#حب بالاجبار
البارت السادس ولثلاثون
ل وردالعامري
صوت يجبرني ع السكوت
فصوتي بين هذا الزحام لايضهر
حته ان تكلمت صوتي لايسمع
وكأن بدء الحديث بصدمه
لينتهي بصدام وعراك
ليس هناك مجال لي
فاانا الان في حاله لذهول فقط….
نور: ركض عدي ع لؤي واني واكفه يمه صرت بوجهه ده ادفعه افاككهم محسيت بروحي اله اني بينهم همه اطول مني وناس تشمر ايدها ع ناس حمزه جر لؤي بجرته اني صرت بوجه لؤي ده اكوله كافي عوفه اجتني دفره بنص ضهري حسيت شاغت روحي فرفحت بيها
عدي عود ده يضرب لؤي اني صرت بالوجهه
احس النفس كطع مودفره لاقسم ضهري نصين كأنما
لؤي بسرعه لزمني حط راسي ع جتفه وايده صارت ع مكان لضربه بس اني مفرفحه لان دفرته بقوه جانت
اسمع صوت امي تدعي عله عدي
وجرتني بجرتها كأنما جان لؤي موكفته اني لان بحضنه صايره ركض. وهيه ركضه وادفرعدي من بين حنين وقاسم جانو عود لازميه
لان يغلط ع لؤي ويريد عود يضربه
انشمر بالكاع عدي وصار لؤي فوكاه جنه بحلبه مصارعه
بس صوت عياط وهوسه محد يفتهم منها شي جرو لؤي كوه من فوك عدي بحيث جرو من ايده كام يدفر برجله
لؤي: والله لنهيك ليوم متحمل عليك بكد رحمه الله اني
نور: جره قاسم ل لؤي جتفه جتاف وهوه يصيح هدني
بابا بين لهوسه يمكن جان ايفاككهم
مجنت مركزه وياه هيه هوسه وكلها ناس فوك ناس صارت
بس ضرب لؤي كدامهم كلهم
لؤي عيونه كامت اطلع شرار والله كزه سنونه عبالك طكطكن بحلكه من العصبيه وجهه دم صار واثر لضربه مال ابويه ع خده
حازم دفع ابويه
لااا ابوعدي غلط
ابونور: حقير كتلك لخاطري وكمتك من فوكاه ببيت لعالم تجي هنا تهوس انوب
عدي: والله ليوم دفنتك ع ايدي
لؤي: دروح داوي وجهك هسه
نور: عدي كوموه جان امدد بالكاع وكام يهدد من شاف لؤي ضربه ابويه
وهذا ميتحمل يسكت واكف ابويه يكوله داوي وجهك وعدي تخبل
والله ماعرف شيحجي جان لان بعياط يحجي وبسرعه افتهم كلمه وكلمه لا
ابونور: كافي انت الاخ لكم مامتت اني وهيج بيناتكم كلاب
نور: امي عافتني من تضاربو مسكينه تركض منا ومنا واني نسيت لضربه اصلا هم ركضت وياها جانت ليله مستحيل اكو شرح يوصفها كأنها نار وكل مجالها تفور وتشتعل اكثر
لؤي جره قاسم و امي للغرفه طبيت وياهم بس مبين عليه مقهور من ضربه ابويه اله
عدي جرته مرته وحمزه للمطبخ وابويه بالممر مخله لا اب ولاعشيره يغلط ويسب عليهم
لؤي: احد يكوله تره انت الساب ولمسبوب
قاسم :هههههه خرب عقلك
لؤي: والله شبيك
قاسم: هديت حيلي مخبل طلعت واني اكول عليك. عاقل لؤي
لؤي: قاسم زادت ولكل شي حد
نور: طب حازم للغرفه اول مطب رفع ايده ثنينهن يسويله اهدء وكلشي بتفاهم حلو
لؤي: ياتفاهم حازم مع الاسف والله
حازم: ياخويه مالها داعي كلها هاي تره ولمشكله
ابونور: وينك. حازم اطلع خل يولي هذا ارعن معرفت اربي
حازم: لالؤي زلمه ونعم منه
ابونور: طفل موزلمه من يهد ع بيوت لناس بنص الليل احسبها عليه حازم
حازم: يابه لولد وين هد عليه منو كا..
لؤي: لاهديت عليك وثق لوما مواقفك واكفه بعيني بس هاي اكولكياها مواقفك وكفت بعيني
ابونور: اطلع بره لك لاانت ابني. ولااعرفك بره
حازم: ابوعدي هااا لؤي حبيبي عاشت ايدك. ومقصرت
ابونور: حازم امسحها بوجهي هذا معرفت اربي اني اعترف ممربيه
نور: بابا بباب لغرفه واكف وحازم ده يطلع وبابا جلب بيه
حازم: لايمعود يله ياولد
ابونور: وين حازم تعال للصاله تعال
حازم: لاوالله هم يله دنيه ليل العالم تباوع علينه ع شنو ياخوي
كلمه ورد غطاها جان ولاهل مشاكل كلها
ابونور: شده احاجيك اكعد وميصير خاطرك اله طيب
نور: راحو بصاله كعدهم ابويه لؤي كام امي جلبت بي
ام نور: الي سويته كله غلط لك لاتخلي يستفزك. اتصرف طبيعي لعصبيه ويه ابوك. متفيد
لؤي: لعد يضربني. الي كدامهم
ام. نور: انت غلطان نمت ع اخوك وتضرب شبيك. تخبلت
لؤي: لعد من. اخويه يصيح احنه ناطيها وغصبا عليك انت منو بنص بيتهم شنو
شتردين. اصفكله
ابونور: لؤي
لؤي: هااا
-تعال
ام. نور: لؤي يمه. والله لعناد ويه. ابوك. ميفيد ابوك. ايحب. اهليته اسئلني. الي ولك
نور: راح لؤي احنه بالممر وكفنه بس امي راحت عدي جان بالصاله اصلا كاعد وحنين واكفه بالباب مال الصاله
حازم: اكعد لؤي
لؤي انت حالك. من حال قاسم. وحمزه والي صار ميستوجب هذا كله تره
ابونور: ع هاي كتلي صيحه شنو حازم موبعينك. اني كتلك اني ناطيك
نور: شنو ناطيك انوب
حنين: اي موهيه حاصلتلج
ساره: انتي تنجبين وتسكتين حيه ام راسين انتي سم اتكتين
حنين: لاتجاوزين. ساره موحايط ناصي الكم. اني ياهوه الي يجي يتجاوز
حازم: حنيييين
عدي: شكوو شبيج
حنين: شبيه بس ل… .
حازم: حنننيييين كلمه زايده مااريد وحسج مايطلع مفهوم لولا
نور: يكون. احسن اذا موبس حنين
ابونور: نووور جوه شكلت جوه يله
نور: خزرني طبيت. للغرفه مال امي لباب مفتوح
واكفه حنين عدي باس راسها وطب كعد يمهم
اسمعهم يحجون
ابونور: حازم اني ابوها وكتلك. خلص مع الاسف موبعينك. اني تصيح لؤي وحده هاي وياك
حازم: لاع راسي ابوعدي بس لؤي اخويه لصغير واني من صحته ردت احجي وياه افهمه ان موكلشي يالؤي بركضه وتسرع كلمه ورد غطاها تره
وارجع واكولك. تمون واخويه لصغير
لؤي: حازم. اني احترمك. واقدرك. يشهد الله بس
حازم: عوف لبس هسه النه كعده نسولف بيها واسمع الي عندم وتسمع الي عندي وتؤمرني امر
ابونور: حازم اني كتلك لموضوع هوه متخبل شنو اله هيه
حازم: ع كلن باجر ان شاءالله اني اجيك ونتفاهم
ابونور: خي يولي هل زعطوط شنو حازم شكتلك. اني
حازم: ياخويه يصير خير وممنون منك بس اريد احجي ويه لؤي ميصير يعني
يله نرفع الزحمه
ابونور: حازم بوجهي هاي
حازم: يمعود اخوتي ثنينهم موعيب هل حجي
وانتي صوتج مااسمعج ولااسمع طالع شي منج مفهموم
نور: لباب مفتوح ل استقبال الباب الداخليه مالته صايره ع غرفه اذا متنسد لباب الي يطلع تصير لغرفه بوجهه حاجه حنين
وده يطلع لغرفه بوجهه اني وساره كاعدين ع حافه لجربايه باوع عليه وطلع
ساره: يمه يمه لحيه
شوفي دموع لتماسيح
نور: طلعو اخوتها ووراهم. بابا وعدي. لؤي مطلع كاعد بصاله وهيه باوعت ع غرفه وهزت ايدها و طلعت
ساره: والله عجبتني. حركه لؤي من ركض ودفره لعدي خلاه يشقلب بالكاع راح اكو اسويها بحنين
نور: سكتي ساره فدوه
لؤي: ولجن باندج رجلي
نور: سوده عليه
لؤي: اسم. الله شكو هل بجي الي ترديه هوه الي يصير تره
كافي بس نور كوليلي مابيها شي انتي موافقه لو
نور: لالا لؤي شوافق الله يخليك
لؤي: هذا هوه وداعتج لومويطردني ابويه شيسوي يسوي
نور: لك. عدي هند صديقتي واحبها وثانيا مستحيل افكر بحازم يوم من الايام
لؤي: خلص كتلج هذا هوه
ابونور: وينك لك. طايح لحظ تعال يمي تعال
نور: من باب لمطبخ يصيح تعال فات للاستقبال وطبعا لحارس الشخصي وراه عدي طلع من لغرفه لؤي راحله
ابونور: اكعد اكعد
تدري ركبتي هل كدوتها صارت كدامه من كدامهم تضرب اخوك وتتجاوز
لؤي: اخويه هوه البده وغلط يصيح بشارع زعطوط
عدي: اي زعطوط ونص هم
ابونور: عدي كافي
لؤي لومهما صار موببيت لعالم تضرب اخوك. ووتمالخون
لؤي: هوه لبده ده احجي. ويه حازم وانضربت بضهري انداريت هم ضرب دفعته مفاد رجع ضرب
عدي: انجب لك انداريت ضربتني كله كذاب
لؤي: اي وره مضربت دفعتك. مفاد بيك شسويلك
ابونور: يعني محترمكم ولازم. اعصابي كوه وده احاجيكم لكم ماتستحون انتو
ثانيا باي حق تقررون وتحجون منو الاب هنا اني لوانتو
نور: بابا
ام. نور: عوفي هسه
ابونور: طايحين. الحظ ادبسزيه خزيتوني كدام. ولد عمي
نور: بباااابااا عطت يله سمعني اندار عليه
عدي: تفضل طبعا ششوفين
نور: بابا اني مموافقه وخلص
ابونور: شنو مضروبه انتي
نور: لا بس هل
ابونور: وجهج شبي هسه
ام. نور: هيه لطمت ع وجهه
ابونور: تعاي كعدي بابا الله يزيدني صبر انتو ليش هيج ده تسون بابا يعني. اني اريد مضرتج
نور: لا بابا بس اني مااريد ازوج
ابونور: بله بجي حته افتهم شتحجين ليش متردين بابا اول وتالي لبنيه لبيتها
نور: اريد ادرس ممفكره بزواج. بعدني صغيره محابه ازوج اي شي بس ماريد ازوج ماريد
ابونور: هذا هوه خلص هوه بعد الي صار شتوقع ردج اني
نور: لابابا اني من لبدايه..
ابونور: هذا هوه هذاهوه كومو طلعو خل انهمد من انعل ابوكم لابو ساعتكم من بينه للولد اله اعوفكم واهج. اخليكم تعرفون قيمه ابوكم شنو يله بره يله
نور: طلعنه بره وسد لباب قوي مال لصاله
عدي: عار مثل اخوج
حنين: اصعد عدي اصعد كافي الف وحده تتمنه اخويه
لؤي: الف ونص هم. بس بعيد بعيد
ام. نور: بس يله اخذ مرتك. واصعد يله
نور: هزت ايدها وصعدت ووراها عدي واحنه كلنه بغرفه امي
لؤي: ولكم رجلي
ام. نور: موحقها رجلك من لدبج. والتكمز تالي تضرب اخوك لؤي جان استحيت اكول عدي مخبل طلعت انت اكثر منه
لؤي: يمه والله هوه وازاني
ام نور: هوه مخبل عقله بساعات وانت. تعرف بي
لؤي: يله لازعلين بداعتي
ابونور: ساااره
ساره: نعم
ام. نور: روحي. شوفيه
نور: نمت بحضن امي احس راسي حينفجر وامي ترزل لؤي شلون يضرب عدي
ساره: ماما بابا يريد جوازه
ام. نور: شله بيه
ساره: مادري كال جيبي جوازي
ام. نور: شو يمه وخري ده انشوف اخرتها
نور: شيسوي بي
لؤي: يريد يهج ههه
نور: صدك يعني
لؤي: شمدريني عود خل يهج. شنو هيه كوه لعد
ساره: اشش سمعو
ام. نور: اي دكولي شسوي بي واطيكياه
ابونور: جيبي جوازي وبله كلام
ام. نور: كول يالله يارجال طلع لفجر واحنه
ابونور: جيبي جوازي والله لخليكم معاره عود اهلج ايلفوكم انتي وبناتج وولدج.
عدي :شكو شكو
ابونور: تعال لك نزل جنطه الم. غراضي بيها
نور: نزل عدي واحنه. ع صياح. كمنه
ابونور: ماعدكم لااحترام. ولاتقدير بالاسم اب اني لاالي احترام يم. ولد ولايم. بنيه كلمتي هيه ولكاع
لان ماريد لزين اني لبنتج
عدي: يابه دكعد هسه
ابونور: والله لعوفكم عوفه لجلاب اريد اشوف لسبع البيكم شلون يعيشج انتي. وبناتج ومحلاتي محد يوصلهن وانعل ابوكم حته بالبيت متبقون
اني تفشلوني كدام العالم
ام نور: منو فشلك ياعيني اخوه وبينهم صارت منو بالعالم ميتعارك
ابونور: اني تصير ماعندي كلمه اطي لكلمه عبالي عندي من ينصاعون ل امري
لؤي: ادري بالغصب هيه لوبجبر
ابونور: ولاكلام انت ولاكلام
مواحجي وياك عدي اطيني جنطه من. فوك
نور: فات للغرفه يطلع بملابسه ويصيح جيبلي جنطه
وابوعقلين صعد جاب
ومرته اصلا منزلت بعد
ام نور: يارجال صدك. كذب
ابونور: جوازي وين.
نور :كعدت ع درج وابجي شسوي ماعرف وهوه يصيح كلمتي وتنزلون راسي مالي سلطه عليكم
كوه. كعدوه عدي وامي وساره ولؤي ترزل وبعده يتوسل بيه يكعد
ابونور: طلعولحد يبقه كدامي طلعو وسدو لباب عليه بس خل يطلع ضوه. الصبح ويصير خير عود يصيرلكم. خير من بعدي
شوفني عود رجوليتك. لؤي واضرب اخوك وانت. اغلط وصيح ياجبير
وبهل طريقه عيشو. الي ماعرفت تربيكم. وذنيج. عود زوجوهن. ع مزززاج عيني ع مززززززاج عود
شباب من شباب هل وكت وتعالي يكومهن بنعال ويكعدهن بنعال منو اني اني كلي مجرد اب لاصعدت ولانزلت
باي حق اقرر عله بنيه هيه ابويه وانت ابويه لؤي باشا انتو ابويه مواني
طلعو طلعو لا توكفون. بوجهي
ام. نور: شنو هل ليله ياربي
نور: ع كعدتي متحركت بعد
طلعو وعدي ده يصعد
عدي: ارتاحي هاي ابوج حيهج من. وراج
لؤي: كومي بابا كومي. والله مادري شحجي
ابونور: عوفوه لؤي مالي حيل بعد تره
كومي ماما
نور: كمت التمينه انوب بصاله
ساره: يعني صدك بابا يسويها ويسافر
لؤي: عود اذا مالكه احد لا يرجع عوفوه براحته
ام. نور: لايسمعك ولك
لؤي: ادري لعد لوكلمته لازم متتزل الكاع لو اكسر لبنيه لواحد همه يخلف حته يرضون ولد عمه شنو القصه
ام. نور: كافي عاد
اصبر استهزء بالموضوع شوف اذا ميسويها ابوك. وطبت شغله اباله كتلك موبالعصبيه والعراك
نور: ناس ترد لناس
ساوه نامت ع رجل امي اني ع قنفه كعدت عاصفه قويه هزت لبيت اكو هدوء بالبيت بس رغم لهدوء مرجع كلشي بمكانه بعدها ادور بينه
لـؤي يطب ويطلع اخر شي كعد
لؤي: بعد مابيه حيل اطلع من رخصتج يمه
نور: طلع جكاره هوه يطلع بره ايدخن ميدخن كدام ابويه وامي
ساعه 6صارت طلع ابويه من لغرفه مبدل وبيده جنطه ملابس اني وامي كاعدين لؤي تمدد ع قنفه وغفه وساره نامت
كامت امي عليه ده اجر الجنطه
ابونور: لاطلعين صوتي وخري
نور: لؤي لؤي
لـؤي: هاها
نور :بابا حيطلع اخذ جنطته
ركض لؤي عليه
ابونور: مواحاجيكم ليش اطلعون صوتي فضحتونه
نور: طب للاستقبال عود ده يطلع من لباب الخارجي مالها لان لمطبخ قفلتها امي ركض لؤي قفل باب الاستقبال
ابونور: لعبه عدكم اني اطيني لمفاتيح
ام نور: دكعد يايابه يستوجب كل هذا
ابونور: لاميستوجب دفتحي لباب ده اشوف شسوين انتي وولدج عود
لؤي: يابه
ابونور: يابه انت اليابه ع الي سويته البارحه
نور: ضليت كاعده بمكاني وبابا كعد ع قنفه يم لباب ولازم لجنطه ميقبل يطيها الهم.
ابونور: تالي عمري اروح اكول للعالم موكد كلمتي اني اطيتكم كلمه قبل مااسئل اولياء امري
انتو المسؤلين عني ولي لازم امشي بشوركم مواني
نور: يحجي ويتوسلون بي لؤي وامي بس اكعد كل شويه كايم وفتحو لباب وهيج دين هيج يمين اكسرها ساره ع صوت كعدت ووياهم صارت تتوسل وتبجي وابويه من ايعصب لونصير روح بجسمه ميشوفنه بعد نذكر هواي شغلات من جانت تصير بينه وبين امي ميشوف احد بعد
متحركت من مكاني ولاحجيت كلمه الي ردته حجيته لبارحه ومراح اغير قراري وشيصير خل يصير
كلبي مطاني اتأخر عليكم بعد لواجلكم لباجر