#بلاعنوان
البارت الثالث عشر
ل وردالعامري
زينه: فرحت بالفديو ونسيت الي صار ولوما عياط امي نسيت حته دراستي
درست وكملت ونزلت اغسل حته اتعشه
طه: زينه
زينه: ها
طه: هاج. هاي الافلام كلها حلوه
زينه: لامااريدهن
طه: موردتي الي شفتي بغرفه سمر
زينه: اي
طه: هوه واحد منهن شوفيهن
زينه: ماشي
ام زينه: هاااا شعدج هنا
طه: اني اطيتها الافلام شوفي ياهوه الي شفتي بغرفه سمر
ام زينه: لاعيني هيه مال راقصات 👯 انوب ع حضي
طه: هههههههه ليش هوه اكو فلم مصري ميهزن بي
انتي مواخذتيلها افلام وذني هم. افلام مصريه
ام زينه: يااااا
طه: هههه والله شبيج
ام زينه: ولك اني جبت مال اسماعيل ياسين
طه: اي ومنو وياه ههههه
ام زينه: امشي تعشي امشي
زينه: ضلو يتعاندون ع افلام. اني حطيتهن ع درج حته من اصعد اخذهن ويايه لاامي تاخذهن
كاعده وادعي تلتهي امي بالعشه
سمر طبت للمطبخ وطه جان بالكراج
طب للمطبخ
طه: هااا مذكرتي
سمر: يمعود شخبصتني
سديل: شكو صوتج يلعلع
طه: ووجع شكو. تعيطين
سمر: موخبصتني. شمدريني يافلم. اني
سديل: فلميش
سمر: خبصني من لصبح الفلم. الي شافته لخاتون زينه بغرفتنه كل شويه سائلني
يافلم متكوليلي يامعوده انتي
ام زينه: شلحيت ياطه
سديل: اي شكو بيها انتي الخ بس تعيطين شوفي يافلم. واطيهياه للبنيه
سمر: ولج. والله ماعرفه زينه يافلم الي شفتي بالغرفه
زينه: لاماريده
صار قضيه هل فلم
سديل: لاكولي زينه. ياهوه.
زينه: ماعرفه من طبيت للغرفه جان مشتغل سمر كالتلج شوفي لممثله تركص
سمر: ياهوه هذا مال تحيه اخاف
سديل: لالا لج مال نعيمه عاكف خوش اختيار زينه هههههه
ام. زينه: لا ختولي عيني شلها بيه
سمر: اي دحجي يمعوده هسه اجيبه
زينه: امي. خزرتني راحت سمر جابته
سمر: هاااج هذا جنت مشغله
زينه: امي تباوع عليه
سديل: يمعوده شكو خازرتها شناطيها فلم شلون تحجون. لواحد كوه
فلم. مصري عيني لاتخافين هاج فحصي
ام زينه: لاشبيج انتي مااريد تحط ركص وشغلات براسها
سمر: عشتو اروح اكعد احسلي
والله زينه انتي بطرانه عندج نعيمه عاكف بنفسها عايشه وياج ادورين افلام عله شنو
سديل: ههههههه لا ولج ساميه جمال
ام زينه: انوب انتي سديل
سديل: ههههههه ولج موبنتج تريد تشوف ليش تشوف صوره تشوف لحقيقه احسن ههههههههه
سمر: هسه فاتن وهديل احسن. مدرسه ههههه
فاتن: خلف الله عليج. كومي انتي الخ كومي
سمر: والله فاتن موكذب حته تشبهيها انتي لساميه جمال
ام زينه: ولي صعدي
زينه: امي كومتني ادفع طلعنه من لمطبخ وبعدهن. يحجن اخذت الافلام وصعدت اركض
شغلت لفلم الي اطتنياه سمر وكعدت كبال التلفزيون
جنت هل ممثله حبيتها وحبيت تصرفاتها
وصرت اركز بكل حركاتها
ومن. تركص اباوع عليها
صعدت امي. شافتني. محجت كعدت وتفرجت. شويه ويايه
نمت ولفديو مشتغل الصبح رحت للمدرسه
وهم. شفته
-بابنيه هاي لورقه وكعت منج
زينه: اخدتها بسرعه وركضت للمدرسه
السلام عليكم بعد التحيه والسلام
اني اسف اذا ازعجتك
لكن اني بحيره من امري
اشوفج تبتسمين الي
لكن ماوصلني رد على رسائلي
اليوم انتضر رد
اريد اعرف اسمج
واريد تمشين ببطى حته اكدر اعرف بيتك وين
بصراحه اني مااكدر امشي بسرعه
لوجود بلاتين بقدمي بسبب حادث
قديم من كنت طفل
اذا ماعندك مانع وهل سبب مايزعجك
اني اريد اتقدم الج
بس انتضر اليوم رد
واذا مارديتي
راح افهم. واعتذر اذا ازعجتك. وبعد متشوفيني نهائيا
تحياتي
… .ياسين……
زينه: قريتها وعدتها اكثر من مره ونقهرت عليه وكأني اعرفه من سنين
دخلت لصفي ممركزه بدرس. ومن تصير فرصه اكتب واشك لورقه ماعرف شكتب
قرب لدوام يخلص واني مكاتبه شي
مااكتب ماعرف خلص
لالا راح يزعل وبعد مااشوفه
هسه عباله ماريده لو ضجت خل اكتب
زين شكتب
امممممم
السلام عليكم
اسمي زينه يونس
صف ثاني متوسط
شكتب بعد
تؤ لاماادزها
دك لجرس شلت لورقه بيدي
ماعرف شكتبله غير ذني
طلعت جان واكف هوسه لبنات مشيت هوه تقدم عينه جانت ع ايدي
ايدي جنت سادتها بس لورقه مبينه
صرت كدامه
-ذبيها بالكاع
ذبيها شبيج ذبيها
زينه: ضليت امشي وهوه يكول ذبيهل حسيت ايدي تشنجت فتحت اصابيعي ووذبيت لورقه ومشيت بكل قوه عندي احس نفسي الهث ريكي يبس كلبي يدك بسرعه بسرعه حته ماالتفت وشفت لورايه
ام زينه: خير خير منو لاحكج شبيج
زينه: ما مابيه اااوف اوف
ام زينه: ولج ليش هيج. تلهثين
زينه: مشيت سريع جوعانه اريد اوصل بسرعه
ام زينه: هنيالي ههههه روحي بدلي بين مااصب
صعدت ابدل واذكرت لموقف حسيت وجهه يطلع منه حراره وايدي ترجف
اتغديت وصعدت ع فديو واشوف افلام حته لكارتون مشغلته
ثاني يوم رحت للمدرسه واحس بثقل امشي مستحيه خجلانه من موقف لبارحه
هل مره شفته واكف براس الشارع اول معبرت شفته واكف
مشيت من كدامه ركبتي شنجت اريد بس اندار مااكدر
-اسمج حلو هههه فزيتي
سمعيني اليوم امشي ع كيفج
ماشي لاتركضين مااكدر وكتلج شنو السبب
زينه: حجه وهوه يمشي ورايه وصلت لمدرستي فتت كل ذره بيه ترجف وبنفس لوقت حاسه بفرحه بداخلي
ماعرف شلون خلص لدوام جنت احس الوقت طويل وكوه خلص
طلعت وشفته واكف مشيت حسيت بي يمشي ورايه
-ع كيفج امشي شبيج
زينه: ماعرف شنو الاحساس الي يصير عندي بس كأن اذني تنسد ورجلي تمشي بسرعه بسرعه
خففت مشيتي جان يمشي بعد مسافه عني انداريت شفته جان يمشي ببعد عني
وصلت للركن مال بيتنه
جان طه واكف بالباب
لاول مره اشوف طه واحس بخوف وتوتر
فتت لفرع اخاف اندار ويشوفني طه
ضليت امشي وصلت للباب
طه: ده انتضرج جبتلج افلام حلوه
زينه: اي اي انداريت شفته بركن واكف طه ملتهي بجيس بيده بي شرايط افلام
دخلت للبيت كأني مسويه انجاز فرحانه
ومتوتره
اريد بس يجي باجر وهم اشوفه
مشه ليوم روتين عادي ولصبح رحت للمدرسه شفته كالعاده بس محاجني ولالحكني
رجعت للبيت كملت وصعد شغلت لفديو ودرست صار لمغرب احتاجيت حمام نزلت شفتهم مخبوصين
صار فتره ماكو هل اجواء للحضه تناسيتها
حسيت الم صارببطني صعدت فوك
واني كان الفرح ولحماس الي بداخلي راح
صعدت امي لعشه ليوم مخلتني انزل
مجان الي نفس لكلشي حطيت راسي ع مخده ولمخده لثانيه ع راسي مااريد اسمع شي ولااشوف شي
مثلت النوم حته ع روحي
جنت بالفعل احس بروحي نايمه بس اسمع كل الي يدور حواليه
دخول امي فتح لكنتور الطكطه بس ماريد افتح عيني حاسه بنعس وبنوم بس كأن اذني تشتغل
نزلت امي وسمعت قفل لباب
حسيت ناراشتعلت بصدري
كمت كأني مخروعه كأني كمت من سابع حلم
ركضت ع باب دكيتها بقوه وعطت كل صوتي مااااااماااااا
سمعت ركضه ع درج وصوت طكه لقفل
ام زينه: خير خير يمه اسم الله فزيتي شبيج حلمانه
زينه: جانت مبدله وحاطه مكياج لزمتني
وتصيح مخترعه حلمانه
وين رايحه
ام زينه: هاااا لبيت هديل
زينه: شسوين جاين خطار لبيت هديل لو مسويه عيد ميلاد بتها لو عزمتكم ع عشه
ام زينه: زينه نامي حبيبتي منتأخر ان شاءالله عيب عزمتنه ميصير ماروح
زينه: اطيني لمفتاح
ام زينه: لا مااريد اكعدج من ارجع نامي ماما نامي حبيبتي
زينه: جريت لمفتاح من لباب
ام زينه: زيونه ماما حبيبتي شبيج
ام طه: فضيها فاتن
زينه: روحي
ام زينه: ماما
زينه: اكرهج من اشوفج هيج مسويه بروحج معدتي تأذيني
ام زينه: زينه يمه ابوس ايدج لاتمرمرين كلبي
زينه: روحي
ام طه: يافاتن وينج
ام زينه: روحي ماروح زينه ولج غصب عني والله
ام طه: شنو مترحين ولج صار شكد مطالعه اصرف عليج وعله بتج اني
زينه; صعدت عمتي ومن لدرج تعيط شنو مترحين امي واكفه كبالي مدت ايدها دفعتها
تقدمت رجعت ليوره مااحب شكلها هيج
رغم كلش حلوه هيه ومن تحط مكياج تكون احله. بس ماعرف احس جسمي يصير بي قشعريره من اشوفها هيج
طبت عمتي للغرفه
ام طه: مواحجي وياج
ام زينه: روحي عبير مااروح
ام طه: شوفي لج لاتخليني احطج ادكج بالي برجلي كلج هل طولج احطج جوه رجلي افعصج
ام زينه: عبير طلعي معليج بزينه ولايوم تفكرين. تمدين ايدج عليها
زينه: عمتي جتي تريد تضربني وتعيط عليه وامي صارت بوجهه
ام طه: دمشي لج فوك ماملفيتج ابيتي كل يوم لاعبه ع راسي شكل
ام زينه: ساعه لسوده بس اعتقوني لااريدكم ولااريدبيتكم
-شلون ليوم منطلع
ام طه: شيطلعنه وست فاتن ول اميره زينه موجودات غير يسون عرس ع روسنه
ام زينه: كتلج روحي مااروح
ام طه: شوفي لج هل فتره كلها انتي مطالعه واني ده اصرف وانتي وبنتج تعبن ببطونجن
ام زينه: كتلج اشتغل واطيج بس مو وياكم لوخادمه
بس عتقوني
سمر: هلاهلا رجعت فاتن
زينه: طبت سمر اطك اصبع بااصبع اني صايره بضهر امي
ام طه: خضره لشريفه تشتغل خادمه عشتو
ولج فضيني
ام زينه: ماروح
سمر: لابله. عود تحكمج. هاي جك لنداف والله زين
ام زينه: عبير مااروح
ام طه: شوفي لج باجر اعقدلج ع طه خلي هوه يكسر راسج اني ماعندي هنا خده وخدرنوم واكل وتمسحين ايدج بالحياطين
ام زينه: من تشوفين اذانج عبير زينه معليج بيها
ام طه: وليش معليه بيها عشتو بتنه هاي انتي كلش ماالج بيها وبعدين يرادلنه وجوه جديده وبتج اجيب خوش فليسات
زينه: امي جرت عمتي من شعرها بعد مارفعت ايدها وهيه تأشر بحركع ع فلوس
وناس كتلت ناس بالغرفه وصياح صعد طه فاككهن وسديل وهنه وحده تغلط ع الخ
سمر: ع شنو شايفه نفسج انتي لج لوما امي مسويتج انتي بشارع محد ايباوع عليج اخاف هسه عبالج يدفعون بيج بجالنه هذا حبيبتي
سديل: شخبصتونه بهل زينه عشتو بزون مغمضه كلشي متعرف مسويها
ام زينه: طلعو
ام طه: لج بيتي هذا
ام زينه: انهجم ع راسج منو رايد البقيه بيه
ام طه: لباب يفوت بعران مثلج يابعير
ام زينه: يوم عيد هسه اخذ بنتي واطلع
ام طه: لاعيوني بنتج هنا تبقه بتنه احنه ماننطي بناتنه
ام زينه: انتي شنو متخافين الله
ام طه: فاتن امشي عدل ويايه احسلج لج والله اخليهم ايجروها من حضنج والله واكدامج وروح. امي ايدج لج سافله
ام زينه: الله لايوفقج ياعبير الله ياخذ حقي منج. ومن اخوج
سديل: يابه دمشو عوفها
ام. طه: لاشو اله اليوم تطلع
زينه: ضلو يتعاندون وناس ضربت ناس
واخر شي اتقدمت عمتي ع امي حجت بااذنها اني وراها مباشرتا هيه لازمه ايدي ولازكتني بضهرها
طه نزل كال يطفي لسياره
-امشي عدل وروح. امي انسه وعدي وياج واخلي الي يريده طه يمشي باجر اخلي ياخذها ويعقدلها وله عليمن اعقدلها
بس احجي ليوم تكون بحضنه. وهوه يريدها من الله
زينه: امي دفعتها لوت ايدها عمتي
ام طه: لج اني عبير تدرين كلامي شنو وشكدر اسوي اني نازله انتضرج ياا
طه
طه: شكو صاعد اني شكو تعيطين
ام طه: حضر نفسك
ام زينه: اذبحج بيدي والله
ام طه: راح. اروح حضر روحك حبيبي
طه: فضوني الف مره شغلت لسياره وطفيتها
زينه: صاحت ع طه وتباوع ع امي الي هجمت عليها وعمتي دفعتها
ام. طه: يله يبنات
سمر: عيني انتي ام. نعيمه عاكف عوفيها عدج. امج مدرسه مال هز. خليها هيه تعلمج
سديل: نزلي انتي الخ شيخلصها ليوم
سمر: مسويها براسنه باجر نحجزلج كرسي ههههههههه
زينه :نزلت عمتي وبناتها امي هدتني مسحت وجهه
وضربت وجهه لطمت بقوه
ام طه: هاااا فاتن
ام زينه: جايه جايه الله ياخذكم
زينه: طلعت من لغرفه من غير حته ماتندار عليه
اسمع عمتي تكولها اي هيج. امشي من. لبدايه ليش اله تنكرصين يله
اضل كل يوم. اني هل مره مااكرص بالحجي
اكرص بفعل تره مرمرتي كلبي انتي
سديت لباب بيأس بقرف من الافكار الي صارت تتكون براسي ع امي
قفلتها ورجعت لفراشي
كعدت وحضنت رجلي وصرت اهز بروحي عيني. ع باب وعله الساعه
دموعي تنزل من غير مااحس اصبعي اذاني جان طالع منه دم
كثر ما جنت احك. اضافيري بالكاع
افتح. ايدي واسدها بالكاع بقوه
صداع قوي صار عندي حاسه روحي محطوطه
بمكان جدرانه كل مجالها تضغط ع صدري
مانمت ولاكدرت انام ليل خلص بدموع واحتضان لنفسي اكل اضافري اجربشعري بقوه اجر دشداشتي من فوك صدري كانها ضاغطه ع صدري وع تنفسي
فزيت ع صوت لباب
تندك
كمت بسرعه واكفه بمكاني ماتحركت
لباب مازالت تندك
سمعت صوت جوه صوت عمتي ولبنات
اندكت لباب
زيونه ماما
سمعت صوت امي رجعت كعدت بالكاع دكت واخر شي سكت لدك ماكوصوت
جانت لساعه 7الصبح
7:30رجعت اندكت لباب
-زينه كعدي ماما مدرستج زينه
زينه: كمت بتملل لبست موحبا بالمدرسه لاجان هدفي اطلع وبس
لبست صدريتي واسمع لباب الي كل مجالها
تندك. اقوه
-زينه ولج يمه صدك كذب زينه معقوله كل هذا ومكعدتي ولج زيون
زينه: شلت جنطتي وفتحت لباب طلعت صارت بوجهي
ام. زينه: وكعتي كلبي حبيبتي
زينه: ده. تلمس راسي وشعري مثل كل مره ابتعدت
وعفتها ونزلت
ام زينه: زينه زينه احاجيج لج مواحجي وياج
زينه: نزلت لدرج وهيه ورايه تصيح صرت باللممر جرتني
ام زينه: من احاجيج توكفين من شوكت زينه صرتي تقاوحين ويايه
ليش هيج تباوعيلي
اني كل هذا الي بيه بسبب ومن ورامن والمن
كل الي بيه اني ده اسوي علمودج
زينه: لاتسوين شي علمودي
ام زينه: زينه اني اني امج حبيبتي
زينه: اف كح كح تقربت اكثر تحاجيني متحملت معدتي اذتني
حطت ايدها ع حلكها ورجعت جانت ريحه بحلكهه مثل ريحه طه
ام زينه: زينه لج مالي غيرج بهل دنيه
زينه: حاسه روحي مقسومه مو نصين لا مقسومه اجزاء كل جزء بمكان
جزء يشوفها امي وجزء حاس بلعبان نفس من يشوفها
جزء يريد حضنها ولمست ايدها
وجزء يحس بقشعريره من تريد تمد ايدها
جزء يشوفها شي بشع
وجزء يشوفها اجمل ما بالكون
جزء كاره الي صار الها وترن بااذنه قصتهاوالي حجته
وجزء حاير بين الام وبين الانسانه الي كدامه
طبعا من يفوتون كل واحد لغرفته وميدرون بدنيه بعد
عفتها وطلعت الف سؤال وجواب براسي كأني افتر واني بمكاني
شفت ياسين واكف
للحضه حسيت ارسمت ابتسامه ع وجهي محت لدموع الي بعيني
غمضت عيني وسحبت نفس ومشيت
فتت من كدامه
وكأني علقت امل
امل الخلاص شفته بي
طبيت للمدرسه
واني اوعد نفسي
والله حته امي مااريد اشوفها
اي ازوج واعيش. وياه وراح انساهم
كلهم انساهم
حته امي انساها ماريد اي شي منهم. ولااريدهم
خلص لدوام وصارت شوفته كان نسمه هوه بارده
بعز لهيب الصيف
تزرع ورده بنص صحراء قاحله
وتسكيها بمطر خفيف ينزل قطراته تلامس الارض
ويمتزج عطر المطر وعطر الارض
رجعت للبيت واني زارعه هل امل بداخلي
تلكتني محجيت وياها صعدت بوجهي للغرفه
ام زينه: تعاي تغدي
زينه: مجوعانه
ام زينه: من احاجيج ديري وجهه وجاوبيني
زينه: مجوعانه
ام زينه: زينه لاتباوعيلي هيج
زينه: انتي كلتي باوعي اندار تكولين تحجين ومتباوعين عليه
ام زينه: نزلي عينج بالكاع زينه وجاوبي عدلي
زينه: حاضر تؤمرين بشي ثاني حضرتج
ام زينه: حضرتج شنو لج انتي شو صايره كلش فدمره ناسيه لتربيه والاداب
لج اني امج ادبسز طايحه لحظ
زينه: تندرين مكتوب بلوحه جانت لمعرض لفنيه وطلعوها يم غرفه لمديره
مكتوب بيها الام مدرسه اذا اعد
ام زينه: عساج مااكلتي طبج مرض اني صوجي
زينه: اعددتها اعددت جيلا طيب الاخلاقي
مخلتني اكملها وعافتني ده تطلع كملت لجمله
يعني انتي هسه مدرسه الي
جانت ده تطلع وتسد لباب
فتحتها وطبت
ام زينه: لج اني اني اااااااااااخ
ادعي الله يازينه متعيشين الي عشته
ومايجي يوم وتتخيرين بين نفسج وضناج
بين نفسج وضناج
زينه: حجت وهيه تأشر باايدها بين نفسج تأشر ع روحها وضناج اتأشر عليه
نزلت وعافتني ذبيت هدومي وتمددت
ضليت مغمضه اريد انام
صعدت امي حطت صينه اكل يمي ونزلت
رجعت غمضت عيني
ارسم لروحي احداث
كأني ده امشي بشارع لمدرسه
شفت ياسين ارسمت ابتسامه ع وجهي وسحبت نفس وزفرته براحه
هنا اني راح اطلع من باب هذا لبيت
راح اخلص من كلشي كلشي
ع هل تخيلات نمت حته احلامي.
جانت حلوه
كعدت من لنوم مرتاحه لصينيه مشيوله بس
اكو ماعون بي لفات وملفوف بجيس
جوعانه اخذت لفه حاسه براحه عجيبه
عندي امل انزرع ومتمسكه بي بكل قوتي
اكل وابتسم
صعدت امي اخذت غراض من لغرفه ونزلت
ومصعدت بعد
لليل صعدت لفات حطتهن يمي جنت اكتب
حطتهن ونزلت
مجنت حاسه بجوع مااكلت فرشت وتمددت ورجعت ارسم لروحي احلام واسافر وياها
-كبرتي يازينه وكمتي تتمردين
بس هذا تمرد لا هذا حقيقه جبت عمري كله اخاف منها
اخاف يجي ليوم هذاوتمنيته ميجي
صرتي تلعب نفسج مني
اووووف ياريحتج
ولج يمه ع عمه عيني
اااااخ ياريت يجي هل يوم الي اخلص حسبي الله ونعم لوكيل
ربي دخيلك
زينه: بنومي حسيت ايد تمسد ع شعري وصوت امي تحجي وجانت تبجي
رجعتني من حلم كلش حلو
اسمعها ومغمضه متمسكه بالنومه حته لايضيع لحلم
اليوم خميس داومت بس ورجعت صعدت ابدل امي صعدت لفات حطتهن ونزلت
البارحه ماتعشيت وبله ريوك جوعانه اكلت
باجر جمعه شغلات لفديو وضليت اباوع
الجمعه نزلت سبحت وطلعت لااحد حجاني ولاحجيت ويه احد
تغديت وصعدت شغلت لفديو وغفيت
ام زينه: زيون زيون لج كعدي
زينه: هاها
ام زينه: كومي كومي
زينه: شكو
ام زينه: كومي بدلي ونزلي لولا اوكفي اني اني اطلعلج لاموهذا ولاهذا
زينه: كعدتني امي وفتحت لكنتور اتكلب بالهدوم اني فاتحه تك عين
شصاير
ام زينه: هسه تعرفين دكومي لبسي لبسي يله
زينه: اجر بهدومي بدلت وهيه تركض منا ومنا حطتلي عطروتعدل بشعري
غير افهم وين راح اروح
ام زينه: اللله يتمم يارب دخيلج دتعاي نزلي مااروح خطار يمنه تعاي تعاي
زينه: طلعت من لغرفه لازمه ايدي واجر بيه
ام زينه: سلمي وبوسي لمره ولبنيه وكعدي
زينه: يامره
تحجي ع درج وتضحك عدلت حاجبي بيدهاوطبت لصاله اني وراها كلشي مامفتهمه
ام زينه: هاي زينه حبيبه
زينه: جانت كاعده بس عمتي وياها بصاله
سمر وسديل اصلا مموجودين طلعو ويه طه
-ماشاءالله ماشاءالله
زينه: تقدمت سلمت وكعدت جانت مره كبيره بس مو هواي وياها بنيه شابه
-لاماكذب ياسين كال حلوه وتعجبج والله
ام زينه: الله يحلي ايامج
زينه: ياسين
ام طه: يعني انتو جايين بموضوع خطبه
زينه: عمتي حجت وبضحكه وهزت ايدها
امي سكتتها
ام زينه: شرفتونه عيوني
-تسلمين حبيبه احنه جينه نتعرف عليكم ونشوف لبنيه
هاي هم جنتي هاي مرت لجبير
ام زينه: الله يحفظهم
-الله يسلمج اي فكتلج جينه نتعرف عليكم
حته انتو تعرفون احنه امين لان مصارلنه هواي بالمنطقه ذاك ليوم كعدنه حته اندليكم وين جنه تسئلون علينه
ام زينه: لاحبيبه ميحتاج ولد الاصول مبينين
ام طه: بس زينه محج….
ام زينه: هههههههه يااهلا وسهلا
زينه:
جنت كاعده كبال امي شفتها كرصت عمتي وضحكت وتحجي وياهم مخلتها تكمل حجيها لعمتي
صحيح كاعده ع قنفه بس احساسي جنت طايره فوك لغيوم
وده المس لغيوم بيدي طايره مثل لطيور