#حب بالاجبار
البارت الثلاثون
نور: صعدت بغرفتها وع جربايه تمددنه
هنوده لاتبجين بعد ميلوكلج تبجين تره
هند: هههههه ياريت يانور هوه بلي يلوك ومايلوك لحمدلله شكول
نور: هنوده ممكن سؤال بس لااضوجين
هند: لاخيه كولي
نور: ليش مراجعتي بعد مويكولون الطب كل يوم يطور
هند: ماكو فايده نور يادكتور اروحله يكول عينكم بعين الله
نور: شوكت اخر مره رحتي
هند: صار 3سنين تقريبا قبل ميسافر عمج اخر مره رحنالهم وراجعنه
نور: اووو صار هواي
هند: 12سنه كل يوم اراجع لحد ماملينه
تدرين كل مره يخيب بيها املي شيصير بيه
همزين الله حاط بكلب حازم حنيه وحب الي يهون عليه كلشي يصير
نور: طبعا يحبج وين يلكه هيج جمال
هند: ههههه شنو فايدته للجمال اوووووف
شوفي اني تربيت وياهم من طفولتي بين عيوني حازم وخالتي من جنه صغار جانت تكول حازم لهند وصدك كبرنه وصارت
نور: ههههه
هند: شبيج ولج
نور: لابس شغله صغار وتسميتو لبعض ضحكتني
هند: اي والله شبيج اووف خالتي جانت كل متحجيها كلبي يفرفح تفرفح
من دخل كليه اويلي كلبي يطكطك لايحبله وحده
نور: ليش مجنتي وياه بالكليه
هند: لاوين هوه اكبر مني ب5سنين
نور: اهممم صدك انتي خريجه شنو
هند: تربيه لغه عربيه
نور: حلوو والله وحازم
هند: علوم سياسيه متشوفيه مسايس بكل شي هههه
نور: ههههههه شكد حلو ثنينكم خريجين بس ليش متوضفتي
هند: وين اتوضف يمعوده اخذت لشهاده وكعدت وسكتت التهيت بين بيت ومسؤليه واطباء
نور: الله يعينج
هند: نور اذا بيوم حبيتي شخص راح تشوفين كلشي بعينج ميسوه من دونه بس هوه المهم عندج
اني من طفولتي حبيته من تخرج وخالتي كالت حزوجنه يمكن فرحت اكثر منه ههههههه
نور: هههه هوه لحلو. عايشين ببيت. واحد انتو
هند: اي بس جانت خالتي مثل النسر يبوو كوه نحجيلنه حجايه نلكاها فوك راسنه
نور: يعني هم علاقه حب جنتو
هند: هههههه اييي بس ناس تعرف بناس يعني اني اعرف هوه يحبني وهوه يعرف اني احبه بس جان ابوه الله يرحمه وخالتي مثل مكتلج ميخلونه نتنفس
اوووف احله ايام جان من يجي من لكليه وجايب مثلا صور ويه زملائه وياهم بنيه اووووو بذاك اليوم اكلب خلقتي وعود زعلانه تالي اتقشمر بكلمتين
نور: ههههههه
هند: ههههه احله ايام
نور: الله يديمها عليكم
هند: امين اييي وانتي
نور: شنو اني
هند: متحبين محابه منا منا هههه لاتكولين لا كلنه بعمرج حبينه
نور: هههههههههه
هند: ضحكتي كولي كولي سرج ابير خل نلتهي بسوالف
نور: ههه لاموحب. يعني بس هم خالتي وامي يعني متفقين من جنه جهال
هند: اهاا حلو شسمه
نور: عامر
هند: يعني مخطوبه انتي
نور: لاموخطوبه بس هيج امي وخالتي من جنه صغار ع كولتج يكولون عامر لنور ونور لعامر
هند: تحبيه
نور: ماعرف ههههه
هند: يمه ماتعرف شنو لمتعرفيه
نور: لاوالله شبيج يعني يمكن بس صارت شغلات وماعرف بعد
هند: شنو لشغلات
نور: مادري بس مشاكل وابن خالي خطبني ورفضه بابا
هند: وهوه ليش محجه بيج من شاف ابن خالكم خطبج
نور: مصار هواي من تعين بعده ممكون نفسه
هند: هاا زين. هوه محاجيج كايلج اني يريدج
نور: اي مره بعرس ابن خالي الثاني يعني كال يوم الالنه وعروستي
هند: ههههه هذا هوه لعد الله يتمم الكم ع خير
نور: ان شاءالله
هند: زين حلو هيج مثلج
نور: ههههه مادري بس حلو
هند: هههه خيه لو قرد مادام الكلب حبه تشوفيه كمر
تمددي خيه بين ميجون
نور: تمددت يمها ونسولف محسيت بروحي بعد نمت يمها ومكعدت اله ع صوت ساره تكعدني
ساره: نور نور
نور: هااا
ساره: كومي امي تريدج
هند: هاا جيتو
ساره: اوووو من زمان وصعدنه شفناكم نايمين كومي امي تريدج
نور: يله جايه
هند: والله خوش نومه هههه كومي خيه اني هم انزل اسوي عشه
ساره: لاعمو كال حيجيب عشه من بره كال لخاله لكعدوها
هند: يفدوه لعينه كومي خيه كومي خلصت من لعشه ههههه
نور; نزلت كاعدين كلهم يسولفون بس امي خزرتني شمسويه ياساتر رحت لغرفه حنين اطلع هدوم وطبت امي
ام. نور: لشوكت اضل اعلم. اني بيج الي يشوف طولج يشبع ميدري عقل ماعندج
نور: شمسويه اني
ام نور: لاشمسويه ليش انتي اسوين شي من صعدتي بغرفه الرجال مااستحيتي فوك ممتحملينه لعالم
نور: ماما شبيج
ام نور: شنو شبيه شنو شعندج. فوك
نور: هند كالت تعاي يمي. وصعدت وياها
ام. نور: وتنامين فوك
نور: مادري والله حنه دنسولف وغفيت شصار ياامي يعني
ام نور: ولج رجال غرفته فوك يريد يرتاح يريد اينام محتاج شي من زوجته انتي بغرفته شنو
نور: والله هند كلتلي صعدي
ام نور: حته اذا كلتلج ماعندج احساس انتي انزل جوه انام
نور: مادري اكولج غفيت مادري
ام. نور: صعده فوك لتصعدين اخخخخ شوكت يلكه بيت ابوج واخلص
نور: طلعت هسه اني شمسويه. واذا نمت فوك يعني هيه لبنيه كالت تمددي ونمت
ساره: بخت نمتي واني ضليت وياهم وزفر كوه كملنه
نور: شوكت جيتو
ساره: مصار هواي
شكو عليج خوش نومه
نور: يمعوده كلها ساعه الي نمتها وامج كلبت الدنيه
ساره: موحازم يمكن صاعد وشايفكم نايمين لان من جينه سئلنه كال نايمين فوك لاتكعدوهم وهوه جان متمدد هوه وابوج بالاستقبال
امج ضاجت عيب هوه نايم بالاستقبال وانتي بغرفته
نور: شمدريني اني
طلعنه العشه مشويات مسوين تعشينه وكعدنه نسولف ونسمع سوالف الحجيه حلوه
الايام تمشي التهينه وياهم وكأن نعرفهم من سنين هند من الموقف الي صار صارت قريبه مني وهيه تصيحني من عدها شغل نتساعد اني وياها
ومرات هيه تصيحني فوك من حازم مموجود امي تحجي عليه وسمعتها مره هند مقبلت ع امي كالتلها اني التهي وياها وتساعدني
كمت اصعد يمها وكم مره يجي حازم اسمع صوته وانزل
عده 12يوم واي بيت يلكاه ابويه يخرب عليه حازم
ابونور: هل مره خوش بيت لاتحجي
حازم: اكولك دكعد واسكت ليش تخرب جمعتنه
ابونور: لامتخرب بس انتو ترتاحون واحنه نكعد نستقر
حازم: اصبر ياخويه اني لاكيلك بيت. والله بس اطيني لراس الشهر
ابونور: وين لاكيلي هههه خل استأجر بطل سوالفك
حازم: والله لا اتفقت ويه لمؤجر يطلع منا لراس الشهر
ابونور: لاوتفرغ بيتك ليش ياابن الحلال
حازم:انصير حايط ع حايط وين رايح يمعود اصبر كلها كم يوم
نور: لبيت مال حازم جان شلون انكول قطع ماخذ مساحه من البيت وحديقه وبانيها مسويها مشتمل معزول ومأجره الي بينه وبين لمشتمل بابا بس مبنيه
البيت جبير والولد اخوته طالعين فعازل هذا لمشتمل ومأجره
قنع حازم بابا وضل ينتضر المشتمل يفرغ
ابونور: يابه لعد اذا هيج اني جنت مأجل لمحل لحد ماالكه مكان يستقرون بي
بس هسه هذا لمشتمل بعد لراس الشه يله يفرغ لعد التفت للمحل
حازم: اي شناوي عليه
ابونور: والله اصفي كلت عندي بضاعه وعندي ديون اطلب عالم
عدي: بس شلون يعني منكدر اروح ونرجع كل يوم
ابونور: لاانتو ضلو اني انزل
لؤي: لايابه ميصير منعوفك
حازم: زين ليش ماتتناوبون عليه بين متصفوه
ابونور: شلون يعني
حازم: انت لولد يعني لاصغرن بيهم يكدرون يمشون امور المحل من دونك
ابونور: اي اي همه جانو دايرين لمحل اني كاعد وره لميز وجنت نص لنهار واعوف واحد منهم ايكمل وايعزل
حازم: خوش حجي عيني اتنابو عليه يعني فديومين ينزل عدي يبقه ويرجع ينزل لؤي وهيج تتبادلون
عدي: خوش حل والله
ابونور: هوه بس تصفه لبضاعه البي اسده ارجعه لصاحبه هسه هل شهر دافعين ايجار هيج ابلاش راح
لؤي: هذا هوه نصفي بهل طريقه بس شناوي انت ع شغل يابه
ابونور: بس اصفي افتحلي محل هنا
عدي: يعني هذاهوه راح نستقر بديوانيه
ابوعدي: والله ياابني احسن من بغداد
نكعد هنا احسن
حازم: والله احسن ع قليل بين اهلك شعندك ببغداد انت
ابونور: والله. ياخوي. اضل شغله البيت
حازم: هسه لبيت انت مقفله مو
ابونور: اي اي مقفل
حازم: هذا هوه عوفه هل فتره وبعدين شوف ربك شكاتب تريد تأجره تبعه بكيفك
نور: بابا قرر يبقه هنا صح هنانه لكينه احد نلتهي وياه وحبيناهم
بس ممتعلمين ع جو هنا يعني هنانه نطلع نلبس حجاب لان امي فرضت هل شي باان عيب مثل ماهمه يطلعون انتن هم
احس بغداد جوها اتعلمنه عليه وبنفس الوقت وين جنه بيت بس النه هسه احنه خطار
بدو الولد يرحون ويجون وبابا هم
بابا مثلا ينزل لبغداد 4/5ايام ويرجع ينزل عدي اولؤي يبقون هم فد5ايام ويرجعون
جانو اينامون بالمحل
اسمع بابا يخابرهم ويسئل ويسولف وياهم ع محل ومن يجي واحد منهم يحاسب ابويه
جان عدي مثلا ببغداد يروح لؤي الفجر يطلع يوصل هناك يله يجي عدي يفوت لمغربيه هيج
طلعه هنا ماكو الزلم هيه تتسوك يروحون قاسم وحمزه وحازم كل واحد يسوك لبيته
سحر طبعا ثاني يوم حتي واعتذرت من هند
وهند عدتها كأنما لابجت ولاصار شي
كل يوم ميثاق وسحر يمنه العصريات ونلتم ونسولف
فرغ المشتمل وتحولنه بي طبعا لاعدنه غراض ولاشي بطرك الجنط
المشتمل جان صغير بي غرفه وحده فوك وغرفه صغيره جوه واستقبال ومطبخ خارجي بره بانيه والصحيات هم بره
سطح ماكو لان همه مسوين درج حديد دائري بناء جديد مصعدي ليفوك بس غرفه وممر صغير
الغرفه الفوك اني وساره اخذناها والصغيره صارت للولد وبابا وامي بالاستقبال يفرشون وينامون
الاثاث اشترينه كنتور اربع بوب النه ولاامي ول ابويه كل واحد خانه باب اله وللولد كنتور بابتين بعد ماكو جرابي مثل قبل لا فراش
تلفزيون وتخم ولمطبخ طباخ صغير وكاونتر ادوات لمطبخ من بيت حازم والفراش نصه هم من بيت حازم بابا مقصر اشتره بس همه هم مقصرو جابو النه
هاي لفتره لضروف مو مثل قبل بابا مو ماعنده عنده جوه ايده فلوس
بس ضامهن وينتضر فلوس بسوك عنده وتصفيه لمحل حته يشتري بيت هنا ومحل
بين ميشوف مصير البيت الي ببغداد شنوحتصير بس هوه ناوي ايأجر
ماما خابروها كم مره بيت جدي وعرفوا احنه بديوانيه
بس ليوم اتصلت بيها خالتي ام. عامر وطلبت منها فلوس دين
ام نور: والله يختي شكولج
ام عامر: خيه يريد ابورياض يبيع لكوستر تعبت وهيه قديمه منو يصعدها بعد ويأخذ كيات ثنين للولد دين وفتره ويرجعهن
ام. نور: والله ياام رياض بعيني بس تدرين الوضع مو مثل الاول هسه
ام عامر: مشكوره عيني مشكوره مقصرتي مع السلامه
ام نور: فوكاها زعلت وسدته
نور: بابا جان ببغداد بس لولد موجودين الصبحيات خابرت خالتي العصر دكت بيبي
الو هلايمه
-هلابيج شلونج وشلون البنات والولد
-لحمدلله بخير يمه انتو شخباركم
-بخير يمه بخير ليش هيج يمه كاسره بخاطر خيتج
-كاسره بخاطرها منو. يااخت منهن
-ام رياض
-هااا لاوالله يمه كتلها الوضع مومثل الاول محجيت غير شي
-اي شدعوه صابكم لفكر قابل شوتكولين كاعدين بمشتمل ابن عمه وكوه يأخذ الايجار بالمعارك جان ايجار كم شهر اطيتيهن ل اختج
-يمه يعني كال مااخذ مااطي ليش شنو كفيل بينه
-اي شكو بيها موابن عم رجلج
هاي خواتج يذكرنج ودمعتهن ع خدهن هيج تفشلين اختج لجبيره
-يمه اني مافشلتها ليش من جان الوضع زين مجنت اطي واداين هيه ام. رياض كم. مره تأخذ مني دين وتالي مترجعه كوليلها فديوم. مداعيتها بيه اني
-اي شكو بيها اختج وحالتها تعبانه شنو تعيريها انتي
-يمه مااعيرها حشه لله بس ده. اكولج يعني
-شكوليلي صايره تشكين بالفكر جان استحيتي موبس خوات انتن نسابه هم. حتصيرن
-يمه نسابتيش فدوه
-اي لعد ليش تريد تأخذ كيا للولد حته ابنهايلم. نفسه ويجي يأخذ بتج
لوهم بعدها تدرس لمسعده
-يمه عيني انتي هل موضوع بيد الله كلشي قسمه ونصيب
وبعدين هوه موتعين شلون تأخذله سياره
-اي بس بنزوله يشتغل بيها ومن يلتحق سامي (الاخ الاصغر من عامر) يشتغل بيها
-الله يرزقهم يمه والله لولوضع مثل قبل بعيوني
-لايمه الله لايحيجها عليج
شدعوه سنين. ورجلج يشتغل بجميله ملايين. ع كلبه
هسه انفكرتو
-يمه جان وبعدين. حته اذا جمع فلوسه هاي اني مالي حق بيهن
-وهيه اختج رايدتهن صدقه دين. فتره وتردهن
-يمه تريد 7ملايين ماعندي ياعيني وهوه الرجالي الي جوه. ايده. يريد ياخذلنه بيت خوما نضل ببيت الاوادم
-شكد تكدرين ادبريلها
-يمه والله مادري شكولج ليش متصدكون اوضاعنه مومثل قبل
-لاتشكين الي يشكي ينصاب صدك بالفكر
-يمه. وداعه جهاالي الي جوه ايده ضامهن وميقبل يطلع منهن شي حته يأخذلنه مكان نكعد بيه
-روحي يمه روحي. الله الغني شدعوه لومااختج. هاي روحي. عيني. روحي
نور
نور: بيبي سدت لتلفون وزعلت وامي ضلت. تباوع ع تلفون صافنه
ام. نور: نور
نور: نعم
ام. نور: تعاي يمه تعاي اخذي هل تلفون ع شحن
عدي: ههههههه لوتطيها لو موخوش اوادم انتو
ام. نور: معليك. انت اسكت
عدي: سكتنه يمه سكتنه بس مصاير الي ده يسوه بيبي وخالتي
اروح لمحل حازم. احسن
ام. نور :تخفف يمه
نور: العصر اروح لبيت حازم نلتهي ويه لبنات
هند: اليوم تباتين يمنه
نور: لاوين ماما متقبل
هند: ولج راح اسوي كليجه ابقي يمنه نلتهي حته امج تبقه
نور: مادري خل اكولها
هند: اني اكولها
عيوني ام. عدي
ام. نور: ها عيوني
هند: اليوم اريد نور تبقه يمي
ام نور: ليش
هند: عجنت كليجه ع روح عمي ايوزعوها من يرحون ووره لعشه نكعد عليها وانتي هم ضلي نلتهي
ام نور: ماشي حبيبه تدللين
ساره: بس نور مو بسيطه هنوده
هند: ههههه ولج لا انتي هم بس هاي فطيره امر مني انتي ماينخاف عليج ام لسان
ام نور: اهههههه صدكتي والله
هند: اي والله ساره ماشاءالله تسولف وتندمج نور لا والله جن ساره لجبيره مونور
ام. نور: هههههه ام لسان سويره
حازم: ليوم اني اروح يم لولد ابات
هند: هاا ليش اصعد نام انت احنه جوه نشتغل
حازم: لاحته ليوم نور مكابلتج مااسمع نور ونور هههههه
ام نور: شلون يعني مفهمت
حازم: كاتلتني يانور هيج يانور فطيره ماعدها غير لحجي بنور منو كدج نور
نور: ههههههه واالله اني هم احبها
هند: ههه يغار من عدنه ماعليج بي
حازم: دكملي لكيلجه بعد يومين لسنه ابويه شد حزامج اعزم ولد عمي
هند: سهله ان شاءالله نتعاون كلنه لاتخاف
ام نور: اي ان شاءالله الله يرحمه وتعيش بكد ترابه وتذكره
حازم: رحم الله. والديج
نور: بيومها للصبح ضلينه هواي مسوين ولشوي بفرن الطباخ وفرن. كهربائي
اتأخرنه
بتنه ابيت حازم ساعه اربعه الفجر يله كملنه
امي راحت كعدت عدي
راح لبغداد وكعدتنه ساعه8الصبح رجعنه للبيت اجه ابويه العصر تقريبا وصل
نام وارتاح وكعد يشرب جاي وكليجه نأكل
ابونور: خابرني ابورياض
ام. نور: ياابورياض
ابونور: رجل اختج ن…
ام. نور: شعجب شيريد
ابونور: راد فلوس دين
بايع لكوستر ويريد يشتري كيا
ام نور: هاا اي سمعت كالو حيشترون
نور: امي وجهه صفر
ابونور: والله خجلت اطيته راد 6ملايين كتله ماعندي اكدر ادبرلك مليونين
اني مأخذ دين من تاجر ويمي ابو زيدون. اداينت منه لباقيات واطيته
ربج سهلها بعت واجاني دين. رجعت فلوس ابوزيدون
ام. نور: جان مااطيه
ابونور:انحرجت خابرني اريدك بشغله واجاني للمحل مكدرت ارده كال دين فد شهر وارجعه
ام نور: اني خابروني كتلهم ماعنده
ابونور: غير تكوليلي بعدين اذاكايله ماعنده شعده جايني لعد اني غير لخاطرج داينته وله هوه منو
ام نور: جان مااطيه مايردون دين اعرف بيهم
ابونور: وعليش دموعج نزلن
ام. نور :اختها واعرفها دينها ثكيل وانت ماعندك وادري بيك ده تجيب منا ومنا ده ترتب لوضع
ابونور: مسحي دموعج بابا انعل ابولفلوس فدوه الج ولاتفكرين بيهن
ام نور: لاشلون شنو ذنبك
ابونور: هسه انتي سديتيها ليش الرجال كال شهر وكتله اداينتلك. من صديقي وشاف ابوزيدون اطاني وكدامه لحجي صار ان شهر ويرجعهن ل ابوزيدون
مرجعهن ولاتهتمين احسبهن خساره ببضاعه يمعوده بيت بملايين ماعرف عنه شي هسه كولي ياالله
نور: ابويه طيب خاطر امي لان شافها بجت مشت الوضع امي بس بس نام ابويه صعدت يمنه بالغرفه حته لايسمعها وخابرت ع خالتي