#بلاعنوان
البارت الرابع والعشرون
ل وردالعامري
سددددديييييلللل
طفيها
بطانيات اطوني
شسويتي بروحج
ام زينه: لاتجين لهنا
اويلي عليج ياسديل
زينه: شكوو
ام زينه: لاتجين ضلي بالغرفه
زينه: جانت اكو ريحه دخان قويه وريحه
اشبه برائحه لشواء
امي نازله اول بايتين من لدرج وواكفه لازمه لمحجر
تبجي وترجف كانت
كل ماتقدم خطوه تعيط رجعي من خوفي رجلي ترجع خطوه
-افتحولي لباب
-شسويتي بنفسج ولج سديل
زينه: صوت طه وعمتي امي كعدت كعود ع درج
تقدمت صرت يم لمحجر مال الدرج شفت ضهر طه وشايل شي بس
بس بطانيات داير مداير ايده مبينه
ويصيح فتحو لباب جيبو لسويج
جان بالملابس لداخليه يركض
عمتي تركض وراه وسمر
كعدت من نومي ع صوت لعياط
وبعدني بنفس لهوسه
وخوف خوف من صوت لصياح وكلام امي لاتجين
ممخليني اجمع شي احس روحي بحاله ذهول
ماما ماما
امي جانت كاعده ع درج ومجلبه بالمحجر
نزلت اصيح عليها صارت عيني ع باب وره لبيت
جانت عباره عن دخان يدخل منها
واكو نار بالكاع ركزت جانت هدوم مطشره بالكاع
هذا حبل لهدوم محترك ولهدوم كلها بالكاع
صرت كبال امي بس عيونها مفتوحه ومجلبه بالمحجر بقوه
ماما شكو
هاي لهدوم محروكه
يااا بس لااحترك وره لبيت
وسديل
بس لاسديل اتأذت ماما
ماما شبيها سديل شحرك وره لبيت
ماما احاجيج شبيج
ماما
حركت ايدي كدام عيونها وهيه ولايمي
ماااااماااا
حركتها هزيت جتافها
ماامااا
عاطت بصوت عالي وبفزه رجعت بايتين ليوره نزلت بسرعه تعثرت
بس صوتها وفزتها خوفتني
شافتني واكفه نزلت عليه
حضنتني بقوه
جسمها كان يهتز مويرجف
ماما شبيج
شوفي هذا لوره لبيت شحركه
سديل شبيها بس لاتأذت خطيه
شطلعها هيه هذا شلون احترك
جنت احجي وهيه حاضنتني وبعدها وخرت وتباوع بوجهي
ماما
جرتني من ايدي ايدها فوك ايدي جانت ترجف بقوه
صعدت وهيه اجر بيه
طبينه للغرفه سدت لباب قفلتها
وجتي عليه حضنتني ونزلتني للكاع ع حركتها حاضنتني ونزلت
ماما شبيج
تمددت وهيه اجر بيه تمددت يمها
جرت راسي حطتها ع ايدها وحضنتني
بس جانت تهتز موترجف بس لاتهتز كل جسمها يرجف
ماما شبيج بردانه
احجي وياها وهيه اجرني لحضنها اكثر
ماما مااااماا
تؤ ماما سديل شب
بس جبت اسم سديل
كامت تصرخ وتبجي
شبيج امي
ام زينه: اويلي عليج ياسديل
عمت عيني عليج الله ياخذج ياعبير
ياربي دعيت عله عبير وكلت ضربه منك الها
ياربي الها مولهل مسكينه
يمه ياسديل ياام روح لحلوه يمه
عمت عينج ياعبير كون لنار لي لهبت بيها تلهب بيج
ياريتج انتي ولاهيه
زينه: تضرب بروحها وتصرخ
كل توقعي من شفت لوره لبيت بي دخان ومحروك توقعت ان صاير حريق وطلعو ايطفوه
وسديل اتأذت
ماما هيه شوداها لوره لبيت خطيه هواي اتأذت يعني
ماما احاجيج
ام زينه: ياعيني ياسديل شلون اطتج روحج ولج هاي الروح لعزيزه شلوووون طاوعتج
زينه: ماما هوه لوره لبيت شحركه شوصله نار
احجي وياها وهيه تلطم وتصيح شلون واويلي عليج
ماااااماااااا
ام زينه: راحت لبنيه شلون كدرتي شلون هيج حركتي نفسج لنار من لهبت بيج شكالت روحج
زينه: بلعت ريكي مرات الانسان موغبي بس ينحط بموقف ميرد يصدك الي شافه اوسمعه يريد احد يكوله هيج صار ويشرحله حته يصدك
يعني سديل سديل حركت نفسها
لج مااااامااا حاجيني سديل حركت نفسها
ام زينه: اي ولج يمه اي شكلتي لروحج شلون طاوعتج نفسج
زينه: لموقف كان مبين من بس بطانيات ملفوفه وشايلها طه ممبين منها شي
بس لعقل مرات يتوقف عن الفهم ولتركيز
ولوره لبيت مابي غير حبل هدوم
ونفط ومبرده مال الهول
عمتي قاطعته ببرده عن لحديقه الخلفيه لان بيها غرفه
بيها غراض عمتي سديه واداوات مالتها
وباب خارجي ع الفرع الثاني مخصصه هاي لباب بس للدخول لغرفه عمتي الي بره
عود مسويتها للي عدها حاله ولاده مثلا
بس هوه ماتجي هيج حالات ابد
وعمتي اصلا حاطه ل لافته مجرد رؤيا
هيه ماتستقبل حاله ولاده
ع كولتها الي حيلهن
بس موجوده هل غرفه لعمليات ثانيه
ولتوليد ناس تعرفهم عمتي فقط
لبرده لفاصله هم كانت ملتهبه بيها لنار
هاي لنار الي لاهبه بسديل
ضليت مصدومه وفكري كله يمها
يم اخر نضره الها من فاتت للغرفه بعد ما حجت عن لفلوس واطتهن لعمتي
دخولها للغرفه وعدم طلعتها بعد
حته اكل مااكلت
معقوله جانت تفكر بهل طريقه
معقوله خططت لهل شي
بس شلون حركت نفسها
شلون كدرت
باي طريقه
كلها علامه مبهمه
امي منهاره
واني تفكيري بسديل
بكل كلمه كالتها الي
لكعدتها يمي
سديل عشت وياها صح
بس بااخر فتره احتكيت بيها اكثر
فات وقت وسمعنه صوت جوه
ركضت امي فتحت لباب كانت قدم تنزل وقدم ترجع
كأنها خايفه تنزل
صاحت وهيه ع درج منووووو
-اني فاتن
ام زينه: هااا طه بشر شلونها سديل
زينه: نزلت تركض من سمعت صوته واني وراها جان بغرفته
فاتح لكنتور يطلع هدوم فانيلته عباره عن سواد ودم
وجهه بي سواد الدخان ودموع تنزل ع خده
ايده بيها جروح حروق بسيطه شعر ايده مبين محروك
طه: شبشر فاتن منتهيه
ام زينه: لاتكولها فدوه
طه: دخلوها لطوارئ لحروق ومخلو احد يفوت
ام زينه: يعني عايشه
طه: اي بس جسمها ووجهه
زينه: رد جسمها وجهه وغطه وجهه وبجه
ام زينه: عمت عيني عليها مكدرت انزل مالي عين تشوفها
طه: ااااااااخ ششوفين فاتن
زينه: كعد ع جربايه ويبجي
طه: رحمه لهلج فاتن طلعيلي هدوم مكادر اوكف
طبيت للمستشفى الناس تباوع عليه
داولي ايدي ولدكتور نبهني بابا شوفلك شي البسه
انتبهت اني بالفانيله ولباس
ام زينه: هاك ذني عيني
راح تروحلهم فدوه اخذني وياك
طه: اي بس ابدل
زينه: واني راح تعوفيني خفت خفت اضل وحدي عيني تروح ع لوره لبيت واحس بخوف يتسلل لكل داخلي
طه: وين عايفتها بهل مهجوم وحدها. صعدي بدلي اخذج ويانه
زينه: ده نصعد شفته وكف ع مغسله غسل وجهه
امي لبست عبايتها واني بدلت
نزلنه جانت بيده جكاره والايد الثانيه حاطها ع عيونه ويبجي
ام زينه: ها طه يله
زينه: وخر ايده جانت عيونه مليانه دموع لاول مره
فمسدوده لباب
بحياتي احس بقهر ع طه اول مره اشوفه بهل وضعيه
ماعنده طريقه الاستفزاز او المضايقه
جان مكسور ضعيف مهزوم
طه: فاتن اخذي عبي وشحاطات رادن طلعيلهن انتي
ام زينه: اي اي هسه
زينه: دخلت امي لغرفه عمتي هوه جان بالمطبخ منتجي ع كاونتر
ذب جكارته بالكاع وداس عليها مسح وجهه
طه: زينه اطيني كلاص مي
زينه: اطيته مي شرب
ان شاءالله تصير زينه وترجع بسلامه موو
حجيتها لاني جنت اريد شي يبرد داخلي وتفكيري بيها
طه: ان شاءالله ان شاءالله
زينه: تقدم عليه حضني ويبجي للحضه حسيت بالخوف وبنفس لوقت بالحيره
مجان طه نفسه الي يضايقني اويحاول يغصبني ع شي مااريده
جان انسان مهزوم حسيت الي حاضني طه القديم
طه لطفل الي من تضربني امي يحضني ببراءه ويهديني مجان عنده
هذا لغش ولخداع ولنضره بتفحص لجسد
ام زينه: اويلي عليكم عله اختك اويلي ماعرف عليك اسويتي بيهم عبير اسويتي
زينه: جتي امي وهيه تبجي وادك ع جتفه عافني وحضن امي ويبجي بصريخ
طه: لج فاتن النار تشتعل بيها اااااااخ
شلون ماحسيت بيها من لبدايه شلون
لج فاتن كدام عيني صورتها
ساده ساده لباب قافلتها من بره
اشوفها من لجام تشتعل وماكدر اوصلها
لج ااااااااخ سدددديل
امدايه مالحكتلج. امدايه
زينه: كام يدك ع راسه وكعد بالكاع منضره جان يقهر
ام زينه: حسبي الله ونعم لوكيل
طه: فاتن شلتها شلتها بيدي فحم فحم ماينشاف شي بيها
امدايه لعالم قبلي لحكو ايطفوها واني بعدني مواصللها
ااااااااااااااااخ ربي ليش هيج صار
شلون محد حس عليها
شلون قفلت لباب صوت لسركي شلون مسمعته شلون
لعالم لعالم طفرتلها من لحايط اطفيها
واني بعدني مواصل
والله موبيدي فاتن لشارع لشارع صار شطوله اريده يخلص واوصلها مايخلص
ام زينه: مادري شكالت لنفسها لعزيزه
طه: اااااااه اخذتيلهم سلاب
زينه: مسح وجهه وكام
ام زينه: اي اخذت
طه: يله طلعو
زينه: طلع قبلنه شغل لسياره حته من لسياره خايفه وين صعدها وشلون الف فكره ابالي
ام زينه: طه اني مفتاح ماعندي وماندل لقفاله وين
طه: عوفي فاتن عساه هجم عوفيه صعدي
زينه: لدنيه جانت بعدها ليل جانت الساعه حدود الاربعه الفجر
دخلنه للمستشفى بساحه كاعدين عمتي وسمر ركضنه عليهن
ام زينه: هاااا بشرو
سمر: دخلوها عمليات
ام طه: مخلوني اشوفها فاتن عمت عيني يايمه شسويتي بروحج يمه
طه: شوكت دخلوها
سمر: من رحت انت وراك بشويه
زينه: ضلينه ننتضر بس طه يطب ويطلع
فاتت حوالي 3ساعات وطلع طه يركض
كال طلعوها
بس مطلعوها من لساحه ماعرف منين طلعوها ودخلوها بصاله مكتوب ع لافته فوك لباب شعبه لحروق
ممنوع احد يفوت ومحد شافها لهسه
كلنه ع كعدتنه ماعدنه غير لبجي والنواح
صارت ساعه 12لضهر
طلع دكتور سئله طه
كله بعدها فاقده ادعولها
اصعب شي بدنيه الانتضار
كلها جانت تنتضر اله اني
جنت اذكر كلمه كلمه منها
ديره وجهه ضحكتها سوالفها شقاها
ليش اخر فتره هيج تقربت مني
ليش ياريت ضاله بت عمتي وبس مامتعلقه بيها
بعيني حركتها وهيه تكول مكتوب عليه وتحرك ايدها كأنها تكول اني لاحول ولاقوه
ساعه 2الضهر جتي هديل
هديل: لج يمه شبيها شلون متكولولي شلون متخابروني
ام طه: شخابرج يمه اني عندي عقل ضاال
هديل: اويلي عليج خيتي وينها هسه
ام طه: والله يمه دخلوها ولحد هسه مشفناها بعد
هديل: كلكم هنا لبيت مفتوح مريت عليكم ولجيران كالولي لبوب مفتحه عايفيها ليش
ام طه: مادري والله يمه فاتن اخر شي جتي ليش مقفلتو
طه: انتي من كل عقلج تحجين يابيت بيت احتركت بي بنتج صارت فحم
خايفه عليه ع شنو ع حجاره لوطابوكه لوفلوس
كلهن ميرجعن بنتج مثل مجانت سديل اذا ماماتت راح تعيش مشوهه
فكرتن بيها لوهمكم لمهجوم
ام طه: اي والله يمه انعل ابو المال عمت عيني ع شبابها
زينه: كاعدين ع مصطبات كدام لشعبه وننتضر
صارت الساعه 5لعصر طلع لدكتور كال كعدت
كلنه حمدنه الله ان لحد هسه النفس بيها
طه: حالتها دكتور
الدكتور :والله بعدها خطره الحرق مالتها 80%
يكدرواحد منكم ايطب ايشوفها
زينه: رجع خطوتين ليوره طه من سمع احد يطب
ام طه: اني يمه فدوه لطولك افوت اشوفها
الدكتور: دخلي
طه: ششوفين منها ليش منضرها ينشاف
هديل: عمت عيني هيج متأذيه
شلون صار هيج فهموني
زينه: جان محد اله نفس يحجي
طلعت عمتي وره شويه وهيه متخربطه مطلعتها لسستر كايدتها
كعدناها وهديل جابتلها مي وغسلنالها
ام طه: يمه عمت عيني عليج يمه مينشاف منها شي ملفلف وجهه بشاش ابيض وحاطين فوك جسمها مثل السيم مقوس ومغطيها بس نفس يصعد وينزل
زينه: جانت توصف حالتها وهيه منهاره واحنه مضال بينه اعصاب اصلا
لمغرب كالو فتحت عينها وحالتها شبه استقرت
دخل طه عليها واحنه ننتضر بره
بس هاا اطمنه شويه ان فتحت عينها واكو تقدم بحالتها
بس نعرف عيشتها وهيه مشوهه راح تكون
بس رغم هذا فرحنه ان نفس بعده بيها
حبايب كلبي متابعيني الغالين
تحياتي الكم
حبايبي الي يكولون ماكو احداث شنو كلها صعدت سدو لباب
حياتها هيج حياتها هاي هيه من تذكر هل شي لبطله ده تبين
ان بهل طريقه جانت امها تعاملها بهدف تحافظ عليها
بعدين الي متابعيني يعرفون اني امشي بالقصه اوصلها وحده وحده مااعوف حدث
بين قوسين اني كاتبه ممله
ادور ع اصغر تفصيل
يمكن هذي لتفاصيل احنه نقراها
ننقهر نبجي اونتأذه نتعصب
بس احنه نقره فقط
بينما بطله لقصه عاشتها بحذافيرها
اما ماكو احداث
من وجهه نضري ده انقل حياتها موفلم اكشن
اصنع اله حدث ولازم ابين كل نقطه حته توصل لقصه
بمصداقيه الكم
اعرف انكم من حبكم للبطله تردون تعرفون وتتطمنون عليها
بس لازم اوصل لقصه بمصداقيه اني
اما الاهم فكل الي انقل احب اكلكم بعدنه ما بدينه بحياة لبطله
فرجاء خلوني اسرد لقصه بمصداقيه
اني ماعرف اسفط
وكتلكم صار كم قصه اكول اني ماعرف اسفط حبها وحبته وكككلووش حياتهم حياة امير واميره ويضربون بعض بمخده ويطاير عليهم ريش النعام
اني انقل واقع ووووواقع قصه تسردها الي البطله وانقلها الكم
اما عن التفاعل ف تفاعلكم القصه متستاهل هيج تفاعل
لقصه حقيقيه وانتو مقصرين بتفاعلكم مشاهدات هواي
وتعليقات ماينعدن ع الاصابع
ليش؟؟؟؟؟؟؟