# حب بالاجبار
البارت الواحد والاربعون
ل وردالعامري
نور: ششوف
ام. نور: شكو
نور: كانت اكو خدمه رسائل وسائط ترسل من خلالها صور
لصوره كانت لسندبااسم هند
ومكتوب رساله عايفته الج شبعي بي
اطيت لتلفون لساره
ام نور: شو شكو
ساره: هند دازه صوره سند بيت بااسمها لنور
ام. نور: يااا عود من كل عقلها هاي
نور: مجاوبت ولاتناقشت بهل موضوع اصلا
رحنه لصالون واتفقت امي وياها ع جمعه كنه يوم الاثنين
رجعنه للبيت ويه طبت ابويه
ابونور: هااا الله يساعدكم زين سويتي والله
ام نور: اخذتها عود تشوف مكتلي انت ع جمعه
ابونور: الصبح كلي والله اجاني حازم ده يتفق ويايه كال سافرو الفجرر
ام. نور: هاا
ابونور: اي والله طالعين انتو همو نفسكم مبقه شي للجمعه تره
نور: الاربعاء امي وساره اخذ لهدوم ودوها لارحت ولاوصلت وخلصت الايام كلها نوم موطبيعي اكعد وارجع انام كأني منايمه
ساره: كعدي يمعوده انتي نايمه واني انسحلت بجنط
نور: ها جيتو
ساره: اي جينه لج نور شلون غرفه تخبل تخبل مالتج
نور: اي زين
ام. نور: هاكعدتيها
ساره: اي ده اسولفلها اكولها لغرفه حلوه
ام. نور: اي والله كلش حلوه وضخمه بالعافيه ولمشتمل كله مرتب تخم حلو نازك بالهول ولغرفه لجوه سادها محاط بيها شي الغرفه لفوك مأثثها
ولمطبخ حلو كاونتر وغراض كامله
بس مرتب كلش حلو
نور: همه يحجون واني متمدده اباوع عليهم
ساره: الووو ويامن نحجي احنه
نور: اي ده اسمع
ساره: جان جيتي شفتي والله حلو ولغرفه كلش عجبتني
نور: اي جيد
ام نور: الله يسعدج يمه
ساره: منو
فوتي
حنين: ها وديتو لهدوم
ام نور: اي
حنين: جان رحتي انتي يانور
نور: باوعتلها ومجاوبت اصلا
وهيه هزت ايدها وطلعت من الغرفه
لخميس سحلتني امي سحل رحت ل ام الصالون سوت حاجبي طبعا لاصبغت ولاسويت شي حاولو ويايه رفضت لموضوع
رجعت للبيت ابويه جايب صناديك مشروبات غازيه وجكليت ومخبوص اينزل
من طبيت هلهلت حنين بوجهي للغرفه
امي وساره صعدن ومعافني لليل سبحت ونمت كعدت الصبح ع صوت الهلاهل
ولباب انفتحت امي وحنين وساره
كأن اليوم يوم. اعدامي. اي مراسم للفرح ماعندي
ام نور: يله ماما تريكي ده نطلع
نور: نزلت بابا كاعد مطالع للمحل وجايب كيمر وكاهي ومنتضرني ميقبل يتريك اله اني وياه
بالعافيه مااكدر
ابونور: كعدي نور بابا كعدي
يابنتي ماكو اب يريد الشي الموزين لبنته
وكلشي مقدر ومكتوب
وربج كال انت تريد وانا اريد والله يفعل مايريد
اني جنت اريدج تكملين دراسه وهذا الي ابالي بس
شوفي شصار وشلون بين يوم وليله تهجولنه وصار الي صار بينه
تركتن دراستجن و ع امل ترجعن والامل ب الله ان شاءالله
ولاتصدكين اني اريد ازوجج وبس
صدكي من جينه لهنا كم واحد حاجاني بيج
وجنت ارفض من سيف ابن اسماعيل
لزياد ولولد متعرفوهم من ولد عمامي جنت
ارفض مااشوف بيهم الي أمن ع بنتي عنده
حازم لاوالله يتأمن ع روح كدها وكدود
ومن وافقت عليه لان شفته رجال من يدك صدره ويحجي حجايه
حجايته سند وضمان
شفته مناسب الج اكثر من غيره محكمت عمره حكمت ع شكله
شكله ممبين عمره الي يشوفه يقدره اصغر
وحكمت ع شخصيته ومواقفه واسلوبه
اما شغله مزوج فيا بنتي هوه قادر ع فتح بيتين اولا اما ثانيا فمن حقه يزوج وعذره معروف
يابنتي اني من ردتلج هل شخص حته انام واني مطمن
اعرف المن نطيت
جربته وع كولتهم حكيته فعرفته يعتمد عليه
نور انتي بنتي مو رخيصه عندي
وثقي ردتلج الزين بس هذا اكوله الج
وهسه يابابا ركابنه بيدج اني وامج
ياتخلين الناس وزوجج يكولون يترحمون علينه بتربيتج
يانعلونه
يابنتي اسئل الله ان يوفقج ويسعدج
ويجعل ايامج حلوه بحلاوه وجهج الحلو
وبصفاء نيتج ربي يرزقج ويرضه عنج
وراضي اني عنج منا ليوم الدين
وصدكيني يابابا اذا غصبتج فحبي الج
خلاني اسوي هل
وحطي ابالج بيت ابوج مفتوح الج
والي يكولج بم اني اكوله دم
مبروك يابابا والله يسعدج ويرضه عنج
نور: كعدت واسمعه يحجي كام كعد يمي ويحجي ويايه وكام باسني من راسي وكفت واسمعه حضني ودعالي بالخير
للحضه اتمنيت ان ينزال من كلبي كلشي شلته وخزنته اله
تمنيت ابقه بحضنه وبنفس الوقت اختنكت لان كلبي انترس قهر من. الي صار
حنين: ككككلللللوووووش
مبروك. ياعروس
ابونور: كعدو بابا ده نتريك كلنه
حنين: لاوالله عمو خابرتني امي تدري وحيدها اروح يمهم وان شاءالله اجي ويه لزفه هسه عدي حيوصلني
ابونور: بكيفج بابا
عدي: صباح الخير
-صباح النور
عدي: هااا لعروس منو بكدها كله كيمر وكاهي. وحركات منو كدج
ابونور: ههههه شعدنه لعد كم نواره
نور: جنت مستمع بس عيوني تفتر بينهم
كأني ادور ع شي بس مده الكاه
لكيت بطبت لؤي وفوته عليه باسني من راسي بيده جيس صغير وعلاكه بيها علبه
لؤي: صباح الخير يااحله عروس شنو هل جمال كل الي يكعدون الصبح هيج حلوين
ابونور: وين جنت لبارحه
لؤي: بتت بالمحل
ابونور: وليش
لؤي: نمت وبس
شوفي شجبتلج جبتلج هذا باكيت النستله ادري بيج تحبيه انتي
وجبتلج شغله صغيره ع كدي هههه
ساره: شجبت شو اشوف
نور: ذب لباكيت وفتح كيس صغير بي علبه وساره تكمز اريد اشوف
فتحها وطلع زنجيل ناعم وبي ايه الكرسي ناعمه
لؤي: صح موثكيله بس ردت بيها كلام الله حته تحميج
نور: حضنته وكأني احضن كل الي احبهم
كأني حضنت ابويه الي جنت مصدومه بي وحضنت عدي الاخ الجبير الي عيني عليه
حته امي كأني حضنتها من حضنت لؤي
بجيت ع جتفه من غير مااحس ضمني اكثر
وطبطب ع ضهري
همس بااذني
-اني بضهرج صح مكدرت اسوي شي الج بس اذا بيوم احد اذاج اشرب من دمه
نور: صوته اختنك وكابر رفعت راسي دار وجهه ومسح لحيه
ساره واكفه وتبجي وامي كذلك ابويه عله كعدته ع ميز يباوع علينه
ساره لبسينياه
لؤي: لالااني البسج
نور: لبسنياه جان كلش ناعم بس فرحتي بي كأن كل شي ثمين وغالي مصبوب بيه
لؤي: عذريني اه ع كد فلوسنه
نور: يسوه عندي كنوز الدنيه والله
ام نور: بالعافيه حبيبتي
نور: الله يعافيج
ابونور: يله كعدو تريكو عاد
نور: كعدت اكلت شويه وكمت
ام. نور: يله ماما بدلي ده اروح هم يله اروح لصالون
نور: صعدت بدلت ويايه. ونزلت
ام. نور: ابوج يريدج ماما
نور: رحت ويايه امي
ام. نور: تعاي ماما
ابونور: ها نواره حبيبتي بابا الله يسعدج
هاي هديتي بابا ان شاءالله تعجبج
نور: فتح علبه مربعه بيها 3سوارات(بتوت بالعاميه)
ام. نور: اذا معجبنج ماما. اتفقنه ويه لصايغ انبدلهن
نور: لاشكرا حلوات
ام نور: دلبسيهن
نور: لالا مااريدهن
ابونور: ابدلهن نور بابا
نور: لاحلوات شكرا
ام نور: يله من ترجعين للبيت عود لبسيهن ويه نيشانج
نور: اني لحد الان حته حلقه رفضت البس
طلعنه عدي بسياره كاعد ينتضرنه
وين لؤي
ام نور: راح يزين خطيه هم يله ايلحك دفعته كوه مشفتي لحيته شعلاتها
نور: صعدت بسياره ساره يمي
ام نور: انمر اول ناخذ لبدله
عدي: اي بس كوليلي وين منين اطلع
ام نور: هوه ع شارع اطلع منا يمنه وكبل
عدي: ماشي
تدللون انتو ولعروس
نور: نزلت امي جابت لبدله ولمسكه
ورحنه للصالون
جانت تنتضرني ويمها ثنين نسوان ووحده ده اتشسور الها ام لصالون الثانيه
ام الصالون: يله عروستنه طبي لبسي حته نبلش شعرج طويل يرادله وقت يله عيني
نور: طبينه غرفه صغيره اني وماما وساره
ساعدوني البس
بس الغريب ان من اول ماطلعت من البيت ايدي وجسمي كله يرجف واحس بعطش كل شويه اطلب مي
مرايا كدامي لبدله جانت كلش حلوه بس نفسي اني الي مده تحس بجماليتها ولا
تكدر تتأقلم ويه لونها
تلمستها باايدي مثل
طفل جان يحلم بلعبه ومن جتي وصارت بين ايده
يحس بكسر بنفسه
اني مثل كل بنيه حلمت بهل فستان 👗 الابيض
يمكن فتره من لفترات حلمت بي للانسان الغلط
بس بقه هل فستان 👗 ابالي وتمنيت ان البسه بيوم واحس بفرح
بس هسه لبسته وده اشوفه كلش حلو
بس اتلمسه بكسر واحس دموع انترست عيني
ام. نور: بسم الله يمه ايخبل عليج
ساره: هيه محليته
ام. نور: تعالي يله ماما
صاحبه لصالون: ماشاء الله شلون لايكلها
عبير عليج الله شوفي شلون كاعد عليها والله لوبيدي حته مكياج ما اخليلج هيج شكلج اصلا حلو بي
كعدت وبدت تشسور شعري عيني جانت ع مرايا
احجي وياها بداخلي
منو انتي
اني نور الاسم اضلم داخلي
اني عروس بعيون الناس ميته بداخلي
كل الفرح حواليه واني ميتم بروحي
يله موكل بنيه تزوج يعني مجنتي تحلمين بيوم تصيرين عروس
اي حلمت بس يمكن كثر ما كنت بحلم سعيده وفرحانه هسه اني احس بهل حزن ولخذلان
جنت احلم بيوم اخذ الانسان الي اني اتمناه
منو عامر
لا عامر اول طعم خذلان ضكته
من ايده واول جرح وغصه عليه توقيعه بداخلي
لعد منو جنتي تردين
ماعرف بس جنت اريد اكون اني الي اريده
مو ينكتب عليه
موشرط اعيش بقصه حب وياه
بس ع قليل انسئل عليه ويكون الي
حريه الاختيار
وهسه شتردين
مادري
شتحسين
خذلان كسر حزن والم
ع شنو
عله كلشي
يمكن ع نفسي ويمكن ع الاجبار الي صار
ويمكن ع ابويه الي نصدمت بي
ويمكن عله كل شي ده يصير
فزيت ع صوت ام الصالون وهيه تحجي ويايه
-هسه اديرج هيج ممنوع تباوعين ع مرايه لحد مااخلص التسريحه ولمكياج
عبير حولي الماشات يمي ولغراض
جانت عروس ثانيه كاعده ع كرسي الثاني
امي وساره كاعدين
ساره كل مااباوع عليها تبتسم وامي جانت تباوعلي وجهه ميتفسر بين الفرح لمرسوم ع شفتها
وبين الحزن الي مدمع عيونها
سولي تسريحه بعدني مشفتها بس ساره جانت اتأشرلي انها كلش حلوه
عيني صارت بعين لعروس الي موجوده جانت تبتسم وفرحانه
جانت لابسه بدله لون وردي وفرحانه بيها كل شويه تنفضها وتعدلها رغم انها مابيها اي شي
اتمنيت اكون مثلها ويمكن ارسمت ابتسامه ع وجهي رد لبتسامتها وفرحتها
بدت تحط مكياج غمضت رحت لعالم ثاني
عالم اكون فرحانه بي احس بي
احس اني عروس تمنيت وتمنيت لكن بله فايده
-راح اديرج ومن اكولج فتحي يله تفتحين
فتحي
نور: فتحت عيني لمرايا مقابيلي
ام نور: ماشاءالله يمه اللهم صلي ع محمد وال محمد
ساره :اتجننين والله
نور: وجهي كان حلو عجبني بس كنت مثل اللعابه الي انحطلها زينه حته تتحرك بهوانه انمشيها ونكعدها ونسيرها بالي نختاره
كل الموجودات بالصالون اكدن اني كلش حلوه
والي تكول ل امي علكي دنبوس ببدلتها جبير والي تكولها خليها تشيل مرايا زغيره
والي توصيها تقره لمعوذات
لبستني ساره حذائي جان عالي حته اصير بطول العريس طبعا لازم كلشي يكون تمام وجاهز وكلشي متناسق وحلو
بس ماعدى ارواحنه مومهم تتناسق لانها داخليه احنه انحس بيها
وبس
المنضر الخارجي يهتمون بي حته يشوفوه العالم
كمت وكفت تعلقت عيوني بالمرايا
شفت كلشي بيه كلشي متناسق وحلو
بس داخلي مده يحس بهل شي ابد داخلي فارغ
حاولت ادور ع اي شي لكن لكيت حزن وقهره غصه بداخلي
اي مكان للفرحه ماكو
دك تلفون امي وساره لبستني بليره البدله طويله وكبوس
ام نور: نور راح يجي حازم يكول ناخذ صور. واروح للبيت
نور: لاليجي
ام نور: يمه عيني ياخذج للاستديو ياخذولكم كم لقطه
نور: مااريد لاصور ولاشي خابري عدي نرجع للبيت
ساره: زين مو عله اساس من ياخذها من البيت بزفه ويروحون للاستديو
ام نور: مادري والله يمه كتله كال لا راح تصير هوسه ومنكدر
نور: مااريد صور لايجي
ساره: يعني اذامااجه
هسه فااول وتالي حيجي ويه الزفه وياخذج
ام. نور: نور لاتشلعين كلبي يمه هذني صور للذكرى ايضلن
نور: اني مااريد اذكر هل يوم اصلا ليش اخلده بصوره
ساره: اهووو نور حبابه اني اريد اشوف صورتج وانتي عروس شلون تطلع
ماما اني اريد اخذ وياها شلون
ابونور: شمدريني هوه اني وصيت حنين اجيب الذهب عود بالبيت كلت البسها
ساره: خرب لا شلون
ام. نور: ملابسج حلوه مابيها شي
ساره: ووجهي شلون
ام. نور: شبي لازم ناويه تمكيجين عيني
ساره: لابس شويه كحل وشي قليل يعني
ام. نور: عيني ام مصطفى ماتحطين لهاي شي مكياج بس خفيف فدوه
-اي عيني تردين شسوار
ساره: لامشسوره اني
-شو بس يرادله تعديل مال لف
ام نور: موحيجون شلون
-ع سريع بس انزله الها خل احطلج مكياج اول شتلبسين انتي يالون
ساره: لامااريد فوك عيني لون بس هيج
يعني رسم بالقلم الاسود بس عيوني نور: كعدت ساره ويمكن جانت فرحانه اكثر مني
حنين: يمه تخبلين طالعه هنياله ل اخويه
-اخوج لعريس
حنين: اي
-عيني صدك هنياله لعابه ماشاءالله
نور: الكلمه الوحيده الي نحجت صح هيه اني لعابه
ام نور: يله ساره
نور: عوفيها ع راحتها
ام نور: موينتضرون برا
نور: خل تكمل ع راحتها
-ههههه اضاهر العروس خايفه من الليله تريد تنهزم بااي طريقه
حنين: حطلع اكوله
ام نور: خل البسج ذهبج
نور: ماالبس
ام. نور: شنو متلبسين راح تأخذون صور لبسي
نور: ماالبس شيلي
ام نور: ولج لااشلعين كلبي
نور: ماالبسه لاتخلوني حته لبدله انزعها الكم
احجي وياها بصوت ناصي بس كازه ع سنوني
ام نور: ولج يمه دشوفي شكد حلو
نور: فتحت علبه بيها تخم كامل وزنجيل ومداليه ومحبس ع صفحه
ماالبس سدي ووخري
ام. نور: ولج ميصير شيكولون العالم
نور: راح انزعلكم لبدله وانشوف شيكولون كتلج ماالبس
ام نور: زين لبسي حلقتج
نور: فتحت علبه صغيره بيها محبس بي شذره بيضه ووياه حلقه
ماالبس
ام نور: ولج بس ذني ميصير
نور: ما البس
ام. نور: منا لعالم يمه يله حبابه
نور: راح اعيط ما البس
لاتفتحين بتوت ابويه ماالبسهن
حنين: ها مكملتو
ساره: كملت كملت
حنين: اطلع افتح باب السياره
نور: امي ضمت لعلب وتباوع عليه بغضب
لبستني ساره بليره البدله وبيها كبوس نزلو ع خشمي عموني بيه طلعنه مااشوف شي ويجرن بيه صعدني بسياره ليكدام سدت لباب حنين ورفعت ايدي اريد اوخر الكبوس شويه
وصعد
حازم: هاعيني سدي لباب حنين زين
نور: مدرت راسي بس صوت حازم رفعت راسي شويه شفت البنيد مال السياره عليه زينه
من صعدت توقعت اني عدي الي جاي من دخول حنين
اختنكت اكثر مااني مختنكه بهل البدله
مسافه قصيره ووكف السياره نزلوني
ودخلنه للاستديو
نزعتي البليره ساره
اووف اختنكت
برفعه راسي حازم واكف كدام مرايه معلكه بالحايط وده يعدل الرباط
اندار عليه عيونه صعدت ونزلت ع طولي
نزلت عيني واحس بقرف من كلشي حواليه
دخل لمصور وبده ينسق وكفاتنه اوكف وراها والزمها كان بس ايمد ايده عليه انز رغم ايده ع فستان
وكل الي احس بي اني ده اختنك. اكثر
عيني ع امي. الي جانت تبتسم بوجهي
وساره الي تسوي حركات حته اضحك
تحول عينها وتأشر ع شفتها اضحكي لواطلع السانها
جنت ابتسم ع سوالفها من عيني تصير عليها
-هسه ساعدوها تكعد وفرشي بدلتج حطي لماسكه هيج اي يمج
انت تجي تكعد هنا اي هيج اما بعض اصيرون باوع عليها
وانتي اختي رفعي راسج بااتجاها
نور: كعدتني ساره وحنين
رفعت راسي شفته يبتسم درت وجهي بسرعه
ساعه لمصور يكول عينج هنا حطيها
اخر شي باوعت ع اتجاهه صارت عيني تقريبا ع كتفه
-هسه كوم صير بضهرها
وانتي رجعي راسج عليه
نور: حجه حجه اخر شي هوه حازم تقدم عليه اخذنه اللقطه
كوموني واخذت ويانه ساره وحنين وامي بالجبه اخذنه
-هسه اخر لقطه اوكفو حط ايدك. ع خصرها
نور: اول ممد ايده رجعت ليوره شويه
حازم: هههه هيه صوره شبيج تفزين
-لاتقدمي عليه انتي حطي ايدج هنا ع جتفه ونضركم. ع بعض يصير
حازم: وتالي شلون رفعي عينج
نور: اجه مثل الوكفه النه من غي ميلمسني
حازم جان يهمس بااذني وابتعد اكثر
وكفت مثل مراد
حازم: عيونج دمعن هيه صوره عليش هل خجل
نور: كان متوقع ان كل تصرفاتي هيه بسبب خجلي
كانت اذنه قريبه عليه رفعت عيني عليه جان وجهه مقابيلي مثل الي مدنج. عليه وداير وجهه عليه
شتتوقع من وحده مغصوبه عليك لعد
همست بااذنه فتح عيونه وباوع عليه
حسيت اني فرغت شويه من السم الي بداخلي عليه
لدرجه ابتسمت من شفت ابتسامته شلون غابت عن وجهه
اخذلنه اللقطه وهوه وخر مسح وجهه وجر نفس
حازم: لبسيها حنين
نور: حسيت بنسمه هوه بردت جزء صغير من النارالي بداخلي
صعدوني بسياره
دك تلفونه جاوب بعصبيه
الو هاا
اي
وين. وصلتو انتو
ها سهله
يله بعدين. اخابرك
وصلنه للبيت وراح. هوه وحنين
تلكاني بابا ودخلت للاستقبال نزعتني. ساره
ابونور: ماشاءالله شنوهل جمال بابا بسم الله ماشاءالله الله يجعل ايامج حلوه
ام. نور: الي بصالون كلها تصيح شكد حلوه وشكد ناعمه
نور: ده اكعد وطب لؤي صوفر
لؤي: هلاووو ياب شنو هل جمال
ساره: تجنن مو. عليك. الله
لؤي: تخبل غير كمر اصلن اني اول مره اشوف هيج عروس حلوه
والله بعرس امي مشفت هيج. جمال
نور: هههههههه ضحكت عله سوالفه وحركاته
بس كأن الضحكه محابه تكتمل بسرعه نزلت دمعتي ع خدي
ساره: لمكياج يمعوده رفعي راسج. حيتخربط
لؤي: تعاي اخذيلنه صوره
اوكفي خل احط ريحه حته تطلع ريحتها طيبه
ابونور: تعاي اخذلي اني. وياها
لؤي :تعال اوكف ويانه وساره تاخذ النه
مواطلعيني احول ساره
اكولج نور
شنو نوعيه الطحين الحاطي الج صفر لو مال حصه
نور: ههههه
اخذنه صور وساره اخذت ويانه ماما بدلت واخذت جان لؤي جايب كامره
اخذها من ساره وكام يطك الي بحيث مااحس اله ضوه لكامره ولصوت لومن اندار لو ده احجي ويه ساره
شتاخذ انت
لؤي; صور طبيعيه طبيعيه شبيج من لشجره للخلاط
نور: ههههه بدو يجون العالم وطلع لؤي ضلت ساره يمي وامي توزع للعالم
صوت مزيقه وكالو جوي الزفافه
نفسي انحبس اختنكت واحس كلبي بقوه يدك
شكد خانكني لفستان اختنكت اكثر كمت احس باابر اجك بيه
دخلو بابا وعدي ولؤي وحازم وقاسم
ابونور: حازم امانه الله نور تحطها بين عيونك هاي نوارتنه تره
حازم: بعيوني ان شاءالله
لؤي: الله يسعدكم ان شاءالله
بس اكولك شغله فكر الف مره قبل متأذيها بشعرايه
حازم: ان شاءالله متشوف مني اله كل خير
لؤي: ان شاءالله لان اذا شافت شي غير الخير اني بوجهك
نور: حسيت لؤي ابويه من خوفه وحركه اصبعه وهوه يحجي ويه حازم
باسني من راسي
وطلعو هوه كعد شويه ناس تصفك وناس تهوس وتركص
لبستني ساره وطلعنه بابا بالباب
من شافني بجه باسني من راسي كأن ماعندي اي احساس اتجاهه وعدي باركلي وبوسني
لؤي: مبروك ياكمر
نور: باسني من راسي حضنته العالم كلها واكفه واني وبدلتي وهوستي كلها حضنته كل قوتي وبجيت
لؤي: اشششش اني وياج اني هنا بضهرج لا
تخافين بيوم من شي ابد
نور: وخرت ورفعت راسي ساره وبيدها كلينكس ع كيف تمسح. واكفين بطرمه احنه
لؤي مسح عيونه حيل حته لاتنزل دموعه
صعدوني بسياره
وصعد حازم جان هوه الي يسوق عيوني صارت ع بيت كأني ادور ع شي بيه
ماشفت شي حلو هنا ولاعشت حياتي هنا
كأن من. تهجرنه من البيت وطلعنه عفنه بي لمتنه ولحنيه مال ابويه بي الفرحه بي وراحه البال ابويه واكف وعدي لكن عيني متشوفهم تشوف بس لؤي ساره
صعدت بسياره كدامي ماعرف مال منو تحركنه من البيت اسمع صوت المزيقه
هاي مودكات الفرح
هاي طبول الاعدام
اني وياه فقط بسياره كان هوه يسوق
ورانه وكدامنه سيارات اي حديث مدار ابينه
وهوه بس طكت الجداحه ادور بسياره
وجكاره وره جكاره
الو ها قاسم
انصب العشه بين مانفتر ونركع فض الاوادم
اي عفيه عليك.
راجعين بس نفتر الفلكه
نور: افترينه شويه
ورجعنه وكفنه اباب المشتمل
نزولوني حنين وساره
عالم بشارع وكراسي
طببوني للمشتمل وطبو وياي نسوان
هوه ضل بره وره نص ساعه تقريبا كالو حيطببون العريس
ميثاق: انصعدها لغرفتها فوك
حنين: لا شويه حيكعدون هنا
نور: طببوه بهوسه لزمت ايد ساره كل قوتي
كعد شويه دقايق وشاور قاسم واكف يمه
قاسم: يابه العشه ابيت اهلي تفضلو
نور: اخذو العالم لبيت ام حازم وحازم طلع وراهم
ساره ابقي يمي
ساره: هاا شلون ميصير
حنين: هههه وين تبقه ولج
كومي صعدي انزعج البدله
نور: لاااا
حنين: شنو لا نزعيها وبدلي
نور: مااريد
حنين: لعد منو ايساعدج بنزعتها ولج
نور: مااريد ماانزعها
حنين: تنامين بيها شبيج صعدي
نور: كلت مااااريد
ساره: صعدي اني اساعدج بنزعتها
نور: ماريدانزعها
حنين: يااشلون
حازم: خلوها براحتها
حنين: ولبدله وهوستها شلون غير اتبدل
حازم: خليها براحتها حنين
حنين: حير بيها انت لعد ههه يله ساره
نور: لاترحين
حنين: ياخبال
ساره: لصبح نجيج يله باي
نور: بوستني وطلعت هوه وراهم البرده مفتوحه شفت ساره طلعت وهوه سد لباب ودخل
انهاريت
دموعي تنزل بقوه كأني صارلي سنه ابجي مو بثواني هيج نزلن
كعدت ع قنفه واشهنك
حازم: هاا ها شبيج
نور: بالطرمه شفته ده يذب الستره من طب شمرها واجه عليه غمضت عيني مااريد اشوفه
كعد بالكاع مقابيلي كنبص وكعد
لزم ايدي وخرتها جرها بقوه ولزمها اريد اجرها مااكدر لزمها بقوه
حازم: نور لاتبجين اهدئي
اسمعيني لاتسوين هيج
نور: ايدي
حازم: مراح اضمها بجيبي لاتخافين
بحياتي ماأذيج اني
ولاراح اغصب
منوووو
نور: باب الشارع اندكت بقوه
وهوه ركض