رواية بنت بمدرسة عيال اغنياء

الثالث والثمانين

السلام عليكم ورحمه الله وبركاته
.
.
البارت الثالث والثمانين بنت بمدرسه عيال اغنياء
.
.
   
ما احلل النقل دون ذكر المصدر واسم الكاتبة
.
.

                           [الوجــه الاخــر]
.
.
اعتذر على الاخطا الاملائيه   ×__×
.
.اسفه على التاخير بس طفا عندي النت واضطريت انتظره يجي.
.
.
طاحت ايدها على حضنها وهي ماسكه الجوال ومنزله نظرها ليدها بشرود ..

ارفعت راسها ونظرها لجهة الطاوله الصغيره اللي كانت على سريرها اخذت نظره طويله وهي تتأمل الدواء اللي كانت راح تاخذها دفعه وحده..

نزلت نظرها ليدها اللي كانت ماسكه الجوال وقالت بهمس/هذي المره الثالثه اللي تمنعيني عن الانتحار. في اخر لحظاتي ،

وبعدها حولت نظرها ليدها الثانيه اللي كانت مليانه بحبوب علبة الدواء ف تنهدت وسحبت العلبه ورجعت الحبوب لمكانها والعلبه على الطاوله..

تمددت على السرير وتأملت رسم الكواكب والنجوم على سقف غرفتها اللي قبل ما يتوفى ابوها رسمها وزين سقف غرفتها بالفضاء ..

قالت بعد فتره من الهدوء/اعتقد هذا اللي يسمونه بالتخاطر!! ،

سألت بنفسها بشبه غباء ..

التفت على الجهه الثانيه متمنيه النوم براحه وعلى وجهها ابتسامة صغيره ..

-
-

سكرت الخط وعلى وجهها ابتسامة واسعه مرتاحه بعد ما تاكدت ان صديقتها بخير ..

أتكات على سور الكوخ وهي تتذكر كيف اللتقت بمشاعر قبل 9 سنوات كيف كانت حالتها البأسه..

-مثل الجرذ لا شافنا يتخبى ويرتجف من الخوف ،

اللتفت زينب عليها وقالت ب ابتسامة حاده/مع اني اصغر من مشاعر لكن القذر كان يخاف مني هه وهذا انا ماسويت له شي كبير ،

واما الثانيه اضحكت بطريقة مخيفه وهي تهز رجلينها امام وخلف ب استمتاع وشعرها الكستنائي يتطاير مع نسمات الهواء وفستانها الاسود الخفيف القصير واللي يوصل لفوق الساق وعيونها الحاده اللي كانت عكس زينب الهادئه وبشرتها البيضاء الشاحبه وملامحه الحاده اللي كانت عكس زينب ببشرتها  وملامحها الطفوليه كانت تشبه زينب لكن بطابع مخيف ..

قالت ب استمتاع-انا اتحمس زيارة مشاعر عشان اشوف نظرة الخوف والفزع في زوج امها.. اه قلبي اشتعل من الحماس كل ماتذكرت النظره اللي يعطيها لي ،

قربت زينب مكان ما كانت قاعده وهمها على السور وإتكات عليه وقالت وهي تناظر كيف الموج يحرك شاطى المالديف/القذر ياليت خليت فزاع يضربه بشكل اقوى ويقتله ،

(ملاحظه:فزاع يكون ولد خالتها الكبير وهو اكبر واحد بالعائله عمر31 وحمد يحترم فزاع بشكل كبير و راح يظهر في البارت الاخير:)..)..

ناظرته ب ابتسامة حاده ف قالت وهي تهز رجلينها للامام وللورا-انا رحمته وخليته يعيش ،

زينب/كان لازم نخليه يترجانا عشان يموت ،

-حثالة العالم ،

زينب/مثله يلوث العالم ،

-انا مستعده ،

اللتفت عليه زينب وكملت بعيون خاليه من الحياه/اني اقتل اي شخص ،

وكمل الوهم ب ابتسامة مرعبه-يفكر يأذي عائلتي او اللي احب ،

بعدها امتلا المكان بصوت ضحكات الوهم المخيفه واما زينب ناظرتها ب ابتسامه لا تقل عنها حده او شر ومن هنا تلاشى الوهم مع ضحكاتها المخيفه والمجنونه ،،

تذكرت اول مره شافت فيها مشاعر وكيف اعرفت حياتها اللي كان زوج امها محولها لحياه صعبه وبالصدفه شافته وهو يضرب مشاعر في زوايه من الشارع وقدام امها اللي كانت تناظرها ببرود
وبعدها

فهمت سبب نظرات مشاعر الميته وسبب عدم ابتسامتها وضحكها ..

في ذاك الوقت حست ب احساس غريب يهاجمها احساس

يعطيك الطابع

بالقتل!!.

حست بشياطين بداخلها تقوم و هذا احست بالألم على منظر امها وهي تناظرها ببرود وغير اكتراث وبلا مباله و

وكأن رحمة الام أختفت بروحها ..

اعرفت زينب ان مو كل من تسمي نفسها ام يعني عظيمه ..

وبعدها بيومين نادت على فزاع وبدون اي ترجي منها راح معاها وشياطين تتراقص فوق راسه من الغضب .. كنت انا وفزاع ننتظر الفرصه اللي يطلع فيها ذاك القذر عشان ياخذ حق مشاعر الصغيره وحق الايام اللي راحت فيها بالضرب والتعنيف ،

وفعلاً بعد ما طلع من البيت وركب السياره وراح بدور زينب وفزاع ركبوا السياره ولحقوه وكانت هنا الصدمه. ،

بيت لدعاره!!..

ماخفي عليكم صدمة فزاع وتفأجه ..اولاً يضرب ويعنف بنت يتيمة وثانياً يروح للامكان محرمه وقذره مثل هذي .. فزاع ما تمالك نفسه ونزل قبل لا ينزل زوج ام مشاعر فتح باب السياره وسحبه من قميصه واطرح بالارض وبدا يضرب فيه يلكم ويرفس اكثر من مئه مره حتى لدرجه انه كسر فكه وتشوه خشمه ف خلاه خشم معوج ..

زينب كانت تبي تشوفه وهو يتعذب ويتكسر ف انزلت من السياره وعلى وجهها اكبر ابتسامة استمتاع ومخيفه وقفت قدامه ونزلت عيونها ببرود .. تناظره وهو يستنجد فيها ويترجها انه تبعد الوحش اللي كان فوقه يضربه بشكل قاسي ،

ارفعت نظرها لفزاع وقالت ب ابتسامة/فزاع اتصل على الشرطه خليهم يشيلون القذاره الموجوده هنا ،

وقف عن ضرب وجه زوج ام مشاعر ورفع نظره لها وقال/انا ماخلصت ،

حطت يدها على كتفه وقالت/لازم نتصل على الشرطه عشان يمسكون كل الحثاله الموجودين بالمكان ،

ناظرها لدقايق وبعدها ناظر زوج ام مشاعر للاحظات وقبل ما يقوم من فوقه لكم وجهه للمره الاخيره وقام وهو يمسح الدم من ايده على المنديل اللي طلعه ،

شافته وهو ياخذ الجوال ويكلم ف هنا رجعت نظرها لشخص المتورم واللي تشوه وجهه الجميل لكن
مع كل الضرب كان قادر يلتفت عليها بألم ويناظرها بترجي .،

اجلست زينب جلسة القرفصاء قدامه وقالت/الضرب كان خفيف وخليته يرحمك ويبعد عنك مو عشانك لا ابدا عشان ذيك اللي تسمي نفسها ام ما تترمل مره ثانيه ،

قالت وهي تبتسم/لازم تحس بالالم اللي حست فيه مشاعر ،

ارفعت راسها لفوق وهي تحط ايدها على فمها تمنع ضحكتها .. رجعت نظرها له وقالت وهي تمسح الابتسامة ببطئ/هذي المره راح اصير طيبه واتركك بدون اي كسور بالجسم لكن المره الثانيه ان سمعت انك أذيت مشاعر صدقني راح احرقك وانت حي ،

كملت بعد ما اخذت نظره سريعه على فزاع اللي كان معطيها ظهره ويكلم بالجوال ف قربت اكثر وهمست/راح اخليك تذوق عذاب مشاعر 12 ضعف اللي ذاقته هي ،

ابعدت عنه وقالت وهي تنفض ملابسها/ان كنت مو مصدقني جربني ،

مشت عليه داست بطنه وصدره وكملت مشي قبل ما تطلقها ضحكه ساخره خبيثه ،،

نعم يا ساده هذا الوجه الثاني لزينب ..

بما اني طيبة راح اعطيك نصيحة عشان ماتشوف وجه زينب الثاني واللي هو اشد خبث ورعب من حمد ..

لا تسئ لشخص هي تحبه وشافته عايلتها .

زينب ماتظهر وجهها الثاني الا اذا شافت احد من اللي تحبه متأذي او مساء له او ان شافت واحد متعذب او شخص يطلب المساعده.

زينب ماتظهر الوجه الا قليل ونادر ولا هي قادره تظهره قدام حمد صحيح هي قويه لكن قدام الشخص اللي شافته محور كونها هي تكون ضعيفه وبقلة حيله قدامه..

شخص واحد شاف وجه زينب الثاني ولا اخفي عليكم القلق والخوف والفزع اللي تملكه يوم شافها

حمد؟
لا

مهند..
الشخص الوحيد اللي شاف وجهها الثاني وتقريباً هو ما يلومها وهذا الوجه يمكن جزء من الحادث اللي صار قبل 11 سنه يوم توفت امها ..

لذلك عزيزي القارئ انا انصحك شخصياً ان لا تشتم شخص زينب تشوفه عايلتها عشان مايجيك شي مارح يعجبك:). ،..

حطت ايدها على وجهها تفرك جبينها وتضغط على عيونها بخفيف اخر مره اظهرت وجهها الثاني كان ب زوج ام مشاعر وهذي المره الاول بعد عشر سنوات تظهره لكن بشكل خفيف والسبب كان وهمها ،

طقطقت اصابعها ورجلينها ف استقامت بوقفتها ودارت بظهرها وهي تتثاوب ونشت بثلاث خطوات ..

لكن

ولانها كانت منزله راسها وهي تمشي شافت. شخص كان واقف بعيد عنها بشوي ف ارفعت عيونها لشخص الواقف  ..

تفأجات وهي تشوفه واقف ويناظرها بهدوء ماهي بذيك النظرات الساخره والحاده هذي المره وللمره الاوله تشوفه يناظرها بهدوء ،

"يمكن سمع كلامي مع وهمي؟؟!!"

احست بالغضب بداخلها"هذا اللي كان ناقصني راح يعتقد اني مجنونه اتكلم مع نفسي لكن لحظه متى كان موجود اصلاً؟… يمكن شاف تعابير وجهي"

زينب/متى ..،

/يوم سكرت الباب وراك ،

"سمع كلامي مع الوهم!!! "

قرب لم زينب وناظرها لفتره بعدها قال/اذا ودك تجي معي تعال ،

وهنا اشتغل عقلها المنحرف:) بفكار سودا وتخيلات وتسأولات غير عقلانيه .

قال بعد ما عقد حواجبه بنزعاج/لا يروح تفكيرك بعيد انا قلت اذا ودك تجي تعال ،

بعد ما قال كلامته عطاها ظهره وكمل مشيه واما زينب ناظرته للاحظات ب استغراب لكن بعد كل شي مشت وراه .،

جلس وجلست جنبه لكن كان بينهم مساحه كافيه لعدم الالتصاق ببعض .على الشاطى وقدام البحر اجلسوا  الموج كان خفيف ونور القمر زين المكان .. زينب اشردت بجمال المنظر وخالد شرد بشرود زينب ،.

بعد فتره من الهدوء قالت زينب/من اي حد سمعتني وانا اتكلم .،

خالد/لــ اخر كلامك بعد ما قلت وانا بعد مشتاق لك ،

رجع الهدوء للمكان ف قال بعد فتره من الصمت/خطيبتك؟ ،

هزت براسها وهي تقول/لا .،

وللمره الثالثه رجع الهدوء لمكانه لكن هذا لا يعني ان مافي ولا صوت بالمكان اللي قاعدين فيه الصوت الوحيد اللي كان موجود كان موج البحر ..

وبعد فتره من الصمت قال خالد بشرود وهو يناظر البحر/تدري لو دفنتك هنا مافي احد راح يدري:) ،

كانت شارده بجمال الشاطى لكن توسعت عيونها وهي تسمع كلام خالد ف التفت  عليه متفأجه ..

واما خالد اللتفت عليها وعلى وجهه ابتسامة وهو يشوف وجه زينب المتفاجأ والمصدوم بعدها

اتسعت ابتسامته و
اطلقها ضحكه عاليه حتى انه رجع لورا وهو يشوف تعابير زينب المصدومه ف قال بين ضحكاته/انا امزح ،

وكمل ضحك لكن زينب

صحيح انصدمت وتفأجات لكن اللي تفاجأت منه اكثر
"خالد يبتسم ويضحك معي"

كانت اشبه بصدمه كان دايم يناظرها بسخريه وبحده واحيانا لا ضحك ماتصير مثل هذي الضحكه اللي كانت ضحكه مرحه خفيفه بين الاصدقاء ..

ابتسم وهو يرجع شعره لورا وقال وهو يبتسم ب اتساع/تعابير وجهك ما تتفوت ،

واما هي اضحكت معه وهو ظل يتأمل ضحكتها ب ابتسامة هادئه ف قالت زينب/صراحه تفوقت على الرومنسيه ،

رفع وجهه وقال بغرور/ادري ،

تأملت ابتسامته لفتره واما هو ناظرها ..

تلاقت عيونهم

خاليه من السخريه والحده والغضب

وتبدلت بالهدوء والمرح وقليلاً من السعاده ،

تتأمل ابتسامته ..

فجأةً انعرضت صوره بذاكرتها ولد صغير يبتسم لها ويقول بفرحه طفوليه

"ليي"

وقبل ما تسوي ردة فعل حست بنفسها تطيح بحضان خالد وتروح بنومه طويله ،،

-
-

حست باحد يهزها بخفيف وينادي عليها ف افتحت عيونها ب انزعاج وقبل ما تستوعب حست باحد يسحبها من ايدها ويرفعها عن السرير ويركض فيها ..

افتحت عيونها على وسعها بعد ما استوعبت اللي يصير معها ف ارفعت نظرها تشوف وش صاير ومين ..

/زينب اليوم راح اخليكِ تعيشين شخصيتك وليوم واحد حبيبتي ،

زينب ب استغراب/مهند؟ ،

دخلها الكوخ اللي كان لمهند واحمد وحمد .. قفل الباب وسحبها للغرفه النوم وطلع صندوق متوسط الحجم من الشنطه ف رفعه وحطه على السرير ف كتب الرقم السري للصندوق وماهي الا ثواني حتى اسمعوا صوت تصفير خفييف يعلن عن فتح الصندوق ،

توسعت عيونها واشهقت بصدمه وهي تشوف اللي بداخل الصندوق ف اللتفت عليه وقالت بصدمه/انت مجنون ،

مهند/يلا بسرعه ماعندنا وقت ،

هزت براسها بعدم موافقه وارجعت بخطواتها لورا وقالت بحده/انت فعلا مجنون ،

مهند قال بشبه غضب/زينب انا ماعندي وقت بسرعه قبل لا يجي احد ،

زينب/راح يشوفونا ،

مهند/لا الاستاذ اخذهم برحله لجزيرةا هارو هارو ،

زينب ارفعت حواجبه بتسأل ف كمل/انا اعتذرت عني وعنك ب"استاذ انا اسف بس مارح اقدر اجي اخوي زياد مريض ولازم اجلس معه" ف وافق بعد من الصعوبات ،

سحب اغراض الصندوق وقال وهو يعطيها/راح انتظرك برا والجزيره مافيها احد من اللي نعرفهم كلهم راحوا للجزيره الثانيه بعد نص ساعه راح يرجعون واما حنا راح نروح لعاصمة المالديف جزيره ماليه بسرعه اللبسي ،

كان بالصندوق ملابس نسائية ومكياج وشعر مستعار يغطي الظهر .

(تجاهلو الحلق:)..).

لبستهم وحطت كحل داخلي ومسكره وروج زهري فاتح وركبت الشعر وتاكدت انه مارح يطيح وخلته منسدل على ظهرها ،

تأملت نفسها بالمرايه بشرود واعجاب وبشتياق..
مرت اربع شهور على ملابس مثل كذا .. لمهند كان دايم له ذوق رفيع ب اختيار الملابس وتنسيقها ان كانت اطفال او نساء او رجال ،

اطلعت من الحمام بخجل لمهند اللي كان جالس بالصاله ينتظرها وما ان شافها حتى وقف وعلى وجهه ابتسامة واسعه وهو يتأمل اخته واللي اخيرا شافها على حقيقتها بعد ثلاث سنوات واسبوع ،

زينب بغضب وخجل/لا تناظرني بهذي الطريقه ،

مهند رفع حاجب وقال/مافي داعي تتكلمين بخشونه تكلمي بصوتك ،

-
-

بعد ما اطلعوا من الجزيره بحذر شديد وراحو للقارب تنقلهم من جزيرتهم لجزيرة ماليه واول ما زارو المطاعم وبعدها الملاهي وبعدها الاسواق وفعلاً قضوا ساعتين ونص ..

زينب واول مره تحس بنفسها لانه وبالفعل نست انها بنت بالاخير.. اضحكت بصوتها الطبيعي مشت بشكل طبيعي تتكلم بشكل طبيعي واخيرا واللي كان دايم يضايق عليها ماهو موجود لفافه الصدر.. ،

كانت ماسكه الايسكريم وتاكل منه وهي تتكلم مع مهند عن زياره المتحف واللي اطلعوا منه قبل شوي

زينب/اجل لوحة الرجل المعذب موجوده بالمالديف ،

مهند/ايه جابوها قبل لا يجيهم التسونامي ،

زينب/سمعت انها لوحه ملعونه ،

مهند بملل/وانتي تصدقين كل شي ،

زينب/رسام اللوحه خلط دمه مع الالوان ورسامها وهو على يحتظر ،

مهند وقف وهو معقد حواجبه/انتي تبين تخربين جوي ،

اضحكت وهي تقول/انت للحين تخاف من هالاشياء ،

كشر بوجهها وكمل مشي زينب تدري انه من يوم كان عمره 6 سنوات وهو يخاف من هالاشياء مثل الملعونين والاشباح والجن والمشعوذين والساحرين ..

سادي لكن له جانب مضحك مثل هذا ،،

وما ان مشت واللتفت لورا حتى اصدمت  بشخص طاح منه جواله بالخطا ف حولت نظرها له 

ف قالت بالانجليزي بخجل/Oh I'm sorry I did not mean that.
(انا اسفه لم اكن اقصد ذلك)

ف مدت يدها تاخذ الجوال وتعطيه له وتقول/I repeat my apologies.
(اكرر اعتذاري)

/زينب يلا تاخرنا ،

اللتفت عليه ولوحت له بمعنى"الحين اجي"

اخذت نظره سريعه عليه قبل لا تعطيه ظهرها وتمشي بخطوات سريعه لمهند اللي كن يقول"انتبهي  وشوفي طريقة"

كان واقف ومتوسعه عيونه بصدمه  ماهو مصدق اللي شافه اكيد يتخيل او شخص يشبهها لكن

لكن

مستحيل هذي هي عرفها من صوتها من كثر ماكانت تجي للغابه وتتكلم مع نفسها وملامحه مستحيل تنسى مع انها حاطه اشياء خفيفه الا انه مستحيل ..

هذي

زينب!!

رفع نظره لزينب اللي كانت تبتسم وتتكلم مع مهند وهي تبتعد عن نظره

/هي اكيد غبيه ومجنونه ،

قال بنفسه وهو يرفع حاجب ماتخاف انه تنكشف او ان شخص يعرفونه راح يتعرف عليها ..

لكن

ابتسم وهو يشوفها على شخصيتها الطبيعيه وابتسامته المريحه

هو واخيرا قدر يشوف ابتسامتها كان دايم يلتقون وهي اما معصبه او حزينه وهذي اول مره يلتقيها وهي تبتسم وبشخصيتها الحقيقه .

هي فعلاً جميلة..

/ما اللوم حمد يوم تعلق فيك ،

دار بظهرها وعلى وجهه ابتسامة حانيه ومتلهف انه يلاقيها مره ثانيه

/رور يلا تاخرنا ،

عقد حواجبه بحده/رور بعينك ،

قرب لمه وهو يضحك/رور اللي مطيح بنات العالم بجماله ،

قلب بعيونه من مدح صديقه له ف قال صديقه ب ابتسامة وهو يناظر الشخص الثالث/كلامي صحيح صح آدم؟ ،

ابتسم آدم وهو يقول/ايه بس مو هو لحاله و بعد انا مطيح البنات والشباب ،

واما الثاني قال بحماس/رعد وش رايك نروح للملاهي ،

/لا نطول ،

جره لنفسه وهو يقول بصوت عالي/يحيا ملك الغابه رعد ،

ناظر آدم لشهاب اللي كانه طفل يصارخ ف هز براسه بأسف على صديقه

رعد/شهاب ،

همهم له كأجابه

بهدوء محزن/اذا انا مطيح بنات العالم ليه هي ما طاحت لي؟ ،

زينب توقعت ان الشخص اللي اصدمت فيه اجنبي بسبب ملامحه لكن الشي ما توقعته ابدا انه…

مهند بملل/انا جاني النوم ،

زينب/خلينا اجل نرجع قب.. ،

قاطعها صوت فارس من بعيد مع الشباب وهم ينادون مهند ،

حست بقلبها يطيح ومهند حس بجلطه:)  ..

فيصل بنزعاج/وينك لنا ساعه ندورك انت وزياد ،

مهند كان معطيهم ظهره هو وزينب متصنمين ،

قال باسل بضجر وهم يقربون لم مهند/وين اخذت زياد ل.. ،

عقدوا حواجبهم وهم يشوفون شخص ثاني مع مهند ف قال فارس/مهند مين هذي؟ ،

غمضت زينب عيونها وعضت على شفايفها وقالت بنفسها"اتوقع من هنا النهايه:) "

قرب حمد بشك وحط ايده على كتف زينب يدورها ويخلي وجهها مقابل له  ..

زينب"حياتي الجميله واكل فارس مع السلامه واللى الابد"

.
.
.
.
ومن هنا نوقف ونكمل بالبارت الجاي..

اتمنى انه نال اعجابكم..

والحين انكشفت نصف الاسرار واولها شخص ميكي ماوس وحق الغابه:) مع اني ماكنت ابي انزله بذا البارت بس لقيت انه احسن من الجاي..

وهذا حنا نقترب اقتراب كبير لنهايه وصار فيه 14 بارت وننتهي

ولا تسنون دعمكم لي هو سبب نجاح الروايه واكتمالها ،،

(السايت:http://sayat.me/marie0g)

الاستطلاع(https://sayat.me/survey/6f2bX8M0QD) 
وهــبــي هبي مــاري.
دمــتــم بــخــيــر