#حب بالاجبار
البارت الخامس عشررر
ل وردالعامري
نور: جانت امي تحجي بثقه وبقوه اطتني قوه وامان
بس بنفس لوقت اكوانكسار بداخلي
الليل كله افكر واتخيل شلون حتصير لمواجهه
وشنو حيصير
ماعرف شوكت نمت اوشلون نمت بس حته بااحلامي جان هذا لموضوع
الصبح سمعت صوت الولد الي كالعاده ايخبثون يم باب الغرفه يله ينزلون
كمت من فراشي
صباح الخير
نور: هاساره كاعده
ساره: هوه اني كدرت انام اصلا
شنو برئيج حيصير ليوم
نور: ماعرف
ساره: اف ياربي شورطنه بهل شغلات احنه
اووو نور موقصدي شي بس يعني هيج حجيتها والله موقصدي لاتزعلين
نور: لا حته اذا جان قصدج حقكم موكافي وكعتكم بمشكله
ساره: وانتي شعليج قابل جنتي تدرين هيج حيصير
نور: لاوالله مجنت اعرف والله
ساره: ههههه يامخبله
ام. نور: يابنات كعدن يابنات
ساره -نور: كاعدين هسه ننزل
ساره: يله كومي
نور: صاحتنه امي ونزلنه لكينه الريوك جاهز صباح الخير
ام نور: صباخ النور يله تريكن بسرعه وخل الملم البيت خالج كال الصبح توقعو باي لحضه يطبون
نور: تريكنه وده تغسل لمواعين ساره واني الملم ودك تلفون امي خالي كالها راح نجيكم
جانت ساعه8:30
ام نور: صعدن بدلن ومثل ماوصيت مااعيد لحجي بذات انتي نور
ساره: ديله هسه بدلن شنلبس يعني
ام نور: كل هل هدوم وشتلبسن يمه منجن
ساره: ههه لا يعني شنلبس تراك لو بن..
ام نور: لافساتين حلوه ذني الي جابهن ابوجن حلوات ومسترات لبسوهن كشخه
نور: ماشي
صعدنه بدلنه بعدنه فوك منازلين دك الجرس
ساره: اوف همزين كملنه يله
نور: سمعت امي تتسالم ودخلو بس منو مادري
امي تقويني واني كلبي يدك بسرعه واحس اطرافي ترجف ضليت اخذ نفس وادفعه
ام نور: يابنات اجه خالجن وينجن ماما
ساره: نازلين
يله ننزل شبيج يمعوده قابل شكو والله ياالله امشي بابا شيصير خل يصير موامي شحجت يله
نور: جايه جايه اوووف ياربي دخيلك يارب انت تعرف بنيتي شنو وداخلي شنو جان يارب
نزلنه دخلت ساره قبلي
واني وراها سلمنه ع خالي وع زوجته امي كالت لاتخصصون الولد بسلام بس الولد وكفو جان محمد واحمد جايين
سلمنه عليهم بس من بعيد شلونك شلونج
ام. نور: يله ماما خالجن كال متريك شوف شيشرب عيني ابومحمد جاي لوكهوه
-لالا كلشي مريد خل يكعدن البنات كلشي ماريد
ام نور: ميصير صدك كذب
ام محمد: والله هستونه تريكنه واجينه الله شاهد شنو مستحين
ام نور: لاوالله بيتكم هذا
ابومحمد: وين رايحات بابا
تعالن كعدن
نور: ده نطلع وصاح خالي كعدنه يم امي بس احس ركبتي عليها ثقل مااكدر ارفعها
ابومحمد: شلونج نورس
نورس: الحمد احم الحمدلله خالو
ابومحمد: شلونج ويه السادس
نورس: زينه
ام نور: والله خلصها هل سادس عبالك يدرس بعضامها شو كل مجالها تضعف
ام محمد: اويلي اني خلص كلبي يله الولد طلعو منه عيني صعب موسهله السالفه
ابومحمد: مينخاف عليهن البنات شاطرات وحبابات
ام نور: الحمدلله شنسوي ياخويه تالي لابيها لاعليها لحجي
ابومحمد: ليش انتي عبالج بس ع بناتج شبيج بابا ممخلي وحده هاي بنات ساهره حته لمزوجات مخلصانات هل نذل يصير خير
ام نور: والله ياخويه شبعانه قهر وله انت متعرف بناتي حته هنه متخبلات كل شويه وليش هيج ماما
ابومحمد: واحد نذل شنو ال ليش بعد مانعرف تربيتج وله مانعرفهن
شلون صرتي نورس كالو تخربطتي ذاك اليوم
ام. محمد: اي والله كتله لوجهه اصفر لبنيه ومقهوره وتبجي الله لايوفقه
ام. نور: شسوي لحمدلله
ابومحمد: لحمدلله هاي اختج جتي بالباب تعيط وتصيح فضحتني كدام العالم لج بابا فوتي مااطب بيتك وكوه طببتها جوه وهرجت لبيت هرج
ام. نور: ياااا صدك كذب فوك عمله ابنها
ابومحمد: يمعوده اتصيح ولدك ايغارون. من ابني لان تعين لان لتعين صعب لواريد اعينهم ثانيا من شنو يغارون شوهمه بالكليه وشهايد وابنج صعد وله نزل جندي بالمغاوير
وغلط ومرتك وولدك مخلت شي
ام نور: والله ماعرف شكولك والله فدخجلانه
ام محمد: عيني انتو شعليكم ع كولت احمد يكول موبعيد حته ع خواتي يحجي هذا لازم واحد يرده
نور: كاعدين ونسمع لسوالف ومشاركنه بشي ابد
صارت 9:30الصبح وهمه ماكو
ابومحمد: وينهم موكتلها من لصبح
محمد: اطي مجال بعد يابه للعشره اذا مااجوي انت خابرهم
نور: وره ربع ساعه اندكت لباب امي شاورتنه
ام نور: كومن ماما جوه
نور: دنكوم خالي كال
- وين كعدن بمكانجن خالو محمد انت افتح لباب بابا انتي هم كعدي يم بناتح
ام نور: عيني هذا خي يولي ماريد شوفته خل يطبن لبنات ماريدهن يشوفن خلقته
ابومحمد: لا كعدو وخل نفتهم
السلام عليكم
الجميع: وعليكم السلام
نور: طبت عمتي سلمت بس كوه طلعت منها الكلمه وكعدت وعامر وراها بيده جكاره والخ بجيبه حته سلام ماسلم طب وره خالتي وكعد
ام عامر: بيتج مااريد اطبه تره بس شسوي مجبوره ولوما التهيمه ع ابني مااطبله ولااوصل لعتبت الباب
ام محمد: ادري شنو خذوهم بالصوت ليش اصيحين انتي متعرفين تحجين اذا موبصياح
ام عامر: اي مو ممحروك كلبك انت شكو عليهم ولدك المسمومين ذبوها وحاكوها ع راس ابني امين ايجيبوها راضعين السم بعد
ام نور: عيني ام رياض احنه كلنه اريد نسمع من لولد وابنج عنده لسان ليش تحجين بعد انتي عنه هوه عنده لسان ويحجي مو عامر
عامر: اي صحيح والي عده شي ويايه يحجي موردتو مواجهه
احمد: اي ردنه لعدشلون
ام عامر: يمه يمه عكرب صفره انت
احمد: تسلمين عمه
ام عامر: الله لايسلمك ان شاءالله ابن امك الحيه
محمد: هسه ليش الغلط هذا
ابومحمد: اذا ضلينه ناس ترد الناس منخلص
احمد وعامر لكلام الي صاير بينكم شنو
عامر: ياكلام اني لاحاجي ويه احمد ولاعندي رقمه
احمد: عههههه لابربك
عامر: اي والله اصلا رقمك ماعندي
احمد: هاا زين رقمي ماعندك شلون من دكيت عليك وكدامهم كلهم من دكيت لصبح شلون جاوبت
عامر: رقم دك وجاوبته شنو
احمد: هاا ومن سمعت عمتي شلون سئلتني هيه يمكم لوانتو يم اهلي شنو اي رقم غريب هيج تعرفه
عامر: هسه انت شتريد
احمد: ماريد شي اني بس لاتنكر وتكول متعرف رقمي وممخابرك
عامر: والله يالله
ابومحمد:
احمد بابا لحجي الي صاير بينك وبين عامر عيده
عامر: هم. كله لحجي
احمد: يابه خابرته وبين لحجي باركتله و.....................
نور: عامر طب يباوع بنص عين وجكارته بيده مانزلت وحده وره وحده ويهز بيده ويتمضحك
من حجه احمد راد يحجي عامر وخالي كله اطي صبر واسمع واذا عدك شي عود احجي وكل شويه صاح كذب
احمد: يعني هسه كذب انت محاجي
عامر: لا محاجي
احمد: انت محجيت ع نورس وعله ساره
عامر: لامحجيت وشعدي ويه نورس حته احجي عليها نورس حالها من حال خواتي
ام عامر: موكتلج بس انتي اوووف ضلي وره اخوج. وولده
احمد: يعني مكلت نورس تتحارش بيك وانت تردها
عامر: انجب لك طايح لحظ لبنيه مو لان كاعده لامحاجيها ولامحاجيتني كل الي بينه سلام من اشوفها ببيت جدي شلون احجي عليها هيج حجي متستحي انت ترهم بكيفك
احمد: وبنات خالتي ساهره وخالي علي وساره
عامر: انت واحدكذاب
احمد: امشي لك اني كذاب ياجبان بيك خير متنكر
نور: ناس تغلط ع ناس وهوسه شكبرها وخالي يسكت بيهم وخالتي هم كبت اخر شي
ابومحمد: كل واحد يحلف ع قرأن
احمد: احلف ونص جيبو لقرأن هسه احلف عليه
ام عامر: تعرفون القرأن انتو سرسريه
نور: جبت امي لقرأن حلف احمد
احمد: وحق هذا كتاب الله كل كلمه حجيتها صدك والله شاهد ووكيل اني سمعتها من عامر
عامر: كالو للحرامي احلف ههههه
ابومحمد: هسه كالو للحرامي خوش ابني كذاب تعال احلف انت هم
عامر: ماحلف شنو القران لعبه حته احلف
ابومحمد: انت مومحاجي احلف انك محاجي كل هل حجي
عامر: لامااحلف مااحتاج احلف متأكد من نفسي عليش احلف
ابومحمد: يعني حاجي وتخاف
عامر: شنو كوه تحجوني
ابومحمد: لعد احلف وفضها
عامر: يابه والقران هذا وهاي ايدي عليه محاجي اني
ابومحمد: يعني لحجي لكاله احمدكذب احلف ان هل حجي مطالع منك
عامر: محاجي والقران
ابومحمد: لاكول الي كاله احمد محاجي
عامر: هيه شنو كتلك محاجي شنو ده نلعب محاجي ويه احد وخلص
ام عامر: كوه تريد اطلع السالفه براس ابني
احمد: يعني نورس هم ممخابرتك ولازمتها عمتي
عامر: لا ولاداكه عليه ولامخابرتني
وحته رقمها مااعرفه اصلا ولاعندي ليش هيه عدها تلفون يعني
احمد: خرب..... ماكو هيج قدره بالكذب
عامر: دمشي لك زعطوط
نور: كل الي اذكره ناس غلطت ع ناس وخالتي تصيح وامي وخالي بينهم
محمد ابن خالي جان يفاكك بينهم
اخرشي ضرب عامر وكع بالكاع وكام رد الضربه وناس كتلت ناس بالاستقبال ولكزاز بين الرجلين صار
شكد ممكن اشرح عنها مااوصف الصار ناس كتلت ناس واحمد وياهم
وخالتي تصيح كتلو ابني تكاثرو عليه الن...... له
وخالي يفاكك بينهم يجر واحد يرجع الاخ بس مردو لعامر مرد
صياح وعياط وغلط كمت ماافهم شنو يحجون اوشيكولون واحنه بنص بينهم انفاكك
وندفع بيهم خالي وكع كعد ع كرسي وهمه بعدهم احمد جرته امي واني دفعت محمد لان مجلب تجليب بعامر
شبيك موابوك تخربط يمعود
محمد: بسيطه عامر نتواجهه
عامر: امشي لك مره
نور: ده يروحله لزمته محمد شبيك
عامر :هوه انت وياها......... بينكم تذبوها براسي شنو
نور: ضربت ع وجهي حجايه كلش جبيره الي كالها واني وخرت محمد وصارت لزمتي لمحمد لان جان نايم فوك عامر ع كرسي وكع عامر وهذا تولاه دك فوخرته موقصدي يعني الزمه اله بذات لا ده افاكك بينهم
محمد كمز وضربه وكعه بالكاع
وامي تصيح وتغلط عليه واني ع وكفتي حاطه ايدي عله حلكي واباوع عليهم
عامر: لاتغلطين شوفي شكو بينها وبينه عبالكم ماادري لوكملت شغلتك وبحجه جنت اريد ازوجها بس عامر خربها شيلتوها الي
محمد: لك ياناقص اشرف منك اني وحشاها من هيج شغله
ام عامر: اي عيني والله يمه كلامك صدك وله شنو يحاجي ابوه يريدهاوتالي همه وامهم يطلعون هل افلام
روحي عيني اتأكدي من بتج شوفي شصاير بينهم
ام. نور:الله واكبر عليكم فوك ابنج انتي انوب بس شكول حسبي الله ونعم لوكيل عود انتي اختي ويطلع منج هل حجي
ام عامر: والله احجي الي ده اشوفه
ام. محمد: وشنو الشفتي اسم الله موعيب هل حجي اشفتي عليهم حته تحجين هيج
ام عامر: ليش الشوف اله اشوفهم سوه هيه شغله مبينه لطفل يفهمها
لعب بالبنيه وراد يتهرب رهمو فلم ع ابني ع ردت ازوجج بس عامر حجه عليج
ام نور: والله انعل ابوج لاابوعامر يل ماتستحين عندج بنات ان شاءالله حوبت بنتي تلحك وتستلحك طلعي بره انعل لااعرفج ولاتعرفيني منا ليوم لدين
ام عامر: ولااريد اعرفج هوه انتي لوبيج خير جان ربيتي بنتج ام الزلم روحي فحصيها روحي
عامر: امشي يوم خليهم بخيستهم باجر ايطمطموها وهوه ياخذها ويلفلفون السالفه ونطلع احنه موخوش اوادم
نور: يوم ماانساه بحياتي عراك وغلط وامي شمرت علبه لكلينكس ع خالتي وطردتها وعامر حجه محمد واكف يبعد عنه مسافه مشفنه غير واحد صعد ع قنفات ومن لقنفه دفره لعامر ادعبل بالكاع ع وجهه واشتغل لصريخ جر خالي محمد من عامر عامر وجهه كله دم
وخالتي تغلط وتدعي وانوب تمالخن هيه وامي وحده ضربت الخ
وامي دفعت خالتي وطلعتها وخالتي تغلط عليها
ام. محمد: شجاكم صدك كذب انتو اهل
ام. نور: انعل ابو الاهل يااهل الي يسيطون ع بناتهم موبناتكم ذني
لااريد احد ولااعرف احد بعد من اليوم لاعندي اهل ولااعرفهم
ابو محمد: ماتستحن انتن ولاتقدرن اصيح احجي ماوحده بيجن كالت اخويه واكف
ام نور: ليش مسمعتها شتحجي وله اكولك عيني اني وحده مااستحي شجايبكم عليه
ام محمد: هاا انوب بينكم شبيج يمعوده اسكت انت ياعيني متشوفه شغاديه هيه وكتها هسه كومو اروح كومو
نور: هوسه بهوسه والي انحجه شي قليل ولي انوصف اقل من لهوسه ولحجي الي بحياتي كلها مسامعته ولاراح اسمعه بيوم كلام مينحجي
شلون نطقوه مادري
صرت مثل الي اصفن واصواتهم تصير صدى وعيطه تفززني وارجع وياهم
طلع خالي زعلان من امي لان كامت تحجي عله اهلها كلهم مااستثنت احد جانت منهاره امي
ام محمد: ام عدي راح توكعين لخاطر بناتج يمعوده ع كيفج هسه لو وكعتي وعرف ابوهن شلون
ام نور: لاوالله خل يعرف هوه دوه الهم ويعرفوه هوه شنو موخلاهم يتوبون يدخلون بيه بعد
ام. محمد: لايمعوده انوب تصير اكبر بعد وتضلين
بين نارين كذب هسه انتي عصبيه وتحجين مهما يكونون اهلج
استهدي برحمن وهوه اخذ جزاته هاج لولد طلعوه وجهه يجري دم
احمد: عمه تره والله ماكذبت اني وحلفت كدامكم وبعد احلفلج اذا تردين
ام نور: لاعمه لا ليش مشفته لكلب شلون يتهرب من لحلفان لوالحجي الي حجاه موكافي
ام محمد: خل يولي يمعوده انتي متعرفين ابنج لواني مااعرف ابني بس راد حجه يطلع نفسه منها
محمد: عمه تره انتي امي والله واني اعزج وغاليه عليه انتي ونورس الله شاهد عيني مااكدر ارفعها عليها بنضره غلط لان هيه عرضي مثل ماخواتي عرضي
ام. نور: تسلم حبيبي عمه
ام محمد: يله احنه اروح ولاتشيلين بكلبج يمعوده مصارين لبطن تتعارك
نور: هدو امي خالي عافهم وراح
والولد اعتذرو من امي ع الي صار
خالتي من ضرب محمد عامر اكوله احترك كلبك ع عاهره مالتك وحجي الله لايسمعه ل احد ضليت بس عيوني ادور بينهم احس جسمي كله يرجف
ام محمد: يمه روحو انتو وعود فدساعه تعالو اخذوني
كلبي مايطيني اعوفج انتي ولبنات هيج كومن يمه وجوهجن مصفره نورس خاله شبيج حبيبه ليش هيج تتراجفين
نور: لمسكينه حارت بينه انوب تهدي وتجيب مي وتبوس امي انفجرت بالبجي بعد مكدرت حضنتها مرت خالي وهيه تبجي وتصيح هاي اختي هيج تحجي ع بنتي الي اطب وتطلع وتأكل ابيتي وبس تكول محتاجه شي اركض تالي هيج اسوي
وزوجه خالي تهديها
ام. محمد: يمه شوكت يجي ابوكم
ساره: بالاربعه بالخمسه
ام محمد: ياداده هسه ب2كومن يمه ويايه الملم هل هوسه لايطب لرجال
نور: كمنه بس نشتغل ونبجي شلم الطبلات مكلوبه لكراسي مدفعه لكزاز بالكاع التحفيات مطشره اكو زرع نايلون بالكاع قنبله ومفجوره بالاستقبال
الم وملحك اني وساره وامي وزوجه خالي ونركض منا ومنا
الم وسمعت صوت احلام تصيح نور
ام محمد: منوهاي يمه
نورس; صديقتي خاله من وره لبيت اصيح
ام. محمد: دكومي شوفيها روحي
نور: ذبيت لبيدي وطلعت
احلام: شبيج
نور: لاتسئليني شبيه
احلام: اني سمعت عياط ابيتكم وصيحت عليج مجاوبتيني شصاير
نور: ماكدر احجي هسه بعدين احلام
احلام: فتحي لباب جايتكم اني
نور: فتحتلها الباب من طبت حضنتها وابجي
احلام: شصاير يمعوده كوليلي
نور: طببتها سلمت شافتنه نشتغل وامي تبجي محجت شي لبنيه ذبت عبايتها وويانه كامت تلم وتأشر شكو شصاير
-بعدين اكولج
لملنه الكزاز وعدلنه الاستقبال وكأنما مصاير شي بس وحده من لقنفات مكسوره طابه ليجوه الي كعد عليها عامر ومحمد ضربه
طاكه بيه القنفه
خليناها بالاخير هسه متبين وسدينه الاستقبال هوه بس للخطار عود بذاك اليوم ابويه لل6وماكو بعده مجاي الله يريد يسترها ويانه ويرحمنه ومن خابرته امي كلها عدنه شغل ابويه يبيع بجمله وجايه واحد مجهز تجهيز سوبر ماركت كامل كل من ابويه ماخذه وملتهين وياه
زوجه خالي راحت واحلام راحت شافت لوضع مومال نكعد انسولف بس امي تبجي ومنو يبجي وياها واحنه وياها نبجي واني ابجي لان ماجنت متوقعه الي سمعته ولااحلم بيوم اسمعه
بالمطبخ واكفه وفاتت امي شافتني ركضت عليه ملخت شعري تملخ
-كله من وراج سمعتي ل وين وصلتينه شفتي بعينج لصار
نور: كملت عليه امي ضربتني ضرب مصاير يعني انهد حيلها وتعبت يله هدت شعري مجلبه بشعري وتضرب بيه صرت بين رجلها حته ادفر دفرتني بس عافتني بعد ماساره ساعه اتحاول توخرها كوه سحبتها
كعدت ع كرسي وكامت تضرب بروحها تلطم ع خدودها
سمعنه صوت السياره بالباب
ام نور: كومي فوك
نور: صعدت وامي واكفه ع سنك تغسل وجهه
سمعت صوتهم طبو تعبانين جانت ساعه 8لمغرب اول مره يتأخرون هيج
سمعت بابا يسئل عليه وامي كالتله مريضه مثل ذاك ليوم بطنها اخذت دوه ونامت