#بلاعنوان
البارت الرابع
ل ورد العامري
طه: كعدي لاتخافين زينه كعدي
سمر: وهسه شلون حضل هاي تون ع روسنه ليش عفتي امها
ام طه: شسويلها كالت اخذيها ونزلوني
سديل: بس اتوقع ترجع مثل ذيج لمره
ام طه: هههه طبعا ترجع وين تروح لااهل ولااحد يلفيها وفوك هذا كله بتها هنا
سمر: اي انتي هم السبب ليش خليتيها وحيدها جنه خلصانين. واحد منهم يروح وياها وفضت راحت
ام طه: غير همه كامو يحجون ع تكعدينه من لصبح ابوج ورجل اختج وين يتحركون
سمر: اف جان تروحين وياها انتي
ام طه: شمدريني هيج حيصير. وبعدين خلتني اطمن الها منهزمت وكاعده وتنفذ وهيه ساكته
سديل: حيل صار شكد من اخر مره انهزمت يمكن قبل سنتين قبل ميدخل خالي للسجن
سمر: اذكر وتالي جابوها جانت ابيت ام هناء خاتله
ام طه: اي بوكتها سوت روحها ام هناء متدري بيها مهزومه
سديل: دختولي موبتها حجت ع اساس فاتن كايلتلها اشتغل خدامه عندج ومااريد بس لكمتي ولكمه بنتي بس محد ايقرب عليه
وذيج مكيفه تكعد تلكه لبيت يلمع والاكل محضر
ام طه: هيه نضيفه ونفسها طيب بالاكل
سمر: بس يمه ولاانسه ذيج الليله من جابوها وطبو عليه يمه يمه من اذكرها
سديل: ههههههه سوو عليها حفله
سمر: ههههههههههه بس عياطها ينسمع ولكتل الي اكلته وجهه انكلب طلعتها امي جنازه تذكرين
ام طه: وجازت هيه يصير خير وداعتجن مردها لهنا درب الجلب ع كصاب تجي والله كريم
سمر: اوي ماما دعوفيها هسه انتو هم اجلبتو بيها ختولي
ام طه: غير يونس يتخبل عليه انوب
سديل: لج بابا مخبله انتي خدامه ابلاش تنضف وتركب وتغسل وفوك هذا ادخل مورد وحلوه الكل يريدها
ليش تعوفها
سمر: وانضل بهل وجع راس لعد احنه
ام طه: هيه هاي نهايتها اوف شمر ع راسي من فتينه جانت تطلع ووره ساعه يرجعوها ويتعاركون ويايه
وشيبت راسي اني وخالج والف تهديد ووعيد يله مشت عدل اني كتلها
ذاك اليوم كتلها تردين دوسه راس ترجع واشوفها هل مره شلون ادوس راسها
سمر: واذا مرجعت
سديل: ترجع وهسه اشوفين
ام طه: ترجع ترجع واذا مرجعت طبها مرض خليها للشوارع
سديل: تتراهنون ترجع
ام طه: ميحتاجلها رهن اذا موبعد ساعه تجي العصر تجي لمهم وداعتجن الليله تنام هنا وهسه تشوفن فاتن واعرفها روحها ابنتها
زينه: كعدني طه وكاعد يمي وعمتي ولبنات كعدن هم بالهول ويسولفن بس جنت مرعوبه خوف اسمعهن واخاف لاتضربني عمتي ع دقايق
سمر: كومي جيبي مي
طه: كومي انتي
سمر; معليك لك
سديل: دعوفيها يمعوده راسي لااصيحون
سمر: مواكولج كومي
طه: متكوم روحي انتي جيبي مي
سمر: هاااااا
ام طه: هههههههه كومي لاتكسرين كلمته هذا رجال البيت تروحلك فدوه امك يمه من هسه رجال
سمر: ضلي دللي بي ضلي
ام طه: ولج عدي العشره هوه هل واحد
زينه: بين لهوسه ولخوف ولدموع وجوع نمت شلون نمت اوشوكت مادري بس نمت
كعدت ع صوت طه كعدني يكولي كعدي اكلي ونامي جنت حاسه بجوع
كعدت بس حاسه بنعاس
اكلت ونمت بس جانت بااحلامي امي موجوده
بس حاسه بتعب وجسمي كله يوجعني
حته جنت بردانه
كعدت ع صوت هوسه
جانت عمتي تصيح ع بنات لبيت وصخ كومن سون عشه لومثل الضهر اندز من بره كومن
كعدت افرك بعيوني
سمر: كومي لج مكضيتها نوم لمدلله كومي
زينه: جتي عليه هيه واكفه واني بعدني كاعده بالكاع دفرتني وتكولي كومي
سمر: كومي مواحجي وياج
زينه: كمت بس لااضربيني حبابه
سمر: يله لج روحي نضفي لبيت
زينه: اني
سمر: اايييي انتي فضيني
سديل: شكو صوتج واصل لسابع جار
سمر: هاي لحيوانه غير مطلعه صوتي فضيها
سديل: شتردين منها
سمر: تنضف لبيت
فضيها كومي
سديل: هيه هاي تعرف
سمر: ليش متعرف شبيها لعد
زينه: والله ماعرف
سمر: تتعلمين هسه شووو كدامي يله لج هاي الوصله ومسحي لبيت ونضفي وغسلي لمواعين يله
زينه: بس هدي شعري حبابه
جرتني من شعري واخذتني وره لبيت محطوطه سطله ووصله المسح
هدت شعري بدفع ضليت واكفه ابجي والله ماعرف
سمر: فضيهاااا
زينه: ع سريع شلتهن وطبيت اذكر امي تحطها جوه البوري مال المي وتغسلها وتعصرها بس خاولي مينعصر
وهيه تصيح عليه طلعت مليان مي حطيته ع كاع واسوي مثل مجانت اتسوي امي
سمر: لج شنو هل مايات
زينه: مينعصر والله
ضربنتي وجرتني من شعري وهيه تصيح وتعيط جتي سديل وخرتها
ام طه: ولج هاي ثوله هيه تعرف اطنها وصله تمسح لغراض سديل انتي مسحي يمه فدوه وانتي الخ هنه كم ماعون
سمر: والله اني مااشتغل
سديل: واني مولخدامه وحدي اشتغل
ام طه: يااا ولجن تعالن انعل ابوجن الك....... د
وانتي الخ تعاي
زينه: رحت وره عمتي عصرت لوصله واطتنياها وعلمتني شلون امسح جانت تصيح لاتفوتين بالمسح واني ماافتهم شنو يعني لاتفوتين
اخير شي ضربتني ع راسي وصاحت غبيه
كملت لمسح بعد الف كفخه انكفخ
بس لمواعين عرفت اغسلهن بس جان هوه لماعون يطخ بالبوري مدري شبي
وانثلم ماعونين وعمتي ضربتني كملت كلشي بس هدومي جانت مي كلها مي صعدت فوك بدلت وكعدت
ضليت ابجي ليش امي عافتني
ليش مااخذتني وياها
صعد طه بعد وقت جايب جكليت وياه
طه: هاج زينه رحت ويه ابويه نسوك واشتريتلج جكليت
هاج هاج لاتبجين
زينه: فات وقت احس راسي يوجعني وجسمي كله ايأذيني ونفسي بصعوبه اجره بس دموعي موكفن اريد امي
صارت لدنيه ليل وامي مراجعه بعدها
نزلت جوه اني وطه عمتي صاحتني سوتلي لفه بالخبزه. وكعدت اكل
بس اكل بخوف لان انعاط عليه واخاف انضرب اللكمه كوه تنبلع ودموعي تنزل ويه كل لكمه
سمر: كلتن تجي
ام طه: بعد وكت هسه يله بال9 وشويه
سمر: ههههه متجي حبيبتي عافت هاي العله ع كلبنه وراحت
ام طه: سمر اكلي وسكتي الي بيه كافيني
زينه: بعدها بيدي اللفه وهمه بعدهم ياكلون اني كاعده ع درج وندكت الباب
ام طه: هههههه كومي سديل افتحي لباب لمرت خالج
سمر: منو يكول
ام طه: اني اكولج كومي سديل
سديل: هسه تطلع هديل عههههه
ام طه: اليوم ابوقيس يمهم متجي
طلعي طلعي
زينه: كامت عمتي وسديل طلعت تفتح لباب واني وراهم يارب امي ترجع يارب صدك هاي امي
فتحت لباب سديل
سديل: هلا لازم ملكيتي احد ايلفيج
زينه: عمتي واكفه
بنص لباب واني لااكدر اطلع لامنا ولامنا حصرت روحي حصر وجرتني دفعتني
ام طه: فوتي فوتي
زينه: ماما
ام طه: ولانفس اخلص عليج
جيتي ست لحسن شرجعج
هااا انكتم حسج ماعندج لسان بعد
سمر: هااا دحتي بشوارع وهسه جيتينه
ام طه: شجابج موكلتي متردين اتشوفينه بعد
ام زينه: جابتني بنتي
ام طه: ههههه عشتو مو مترديها واخذيها فوتي فوتي
زينه: امي جانت وواكفه بطرمه وعمتي ولبنات ايحاجنها ومن صحت ع امي عاطت بيه عمتي حطيت ايدي ع حلكي وبس صوت الشهكه والبجي مااكدره اكتمه
اول ماوخرت من الباب ركضت ع امي
الي حضنتني وتبجي وتبوس بيه
للللليييش عفتتتيني
ام زينه: عمت عيني يايمه لاتبجين جري نفسج يروح امج
ام طه: دطبي
زينه: امي مدنجه عليه حاضنتني بطرمه وعمتي واكفه بباب لمطبخ
طلعت عمتي وصاحت دطبي وجرت امي من راسها من شعرها
فجأه صارت هوسه امي بباب لمطبخ وعمتي وسديل وسمر يضربنها واني بنصهم صرت
انجريت وماعرف منو الي جرني بس امي جانت ابين ايدهن وع عياط اجه زوج عمتي
وصار وياهن يدفر باامي ويضربها ومحد يكدر ايوخرها من بينهم اني ادفع بيهم. وضرب يجيني من كل صفحه جرتني سديل من شعري ودخلتني بغرفتها وقفلت لباب
واسمع بس صوت لعياط والصياح
ادك بالباب وصوتي راح ومحد يسمعني ولااحد اجاني
هوواي وقت فات واني محبوسه بالغرفه
لحد مافتحها طه الي اكثر من مره سمعت صوت ابوه يكوله لاتفتح لباب عوفها فتح لباب بعد ماحسيت صوت مبقه عندي
طلعت ادور ع امي جان محد موجود بس سديل وسمر وطه
ووووين اااامي
طه: هسه تجي راحت ويه ابويه وامي
زينه: وين راحت
طه: مادري هسه يجون
زينه: ضليت كاعده ع درج انتضر امي تجي سديل وسمر نامو وحته طه نام
الساعه جانت الصغير ع5ولجبير ع 10
وانفتح لباب طبت عمتي
ركضت اسئلها ع امي
بس امي طبت وراها جانت تمشي ببطئ ووراها رجل عمتي
وجه امي عباره عن قطعه مشوهه
ماما
ام زينه: اااخ
زينه: ركضت عليها حضنتها عاطت بوجع
شبيج ماما
ام زينه: مابيه شي حبيبتي تعاي
زينه: كادتني بس بالكوه تمشي وبالكوه تحجي
ماما شبي وجهج
ام زينه: وكعت ماما صعدي حبابه صعدي
زينه: عمتي طبت جوه وزوجها جان بالمطبخ فاتح لثلاجه
صعدت قبل امي وامي صعدت ورايه بس كوه تصعد وجانت تبجي وجهه ماكدر اوصفه جان عباره عن طكع زرك حاجبها جان مجروح عيونها حواليها ازرك
صعدنه لغرفتنه
تمددت بهدومها ع فراش تقربت انام ع ايدها مثل كل مره بس بس طخيتها كالت اخ
ام زينه: ماما نامي عوفيني فدوه لعينج
زينه :زين كوليلي شبيج
ام زينه: مابيه شي بس عوفيني ارتاح ماكدر احجي فدوه
زينه: جانت كوه تحجي ضليت اباوع عليها ممفتهمه شي زين وين وكعت مادري بس هيه عمتي ضربتها اي ضربتها بس اني موهم ضربتني عمتي مصار هيج بوجهي
نمت من لتعب وجنت نعسانه اصلا بس كاعده ع درج وافرك بعيوني وكم مره نمت ع درج وفزيت
الصبح فتحت عيني امي ماكو
نزلت جوه جانت تشتغل
ماما
عاااا
من ندارت امي فزيت وجهه جان كله مورم منفوخ وازرك عيونها كوه مفتوحه
جاوبتني كوه حته خدودها وحلكها وارمات
خفت من شكل امي
كعدت وسوتلي بيضه بس جانت تتحرك بتعب ودموع تنزل عيونها ممبين شي منهن بس دموع جانن عبالك مسدودات عيونها
عدت ايام امي متنزل من يصير عرس جوه
وصار وجهه شويه شويه يتحسن
ام طه: يله عيني اليوم نزلي كافي خده وخدر نايمه وتاكلين براسي ابلاش
زينه: بيومها نيمتني امي ومن حسيت بالليل جان اكو صوت اغاني جوه وامي ماكو مو يمي
عرفت امي نزلت للعرس
مشت الايام عاديه طبيعيه متغير شي بيها
بس من رحنه لبابا امي مراحت ويانه رحنه بس اني وعمتي وزوجها
وكم مره رحنه امي موويانه
نجحت من الثاني ورحت للثالث
وصارت لعطله بس امي تواعدني اطلعني ومطلعني
وكضيت للعطله محبوسه بالغرفه مرات انزل الصبح والعصر يصعدوني فوك واضل ع تلفزيون لحد ماانام
ومن اريد اللعب ويه طه اله امي تكون كاعده يله نلعب اني وياه
بس طه هم صاير مادري شلونه
يغلط ع عمتي وع خواته وعمتي جانت تضحك من يغلط عليهم
بس امي تصيح عليه اباوع عليه واسمع شلون يغلط
وصارت تحبسني اكثر
رجعت لمدارس واني كيفت راح العب ويه احد
داومت مدرسه وامي ملتهيه ادرسني واني ع وضهي اتعلمت اضل بالغرفه وحدي
بس جنت افرح بالمدرسه العب ويه الجهال واركض
وبالبيت امي كامت تعيط عليه من احجي ويه طه
اليوم امي نيمتني وره مدرستني
بس فزيت ع فتح لباب وصوت عالم
جان اكو زلم ثنين بالغرفه باوعو ع غرفه وطلعو
امي جانت شكد حلوه طالعه
بس هوسه بالبيت نزلو واني وراهم نزلت جان لبيت ملايان زلم لابسين عسكري
وعمتي ولبنات وزوج هديل وزوج عمتي كلهم واكفين بالممر
ابو طه: سيدي مثل مكتلك عيد ميلاد ابني ومجتمعين بيناتنه نحتفل
-وتحتفل كعائله بهل مشروب
ابوطه: سيدي اني ابيتي اني ونسيبي وحبينه نشرب ممأذين احد ولازاعجين احد
-شنو هاي الغرفه الي وره البيت
ام طه: سيدي هاي لغرفه غرفه ولاده اني اني قابله
-اجازتج وين
ام طه: لحضه سيدي هسه اجيبلك الاجازه
-ذني بناتك
ابوطه: نعم سيدي بناتي وهاي زوجه اخو زوجتي
-وين زوجج
ابوطه: مسجون سيدي
-انعم واكرم خوش عائله والله
ام طه: تفضل سيدي
زينه: كلها واكفه جانو ع صفحه وبس عمتي وزوجهايردون
-العيد الميلاد لهل ساعه يضل
ابوطه: لاسيدي خلص من زمان يعني طفه لشمعه لطفل واكلنه لكيك بس هل لمه حلوه ضلينه مجتمعين ونسولف بينه محسينه بالوقت
-مالكيتو شي
-لاسيدي
زينه: حجو ويه زوج عمتي وطلعو جنت واكفه ع درج واباوع عليهم اول مطلعو عمتي كعدت ع درج
ام طه: اووووف يمه
هديل: لومواصل خبر جان كلنه اليوم بلمتنه مشيولين
ام. طه: سكتي رحمه اجانه باص اوووف نهد حيلي والله
روحن لمن روحن يمه عدت رحمه من الله
ابوطه: موخوش فلم هذا احترك فلمنه هنا يعني
ام طه: اي شوف منو مبلغ
ابوطه: هل ايام كعدو وسكتو ده نشوف شلون تصفه
زينه: يعني جان عيد ميلاد طه وامي مخلتني انزل
بس همه اني حته عيد ميلاد محد ايسويلي
ضجت وعفتهم وصعدت بقهره بداخلي
ام زينه: ياساتر
شبيج جنج وحده ميت رجلها
زينه: اني عيد ميلاد متسويلي بس ل طه اتسون
ام زينه: هههههه لج يمه نامي فدوه لعينج خليني بضيمي
زينه: تاكلون. كيك وماتطوني
ام زينه: لج يمه سكتي باجر اجيبلج كيك بس سكتي
تريد كيك. جان احنه صرنه كيك اليوم وهيه ادور كيك
ولج نامي