السلام عليكم ورحمه الله وبركاته
.
.
البارت الواحد والخمسون بنت بمدرسه عيال اغنياء
.
.
ما احلل النقل دون ذكر المصدر واسم الكاتبة
.
.
[فــــارس جــ]
.
.
اعتذر على الاخطا الاملائيه ×__×
.
.
دار الكرسي وقال/انتهينا :) ،
قمت على الكرسي والتفتت لمرايه وتوسعت عيوني وانا اشوف شكلي ،،
[img]http://up.graaam.com/forums/915345/11473162460.jpg[/img]
(الصوره لا تمثل الشخصيه)
[/U]
مستحيل من هذي *-* ولا كأنها انا ابداً شكلي تغير ميه بالميه مع قصة الشعر .. بس شكلي يشبهه البنات اقصد يعني انه يوضح اني بنت هذي مشكله ،،
فارس بفخر/ايوه وش رايك ،
قلت بغرور/طلعت حلو وانا مادري *-* ،
ضرب ظهري بخفه وهو يضحك/انت اصلا من حلو وقفت على القصه ،
/بس طلعت علي القصه كأني بنت ،
رفع حاجب/لا انت كامل الرجوله القصه مارح تغير منك شي المهم اسمع لا تطلع من الغرفه الا وانا قايل لك بخلي الشباب ينصرعون بشكلك ،
أومأ كأجابه له بس بداخلي مارتحت كثير الحين راح يشكون فيني اكثر *^* هففف ياليتني قصيته انا .. قطع شرودي صوت فارس وهو يناديني .. تنهدت بعدم راحه ومشيت طلعت من الغرفه والتفت عليهم ،،
هذا *O* كان شكلهم يوم شافوني .. حتى انا انصدمت يوم شفت نفسي تغيرت كثير بقصه الشعر ،،
تركي بصدمه/تغير شكلك ،
حمد/وجهك صغر =)) ،
قلبت عيوني بملل ..
فارس/انا بروح اشوف امي واختي واجيكم تبون شي من تحت؟ ،
قلت بحماس/اي اي اي انا انا ،
فارس/وش تبي؟ ،
قلت بكامل حماسي/جيب كارو وفرات ابي اللعاب معاهم ،
أومأ براسه وهو يضحك ويطلع من الغرفه ،،
جلست على الكنب وبعضهم للحين يناظرني بصدمه .. التفت على فهد وشفته شارد فيني *-* يارب عجبه شعري وشكلي اللى تغير *-*
،،
حسيت بهزه تحت استغربت وقمت وشفت جوالي يرن .. شفت الاسم وقمت من على مكان بسرعه وطلعت برا الغرفه وانا متاكده انهم يناظروني مستغربين .. فتحت الخط بسرعه قبل لا يقفل ،،
/جدتي؟ ،
الجده/حبيبتي قلبي اخبارك ياعمري ،
حسيت انها راح تبكي .. قلت اطمنها/بخير يسرك حالي وانتي يمه اخبارك؟ ،
الجده والعبره خانقتها/طيبه وراح اصير احسن ان شفتك ،
غمضت عيوني بقهر وألم .. قلت ب ابتسامه مزيفه/يمه راح اشوفك ب اقرب وقت بس انتظري شوي بعد راح انام بحضنك مثل قبل وتلعبين بشعري مع انه ههههه صار قصير بس فيه خصلات طويله وراح تحكين لي قصه عنك وعن جدي الله يرحمه مثل قبل انتظريني بس شوي وراح اجي ،
الجده/انا راح انتظرك وبعد راح اقول لك وش صار يوم رحتي ،
حسيت بفرحه بصوتها .. ابتسمت وانا اقول/اسمعي يمه في عندي شيبان يجنوننن يشبهون الامريكان اللى كنا نشوفهم بالتلفزيون تبين اجيب لك وحد؟ ،
كذبت!!
الجده وهي تضحك/اي جيبي لي وحد حلو مثل اللى نشوفهم بالتلفزيون وابيه اشقر وعيون زرق ،
ضحكت بصوت عالي/اوخس ياتيته =)) تبين اشقراني خلاص ولا يهمك اجيب لك عشره وش تبين بعد اممري ،
الجده وهي تضحك/لا يكفيني واحد ،
ب اخر كلمه ضحكت .. حسيت اني رجعت للحياه مره ثانيه ،،
بعد مده من الصمت قالت لي وبصوتها بحه
حزينه/تاكلين زين ولا؟ ،
قلت وانا ابتسم متذكره فارس/يمه انا صار لي اصدقاء يحبوني مثل ما انا احبهم وحد منهم كأنه انتي يهتم فينا ويزعل على زعلنا ويهوشنا لا سوينا مشاكل ويأكلنا اكل لذييذ يخلي الطاوله مليانه اكل ومستحيل نقوم الا وحنا مخلصين صحونا ،
حسيت فيها تبتسم/ماشاءالله . الله يخليه لا اهله من ولده هذا؟ ،
/فارس ال………….. ،
صمت مريب ..
/يمه؟ ،
ليه ساكته! .
/ييممه؟؟؟ ،
توقعت انها سكرت الخط بس سمعت صوت انفاسها المضطرب .. لا يكون حمد جاء!!!! ،،
رجعت ناديتها وهالمره الاخيره/ييييمممااا؟؟ ،
سمعتها تقول بشرود وهذا واضح من صوتها/همم ،
/يمه وش فيه؟ ،
الجده/لا ولا شي حبيبتي… ماقلت لي في احد عرف عنك شي؟ ،
حاولت اصير هاديه معاها وقلت ب ابتسامه مزيفه/لا مافي احد درا سري ولو عرف احد راح اسافر لالمانيه ،
الجده/وش رايك اشري لك شقه صغيره واقعدي هناك بدل ماتروحين لمدرسه او تسافرين ،
هزيت براسي بعدم موافقه وقلت/لا يمه ان ما مل حمد من دوارتي راح ابقى بمكاني ويمكن ادخل الجامعه الخاصه بالمدرسه ،
الجده/من اول مارحتي وحتى لليوم هذا وهو يدورك مو مخلي مكان ما دور فيه عند العرب وعند الغرب ما خلى مكان وانتي ياحسرتي بتضعين حياتك كأنك ولد ،
غمضت عيوني بألم .. فكره اني راح اظل طول حياتي على اني ولد يخليني ابكي ..
الجده بتوتر/زينب بسألك بس لا تزعلي مني ،
قلت ب ابتسامه/اسالي يابعد روحي ،
لكن ابتسامتي تلاشات ببطى يوم سمعتها تقول
الجده/ليه ما تبينه؟ ،
حاولت اهدي من نفسي ولا اصارخ عليها .. قلت لها بهدوء/تخيلي مهند يتزوجني؟ وش راح تسووين؟ ،
الجده بحده وهذا اللى خلاني اتاكد انها تقرفت من كلامي/مهند شي وحمد شي ثاني ،
قلت محاوله اهدي من نفسي لمره الثانيه لان اعصابي بدت تتملكها الغضب/يمه حمد كان مثل اهلي من بعد ما ماتوا ولا نسيتي هو رعاني من بعد ما ماتوا ،
الجده/هو يحبك ولا مره وحده فكر انك اخته ولك ،
قاطعته بصراخي لاني بجد ماعاد قدرت اتحكم بنفسي واتوقع صراخي هز البيت ..
قلت بصراخ/خلاص يكفي ماتفهمون هو مثل اخوي وتبوني اصير معه هاا؟؟ اذا صرت ثقل عليكم خلوني بالمدرسه وانسوني ،
قلت اخر كلامي يصوت خافت ماحد يسمعه الا انا وهي ،،
سمعت صوت شهقه منها وعرفت انه الحين تبكي .. غمضت عيوني بقهر .. سكرت الخط من دون اي كلمه ووقفت بمكاني حطيت ايدي على على جبهتي احاول اهدي من نفسي ،،
اكيد الحين عمتي تحاول تهدي جدتي .. ليه مايبون يفهمون ان حمد مثل اخوي لالا مو مثل الا هو اخوي اللى ماجابته امي ليه مايفهمون مشاعري احسايسي صعبه لهذي الدرجه يفهموني ،،
ذره في قلبي كرهتهم ،،
شهيق وزفير .. حاولت ارسم الابتسامه واتوقع اني نجحت .. دخلت وشفتهم قاعدين بهدوء ناظروني بهدوء وابعدو نظرهم عني ،،
حمحمت ورجعت لمكاني اللى هو الكنب .. قلت واحاول اغير الجو الغريب
/وش رايكم نلعب ،
التفت علي وناظروني بشرود .. ماحسيت براحه ابد من هدوءهم الغريب اتمنى انهم ماسمعوا مكالمتي ،،
-
-
قبل هذا كله مادرت ان كان فيه احد يسمع كلامها مع جدتها ،،
.
.
.
.
ومن هنا نوقف ونكمل بالبارت القادم اتمنى انه نال اعجابكم ،،
وش رايكم بالاسلوب الجديد بالكتابه حلو ولا اغيره ،،
وشسمه بعد بخلي بارت طويل وبارت قصير بالاسبوع ..
تعليقاتكم هي سبب نجاح الروايه ،،
وهــبي هــبي مــاري…
دمــــتــــم بــــخـــير…