رواية بنت بمدرسة عيال اغنياء

البارت الثالث والاربعون

السلام عليكم ورحمه الله وبركاته
.
.
البارت الثالث والاربعون بنت بمدرسه عيال اغنياء
.
.
                        [بــدايــتــي]
.
.
اعتذر على الاخطا الاملائيه   ×__×
.
.
كان دايم يعتني فيني ويخاف علي كان متشدد بلبسي او مكياجي او حتى طلعاتي مع صديقاتي راح اعطيكم مثل'لا صار فيه زواج وجت الكوافيرا تحط لي المكياج يصير هو واقف جنبي والكوافيره متغطيه ولا خلصت من المكياج وشافني يطير عيونه وياخذ منديل ويمسح الروج ويمسح الظل ويمسح الميك اب ويقول" هذا كثير وين رايحين حنا" وتعيد المسكينه المكياج لمره الثانيه وتحط مكياج خفيف روج وردي فاتح وظل اسود ومسكره وبس والملابس يجي هو يختار لي ملابسي ليه؟ لانه يخاف يصير قصير يوصل لركبه او الصدر مفتوح او الظهر باين كان يختار ملابس حتى المجنونه مارح تلبسها*^* حاولت فيه جدتي ووافق بس مايصير فاضح وكيذا اشتروا لي فستان لزواج وطبعا بعد ماقنعنا حمد فيه ،،

' ولا جيت بطلع مع صديقاتي رجلي على رجله ونادر مايخليني لحالي يقول"لو تحرش شاب فيك لازم اصير موجود اتفاهم معه وغير كيذا لازم اصير معك عشان ماحد يتعرض لك *^*" وللحين اتذكر كيف طلعنا انا وياه لمول نشتري اغراض ناقصني انا وياه ووحده من بنت عمي معي دخلنا محل وكان فيه شوي شباب وعوايل وطبعا ماننسى كيف البنات يناظرون حمد من فوق لتحت وكيف انهم يتغزلون فيه وحده وحده وكيف انهم حاولوا يرمون الارقام على حمد وكيف كان حمد يناظروهم ب استحقار المهم دخلت المحل وبل غلط وبل غلط تلامست كتفي مع كتف مع شاب ناظرته مع عيون متوسعه لان حمد شافه وشفت الشرار بعيونه هو اعتذر ويوم كان يبي يطلع مسكه حمد وقفز عليه بالضرب حتى امتلى وجه الشاب دم ويد حمد دم حاولت اوخره عن الشاب بس كان هو يدفني ونفس الشي مع بنت عمي والناس الموجودين اللين ماجت الهيئه والامن ،،

شالوه وهو نصف دم وماتجروا ياخذون حمد يمكن لانه ارعبهم مع عيونه اللي تطلع شرار ولا يمكن لان ايده فيه دم او يمكن خافوا يهجم عليهم ويكمل ضرب فيهم .. من بعد ما شالوه التفت علي وجهه صار احمر من العصبيه ناظرت ايده واللي كانت مليانه دم وتطيح قطرات على الارض بنت عمي تراجعت لورا بسرعه وانا وقفت خايفه مادري وش اسوي .. ماحسيت الا بيده تجرني وتطلعني من المول ويدفني بداخل السياره ويمشي باسرع ماعنده اللي اكلت همه هو بنت عمي المسكينه وش تسوي الحين .. شفته وهو يطلع الجوال ويتصل وعرفت انه هاني اخو بنت عمي ،،

حمد ببرود/تعال خذ اختك من المول 
وسكر الخط .. ماتجرات حتى اتنفس او اقول اي شي .. من بعد دقايق تجرات اخذ نفس واقول/حم
ماقدرت اكمل لاني حسيت بيده على رقبتي  وهو يعصرها .. شال ايده عني وانا اخذ نفس بصعوبه .. عرفت انه كان انذار لي اسكت وهذا اللي سويته لاني مابي اطلع من السياره واللقى نفسي بالمستشفى  .. من بعد ماوصلنا فتح الباب ونزل من السياره وسكر الباب بقوه جاء لم ناحيتي وفتح الباب وامرني انزل ونزلت بدون اي كلمه مشى قدامي وفتح الباب ودخلت بسرعه قبل لا يسكر الباب بوجهي .. التفت لي وانا حسيت النفس انقطع عن ريئتي   قرب لمي وانا ماتحركت من مكاني وبخفه منه شال النقاب والطرحه وناظرني بدون مايرمش حتى سمعته يقول

حمد ببرود/إيوا وتبين تطلعين لحالك وتخلين هذا وذاك يتحرش فيكِ[ابتسم على جنب وهو يقول] عشان ترجعين لنا وانتي حامل والله اعلم من مين ،،

نزلت راسي حسيت بسكاكين تغرس بصدري عضيت شفتي اكتم بكاءي!!!!!!
""نعم ياساده حتى لو ان ضربت ضرب يوديها للموت مارح تبكي حتى لو انجرحت او انظلمت حتى لو انذلت حتى لو مات لها شخص قدامها حتى لو انمسحت كرامتها بالارض مارح تبكي شخص واحد بالعالم كله يخليها تبكي"" هذا يكون حمد''

حمد ببرود/ارفعي راسك

رفعت راسي محاوله جاهده مابكي وانا عاضه على شفتي واحس بارتعاش شفتي .. لاكن للاسف حسيت بدموعي تنزل ..
قرب لمي وهو يمسح على عيني الايمين دموعي ب اصابعه وجهه خالي من اي تعبير

حمد بنفس التعبير والبرود/انا اكرهه عينك الايمين [بابتسامه جانبيه وبنفس النبره]عينك الايمين تشبه عين وحش يبكي ،،

اه انا مارح اللومه اكيد اي شخص راح يكرهه يشوفني ابكي وخصوصا مع عيني اليمين؟! .. لوهله اي واحد يشوف عيوني بيقول طبيعيه ومافيها اي شي بس لو بكيت دموع عيني الايمين تختلف عن عيني اليسار اللي تدمع دموع طبيعيه بس عيني الايمين تدمع بدموع!!!
<راح تعرفون بالبارتات القادمه وش تكون دموع زينب >_< < 

دايما مايقول لي كلام جارح بس عادي راح اتقبل كلامه بكل صدر رحب هو مو اي شخص هذا شخص غالي على هو يسوي كيذا لانه خايف علي  انا احب اهتمامه الزايد فيني .. لوهله تخيلت نفسي زوجته وهذي الفكره بالحالها تجيب المرض مستحــيل اصير زوجته اصلاً هو راح يرفض ويكرهه الفكره!!  اكييد هذا لاني اخته الصغيره

""هذا ل12 سنه كنت اعتبره اخوي الكبير , يدللني ويخاف علي'  يتضايق لا تضايقت ' يواسيني لا صرت ابكي ' يفرح لفرحي ' لا صرت مااطيق نفسي يجي هو وضمني  ويحسسني اني اهم شي في الحياه ' يسهر علي مرضي "" مهما سوا لي راح اسامحه لانه اخوي الكبير ولاني احبه ك اخ لي

حسيت فيه وهو يضمني بقوه تنهدت براحه وحسيت نفسي اطيح على ايده لاني النوم اجتاحني واحتاج لراحه ونمت وهذا كله صار بالمتوسط ب اخر سنه لي ..

وبعد شهر

قمت من نومي وسويت روتيني العادي .. طلعت لصاله واشوف مجتمعين عماتي وعماني وجدتي وخلود وحمد وامه وابوه وحتى الشباب .. توقعت انهم بيباركون لي لاني تخرجت من المتوسط وبعلامه متوفقه وعلى الاوله بالمدرسه سلمت عليهم واحد واحد ،،

استغربت هدوءهم الغريب  قلت يمكن الحين يطلعون البنات من الغرفه وهم ماسكين الكيك والهدايه وهم يقولون لي (مبررووك النجاح يا زوزا) ..
حتى تفاجات وانصدمت وانصرعت وانجلطت يوم ابصقوا لي الكلمات يوم قالوا لي ان حمد يبيني زوجه له ضحكت بهستريه وانا اقول يبني انا هزيت براسي وانا اقول (لا) لازل الهستريه فيني حتى حسيت الارض تدور فيني من الضحك الهستري اللي جاني حسيت نفسي مجنونه وانا اضحك يمكن من الصدمه
سمعت خلود وجدتي وهم يهدوني وهديت شوي وابتسمت يوم سالت خلود/عمتي لا تمزحون معي صادقين انتم 
كنت اناظره بعيون فيها امل تقول انهم يمزحون وهذي مزحه منهم
هزيت راسي بعدم تصديق يوم اومئت براسها وهي تقول (حنا نتكلم بجديه)  ،،

ماحسيت على نفسي الا وانا امسك شعري بقوه واضرب راسي بجدار بعنف حسيت بالدم على وجهي .. توقعت اني بحلم علشان كيذا بديت اضرب راسي بالجدار اقوم من هالكابوس ..
حسيت بعمامي يجروني يدوني وحسيت بالحريم يبكون وحتى جدتي .. لاكن حمد كان جالس وساكت
تحررت من ايدينهم ورجعت اضرب راسي بالجدار ..
وشلون يبون يزوجوني لاخوي وشلون هو يرضى اصير زوجته .. حسيت بالقرف والاشئمزاز تيخيلي ان حمد زوجي ماتقبلت حتى حسيت راح اتقيا(استغرغ)  ..
ماحسيت الا صار خدي نار لان حمد ضربني وهذي اول مره ل12 سنه يمد ايده علي بس ماهتميت وحاولت اضرب راسي مره ثانيه حتى حسيت اني اطير بالهوا .. حمد رفسني مع بطني ،،

سوا كيذا لاني جرحته ولاني رفضته بقسوه .. بس وش كان يتوقع مني ارضى مثلا واقول ايه خلاص اقبل مستحيل اتزوجه مستحيل اتخيل نفسي عندي ولد منه مستحيييل .. رفعت نظري لحمد واشوف عمومي ماسكينه والشرار يتطاير من عيونه كانوا مسكينه يحاولون يهدوونه .. جمعت قوتي الباقيه ووقفت ومسحت الدم من على وجههي بكم ملابسي ناظرت فيه وهم يناظروني بعيون متوسعه وعماتي اشهقوا اول شي ماعرفت ليه بس بعدين عرفت اني عيوني الثنتين تدمع والاول مره ل12 سنه تدمع قدامهم .. شفت بعيونهم الخوف من عيني الايمين اكرهه هذي النظارات كانهم يشوفون وحش قدامهم صرت اللعنهم بقلبي  وجدتي من الصدمه طاحت عصاتها وهي تناظرني بصدمه وشفقه وخوف بنفس الوقت .. نزلت راسي وابتسمت بألم حتى جدتي صارت تخاف مني الله .. اللي خلاني ابكي قدامهم ماهو من ضربت حمد وانا راح اسامحه حتى لو ذبحني اللي بكاني انهم يعرفون وشلون اعتبر حمد بس يجوني عيني عينك يقولون راح نزوجك حمد .. رفعت عيوني مره ثانيه والظلام بعيوني والكرهه والتحدي ضحكت بسخريه وانا اقول/تزوجوني حمد ليه؟ لاني صرت ثقل عليكم ااه الحين صرت ثقل عليكم بس تدرون لو تضرب السماء الارض مارح اتزوج حمد ،،

شفت حمد حرر نفسه من عمامي وجا لمي يركض وعطاني كف خلاني اطيح بالارض ورفعني مره ثانيه من بلوزتي وقال بعصبيه/ماتبيني تتزوجني هاه!! ايه اكيد تبين واحد ولد كلب يتزوجك بس والله اللي خلق الارض والسماء ماتتزوجين غيري او انك تتزوجين كلب سلوقي من الشارع اجيبه لك يا%&&#

رماني بالارض بعنف حتى حسيت اعضامي تكسرت واخر شي شفته قدامي رجلين حمد وهو يطلع من الباب ويسكر الباب بقوه قبل ماشوف قدامي ضباب بعدين ظلام  ،،

وانا بظلام كنت اقول لنفسي اني استاهل لو اني ماسويت اللي سويته ماكان صار لي شي او لحمد .. حمد هو عايلتي من بعد جدتي وخلود صح هو كان قاسي معي لو اني رفضته بهدوء وماسويت الدراما اللي سويتها ماكان اذيت حمد ومشاعره .. كنت ابي اقول له مو بيدي كنت مصدومه وهو يضمني ويقول انا اسف .. بس من بعد ماشفته بالحاله عرفت ان حمد القديم وبروده القليل اختفى ليكون حمد البارد القاسي اللي يضرب ولا يهتم فيني مثل قبل .. تكورت على نفسي بظلام وانا ابكي بصوت عالي ،،

تمنيت يصير لي اب يحميني ويقول لي(والله ماياخذك وانا حي) وام تقول لي(حبيبتي لا تبكين دموعك ماتستاهل كل هذا انا معك) واخت تقول لي(افا يازوز تبكين وانا موجوده [وتعصب وهي تقول] ابروح اضربه لانه زعل اختي وبكاءها الكلب) واخ يقول لي(زوزتي الحلوه لا تبكين انا راح احميكِ ومارح اخلي احد يلمسك وانا حي مثل ابوي) بكيت بصوت عالي بظلام تمنيت هالكلام اسمعه بالحقيقه ليش ماعندي اهل ليش ماعندي مثل الناس وش ناقصني انا .. ابي اصير ب احضان امي وابوي واخوي واختي ابي الامان وابي الحنان الام واهتمام الاخت وحب الاب وثقه الاخ .. حسيت قلبي يتقطع .. كلامات حمد للحين بعقلي طعن بشرفي قدام عمومي وعماتي والشباب حسيت بالاهانه والذل .. بس ماقدر اكرهه مارح اقدر اكرهه اصلا ،،

قمت من النوم ناظرت السقف ولقيته ابيض ناصع وريحه المستشفى مليه المكان لقيت المغذي على ايدي قمت بصعوبه جلست وانا اشوف خلود وجدتي نايمين على الكنبه ..  اتوقع اني نمت كثير مادري كم بس باين انه كثير لان جسمي متكسر من النوم وهاجمني صداع شديد .. شلت المغذي عن ايدي وانا احاول مائن من الالم واخاف اطلع صوت ويقومون ..  لبست عباتي ونقابي ب اهمال وهربت وانا اكرض ب اقوى ماعندي طلعت من باب المستشفى وظليت اركض واركض .. هذا اللي خاطر ببالي ابي ارهب منهم مستحيل اتزوج شخص اعتبرته اخ لي .. كل ماركضت كان الناس يناظروني مستغربين توقعوا اني مجنونه وهربت من مستشفى المجانين ..
ماهتميت لهم وكل مازادت سرعتي زاد ألم بطني وبعد ساعه من الركض شفت حديقه وقررت ادخلها ارتاح من الركض وفعلا دخلت الحديقه .. كانت مظلمه وصغيره ومحاوطها اسوار طويله وظلام نور واحد كان شغال والباقيه طافيه شفت كرسي وجلست عليه وانا اللهث بتعب بطني زاد الالم .. لفيت ايدي على بطني وانا اضغطها من الالم واتنفس بسرعه     ،،

من بعد دقايق ارتحت والالم بطني خف وتنفسي رجع لطبيعته .. سندت راسي على حافه الكرسي غمضت عيوني بتعب رفعت ايدي وحطتها على جبهتي .. تنهدت بتعب وانا مغمضه احس جسمي متكسر والنوم بدا يصيطر علي .. فتحت عيوني على مصرعها مابي انام هنا وقفت وانا افكر وين اروح ماعندي بيت لابوي واخاف ان رحت لاحد يقرب لي يكلمون على حمد ويجي .. بديت امشي حتى طلعت من الحديقه كان المكان خالي من اي حس لا طير يطير ولا وحش يسير .. ماكذب عليكم ان الخوف سيطر علي حتى بديت امشي بخطوات سريعه حتى حسيت ب احد يمشي وراي .. هزيت راسي يمين ويسار ابعد هالفكره قلت بنفسي اكيد هذا وهم مني بس ماكان وهم لان الخطوات الشخص اللي وراي بدت تسرع وانا بدوري بديت اسرع ب اقوى ماعندي ركضت وركضت وركضت بديت اتعب واللي وراي يركض ماتعب حسيت بخطواتي تخف وتعبي يزداد .. حسيت بخطواته تزداد وراي وانا اخذت باقي طاقتي واسرعت .. بس اووه!!  من زود الحظي الجيد :) تعثرت بالعبايه واتشقلب ثلاث مرات *^*  حسيت احد يمسك بيدي ويرفعني فتحت عيوني بصعوبه .. الدم تجمد بعروقي وريقي نشف بحلقي .. وانا اشوف حمد ماسكني ويلهث .. كنت بتكلم بس هو سبقني وعطاني كف لف وجهي وحسيت بدم شفتي
طاحت دموعي وانا اشوفه وشلون يناظرني بحقد وتعب نزلت راسي بأسى على نفسي وعلى شكل حمد .. نزلني على الارض ومسك بيدي وجرني معه مشينا  كثير حتى وصلنا لسياره سودا من نوع اودي *_* فتح باب السياره ورماني داخلها وسكر الباب بقوه وركب هو وسكر الباب سند راسه وهو يلهث ومسكر عيونه وانا بقيت ساكته هذا من صالحي ابقى ساكته .. فتح عيونه وناظرني ببرود .. كنت منزله راسي ماقدرت اتكلم او اناظره .. توسعت عيوني وقلبي وقف بمكانه والدم تجمد بجسمي ،،

بحركه منه نزل المرتبه(كرسي السياره) بحيث اني صرت متمدده وهو بخفه منه جلس فوقي نبضات قلبي بتوقف من الخوف .. رفعت ايدين لصدره ابعده عني بس هو مسكهم بيد وحده ورفعهم فوق غمضت عيوني بخوف .. حسيت فيه وهو يبعد النقال والطرحه عني مرت لاحظات حتى سمعته يقول ،،

حمد/افتحي عيونك

فتحت عيوني بخوف ناظرت عيونه .. كان يناظرني ببرود
حمد/نمتي بالمستشفى يومين (سكت شوي ابتسم وهو يقول) جيت لمستشفى اسال متى تطلعين وفاجاءت يوم شفت سريرك فاضي قومت جدتي وخلود وبعد ماشافوا السرير فاضي قعدوا يبكون ويسبوني 6 ساعات وانا ادورك بشوارع حتى سالت وقالوا انهم شافوا بنت لابسه عبايه وتركض بالشارع مثل المجانين دورتك حتى لقيتك تطلعين من الحديقه

كان مع كل كلمه يقولها يضغط على ايدي ويزيد الغضط على جسمي بجسمه ..

حمد ببرود/فيه احد تعرض لك

هزيت راسي يمين ويسار بالنفي ودموعي تنزل مثل الشلال
كان يناظرن بعيوني ومتعمق .. بعدين قال/ليش ماتبيني

من بين دموعي/انت اخ
ماقدرت اكمل لاني حسيت بخدي نزل عليه نار ضربني بكف .. دموعي كل ماتزيد صرخ بوجهي وهو يقول/انا مو اخوك فاهمه

هزيت براسي بمعنى(لا)
حتى حسيت بكف ثاني وهذا المره خلاني اصرخ
حمد بعصبيه/انا .. مو .. اخوك

مع كل كلمه كان يعطي لخدودي كفوف قويه .. صرخت عليه وانا اقول/الا انت اخوي مارح اتزوجك

فلت ايدني وجلس علي ناظرته من بين دموعي
صرخ علي وهو يقول/لا تبكين قدامي يا%$&#

سكتت بس دموعي رفضت تسكت .. قرب لمي وغمضت عيوني انتظر منه كف او ضربه منه بس فاجاءني وانا اسمعه يقول واللي خلي دموعي تنزل اكثر من قبل

حمد ببرود/يا انا او كلب من الشارع وانا ما امزح وانتي تدرين

عضيت على شفتي بقهر وانا ابكي بصوت عالي .. وخر من فوقي وجلس بمقعده وبدا يسوق واما انا ماتحركت من مكاني بس اكتفيت بالبكاء بصمت .. ماحسيت على نفسي الا وانا اغمض عيوني وارحب بالظلام .. ظلام نومي
.
.
.
.
.
ومن هنا كنت اهرب دايم ماخليت مكان ماهربت فيه رحت لبيت الجيران بيت صديقاتي بيت خالاتي وبيت عماتي وعمومي وكل من يقرب لي او من يصير له صله فيني واكثر من مره حاولت اسافر وحتى مره خبيت نفسي بالزبايل(وانتم بكرامه) بس كل مره كان يلاقاني ويضربني بقوه  وبعد مااقوم اللقى نفسي بالمستشفى ويصير هو اللي وداني .. اخر مره وداني بقبو البيت وضربني هناك ضرب عنيف تشووهه جسمي ووجههي حتى اغمى علي من ضربه .. قمت ولقيت نفسي بغرفته وفيني ضمادات كثيره عرفت انه هو اللي كان يعتني فيني لا صار علي شي .. ضحكت بصوت عالي يوم دخل الغرفه وقلت له/تقتل القتيل وتمشي بجنازته

تجاهلني هو .. تعتقدون اني كرهته لا ماقدرت اكرهه .. كل مااشوفه يناظرني كنت اشوف بعيونه الندم والحزن لي ،،،

.
.
.
.
.
.
.
.
وهكذا اللين ماقترحت خلود اهرب لمدرسه عيال سكنيه وانا وافقت بدون اي تردد او ندم صحيح اخسرت انوثتي وخسرت اشيا كثيره بس فكره اني اصير زوجه لحمد خلتني مااندم على هالفكره .. قصيت شعري وخشنت صوتي ولبست ملابس رجاليه نسيت اسمي ونسيت وش اصير وش يصير جنسي ..

                *انــــتــــهــــى*
.
.
.

اتمنى انه نال اعجابكم وحسن راضكم ^_^ ..

اللي يسالوني عن بارت المهارجان ،، انا مانسيته انا الحين افكر عن هالبارت ابي اخليه. حماسي وما ينسى لكم عشان كيذا اصبروا شوي واما عن الامراء طبعا هم مانسيتهم بس للحين ماجاء دورهم اصبروا شويات $$ ..
تعليقاتكم لا تحرموني منها وتذكروا انه لو لا تعليقاتكم كان مافي روايه اصلا عشان كيذا لا تنسوني بالتعليقات…  امممم وبالنسبه للي يعلنون عندي يقولون اتمنى تقرون روايتي *^* باللهي يعني حتى مافيه كلمه زينه لي طيب اقروا رويتي وبعدين اعلنوا *^* وش هالقساوه هذي >قلب منسكر نصين ..
عطوني تواقعاتكم $$ .. وعلى فكره انا اقرا كل تعليقاتكم سوا بالمنتدى وبرا المنتدى مثلا: بالوتباد :)) اقرا تعليقات الكل ومانسى احد
وشكراً بحجم السماء للي نشر روايتي :$ ..

وهــبي هــبي مــــاري ..$$
دمــتــــم بــــخــــير ..❤