#حب بالاجبار
البارت الثامن والاربعون
ل وردالعامري
حازم: لان كذبت وغشتني خلتني بموقف
موقف سخيف
موقف اكون بي
نور: عاط من كتله انت السبب وصار كبالي
حازم: موقف احجي بي واشوف بعيون لمقابل نضره تكذب الي سمعه مني
وهل شي يحز بصدري لان بحياتي معرفت اكذب
ولامشيت بطريق لكذب
سويت لمشكله لان تعبت
ونضحك عليه ولوجنت ادري حيصير هذا كله
نور اذا احجي منا لصبح مراح تفهمين
راح يضل اسلوبج نفسه لومهما اسوي راح تبقه نضرتج الي نفسها
لان الي متفهم من تصرفات لمقابل وتحمله وتبريره ع الي صار
مراح تفهمني هسه
وتعرفين غلطي شنو
يااااااللللللله
روحي ارتاحي نور روحي
نور: جانت عيونه بعيوني مكدرت انزل عيني ولااعوفه مثل كل مره
منضره شكله انفاعله خلاني انتبه عليه
دار وجهه وصاح ياالله ورجع كعد كلي روحي ارتاحي
كلام لؤي ابالي خلانه اصدك الي كاله بس هم يبقه هوه لمسؤل بنضري
لومن البدايه محاجي ميصير هذا كله
ليش حياتي كل يوم تزيد حيره اكثر
رحت للمغسله غسلت وجهي ورفعت راسي ع مرايا
شفت ايام بحياتي مجنت اتوقع اعيشها ولسبب منو
السبب ابويه لو لقدر مثل ميكولون لو حازم لواني لوالقسمه ولنصيب
ده اصعد
حازم: امري ل الله اروح اجيب عشه من بره هوه اخرتنه عشه من بره حته بيض سلك ماكو
نور: واكف بباب لهول ويحجي
لاوالله
حازم: والله متت جوع شسوي اروح اجيب عشه اذا بيضه متعرفين تسلكين امري ل الله
نور: لاوالله ومنو كلك ماعرف هسه اسوي عشه
حازم: تسلكيلنه بيض يعني
نور: لاتتمضحك هسه اسوي عشه
حازم: ههههه تعاي تعاي لادكين ع صدرج واني واني وتالي تحركين الاكل
نور: هسه اتشوف وخر
نزلت ده اروح للمطبخ
حازم: تعاااي اشاقه وياج اصلا لثلاجه مابيه مسواك
نور: ايدك
حازم: ههههه وخرت ايدي راح اصعد ابدل واطلع سدي لباب ولوتنهجم لاتفتحيها مفهوم
نور: اممم
جرني من ايدي من كال تعاي غريب امره عصبي جان وبعدها حجه ويايه بطريقه معرفت افسرها وهسه يضحك
صعد ايبدل واني كعدت بالهول دك تلفونه
حاازم تلفونك
حازم: سمعت نازل نازل
نور: قريت الحجيه عرفت امه صعدت
حازم خاله ادك عليك
اخذ لتلفون من ايدي واكف ع ميز تواليت جان بيده لمشط
الوو
جاي جاي سدي
مفهمت شي بس صوتها عالي جان
مشط شعره وعدل لحيته بكل برود وحط عطر ونزل
اني وراه
حازم: لاتفتحين لباب مثل ماوصيتج وهاي لباب لخشب قفليها اني اسد لبره
نور: ماشي طلع قفلت لباب وهوه طبك باب الشارع لهول هوه المقطوع من البيت باب ومبنيه فصل بين البيتين
يعني لصوت يوصل
اسمع ام حازم تصيح بعدها مافاتت لبيت حركته حرك دفعتك هل زعطوطه عله اختك
وصوت هند تكولها موهاي الي رتنها
انتن
حازم: كملتي سئلتيها ليش ضربتها اني
نور: صوت هوسه بس صوت حنين وعدي وياهم
صعدت ع تلفوني دكيت ع لؤي
هااا ياحلوه
لؤي عدي وين
ليش
سؤال عدي وين
اخاف اجاج للبيت
لالا والله مااجه
هاا ابويه طرده
لااا
والله طردته ومرته هم طلعت
يعني طرد حنين هم
لابس عدي بس هيه نزلت وراه لابسه جبتها ابويه كلها وين طالعه
كالتله عدي ينتضرني بالباب
طلعت وراها صدك واكف بالباب جان
ليش اتسئلين عليه
سمعت صوتهم ابيت حازم دزت عليه خاله
ها تردين اجيج
لالا
اذا يصير شي خابريني
لاماكو شي
لاتدخلين انتي همه وابنهم معليج انتي
ماشي ماشي
سديته ونزلت الصوت ينفهم جوه اكثر
صوت حازم يكولها صح لو غلط احجي من جايه ل امج تركضين
اني مقصر وياج بيوم ليش تكذبين
صوت عدي: يعني صدك انتي اخذتي
صوت حازم: ليش متدري انت موانت الي خابرتني
صوت عدي: خابرتك هيه كالتلي ولحت ابوك يستحي ومابيها شي وانت اخوها اني استحي من حازم وحته كتلها اني اكول ل ابويه يطي لنور كالت لايسمع حازم ويزعل وقنعتني بالف شغله دكت عليك وخلتني احجي وياك
حازم: تفضلي دتسمعين يمه
حنين: اني اطيتهن لنور
حازم: لاتكذبين حنين
حنين: والله اطيتهن لنور نور اول ماجبنه غراض الها شككتهن
واطيتها اشترت غيرهن
ام حازم: وليش اشككهن مخبله
حازم: لا لان مجانت تريد هل زواج كله
وبنتج لفقت فلم براسي خلوني ساكت لا احجي الي ميعجبكم
هسه نور اخذتهن
حنين: اي
حازم: هسه اصيح نور موبعيده بس ان كان كذب ياحنين
حنين: لا مث اطيتهياه بيدها يعني طلعنه اشترينه الها اني وعمتي
عدي: انتي وامي يعني
حنين: اي اني وامك
عدي: هسه اجي
حازم: وليش مكلتي لبنيه شكتت الي جبتوه ليش خابرتج لج حنين بيه نار عليج
ام حازم: هسه الفلوس طلعن ل ام لمدوله مالتك نطتهن من شوكت حويزم تضرب اختك ع فلوس ولك
حازم: يافلوس يمه يافلوس انتي وين واني وين
هند: حته تشوفن الي كتلتن نفسجن عليها
حازم: هند
عدي: حنين خابرت امي اني تكول ماكو هيج حجي
حنين: وانت ليش تخابر شنو اني مكذبه عليك ماتستحي تفضحني كدام اهلك شيكولون اخوها ده يخونها
نور: علكتها حنين وامها كامت تصيح
دكيت ع امي
ها نور
ماما اذا تحبيني هسه تلبسين عباتج وترحين لبيت ام حازم
ليش شكو
حنين تكول ناطيتج لفلوس ا
عدي خابرني يافلوس يمه كفيلج الله لااطتني شي ولا شفت منها شي
هياتها ده اسمعها تكول من شكيت اني لهدوم ناطيتج ورايحين مشتريات غيرهن
لاحرام يمه اني رحت جبتلج غيرهن من محل ابوج وابوج بشهود ع احسابه اخذت
يعني بابا يدري
اي يمه كتله هياته يسمع حسي كال لاتحجين ولااطلعين هل سالفه تعاي للمحل وجهزيها وسكتي
ولو الله شاهد هوه فلوس الولد ناطي وحرنه شجبنه بس ابوج هم جهز بمكان الي راحن
ماما بغلاتي عندج تجين وتحجي هسه
هسه اجي البس واجي
ابونور: شكوو وين ترحين
ام نور: حنين تكول اني ماخذه لفلوس واشتريت بيهن هدوم لنور بدل الي شكتهن اكولها من ابوج اخذتلج اني وع احسابه
حرام اذا ماخذه من حنين فلس
تكول تعاي لبيت ام حازم حنين كايله انطتج
ابونور: لبسي اني وياج اروح
ام نور: روحي ماما هسه البس واروح اني وابوج
نور: سديته بسيطه ياحنين الكذابه
صوتهم يمكن تعاركو ويه عدي وحازم يصيح
سكتهن
ام حازم: كله من وراك بعدك مشفت خيرها من شرها وهيج ترجف
جتافك عليها مصارلها24ساعه من طبت حركت العربين
حازم: لبنيه مالها علاقه لاادخلوها بنص
ام حازم: لايمه مالها علاقه لمدلوله. لفتك جوه اباطها الزعطوطه
هند: اااوف شمشمته بيجن موهاي الي ساندتنه عليها ها خاله اي يمه خوش اختيار وزغيره تخلفلك ده اكلنها لعد اخخ شنزل مي بارد ع كلبي
حنين: غيرانتي مابيج خير معرفتي تخلفيله جان محجينه بغيرج
حازم: حنين اكسر سنونج بحلكج والله شنو هل حجي
هند: ماحاجيج ريت البيه بيج
والله يحبني ومخلفت منه
حازم: دكافي عاد
هند: اي عيني كافي ليش موكافي المهم الزعطوطه دافع عنها ولاتقبل عليها حجايه
حقك معرفت اخرمش مثل لبزازين
حازم: هندددد
نور: اويلي ياهل تخرمش شصار
حازم: منووو
نور: اي جوي اهلي
حنين: بسيطه ياعدي بعدين
ام حازم: منوو
حازم: تفضلو يابه تفضلوو
حنين :منو
هند: اهل لمدلوله مرت اخوج
ام حازم: ليش هيج ياابوعدي تطرد هل يتيمه بهل ليالي
ابونور: اني طاردها اني محاجيتها اصلا اني طردت ابني
طردتج بابا
حنين: لالا عمي مطردني اني طلعت
ام حازم: يااا موكلتو طردنه
حنين: لااامو الي شبيييج لعدي اني مطردنذ
ابوعدي: اني طردت عدي وحته من ده تطلع حنين كتلها وين كالت رجلي بالباب معبالي حتطلع وياه
هند: ياا لعد تكولين طردوني بهل ليل عيالي
حنين: مكلت لاتدخلين انتي
هند: ياا خاله شكالت بعمرتج
ام حازم: مالج دخل هنيده
حازم: مصار شي ابوعدي جان متعبت نفسك واجيت
ابوعدي: لاوالله خاب
ام عدي: خابر عدي وسئلني ع فلوس جينه نفتهم
عدي: انتي ماخذه فلوس من حنين
حنين: اني مكلت اخذت فلوس
حازم: سدو لموضوع يابه مصار شي
ام نور: لاوالله صارحازم اني لبنيه من خربت غراضها
رحت ل ابوها كتله كذا وكذا السالفه كال اخذيلها من لمحل ابدل الي راحن
وانت الله شاهد مقصرت فليش بعد اخذ فلوس
عدي: هاا حنين تكولين اطيتيهن ل امي
حنين: لامكلت اني وجنت اريد ارجعهن لحازم ومصارت فرصه
حازم: تره لشغله موشغله فلوس والله اختي اجاوزت بشغلات ويايه وصار الي صار
هند: شكو اكثر من هل تجاوز فلوس وكل شويه اذبهن ع واحد خيه 500وين وديتيهن
ابوعدي: هسه حنين سوت كل هذا وهل حيله علمود لفلوس
حازم: لا لاابوعدي لفلوس اني اطيتهن لحنين
هند: يا موهسه كتلها ضحكتي عليه
حازم: للللفلووس عندي حنين اخذتهن وع اساس تشترون لنور منهم
هند: هسه كالت مارجعتهن
حازم: وبعدين ابوعدي حبيبي سوء تفاهم بيني وبين اختي وانتهه
ام نور: الله يطبب لرحمن بينكم يمه
عدي: لعد تكولين نور تهمتج طلع مالها شغله وضربتها من وراج
حنين: اني كلت شبيك عدي
ابوعدي: لأنك طايح حظ ودماغ سز تمد ايدك ع اختك لانك ارعن وهسه تروح تعتذر من اختك ولبيت اختك اتضل بي وانت تطلع بره حطها ابالك زين هل شغله
ام حازم: وانتي حنينه يمه منج يمه كومي بوسي راس اخوج
نور: حازم حمه حنين كدام اهلي وهل موقف زعجني ليش يحميها
بعد كل الي سوته
سمعت ابويه رزل عدي وصار حجي بينهم وحنين اعتذرت بس هند ليوم واكفتلها بالمرصاد لحنين
ابوعدي: يله كوم اعتذر من اختك وجيب مرتك وارجع للبيت
عدي: اي يابه هسه اروح
نور: سمعت صار سلام عرفت جايين
حازم: تفضلو تفضلو
نور: دخل ابويه وامي وعدي وحنين هم وياهم
هلاهلا تفضلو
عدي بالباب مال الاستقبال حضني
عدي; لاتزعلين مني والله اني احبج شعندي غيركم بس غلطت مفتهمت صح لاتشيلين بكلبج عليه
نور: لا انت اخويه لجبير ماازعل منك موبيدي والله اتمنه احقد عليك ع هواي شغلات بس تبقه اخويه
عدي: والله مادري بس
حازم: يابه فوتو حضلون بره
ابوعدي: كلاص مي بابا نواره
نور: اي رحت للمطبخ
ورايه حازم
حازم: سوي جاي هسه هم مبقه احد مفتح عيب شلون
نور مواحجي وياج
نور: لا
حازم: ياساتر شبيج عفتج ماكو شي شو معكوده النونه
نور: احسن قدمت مي وكعدو شويه
مرادو شي
قبل ميطلعون
حنين: نور لحمام عفيه
نور: اي تعالي
كمت وياها
هنا
حنين: اندله شبيج بس ردت احجي وياج
نور: خير
حنين: نور اني احبج واعتبرج اختي
تره لسويته لان ردتج تصيرين لحازم
عذريني لازعلين مني
نور: ع شنو اعذرج حنين ع حياتي لو ع عدم احترامي وتحريك اخويه عليه
حنين: اني احرك عدي لاوالله تعمه عيوني اذا اني محركته
لازعلين مني فدوه والله عدي هسه يكولي رجعي لهلج اني مضل الي عين كدام اهلي من وراج اني شعليه
نور: شنو هل حجي
حنين: والله واني لفلوس باجر اجيبهن لحازم اصلا كنت اريد اجيب الكم بيهن شي شسوي بيهن اني
نور: تبجي وتتوسل اوكفي حنين
عدي
تعال اريدك
ابوعدي: خير بابا
نور: ماكو شي بابا اريده بشغله
عدي: هاا
نور: تعال للمطبخ وانتي هم
عدي: شكوو
نور: عدي شنو هل حجي لكايله لحنين
عدي: لج انطرد اني من وراها
حنين: شعليه اني
عدي: لاشعليج بس اختك اختك اختك تهمتني اختك كذبت ع اخويه وتالي لفلوس ساعه لنور وساعه ل امك وساعه يمي ليش اني ماادري حازم ذبها ع روحه كدام ابويه
حازم: شكوو شبيكم
نور: مابيهم شي روح هناك يم ابويه انت
رووح شبيك
عدي الي صار صار خلص بس انت ياخويه حط ابالك ان احنه خواتك عينه عليك انت لجبير مالتنه من بعد ابويه
من تضربني اني مااكرهك بس حتضل بكلبي عليك
عدي: لاتزعلين مني
نور: مزعلانه والله يكفي طبتك عليه وجاي تعتذر لوتذبحني هسه مااهتم
لاتنزل دمعتك يويل انت تاج راسي لوشما يصير بينه تبقه ذاك عدي الي يضم لموطا بجيبه من امي تمنعها عنه تذكر
مره ماعت بجيبك وامي لحكتك بالعوده هههههه
عدي: ماكو ااطيب من كلبج والله
نور: لاتنزل هل دمعه ابد شعندك اني بس انت ولؤي اروحلكم فدوه ان شاءالله
حضني عدي وبوسني ومن ده احاجي نزلت دمعته
مهما كان الرجال مرات تدفعه مرته وعدي اندفع
صح من زمان هوه منطوي ع نفسه
والبريد مال ابويه بس عنده طيبه
وحته اذا مكانت عنده فكبرنه سوه وربينه سوه
مستحيل اشيل بكلبي عليه
ماانكر حنين مااريد اشوفها بس لخاطره سكتت
دمعته من نزلت غسلت كلبي غسل وكأن مصار شي
حنين: واني هم لازعلين مني
نور: ماكو شي ان شاءالله
ابوعدي: يابه وينكم
نور: جايين بابا
اخذ مرتك وروح لبيتك وكأن مصار شي
عدي: بعد كل هذا مصار شي
نور: مصار شي انت تمون عداوي ولايهمك
حازم: هايابه خوما اكو شي
عدي: لاماكو الله يسعدج
حنين: حازم لاتزعل مني
حازم: مصار شي بس بس حنين لهنا وكافي تره الي صار موهين وانتي تعرفين عليمن اقصد اني
نور:عدي من زمان من يصير شي ميعرف ايضم يفضح لسالفه. وهسه فضح حنين شنو واكدلنه انها ادفعه هاي اذا كان عدنه شك اصلا طلعو واني شايله بكلبي عليه ليش دافع عليها رغم اني عذرتها لخاطر اخويه
حازم: والله ميت جوع وين اروح هسه
نور: عفته وصعدت
حازم: نور شبيج
نور: مابيه
حازم: يمعوده شصار
نور: مصار شي اريد انام
حازم: هوه احنه شمحصلين غير اتنامين
نور: اكو شي
حازم: لاسلامتج نوم لعافيه
نور: شكرا
طلع واني تمددت رجع للغرفه
حازم: نور بس اكولج شغله
نور: خير
حازم: اشتعلتي عله هل تخرمش وياريت تؤ
هسه انتهمنه ابوكه سله العنب واحنه مضايكي وين صايره هاي
نور: تصبح ع خير
حازم: وانتي الخير
نور: والله ياالله اينكت عود هههههههههه
حطيت
راسي ع مخده من لصبح ليهسه ساعه 2بليل واحنه من مشكله لمشكله
ياربي حلها شنو
شكول عليك بابا
ياريت كل هذا مصار
ياريت
اتذكرت لمواقف مال اليوم
واذكرت حجي لؤي
ياربي برد هل نار الي بكلبي يارب
الصبح كعدت حدود ساعه9نزلت بعده نايم ع قنفه الليل كله اسمع تلفونه اني
رحت غسلت بس ع صوت الطكطكه ولمي هوه كعد
حازم: صباح لخير
نور: صباح لنور
حازم: اااخ
نور: شبيك
حازم: بليل جتفي هاج عليه حته للشغل ماكدر اطلع اليوم
نور: اخذت دوه
حازم: اي
حبدل واطلع اسوك لبيت مابي شي
نور: اذا جتفك. عوفه
حازم: لاهسه بسياره اشوف البيت هناك. هم شمحتاجين
نور: صعد بدل ونزل اخذ تلفونه وطلع
صعدت فوك اعدل الغرفه دك تلفوني
الو
نايمه لوكاعده ياحلوه
ههه كاعده
صباح الخيرلعد
صباح النور شلونك
اني. زين انتي شلونج
الحمدلله
سمعت عدي معتذر منج لبارحه
اي خطيه اجه
ونام يمي بالغرفه البارحه
هاي شنو
اي والله سوه حصار عليه مكدرت احجي ويه احلام. البارحه والليل كله يحجي
شيحجي
سوالف عاديه اي شكو ماكو
لاتغير الحجي شيحجي
نور
ها
حبيبتي اذا طلعت سر غيرج الج يعني اطلع سرج لغيرج تقبلين
هههههه لا
هذا هوه اكولج كالو الجمعه عازميكم
اي لبارحه بابا كال.
حازم: نور
نعمم
لؤي: روحي شوفي زوجج بعدين اخابرج
نور: اوكي ماشي
صعد حازم بعده لتلفون هستوني نزلته من اذني
حازم: نور بدلي وتعاي
نور: وين
حازم: الحجيه زعلانه من لبارحه جايين ومرحتي سلمتي عليها
نور: هاا اي بس
حازم: بس شنو
نور: يعني احم ااا وهند
حازم: شبيها هند هند اكبر منج ولازم اسلمين عليها
نور: لالا موقصدي مااسلم عليها يعني بس شلون حطب وشسوي
حازم: نور انتي وهند علاقتجن طيبه وخلي هل علاقه طيبه دائما
هند مرتي وانتي مرتي ومااقبل وحده منجن تقلل من الثانيه
يله باباتي بدلي ونزلي انتضرج
نور: هاي لنقطه الي توترني وتخليني الف حوالين نفسي
شلون اواجهه وشكولها شلون اسلم وشحجي
بدلت واني الف سؤال براسي ومليون حيره بداخلي
البيت بصفنه طبيت طب قبلي حازم
حازم: فوتي نور
نور: السلام عليكم الحجيه جانت كاعده وحيدها
ام حازم: وعليكم السلام زين جيتي عيني اله اني اكول
حازم: لا والله مشفتي لبارحه شصار
ام حازم: شصار اختك طفله ومتعرف تصرف انت لجبير لازم يكون عقلك واعي
نور: حنين طفله لبارحه هم من ده يحجون وبيت اهلي موجودين نفس لجمله طفله
اشرلي حازم بوسيها هيه كاعده
دنجت عليها بوستها
ام حازم: هلايمه هلابنويره ولو زعلانه منج لازم قبل ماتفوتين بيتج تجين تسلمين عليه
نور: احم حقج خاله
ام حازم: اني عمتج بعد موخاله عمه
نور: ان شاءالله خال….
حازم: ههههههههههه
يله تتعلمين بعدين
ام حازم: شلونج يمه
نور: الحمدلله
ام حازم: مضامتلنه شي
منا منا
نور: هاا باوعت لحازم مفهمت شتقصد هوه حط ايده ع شواربه يمسدهن ويباوع للسكف
ام حازم: يااا شبيج يمه هااا وصفنتي
صار ان شاءالله
نور: خاله شنو الي صار
ام حازم: دهر ولج يمه مضامه شي ماكو شي جاينه بطريق ان شاءالله
حازم: هههههههه جاي بتكسي مشي
ام حازم: يتمضحك خايب وخر عني
حازم: يمه اليوم يله 10ايام شضملج شي
ام حازم: اه انهزت جتافه
نور: فهمت ان هيه تحجي ع حمل
ام حازم: كومي يمه كومي سلمي ع ضرتج
نور: اااا اي وين
ام حازم: بالمطبخ يمه
نور: جريت نفس كل قوتي ورحت للمطبخ رجل تقدم ورجل اتأخر ضهرها ع باب
ههند
هند: خير شرايده
نور: شلونج
هند: بخير بس لاتشوفيني وجهج يله طلعي منا عمتج رادتج روحي يمها لاتشوفيني روحج
نور: هند اني
هند: لاانتي ولااني روحي من وجهي
نور: انداريت ده اطلع من لمطبخ
هند: هيه الي غدرت باابن خالتها لتحبه عشتو ماتغدر بيه
نور: هند اني مغدر
هند: لاتسمعين صوتج واطلعي منا
حازم: شكوو
هند: اخذ لبزون مالتك وبعدها عني ولاتخليني اشوف وجهه اتهنه بيها خليها لتخرمش
حازم: تعالي نور
هند: اي تعالي نور اخذها اشبع بيها وخل تشبع بيك
ام حازم: شبيها
حازم: اودي نور للبيت وارجع
نور: طلعت احس جسمي كله يرجف وشلت بكلبي ع حازم اكثر وصلني للبيت وراح الهم
صعدت ذبيت هدومي وشمرتهن بعصبيه وكعدت كالعاده بس ابجي ماعندي غير حل
اريد اي شي التهي بي
كمت ع بيت ذبيت قهري بنتضيف
وره ساعتين اجه حازم
هستوني مكمله
اجه بس علاليك ينكل من السياره للطرمه
فوتتهن والتهيت بيهن
حازم: نور
نور: نعم
حازم: دكيتي ع صدرج لبارحه ليوم اسوكنه شوفينه شطارتج
نور: ماشي
حازم: شبيج
مواحجي وياج شبيج
نور رجعنه احجي ومتردين
نور: حازم بس عوفني ماكوشي
حازم: براحتج
نور: جايب لحم مثروم حمست وقليت بطاطا وده احضر سلطه
حازم: اساعدج بشي
نور: لا
حازم: اني اكمل السلطه روحي كملي لطباخ انتي
نور: كملت وهوه ثرمها وكملها وكعدنه نتغده روحي مطايقتها اكلت من غير ولاكلمه يادوب لكمه وكمت هوه يباوع عليه محجه
عفته ياكل وصعدت نمت
سمعته يصعد سويت روحي نايمه
صاح نور نور اتقرب اني كأنما نايمه من سنه
لمس شعري ع طوله وحسيت اصبعه لمس خدي ونزل
اني كأني نايمه من سنه متحركت لان مااريده يحجي شي
نمت ساعه ونزلت شفته عالك التلفزيون وكاعد
رحت الم لمطبخ هوه شايل الاكل بس ع حطته مملعوب بي
لملمت لمطبخ ع طكطه اجه
حازم: صح النوم
نور :شكرا
حازم: نور بعدج بالبدايه الي يصير من طرف هند عبريه
نور: ماشي
حازم: مااشي اتخرع هاي لماشي
نواره
نور: نعم
حازم: لاتزعلين من شي
نور: حازم
حازم: عوفني بحالي هههه
نور: لاوالله
حازم: نواره ليوم حبات بذاك البيت اني انتي تعرفين لو
نور: براحتك
حازم: اوديج يم اهلج
نور: لا
حازم: متخافين وحدج
نور: لا
حازم: حيضل بالي
نور: روح حازم ماكوشي يخوف
حازم: شتحتاجين خابريني
نور: اهمممم
ماريد اروح ل اهلي ماريد احجي ويه اي احد
لمغرب بدل وراح ورجع جايب كرزات وحب وجبس
حازم: ذني حته اخاف اضوجين
تلفوني يمي بس دكي اجيج
نور: ماشي
حازم: نور اذا ضايجه مااروح
نور: لالا
حازم: ماشي تصبحين ع خير
نور:
وانت من اهل الخير
جانت ساعه8
كعدت بالهول شغلت تلفزيون بس بالي مويم لتلفزيون اصلا
جتني رساله ساعه8:30
حازم :&شدتسوين &
نور: &كاعده&
حازم: &اخاف خايفه وحدج اجي &
نور: :&لامخايفه&
نور: مرسل شي بعد
وره 10دقايق
حازم: &نور حيجي حبيبج يمج&
نور: مصدك نفسه هذا مجاوبته
حازم: &فتحي لباب&
نور: &لاتجي ماافتح الباب&
حازم: &وتعوفين حبيبج بشارع&
نور: &ماعندي حبيب&
حازم: &هههههه متأكده&
نور: الباب مال الشارع انشال السركي مالها وانفتحت
باوعت من لبرده لؤي وساره
كيفت ركضت فتحت الباب
هلووووو فوتو زين جيتو
لؤي: اي حازم خابرني كال روحو يمها
نور: هاا تلفوني صوت رسالتين
حازم: &لاتخافين مواني اجي حيجي حبيبج&
&ادري بروحي موحبيبج اني من يجون طمنيني عنج&
نور: &جوي شكرا&
حازم: &زين &
نور: التهيت وياهم سوالف وضحك وسويت عشه ساره التهت بالغرفه صعدت اتكلب
لؤي اكدر احجي وياك
لؤي: اي حبيبتي كولي اسمعج
نور: لؤي اليوم رحت لبيت ام حازم
لؤي: اي
نور: وهند كالتلي طلعي يعني مومن البيت بس من لمكان الي هيه بيه
لؤي: تؤ نور انتو الاثنين شويه شويه تتأقلمون
حاولي لاتصعبين الامور ع نفسج نواره هذا واقع بعد صار متكدرين تغيريه
نور: بس انقهرت احس غصه بكلبي صارت
لؤي: اسم. الله ع كلبج حبيبتي
نور: ولبارحه ضجت من حازم
لؤي: ليش كلج شي
نور: لا بس دافع عله حنين كدام ابويه وذب لشغله ع نفسه
لؤي: وهذا يضوج
نور: اي ليش لعد
لؤي: نور حنين اخته ذبها ع نفسه حته لاتتعير باجر عكبه من العيال هذا لازم تحترمي. عليه دافع عنج. ودافع عن اخته
وذبها كلها ع روحه الي ميدافع عن اخته مو رجال ويعتمد عليه صح غلطت بس مراد ايخليها تتعير كدام اعيالها
نور: لؤي
لؤي: عيونه
نور: تعبانه ومخنوكه والدنيه كلها طالعه من عيني
لؤي: نور استغفري ربج
تره ع كولتهم الي مايرضى بحكمي وقضاي يطلع عن ارضي وسماي
ووين ترحين كلها ارض الله وسماالله
نور كتلج البارحه الي صار غلط بغلط
بس غلط انحسب عليج زواج
اذا تردين ترتاحين انسي وابدي من جديد غمضي صدي عينج ع الراح
ويمكن اذا الله رزقج بطفل تنسين هذا كله
نور: تمنيت احجيله ان مصارشي واني اريد اخلص تعبت بس مالي قدره احجي وياه بهيج موضوع
لؤي: نور حبيبتي انتي اطي لنفسج فرصه
مدام حازم اني ده اشوفه ممقصر وياج وحاير شجايب صح لولا
نور: لاهوه ممقصر ومامئذيني اصلا بس
لؤي: بله بس نواره اتأقلمي انسي عدي هل مرحله الي صارت خلص امر صار عليج وانتهه
اتاقلمي وياه يااختي الندم وليش وشلون ولو وياريت ميفيدن بعد
ساره: لج. نوررر
نور: هااا
ساره: تعاي تعاي حقيره
نور: صعدت شكو ياساتر
ساره: لج شنو هل لبس وهل تراكات ايخبلن منين جبتيهن ماشفتهن بجهازج ذني اني
نور: مطلعه غراض من لكنتور اني اصلا مافتحت هل خانه من لبارحه
كلها بجيس بعدها فتحتهن الي اشتراهن بالكاضميه
يعني القياس الثاني لهند
هواي شغلات اكو. حته مشفتهن من اشتره من الكاضميه
تراكات برمودات شورت دشاديش قصيره
وكلهن الوان حلوه وقياس مضبوط
كدامج ساره حبيبي شيعجبج اخذي
ساره: لابالعافيه بس ردت اعرف شوكت جبتيهن كلش حلوات هاي هسه بسفرتكم جبتيهن
نور: عيونج لحلوه اي حبي عليج الله شيعجبج اخذي اني نازله يم لؤي
ليش ديسوي هيج شنو قصده بكل هذا
لؤي: هاا شبيها
نور: مابيها شي ده تكلب بالغراض
لؤي: تعاي كعدي
نواره اني اول لرافضين لحازم
بس موقفه لبارحه عجبني وكبر بعيني
حازم لوكم شغله مموجوده
جان ياهنيالج
بس بعد مثل مكتلج ال لو ميفيد
واني لبارحه كتلج مترديه تمام وياج اني وميهمني احد
بس اطي لنفسج فرصه حته لاتندمين بعدين
نور: مده اكدر اتأقلم وياه لؤي
لؤي: كلها صار الكم ايام نور وانتي ابالج ان هل شي غصب وبس
نور خلص انسي اني مااحاجيج علمود حازم لوعلمود لاتعوفيه
لاحازم منو الي يهمني انتي اني
نور انسي غمضي عيونج ع الي راح
ابدي من جديد
شوفي ماكو سجين بسجنه فرحان بس شلون تعدي ايامه
يتأقلم ويه وضعه
اني مااغصبج عليه ولااجبرج تبقين وياه
بس هسه انتي متأكده من قرارج انج مستحيل تعيشين وياه ومتردي ابد
تتحملين لهوسه ولعالم ونضرتها باجر اوديج محكمه بيدي واخلصي منه
ها نور سكتي
نور: مادري لؤي والله مادري كتلك مثل التايهه اني
لؤي: ماكو تايهه ميندل بيوم دربه
انتي دوري ع دربج وامشي امشي بنيه باجر موبينه البارحه
والطريق الي تختاريه مهما يكون اني بضهرج
نور: لؤي ارتاح من احجي وياك
لؤي :واني تحت العين والطلب مستعد اسمعج بااي وقت
نور: الله لايحرمني منك
لؤي: الله يدليج ع طريق الصح الي يكون الج بيه راحه البال
نور: حضنته وكأن السكينه انوجدت بس عنده ينزال همي بكلامه
فرشتله نام بالهول واني وساره بالغرفه
عفته يحجي ويه احلام وصعدت
ساره ممقصره لمكياج كله مجربته ولملابس
نور: ههههه هاي شمسويه بوجهج
ساره: تعاي امكيجج
نور: لا
ساره: حبابه حبابه
نور: ولج ساعه بيش
ساره: دكعدي شعدنه
نور: كعدت وهيه تحط مكياج الي فكدت تلفوني
حازم& شنو الاخبار&
&نور وينج اكيد التهيتي وياهم &
&بعدج كاعده لونمتي&
نور: &بعدني كاعده&
دزيتها وتوقعته نايم جانت ساعه 2
بسرعه اجه الرد
ساره: ولج اوكفي لاتفتحين عينج
نور: ماافتحها هيج بس شويه مااخربها
&شدتسوين كاعده ليهسه&
-&نسولف &
&شوكت تنامين &
&هسه فدشويه&
&محتاجه شي&
&لاتصبح ع خير&
&حتنامين&
&لابعد فدشويه&
&اني هم منايم هسه&
نور: كملت ساره ياملعونه حلو تمكيجين والله
ساره; لعد شعبالج
نور: هههه يله للنوم
ساره: لاتغسليه عليج الله
نور; ومنوكلج حغسله يله نامي
&نور&
&الووو نمتي&
&ها لابعد هسه حنام&
&نور&
&هااا&
&تثقين ب الله&
&ونعم بالله طبعا&
&والله احبج واخذتج لان حبيتج &
نور: مجاوبت شي عفت لتلفون ساره نامت وصوت رساله
&نور ادري ماتجاوبين بس الي صار عرفتيه
وهسه اكولج والله وروح ابويه احبج ومستعد انتضر بس بطلي اسلوب التجاهل
خلي احترام بينه متبادل اذا كاعده روحي نامي
كافي سهر واذا نايمه نوم العافيه&
نور: اخذت حسره وغمضت عيني كلمه لؤي بااذني
ابدي امشي بنيه باجر موبنيه البارحه
ضليت افكر بكل الي صار لحد مانمت كعدت لصبح ع صوت لؤي
لؤي: نووور
نور: هاها جيتك نزلت صباح الخير
لؤي: صباح لنور شنو هل جمال
نور: ههه
لؤي: اني طالع كتله لحازم تدرين عندي محل وتأخرت صارت ب8:30هسه عدي ايكمز وحده بالمحل
نور: اوكف تريك يله
لؤي: لاوالله اريد اروح ابدل واطلع
نور: متروح اله تتريك
لؤي: وداعتج مااكدر من تكعد ساره دزيها للبيت
نور: ماشي
طلع ولميت فراشه صوت الباب
من لشباك شفت حازم
فتحت لباب الجوه
صباح الخير
صباح النور
حازم: شنو هل جمال بس اضلين ع طبيعه بعد احله
نور: مفهمت ياطبيعه
حازم: يعني بله مكياج قصدي
نور: مكيا ااوووو نسيت ههههه هاي لبارحه ساره شخبطت بوجهي ههه
حازم: بس هاي نازله
نور: تقرب مد ايده ع وجهي مسح من جوه عيني
حازم: ايدك ادري
نور: ههههه. تتريك
حازم: بكيفج
نور: اكعد هسه اغسل واسوي ريوك
تريكنه سوه وطلع كعدت ساره التهيت وياها
ساره: شراح تسوين غده
نور: هاا مادري تصدكين ذكرتيني بالغده هههههه
ساره: ههههه كومي اساعدج مابيه حيل اروح للبيت هسه فدشويه اروح
نور: زين شسوي ماعرف
ساره: اممم خابري ع امي تعلمج
نور: خابرت ع امي وعددت الهالعندي
وهيه دزتلي رساله خطوه بخطوه شسوي
سويت ع اسهل دجاج شوي بالفرن وبطاطا دزتلي التتبيله وحطيته بالفرن
ساره صرت بصل حطب اسبح اني
ساره: نعيما
نور: شكرا حبي سبحي اطيج هدوم
ساره: لا تعاي امكيجج
نور: لالا وخري عني
ساره: والله ازعل تعاي حبابه والله ضايجه
نور: ضايجه تلعبين بوجهي
ساره; عليج الله شبيج ده نلتهي وحته يجي حازم يشوفج حلوه
نور: ماااريد
ساره: حبابه حبابه
نور: لاتبوسين خرب
ساره: اختي لحبابه يمه فدوه
نور: ههههه صعدي امري ل الله.
كعدتني وهيه بكيفها تحط
ساره: هااا شلونه
نور: صراحه حلو
ساره: هاج لبسي هذا
نور: لابرموده ماالبس وخري
ساره: امداج والله حلو بداعتي لبسي حبابه
نور: لحت لبسته وتذكرت الاكل زين بعده وكع كلبي عبالي احترك
ساره: اوكفي
نور; شسوين بعد
ساره: بس اسوي،شعرج
نور: خرب اتهلس صعدت جابت شسوار ونزلت نشفته وتسوي بشسوار
انتي منين تعلمتي ولج كل هذا
ساره: حيل من زمان اعرف جنت اباوع ع امي وع خالاتي من ينجمعن من جنت جاهله وتعلمت
نور: يمه منج الباب منو
اني ماما
ساره: اني افتح لباب
نور: هلاماما
ام نور: ماشاءالله اي عفيه عفيه نواره هيج اريدج
تعاي تعاي
ها
صار شي بشريني
نور: لامصار وبتج لحت عليه بدلي وسوي
ام نور: اي زين سوت كلش حلوه طالعه
نور: كعدو شويه وامي اخذت ساره وراحت
صعدت ابدل شفت روحي بالمرايا بالفعل لايكلي وحلو عليه لاعيني ماابقه هيج
نزلت اشوف الاكل واسبح نسيت لهدوم صعدت اجيب وسمعت انفتحت لباب نزلت اشوف منو
حازم خرب شجابك انت
هوه عنده مفتاح
حازم: السلااا م عليكم
نور: وعليكم السلام
حازم: احم ااا راحت ساره
نور: اي عيونه احسها فحصتني فحص
هسه اجي
حازم: وين
نور: هسه فوك هسه اجي
صعدت شديت شعري بقراصه وفتحت لكنتور
حازم: شسوين
نور: مااسوي هسه ابدل وانزل
حازم: ليش حلو عليج الي لابسته
نور: ااا لا ساره بكيفها طلعته وخربطت بوجهي
حازم: كلش حلو
نور: صار كبالي شكرا
رفع ايده ع شعري فتح القراصه
حازم: هيج احله
نور: بضهري لكنتور وهوه كبالي ايده بعدها ع شعري لازمه من نص ضهري
ح اازم
حازم: هممم
نور: وخر
حازم: ليش خايفه مني
نور: لامخايفه بس وخر
حازم: لعد ليش هيج نفسج وايدج ترجف
نور: جر ايدي بالفعل جسمي كله يرجف
مادري
باس ايدي وحطها ع خده وباس بطنها
حازم: نور نور واسمج عليج تؤ انتي نورس
مايلزم بس يحط ع كاع ويطير
نور: حازم جرني حضني جر نفس وزفره بكلمه ااااه
حازم وخر
وخررر
حازم: لاادفعين تمام وخرت خلص
احم احم ريحه اكل شمسويه
نور: دجاج
حازم: يعني حتغدينه ليوم زين دجاج ولابيض سلك
نور: هسه ابد
حازم: لا لاتبدلين جوعان صبيلي يله لاتباوعين نزلي جوعان
نور: نزلت حضرت لغده وتغدينه
حازم: لازم غدايه هناك اليوم واجيج لمغرب
نور: صدك مادري
حازم: ههه عادي
نور: لاروح اتغده هناك وياهم
حازم: اجي لمغرب
نور: ماشي
طلع ورجع باسني من خدي وراح
بين امرين بين استسلام ورضوخ وبين تمرد ونفور
بين الامرين انا
لااعرف اي الطريق اسلك
رجع لمغرب
احاول اتأقلم عليه من يحجي اجاوبه بس بعد ماعندي لقدره لشي اكثر
من عزمنه بابا جان يوم الاثنين
عدت الايام قبل لعزيمه بيني وبين حازم زينه وشويه شويه
اتاقلم عليه
الخميس اجه العصر اليوم ايبات هناك
حازم: نور
نور: اني فوك لحضه
حازم: اني صاعد
شدتسوين
نور: مااسوي اسفط لهدوم
حازم: هاا باجر الصبح اجي حته تحضرين نفسج واروح
نور: ان شاءالله
حازم: نور راح اخابر لؤي
نور: لالا خطيه عوفهم ماعليه شي لاتخاف
حازم: موبيدي بالي يضل يمج
نور: ماكو شي اقفل لبوب واكعد
حازم: وشسوي لبالي اني
نور: شسويله امممممم طمنه وارتاح هههه
حازم: نور تدرين شوكت ارتاح
نور: شوكت
حازم: من احضنج هيج واشم عطرج من تذوبين بين صدري
نور: حضني ايده تلمس ضهري وتدفعني اكون بحضنه اقرب واكثر
نفسه ع رقبتي بوضع قبلات هادئه
حازم: نووور احبج واريدج كافي
نور: لا وخرر دفعته بقوتي ابتعد كان نفسه يصعد وينزل بسرعه عيونه مسدوده
فتحهن وجر نفس قوي مسح وجهه باايده
حازم: اااووف حرب اعصاب ده تحاربيني انتي
بس هم ميخالف عندي صبر للوقت الي تكونين بي مستعده وجاهزه
حروح اني قفلي لبوب زين
نور: ماشي
طلع وماعرف اذا جنت احاربه لو احارب نفسي الي مده اعرف شريد ولا كادره اقرر اواختار
نص الليل جتني رساله منه
&انتي الم قلبي وانتي الدواء
انتي رغبتي ومناي .انت قصيدتي فمتى اكون انا لحنك
اتوق شوقا لكي
لعيناك التي لايمكن تجاوزهما بسلام&
يمكن قريتها الف مره بس بعدني تايهه بداخلي الي ميخليني انسه الي صار. ولااجاوزه ذبيت التلفون
ورجعت احاول انام ابعد الافكار عن راسي صوت رساله ثانيه
بسرعه رفعت نفسي وفتحت لتلفون
&كم تمر بصعوبه هذه الليالي التي احاول ان اصل فيها اليك
اصل الى شريانك. الى قلبك
كم. هيه شاقه اللحضات التي ابحث بها عن صدرك ليضم رأسي
حبيبتي الشوق اليك يقتلني
فاانتي تسكنين افكاري
اتوق الى رؤيه ابوابك. المغلقه في وجهي وهيه تفتح فماعدت اصبر ع الانتضار&
الليل كله مر بطوله مكدرت انام
عقلي اله حاسبه يسترجع ويفكر ويحاول كاني بقوقعه
قعوقه نفسي
صنعها اليه الضرف الي صار
ده احاول اطلع من قوقعتي ببطئ
عسى وعل اكدر اتخلص منها
واتقدم ولو خطوه وانسه. الي صار ومااضل محكومه اله
اجه الصبح
حضرت نفسي وراح جاب لحجيه
وهند
حازم: مقبلت تجي
نور: اروح اني اعزمها
حازم: بكيفج اني حاولت مقبلت
ام. حازم: لايمه وين عوفيها ماتقبل تجي
امشي يله ساعه 11خل نكعد ويه اهلج شويه
شنو رايحين بس ع غده
نور: رحنه والتمينه كلنه ضحك وشقه
كملو الغده وام حازم راحت للمطبخ ع امي
ام حازم: تعبناج حبيبه
ام نور: لاتعبج راحه صدك كذب
ام حازم: يله يوم الي نتعب بنفاس نور
ام نور: ان شاءالله يارب وحنين هم
ام حازم: والله ده اكولها شضامه النه ماتحجي
ام نور: بعد وكت ان شاءالله خير
ام حازم: والله خيه اني كلت اوديها كلبي ملجوم اني لاتزعلين
ام. نور: لااسم الله قابل شبيها نور كلشي بوكته حلو
ام حازم: اي مابيها شي هم تفحصها لدكتوره حته لحنين كتلها اوديج اني
ام نور: خيتي بنتي مابيها شي
ام. حازم: صحيح همه بعدهم اليوم يله 16يوم بس والله ياخيتي انه من ليلتي حملت بحازم
ام نور: اي صح بس توديها لدكتوره شسويلها
ام حازم: تفحصها تشوفها
ام نور: ههه ام حازم عود من يصير شي وديها هسه حته لدكتوره تضحك علينه
ام حازم: وليش تضحك خيه والله موقصدي بس اطمن عليهن ثنينهن
ام نور: ام حازم بنتي مابيها شي وبنتي مثل ماطلعت من بيت ابوها تره
ام. حازم: شتقصدين
نور: مااماا
ام. نور: شنو ماما لمره خايفه لااطلعين ماتحبلين وهوه بعده مصار شي اتوديج للدكتوره شكولها بلكن تحبل من لهوه
نور: خلص
ام حازم: شتكولين ام عدي شتقصدين دوختيني
ام. نور: خيتي نور مثل ما ربج خلقها ومثل مااخذتوها وفهمج كافي
ام حازم: شلون شتكولين
ام. نور: والله ام حازم سئلي ابنج ع شلون
الي تكول البارت قصير ياويلها
واذا اكو شي مخل بالحياء سامحوني بس النقل من لبطله
مومني لاتحجون عليه😱😭