#بلاعنوان
البارت الثاني عشر
ل وردالعامري
زينه: اول مطبيت للمدرسه طلعتها حطيتها بنص كتاب واكو صف فارغ
رحت بيه. جان ضرف مكتوب بيه
رساله الى…… ممكتوب اسم
فتحت لضرف
بسم الله الرحمن الرحيم
السلام عليكم ورحمه الله وبركاته……
تحياتي وسلامي اما بعد…..
اني اسمي ياسين
صار اكثر من مره اكتب رساله
وامزقها لعدم معرفتي مااذا اكتب
اني اريد اعرف اسمج شنو
وراقبتج كم مره بس بهوسه لشارع العام ولسوك
وانتي تمشين سريع ماالحك عليج
اني ياسين م 67
حاب اتعرف عليج واعرف اسمج
اذا موافقه
انتضر منج رساله
حتى اعرف بالمره القادمه
شنو اكتب برساله
لان هذه الرساله كتبتها بصعوبه
لكن. اذا وافقتي
الرساله القادمه اكتب بها الي يعرفج عليه اكثر
تحياتي
ياسين
زينه: رجعت لرساله بضرف بس جنت فرحانه
رغم انه مكاتب غير اسمه وانه يريد يتعرف وبس
دك لجرس وبده دوامي الي صار
طبيعي كالعاده اكضيه صفنات
لكن هل مره صفناتي ببتسامه
طلعت وشفته واكف ابتسمت من غير
مااحس انرسمت ابتسامه ع وجهي
وهوه رد الابتسامه ودنج
رجعت للبيت وصعدت بسرعه فوك
وقريتها اكثر من مره وضميتها بين لكتب
صعدت امي اخذت هدوم. لمدرسه
ونزلت وراها
اتغديت.
باجر جمعه
حته. واني اكل جنت ابتسم. ليش وع شنو ماعرف
طه: بسسسس شبيج
زينه: رفعت راسي جان منتجي ع سنك
سوه بس وبرفعه راسي غمز واشرلي بيده كال شبيج
مجاوبته
طه: يمه جوعان ييييمه
ام طه: هاها هسه فاتن تكمل لهدوم وتصب
طه: جوعان اني وفاتن. تغسل هدوم صبيلي
ام طه: هسه اصب
كومي زينه صيحي سمر وسديل خل يجن يتغدن
زينه: كمت رحت لغرفتهن اكوصوت تلفزيون
دكيت لباب
فوووووت
سمر: هاي لدكتوره عشتو جايه للغرفه
سديل: تؤ ههههه فوتي زينه
زينه: عمتي تكول تعالو تغدو
سمر: ههههه تردين لان عينج عل جدر صارت
زينه: لا
سديل: تعاي كعدي ليش واكفه هسه نطلع كعدي شبيج
زينه: جانت سديل رافعه ثوبها مطلعه رجلها وسمر اطلع من لجدر وتسوي بيدها
وتلزكه برجل سديل كعدت اريد اشوف شديسون
ولتلفزيون جانو عالكين فديو فلم
كعدت اباوع
سمر: شوفي شلون تهز هند رستم
زينه: عله حجيها التفت. ع تلفزيون
جانت ممثله تركص
سديل: تعرفين. تركصين. زينه
زينه: اني لا
سمر: زينه تعاي
زينه: جنت كاعده ع جربايه
كمت رحت يمهم هنه بالكاع جانن
سمر: كعدي شبيج
زينه :كعدت يمهم
سمر: اطيني ايدج بله
زينه: ايدي
سمر: اي ايدج. عشتو شبيج جيبي
زينه: لالا
سمر: سكتي لااجرين ايدج ولج انتضري
زينه: لاهذا لزك جنه دبك.
سديل: عههههههههه ع كيفج سمر خطيه
سمر: خطيه شنو اولها وتاليها تتعلم
زينه: ااااااي ايدي
حطتها ع ايدي ولزمت جف ايدي حيل
وفرشتها وشلعتها بس ايدي اذتني.
سديل: ههههههههه خطيه ليش هيج قوي
سمر: حته تتعلم. هههههههه
سديل: كامت تبجي ولج شبيج
زينه: ايدي
سمر: دشوفي ايدج شلون طلعت منا بيضه
يحماره جيبي اسويها الج
زينه: مااريد ايدي توجعني
سديل: عوفيها كملي رجلي
سمر: ولج تعاي فرصه هاي طاخ عقلي عليج
زينه: لالامااريد
ام طه: وينجن الغده عود دزيت زينه عشتو
شبيج. مجلبه بيها
سديل: تريد اسويلها ش…… ه
وهاي تخاف متقبل
ام طه: لاعمه متخوف انتي بنيه لازم تتعلمين ع هيج شغلات
زينه: لالامااريد سمر جانت مجلبه بيه واني اتقاوه وياها اجر بيدي
حطتها ع سريع ع ايدي واني اجرجر بيدي
وجرتهاا بسرعه
عطت ااااي
سديل: لج. موهيج خطيه راح. تزرك. يولي
ام زينه: هاي شكو هل صوت زينه شعندج هنا
سمر: تبجي لزعطوطه
زينه: كتلج ماريد
ام زينه: لاسمر لاتعلميها هيج شغلات
ام طه: فوك ماتعلمها ع نضافه
ام زينه: بعدها وينها ووين هل شغلات
كومي ولي صعدي
سمر :اصغر منها واسوي اني ليش هاي بالعمر
ام. زينه: اني. مااريدها تتعلم ع هيج شغلات
كومي صعدي شبيج
زينه: كايمه كايمه
سديل: لابس صدك اذيتيها سمر ولج لاتبجين قهرتني اوووي
سمر: كزه اسم الله
ام. طه: ولج علميها غير ام انتي شوفي وجهه حاجبها الزمها اعدلها
ام زينه: عبير معليج بيها صعدي فضيني
زينه: بجيت لان جرت ايدي حيل وامي طبت اصيح
طلعت من لغرفه
طه: هههههههه لاتبجين هاي مو سمر وسديل كدامج
زينه; عفته يحجي وصعدت للغرفه
فركت ايدي
بس تفاجئت ان جانت ايدي من جهه
حلوه وناعمه وحته بيضه جانت
بس توجع
لمكان الثاني جان احمر لان حيل جرتها سمر
ام زينه: شعندج يمهن انتي
زينه: عمتي دزتني اصيحهن ع غده
ام زينه: اصيحيهن مو تكعدين. يمهن وماخذج لواهس
زينه: سديل كالت كعدي
ام. زينه: لاترادديني زينه متوصلين يمهن وانتها
لاتباوعليلي هيج
زينه: لااضربيني مسويت شي اني
ام زينه: اول تالي زينه ادفعين ايدي
زينه: لااضربيني اني ماسويت شي غلط
ام زينه: لاغلط غلط من تكعدين يمهن
زينه: واذا كعدت يمهن شيصير
ام زينه: ايصير هواي لاتتقربيلهن لاتكعدين بمكان هنه بيه
زينه: هههه ماما تره اني كاعده ابيت هنه بيه
اذا كعدت يمهن اواذا مكعدت فكلنه احنه كاعدين ببيت واحد
ام زينه: لاصح كلنه بنفس لبيت
بس بس يعني اااا بس لاتختلين بيهن وانتهه
زينه: امممم ماشي حاضر ماما تردين مني شي بعد
ام زينه: تعاي لج شنو هل اسلوب شنو تردين شي بعد وفاتحه عينج بوجهي
زينه: سئلت حته اذا متردين شي اريد انام
ام زينه: زينه حاجيني عدل وعدلي اسلوبج
زينه: حاضر ممكن انام
ام زينه: نامي يمه نامي نامي
زينه: كلشي محاسبه اوووف تمددت وامي ده تطلع
ام زينه: تعاي ولج اذكرت شنو ناطيتها ايدج وماخذج لواهس
زينه: هيه جرت ايدي
ام زينه: ومتعرفين. توخريها بس ليش توخريها انتي ماخذج لواهس ع هل وضعيه
سمعيني وفتحي عينج واذنج زين زينه
لاعبالج. هاا شويه طولتي عبالج. كبرتي عليه
اكسر راسج ماالج علاقه بهل شغلات ولاتفتحين عينج عليهن
عينج خليها ع دراسه وبس مفهوم
زينه: امممم
ام زينه: جاااااوبيني عدل
زينه: ماشي مفهوم مفهوم
صيحت عليه ورادت تضربني
عافتني ونزلت
شسوي اني غلط يعني
اخ ايدي بس حلوه صارت منا ايدي ههههه
شغلت تلفزيون وكعدت اباوع واذكرت الفلم. الي جانو
مشغليه
فاتت ربع ساعه وصعدت امي
تمددت
ماما
ام. زينه: خيرر
زينه: ماما. حبابه. والله اضوج صايره وحدي من اكمل دراسه
ام زينه: اي وشتردين. تردين تكابليلي سمر وسديل
زينه: لالاوالله حبابه اشتريلي فديو
ام زينه: فديو
زينه: اي عفيه ماما عفيه عفيه
ام زينه: وخري لاتبوسين ههههه سهله تدللين
زينه: شوكت
ام زينه: من اشوف لشهاده
زينه: اهووو. يعني ل اخر السنه
ام زينه: لا مال الشهر هذا
زينه: ماما والله ناجحه حبابه والله كلهن الامتحانات نجحت بيهن
ام زينه: دوخري والله كريم
زينه: اووووف
ام زينه: لاتتأفأفين استغفري الله
زينه: استغفر الله
عافتني ونامت واني هم نمت
خلص لنهار وصبحنه جمعه وبين فتره وفتره اطلع الرساله اقراها
السبت طلعت للمدرسه جان واكف بركن فتت من يمه بس كاتمه لضحكه كوه
شفته يباوع عليه
استحيت اني هم اكتب
طلعت من لمدرسه جان واكف
فتت من كدامه
-قريتي الرساله
زينه: مجاوبت بس احس رجلي صارت تركض بسرعه بسرعه
غصبا عني كمت احس روحي اركض
ايدي عركت وكلبي يدك بسرعه
شفت روحي كدام لباب ضجت
ليش هيج بسرعه مشيت
طبيت واني مقهوره
تلكتني امي وده اصعد ابدل مقبلت
كالت تغدي يله
صبت لغده امي وصعدت
تغديت. وغسلت وصعدت شفت طه
بغرفتنه وامي
ام زينه: وهاي لفديو شتردين بعد
زينه: ههههه صدك
طه: ممصدكه. ههه ربطه ع تلفزيون وافلام. بس ذني جبنه وامج رادت كارتون اكثرهن اخذنه
ام زينه: اي اني جبت ذني بعد انتي شتردين اندز طه ايجيب
زينه: انتي احله ام بدنيه كلها
ام زينه: هذا لحضن. كله ع فديو هههههه
طه: زينه اجيبلج افلام عندي لممثل ولممثله شلون يحبون بعض ويعيشون سوه ويز..
ام زينه: لالا عيني اذا رادت اني ادزك لو. اروح. اني.اجيبلها
شوفي جبتلج كارتون ههههه
طه: خاله كبرت تره زينه ياكارتون بعد
زينه: لاحلوات احبهن بس اريد فلم شفته عد سمر لممثله شكد حلوه جانت وتركص و
ام زينه: وشلج بي
زينه: اشوفه شبيج بس اشوفه ردت
طه: اني اجيبلجياها شسمه
زينه: ماعرف
ام. زينه: لاطه انزل عيني تسلم تعبتك
طه: لاتعبكم راحه زينه اني راح اصعدلج. افلام وشوفيهن وياهوه الي تردي اخذي
زينه: امممم
امي. بس تريده يطلع ده تسد لباب
ام زينه: زينه لاتندميني جبتلج فديو شنو تركص شنو هل حجي موعيب
زينه: ماما. والله بس ردت اشوفه هيه جانت كلش حلوه طويله و
ام زينه: بدلي بدلي واسكتي موصوجج صوج الي جابته لهذا لمهجوم
تصبيره بسيطه ده اشوف التفاعل شلونه حته
انزل اكثر. واكثر ووووو اكثر