#حب بالاجبار
البارت السابع والاربعون
ل وردالعامري
نور: والله مادري شكوو
لؤي: اويلي يعني موانتي شاعلتها
نور: اني لاوالله
لؤي: هاا اكيد
نور: اكيد والله دحجي شكالك حازم
لؤي: كلشي كلي عبالج ماادري
نور: شنو شكال يعني غير يحجي
لؤي: يعني موانتي
نور: خرررب عليك الله شكالك.
لؤي: كال دير بالك ع نور ولاتخلي عدي يتقربلها واي شي يصير خابرني
نور: هااا شنو لعد من ورايه
لؤي: شمدريني
نور: موانت كلت
لؤي: ده ابوك لسانج شبيج ههههه لاوالله بس وصاني عليج
بس ليش عدي يريد يضربج شمسويه نور احجي احجي
نور: ممسويه شي والله
لؤي: وين جيسي ولكم مشفت شي وتعاركتو انعل ساعتكم جيسي وين اول مره بحياتها نور تهديلي شي تاريخي هذا جيسي وين
نور: طب واني وراه ساره تعدل بالمطبخ لميز مكسور عليه كلاصات ثنين مكسوره واكعات وتلم ساره بالكزاز
لؤي: هاي شنو هل الالوان الحلوه خل اختار قبل ميجي عدي
ساره: لك لجيس بس الك مكتوب بس لؤي مكاتبه عدي مو نور
نور: اي اي
لؤي: حلو خلصنه من عدي بس اربعتهن حلوات عاشت ايدج والوان حلوه
يابه هاي شنو دتخجلونه والله واحنه منخجل ساعه هم عادبيها باتري لوتقشمروني لالابيها اتكتك
نور: هههههه
لؤي: شنو هاي لعلبه اخاف مفخخه
العب ياولد عطر ودكم
منو بكدي اليوم
باجر عيد يكولون
نور: هههه
لؤي: لاعاشت ايدج. والله كلش حلوات بس ليش كلفتي نفسج
نور: بالعافيه حبيبي
ابونور: وينكم
لؤي: هايابه
ابونور :هاا بابا نور مرت اخوج شنو. قصتها وياج ليش اخوج يكول. كتلها من وره نور
لؤي: دخل ايولي هل زعطوط هيه. نور وين شافتها مصارلها كم. ساعه من جتي بس هوه ايريد ايسويها وحده بوحده ضربي مرتي اضرب مرته
ابوعدي: خل ايولي اطيح. حضه شنو يضربها
نور: عادي بابا موجديد قابل اول مره
ابونور: لايختلف الوضع بابا هسه
ذوله وين. راحو. استغفر الله
نور: وشنو الاختلاف البي بابا
ابونور: ماعندج غلط ليش يضربج
نور: وبزواجي من حازم كان عندي غلط
ابونور: نوربابا لبنيه انخلقت ايكون الها ولي امر
ابوها اخوها زوجها
لان لمره ممكن تتغلب عاطفتها ع عقلها فتقرر قرارات غلط
ولهذا رب العالمين خله للرجال سلطه عله النساء
حته تكون الهم قرارات تمشي عليها النساء
والبنيه يابابا ميصير تعصي ابوها
من ضربج عدي كنتي عاصيه ويه ابوج
واخوج
عاملتينه بالعصيان والعناد وهذا غلط
حته الله سبحانه كال الرجال قوامون ع النساء
ليش ايكلك لعد شاوروهن وخالفوهن
بس هسه ماعندج غلط يابابا
يمكن جوي اركض لؤي افتحله لباب ده يدك هورن
نور: يعني القرار اذا اتخذ عكس قرار الاب اوالزوج اوالاخ يسمى عصيان
ههههه ادم يتستر وره احاديث واقوال وايات ايفسرها بمزاجه حته
تكون في خدمه مصلحته فقط
فوت لسياره عدي ونزلت حنين تتلوه
خفت ليكون صدك طرحت
عدي ده ينزلها من السياره يسندلها وامي طبت قبلهم
ابونور: هاا خوما ذبت لطفل
ام نور: ياطفل عشتو كلشي ماكو لاحامل ولاابد
ابونور: هاي شنو شلون
ام نور: بعدين افهمك
نور: طب عدي ساندها حزرني وصعد فوك هوه وياها بس بعدها لازمه بطنها شنو ماكوحمل
بعدهم ده يصعدون لدرج ودك تلفوني حازم
الو
هانور صار شي
لا
شفتهم جوي
اي
حنين شلونها ولطفل
مادري
نور خوما طرحت
لاامي تكول ماكو حمل اصلا
شلون يعني
مادري مفهمت
نور اطمني وتأكدي انها بخير هيه ولحمل او افتهمي شنو الموضوع وطمنيني
ماشي
اي شي يصير دكي عليه
ماشي باي
نور: جان مبين من صوته خايف ع اخته
طلعت امي بالمطبخ
ماما
ام. نور: هاماما
نور: كلتي ماكو حمل لعد شنو الي صار
ساره: اي صدك ماما حطرح وحطرح شنو ماكوحمل
ام نور: هيه جانت شاكه بروحها حامل بس طلع كلشي ماكو
ساره: شلون عرفتي انتي
ام نور: اني شعليه عرفت الدكتوره سوتلها تحليل ماكو حمل وحته سونار اخذتلها كلشي ماكو وهيه تصيح بطني ولطفل كالتلها لدكتوره ماكو حمل وتعاند لافاتتني وطلعت فايتتها 4ايام ومن سئلتها لدكتوره ع موعدها تكولها لامرات تتقدم يعني ماالها موعد محدد
نور: المهم انها موحامل ضل بالي لايصير الها شي
ساره: لاوالله يصير الها شي حرك ونار وسم ان شاءالله
هل عياره الصفره
ذوله جهالهم شيطلعون الاب عكرب والام عكرب شيخلفون
ام نور: اتأدبي
ساره :هوه انتي كادره عليه اتأدبي متكدرين لجنتج يمه يمه ام الدواهي شلون وكعت روحها والله صدكت بيها اني
ام. نور: ناوشيني اصب لغده لهسه بله غده ابوج واخوج وراهم طلعه لشغلهم اطيني
نور: شفت لؤي بطرمه
لؤي
لؤي: ها عيني
نور: لؤي اكو شغله ابالي بس جنت مستبعدتها توقعت حازم ده يكذب
لؤي :شنو لشغله
نور: صار موضوع بيني وبينه وكال ان هوه مخابر حنين وحنين حاجيه وياه وكأني اني يمها يعني هوه عود جان يريد يتأكد اني موافقه صدك وكيلتله حنين عود استحي وماعرف شنو وومره مخابره عدي ع فلوس بعتبار اني اريد اني حته اكمل جهازي
لؤي: والله اذا حجيج هذا واخوج مسوي هل فلم والله مادري شكول عليه
موبعيده هل سالفه ويمكن صايره لان حنين وعدي ديكولون بسبب نور معناه كشف كذبتهم وصار الي صار
وين صفنتي
ام نور: يله الغده
لؤي :اني مااريد اكلنه اني ونور قبل شويه
نور: مااكلنه ليش هيج كال.
ام. نور: تعالو هيج نكنكو ويانه
لؤي: ماكدر والله شوفي نور
نور: غمزلي كتلها لامااشتهي بعد
لؤي: نور اذا جوعانه روحي بس ردت احجي وياج قبل مااطلع ومادام حيلتهون بالغده همه
نور :لامجوعانه
لؤي: تمام نور شنو الي خلاج تفكرين ان حازم كذاب
نور: توقعت جان مجرد عذر
لؤي :هااا نور من خابرت حازم وسئلني شكتلي شوجان السبب
نور: راد يثبت ان كلامه صدك
لؤي: بخصوص زواجكم يعني
نور: اي
لؤي: هاا صحيح اني كتله الي بي خير يقدمه الله تدرين ليش نور
لان ردتج اطلعين من هل باب بكرامتج لان وصلت ويه ابوج هداج. هديه اله وجان مصمم ع زواجكم باي طريقه لايقتنع بحجي ولابمشكله
واني شاهد ع حازم اجاه اكثر من مره اخر مره كله بطلت اني كول للزلم ماعندي كلمه تراجعت بكلامي وهم مفاد وياه من اجاني للمحل ده يسئل لبنيه اكوموافقه من طرفه مثل
ميكول ابوك وده ايأكد ع هل شي
كتله البي خير يقدمه الله
سئل شنو قصدك
كتله اذا الكم قسمه اتم واذا لاهيه تنتهي اني ده اشوفك متردد بالموضوع اصلا
جاوبني لا اني مومتردد بس اريد اتأكد ان لبنيه موافقه لان اني نحصرت بزوايه ومااعرف شلون اتصرف بعد واكثر من مره رحت ل ابوك ومفاد
نور اني اعرف سبب صفناتج واعرف هل حجي يزعج بس الي صار صار وازوجتو نقطه ع سطر انتهه
نور: لؤي لؤي احس شي خانكني كأني تايهه بمكان مو مكاني مااعرف اتصرف بي مرات احس اني ماعرف شلون افهمك بس ماكو احد يفتهمني و
لؤي: لالا اني مفتهمج كلش زين وحاس بالي يدور ابالج كله
شوفي نور انتي لوكنتي موافقه ع حازم برضاتج جان كل هل العيوب الي داير مدايره جان عندج احله من العسل جان اتجاهلتي كلشي لان انتي رايدته
بس لان صار غصب هل زواج اوانفرض عليج
راح تعدين كل مجالج عيوب وحته اذا انوجد زين راح تتجاهليه
وحقج واني وياج بكل الي يدور براسج
بس يااختي زواج وتم نور لحل بنضرج شنو اوبتفكيرج خلص انهي اطلك اكو اشياء ماعندي لقدره احجي بيهن وياج ومرات اتمنه اني اتحول لبنيه لساعات وياج وويه ساره حته تكدرون تفتحولي كلوبكم واكدر انصحكم
بس اتوقعي هسه تكونين حامل انتي متعرفين ربج مايخلق بالارحام بين ليله ويوم
مراح اكولج شنو ذنبه ولااكولج حازم ميعوفج ولا ولا
بس حكولج شغله
الي مكدرت تقاوم حنين وعدي وابوها
راح تكدر تقاوم مجتمع
هذا مجتمعنه الي تطلك وهيه مزوجه الها 10سنين يحطون بيها الف عيب ويحجون عليها الف كلمه
شلون بالي كلها ايام معدوده
ثقي بالله اذا عليه انعل ابو الي يحجي تعاي عوفي واطلكي والي بي خير خل يحجي انعل امه وابوه
بس انتي راح تتحملين
بذاك الوقت حتكولين لوصابره لومحاوله
واذا كنتي حامل راح تتندمين حته ع طفل
نور اني وياج وبضهرج والي ترديه اني وياج بس كون الي ترديه متأكده منه موقرار بس يهب عليه هوه يطير وتكونين بندم
نور: ااااوووووووف
لؤي: ليش هل حصره نور بس كولي الي ترديه شنو اه والله ازينهن اذا متنفذ ع طلبج
نور: الي اريده الله يخليك الي بدونك اني اضيع
لؤي: اشش لاتكولين هيج انتي بوجودي اوبدوني لازم تكونين قويه انتي موطفله نور وهيه متنقاس بالعمر تره
صيري قويه بنفسج ولنفسج
نور: جاوب تلفونك صار كم مره يدك
لؤي: هاي صديقتج غير شحصلنه من وراج لعد
نور: ههه اطينياها احجي وياها
الوو
الووو نور
اي
هلووو حبي شلونج
الحمدلله انتي شلونج مشتاقتلج
الحمدلله والله فد انقهرت ع زواجج شلون هيج ودراستج. وانتي
لؤي: ليش تنقهرين ازوجت واالله يسعدها ماله معنه هل حجي
-لاموقصدي
لؤي: بعدين اخابرج
نور: جره من اذني
وردها
لؤي: حته الي يحبج ولقريب عليج لاتحسسيه انج ضعيفه اومكسوره ولاتبينين
ساره: مخلص اجتماعكم صار ساعه اباوع عليكم بس اسمع بسبس علو صوتكم شويه
لؤي: تفضلي
نور: هههههه
ساره: والله اريد اسمع كلمه ماكو
لؤي: وانتي كو حاطه اذنج يمنه فضوليه
ابوعدي: لؤي
لؤي :هاا يابه جاي
ساره :شجنتو تحجون
نور: شعليج انتي
ساره: الاسرار بس ويه لؤي صايره
لؤي: شبي لؤي شبي
نور: احله اخ بدنيه
لؤي: تؤ خجلتيني هههه راح اروح افتح دزني ابويه ومن نرجع نكمل
لان اخوج ميطلع ليوم مكابل السفيره عزيزه
ساره: شتكملون انت وياها
لؤي: معلللليج
ساره: بسيطه يامكروه
نور: ههههه
لؤي: شجيبلكم ويايه
ساره: جيب نس
لؤي: انتي بس تسمعين جيب تنطلقين صبري خل نشوف لعروس شتريد
ها عروستنه شتردين اجيب
نور: اريد سلامتك
لؤي: لاهاي اريد سلامتك توجع لجيب وتنفض لمحفضه لان حضل ششوف اخذ فحددو شتردون
نور: هههههههه لامااريد شي والله
ساره: اني اريد جيب نستلهVip
وحب ووو
لؤي: واجيب الاسواق واجي لاتعدين انتي
افتهمت
ههههه يله اجيب كرزات هم حته ندردش ونكرز اني وياج
ساره: واني
لؤي: عود نطيج شويه
ساره: خرررب
لؤي: ههههه رايح باي
ام نور: نوور ماما تلفونج صار ساعه يدك
نور: اي جيت طبت ويايه ساره لتفلون بغرفه امي
الوو
ها نور شنو الاخبار
ماكو شي
اكيدبالي يمج
نور: ساره تغمض عيونها وتهز براسها واني كاتمه لضحكه كوه
لاليضل بالك ماكو شي
شبيج
مابيه
هااا شعرفتي ع حنين
ماكو حمل جانو شاكين بس طلع ماكو شي
هاا الله يرزقهم بذريه الصالحه محتاجه شي
لا
تمام شتردين دكي اني بالبيت
اهمممم
يله اخذي راحتج
اوكي باي
باي
ساره: احم احم
نور: خيررر
ساره: لاماكو شي اطيني اشوف لصور
نور: ياصور
ساره: مال لسفره
نور: مااخذنه
ساره: لااا صدك غير تاخذين لذكرى
جيبي جيبي العب بتلفونج شويه
نور: اخذت لتلفون وطلعنه يم امي كانت تغسل لمواعين كعدنه بالمطبخ
وابويه طلع دز لؤي قبله ايفتح وهوه طلع وراه
ام نور: نواره اصبلج ماما مجعتي
نور: شويه ماما عفيه شي فوك شي صبي
ام نور: اي يمه بعيني
نور: اطتني لماعون الميز طلعوه بره بالكاع كاعده بعدني ممأكله
عدي: كومي طلعي بره لج واذا توصلين لهنا بعد اكسر رجلج
ساره: موهوه بيتك و
عدي: انجبي واسكتي لااطيح حضج
ام نور: لك شنو مالك رداد انت
عدي: لا يله بره
نور: ايدك وخر مجايه ابيتك اني
جرني من ايدي ده يكومني دفعت ايده وكام يضرب اني كاعده وهوه واكف صرت جوه ايده امي ادفع بيه ميفيد شعري هلسه اتهس ويصيح مرتي تاج راسج اذا اجيبين طاريها اذبحج طرحت بسببج ارتاحي
ام. نور: هوه وينه حملها ده تطرح يزمال تضحك عليك
نور: والله حسيت ركبتي راح تنشلع من كثر جره بشعري
بس فجأه انجر عدي وانردم بالحايط
واستلمه حازم مخلاه يرفع ايده
صرت بوجهه دفعته عن عدي
حازم: امشي لبسسسي لوعاجبج هيج كل شويه مكفخج
نور: جاي بالفانيله والبجامه الدنيه جانت هستوها تغورب
بس فجاءه صار فوك راسنه
عاط بيه عيونه مخنزر طبيت لغرفه امي اخذت عباه معلكه لبستها
ساره: هاج تلفونج
نور: غراضي فوك
ساره: اني ادزهن الج هاج زين دكيت ع حازم ريح كلبي واالله
نور: انتي دكيتي
ساره: اي
نور: صوت امي بينهم طلعت ركض
دفعت حازم وطلعنه من البيت
محجيت شي وياه شكله ميتحاجه اصلا
طبينه للبيت جانت
مفتوحه لبوب اصلا
شمر روحه ع قنفه تمدد وحط ايده ع عيونه صعدت اني فوك عدي اذاني صدك بحجيه وبضربه شعري خصل خصل اجر منه
وكل هذا مرته حته منزلت اذن لمغرب واني دمعتي بعيني باوعت ع سكف لغرفه
يااااارب تعبت شسوي يارب اخذني وخلصني يارب
صوت حازم جوه عاط مسحت عيوني وكما فتحت باب الغرفه
اسمعه يكول اريد انهمد شتردين
مااجي من طبيت استلمتيني كر كر
اريد انهمد هسه
سديت لباب ورجعت ع جربايه كعدت
صوت لجرس ولباب
فتحت البرده الشباك ع طرمه
هند وطلع حازم
فاتت ليجوه مانزلت بس فتحت لباب ووكفت بالممر ع درج
هند: موده اكولك تعال
حازم: هند متعتبي اريد انهمد
هند: لاعيني عاجبتك خراميش لبزون الي بركبتك
حازم: هند شتردين
هند: ماريد شي عيني حته نفسي ده تلعب كل ما اشو
حازم: بسس مونفسج تلعب شكو جايه
هند: شدعوه عيني شحجينه
حازم: هند والله ماده اشوف كدامي روحي احسن
هند: رايحه ضل هنا وحدك لوبيك معافتك من اول مارجعت وراحت لهلها ام المشاكل حته يشوفن امك واختك الرادنها
نور: طلعت وبطرمه وتحجي سد لباب قوي ورجع
حازم: انعل ابوهل عيشه
نور: صوته قرب ركضت للغرفه سمعته يصعد فتح لباب وطلع هدوم وده ينزل
حازم
حازم: هاا ها شتردون بعد من حازم
نور: عاط بيه
حازم: هذا منضر بله عجبج الي صار عيونج رايحه من البجي وشعرج املخ كتلج رجعي لبيتج واحترمي نفسج
بس شلون تسمعين كلام عيب لازم اتعاندين لاااازم
نور: صوته هرج البيت هسه ليش ده اصيح
حازم: بطران مرتاح غير وده اصيح
موشعلتي ابوها ابوها لااعصابي شعلتي انتي
نور: اني شكو
حازم: لاابويه طلع من كبره ونعل استغفررالله ياانووووررر استغفر الله
يعني شتسوالنه هسه الي صار لوراجعه لبيتج من اول مصارت المشكله مواحسن
من هذا كله خليتيني اركض بشارع
ساره خابرت تصيح الحك عدي حيموتها لنور اني منجب هستوني غفيت كمت مثل لمخبل اركض بشارع بالفانيله شتسوالي بله شيكولون عليه العالم
وذاك الاخ الي كتله دير بالك
نور: لؤي بابا دزه ايفتح
حازم :هوه اني شطيح حضي غير ابوج
نور: شمر لهدوم بتعلاكتهن
حازم: هسه وين اولي اطلع لايصير شي ابقه محروك دمي
شكوو معاجبج اكيد
نور: متخوصر ويعيط منضره والله يخوف بس مادري شجاني وضحكت
حازم: لاوالله فوكاها تضحك موصاحيه والله وانتي
اي اي مسحي دموعج حضي هوه هم حضييي
نور: هههه اضحك وامسح بعيني يمكن من كثر القهر كمت اضحك ع روحي لان مليت البجي
حازم: كافي روحي غسلي ليش هيج شعرج اشتعلت لشتج ولشته لذاك الارعن هسه اروح
نور: اخويه تره
حازم: لاوالله فرحانه بيه شلون اخ يتفلس ع باكله لاا ضحكين
نور: ههههه شعليك انت
حازم: موصاحيه ههههه والله
نور: وخر ايدك
ده يمسح خدي دفعت ايده
حازم: الك بيها اراده ربي الك بيها اراده
نور: عافني ونزل
راسي من الجر يوجعني
تمددت
دك تلفوني لؤي
ها لؤي
هانور جايكم اني
اي هلابيك
نور: نزلت كاعد حازم مرجع راسه ع قنفه وجكاره بيده
حازم
حازم: هاا
نور: راح يجي لؤي
حازم: اي هلابيه اطيني تشيرت التراكسود
نور: لتشيرت ع قنفه الي جان نايم عليها شامره اطيتهياه بعده يلبس اندكت الباب
لؤي
ها نور
هلو لؤي
حازم: فوت فوت
لؤي: ابويه دزني كلت افتح وهوه يجي ارجع للبيت خابرت امي ع ابويه شسوالج هذا الكلب
نور: ماكو شي ليضل بالك
لؤي: غير افتهم اني من لمحل لهنا شصار
حازم: عوفه اخذ جزاته بس لا ابوك يزعل لان ضربته
لؤي: لاشنو يزعل عدي مستاهلها
لاتبجين خل يولي انكسرت ايده والله لطيح حضه
حازم: وين كايم اكعد
لؤي: لاوالله ده اروح من لمحل عليكم جيت
حازم: اكعد اتعشه ويانه
لؤي: لاوالله ماكدر بيت لعامر
ها نواره حبيبتي لاتخلي ابالج هذا من عدو لزلم جان غايب وحضربيوم الي عدو لزمايل حشه السامع
نور: باسني من راسي وحضني
وراح
اباوع عليه من لشباك طلع ووراه حازم ايوصله للباب
والله انت عندي بدنيه كلها من زمان حنيته علينه عكس عدي
حازم: هيج انخبصنه ابلاش ابلاش لو راجعه لبيتج
نور: انت ضل لو راجعه ولو راجعه
لان موانت الي سويتها وضربت حنين وسويت هل مشكله كلها
الي ده يكولون استعجلي فهاي احداث مااكدر اركض ركض بيها
اني القصه اذا مااستنزف لبطله بالاحداث واشترط عليها اصغر حدث تذكره مااكتبها
واكو شغلات ماكدر اتجاهلها خلكي طويل بالكتابه ولنقل اني
الي يشوف روحه مل يترك القصه لان بعد احداث
هواي واني ده امشي بتسلسل
ماكدر اركض ركض كل مااكول اترك شي اشوف القصه ضاعت من غير ذكر تفاصيلها