.السلام عليكم ورحمه الله وبركاته
.
.
البارت السابع والثمانين بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[ظهــور ميكي]
.
.
اعتذر على الاخطا الاملائيه ×__×
.
.
بارت كتبته ع السريع لاني توي قايمه:)
.
.
#2010/2/3..الساعة7:8م
كانت لابسه نظاراتها الطبية وتقراء كتابها قدام الدفايه بتركيز حتى قاطعها
/ماما ،
همهمت لها وهي مركزها نظرها على الكتاب ف قلت/ليش الناس تموت؟ ،
توسعت عيونها ب تفاجأ ف ابعدت نظرها الكتاب وناظرتها ب استغراب من سؤالها ف عادت عليها السؤال للمره الثانية ..
ابعدت نظراتها عن عيونها وهي تبتسم ابتسامتها الهادية والحانيه وتقول/ليه تسالين مثل هذا السؤال ،
رجعت نظرها للعبتها اللي كانت عباره عن ارنب محشو ولعبة بلاستيكيه لحدى الشخصيات الكرتونية ارفعت الارنب وقالت وهي تلعب فيه/فجأة خطر على بالي السؤال ،
ارفعت نظرها عن لعبتها وقالت/الناس ليش تموت؟ ،
حطت الكتاب على الطاوله وهي تبتسم/لان هذي هي سنة الحياة ،
ناظرتها بعدم فهم من جوابها ف قالت توضح لها اكثر/لان لو ما مات الانسان مارح تتحمل الارض استيعاب و الكم الهال من البشر و.. شفتي جدتك شيخه هي عايشه بزمن ماهو زمنها تحس نفسها غريبه عننا حنا.. لكل انسان زمنه ووقته عشان كذا يموت الانسان ويجي انسان ثاني يحل مكانه ويحل زمنه تخيلي انسان عاش من عصور الغابره تتوقعين راح يتحمل زمننا هذا؟ ،
الصغيره هدت براسها معنيه رفضها ف قالت/جاوبيني انتي ليه مارح يقدر يتحمل؟ ،
الصغيره رجعت نظرها للعبه وقالت/لانه عاش بزمن ماهو زمنه مارح يتعود على التطورات اللي صارت بالعالم الجديد ولا راح يستوعب ان زمنه راح وصار من التاريخ ،
هزت براسها موافقه كلام الصغيره ف كملت/حبيبتي الانسان مايموت الانسان يترك غرفته القديمه ويروح لغرفة جديده يعيش فيها مخلد لا يعرف الموت ،
نزلت نظرها لصغيره وقالت وهي تضيق عيونها بحزن/ولو الموت ماكنا نعيش الاحسايس مثل احساس الحزن على فقدان شخص عزيز علينا ،
قالت الصغيره/الحزن ليه موجود؟ ،
ضحكت الكبيره بخفيف وبهدوء ف حطت يدها على راسها وتقول/لو ماكان فيه الحزن ماكان العالم استمر وكان الانسان ماستمر الحزن نعمه وهيبه من الله ولو ماكانت موجوده ماكان العالم استمر و ،
الصغيره ناظرتها ب اهتمام ف قالت وهي تبعد يدها عن راسها/الانسان يعيش مره وحده ف لازم يجرب هالاحساس ،
اخذت نظرتها ولبستها وقالت وهي تمسك الكتاب وتفتح على الصفحه اللي وقفت منها/علشان يتغير ويتقدم بحياته ،
قالت الصغيره وهي تناظره بهدوء/ماما كيف حبيتي خالي؟ ،
ماكان لازم اسالها عن خالي .. من قبل كنت دايم اسمع من اقرابنا والناس اللي تعرفنا عن خالي وعمتي انهم تزوجوا عن حب نفس امي وابوي اللي تزوجوا عن حب كانت قصتهم اشبه بقصه خياليه عاطفيه .. ابوي وخالي كانوا اصدقاء بالعمل كان ابوي احيانا يزور خالي وخالي يزور ابوي حتى شاف خالي عمتي وبدت قصة حبهم نفس الشي مع ابوي اللي شاف امي بالصدفه وحبها حب اعمى حتى انه حارب جدي الله يرحمه عشان يتزوج امي ابوي اخذ امي وخالي اخذ عمتي وكلهم عن حب…
انا ومهند كنا ثمرة حبهم .،
في البدايه كان مقرر انه انا ومهند نصير ازواج بالمستقبل لكن امي وعمتي رفضوا هالفكره وخصوصاً انه حنا انولدنا بنفس اليوم وبنفس الدقيقه والثانيه قالت عمتي
/لا راح نخليهم اخوان احسن من انهم ازواج و غاليه مارح تقدر تحمل غير زينب صحتها ما تسمح لها وزينب اكيد راح تكبر وتبي يصير عندها اخوان عشان كذا راح نخلي مهند اخوها بالرضاعه ،
في البدايه خالي وابوي ارفضوا وحتى انهم ازعلوا من زوجاتهم لكن فيه احد يقدر على قرار النساء؟:) ،
امي اخذت مهند وعمتي اخذتني وعلى سبع شهور رضعونا وبعد سبع شهور رجعنا ل امهاتنا طبعا بعد تعب لان مهند رفض عمتي وانا رفضت امي لانه كنت متعودين على حليب واحد وبالغصب رضينا نرضع منهم ،
امي وابوي وخالي كلهم ماتوا وتركوا عمتي لحالها وحيده مع طفلين .،
خالي انا ماتذكر ملامحه وذكرياتي مع خالي انمسحت مع ذكريات امي وابوي وحمد وسمعت ان خالي مات وانا بالغيبوبة اللي دامت ثلاث شهور سبب موته مرض خبيث واكتشف متأخر ف مات .. سمعت من اقرابنا وبالصدفه سمعتهم يقولون ان عمتي ما تحملت فراق ثلاث اشخاص غالين عليها ف ادخلت بحاله نفسيه مؤقته وامرضت واحيانا تبكي ليوم كامل وترفض الاكل .. افقدت اخوها وصديقتها وزوجها وكلهم بنفس السنه وكلهم بخمس شهور اول شهر ماتت امي والشهر الثاني مات ابوي اللي هو اخوها وبعدها بثلاث شهور مات خالي ،
عمتي تحملت طفلين لحالها طفل وطفله من الصعب على المراه تربي ولد لحالها لازم يكون معاها زوجها وقليل ومن النادر تلقى نساء يربون اطفال ذكور لحالها ويطلعون بارين بوالدتهم(امهم) لكن عمتي استحملت شخصيه عنيده وثقيله ومزاجيه مثل مهند وعرفت تربيه تربية صالحه.. ،
من سن7 لسن13 سنه وانا انادي عمتي ب ماما حتى سن ال14 وفوق صرت اناديها بعمتي او خلود ولا اخفي عليكم استغراب الناس واستغربها لانها ولانهم تعودوا اني اناديها بماما وحتى انا نفسي مادري وش السبب اللي خلاني اناديها واغير من ماما لعمتي ،،
نظره حزينه ناظرتها لصغيره/خالك يشبه مهند بكل شي ،
بعدها ماتكلمت الصغيره بي كلمه ورجعت نظرها للعبتها واما الكبيره رجعت نظرها للكتاب لكن بنظره حزينه متذكره ذكرياتها الحلوه والمره معه ،
"مارح اترك الحياه الا وانا متاكده ان فيه شي يحبني مثل حب عمتي لزوجها"
قالت بنفسها الصغيره وهي تلعب ب لعبتها بهدوء ..
وفعلاً ماكبرت و اتركت الحياه الا وهي متاكده ان فيه ثلاث اشخاص عاشقينها عشق الجنون ومستعدين يسون اي شي تطلبه حتى لو كانت تطلب منهم الموت راح ينفذون كلامها ،،
-
-
باسل بحماس/واهه شوفو شكلي اشبهني بس بصوره انضج من الحين حتى مافي الا القليل من التجاعيد حول عيني ،
فيصل/ملامحي شوي تغيرت شوفوا ،
تركي بعبوس/لحظه ليه وجهي كذا سمين؟ اكيد اللعبه فيها شي ،
حمد ب ابتسامه/انا ماتغيرت ،
رائد بغرور/الجميل يبقى جميل مهما طال العمر والزمن بليز اللي يبي يشوف صورتي يقول ماشاءالله ،
سامي عقد حواجبه وهو يقول/كأن خشمي كبر شوي؟ ،
احمد/ليه وجهي نحيف زياده؟ ،
فهد ب ارتياح/ماتغيرت كثير ،
خالد رفع حاجبه بغرور وهو يشوف صورته ويبتسم ابتسامة جانبيه ..
فارس/انا تقريبا اشبه ابوي همم ،
مهند/سبحان الله من هذا الذي يشبه القمر؟ ،
فيصل لانه كان جنب مهند ضحك وباسل قلب عيونه من مهند ..
كان كل واحد فيهم يعلق على الثاني ويسخر من الثالث ويلقون النكات على بعض حتى ان بعض اللي كانوا موجودين بمدينة الالعاب وقفوا يناظرونهم ب ابتسامة ،
وفي الحقيقه مهند شاف كل صور الشباب معدا فارس واللي مان كان يبي يشوف صورته الا ان شي قاطعه وخلاه يبعد عن فارس ويشوف الشي اللي قاطعه ،،
لكن
لحظه
كأن فيه شي نسوه.
شخص نسوه.
ماله صوت ،
اوه صحيح..
التفتوا على زينب اللي كانت تناظر صورتها ببرود حتى الموظف اللي كان معاهم كان واقف جنب زينب والقلق والتفاجأ والصدمه بادي على وجهه ..
كانوا اكثر شي متحمسين يشوفون شكل زياد بعد عشر سنوات وكيف بيكون شكله واكثر شخص كان متحمس كان خالد.. كان متشوف يشوف شكل الشخص اللي دخل قلبه وعشقه لكن.. ،
حسوا بشي راح يفاجأهم ..
وفعلا هذا اللي صار بعد ما قرب باسل وشاف الصورة اللي كانت بيد زينب سحب الصوره من ايدها وعيونه متوسعه بتفاجأ يقرب الصوره ويبعدها ويعقد حواجبه ويناظر الموظف ب استفهام ..
وبسرعه قربوا الشباب من باسل وسحب خالد الصوره و
هنا
كانت الصدمه
صور سودا ..
ماكان فيه اي شي سودا بالكامل حتى انه قلب الصوره للجهه الثانيه يتاكد ان كانت الصوره بالجهه الثانيه..
لكن كانت بيضا وهذي خلفية الصوره من الجهه الثانية ،
قال مهند/يمكن الالى معطله ،
كلهم حولوا نظرهم لموظف معدا زينب اللي بالفعل اعرفت الاجابه من الموظف ..
قال فيصل/ليه صورته سودا بالكامل؟ ،
الموظف نزل راسه من نظرات الشباب اللي كانت تنتظر الاجابه ..
قاطعهم ضحك باسل اللي قال/وش فيكم متوترين اكيد كانت الالى متعطله عشان كذا اطلعت الصوره سودا وعشان كذا راح نخلي زياد ير..ك ،
وما ان استدار لزينب حتى تقطعت كلامته واختفت ابتسامته بالتدريج بعد ما شاف نظراتها وابتسامتها الغريبه واللي كانت اشبه ب
حزينه..
موظف/I am sorry for what I am saying now but.
(انا اسف على الذي س اقوله الان لكن..)
قاطعته زينب وهي تسحب الصوره من خالد و تقول وهي تضحك بهدوء/يقولون ان اطلعت صورتك سودا ف انت بذاك الوقت بتكون ميت ،
قاطع كلامها فيصل بحده/جرب الكرسي الثاني يمكن اللي ركبتها كانت معطله ،
هزت براسها وقالت وهي تبتسم/لا هذا واضح بعد عشر سنوات بكون ميت بالفعل ههههههه ،
كانت دعابه منها عشان تضحكهم لكن كل اللي لاقته منهم نظرات بارده ..اللتفتوا بظهورهم وراحو انتشروا بالمكان الا هي اللي كانت واقفه بمكانها وتناظر مكان ماكانوا واقفين ..
-بذاك الوقت راح يمسكنا حمد ونموت بيده هه،
قالت وهمها اللي كانت واقفه قدام زينب تناظرها ببرود وعليها ابتسامه ساخره بعدها غمضته عيونها وتلاشت من قدام زينب ..اختفت ،
-
-
الموظف/The second game is considered the village of snow people come for this .. The village is swept by snow from everywhere and in which animals do not live only snow, penguins, bears and seals and what is that and also contain games, many of them ski.
(اللعبه الثانية تدعا ب قرية الثلج الناس تاتي من اجلها.. القريه يجتاحها الثلج من كل مكان وفيها حيوانات لا تعيش الا بالثلج ك البطاريق والدببه والفقمة وما اللي ذلك وايضا تحتوي على الالعاب كثيره منها التزلج)
اول ماسعمت زينب انها فيه تزلج حتى قالت له يدلها عليها زينب تعشق شي اسمه(تزلج) حتى بدون ما تاخذ رايهم على طول راحت لقرية التزلج ..،
ابتسموا وهم يشوفونها راحت تركض وساحبها وراها الموظف اللي كان يحاول يعادل بركضها ..،،
بعد اربع ساعات ..
اطلعوا من المدينة وهم يتمغطون
فارس/من حظي اني جايب الكاميرا ،
فيصل/لايكون ناسي احد منا وماصورته ،
فارس مسك الكاميرا وقال/لا مستحيل حتى خليت الناس تصورني معكم ماخليت احد ماصورته منكم ،
وقفت زينب عن المشي وناظرت فارس وهي معقده حواجبها/انت صورتني؟ ،
قلب عيونه بنزعاج وقال/مارح اخلي يشوف صورنا غيرنا لا كبرنا بعدين راح نوريها عيالنا ،
كانت راح تتهاوش مع فارس لكن حاوط كتفها باسل وهو يقول/خلينا هذي المره نصور مع بعض لاتنسى ،
ناظرها وابتسم/الصور تصنع الذكريات ،
زينب/اعتقد مره واحده مارح تأثر ،
ضحك باسل وكان راح يضمها لكن قبل هذا اقبصت زينب ايده ف ابعد عنها وهو يفرك ايده.
زينب/لا تفكر حتى ،
قلب عيونه وهو يفرك ايده من مكان القبصه اللي صارت حمرا ..
ابتسمت زينب وتقدمت بخطوات اكثر من منهم ف شافت البحر قدامها والسفن فوق البحر وبحماس راحت تركض لكن..
اصدمت ب اشخاص ف وقفت وناظرتهم وكانوا اجانب و من سمر امريكا ..
زينب قالت/I'm sorry I did not pay attention to you.
(انا اسف لم انتبه لك)
كان طويل وعلشان كذا زينب ارفعت راسها اكثر عشان تناظره لكن
ماكان من شخص متفهم ف قال بغضب/What, dwarf, do not see before you this? I am taller than you. What if I were shorter?.
(ماذا ايها القزم الا ترى امامك انا اطول منك ولم تراني ماذا لو كنت اقصر؟)
قالت زينب بهدوء/I repeat my apology.
(انا اكرر اعتذاري)
زينب حست بالخاطر من نظراته الغير مريحه ف عشان كذا جهزت نفسها داخلياً واما هو مسك ياقة بلوزتها وناظره بحده لكن..
/زياد ،
رفع نظره للاشخاص واللي توقع انهم اصحاب القزم واول ما التقت عيونه بعيونهم حتى تغيرت ملامحه من الحده والغضب اللى التوتر وشعور بالخطر ..
ترك ياقة زينب وقال وهو يحط ايده بجيوبه ويكمل طريقة/Watch out again, dwarf.
(انتبه مره اخرى ايها القزم)
استغربت من تغير اسلوبه المفاجى ف التفت لشباب تناظرهم وشافتهم..
يبتسمون لها ،
ارجعت نظرها لبحر وتقدمت بخطواتها وهي منزعجه منهم لانها تدري انهم كانوا يناظرونه بنظراتهم المرعبه ..
"هم للحين ماشافوا قوتي يتوقعوني ضيفعه لاني قصيره همففف:-_-"قالت بنفسها بنزعاج وهي تمشي وتخبط رجلينها على الارض ..
اتكأت على سور البحر الازرق الصافي وشردت بجماله الموج كان خفيف والسفن قليله منتشره باامكان متفرقه السماء مليانه بطيور النورس وبطرف درج الميناء كان فيه اللقلق باللوان زاهيا جميله كانت فيه نسمه قليله من الرياح كافيه انها تحرك شعرها القصير ..تنفست بعمق وغمضت عيونها بارتياح. ،
/الطيور حلوه لكن كيف طعمها بعد الشوي؟ ،
افتحت عيونها ب تفاجأ من السؤال الغريب واللي خرب جوها اللتفت عليه حتى عقدت حواجبها ب استفهام من الشخص
اللي كان لابس قناع ميكي ماوس!! ،
"صوته يشبه صوت اللي كان بالمهرجان"
بعدها بثواني هزت براسها بغباء من تفكيرها وابتسمت بغباء اكثر وقالت بنفسها"يتشابهون"..
قالت زينب/طيور النورس ماتوقع طعمها مقبول ،
لف براسه وناظرها ب ابتسامه مع ان القناع كان مغطي عليه الا انه ابتسم/اتوقع طعمه حلو لكن وش رايك بطعم اللقلق؟ ،
زينب عقدت حواجبها وقالت/انت تبي تخرب جوي ،
ضحك ب استمتع بعد ماشاف ملامحها المنزعجه/لا ابدا انا كنت اسالك ،
قالت زينب/ميكي ماوس ،
همهم لها
عم الصمت للاحظات بعدها قالت زينب/انت من ذاك اليوم ،
ناظرها ب اهتمام ف كملت/المهرجان والغابه صوتك ماقدر انساه لكن انا صرت اكثر فضول عشان اعرف مين انت ،
قال ب ابتسامة/راح تعرفني عن قريب وقريب اكثر مم تتوقع انتي ،
ابتسمت/يعني انت بالاصل تعرف شخصيتي ،
همهم لها ف قالت/لكن من الغريب اشوفك بكل مكان مثل المدرسه والغابه والمالديف وجزيرة ماليه ،
رجعت نظرها للبحر/ومستحيل انسى كم مره انقذتني فيها انا اتسال اذا كنت تبي شي مني مقابل سكوتك عن شخصي.. ،
قاطعها بنزعاج/انتي غبيه شي؟ انا لو ابي شي منكِ كان جيتك ابكر من كذا وطلبت بسكوتي انتي غبيه فعلاً ،
ناظرته بنزعاج ف قال/وانتِ فاجأتيني قبل ثلاث ايام ،
ناظرته بستغراب..
كمل/انا شفتك بشكلك الكامل ب شكلك البناتي ،
ماتفاجات ولا سوت اي ردة فعل لكن بدل هذا اضحكت بخجل وقالت/فعلاً؟ هاه وش رايك فيني؟ ،
/جميله لدرجه خليتني اوقف بمكاني لساعه ،
احمرت خدودها بخجل ف درات براسها للجهه الثانيه واما هو ضحك بعد ماشاف خجلها ..
زينب/انت اكيد واحد من صفوف ثالث اخر سنه لان مافي الا هم اللي جو معنا ،
اتكأ على السور وقال بشرود/اي من الصفوف اخر سنه ..،
رجعت نظرها للبحر واتكأت على السور مثله/لو طبيت من هنا راح اقدر اسبح من هنا لشاطى ،
/اي تقدرين تطبين وتقدريت تسبحين ومارح توصلين لان بذاك الوقت بتكونين وجبه لاسماك القرش ،
زينب ولازالت بوضعها/شكراً على الرومنسية القاتله ،
/عفواً ابد ماسويت شي ،
بعدها كمل/انتبهي لنفسكِ ولاتخلي احد يكشفك مو كل الناس مثلي طيبه ،
زينب/مارح اكمل بالمدرسه شهر واحد وراح اطلع من المدرسه واسافر برا ،
توسعت عيونه بصدمه ف قال/ل..،
قاطعه صوت الشباب وهم ينادون على زينب واللي شكلهم ضيعوها وما ان اللتفت زينب عليهم ولوحت لهم وارجعت نظره له كان
بالفعل مختفي.. ،
تنهدت باحباط وارجعت لهم وهي محبطه "كان على الاقل اساله عن اسمه"قالت بنفسها وهي تتعدى الشباب وتمشي .. استغربوا من تصرفها لكن قبل ما تختفي من قدامهم مرت ثانيه مشوا جنبها ..
احمد/وين كنت ليه اختفيت بدون اي كلمه ،
وقفت زينب وناظرت احمد للاحظات قبل ما تقول/احمد ،
ترجع خطوه لورا احتياط للي تبي تسويه ف همهم لها ك اجابه لها .
ف قالت زينب ب ابتسامة/انا لقيت الام.. اقصد سندريلا حقتي ،
قالت وهي تمشي وتضحك على ملامحهم المصدومه/انا لقيت حبي اخيراً ،
كان راح يغمى خالد
لكن قبل هذا قالت زينب وهي تضحك/انا امزح ،،
-----
-----
وبــعد اســبــوع ..،
.
مهم اقرا تحت
.
.
.
.
ومن هنا نوقف ونكمل بالبارت الجاي..
اتمنى انه نال اعجابكم..
ومثل ماطلبتوا ماوقفت بمكان يحمسكم:) ارتحتوا هكذا؟:).
اولا:انا قاعده افكر اني اخلي التنزل كل احد وخميس وش رايكم؟،
ثانياً:تبون البارت النهائي ببارت طويل او مقسم لاجزاء؟ ..
ياليت تجاوبوني بسرعه لاني محتاره
لاستطلاع(https://sayat.me/survey/6f2bX8M0QD)
(السايت:http://sayat.me/marie0g)
وهبي هــبي ماري..
دمتــم بــخيــر..