبه الي
وكلها تتشابه
جنت احس بوحده غريبه اقرب الناس
يمي امي وابويه بس مااحس بيهم
جان قربهم الي يحسسني بتعب اكثر
ماحس براحه بوجودهم
من طلع ابويه وزوج عمتي
رجعت لسياره من زوج هديل لزوج عمتي ايوديهم ويجيبهم
طه صار متواجد بالبيت بس متواجد يشرب24ساعه
من يكعد لحد مينام
مطول لموضوع 23يوم بعد خروجهم من لسجن
رجع طه يطلع وياهم
وانسه اصلا ذكر سديل
وانفتحت لباب الوره لبيت
الي اول ايام عمتي متريد اشوفها
انفتحت يطبون ويطلعون عادي
وكأن شي لم يحدث
يمكن جان لسكوت هوه سيد لموقف
جنت اشوف واسمع واسكت
حته دموعي صرت اخفيها بالغطه
وتمثيل النوم
ابوزينه: ها بابا شنو انتي صبح وليل معتكفه بهل غرفه
زينه: صرت اكعد وحدي بالغرفه افضل من نزولي يمهم
الاكل الي جنت اضوج من امي من تصعده للغرفه صرت اني اطلب يصعد فوك
واذا احتاجيت شي ونزلت كأني مسويه جريمه ركض ركض
اشوف فديو بابا
ابو زينه: اي متملين كاعده وحدج
زينه: لا
ابوزينه; شنو لا شبيج بابا حاله نفسيه بيج ليش هيج متعقده ومنطويه
انزل اسولف احجي ويه بنات عمتي
اشوف خطيبي
كومي يله كومي نزلي تغدي ويانه
زينه: تغديت صعدتلي امي
ابوزينه: هوه محد معقدج غير امج
نزلي بابا تعاي شو اطيني ايدج كومي بابا
زينه:لح ع نزله كمت وياه حط ايده ع كتفي
ابوزينه; هههههه شوكت هيج طولتي راح اصيرين بطولي ولج
بابا ميصير ساده لباب وكاعده صيري اجتماعيه بنتي
تعاي هنا بصاله يمي
ها هاي خطيبج هم كعد صح لنوم ياعريس ساعه 1
طه: صباح لخير خالي هههه والله بعدني نعسان اصلا
ام طه:وينج عمه شو مثل هلال لعيد بصدف تنشافين
ابوزينه: تعاي تعاي كعدي يمي ههههه لابعد تنزل شعدها فوك
ام طه: ياريت احنه شايفين
زينه: نزلنه كاعدين بصاله زوج عمتي وعمتي وطه
ابويه كعدني يمه متمنيه اطلع اركض احس شي بصدري يوجعني من اشوفهم
سمر: شعجب زينه جوه يرادلها هلهوله
ابوزينه: شوفي شلون مخلي لكل يفتقدج
بعد تنزل يمج ويجوز تبقه وياج بنفس لغرفه
سمر: ياريت اني شايفه
زينه: دخلت سمر وراها امي تباوع عليه اعرف نضرتها تتسائل ليش نزلت
حط لغده وابويه مكعدني يمه ويمسد ع راسي من بدايته لنهايه ضفيرتي
ابوزينه: يله كومي تغدي
زينه: اني تغد
ابوزينه: ميخالف كومي ويانه
طه: ليوم الاكل طيب واحديكعد وكدامه ناس تفتح لنفس ع اكل
ابوزينه: ههههه تصجمها كبالي لك
ام طه: خطيبته حقه محد يمنعه
ابوزينه: هههههه كوم كوم اكعد يم خطيبتك
طه: الف رحمه ع روح اهلك خالي
زينه: كعدت يمه وطه كبالي صار وبعدها كام كعد يمي
صرت بين ابويه وطه
خلص لغده واني يصيحون اكلي
يادوب امد ايدي وبخوف ممرتاحه بوجودي يمهم
مصدكت كملو حته اصعد بس هم صاحني ابويه ورجعت كعدت يمهم
ام طه: اكولك يونس شوكت نعقدلهم
ابوزينه: بكيفكم شوكت متردون
ام طه: خوش لعد هل ايام نعقدلهم
سمر: اي هم يله نفرح بالعرسان
ام زينه: ياعرسان
سمر: زينه وطه
ام زينه: شنو لقصه وقت عرس هسه وهل سوالف
ام طه: ليش مو وقته ابوها وابوه وطلعو
ام زينه: عبير بنتج مصارلها كم شهر خل تطلع لسنه والله كريم
طه: ياسنه صدك تحجون شطلعت هاي
ام طه: لالا عيني قابل راح نسويها هوسه هيه حفله بينه وحبايبنه نعزم
ام زينه: وشهل استعجال عبير
طه: اي والله اني مستعجل فضوني هههه
ابوطه: يابه الله يرحم المات هذا يومه وساعته الحي ابقى من لميت
هم نفرح بيهم صار شكد انأجل
ابوزينه: هذا هوه شوكت متردون لبنيه بتكم ولولد ابنه
ام زينه: هيه ركض ركض سلك بيض شبيكم
ابوزينه: فاتن كومي صبيلي استكان ثاني جاي مالي حيل دوختج
ام طه: اني هل كم يوم افرغ روحي اخذها للسوك اجهزها
ابوزينه: بكيفج عبير فصلي انتي واحنه نلبس
زينه: ضلو يسولفون واني كنت مستمع بينهم
كل كلمه اسمعها احسها تكتم ع نفسي اكثر
مصدكت صارت فرصه كام بابا وركضت صعدت
طبيت للغرفه اتنفس بسرعه كأني جنت
غركانه وهسه طلعت
صار كل يوم اينزلني ياتغدي ويانه ياتريكي
وتعال طه اكعد يم خطيبتك لو اصعد صيح خطيبتك
ورجع طه لنفس شغلاته يطخني يايحاول يبوسوني
مضل عندي امل خصوصا بعد مااخذتني عمتي للسوك وبدت تجهز وتشتري
رجعت للبيت محمله اكياس بس ماعندي اي فرحه بيهن
صعدتهن فوك وجني ميت يتحرك
ام زينه: زيون ماما صبري
زينه: شنو صبري شصبر بعد خلص ماضل امل حته اتأمل واصبر
جنتي ويانه بسوك تره وشفتي جهزتني بعد وباجر هم تطلع
وهااا الاحد الجاي نعقد اتفقو
هههه شصبر بعد خلص هذا قدري
ام زينه: حته اذا قدرج اغيره اني لهل قدر
زينه: شوكت هااا شوكت بس حجي حجي اسمع وماكو فايده بشي
ام زينه: اريدج اساعديني
زينه: اساعدج
ام زينه: اي لبيت ميفرغ وابوج وابو طه لازكين بصاله يم لتلفون باجر من نطلع للسوك اريدج تلهين عمتي وطه ليوم شفت شغله
وشفت خوف عبير منها باجر اسويها اذا ساعدتيني
زينه: شنو لشغله
ام زينه: معليج انتي كل لمطلوب منج اساعديني اتلهيهم
زينه: شلون
ام زينه: ماعرف زينه ماعرف بس لا شوفي هذا طه ليوم ايجرجر بيج كوه وانتي اجرين بنفسج باجر لا تعاملي وياه زين وحته اذا كادج لااجرين باايدج كودي انتي هم
زينه: ماما شتحجين انتي احس ايده اصير بركبتي تخنكني اذا مجرد طخني
ام زينه: زينه حبيبتي اتحملي دقايق اغافلهم مو اكثر دقايق وراح تخلصين
دوسي ع نفسج هذا بس تطي شويه مجال راح يمشي وراج مثل لجلب
عيونه عليج وخلص ينعمي باجر اتحملي كودي وضحكي واحجي وياه
لان عمتج ليوم هيه تلتهي بالي تريد تاخذه الج بس هوه عينه منا ومنا باجر اعمي
دقايق ماما دقايق ساعديني حته تخلصين
زينه: شنو راح تسوين
ام زينه: اوووف معليج زينه نفذي وبس
كون واكفين بنفس لمكان باجر
يارب يارب
زينه: منو همه
ام زينه: معليج كتلج بس شوفي عينج عليه من من من شنو شنو لعلامه ماكدر اغمزلج لامتفيد
شوفي من اكح او انفض عباتي عود من لتراب
همه واكفين ليوم يم محل مال احذيه وجنط دخلي عليه كوليلها عمه اريد اشتري هذا
اي شي يصير كبالج اشري عليه وهوه لسوك هوسه وهيه تلتهي تلتهي وطه مثل مافهمتج
بس اذا مونفس لمكان شلون
زينه: ماما انتي تحجين ويه نفسج وترحين وتجين واني ممفتهمه شي
ام زينه: بعدين افتهمي بعدين نفذي هسه وبس
ها شوفي مثل مكتلج اكح مثلا واي محل يصير كبالج احد ابوبسطيه وكفي عمتج عليه اختاري اي شي
هيه ام فليس تلتهي تتعامل وياه وانتي لهي طه دقايق زينه دقايق وبس
ماشي ماما لاتباوعيلي ماشي
زينه: ماشي
ام زينه: الصبح يااني ياانتي وحده منه تفوت للصاله ع سريع شلعي نقطه لتلفون بس لاتخليها تبين
انتي مدبريها اني اشلعه كلشي يصير
شو اركض واتهزم واخطط وتالي يخابروها اخاف هاي هم انوب
خل اشوف هاي هم يوم ولثاني تحلها
بس كون مينتبهون اله ويشكلوه لالا منو يخابرون
زينه: عده ليوم وكل الي افتهمته اتأشر الي امي بس شسوي مادري
لمشكله شلون راح اتحمل طه
لازم يمكن يصير شي واخلص اتحمل اتحمل اي اتحمل
ثاني يوم لصبح كملو شغل لبيت وتغدين والعصر نطلع
صعدت ابدل وامي عادت نفس لحجي طه لهي وعمتج طلبي منها خليها تلتهي تعامل
بدلت ونزلت
طه: كملتو
ام زينه: اي كملنه يله
زينه: جان ينتضرنه كاعد ع درج يلبس حذائه
طلعنه ومثل لبارحه لازم اكعد يمه بصدر
كعدت وباعده نفسي لزم ايدي جريتها
واذكرت الي كالته امي رسمت ابتسامه ع وجهي ورجعت ايدي
هوه ضحك ولزمها انداريت ع امي وعمتي كاعدين ليوره
امي ضحكت ونزلت راسها بحركه سريعه كانها تكولي اي صح
سحب ايده وكان سحبها من ركبتي مومن ايدي
حرك كير لسياره ورجع لزمها
رفعها باسها
ام طه: اااااي شتردين بعد منو بكدج من هسه اتبوس ايادي ولك لاهنيالي
ام زينه: ههههه هسه حطيتي عينج دعوفيهم
زينه: جانو يضحكون امثل لضحكه بس حاسه اني حابسه دمعتي كوه
نزلنه وتمشينه مسافه وعيني ع امي
طه كايدني وامي وعمتي كدامنه يمشون
طه: تدرين شكد احبج مضل كم يوم وتصيرين مرتي
زينه: ههه اي
طه:ليش لعد مجنتي هيج تمشين ويايه اجرجرين باايدج وكوه تمشين شوفي شكد حلو هسه
زينه: امممم. عيوني ع امي واذني تسمعه شفتها تتلفت باوعت عليه ابتسمت رد ع كلامه ونداريت شفتها باوعت ع جهه ثانيه اكو 3واكفين يشربون جاي واحد منهم منتجي ع سياره سوده
وثنين مقابيله
ام زينه: احم احم احم
زينه: بلعت ريكي وانداريت كدامي محل بدلات جان
اااا عمه
ام طه: هااا عيني
زينه: ااا نفوت لهذا لمحل اريد اشوف لبدلات
ام زينه: ياااا شعندج من هسه يله بس شوفيهن منحجز
ام طه: لالا تحجز ع الاثنين انسويلهم حفله مهر طبي عمه تعاي
زينه: طبينه للمحل عمتي كبالنه واني وطه وراها وامي ورانه
ام زينه: شوفي هاي حلوه شكولين عبير
ام طه: بكيفها هيه بعد لعروس
زينه: لاعمه انتو هم ساعدوني
طه: واني هم اساعد
زينه: هه اي اكيد
ام طه: خل اشوف ذنيج تعاي زيونه
طه: اوف شوكت تخلص عاد وتصيرين مرتي
زينه: ايدي انعصرت شبيك
طه: اوووف لوتدرين شبيه احترك يونس ع هل عيون
زينه: ههه اله اكوله
طه: هههههه مااخاف منه كوليله اخاف من بنته اني منه لا
ام طه: تعاي شوفي هاي زينه
طه: روحي
زينه: لاانت تعال ويايه
طه: هااا
زينه: اي شوفها انت هم
طه: خرب……. ليوم شهل رضه امشي طبي اجي للموت اذا ردتي
ام طه: وينج
زينه: هياتني
ام طه: شوفي ذني حلوات
زينه: اي
ام طه: بس هاي كلش حلوه
زينه: اي اي
طه: لونها حلو يكعد عليج
زينه: جان فستان 👗 بس مفتوح من فوك وبي فتحات
لونه احمر من شفته ولفتحات لبي اجني ابالي لي تلبسهن امي او سمر هديل
اي حلووو
ام طه: نشتري هسه
زينه: بكيفج عمه
طه: اشتري اشتري حلو
ام طه: خل اشوف ابيش وي
ام زينه: ها اختاريتي لوبعد ذنيج من ذيج لصفحه شكد حلوات كلبتهن وحده احله من الخ
ام طه: اختارت هذا بس روحي شوفي
ام زينه: لااذا اختارت هذاهوه
طه: امشي نشوفهن هذا اخاف ميعجبج
زينه: لاعجبني حلو
ام طه: اخاف لان طه اختاره حلو هههه
زينه: ههههه هوه حلو هذا هوه اريده
طه: واني اريدج الج ماريده
زينه: همس بااذني عيوني ع امي الي اصلا ماالتفت عليه بعد ملتهيه ويه عمتي
يعني شنو هسه راح اضل اتحمل وبس
اخذنه كم شغله ورجعنه للبيت اريد بس اخلص
طه لطريق كله يحجي ولازم ايدي
صعدت فوك اول مطبيت حته لاايطب وهم يحجي ولازم اتحمل
صعدت امي
هاا شسو
غمزتلي
ام زينه: تعال طه جان اني صعدتهن انشلع كلبك
طه: لالا شنو هنه
ام زينه: اخذيهن من ايده مخلاني اصعدهن
زينه: مديت ايدي اخذ لكياس امي راحت يم لكنتور اطلع هدوم
طه: نزلي جوه اريدج
زينه: اي
طه: انتضرج ماشي
زينه: ماشي
اخذتهن وسديت لباب شمرتهن بس سديته
ام زينه: خبال
زينه: شسويتي فهميني
ام زينه: خير ان شاءالله سكتي هسه
زينه: اي غير افتهم هذا لزك
ام زينه: تحلمي كلها كم ساعه
زينه: شنو هيه
ام زينه: اوووو بدلي ونزلي وضلي يمي حته ميكدر يسوي شي ولايحجي شي
زينه: اوووف شيخلصها
نزلت وامي تصخرني يمها وهوه ايأشر تعاي
امي منتبهه عليه ادزني جيبي ملح اطيني طاوه طبينه لمغرب وهيه اول مطبينه كالت اتسوي كبه حته تلهيني
خلصت لكبه جانت ساعه حوالي 9اندكت للباب هوه يمنه بالمطبخ يسولف ويضحك جان
ام زينه: منو جاينه
طه: اني اطلع اشوف
زينه: طلع فتح لباب اكو ثنين بالباب
ام طه: منووو
ام زينه: والله مادري طلع طه يشوف
زينه: طلعت عمتي وصار صوت طلعنه لازمين طه وعمتي تصيح عليهم
اخابر عميد فلان ولواء فلان
صعدوه بالسياره وبس لهوسه وكلها طلعت
بعدهم بالهوسه امي طبت وطلعت بسرعه وكفت يمي
اخذوه وطبينه عمتي بوجهه ع تلفون تخابر وكف كلبي لعصر امي شلعته
من صعدت تبدل كالت شلعته همزين لحذر حلو
هسه شلون شفتها ادك ارقام يعني بي حراره (خط/شبكه)
ابوطه: كله من وراج ماعرفتي ادفعيله كفل
هسه يحسبوه هارب ايكصولج اذنه
ابوزينه: ادري شجابهم كل مره بالليل وهوستهم الحك انهزمه
زينه: كم مره فاتولنه يدورون ع طه متهرب من لجيش ملابس عسكريه
ويهزموه من لسطح
هل مره صادوه من لباب مو بنص الليل فاتولنه
عرفت ان امي بلغت عليه جانت كاعده وياهم
ومبينه انها منقهره كعدت يمها اباوع عليها وحاصرتني لضحكه
اندارت عليه كتمت ضحكتها وكرصتني وغطت وجهه
ام زينه: ياعيني ياطه شجابهم ذوله بله
زينه: عمتي تخابر وهوسه صياح ابوه يكولها من وراج عفتي هارب كل مره تكولين اطي وتالي تعوفيه عاجبج مخليته يتهزم سطوح
صعدت فوك فرحتي لاتوصف خلصت من طه يعني
ام زينه: خلصتي صح مو خلصتي خلصتي بس ها اخذنه مده اجلنه شويه بين مانشوف حل ثاني
انتضروني بالبارت القادم هوه بارت السهره