#حب بالاجبار
البارت الاخيرررررررررر
ل وردالعامري
عدي: يابه العشه شخباره
حنين: اي هسه عيني راح اروح ويه خاله
نورالبنات يمج فدوه
نور: تعاي انتي يمهن اني اسوي عشه بتج تبجي خطيه
ساره: واني الزم دموعه
نور: لااااا انتي تكومين تلملمين الهوسه واستكاين الجاي يله حبابه
ساره: شوكت ازوج واخلص
عدي: شنو مسمعت
ساره: اكول اكوم المهن واغسلهن وانشفهن هم
عدي: عبالي اخاف عبالج انخطبتي كبرتي
نور: حيلل تستاهليها والله اكو وحده هيج تحجي كدام اخوها
ساره: شمدريني يمعوده قدانزلقت
نور: بعدها امي هستوها ده تبيدي تقلي
واندكت الباب
اجانه لؤي يركض
ادكون رهن هذا حازم
نور: لامااتوقع
لؤي: رهن اذا حازم اذب عليج بطل مي بارد
نور: واذا لا
لؤي: كلشي ماانطي ههههه
نور: هههه بس لنفسك تريد يعني طلع ايشوف منو احنه بالمطبخ صدك طب حازم
لؤي; عدي افتح باب الاستقبال
نور: دخلو ام كريم وابوكريم وقاسم وميثاق وام حازم
هذا صدك يحجي بهل ليل جاي
ساره: ممصدك لمسكين يكولك خل الحك لاتغير رئيها
نور: هههههه
ام. نور: حطن جاي وانتي تعاي عود للاستقبال
نور: اي هسه
حنين: ها عمه اني اكمل روحو نور لؤي يكول حضري بطل جبير اريد من المجمده
نور: هههههه ابوخشم بكيفه وين دموع
حنين: عد حازم لوتشوفيها شلون بس شافته شمرت روحها عليه
ام نور: طبعا موابوها وانوب بنيه تحبب روحها ل ابوها
عدي: نور تعاي انتي وامي يردوج
نور: جيت جيت بس البس حجابي
السلام عليكم
-وعليكم السلام
نور: مطلع سنونه عشتو والله ياالله
ابونور: وين امك
عدي: جايه يمكن تسوي عشه
نور: لاجايه
حازم: صيحها يمعود العشه عليه بس خل تجي
نور: هههههه الكل ضحك ع موقفه
لؤي: عشانه ايكلفك تره
حازم: حاضر والله هسه انشغل واروح اني وياك انجيب عشه ونجي
ام نور: السلام عليكم
لؤي: اوكف خل ايخلصن سلامهن
نور: كاعد كبالي حازم صاير ولؤي يمي بصفي وعدي بصف لؤي
لؤي: اي حازم اني اتعشه باجه
حازم: تدلل والله
عدي: صدك تحجي
نور: كاعده بصفه لؤي شاور عدي كله معليك احنه مقبلين ع زواج
هههههههه
لؤي: شسمعج
حازم: بهاي حقك تدلل اعشيك باجه
لؤي: الله واكبر اذن فرس شسمعك انت اني اكول لنور شسمعج وهيه بصفي ادري رابط فيشه ويايه انت
قاسم: لك لا رابط فيشه يم الي يمك
هههههه
ابوعدي: دكعد ابو الباجه ساعه8 ام نور حضرو العشه
حازم: ابد والله عليه العشه بس كعدي خل نحجي اي شخباركم
ابوكريم: اخبارهم زينين جبتنه ركض ع اخبارهم
احجي بويه ام دموع الشروط شعدج كولي
حازم: واني موافق
-هههههههه
لؤي: ههههه شرطي شيخطر ع بالج هسه بداها بموافق من غير ماايسمع
ابوكريم: اي بويه نسمعج
نور: عمو انتو شفتو الي صار بيه والي مريت بي لهل سبب اريد تتنفذ ماكول لشروط اكول الطلبات الي عندي
ابوكريم: حق بويه والزلمه كال موافق كولي يبعد عمج
نور: اني قبل مطالبه هل شي ولاادخلت بي بس بعد الي صار اثل شرط هن
حازم: لويصبوها ذهب لاتكملين
ابوكريم: شتحجين بويه بعد الصار اذا ردها احنه نتبره منه
خلتنه ناس تأكل ناس وهل بيه كله بسببها
حازم: هل شرط منتهين منه مستحيل
نور: ودراستي اريد اكمل مااكولك اداوم مدرسه لا امتحن خارجي واكمل كليه اذا الله كتب
حازم: من هاي قبل هاي تدللين انقل قيدج لهنا وارتبلج كلشي وحته مدرسات ادورلج تدللين
لؤي: ركزي مدرسات مو مدرسين ههه
حازم: نايب ضابط صرت ع حضي
نور: الي سويته بيه موقليل وخليت خوفه بكلبي منك
حازم: تنكسر اذا امدها بعد وهمه شهود عليه
نور: قبلها هم كلت اريد تكتب تعهد اذا مديت ايدك عليه اطلكني
حازم: اطوني ورقه وقلم ده اكتب
نور: هههههههه
حازم: والله شبيج جيبولي ورقه وقلم ده اكتب
وها هاي كدام الكل لزمت شاربي
موعله رجال اذا امد ايدي عليج بعد
ابوكريم: واني اول شاهد حازم مايلزمك ابوها انه الزمك البت بني شحدك بعد ها
حازم: اتوبه وداعتك عمي
ام كريم: بعد يمه شعدج
حازم: اي كملي هاي بيها ضحكه كولي
نور: لاهذاهوه
حازم: ها بعتبار بعدين
لؤي: بيناتنه شبيييييك
نور: ههههههه اني اعلمك
ابوكريم: هذا بويه هاي شروطج
نور: اي عمي
حازم: واني موافق حته ع هذا الي ماعرف شنو موافق
ابوكريم: هذاهوه يعني بويه زاال الغضب والزعل بعدناه
نور: ان شاءالله عمو
حازم: يله لمي غراضج
ابوكريم: بويه اطي صبر مامصدك شبيك
حازم: هههه اخاف تغير حجيها منا لباجر
ساره: هاااا شكلت
حازم: شكلتي
ساره: سلامتك بس كلتها قبلك كلت ايخاف تغير نور
حازم: اي والله بالهبطه صايرين
نور: والله
عدي: موعليج شبيج
هههههه
نور: اني هسه ماارجع اله تنفذ يله ارجع
حازم: اطوني هسه اكتب وهند موضوعها منتهي
نور: ونقل الاوراق ايتم يله
حازم: ولشرط،الي ماعرفه هم مو
نور: ههه
حازم: انفذ شبيج والله
ابوكريم :الله لايجيب زعل بينكم بويه ويبعد عنكم الشر
حازم -نور: امين
ابوكريم: كوم بوس راس زوجتك وبعد اتحكم بغضبك
حازم: ان شاءالله
نور: باسني من راسي ويتمضحك
حازم: يله لؤي انجيب عشه
ابوعدي: دكعد بابا9:30ياعشه يامطعم
ابوكريم: احنه لاتحسبون حسابنه ولااريد انجربكم
ابوعدي: ابد والله ماتطلع عمي نتعشه كلنه اليوم
لؤي: بس،سمعنه بعشه حازم مشفناه
حازم: يابه باجر الكل معزوم غداكم يمي
عدي: عمتي مابيها حيل تطبخ اريد من المطعم
حازم: تدللون والله
لؤي: ولباجه اهم شي
حازم: ههه وبيدي اطبخها بس ليمك
نور: ايأشر ع راسه وليمك عود احجي وياها
لؤي: حاليا جوعان ومن اجوع اخاف احجي خل اشحن وتدلل
ابوعدي: شكاتل نفسك انت ع باجه ولك
لؤي: يله بله شلون اني بلي لاحكيني
يابه اكلها شنو القصه مشتهيهه يابه
حازم: ههههههههههه والمعنى بقلب الشاعر
نور: لؤي وحازم وتلاكو بس الغاز تنسمع بينهم
احله مابيهم ثنينهم عصبيه وكلب فارغ بضحكه بوجهه ينسه كلشي
كمت اني وحنين وساره وميثاق تساعدنه انسوي لعشه
حازم: نور تعاي شويه
نور: بالمطبخ وصاحني بعدنه مصالحنه
هاا
حازم: اريدج بس احاجيج
نور: اي كول
حازم: موهنا شبيج بهل هوسه
نور:
ها احجي هاي بالغرفه
حازم: ليش مترجعين ليوم
نور: لا نفذ اول
حازم: خرب زين شنو لشرط الاخ
نور: بعدين
حازم: اي شنو دكولي
نور: يمنه لعالم بعدين
حازم: نور الله يهديج رجعي الليله
نور: لا نتخابر اكولك ع شرط يله
حازم: يابه نسمعه وموافقين من لبدايه
نور: شويه ده اساعدهم
شووويه اكولك يااا شلون واكف بوجهي
رجعت وياهم وعشيناهم وطلعو بعدنه الم دك عليه
حنين: روحي اني ويه ساره رروحي
نور: الوو
حازم: اشتاقينه تره
نور: شكرا
حازم: ااااوف لشرط يابه كولي بلكن انفذه هسه وترجعين
نور: ههههه اشرط يعني
حازم: اي امر امري
نور: جدد عرسي
حازم: هههههههههههههههههههه
نور: شكو تضحك مشفت شي من عرسي اني جبته قهر بقهر وياك
حازم: ههههههههه ماعندي مانع هههههه بس لوتمشي دموع حته هيه تزفج ههههههههه
نور: لاتضحك مكلت اريد زفه اني تره
حازم: هاا لعد بس بدله وهلاهل ههههه
نور:لااا حته بدله لا بس تاخدني سفره ومو لسليمانيه اتقشمرني
حازم: بس هيج تدللين وهديه نيشان جديد شتردين بعد
نور: اي نيشان طبعا مولهدوم الي دزيت
حازم: لالا عوفي لااذكرين من حركه كلبي ولج والله
نور: يله الله يسامحك شكول
حازم: نور
نور; هاا
حازم: زين جددنه العرس بسفره والنيشان اشتريناه غير تفحصين لعريس
نور: ههههههههه
حازم: اي شبيج 9شهور ونص هم المكينه اذا اركنت 9شهور اجيم شلون البشر هههه
نور: حازم نفذ واحجي تنقل اوراقي وتلكالي مدرسين
حازم: مدرسااات
نور: المهم وتقدملي طلب ع امتحانات وتسفرني بذاك الوقت الله كريم
حازم: لابغيرتج يمعوده درجعي واكمل كلشي والله بين ماتكمل اوراقج حسبيها فتره فحص
نور: تصبح ع خير
حازم: امري ل الله ربي امر القوي شسوي
نور: ثاني يوم رحنه ع غده عازمنه
ابيت اهله
طبب الاكل كله جاهز بس لباجه صدك مسويها ل لؤي كاعدين يسولفون ودموع بجت رحت اغسل الممه مالتها
حازم: اين المفر
نور: بنتك تبجي وخر
حازم: سكتت هسه بيد امج
نور: وخر هااا شكلنه
حازم: زين تصبيره
نور: تؤ
حازم: بوسه صغيره مال صلح شبيج
نور: لااا
حازم: صغيره شبيج
نور: بعده هستوه ده يبوسني
ساره: نور وين المم..
حازم: من اعيط احد يكول ليش
ساره: اريد الممه دزوني عليها
نور: اني جايه ويه الممه اوكفي
حازم: نعلعلا غيرتج ياساره
روحي ان شاءالله بيوم عرسج وووو و
تنطفي الكهرباء
نور: هههههههههههههه
اتغدينه ورجعنه ثاني يوم نزل لبغداد وضل يومين كمل اوراقي ونقلهن لديوانيه
سوه جواز دموع بس بعد مامستلمه
لؤي حدد عرسه قربه بعد اسبوع اوراقي تقدمت للتربيه بس بقه الجواز بعد مطالع
طول هل فتره اني ببيت اهلي كال اخذج نسوك
مقبلت ردت اني وامي ع راحتي اطلع اشتريت كم شغله وكلت لباقي من بغداد
بس نزلتنه صعبه وين نبقه لازم كلنه ابيت خالي الحنه هنا يسويها لؤي واحلام ابيتهم
ولعرس هم قاعه
سوها الاربعاء حنه والجمعه العرس لان الخميس ننزل لبغداد والجمعه لعرس نزلنه واضطرينه نبقه ابيت جدي قنعتهم ان مروح لبيت خالي حازم مقبل ينزل كال الجمعه الصبح يمكم
الخميس الصبح طبينه بغداد
العصر ارتاحينه وطلعنه اني وساره ولـؤي وحنين وعدي ردنه ملابس اخذت فستان 👗بصلي طويل مستر واشتريت بدله لدموع ولبنات اسوكن ورجعنه الجمعه ساعه 8طب حازم
احنه نركض نحضر روحنه وهمه راحو للحلاق ويه لؤي واني وساره رحنه للصالون يم احلام
جوي علينه رجعناها لبيت عمها مناك تطلع الزفه ورجعنه لبيت جدي من اجه حازم
محد موجود بس بيت خالي علي وبيبي وجدي ومبقه طلعو هوه والولد راح اشتره قاط وماعرف شراد من بغداد وعدي هم وياه جان ينتضره ويزينون سياره حازم ع زفه ولؤي كالوله انغديك بره واروح للحلاق راح وياهم مزينين ورايحين سابحين ومبدلين واحنه بصالون بس محد شايفه بس خالتي ساهره جايه البقيه كلها ع العصر يلتمون متفقين ساعه 3 سلتمون طبينه احنه ب1:30 ماكو احد بعدهم طبو لبسو لؤي ولبسو قوطهم بدو يلتمون جوي بيت خالي قيس
وخالاتي ساهره وسهير جني الباقيات كالو بالقاعه ينتضرونه
اخذنه العريس وطلعنه زفيناهم للقاعه
ثنينهم كمر طالعين كمر وكاعدين بالكوشه
حازم زيان وقاط طالع عريس بيومها
والاهل كلها ملتمه جانت فرصه ماعرف ليش حسيت براحه من فات وكلها تباوع وتسئل
لعيون كأنها جانت متحضره لشماته بس انكسرت
والي جان عنده حجايه زايده بلعها
مجتمع عليه بالمضاهر وبس
فرحتنه متنوصف حفله حلوه بس لازم اكو من يعكر المزاج
الي يجي يكعد ع ميزك ده يعكرك
ام عامر: عوع ولاحلوه لعروس
نور: هاي شنو خاله تخبل ماشاءالله
ام عامر: والله اميلها لؤي احله
نور: ثنينهم حلوين خاله
عامر: شتشتغل حازم
حازم: لعفو مسمعت
عامر: شتشتغل اكولك
حازم: ها مكتب اصباغ وديكور حبيبي
عامر: يعني عامل
حازم: هههه كلنه لعمال تحت رايه الله
لاحبيبي اني صاحب لمكتب
ام عامر: هااا يعني تبيعون صبغ
حازم: انبيع وعدنه كادر يطلع يصبغ
عامر: هاا موموضف يعني
حازم: لاحبيبي الشغل الحر فادني اكثر من الوضيفه
ام عامر: ليش هم جنت موضف
حازم: لا تخرجت ومتوضفت التهيت بااعمال حره
ام عامر: يعني خريج انت
حازم: اي خريج علوم سياسيه
ام عامر: هااااا تستاهل نواره ورده تستاهل كل خير
عامر: سمعنه بيك مزوج ونور الثانيه
حازم: كنت مزوج هسه بس نور لااكوو قبلها ولايجي بعدها احد
نور: شحدك شاورته
حازم: هههههههه الله جامعلي بوحده اربع نسوان شسوي بغيرها بعد
نور: امممم
ام عامر: الله يسعدكم خاله
نور: تسلمين خاله
تماره: راحت لدراسه الي جنتي تحجين بيها يعني
نور: لاماراحت ان شاءالله ناويه اقدم خارجي واكمل
ام نور: حازم اطيني دموع يمي
عامر: ماشاءالله تشبهج نسخه منج تره
ام عامر: هيه بت عدي هم تطيج شبه
نور: اي وتشبه ابوها هم
ام عامر: يعني هسه حازم ايحبج اكثر من ما انتي تحبيه
حازم: اكيد هل شي طبعا كم نورس عندي
عامر: سبحان الله ده ترحين للديوانيه ده تزوجين شلون صدفه
نور: احله صدفه ربي هدالياها
عامر: جنتي هنا ابوج يصيح اريدها تكمل تصير دكتوره
نور: اي
والله بعدين عرفت قصده اثاري جان يدري الحواليه موزلم حته يطيهم فزوجني هناك
عامر: هاااا هيه امي جانت تريدها والله مادري ليش جنتي ترديها
حازم: الكامل الاوصاف كلها تريده
تماره: يعني هسه نور كامل الاوصاف شغلني بعيونه السود ههههه
ام نور: اكيد ليش،نور شينقصها ومتشغلك حازم
حازم: ههههه شاغلتتني وشاغله العشيره لبراسي كلها
ام نور: اي عبالي ههههه
نور: شاورني كلي خل نكوم
ماشي
حازم: من رخصتكم
ام عامر: هااوين
حازم: للعرسان كومي نواره يم لعرسان ناخذ صور
نور: شبيك
حازم: مابيه بس دخت صوت عالي وذوله يسئلون
نور: هااا حسيته ضاج منهم
اخذنه صور ورجعنه كعدنه
ام عامر :نور يمه سؤال
نور: كولي خاله
ام عامر: هذ الي لابسته ذهب لوشبه
نور: لاخاله لحمدلله ذهب
ام عامر: ها ماشاءالله ماشاءالله
هوه جابه يعني رجلج
نور: اي خاله
ام عامر: بس كالو جبير ممبين عليه
نور: جانت تشاورني عود
ام عامر: ايباوع ايكول ششتشاور مرتي
حازم: لالا
ام عامر: اسئلها لنور سمعنه احنه انت اكبر منها اكولها ممبين عليه
نور: خاله حازم جبير بشخصيته وبمواقفه
تماره: لاقصدها امي يعني هسه خطيبي بعده عشريني
اخوتي مثلا
هيج تكولج مبين عليه عشرينات بعده شباب يعني
نور: لادخيلج شتحجين انتي حازم ميتقارن بشباب حازم شيخ الشباب
ويروحوله فدوه هووواي شباب
ام نور: منوكدك عيني
حازم: منو كدي ان هيه مرتي
عامر: يابه ناس ترفع ناس تكبس انتو
هسه نور بت خالتنه قبل مااتنه تعرفها وتشوفها
صعدتها انت للسمه وهيه صعدتك لل….
حازم: متحتاج بكلامي اصعدها للسمه نور
هيه مكانها عالي من غير مااحجي
ام عامر: اي نور حبابه والله كلنه خالاتها ردناها اني من لناس ردتها
بناتنه ذهب والله احنه
اوف ننطي ذهب وناخذ جناين نخاله
نور: لاخاله بيهن لبركه البنات
شاورني حازم نور كومي تره ضجت لصراحه كومي نغير مكانه
كمنه غيرنه مكانه يله خلصنه
ومن ده نطلع رادت رقمي كتلها محافضته
صعدت بسياره
حازم ايسوق وابويه يمه واني ليوره احلام رادتني يمها
جتني رساله
حازم: &سمعت تريد الرقم نور رجاء لاتطين رقمج ل اي احد&
&اعرف لايضل بالك&
عادتها بالفندق رقمج كتلها بس اصعد العروس من انزل
لؤي: متكوليلي شتريدكل شويه موكفتج
نور: رقمي تريده
لؤي: ديري بالج
نور: ليضل بالك نزل المصعد يله صعدناهم اني وساره وخوات لعروس ونزلنه
ام نور: ها صعدتوهم
نور: اي يمه
ام عامر: الله يسعدهم خوش فندق هذا يولي عود حجزو بيه
تماره: اي اي
حازم: ام عدي
ام عدي: ها عيني
حازم :يابه حترجعون ويه قاسم انتو تره
ام عدي: ليش لاتكولي راح تطلع للديوانيه هسه
ام عامر: ياااا شيطلعكم
حازم: لا لا واخذي دموع وياج اليوم ولوزحمه عليج
نور: ليش
ام عدي: هاا اي اي
نور: ليش شكو خالتي لزكت باامي وين متروح وراها بعده ديحجي حازم ويه امي جتي تشوف شكو
ام عامر: يداده انتي ونسيبج. ناس تأشرلناس
حازم: هاا ام منو ام رياض انشغل بالج ع تأشير يعني
ام عامر: هههه لا بس مفتهمت
حازم: لاصدك كذب اني افهمج اشرتلها فوك لان حجزت غرفه هنا
ام عامر: يا حجزت ويه لعرسان
حازم: موكلت حته نور تبلغج بجوده الخدمه والغرف لان شفتج كل شويه تسئليها ع شغله فكلت تبلغج بجودتهم حته تحجزين ل بنتج هنا
ام عامر: ياا وشعدكم انتو والله فلوس زايده هاي يخاله
حازم: نور الرباط خنكني نصعد يابه
نور: ها اي اني اسمع بينهم واضحك طبينه للداخل
تعال ياغرفه شعدنه هنا
حازم: نجدد عرسنه غير
نور: امشي ايجدد عرسه
حازم: موانتي ردتي ماكو احسن من هل فرصه
نور: لا
حازم: ارجعرلديوانيه تره انسئلت هواي من الصبح لي هسه كل شويه محقق ويايه واحد
صعدي يله نزل المصعد
نور: حته هدوم مجايبه شبيك
حازم: هههه احجي حجايه شكبرها صعدي ام هدوم صعدي
نور: يااا ما والله شعدنه امشي نطلع
حازم: عدي دين مال 10شهور اله ويكولك بالفندق احسن واحد يتحاسب
نور: هههه صعدنه فوك الحجز بعد غرفتين عن غرفه لؤي
حازم: اوكفي
نور: شعندك يااا عوفهم
دك الباب
لؤي صاح منو
الاستعلامات استاذ
فتح لباب لؤي
لؤي: شكو شعدكم هنا صار شي
حازم: لابس هاي خالتك يمعود
لؤي: ياخاله
نور: حاازم هههه
حازم: لا لازم نكوله
لؤي: شكو
حازم: خالتك يمعود
لؤي: شبيها منيه
حازم: خطيه يمعود تفتر بتماره تريد تشوف الفندق
نور: هههههههه
لؤي: هههه نعلعلا والله هبطتني
شصعدكم انتو
حازم: عرسان حبيبي وحجزنه هنا لوانت هم مثل ام رياض طب لغرفتك يله طب
حرامات فلوس الباجه
لؤي: ع هل هبطه صدك حرامات
نور: هههههه
حازم :ضحكي ضحكي فوت لغرفتك انت وانتي يله كدامي
نور: خطيه دخل لومداك عليهم الباب
حازم: كلبج ع اخوج طبعا خطيه دفوتي فوتي
نور: بيومها ضحكت ضحك ع خالتي صنف وع كل واحد ضوجه
ثاني يوم الصبح اخذنه لعرسان ورحنه لبيت جدي واخذنه اهلي ورجعنه للديوانيه
حازم: يله اخذ مرتك وانزل ووين انتي البارحه تصالحنه رجعي لبيتج يله
نور: اي خل جيب غراض دموع
حازم: خليها يم امج شكو عليها دموع
نور: ههههه خل اجيب الطفله
رجعت للبيت ووره يومين طلع الجواز
حازم: راح احجز ليران نطلع كم يوم وهناك الجو حلو هسه
نور: بكيفك المهم اسافر اني
حازم: خوش حجي اكول نور
نور: هاعيني
حازم: ليش مانسحل لؤي. واحلام. ويانه انسويها هديه عرسهم ناخذهم
نور: والله ياريت هم ايغيرون جو
اخذناهم وجان جواز احلام ممجدد الله هده الحدود طلعوها بس بعد متكدر اتسافر بي
بقينه حوالي شهر باايران ورجعنه
احلام اول ايام تستحي شافتهم ايصنفون عليها انطلقت
وهمه من يتكابلون جيب بطن واضحك
رجعنه لبيتنه امورنه ماشيه تمام انقلت ام حازم يمنه والبيت ذاك اجره
لان ماردت اكعد بي
من جنه باايران شكيت بروحي بس محجيت شي
رحت ل اهلي وامي جابت اختبارر
وطلعت بالغعل حامل
دموع بعد ايام ع عيد ميلادها محجيت حضرنه للعيد ميلاد وعزمنه اخوته جوي بس سحر ممنوع اطبلي وتخاف من حازم
حمزه رجعها بعد ماحكمو عليه عمامه يرجعها لخاطر اولادها
بس حته خالتها
متريدها وتخاف تحاجي احد بينه
واهلي جوي سوينالها عيد ميلاد بينه
وكلمن راح لبيته
حازم: نامت من التعب
نور: واني هم اريد انام
حازم: تعبتي كلبي ليوم حقج
نور: لاشسويت شو كله جاهز
بس
حازم: بس شنو حبي
نور: من رحت لهلي قبل كم يوم
حازم: اي
نور: عرفت شغله
حازم: شنو شعرفتي
نور: اممم عرفت ان دموع
حازم: غير اتعوف الياخه وتحجي حته اعرف اسمع
نور: ههههههه عرفت دموع راح يجيها يااخ يااخت
حازم: لابربج
نور: اممم راح اتورط يعني
حازم: لاتحجين هيج الحمدلله ربي الف حمد والف شكر الك ربي
لج صدك والله
نور: والله شبيك شنو اول طفل تره عدنه دموع
حازم: نور رحمه الله سبحانه بنتي سنه وراح يرزقني مره ثانيه الف حمدلله
نور: اي شكو عليك. عليه التعب
حازم: اني اساعدج حبيبتي بس كومي بسلامه انتي. والي ابطنج
نور: ولدراسه عيني
حازم: هاا والله مادري
روحي للمدرسات واني هم اساعدج ودموع من ترحين خليها يم امج
لاتشيلين هم شي اني وياج
نور: كل يوم اروح للمدرسات ودخلت تمهيدي
وده اجهز ل اخر السنه دموع يم امي اعوفها وهوه يوديني ويجيبني
احلام اني عليه 4شهور وطلعت حامل ولؤي مكيف خطيه
ساره تنتضر احمد جان مأخر سنه ف لهسه ممتخرج هاي سنه تخرجه ان شاءالله
وبس يتخرج يتزوجون
عليه6شهور ازوجت ساره ومابقه بالبيت غير بس حنين واحلام
واني التهيت باامتحاناتي وحملي حازم ممقصر خطيه يساعدني بكلشي
وحته دراسه ايدرسني
وامي مساعدتني بدموع مرات اوديها من ام حازم تريد تطلع او هيه تروح لهلي لان متعلقه بدموع هواي
دخلت لشهر السابع وصارت عندي خوفه منه
اندكت علينه الباب ساعه 6الصبح
منووو
اني حمزه نور حازم موجود
اي اي لحضه فتحتله الباب وفات
حازم وين
نايم هسه اكعده خير صاير شي
كعدي كعدي هسه
نور: صعدت كعدته
ونزل
وام حازم كعدت ع صوت اني احضر بريوك وهوه اجه بس منضره مومريح
حازم: شبيك تلوب
حمزه: من البارحه بليل ردت اجيك. وخفت اخرعك
حازم: خير شصاير
حمزه: هند حازم
حازم: شبيها طركاعه
حمزه: البارحه نسوان فايتات عليها للبيت ومزيناتها صفر
ام حازم: يمه عزه العزاني شطببهن
حمزه: طابات عليها ومزيناتها
حازم: لعد الله يضرب بحجار
ام حازم: شيردن منها ليش مزيناتها
حمزه: ليش يعني خابطتهن عائله بيت توصل حجي بين هاي وبين هاي وناس متكاتله ووحده منهن مطلكه بسببها وجامعه خواتها وحبايبها وفايتات عليها بليل
حازم: طبها مرض والله بعدايدي ايدهن
حمزه: ولحل
حازم: حليش اني لاالي شغله ولااحد يدخلني
حمزه: واني شسوي بنص الليل خابرتني
ورحت جبتها
حازم: وين جبتها
حمزه :ابيتي لاتباوعلي شسوي يمعود
حازم: والله الي تسوي سوي لاتجيبلي طاريها ولاادخلوني منها للعالم لعد تهجم بيوت الناس شتريد يصفكولها
حمزه: والله حرت كلها هددتها بشغله نور ومفاد بيها هسه شسوي
حازم: والله حمزه انت اصرف لاتجيني ولاادخلني
حمزه: امري ل الله انوب اني بله شي سحر محمل عليها تحمل حتي انوب هند حلو
نور
نور: هاعيني
حمزه: رحمه لهلج اخاف اجيج تالي الليل فرشيلي بالمطبخ امون عليج ماامون ع ميثاق
نور: هههه يا بيتك هذا صدك كذب شنو بالمطبخ
مرات ربك يجيبلك حقك وانت كاعد وناسي ولايمك السالفه
شر اعمالها معافته
ومخربه بيوت جيرانها ومزينين راسها بسبب اعمالها
حازم مدخل ولافتح موضوعها
وام حازم كالت تستاهل عبالي صارت ادميه واتعضت
ودخلنه بدوامه جديده اسمها حمزه كل يوم جاي حمزه متعارك ويه سحر. بسبب هند
اخر شي باع بيتها لهند وباع بيته
واخذ مشتملين واحد بصف الثاني بعاد علينه
حته تكعد هند وحيدها وهوه ابيته هوه ومرته
بصراحه فرحت انهم بعدو لا جانت قريبه كلها بعد 3بيوت بيت حمزه
صارت عندي ولاده وودوني للمستشفى حازم الي يطلك مواني
متخوصر وعاض شفته ويباوع عليه لحد ماطببوني لصاله الولاده هوه ع هل وضع
اجاني احمد حازم من جان ابطني سماه محمد ع اسم النبي
الحمدلله اجه بشهره كامل ومصار بيه الي صار بدموع الحمدلله
حطو بيد ابوه الي ضحكته تارسه وجهه وسجد شكر لله بالمستشفى
طلعنه وذبح لوجه الله وعزم العالم وطاير بيهم ودموع وراه وراه وين ميروح وراه
الله سهل عليه ولادتي وسهل عليه دراستي نجحت ودخلت كليه علوم
داومت سنه واني تركت بسبب اولادي
رغم حازم جان هوه ايوديني وهوه ايحيبني ويساعدني
لكن نكدرت احمد جان صغير دموع تعلمت تروح يم امي او يم ام حازم
بس احمد طفل وبالكليه تجي اوقات صدري يأذيني
ويكولولي يعني جوعان انقهر تركت اني
احلام ولدت بنوته وسموها امل
وراها مباشرتا حملت صار عدها حيدر
حنين صار عدها بنات ثنين ملاك ومريم
اما ام لسان فصار عدها ولد سمته مسار حياتها مستقره ويه احمد لحمدلله
صارت هيه توصل النه اخبار اهل بغداد
تماره اخذها ابن عمها وخالتي كل يوم مدخله بينهم ورايحه جايبه تماره من بيت عيالها
عامر يحجون بضلمه لزوجته علاقات وضرب وهيه يتيمه وبنت عمه
صارو عنده 2ولد بس متعض ولاعقل
محمدخطب مرتين وفصخ واخر شي سافر لجورجيا وسمعنه ازوج وحده تونسيه هناك من المقيمين بجورجيا
خالتي ام عامر رايده رقمي كم مره من ساره وساره مناطيته اخر شي سائلتها مدايني اختج
وهيه المليونين مال ابويه لهذا يومنه ابطنها
ام حازم توفت وعمر احمد جان سنتين
حازم ادمر بعدها جان متعلق بيها من ماتت كام ميدخل للبيت واخر شي بعناه واخذنه بيت جبير بعد فرع عن البيت القديم
بيتنه رجع مثل كل لبيوت لرجعت لهلها بس ابويه استقر بديوانيه وميقبل يرجع لبغداد
سحر قبل متموت ام حازم جتي لبيتي وبينه بس السلام بعد مااعتذرت وحاولت تصلح
جان ردي خلي بس السلام بينه وكل وحده بحالها
علاقتي ويه ميثاق جيده تجيني واروحلها
هند طلعت من حياة حازم للابد وليومنه هذا
بس هجمت بيت اختها وحمزه طلكها لسحر ورجعها مره ثانيه واخر شي ازوج عليها من كثر لمشاكل
الضروف هواي قست ع بيتنه بس مافرقتنه ومن راد يفترق عدي رجع واطه لحنين درس ليومنا هذا لبنيه علاقتنه تمام بيها
الوحيد البعيد عنه ساره سكنت بغداد وتجينه دائما
اما اني اني انغصبت وتأذيت وانقهرت وانجرحت وكلشي عانيت
لكن حازم جان دائما يكولي اخليج تحبيني هيج اجباري تحبيني
وبالفعل صار كل دنيتي غفرتله غلطه
لان كان مدبر والي يقره الرسائل ميتحمل يكملهن
غضبه الغلط واطيته درس
ولحمدلله مصار بينه سوء تفاهم نهائيا بعد
مره كالولي اطي فرصه الطلاك موحل
وكلامهم كان صح حازم يستاهل الفرصه الي اطيتهياه
واليوم عندي دموع واحمد وحسام وعبدالله وسدن
دموع ب2008
واحمد2009
حسام2011
عبدالله 2013
وسدن 2016
وحازم حياته كلها بيهم مايوم اجانه مولود اذا ماسجد شكر وحمد الله
سارونه هسه حامل
واحلام جابت قبل كم شهر اجاهم كرم
وحنين اضن حامل بعدنه ممتأكدين هههه
يمكن قصتي بيها اغلاط هواي بس
ليوم حياتي مستقره حازم يسوه الدنيه عندي
ولليوم ماتغير دلاله لا الي ولا الاولاده
وع فكره موعجوز سبحان الله كأن العمر يكبر عنده بس رقم اما شكل لا الي يشوفه يقدره اصغر
اتمنالكم السعاده واشكر الكاتبه الي تحملتني اني وهوسه جهالي
شكرا حزيلا
………………… .النهايه…………………..
يكولون مايصح اله الصحيح
هاي القصه من اكثر القصص الي تابعت بيها اختلاف اراء
الي مع نور والي ضدها
والي مع حازم والي ضده
زواجهم بده غصب بقرار من ابوها لكن حياتهم مشت
وحبو بعض دخل الشك بينهم
اني مااكول حازم بريء
لكن مجتمعنا هذا خلي نحجي بغير صيغه
مااندخل التعاطف بيها
اي رجل بمكان حازم راح يتصرف هل تصرف
كم زوجه انضربت من زوجها بسبب غيره
او بمعنى اخر كم زوجه معنفه من زوجها فقط لان الرجال قوامون ع النساء
حجه حيله يعلق عليها ادم امبهاته بعضلاته
حازم اتصرف لسبب
اكو يتصرفون لمجرد ان يحس ان رجولته هيج يثبتها
الطلاك بمجتمعنه موحل اذا كان موجود البديل اوممكن ننطي فرصه
مع الاسف الي تفكر بالانفصال حته تخلص من ضلم رجل توكع بضلم مجتمت ضالم ووحوش
ينضرولها كانها فريسه
وهم الذئاب
السبب مو لان مجتمعنه ذكوري
لا السبب وجود اشباه الرجال
لايملكون من الرجوله الا اللقب
حبيت هل قصه لانها بيها رسائل تنبيه
اولا لكل ام لاتسمين فلانه لفلان
ثانيا البنت تدخل بمرحله مراهقه حاولي لاتغفلين عنها ولاتكولين هذا ابن اخ اوخت ادم اناني وتقوده رغباته لاتأمنين
ثالثا لكل بنوته تشوف حبيبها فارس احلامها
ياحبيبتي فارس احلامج لو يحبج ايد الباب
مو مكضيها حبيني واحبج
ولااحد يكول الوضع كلها اهلنه بسيطه
العراقيين اهل الكرم والبساطه ويحبون الستر
الي يحبج يتقدم حته اذا ارفض بس يكفي انه ثبت الج حبه
مو وعد وباجر وعكبه
رابعا يابناتنه شهادتج اهم من الحب
والزواج حرامات انتي طالبه وشاغله بالج بهل سوالف
خامسا كافي السذاجه الي موجوده عند البعض
وهواي انشوف بنص عوائلنه ونسمع بدلي شكو بيها اني بنيه مثلج
لو يكملن شغل تعاي نسبح شكو بيها اني بنيه مثلج
هل شي حرام نبهو بناتكم من الصغر لاتكولين هيه طفله
الطفل لازم تنبني بي اسس ابنيها صح
سادسا كوني قويه اذا حس احد بضعفج ايدوسج
انتي موضعيفه انتي مستضعفه نفسج
سابعا
الطلاق مو حل لكل مشاكلنه
اكو هواي من تكوليله طلاك ايكيف
واكو لايتعض ويريد يبني استره
ومع العلم هذا هم سببه المحيط الي بي احنه
اقرب مثال بنوته
منفصله من زوجها وماخذه حكم ان يتقسط غايبها ويطيها نفقه اولادها
فكل شهر لازم تستلم من دائره التنفيذ
بس هاي دائره التنفيذ شسوي
انتبهو وياي
بيوم الاستلام لازم تروح من الفجر توكف سره يطوها رقم هيه والاف من النساء
وهذا السره ممكن يضل لحد نهايه الدوام حته تاخذ حقها وحق اولادها بالصيف بهل حر
وبشته بنص البرد هيه واكفه سره
مع العلم ان الرجل من يجي يدفع ميتأخر 10دقايق
ويسهلوله كلشي ممكن يخلوه يدفع 50الف بشهر
بعض اشباه الرجال
صارت عدهم سهله
كل كلمه وكال يله شكد اذب بشهر 100/200
اطلك
لويساومها اتنازلي واطلكج
تخلص من ايده تلكه قطيع ذئاب باانتضارها
اني اليوم مع تصرف نور اذا كان يستحق الفرصه
تغاضي مجبوره لسبب لحد ينكره رجاء
مجتمعنه هذا
وهيه ربي يحفضها هيه اوغيرها الي عدها امثال حازم لحد اخر وقت متمسك بيها
يستاهل الفرصه اكوبعض الرجال ينكرص يمشي عدل
وجل من لايخطأ
اتمنه ان تكون القصه عجبتكم
واتمنه اتكون لفتت انتباهكم ل اشيااء ممكن اني ممنتبهه الها
يارب تكونون استمتعتوا بيها
اتمنا لكم كل خير
واتمنا الي نقراه بقصص غيرنه ميصير علينه
ويارب السعاده ل ابطالنه
اختكم ورد العامري
انتضروني في الجزء الثاني
ل تهمتي حبك
دمتم في رعايه الله وحفظه