السلام عليكم ورحمة الله وبركاته
.
.
مئة وثمانيه عشر بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[تــقــابــل]
.
.
اعتذر على الاخطا الاملائيه ×__×
.
.
يقولون ان "الحب حنا نختاره"
او نختار من يكون الشخص المقدر الي راح نحبه.
هذي اكثر العبارات الي نرددها بحياتنا واكثر شي مقتنعين فيه
لكن
اكثر الكلمات الي طحنا فيها بالخطا.
الحب هو من يختار لنا
حنا مانختار احد
وهذا ينطبق على حياتنا بكل شي
من نكون
او وش نكون
من هم اصدقاءنا
او من هم عائلتنا
او وين نسكن
او وين راح نسكن
او وش نلبس
او وش راح نصير
حتى الجيران.
حنا ابدا ماكنا نختار.
القدر هو الي كان يختار لنا.
سمعتم عن"الحب من اول نظره"
اكيد الكل سمع عنها والكثير منا مخطى بفهم هالكلمات البسيطه المكونه اربع كلمات.
الحب من اول نظره يعني
نظره من شخص لا تعرفه ولا يعرفك
مان تطيح عيونكم لبعض حتى تطلق رصاصه صغير تخترق جلدك والكثير من الخلايا والاورده والشرايين والعظام وتستقر بوسط قلبك وبدل ما تتألم وتشكوى من الالم.
الان ان هذي النظره الي اطلقت الرصاص لقلبك يكون الم جميل مع انه يؤلم الا انه جميل.
وفيه رصاصه ثانيه لكن موجهه لراسك ذيك الرصاصه
ابدا
ابدا
ماكنت رصاصه حب
وانما
رصاصه اعجاب تستمر لمده وتختفي.
كلامي للبعض مارح يكون واضح.
لكن
مع مرور الوقت راح تفهمه.
-
-
#الــحــاظــر.
بما ان الخطبه تمت وكل الي يحبونها احظرو خطوبتها الا ان زينب ماحظرت وهي اعذرتها بسببين مع انها كانت حزينه لان وحده من صديقتها اعتذرت.
لكن مع ذاك صدمتها كانت كبيره يوم اعرفت ان فيه قرابه كبيره بين زينب وبين غازي
قرابه
غريبه
و
تصرفات بين الاثنين اغرب من الغرابه.
ومن ناحيه ثانيه
عبدالعزيز كانت تتحشاه طول الوقت وتتجاهله وما ان تصير فرصه يكونون مع بعض حتى تشغل نفسها بشي.
ومستحيل تنكر ان سعادتها ماتوصف لا شافت الغيره بعينيه مستحيل تنسى الاحساس الجميل وهي تشوفه كيف يغلي من الغيره.
ومن جاني ثاني.
كانت سعادتها اكبر يوم حست انها تنتقم منه
لتجاهلها كل ذيك الايام والسنوات.
كانت راح ترقص بسعاده بس من نظرته.
هي واخيراً خلته يذوق من نفس الكأس الي ذوقها اياها طول السنوات الي راحت
وراح تفقد كرامتها لو فكرت ان ترحمه.
ومن ناحيه ثالثه.
هي مازالت تحس بالحب اتجاهه ولا تنكر هالشي.
لكن بوجود غازي حست بشي بسيط يخفي حبها لذاك المغرور ويمسحه.
وان مانسته وظلت تحبه
راح تجبر نفسها ولو كان بالاكراهه
راح تجبر نفسها بحب غازي
راح تجبر نفسها تبعد حبها السخيف لعبدالعزيز
راح تجبر نفسها ولو كان بالخيال تعيش حياة بسيطه جميله مليانه بحب غازي لها.
وهذا هي الحين مع صديقاتها تشري لها ملابس واغراض اضافيه لزواجها.
كانت بكل محل تدخل منه ومستحيل تطلع الا وهي معها كيس او كيسين على الاقل.
بما ان مهرها كان اكثر من المطلوب.
الا ان فرحتها زادت وشي بسيط اتجاهه غازي كبر بعد ماسمعته يقول
"انا باخذ بنت من اهلها ولا ابيها تحس انها راح تتركهم للابد ولابيها تحس اني بنقص عليها شي وعشانها غاليه بعيوني راح اعطيها من عندي 350 الف ك مهر كل شي بخاطرها خليه تشريه والبيت وتجيزاته علي انا"
ربع الفلوس راحت على المطاعم ولعب مع صديقاتها والربع الثاني استأجرت فيه افخم واكبر قصر لزواجها اما غازي خلاها تختار تصميم لفستانها وارسل لماركة دولتشي اند غابانا العالميه الايطاليه.
حتى هو تكفل بتجيهزات القصر والمطربين الي راح يجون اربعه والخامسه وعلى راسهم حسين الجسمي.
حتى كان راح يجيب ثلاث مغنيات اجنبيات واثنين مغنين.
لكن وقفته باللحظه الاخيره.
هي كل الي كانت تبيه حفل زواج بسيط وهادئ وجميل.
مو فخم وجميل:).
وهذا من غير شهر العس..
اقصد ثلاث شهور العسل:).
الي راح تسافر بثلاث دول مختلفه بشهره.
ف شهر بفرنسا
نص شهر بالمالديف
ونص شهر في جزيره بورا بورا
وشهر في بجنة الارض بالي(اندونسيا)
هذا اكثر ممَ تتمناه هي.
تتفهم انه غني ويبي يعيش لحظة زواجه لكن هو تقريباً ابذر بمصاريفه.
.
تنهدت وهي محتاره بين قميصين.
رنيا/القميص الاسود يفتح بشرتك.
مشاعل/الاحمر موديله حلو وناعم ويبرز انوثتك.
رينا ناظرت مشاعل وقالت/الاسود بعد حلو ويبرز انوثتها.
مشاعل/لا تجادليني انتي خليكِ على جنب.
مشاعر/كل الاثنين حلوات.
ليلى/اعتقد الاحمر احلا.
رينا ناظرت مشاعل/انتي خليكِ على جنب انا اتكلم مع انهار انتي من حشرك؟.
مشاعل قربت لرينا تضربها الا ان سيدرا امسكتها وقالت وهي تبتسم بنزعاج/حنا قدام الناس عيب.
مشاعل بغضب/ابعدي عني خليني اوري ذي القزمه كيف تحترم الي اكبر منها.
ليلى/خلاص انتم الحين تزعجون انهار.
مهليل وهي تضحك/سيدرا امانه اتركيها نفسي اضحك.
ناظرتها سيدرا بحده ف قالت بعد ماشالت الابتسامه
/خلاص امزح.
انهار/بالاخير راح اخذ الاثنين.
قالت وهي تسحب الاثنين مع بعض وتمشي.
ابتسمو بسخريه على انفسهم.
دخلو محل عطور وساعات ف قربت لها رينا وهي تلعب ب اصابعها مع ابتسامه خفيفه.
/تدرين انك حبيبتي وانتي رقم واحد عندي تدرين صح؟.
ابتسمت انهار وهي تدري وش تبي ف قالت/والله؟بس انتي قبل كم يوم قلتي لمهليل انها هي رقم واحد عندك شلون صرت انا رقم واحد؟.
رينا بهمس/انا قلت كذا قدامها ولا هي رقم اثنين عندي وانتي رقم واحد.
انهار ضحكت وقالت/ايوه ماقلتي لي وش تبين عطر ولا ساعه؟.
ضمت شفايفها لبعض مع ابتسامه خجوله وهي ترفع اصبعين.
ارفعت حواجبها ب ابتسامه وهي تقول/عطر وساعه؟.
امأت مع ابتسامته.
مرت من جنيها مشاعل وقالت/فوق ماهي قليله ادب قليله حيا:).
قلبت عيونها بنزعاج من مشاعل ف قالت/لا صرت طالبه منك شي تكلمي.
تجاهلتها مشاعل ف قالت انهار/انا مخططه تشرون الي تبونه هديه مني لكم.
مهليل وسيدرا بخجل/انتي اكبر هديه بحياتنا.
مشاعل ومشاعر/والله فرحتك اكبر هديه بالنسبه لنا.
ليلى ب ابتسامه/الله يجعله الزوج الي يعوضك عن كل متاعب الحياه وسندك ويجعل لك الذريه الصالحه.
انهار ابتسمت ب اتساع على فرحتهم لها.
رينا وهي تبتسم/اوكي انا ابي عطرين وساعه وثلاث فساتين وطقم واحد ذهب.
اختفت ابتسامتهم وناظروها ب تعابير مثل هذا -_-.
اما انهار ف اضحكت وهي تقول/الي تبينه اطلبيه.
ناظرتها رينا ب خجل وابتسامه معبره عن شكرها.
.
وبعد اربع محلات قالت انهار وهي تطلع من المحل/انا بروح اشوف محل الهدايا اذا بتطلعون من المحل اتصلوا علي عشان ماضيعكم.
امأو ب"طيب"
واطلعت.
كانت تمشي بالمجمع وهي تدور محل هدايا ف قبل شوي كانت متاكده انها شافت واحد مع البنات.
وبكذا قضت ربع ساعه وهي تدور على المحل حتى واخيراً لقته.
بس ثلاث خطوات وتدخل المحل
تنهدت بتعب وهي تكمل طريقها للمحل حطت يدها على الباب.
وقبل لا تفتحه
انفتح بتجاهها ف ارجعت خطوه لورا تسمح لشخص الي ورا الباب يطلع.
حس الشخص ان الي قدامه تضررت ف قال/معليش.
امأت براسها بتفهم وهي تناظر الدب الكبير المعلق على زاويه من المحل والي يعكس صورته القزاز الشفاف للمحل.
ابعدت نظرها عن الدب المحشو وهي تبعد عن طريق الشخص الي قدامها وقبل لا تبعد.
ناظرته بنطره خاطفه وابعدت عيونها عنه وهي تبعد
حتى ارجعت عيونها له قبل لا يمشي.
حست باحساس غريب يهجم بعماق قلبها وهي تناظر العيون البنيه الي تشبه عيونها.
/يلا يابابا تاخرنا.
طلع ذاك الصوت من ورا الشخص الي كان واقف قدام انهار وما ابعد عن الشخص حتى توسعت عيونها البنيه .
.
عباره علقت بذهني طول حياتي من جدتي الي كانت تقول" يابنتي إذا نزل القدر غمي البصر"
ضليت افكر بكلامها وافسر معناه الا اني لقيت المعنى وهو "اذا اراد الله انفاذ قضائه وقدره سلب عقول البشر ما شاء كان،مالم يشأ، لم يكن، وانه لا حركه، ولا سكون ، ولا هداية ، ولا إضلال الا بمشيئته"
احيانا القدر يكون على هئيه شخص يتحكم فينا ويخلينا نعيش التجربه الي هو اختارها بنفسه يسلي نفسه.
والقدر اختار اكثر الاشخاص الي راح تأذت منه انهار بحياتها.
رغم ان مرة 17 سنه على شوفته وطول هالمده ماسمعت صوته الا مرتين بحياتها.
الا انها عرفته.
رماها وهي بعمر ال3سنوات.
رفض يشوفها
رفض يسمع صوتها الا مرتين.
رفض ياخذها لتعيش معه.
رماها وهي توها فاتحه عيونها لحياه.
رماها وراح تزوج من حبيبته العراقيه الجميله.
نزلت عيونها لليد الي كانت ماسكه بيد ابوها البنت الصغيره والي كانت تقريبا بسن ال5 سنوات بشعر اشقر وعيون واسعه وبشره شوكولاتيه انف يشبه انفها(خشمها) .
بعدها لليد الثانيه والي كانت اكبر من يد البنت الصغيره والي كانت تقريبا بال15 سنه.
وطفلين ذكور قدام الاب واقفين معهم شوكولاته.
والام الي اطلعت وبيدها كيس وحده فيها هديه.
استغربت من وضع عائلتها ف قربت ووقفت جنب زواجها.
انهار ناظرت زوجته الي كانت محجبه ف ابعدت عيونها عنها وناظرت ابوها بسخريه.
لتبتسم على جنب وهي تناظره مباشرة لعيونه متجاهله الاشخاص الثانين.
ابتسامه قهر
ابتسامه معذبه
ابتسامه كرهه
ابتسامه حاقده
ابتسامه حاسده
ابتسامه تتمنى لشخص الي قدامها بالموت.
حست بسهم اخترق قلبها.
حست بشعور ينجرف لقلبها ولعقلها.
ليفجر كل ذكرياتها وامانيها.
ذكرياتها وهي تتصل عليه بالليل
ذكرياتها وهي تتمنى انه يرد
ذكرياتها وهي تحتفض بصورة ابوها عديم الاحساس.
ذكرياتها وهي تزعج خالها المسكين بانه يوديها له.
ذكرياتها وهي تبكي كل ليله متمنيه انه يتصل ولو بثواني بس تسمع صوته او على الاقل يسالوني عليها.
دارت بظهرها بعد ماشالت ابتسامتها الساخره وحلت بمكانها البرود.
مشت بخطوات بطيئه وهي رافعه راسها بكبرياء.
توريه انها ماعاد بحاجته
توريه انها ماعاد مثل قبل تزعجه بالاتصالات
توريه انها ماعاد يهمها.
مشت حتى اختفت من قدامه.
/هسه اتذكر الدكه ناقصه.
قالت بحده وعتب وهي تناظره.
سحبت اولادها ومشت متجاهلته.
(هسه اتذكر الدكه ناقصه:للحين اتذكر العمل الدنئ الي سويته)
بعد ما اختفت من عنده بدت تسرع بخطواتها وهي تحاول تمسك دموعها ما تنزل.
احسايس تفجرت بداخلها وهي تشوفه سعيد بحياته ومع عائلته الجديده الي كونها من 17 سنه.
مارح تلوم زوجته ولا اطفاله الجدد
ولا هي كارهتهم
لكن
هي كارهه ابوها حتى حست بشي يغلي بداخلها.
كل ماتتذكر الي كانت تسويه بس عشان تسمع صوته.
تكرهه نفسها.
وتتمنى لو انها تقدر ترجع الزمن لورا وتوقف نفسها عن الي تسويه.
شوفته وهو مكون اسره جديده وتاركها.
تخلي دموعها تنزل من نفسها.
كانت تمشي بسرعه وعيونها تدمع حتى ان الناس لاحظو.
ودها تطلع من هالمكان ب اسرع وقت.
شي بداخلها خانقه ولا تقدر تتنفس بسبته.
تذكرت مسكت يد البنت الصغيره بيد ابوها ف انفجرت الدموع اكثر حتى انها بدت تشهق واول ماوصلت للحاله بدت تركض متعديه الكثير والكثير من الناس.
تمنت لو كانت بمكانها
تمننت لو كانت الشوكولاته بيد الطفلين بيدها هي
تضحك
وتبتسم
وسعاده ماتتحملها الارض.
والجميله الي اطلعت من المحل تمنت لو كانت امها تمنت لو كان الي يصير معاهم يصير معاها.
حست بانها خطيئه انولدت للعالم.
شافوها البنات تركض ف انفجعوا على حالها وبدو يركضون تاركين اكيساهم عند المحل لاحقينها.
كانت تركض وتبكي بنفس الوقت حاطه يدها على قلبها قابضه عليه تحاول تمنع الاحساس المؤلم الي هاجمها.
ما ان اطلعت عن المول وابعدت عن الناس حتى اجلست على الارض.
تصرخ وتبكي بنفس الوقت.
وتردد"ياربي".
وصلوا بنات لها وهم مفجوعين ويتنفسون بقوه من ركضهم وراها.
اجلسوا قدامها ف سالتها مشاعل عن سبب بكاءها.
ناظرتها وهي تبكي وعيونها ماوقفت ذرفها.
/قلبي يوجعني.
قالت وتضرب الارض بيدها واليد الثانيه تضرب صدرها.
كانوا يتكلمون معاها ويحاولون يهدونها الا انها كانت بشي اشبه بالغيبوبه بكاء حاده.
ف ماتحملت رينا وبدت تبكي معاها وهي تضمها وتحاول تبعد يدها عن صدرها الي كانت تضربه بقوه ومشاعر تبعد يدها الي كانت تضرب الارض ف بدت يدها تتجرح وتنزف.
يقولون ان اقسى انواع الاحسايس:
الفقدان.
الخيانه.
-
-
#بعد اسبوع وثلاث ايام.
الساعه10:22م.
كانت جالسه بغرفتها تقرا كتابها المفضل عن روايه رومنسيه دراميه كوميديه.
كانت تحاول تنسى الي صار ف بدت تغمس نفسها بالروايات.
وهي تقريبا نست وارجعت لنفسها.
سمعت طق الباب ف قالت/الباب مفتوح.
ادخلت ساري وهي مبتسمه ف قالت/نهينهي توقعي وش معي.
ماناظرتها انهار فقالت وهي تقلب صفحه من كتاب روايتها/اكل؟.
ساري/نوو.
تجاهلتها انهار ف تنهدت ساري قربت لسريرها وحطت الشي الي كان معاها واطلعت من الغرفه مسكره الباب وراها.
انهار كانت منغمسه باحداث الروايه لدرجه انها مانتبهت ان ساري حطت شي او حتى انها اطلعت.
وبعد ساعه.
سكرت الكتاب بعد ماحست انها جوعانه فقامت من على السرير وهي تتمغط وتتثاوب.
وراحت لجهه الثلاجه الصغيره الموجوده بطرف الغرفه وهي تفكر وش تاخذ.
شوكولاته؟
اندومي سريع التحضير؟
او عصير
او كولا
اويمكن تروح لدولاب وتاخذ فيشار.
او يمكن تقطع لها كيكه من الي جابها لها غازي
قبل يومين.
لكن
لكن
اوقفت بوسط الغرفه بعد مالمحت شي على سريرها.
شي كانها شافته من قبل؟.
دارت براسها ببطى وشافت الكيسه الصغيره.
تقدمت ببطى لسرير.
اجلست على ركبتيها.
وسحبت الكيس.
تجاهلت الهديه المغلفه بشكل احترافي وراحت للبطاقه الصغيره.
فتحتها بيد مرتجفه
"سعيده جداً للخبر الجميل عن زواجك الف مبروك حبيبتي قبلاتي الحاره".
ازحفت على ركبها لين وصلت لدولابها ف افتحته وسحبت الصندوق الصغير ورمت الي بداخله على الارض وهي تتنفس بسرعه.
تطايرات الاوراق هنا وهناك
اخذت اول ورقه الي مرت عليها 11 سنه.
يوم كانت بعمر ال6 سنوات اول مادخلت المدرسه.
ماقدرت تشوف شي من دموعها ف امسحته بيدها ورجعت تناظر الورقه.
"حبيبتي الصغيره كبرت واصبحت فتاة جذابه فتاة تتعلم بالمدرسه اتمنى لك التوفيق حبيبتي".
اتركت الورقه الاول وراحت لثانيه الي كانت تسبقها بشهرين من الورقه الاوله وبدت تقرا الرساله بيوم ميلادها"حبيبتي الصغيره كبرت سنه حبيبتي الفاتنه اتمنى لك عيد ميلاد سعيد"
الثالثه والي كانت بعد سنه والي ادخلت فيها السنه الثانيه بالمدرسه"مبروك صغيرتي على النجاح اتمنى لك التوفيق".
رساله ورا الثانيه حتى تخرجت من الصف سادس"اصبحتي كبيره لا اصدق هذا بالامس كنتي قطه صغيره والان جميلتي س تكون بالمرحله المتوسطه اقبلي هديتي البسيطه بحفل تخرجك"
والي كانت عباره عن فستان ابيض طويل ناعم.
باابدايه ماكانت مهتمته لكن بعد ماكبرت زاد الفضؤل عندها متوقعه انها امها او ابوها ولما سالت خالها قال لها ب ابتسامه"راح يكون سر ولا تعلمين بس الي يرسل لك ويكتب لك هذي زوجتي الحلوه لا تعلمينها اني قلت لك عشان ماتخليني انام بالصاله:( وبعدين تخليني بالشارع"
بعد كلامه ضحكت وسوت نفسها انها متفاجأه. كل ماجتها هديه.
معتقده ان هالهدايا تجيها من زوجة خالها.
بكل مناسبه
ترسل لها هديه ومعه مكتوب.
كل ماصار شي ترسل.
حتى بيوم اتعبت ف ارسلت زوجة خالها لها هديه مكونه من باقه ورد صغيره وبوكس عطور وشوكولاته.
متمنيه لها الشفاء العاجل.
لكن مع ذلك ماكان يخطر ببالها انها تقارن بين خط زوجة خالها وخط المكتوب لانها كانت معتقده انها هي الشخص الي يرسل لها.
وخوفها على خالها منعها من انها تسالها.
والحين فهمت سبب كلام المكتوب والشخص بالفصحى.
وهذا
لان
الشخص الي يرسل لها كان.
طاحت الورقه من يدها وبدت تبكي وهي حاطه يديها على وجهها.
وتردد كلام مو مفهوم.
تبكي
بحرقه
بألم.
ادخلو عليها واستغربوا من وضعها وقبل لاحد يقرب ابعدت يديها وناظرت خالها وقالت وهي تبكي
/شلون الغريب يحس فيني واقرب الناس لي ماآنبه ضميره عشاني؟.
نزل راسه بخجل وحزن على بنت اخته المسكينه.
بدت تشاهق وهي تقول/انت متاكد اني بنتهم؟متاكد اني جايه من رحمها متاكد اني جايه من ظهره؟متاكد؟لاي درجه هم كرهوني لاي درجه هم شافوني خطيئه؟.
قربت لها زوجة خالها وهي ماسكه دموعها فجلست على الارض ضامتها.
/قولي لي خالتي لاي درجه انتم راحميني؟لاي درجه حتى الناس راحمتني لدرجه ان زوجة ابوي هي الي فيها انسانيه اكثر من اهلي؟.
مسدت على راسها وهي ضامتها بقوه.
الحين فهمت السبب .
لانها.
كانت زوجة ابوها.
الي كانت ترسل لها.
(مهم اقراء تحت)
.
.
.
ومن هنا نوقف ونكمل بالبارت الجاي.
اتمنى انه نال اعجباكم.
المواقف هذي كلها صارت بالحاظر يعني ان انهار بالماضي وللحين ماصار فيها شي.
وش رايكم بالبارت🌝؟.
اشكر الاخت رانيا على مساعدتها لي بلهجتها العراقيه الجميله.
طبعاً احبائي البعض راح ياخذ هالبارت بعنصريه وبجديه واني قاعده اشوهه وطن العراق.
شي واحد لازم تعرفوه قبل لا تتكلمون ان العراق هي البلد الوحيد الي اتحمس اتكلم لهجتهم قبل لغة الانجليزيه وان متابعيني ربعهم عراقيين وانا شخصيه ماحب المشاكل ولا احب اسيئ لاحد ابدا مهما كان وطنه او ديانته او مذهبه.
ثالثاً احبائي مهما وصل الخلاف بين البلدان ف انا ابدا مارح اجيب ذكرهم بالسوء وخصوصاً ان قطر فيه نزاعات بينها وبين السعوديه. واتمنى من كل قلبي ماحد ياخذ الروايه بجديه لان روايتي تحتوي على نصف الجنسيات ومنها القطريه انا اجاهد من ثلاث سنوات اني ماكتب شي يضر ببلد او بشعب او بديانه او بمذهب او اسيئ خلو الخلافات على جنب وخلونا نستمتع فقط بالروايه مبتعدين عن العنصريه والخلافات بين البلدان
ومن لم تعجبه فقط فل يكرمنا بسكوته ويرحل او يتعدا البارت الي مايعجبه. .
لاتنسوا ان تعليقاتكم هي سبب نجاح الروايه واكتمالها.
واعتذر عن تاخيري.
صراحة(marie0g.sarahah.com)
السايت:(http://sayat.me/marie0g) الانستقرامmarie.g0
وهابي هابي مــــاري❤️
دمــتــم بخــير.❤️