#متاهة_مشاعر
للكاتبة _مهرة
عُمر : الو السلام عليكم
رنا : وعليكم السلام هلا بهل صوت
عُمر : رنا راح أمر عليج حضري نفسج وخابري سرى خل تتحضر
رنا: خير عُمر صاير شي
عُمر : لا يول بس مشاقلكم
رنا : تشتاقلك الكعبة خويه، يله طالما أنت تاخذني خالد ميگدر يحچي هههه
عُمر : يگدر يحچي أكسرو لراسو والله هههه
دخل عُمر و أخواتو للبيت
تلگتهم أمهم
رگضت سرى لحضن أمها شتاقتلج يوم
أم عُمر : يا يمه أني هم فاگده صوتج بالبيت بعدني ما متعوده على فراگج
طبعاً سرى أصغرهم صار شهرين من أتزوجت أخذها أبن عمها أسمه سيف
للكاتبة _مهرة
@mohra_9_30
رنا: بس أني محد يشتاقلي
عُمر: ههههههه يول شبيكم أنت وأحمد ضالين بس تتشكون
رنا: أي مو أنت الچبير و هاي الضغيره
و أني وأحمد باقين ع الهامش
أم عُمر : يا يمه والله كلكم نفس المعزه
عُمر: رنا حضرينه المنقله بين ما أصعد أبدل ملابس
راحت رنا نزعت صايتها وطلعت للحديقة تحضر بالمنقله خلت بيها فحم و بدت تحضر بالعجين مال كباب و قطعت لحم مكعبات للتكه
نزل عُمر وبدوا يشون و سرى بدت تحضر بالمقبلات
دخل أحمد من الباب الخارجي دحگ عُمر و رنا ديشون سلم و غمز لرنا رنا ضحكت وفهمت قصدو
دخل للمطبخ دحگ سرى دتشتغل يول أشقنالچ أم لسان
سرى :هلو حمودي وحضنته والله و أني هم شتاقيتلك
فرشو سفرتهم وكعدو دياكلون أحمد گاعد بصف رنا ياكلون وسولفون بهمس
رفع راسو عُمر و دحگ عليهم
خلصو أكل ولمو البنات السفرة
وراحت سرى خدرت الچاي وجابته
عُمر و أبو عمر منتبهن ع التلفزيون
و أحمد غمز لرنا عود حتى تفتح موضوع خطبتو
عُمر: دحگ عليهم يول شبيكم بالعشا تتهامسون وهسه تغمر شو أحچو شعدكم
شال راسو أبو عُمر : خير يابه شكو
رنا: يابه أحمد أكو أبنيه عاجبيو ويريدكم تخطبولو
أبو عُمر : أنه مو گايلوا لو ويه أخوك لو بعدو ازوجك
عُمر: يابه أنه مامفكر بالزواج هسه و طالما أحمد عندو رغبه بالزواج خلو يتزوج ليش رابطو وياي
سكت أبو عُمر و بعدين دحگ بأحمد وكالو منين هاي العاجبتك
أبتسم أحمد و كالو بنيه شفتها بعرس صديقي
عُمر : يول وأنت شعرفت عليها حتى تخطبها
أحمد :ما اعرف شي بس البنيه عجبتني وراح أتصل بوسام و اعرف كلشي عليها
عمُر : هاي الشغله مو مال تلفون أنه من أرجع لبغداد أروح لوسام و اخذ معلومات كامله عليها و على عائلتهم
أم عُمر : عُمر يمه خل أخطبلك و تتزوج أنت واخوك بنفس اليوم و نفرح بيكم
عُمر: يوم والله ما بنفسي زواج هسه و شغلي ماخذ كل وكتي ما متفرغ لمسؤلية الزواج
طبعا احمد طاير من الفرح ولو بيدو يگوم يرگص من هسه باقي بس يوزع أبتسامات ههههه
للكاتبة _مهرة
@mohra_9_30