#حب بالاجبار
البارت السادس والعشرون
ل وردالعامري
نور: مر الليل كله محد نام يمكن بزونه اذا طرفت بطرمه نفز
ابويه الليل كله يفتر ويباوع علينه وع ولد
الولد كاعدين بالاستقبال
واحنه يم. امي بالغرفه
ابويه يباوع علينه ويروح
اطول ليله عشتها بحياتي
ليله سمعت بيها دكات قلب امي. المضطربه من خوفها
شفت دموعها الي نزلت بحيره
ليله شفت ابويه بيها حاير وخايف مو ع نفسه ع اولاده
ليله مجهوله بلا قرار شتت العقول
ونزلت الدموع
جنط جان تحيط الغرفه
بس جنط شنو جنط هدوم بس
لا جنط استعدت لرحله مجهوله
لانعرف وين ولاندري الاتجاه لهل وحله منين ولاشنو راح. يصير
اذن الفجر واحنه ع حطتنه
الف سؤال يدور بالبال
لكن لامجال للاسئله
صارت ساعه 6وصاحني بابا
نعم بابا
-تعالي بابا كعدي
-جان كاعد بالمطبخ ع صوت اول مافتت للمطبخ طبو عدي ولؤي وامي وساره اصلا ويايه كامن
-روحو هناك اريد احجي ويه نور
ام. نور: خير شكو ليش تحاجيها
ابونور: شنو ليش احاجيها روحي هناك ده احجي ويه لبنيه
نور: الكل واولهم اني عله وجهي اشاره استفهام جبيره طلعو لان بابا مراد احد يكون يمنه
ابونور: بابا نور هاي دنيتنه مدرسه دروسها كل مجالها تصعب وادخلنه بحيره اكثر
متطينه فرصه وحته اذا اطتنه فرصه فمعناها راح تصدمج باامتحان اصعب
بابا اني ماعندي غيركم طلعت من الدنيه بيكم وكلشي مااريد غير سلامتكم واشوفكم بخير
ولوادري اكو. حل ثاني جان محجيت بهل موضوع
ماانكر من خوفي عله اخوتج
بس بنفس الوقت خوفي عليج اكثر من. اخوتج
الف مره
حبيبتي بابا حلم حلمته وجنت اعد يوم يوم اله
يوم اتخيلج لابيه روب ابيض وبيني وبين نفسي اكول اي تصير دكتوره
واضحك ع نفسي دكتوره تريد مره وحده دكتوره زين دكتوره شنو مثلا ابالك
اصفن وافكر واخرشي اكول لودكتوره حمير(حشه القاري)
هم ميخالف
وافكر اكول مهندسه وافكر وافكر
اذا انتي يابنتي حلمتي مره اني حلمت مليون مره
وع عمه عيني يعيون ابوج قررت هل قرار
بابا حسبي روحج مانجحتي واوعدج سنه التجي انكون مستقرين وتكملين من وين ماوكفنه
نور: يعني قصدك اترك لمدرسه
ام. نور: شنو تترك شتحجي انت بعد شنو بعد ماوصلت اللكمه للحلك ومضل شي
تعب السنه خلص وبقن هل ايام
ابونور: طلعي وكتلكم احجي ويه لبنيه موتسنطون
ام. نور: شطلع شبقه وده اتكولها بطلي وعوفي شلون وتعبها وين
نور: جان انكسار الي رغم اني ممفكره باامتحانتي كثر مامفكره بالي صار بس من كالي بابا انصدمت تعب وجهد ودراسه وسنه كامله فاتت
اجوي الولد ع صياح وساره شافتني ابجي جتي حضنتني وتبجي
ابونور: عبالج سهله بس شسوي اطيني حل الليل كله مانمت ابقه هنا
يكتولنه اذا ماكتلونه يكتلون واحد من الولد
لازم اطلعهم فكرت باامتحاناتها وكلت اتكمل اني اوديها واجيبها
بس لمدرسه وين لمدرسه بركن موبعيد يجروها من ايدي ياما بنات من ايد ابائهن واخوانهن جروهن
شسوي بذيج الساعه ابيش اتفيدني الشهاده
اني مثل المذبوح ومحطوط بين خيارين ياموت ياموت
وثنينهن نفس الشي بس شي اهون من شي
بابا نور تقبلين يمددون واحد من اخوتج بالباب بدمه
نور: لااسم الله بابا لاتحجي هيج
ابونور: يانور عيون ابوج عذريني يابه
من. خوفي عليج ثقي اكثر من اخوتج خوفي عليج. وعله اختج
يابابا الي عدج يسوه الف شهاده واغله من كنوز
ان ضاع مايعوضه شي
يابنتي الشهاده ملحوك. عليها نكدر انجيبها مهما اتأخر الوضع
بس اذا جروج من ايدي وخطفوج شسوي وشرجع
رحموني تره بيه نار ومابيدي شي سيف ع ركبتي منين مااندار يذبح
حازم: كول ياالله تعال اكعد وكلشي بالهداوه ينحل كعدي ام. نور
صلو ع نبي
ام نور: وتروح هل سنه هيج
ابونور: بيدج غير حل اطينياه منين ما اجيبها مالكه حل كلت ايام استحملهن
بس لمدرسه بنص لمنطقه شمدريني شيسون
ناس ماعدها مخافت الله والي دنسمعه يشيب شعر راس الطفل
عدي: كلام ابويه صحيح والله موخوفن ع نفسي يعني اموت طبني. مرض بس شمعرفنه شيصير
شو ده نسمع الي ذابحيها والي استغفر الله
نور: جنت مستمع وعيوني تفتر بينهم
ماعرف شنو اكول ابالي ليش هيج
يعني بعد هل تعب كله
بس كل تفكير انزال عني من شفت ابويه حط
ايده ع وجهه وبجه ويصيح حسبي الله ونعم. الوكيل وصوت البجي يكسر قلب الصخر
بابا الي تريد انفذه بس لاتبجي ولاتنقهر الله يخليك
ابونور: عمت عينه ل ابوج يايابه ماجنت ادري بيها هيج تصير
عذريني يابه لمصلحتج وخوفي عليج قبل مااخاف ع كل وقبل ماافكر بمصلحه الكل
ووعد رجال سنه التجي تكملين وتفكسين عيوني هم
نور: الله يخليك النه بابا المهم انت سالم. واخوتي سالمين
يمكن اذا خسرت واحد من اخوتي ميكفيني ندم. العمر كله
وبنفس الوقت كلام بابا جان صح
خصوصا بالتهديد مكتوب بناتك. وولدك
الدموع مرافقتنه من البارحه لليوم
هدء بابا شويه واني بس دموع لؤي يمي من بجيت حضني وبجه وعدي
بوس ابويه ويهدي وهوه يبجي. حالتنه بس الله يعلم. بيها
ابونور: ام نور كملو غراضكم وتوكلو ع الله طلعو ويه حازم واني اكمل امور واجيكم
حازم: شلون نعوفك.
ابونور: ماعليه شي اني اخذ ام. نور ولبنات ولولد امانه عندك واني. اكمل شغلات هناك والحكك
ع كولتك. الديوانيه احسن ع قليل بين ولد عمامي هناك موهنا حالي حال الغريب
عدي: اني مااروح
لؤي: ولاان..
ابونور: كلمه وحده متصير ثنين تاخذون امكم وخواتكم واطلعون ويه حازم محد يبقه كلها كم يوم واني جاي وراكم
عدي: يابه
ابونور: عددددي الي سويته يتنفذ
وبس
لؤي: شلون وحدك
ابونور: خايف عليه بابا تريد راحتي
اخذو امكم وخواتكم وطلعو منا وكونو لخواتكم. سند منا لحد مااجيكم. اني
نور: كوه اقتنعو الولد وامي هم مقبلت بس بابا جان كلامه واحد مغيره
حازم: اني اوصلهم وارجع مااعوفك وحدك
ابونور: حازم والله يومين وتلكاني يمكم
كل الي اريده تخليهم. يمك بين مااشوف دربي ولو حنضايقك
حازم: عيب عليك شنو هل حجي انت اخويه وعيالك عيالي
ابونور: يله يابه توكلو. من. وكت حته توصلون من وكت بهل ازدحامات
نور: بعد حجي ومناقشه ابويه قرر. انتهه
صعدو الولد الغراض جانت
كيه نفرات جاي بيها حازم صعدنه غراضنه ليوره وكم جنطه ع سيبايه
جتي احلام. عود اروح للامتحان ودعتها وكابلتني وتبجي وتصيح اني هم مااروح
حاجاها ابويه كلها روحي ونجحي حته سنه التجي تكونين كليه وتحضرين الوضع لنور ع سنه الي بعدها
راحت واحنه كملنه تقريبا غراضنه بوسنه بابا وطلعنه
الولد حاولو ويه بابا كلهم. تردوني ارضه عليكم توكلو وروحو
فتنه بسياره من يم لمدرسه وفرفحت صدك تعبت والتزمت وخليت عقلي ويه لكتب
كلها ايام واخلص سنه بطول وبالعرض مرت ببردها بحرها بتعبها
وبين. ليله ويوم كلشي راح لؤي جان كاعد يمنه حضني ومسح دموعي
وامي تبجي. ويايه
بس كلام بابا بااذني شتسوه الشهاده لو واحد بااخوتي تأذه لوصارلي اني شي
حمدت الله وفوضت امري اله
طلعنه طريق تمشي السياره ويسود عليه الهدوء المحزن كلنه دموعنه ع خدنه
ساكتين بس ناس تباوع ع ناس وكلنه بعيونه ضياع وعدم معرفه مصير
جان يكطع صفنتنه صوت تلفون امي الي جانت تسده كل ماادك
كانو خالتي يتصلن وخوالي وهيه تطي مشغول نباوع عليها ونرجع نصفن ع طريق الي
منعرف شنو حيصير بعد
طريق طويل متعب بس الي بداخلنه متعب اكثر
جنت اباوع من الجامه بس عيوني تتحرك وعقلي كأن متوقف مثل ماتوقف كلشي بحياتي بمكانه وماتقدم
وصلنه لضهر
طبعا اول ماطلعنه اتصل حازم بااهله كلهم جايين
اول ماطبكت السياره طلعو زلم ثنين و مره جبيره
وبنيه شابه تلكونه امي تعرفهم. احنه مانعرفهم
تلكونه. ودخلونه للبيت اتلكتنه بنيه ثانيه شابه
وركضو جابو مي وامي اول ماطبت دموعها زادن مانقصن
بين لسوالف وشصاير عرفت ذوله الولد اخوه حازم بيوتهم قريبه بالمنطقه نفسها
فرشو سفره الغده محد اله نفس يأكل بس
مقبلو اله نكعد ومثل ماكعدنه كمنه
وره شويه جني نسوان ثنين عرفت انهن زوجات اخوه حازم كعدو شويه وراحو كلهم
كالو ارتاحو مومال هوستنه وانتو جاين من طريق
اتصل بابا واطمن ان احنه وصلنه
وفرفحنه من لخوف عليه لكن جان يطمنه ان ماكو شي بس عده شغلات ايخلصها
ام. نور: لاتروح للبيت
ابونور: لالا اقفله واطلع شغلات بالمحل اكملهن واجي
امي. والمره لجبيره ايسولفن وحازم ولولد بس اني وساره مستمعين
نزلو الغراض وحده من البنات طببتنه لغرفه كالت هاي غرفتي اني وياكم بعد نبقه هنا
لاتبجن والله هسه تشوفن شلون الليل كله ماخليجن تنامن بس نضحك ونشاقه
شسمج انتي
اني نورس
وانتي
ساره
اني حنين اخت حازم
يله طلعن هدوم وطبو سبحو ارتاحو ونامن ساعه
اني بره اخذن راحتجن
لولد طبو للاستقبال مالتهم جان جبير
مالي نفس لااسبح. ولاالي نفس بشي حطيت راسي ع مخده بالكاع بجيت بجيت لحد مانمت حسيت ساره يمي نايمه ولضوه مطفي
رجعت نمت تعبانه
كعدونه ع عشه كوه كمت امي ع نفس كعدتها هيه ولحجيه لولد بس سابحين وكاعدين مكادرين ينامون
نفس الحاله الاكل انصب ونشال
متصلين ب ابويه والاوضاع كما هيه وهوه طالع من البيت
طبيت اسبح احس عيوني جبل فوكاهن جفوني مورمه
جسمي كله يوجعني
نعيما
شكرا
انتي نورس مو
اي
اني هند زوجه حازم
تعالي كعدت بغرفه الحجيه امج ده يسولفن
نور: ساره طبت تسبح. ورحت اني كعدت يمهم مجان الي واهس بالكلام. والسؤال الي يتوجه الي كوه. ارد مالي حيل شي
كضه اليوم هنا وبالليل نمنه يم امي فرشولها بغرفه الحجيه ام حازم
والولد بالاستقبال استسلمت للنوم حاسه بتعب موبس بجسمي بكلشي بيه
بخيبه امل بس مومن اهلي لا من الدنيه وفرتها السريعه بينه
وعدتكم انشر الفجر
لاتكولون بارت صغير 🙄
هذا مكمل للبارت الي قبله