#حب بالاجبار
البارت الخامس والعشرون
ل وردالعامري
عدي: ياااابه
ابونور: هااا
لؤي: شبي هذا
نور: كلنه كمنه. ع عياط عدي وهوه طب للطرمه ويصيح يابه
ابونور: لك شكوو
عدي: ذابيلنه تهديد
لؤي: تهديد شنو
عدي: هاك. هاي اوراق وطلقات
ابونور; شو اطيني
ام. نور: عزه ياربي سترك
لؤي: وين لكيتهن
عدي: وحده حاطيها ع سياره حاصريها بالماسحه والخ من طبيت شفتها بالطرمه من طلعت ماانتبهت الها
نور: صدمه خوف تشتت ابويه لازم لورقه ويقره وبيد لؤي طلقات والورقه الثانيه هم بيد لؤي
واني عيوني ادور بينهم بين امي الي تخرمش خدودها وابويه الي واكف صافن ع ولد والولد الي حسيتهم ضايعين ويدورن حجايه من ابويه
ساره الي مجلبه بيه منضر كل الي ينفهم
منه خووف
الورقه كان مكتوب بيه
&اخرجو من المنطقه لكم. مده 3ايام
اذ لم ينفذ ماذكر انصفيكم &
وويه الرساله 6طلقات هاي كانت بطرمه
والي حاصريها بماسحه السياره
&اذا تخاف ع ولدك وتريد بناتك اطلع من المنطقه
والا حتكونون انتو وماتملكون غنائم النه &ووياها 4طلقات
ماكان عندي عقل افسر او احلل شي
بس كل الي اعرفه ان احنه من طائفه مختلفه
والمنطقه الي ساكنين بيها كان الساكنين بيها اغلبهم من غير طائفه
طلع ابويه بشارع هوه والولد وامي ادك وتلطم
ابويه يصيح بشارع
ابونور: الله واكبر صار سنين عايشين. هنا
اذيت احد ضريت احد ابيش اطلبوني
بيتي مااطلع منه امنين طلعتولنه حسبي الله ونعم الوكيل
حسبي الله ونعم الوكيل
نور: طلعنه ع صوت ابويه والعالم كلها ع صوت فتحت بوبها وطلعت وكلها تصيح خير وتركض ع ابويه
بابا بلغهم بالي صاير والجيران كلها كالت ماتطلع من بيتك وبيوتنه كدامك
انت خوش ادمي وولدك مااذو احد بيوم
صار سنين احنه جيره وهدو ابويه والولد
الساعه جانت ب7
التمو العالم علينه والبيت انخبص
امتحاني جان ب 9بس لازم 8:30
اني بالمدرسه حته اعرف قاعتي وين
ب9:55دقيقه
ابونور: لامااطلع من بيتي واعله مابخيلهم يركبوه
لؤي كوم ودي اختك لمدرستها
الجيران: اي مشو الامور طبيعيه واحنه كلنه وياكم
نور: يمكن كل الي درسته طار واتبخر عود محضره روحي من ال7حته اضل اراجع وبالوقت اطلع ماعندي شي
لؤي اخذنه اني واحلام الي هيه هم نست اصلا الامتحان ومكابلتنه وكاعده
اخذنه بسياره لمدرسه قريبه ب9احنه بالباب
لمديره حجت ع تأخيرنه وان راح يفتحون الاسئله ولازم ب8:30احنه هنا
فهمها لؤي الي صار ورحنه نركض ندور قاعتنه احلام بغير قاعه
لكيت القاعه وكعدت بس عقل ماعندي جسمي كله يرجف توتر الي صار توتر الامتحان كل الي اعرفه اني ابجي
لمدرسات يسئلن شبيج
وكل ضنهم علمود الامتحان وصار الحجي
ان بعدها الاسئله مامتوزعه نصبتي مناحه
وين جنتي كل هل فتره ليش مادرستي
اريد ارد مااكدر وخصوصا الوجوه غريبه
موالكادر التدريسي غيره جاي وفقط لمديره مامتغيره
جتي لمديره ووياها مدرسه مومن ضمن كادرنه التدريسي اول مره انشوفهاجابو الاسئله
المديره: نور ماما ركزي باامتحانج هسه
ماكو شي لاتخافين
-اول مطبت تبجي
المديره: اليوم ذابين رسائل تهديد ع بيتهم
نور: صديقاتي كم وحده من شعبتي بنفس القاعه مالتي كلها اندارت شنوو ولااا
عاطت بيهم لمديره كل وحده تركز بورقتها راح. نفتح الاسئله ممنوع نفس
توزعت الاسئله
اريد الزم القلم مااكدر ايدي ترجف
احس بعدني بحاله ذهول
طبعا كلنه جنه نعرف شنو يعني تصفيه وشنو يعني تهديد
وياما سمعنه عن ناس انقتلت
موسهل الي كنت بي لااني ولااي واحد من اهلي
اني متأكده اني دارسه بس كأنما اكو شي انمسح من دماغي حاولت ع كد مااكدر اذكر وكتبت الي اجه ابالي ويمكن حته كتبت مال غير ماده
ويمكن خربطت بالاسئله كل الي اعرفه اني اكتب وامسح. ودموعي ع دفتر تنزل
صارت ب 11واني ماعرف شكتبت. او شمسحت
البنات بدو يسلمون دفاترهم بس ممنوع ايطلعون خلص الوكت واني صافنه بالاسئله
كأني لادرست ولاقريت كل لمخزون بدماغي
نضره ابويه والولد الي كانو بحاله هستريه وامي الي تلطم
طلعت لكيت عدي كاعد ينتضرني
هاعدي
عدي: امشي بسرعه صارساعه ونص انتضرج
نور: صار شي
عدي: امشي هسه ابويه بالبيت
نور: موكال حطلع للشغل
عدي: طلعنه وصلنه للشارع العام ورجع
نور: بسياره جاي نزلت للبيت ابويه كاعد ع قنفه ومرجع راسه ليوره ومغمض وكاتف ايده
ولؤي كاعد وحاط ايده ع خده
الساني كأنو خدران حته نسيت ان من اطب اسلم
شفتهم ودخلت جوه ع صوت امي وساره
ام نور: سديها زين ماما
نور: شدتسون شنو هاي الجنط
جانت اكو جنط بالممر وامي بالغرفه ده تسد بجنط وهوسه هدوم مطشره
ام نور: صعدي لمي غراضج اني شلت هدومج شوفي شتردين بعد تاخذين
نور: وين حروح
ام. نور: مادري نور مادري لاسئليني شي
نور: ساره اشرتلي سكتي
صعدت فوك كأني تايهه شوكت صارت هل هوسه ابيتنه كناتير مفتحه خبصه وطشار
فهميني شنو الي صاار
ساره: شفهمج وره مارحتي للمدرسه بابا اخذ لولد وطلع للشغل نص ساعه وطب كال لمو غراضكم
لاندري وين اروح ولانعرف شي
سئلته امي كام يصيح لمو الغراض وبس ماعرف وين ارح لمو الغراض بين مااشوف دربي وشنو اسوي
نور: راسي حينفجر هسه شسوي اني
ساره: امي لمت جنطه من غراضنه وعافتها كالت انتي واختج كملو تعاي الم الباقي
حته لولد همه لمو غراضهم امي تفتح لكنتور تلم كم شغله وتروح لغير غرفه تلم غير غراض وتفتر بالبيت ماعرف شتريد اوشدور مره حطت لكلاص بجنطه لملابس
والخ شالت الجدوره وتفتر وانوب ترجع ترجعهن للمطبخ
وكفت تحضر الغده وعافته وطبت لغرفتها تلم غراض
واني وراها وراها حته اخاف احجي
نور: ياربي منين اجانه هذا كله يارب
ساره بيدها جنطه فتحتها وبدت تلم غراضنه كل هدم تلزمه
تباوع عليه وعليه واني بس صافنه ماعرف شنو اسوي
عدي: يابنات كملن ونزلن يم امي راح. توكع تره
نور: شبيها
عدي: ده ادك. وتلطم شبيها يعني كملن. ونزلن
نور: نزلنه جانت كاعده ع جربايه ولكناتير والمجرات كلها مفتحه وهوسه الغرفه ماتنطب وهيه كاعده وحاطه ايدها ع خذها وتباوع ع غرفه
ماما حبيبتي
ام. نور: وين حروحشنسوي لاعيني
ابقه ابيتي ابوج بكيفه يحجي
واذا صارت صدك وكتلو واحد من الولد يمه انعل البيت وساعته كومن لمن كومن
نور: كامت تلم وتركض منا ومنا طب بابا
ابونور: خابري ع واحد من اخوتج روحي انتي ولبنات ولولد هل كم يوم يمهم بين مالكالي مكان
ام نور: وين تلكه مكان وين اروح
ابونور: مادري انشوفلنه بيت ونكعد
ام نور: وهذا لبيت
ابونور: ينهجم يحترك شمدريني اني بحال البيت هسه
شيسويلي البيت اذا جرو وحده من لبنات لو خرطولي واحد من الولد
عدي: يابه والله خلينه كاعدين العالم. كلها كالت احنه نحميكم
ابونور: اسكت بابا يحموك العالم خل تصير صوت لطفره موطلقه شوف منو الي يطلع
لؤي: يابه والله ميصير شي لوبيهم خير مو ايذبون اوراق
ابونور: لؤي ياما ناس راحت شتحجون انتو اني مضحي بواحد بيكم
لمو غراضكم وخلوني اشوف دربي
روحو لبيت جدكم هسه والله كريم
ام. نور: وانت
ابونور: اني الكه مكان واحول الغراض اكمل واجيج انتي وولدج
عدي: غير احنه وياك
ابونور: محد ويايه اني اكمل واجيكم
لؤي: شلون انعوفك
ابونور: معليكم بييييه مالي حيل احجي سو الي ده احجي وانتهه
نور: خابرت امي ع خالي قيس جانت تبجي منهاره اول كلمه كالتله هددونه حيكتلون الولد
سدته من خالي وكعدت تبجي
فات وقت هواي حدود ال3ساعات يعني لميه غراضنه اني وساره وكملنه غراض الولد وطبينه. ويه امي
جوي خوالي وبيبي وجدو طبو طبه وحده
لخال علي: شكو شصاير
ابونور: ذبولنه تهديد طلعو من لمنطقه
الخال قيس: لاوالله مادام طلقات ومده الشغله تخوف
الخال علي: يمعود كلشي ماكو اكعد ابيتك واسكت
الجده(ام. نور) :يخايبه اويلي ع حضج وين راح ترحين هسه يمسكينه لحكوج ع بيتج
الخال قيس: والله اني اكول اطلع من البيت احسن تعال للمكتب عندي بيوت شوفوهن واشتريلك واحد واكعد
ابونور: هيه مال مشتره هسه اني بياحال ادورلي بيت ايجار بين ماالكه حل
الخال قيس: اي هم عندي للايجار واعرضلك هذا بيتك للبيع
الجد: كافي بابا البجي واللطم شيفيد
الخال قيس: ابوعدي دكوم ويايه انشوف بيت بين ماايلمون الجماعه. حته قبل لمده تطلعون من البيت
ام. نور: امتحانات هاي لبنيه شلون.
الجده: يمعوده راح اجيبها من ذيالها هسه بيا حال انتي
ام. نور: بعد هل تعب يايمه ع كولتك اروح لب
ابونور: يصيرخير كلشي ينحل اطي صبر
نور: ابويه سكت امي بنضره غضب وامي سكتت
الجد: جدو جيبيلي كلاص مي ريكي يبس
الخال علي: سوي جاي خالو طلعنه نركض من مااشرب جاي راسي احسه يريد ينفجر
نور: كمت. وورايه ساره
ساره: جاي لان فارغين احنه
نور: حطي لقوري ساره
وديت مي ودك تلفون بابا
الو
هلابيك. هلاحبيبي
لاوالله مارحت اليوم. حته للمحل ماوصلت
والله شكولك
ذبولي تهديد بالبيت
اي والله
تهديد اذا ماتطلع من البيت انصفيكم. وطلقات ع عددنه بالبيت وبسياره 4ع عدد البنات والولد
اي والله حته بسياره حاطين
والله مادري ده اشوف شسوي
لاشيجيبك.
ماشي ماشي
نور: سده بابا ومافتهمنه شي بس من حجايه شيجيبك كلت يجوز عمي بس عمي. مسافر يجوز راح يجي
الخال علي: اكولك. اكعد ابيت اخوك
ابونور: نفس الشي موهم طلع خاف من لمنطقه
الخال قيس: يمعود. هسه الف بيت بالمكتب
نور: وره شويه جوي خالتي ام. عامر وعامر وزوج. خالتي
واجتي خالتي ساهره وزوجها
وخالتي سهير كلهم بالكوستر مال بيت خالتي ام. عامر جايين
والبيت انخبص اكثر وهوسه صارت اقوه
وكل ناس تحجي شي واحنه حايرين بوضعنه
صار لمغرب حدود ساعه 7المغرب اندكت الباب طب حازم ابن عم بابا
فات كعد ويه الهوسه الي محد صار يفتهم شي من الثاني
وخالي ابومحمد كل شويه كايل عدي بيت بفلان مكان. بي هلكد غرف وعندي غيره وووو
وابويه يكوله الله كريم. خل انشوف هسه
اخرشي جوي محمد. واحمد
وخالي علي ع دقايق جاي جاي
واكفه بالمطبخ اسوي جاي
محمد: نور
نور: نعم
محمد: لاتبجين محلوله والله
نور: ان شاءالله
محمد: لاتخافين اليوم شسويتي بالامتحان
نور: والله مادري شكتبت
محمد: ميصير ركزي ع دروسج وكتلج. تنحل وتصير سوالف
نور: الله كريم
عدي: نور الجاي ها ابوشهاب
محمد: هاحبيبي ردت اشرب جكاره مكدرت كدامهم كمت
عدي: براحتك
محمد: لاتشيل هم كلنه وياكم يمعود تعالو ابيتنه احنه نطلع وانتو اطبون
عدي: بيت العامر حبيبي تسلم
محمد: والله العضيم شنو غربه احنه
عامر: محمد عندك جداحه
محمد: هاك
عامر: صار الجاي
نور: اي راح. اصب
عامر: ااااي اطيني هذا الاستكان متت ع جكاره
عدي: يله نور بسرعه صبي ده ينتضرون
نور: اخذت الجاي وطبيت وزعت الهم ورجعت لصينيه بعدهم بالمطبخ ووياهم لؤي واحمد
رجعت كعدت بالااستقبال
ابونور: اشوفلي بيت والله كريم
حازم: البيت جاهز من الصبح. نتوكل
بغداد كلها متراد تره وين متروح تلكه هيج. نماذج الديوانيه مابيها شي تجي يمي بين ماتهدء الاوضاع
الخال علي: اي صح المحافظات احسن من بغداد صايره
ابونور: ماعرف شكولك
حازم :لاتكولي ولااكولك جبت سياره صاحبي حطو غراضكم الي تحتاجوها ونتوكل من الصبح
الخال قيس: والله لوتجي وتشوفلك بيت واني احصلك اياه ب ايجار زين ونصير كلنه نفس لمنطقه
ابونور: لاماكدر مامتعلم ع منطقتكم
خل يطلع الصبح. والله كريم
ام. نور: وهاي لبنيه شلون سوده عليه ويه امتحاناتها
نور: بابا باوع عليه وهز راسه كال مادري
يصبح لصبح والله كريم
راحو بيت جدي وخالاتي وخوالي ده نوصلهم للباب
محمد بوس امي وهداها
اني يم امي
محمد: نور شتحتاجين اني بالخدمه تعاي لبيتنه كملي امتحاناتج. اني اوديج. واجيبج
عدي: رحم الله والديك متقصر
محمد: ووالديك يله نتوكل. احنه
نور: عدي جان بره طب ده يجيب سويج سياره يمكن. مال حازم مضايقه سياره خالي فسمع محمد من. ده يحجي
كلهم طلعو صفه لبيت تقريبا وكمنه الم اني وساره بالاستكاين
وبابا ولولد وحازم بالاستقبال كعدو وامي طبت للغرفه تلم بالغراض الباقيه
فاتن ساعتين ودك تلفون بابا
سمعنه يصيح ام. نور
-هاعيني
-هاج. اخوج ده يدك
-الو هاعيني ابومحمد
هياته وياك
ابونور: ها ابومحمد
يابيت
صدك. تحجي انت
ومنو. كلك ناوي ابيع او اشتري
والله ياابومحمد انت راسك بارد واني ماعندي عقل هسه حته اتحمل تفكيرك
رحمه الله والديك
ام. نور: خير شكو
ابونور: مخابرني اعرضلك بيتك للبيع. واخذلك. واحد
ناس فارغه بيا حال هسه اني
بس دلال ماينعتب عليه شغلته يبيع ويشتري ده يحصل
عدي: ما. واحد بيهم كال يابه بيتنه مفتوح
ابنه. محمد اشرف منه طلعت منه حجايه وهوه لا
ابونور: مانعتاز الهم بابا ان شاءالله
نور: امي طلعت دمعتها بعينها ركضنه. اني وساره وراها
ماما كافي بجي راح. توكعين
ام. نور: ياربي ماعندي حظ ويه اهلي
ليش ياربي ليش تخليني معاره لهل رجال
ساره: ماما لاتنقهرين بابا عصبي
ام. نور: ليش مااعرف. ابوكم. وعقله من اشرلي لاتحجين ع روحتنه هناك افتهمت
ياربي لامن الرجال ولا الابن اخاف هوه مغلس هسه عدي ذكره
بس صدك لوكالو الي ماعنده بخت
ع قليل انتي يايمه كولي تعاي يمي
لو.خالجن علي يكوله لوعنده مكان جان خلينه غراضكم يمنه بين متلكه مكان
ساره: شوكت كله مسمعت
نور: من ده نسوي جاي اني سمعته
امي لاتنقهرين عفيه لاتوكعين بياحال احنه اريد نقوه بيج. ياامي لااسوين هيج
ام نور: حظج مثل حظ امج انتي من تضربها عوجه
اه ويه امتحاناتج انوب