#حب بالاجبار
البارت الثامن والخمسوون
ل وردالعامري
نور: اااااه بعد مااتحمل
ام نور: يمه تحملي منع تجول ولج وين اوديج
لؤي عدي يمه سااااره ركضي كعدي اخوتج
ابونور: خيرخير
ام نور: بتك ده تطلك
ابونور: بعد وكتها لواني غلطان
ام نور: هيه من السادس تطلك الله يباوع ع حالها اويلي عليج ييمه هسه لوصايره نص بسابع
لؤي: شكوشكو
ام نور: نور حتجيب شلون نطلع نخابر اسعاف شنسوي
عدي: يااسعاف هاي الي تجيج بيا زمن انتي منو يطلع بهل الاوضاع
لؤي: البس ناخذها احنه لبسيها بس ابدل
نور: الوب وكلها التمت يمي بالغرفه ااممممم
ام نور: عمت عيني عليج يايمه الله يسهلها عليج وع هل طفله ربي استئمنتك عليهم ربي
نور: طلعنه الدنيه ضلمه بعدها الفجر ممأذن بعده عله الدقايق ايوكفونه سيطره ويكولولهم حاله ولاده
راح اموت ماما
ام نور: اسم الله يمه لاتكولين هيج ادعي الله يسهل عليج هسه دعائج مستجاب عد ربج ادعي الله يكومج بسلامه
نور: دخلوني طوارئ ولاده بس نحتاج
خدج
ولعبو بيه لعب ساعه اكو خدج ساعه ماكو مكان
اخر شي مع الاسف حته الرحمه بكلوب بعض البشر بفلوس طلعت
بفلوس كالو موجوده وحده فارغه
فتحولي طبله حته ادخل ولاده
جنسيتي ماكو ابيت حازم ولازم عقد الزواج لان ممطلعين جناسي بعد جنسيتي باكر
ويخافون ايدخلوني وجهي بعد بي اثار ضرب ولاجنسيه ولامستمسك
اتصل لؤي بحازم وبلغه ايريدون الاوراق
اني الام متنطاق عندي وميقبلون ايولدوني اله جنسيتي ع الاقل يردون
اخذو جنسيه لؤي لان خلص الطفله الماء المحييط بطفله (مي الراس) انفجر واصلا جيت للمستشفى شبه النزف صاير عندي
طلعت روحي من الالم الي شفته
بس مافارك لساني كلمه ربي برائتي انت اعلم بيها
ربي برائتي منك
ياناصر المضلوم
ياحق حقي اريده منك ياربي
اللهم اني مسني الضر وانت ارحم الراحمين
ياربي انت اعلم بحالي يارب
الموجودات بصاله ع بجي البجيته ومااعيط بس ادعي يارب برائتي كلها التمو عليه
الي تكولي شلون تغلطين هيج بعدج شابه موحرامات
والي تكولي وين جنتي هسه تردين برائتج
من نمتي ج…… ه مفكرتي
والي انقهرت ع حالي وكالت ذوله البره منو اكيد اخوتج
والله اخوتي
-اخاف خطف ماعدها جنسيه تره اروح نتورط
-اوووف زين ابوه وين ياعيني اخاف من هل مصايب الي ده نسمع بيها هل ايام ايجوز اغتصاب
نور: بينهن يفسرن وضعي واني تحت رحمه ربي وبس
دخلت وحده
-عيني نور هاي طبلتها
-ها منو سواها
-زوجها
نور: عرفت اجه ياربي وحدك اعلم بحالي ياربي
دخلت هدوم الطفله
ويه صلاه الفجر
ولدت وطلعت الطفله اشوفهم يضربون بيها ماكو صوت ماعرف شدخلو بحلكها ويضربوها عاطت بس بصوت ناصي كوه طلع منها مشفتها ملحكت انضرها مجرد نضركلهن التمن عليها ولفوها بقماش ازرك الي يلبسه الطبيب للعمليه وحطو مال تنفس بخشمها ولفوها واخذتها دكتوره ووراها سستر دفعت بالعربانه بطل الغاز وطلعت خارج الصاله
شبيها عفيه كوليلي
-مابيها شي ان شاءالله مابيها شي
نور: بس مشفتها
و هدومها ع حطتهن ملبستوها
احجي وحده تباوع ع الخ ميجاوبني
اطتني لستتر هدومها وطلعتني
لازمه هدومها كل قوتي
ام نور: ها ماما حبيبتي حمد
نور: بنتي
ام نور: اخذوها للخدج حبيبتي لاتخافين مابيه شي ان شاءالله
نور: جنت لازمه هدومها كل قوتي رغم مالبستهن بس ايدي تشبثت بيهن
ماشفتها.
ام نور: تشوفيها ان شاءالله ماما تشوفيها
نور: نيموني بصاله ع سديه امي ورايه دخلت
ماما ماشفتها ليش اخذوها اخذوها مصلخه
بارده الدنيه هاي هدومها ملبسوها
ام نور: كافي ماما حبيبتي غير دكاتره هم اعرف لواحنه
نور: فاتت دكتوره
شايله ملف بيدها
اول مجتي بتجاهي
بنتي عفيه مشفتها اخذوها
-ارتاحي وروحي انتي شوفيها بس خلوها بالخدج ترتاح ماما
نور: هسه اروحلها
-ارتاحي هسه
نور: لالااريد اشوفها عفيه
ام نور: لج ماما موزين هيج واكفه هستوج جبتي دكعدي
نور: ماما بنتي اخذوها مشفتها
-تعالي كعدي واني اوديج بس غير نعرف شراح تسموها
نور: اسميها لدقايق اجه صوت حازم بااذني فرح
اسميها دموع
-اسجل موبعدين تغيرون الاسم
نور: لالا دموع
-ارتاحي وروحي للخدج شو
نور: هسه اروح ماما فدوه
سندتلي امي
وطلعنه من الردهه
ماما شفتيها انتي
ام نور: لاوالله يمه مشفتها اخذوها وابوها ولؤي ركضو وراهم
نور: ليش هيج اخذوها
ام نور: بعدها ياماما بسابع يفحصوها ويشوفوها دجيبي لهدوم هيج شايلتهن
نور: لالا عوفيهن
دخلت لممر. جان كاعد ع كرسي مغطي وجهه باايده
لؤي واكف من شافني ركض
لؤي: هاحبيبتي
نور: بنتي اخذوها مشفتها
لمحته وخر ايده باوعلي يبجي جان
بنتي لؤي شبيها بنتي
لؤي: مابيها شي والله اخذوها جوه حته مشفتها شبيج
نور: ردت افوت مخلوني
بس اشوفها
-احنه اندز عليج وادخلين هسه ممنوع
نور: ليش ممنوع هيه بنتي بس اشوفها الله يخليك
-اختي والله موبيدي ممنوع هسه
نور: جرني لؤي رجعوني للردهه كالو شويه واحنه نكولكم وادخلون اشوفوها
الم عندي لكن ممهتمه اله كثر مابكلبي نار
كأني روحي مسلوبه مني ويمكن لويأخذون روحي هم موهيج يصير بيه
ماكدر انام يكولولي نامي ماكدر
شدولي مغذي ضغطي جان هبوط قوي احس بدوخه وعيوني مغوشه ماعرف من دموعي لو من الهبوط العندي
جسمي يرجف لدرجه رجلي الي احسها تهتز واكوم اريد اشوفها كلبي نار مشتعل
صارت ساعه 8واني مشايفتها وع دقايق اسئل ها اروح وينها ويكعدوني
هسه صبري شويه بعد واني صبر مضل عندي
المغذي شلعوه كثر ماتحركت الكانونه رجعت دم
دك تلفون لؤي طلع بره حجه ودخل
لؤي: يمه عدي واكف بره مخلوه يطب راح اروح اني وهوه يبقه يمكم
ام نور: وين رايح
لؤي: بشغله بشغله
نور: اروح اشوفها هسه يقبلون والله خل اروح حبابه.
ام نور: يمه والله ماضل عندي كلب ولج يمه صبري
نور: مااصبر بعد فدوه خليني اروح جانت ساعه 9 بطلعتي فات عدي رغم كل الالم البيه رجلي احسها تركض
ممر ندخل وبعدها الخدج
بعدني بالباب شفته حاضن امه سمعته يكولها متعيش وهيه اصبر بي حسيت حيلي انهد منو متعيش بنتي
محجيت شي
اريد بس اوصل لخدج
ام حازم: الله لايرضه عليج ضيعتيها للطفله راح تروح من وراج
نور: عديت من يمها بس عيوني مفتوحه اذني تسمع بس لساني اربط
جرني عدي وامي اكو واحد واكف بالباب
ده نحاجيه طلعت سستر كلها لطفله دموع تدخل امها
-اي اي دخلي بكلن ترضع
نور: ملكتني الدنيه موكالتلي دخلي دخلت اركض بس اني لبسوني ع راسي وبرجلي ودخلت حاطيها بحاضنه مثل الجام
سادين عيونها شاديها وضوه ازرك يملي الزجاج الي هيه بداخله ناعمه كلش
مشكلين برجلها ابره كانونه ايدها بيها بلاستر ملزوكه
ناعمه كلش شالتها حطتها باايدي
ايدي ترجف متلزم مااكدر الزمها جابت كرسي بنيه بالخدج كعدتني عليه وحطتها بحضني
صغيره كلش يمكن اصغر من اللعبه دموعي متخليني اشوفها زين امسح عيوني بكل قوه عندي وافتح عيني حيل حته اشوفها
-رضعيها بلكن تاخذ منج
نور: لزمتها بنيه ودكتوره ورفعتها عليه حاولت ردتها ترضع ماكو
-اذا تبجين هيج شلون ترضعيها موزين صيري قويه
نور: بس هيه مااخذت متقبل
-نحاول وياها وهيه تاخذ
نور: حاولنه بله فايده واني روحي تروح تشتعل بنار وترجع مصلخه ملمسها ناعم وهيه ناعمه معرفت اشيلها رغم حاولت لكن ايدي ترجف
كرهت رجفان ايدي ودموعي لان مرتاحيت لابشيلتها ولابشوفتها
الدكتور: رجعيها للحاضنه
نور: ليش خليها بعد شويه هسه تاخذ
الدكتوره: تاخذ ان شاءالله ماما بس هسه خليها ميصير انطلعها هواي من الحاضنه
نور: رجعتها ودخلت صوندات يمها نفسها جان سريع يادوب سمعت صوتها ونت بس حته مبجت كثر ماحاولت اتكعدها لدكتوره ونت وبس طلعوني واني عيني عليها
هاي هدومه ملبستوها
الدكتور: خليها هسه متحتاج لهدوم ان شاءالله تطلع وانتي تلبسيها
نور: بس بارده
الدكتوره: لحاضنه دافيه لاتخافين
نور: ابقه شويه بعد عفيه
الدكتوره: ميصير حبيبتي ميصير اطلعها
نور: لالابس اشوفها لااطلعيها
رجعت فتت اشوفها من العازل الشفاف
بنتي حبيبتي
يادمعتي انتي
لاتعوفني اذا عفتيني اموت
اريد اشم ريحتج واحط ع صدري
دمعتي ماما حبيبتي
جنت المس العازل وكأني المسها شعرها اسود عيونها مشدوده وجهه ناعم كلش وشادين عيونها كلها ضايعه
طلعوني وروحي بقت معلكه جوه فتحو باب طلعت واكف عدي امي ع كرسي كاعده
ركض عدي عليه
شمرت روحي بحضنه
اااااااااه بنتي صغيره عدي هل كبرها
ماكدرت اشيلها
شادين شادين عينها
عدي: كافي حبيبتي تصير زينه ان شاءالله
نور: عدي بارده بارده مقبلو يلبسوها اطيتهم لهدوم مااخذوها
ام نور: كافي يايمه كل هل بجي مانشفن عيونج
نور:مطونياها شويه حطوها بحضني واخذوها
ام نور: ترتاح ويطلعوها وتشبعين منها ان شاءالله
عدي: للللؤوووي
نور: جان ممر وباب خارجي يطلعون منها لبقيه الردهات عازلين هل ممر بين الخدج وباب ساحه طلعه
عاط عدي لؤي بديره عيني لؤي نايم فوك حمزه اخو حازم
عافني عدي وراح يركض والتموالعالم ولحرس مال المستشفى التم عليهم فرقهم
لؤي: ناقص شسوتلك ليش هيج تسوي ياكلب
حازم: شكو
حمزه: لك والله مادري مشفته اجه بوجهه عليه
لؤي: متدري ياناقص الارقام ثنينهن بااسمك
نور: الارقام دفعوهم طلعوهم خارج القسم لحديقه بره
اني مثل لمخبله وراهم امي ركضت من جرو لؤي
حازم: ياارقاام لؤي
لؤي: الرقم الي مراسل نور والي عود ترسل كانت منه نور ثنينهن بااسم اخوك
ممعقوله اختي عدها علاقه بااخوك يعني
حمزه: شتحجي انت لاوالله بالقران حازم من كل عقلك
لؤي: هذا الفلم منكم وحق اختي اطلعه من عيونكم والله
نور: حازم جان واكف بينهم بس يباوع ا لؤي وحمزه وحمزه يحلف مثل لمخبل
ويصيح كذاب
العالم تفك بينهم ولحرس ادفع ادفع طلعوهم للشارع واني ممفتهمه غير الارقام بااسم حمزه
شلون مادري ام حازم وراهم تتعكز بعكازتها وتصيح
ام حازم: بت ابليس راح تتكتل الاخوه بسببها
ام نور: امشي شطلعج انتي
نور: شيحجي لؤي
ام نور :اني ادري يايمه شيحجي
نور: كعدتني امي ع كرسي وتلفونها ع اذنها والولد كلها اختفت لاعدي ولالؤي
الشمس حاره جانت
دخلنه ليجوه وع ردهه غراضنه هناك شافتني الدكتوره رزلتني
وين جنتي شلون تكومين اجيت افحصج ماكو شلون اوقع الطبله مالتج
نمت ع السديه فحصتني
-تكدرين اطلعيها
ام نور: ولطفله
-الطفله تبقه بالخدج متكدرون اطلعوها
نور: شلون نعوفها
-ميصير اطلعوها لطفله ضعيفه حالتها ماتتحمل تطلع من الحاضنه هسه
نور: عافتني وراحت وبس متطلع وميصير
مااعوفها ماما
ام نور: منعوفها بنتي اني ابقه وياها اطلعين انتي ترتاحين وتجين
نور: لالااني ابقه وياها
ام نور: لج ماما وين تبقين هوه اني ميخلوني افوت هيج راح ابقه رجعي للبيت انتي
نور: ماارجع اذا مينطوني بنتي
عدي; هاا شكالولكم
ام نور: شكو ولك شبي اخوك
عدي: مادري اكدر اطلع نور
ام نور: اي كالولها طلعي ليش تريدها
عدي: لؤي كال طلعها يريدها
نور: وبنتي
ام نور: لج ماما بنتج عدهم تصير زينه وناخذها
عدي يمه فهمني شنو حمزه شبي لؤي مده افتهم اني شي
عدي: اني نفسي مادري لاتسئليني شي ابنج بسياره مخلوه ايفوت لان سوه مشكله
راح اطلع نور وانتي ضلي كملي اوراق الطفله شوفي شيريدون
نور: ماعوف بنتي عدي
عدي: اني ارجعج لؤي يريدج فضيني لايسويله مشكله ثانيه عايفه بسياره تره
نور: اركض ولاكأني ولاده جديد كلي الفجر ولدت مرات الضيم ينسي الالم والتعب
طلعت غصبا عني وياه بعد ما امنت امي الف امانه ع بنتي
صعدت بسياره لؤي ده يخابر جان
-لاهذا هوه عاشت ايدك لالامثل مكلت اكله عليك امر القاء القبض
تعبتك استاذي العزيز
لاوالله مقصرت امرلك للمكتب ان شاءالله هديتك اجيبلكياها حبيبي حبيبي الله وياك
عدي: غير تفهمني شصاير عاد
لؤي: لك الارقام ثنينهن بااسم حمزه اخو
عدي: اي يعني شنو
لؤي: لك شنو الشنو انت غبي يعني فلم همه مسويه ليش ثنينهن بااسمه اله اختك عدها علاقه ويه اخو والا..
نور: لالاوالله اني حته مااشوفه لحمزه ولااحجي وياه
عدي:زين شلون عرفت انت
لؤي: شلون عرفت فلوس تلعب دور ومحامي يركض طلعلي المعلومات
عدي: وهسه شسوي
لؤي: شسوي نوصل للبيت وتعرف
عدي:
لك انت ليش متحجيلي ريح كلبي
لؤي: مااكدر احجي خليها هيج شلون هسه انصدمتو احسن
الطفله اطمنتو عليها
عدي: امك يمها ضلت
لؤي: يصير خير والله لااهجم بيوتهم ع راسهم والله
عدي: زين شلون لتلفون صار ابيت اختك
لؤي: هوه هذا هنا اللغز الي لازم نعرفه
عدي: يعني معقوله يكون حازم متفق وياه ومسوين هل فلم
لؤي: هيه هسه تبين حبيبي
موبعيد سواها حته يدك الناقصه وياخذ الطفله
عباله ع كد ايده احنه
عدي: ساعه السوده ع هل زواجه هاي
لؤي: موصوتي انبح منو سمع
نور: معقوله حازم يفكر هيج زين ليش شسويتله حته يبعدني عن بنتي
بس بس هوه حته لبنته مهتم وضربني
عقلي راح يوكف شيتحمل هل عقل بعد
جانوو يسولفون واني مستمع بس وافكر بكلامهم
طبينه فرعنه باب بيت حازم مفتوح وهوسه بطرمه
لؤي: اوكف هنا
عدي: شعندك
لؤي: نزلني هنا واخذ اختك وروح
عدي: خل نوصلها واني ويا..
لؤي: روح شعدي بين متنزلون تلكاني يمك اتوكل
نور: لؤي نزل يم بيت حازم واحنه طلعنه للبيت
فتت تلكتني ساره
ساره: حمدلله ع سلامه حبيبتي
نور: تسلمين
ساره: وين امي ولطفله لعد
نور: بالمستشفى مقبلو يطونياها
ساره: ليش
نور: مادري مخلوني حته ابقه يمها ساره صغيره كلش
ابونور: هاا بابا حمدلله ع سلامتج
ساره: ممطلعين لطفله بابا
ابونور: عادي بابا ايخلوها كم يوم بالحاضنه وتطلع
عدي وين اخوك
عدي: اجه رحت ده اشوفه اجه هوه
ورايه
ابونور: فهمني شكو شو خابرني كلشي مفتهمت
لؤي: هاا موكتلك لاتجي
عدي: شعندك نزلت يمهم
لؤي: رحت نصحته كتله لاتبات ابيتك اليوم امر القاء القبض عليك سويت كلت يهددني بالقتل
ابونور: لك شكو تكمز بنصنه واحنه مثل العميان فهمني شنو هل حجي
لؤي :الارقام طلعن
ابونور: افتهمتها لهاي وبعدين
لؤي: شنو بعدين هسه هيه تبين موبعيد نسيبك متفق ويه اخوه ع هل حركه كلها
*******حته لاتكولون انجلطنه راح اكمل من غير مااقطع لبارت هم خطيه انتو 😁*****
لؤي :هسه عاد تبين الحيه من الزاغور
نور: بعدنه بالمطبخ اندك الجرس طلع عدي
لؤي: تعالي
نور: هاا
لؤي: التلفون شلون صار ابيتج
نور: والله مادري
لؤي: اهل حمزه ايطبولج
نور: لالا ابد
لـؤي: هسه تبين عاد
نور: رجعت للمطبخ منو ساره
ساره: حازم وقاسم وحمزه
نور: فاتو
ساره: اي اي عدي فتح باب الاستقبال
نور: ملحكو يكعدون
حمزه: يابه والله وداعت جهالي الارقام مالي شغل بيهن
ولاحته محاجيها لنور بيوم اذا اشوفها ابيت اهلي بس السلام اسلم واطلع
وبعدين مرت اخويه هيه شتحجون انتو
لؤي: والله اني مثل مكتلك سويت عليك تبليغ مهددني بالقتل وامر لقاء لقبض وانت والاربعه ارهاب بعد وهيه تايهه وضل انت ولدوله لحد ماينعرف فلمهن شنو
حازم: شلون جزمت الارقام بااسمه
لؤي: لاحبيبي مجزمت هاي الاوراق مال السيم كارتات اصلا بااسم اخوك بعد شوف شنو الاتفاق الي تم بينكم الله واعلم
حازم: شتقصد
لؤي; والله فهمك كافي الفلم مسوي انت واخوك ع اختي
حازم: اتفق ع مرتي شبيك انت
لؤي: والله لعد فسرها الي عدك علاقه ويه اختي حمزه ومندري احنه حته نعرف نصرف ابتنه وانت كدامك اخوك بعد
حمزه: وكتاب الله نور ع كد السلام حاجي وياها اكمع جهالي
نور: اندك الجرس
نباوع من الشباك اني وساره طبت سحر مثل لمخبله
سحر: وينهم
نور: عدي طببها اني رحت للاستقبال حالتها فزعتني تركض وخدودها مخرمشه
سحر: ماله شغله حمزه عيني دخيلكم لاتحبسوه والله ماله دخل هوه
لؤي خويه ابوس رجلك لخاطر جهاله
والله ماله غرض بالصار هوه اني اني طلعت السيم كارتات بااسمه هوه ميدري ابوس ايدك
لؤي: استغفررالله بس ف
حازم:شتحجين انتي شجابهن لعد لنور
لؤي: والله يااختي اذا معرفت حقيقه تهيمه اختي كفيلج الله لو يطلع بي ختم وفسفوره اسجنه اسجنه واذا طب منو يطلعه بعد
سحر: هوه معليه وداعت جهالي لاتسجنه فدوه بركبته جهال وين يرحون
لؤي: ادري منو الي اله غرض لعد غير نفهم اذا انتي مطلعه السيم كارتات شوصلهن لبيت نور
سحر: اني اني وهند اني وهند والله هيه غصبتني وحق كتاب الله اني ماردت هيه زنت عليه ماجنت ادري راح توصل لهل مواصيل ولاهيه والله ولاهيه
من شافت حازم كبرها وراد يذبحها لنور دكت تنتخي بيكم
والله مجنت ادري هيج حتصير ردناها تتطلك وبس
نور: الدنيه فرت فره سريعه بيه كأن الكره الارضيه كلها اندارت. وشمرتني شمر
حازم رجع وسنده قاسم كعد ع كرسي عيونه ارفعت عليه
ماعرف احساس شلون اوصفه
جنت مثل الي علكوله مشنقته وبااخر وقت فتحوها وكالوله روح انت بريء
نضرات الي بعيونه
حسيتها تشلع سهام من صدري تنبت بصدره
اللله ياطعم النصر من ينتصر مضلوم
الله ياربي شكد حلوه رايه الحق
شكد حلوه لعيون الي تباوعلك بكسر وتترجه منك النضر
لؤي: يعني هذا لفلم كله سويتيه انتي واختج
سحر: هيه جبرتني والله كالت متتأذه بس انطلكها
عدي: وشلون وصل لتلفون لبيت نور
سحر: هيه هند هند اطتني لمفتاح واني طبيت ضميته ابيتهه
لؤي: والطراطير الي جانو نايمين يمج ويمها محسو عليجن تهجمن بلد انتن
اخخخخ مره مااكدر اسويلج شي بس اللوم مو عليج اللوم ع شوارب الزلم اذا يتسمون زلم وحاويجن
يله برررره
والله ابن امه الي ايبات ابيته اليوم اشوفكم
بعرض منو اندكيتو وشرف منو ردتن اتلطخنه
اختي اشرف منجن وتاج عله روسجن انتن وزلمجن والي يتشفع الجن هم
ابوعدي: طلعو بره ولمحاكم نتلاكه بيها
ولانفس اطلع بره اااخ كله من ايدي
بره
لؤي: نتواجه والله كريم وهاي شواربي اتنومس بيها بس الي حاوي هيج نسوان عنده خيركم ايروح ايزين شاربه لانه موكد الشارب الشايله بوجهه