"ကိုယ်ခြံရှေ့ရောက်နေပြီ..
ထွက်လာတော့.."
"ဟာ..အစောကြီးဘဲ!ကျွန်တော်ခုမှရေချိုးမှာ.."
"မင်းဘဲ၁၁ခွဲအရောက်ဆို??"
"ခင်ဗျားကဘယ်တုန်းကကျွန်တော်ပြောတဲ့အချိန်
ရောက်ဖူးလို့လဲ??ခင်ဗျားကိုဆိုနာရီဝက်ကြိုပြော
ထားရတာ...ခြံရှေ့မှာစောင့်နေ..
ကျွန်တော်ပြီးရင်လာခဲ့မယ်!!"
ပြောချင်တာတွေပြောပြီးဖုန်းချသွားပြန်ပြီ..
ဒီနေ့မှကားချောင်လို့စောရောက်တာတို့
ဟိုနေ့တွေကကားပိတ်လို့နောက်ကျတာတို့
ဟိန်းထက်ယံရှင်းပြချင်ရင်တောင်ရှင်းပြခွင့်မရ
အဲ့ကလေးဆိုသည့်အမျိုးက
ရေဘူးပေါက်တာနားမလည်ဘူး..
ရေပါအောင်သာထည့်ခဲ့ဆိုတာမျိုး..
စောင့်ဆိုတော့လဲဘာတတ်နိုင်မလဲ..??
စောင့်ရုံဘဲပေါ့..
အပြာရောင်နှစ်ထပ်တိုက်ပုလေးရဲ့
ခြံတံခါးရှေ့မှာ ဟိုဘက်လျှောက်လောက်
ဒီဘက်လျှောက်လိုက်..
ညောင်းလာရင် ငုတ်တုတ်ထိုင်လိုက်..
လမ်းဘေးက ခွေးသေးပန်းပင်လေးကိုတို့လိုက်ထိလိုက်..
ခပ်လှမ်းလှမ်းခြံက အယ်ဇေးရှင်းခွေးကြီး
မာန်ဖီတာကို ပြန်ပြီး ဘုကြည့်,ကြည့်လိုက်
ဒီကြားထဲဖြတ်သွားဖြတ်လာတစ်ချို့က
ကွက်ကျိကွက်ကျိလုပ်တာမို့
ကိုယ့်ကိုယ်ကို ph back cameraနဲ့
ပြန်ကြည့်ရသေးသည်..
အလစ်သုတ်သမားရုပ်များပေါက်နေလားလို့...
"ကျွီ..."
ခြံတံခါးဖွင့်သံကြောင့်ဟိန်းထက်ယံ
လှည့်ကြည့်လိုက်တော့
ဟိန်းထက်ယံကိုသေချာပြူးပြဲကြည့်နေသည့်
အန်တီကြီးတစ်ယောက်..
သက်ဝေယံနဲ့တော်တော်လေးရုပ်ဆင်တာမို့
သက်ဝေယံ အမေမှန်း တန်းရိပ်မိလိုက်သည်..
ဖုန်းထဲမှာလဲစကားအတော်အတန်ပြောဖူးသည်
ဆိုတော့
ဟိန်းထက်ယံလှမ်းပြီးနူတ်ဆက်မလို့
ပါးစပ်ပြင်ရုံရှိသေး
"အဲ့မှာ..အညစ်အကြေးစွန့်လို့မရဘူး..."
တိန်!!
ပြောချလိုက်တဲ့စကားကြောင့်
ဟိန်းထက်ယံ
ပြောမယ့်စကားလုံးတွေလည်ပင်းထဲတစ်ပြီး
အပြင်ထွက်မကျလာတော့..
ခုမှဟိန်းထက်ယံသူ့ပတ်ဝန်းကျင်ကိုကမန်းကတန်း
သူပြန်ကြည့်မိသည်
ခြံရှေ့ဘဲဆိုပေမဲ့
ဘေးနားမှာကလဲချုံပုတ်သေးသေးလေးတွေ
အပေါ်က ဘာအပင်လဲမသိဘူး..
အပင်တစ်ပင်ရဲ့အကိုင်းကတော်တော်ကြီး
ညွတ်ကျနေတာ..
ပြီးတော့ဟိန်းထက်ယံ
ထိုင်နေတဲ့ပုံကဆောင့်ကြောင့်လေး
မသိတဲ့သူဆိုချုံတိုးတယ်ဘဲထင်မှာဆိုပေမဲ့လဲ
ဒီရုပ်ဒီရည်လေးမှအားမနာ ပါးမနာ
ထင်ရက်လေသည်
ဟိန်းထက်ယံချုံတွေကြားကနေ
အမြန်တိုးထွက်ပြီးတော့
"အန်တီထင်သလိုမဟုတ်ဘူး..
ကျွန်တော်. သက်ဝေယံကိုစောင့်နေတာ.."
ကမန်းကတန်းဖြေရှင်းချက်ပေးလိုက်တော့မှ
"ဩော်..သားငယ်လေးကိုလား??"
"ဟုတ်.."
အဲ့တော့မှ ထိုအန်တီက အားနာသွားတဲ့
မျက်နှာလေးနဲ့
"ဩော်..အန်တီကမသိပါဘူးကွယ်
ဘေးခြံကလူတွေက ဖုန်းလှမ်းဆက်ပြီးပြောတာနဲ့.."
ဩော်..ဩော်..
ဘေးခြံကလူတွေကပါဖုန်းလှမ်းဆက်ပြီး
သတိပေးတာခံရတဲ့အထိ
ဟိန်းထက်ယံကိုယ့်ကိုယ်ကိုတောင် ပြန်သနားချင်သွားသည်..
"သားသူငယ်ချင်းဆိုရင်ဖြင့်
အိမ်ထဲဝင်စောင့်လေကွယ်..
သားငယ်လေးကရေချိုးလို့တောင်မပြီးသေးဘူး.."
ပြောပြီး သူ့ခြံထဲဝင်ခိုင်းတော့မှ
ဟိန်းထက်ယံသက်ပြင်းချနိုင်သည်..
မဆိုးပါဘူး..ယောက္ခမလောင်းကြီးက
သဘောတော့ကောင်းသား
ဟိုကလေးနဲ့များကွာပ..
သူ့ကိုဒီလောက် လိုက်ပို့လိုက်ကြိုလုပ်ပေးတာတောင်
ခုသူ့အမေ ခေါ်မှအိမ်ပေါ်တက်ရတဲ့ဘဝ
ဧည့်ခန်းထဲသို့ဦးဆောင်ပြီးခေါ်သွားတဲ့
သက်ဝေယံအမေနောက်ကနေ ဟိန်းထက်ယံ
လိုက်သွားသည်..
"အန်တီ့နာမည်က ဒေါ်ဝင်းလဲ့ရီတဲ့.."
"ဟုတ်.."
"သားနာမည်က.."
"ဟိန်းထက်ယံပါ..အန်တီ.."
"ဩော်..သားသားခဏခဏပြောဖူးတယ်..
ဒီမှာ.ဝင်ထိုင်လေကွယ်.."
ဧည့်ခန်းမှာထား,ထားတဲ့ဆတ်တီခုံတွေထဲမှ
ညွန်ပြတဲ့ခုံမှာ
ဟိန်းထက်ယံဝင်ထိုင်လိုက်သည်..
"မေမေရေ!!!"
ဒေါ်ဝင်းလဲ့ရီပါ ဝင်ထိုင်ဖို့ရှိသေး..
အပေါ်ထပ်ဆီမှသက်ဝေယံ၏အသံကစူးခနဲ
ထွက်ပေါ်လာသည်..
"ဟိုလေ..သား..အန်တီအပေါ်ခဏတက်ပြီး
သားသားအတွက်အင်္ကျီသွားထုတ်ပေးလိုက်
ဦးမယ်.."
ငင်!! ဒီကလေးကဒီအရွယ်ကြီးထိ
အင်္ကျီထုတ်ပေးရတုန်းလား??
ဟိန်းထက်ယံတွေးနေတုန်းရှိသေး
ဒေါဝင်းလဲ့ရီတစ်ယောက်ကတော့
အိမ်ပေါ်ကိုသုတ်သုတ်,သုတ်သုတ်နဲ့ပြေးလေပြီ..
ဒီပုံစံကြည့်တာနဲ့တင် သက်ဝေယံဟာ
သူ့အိမ်မှာ တဖူးဖူးမူတ်ခံထားရသည်ဆိုတာ
တန်းသိလိုက်ပြီ..
ဒါမို့လဲအဲ့ကလေးဆီမှာအနိုင်လိုချင်တဲ့ဗီဇက ပါနေတာ..
ဟိန်းထက်ယံနှာခေါင်းတစ်ချက်ရူံ့လိုက်ကာ
ဧည့်ခန်းပတ်လည်ကိုဟိုဟိုဒီဒီလှည့်ကြည့်ရင်း
ကျွန်းနဲ့လုပ်ထားတဲ့ နံရံကပ်Show case
အကြီးစားပေါ်မှာအစီအရီတင်ထားတဲ့
ဧည့်ခန်းမှာအလှဆင်
အရုပ်လေးတွေနဲ့အတူဓာတ်ပုံလေးတွေကို
တွေ့လိုက်ရသောကြောင့်
ဟိန်းထက်ယံဓာတ်ပုံတွေဆီကို
အာရုံရောက်သွားသည်..
ဆတ်တီခုံပေါ်ကအသာထလိုက်ရင်း
ဓာတ်ပုံတွေကိုတစ်ခုချင်းစီလိုက်ကြည့်နေမိသည်..
Poohရုပ်လေးတွေpigletရုပ်လေးတွေပါတဲ့
ဓာတ်ပုံဘောင်ဆီအရောက်မှာ
ပါးလေးကိုလက်ဖဝါးလေးနှစ်ဖက်နဲ့
အုပ်ပြီးရယ်နေတဲ့ကောင်လေးတစ်ယောက်နဲ့
ဘေးမှာသူ့ကိုဝိုင်းနမ်းမလိုလုပ်နေတဲ့
ကောင်မလေး လေးယောက်..
ကောင်လေးဆိုတာဆံပင်က
ခပ်တိုတိုလေးဖြစ်တဲ့အပြင်
မျက်လုံးတွေကသက်ဝေယံနဲ့တူလွန်းလို့
သက်ဝေယံအသေးစားလေးဆိုပြီးတန်းခန့်မှန်း
လိုက်တာ..
မသိတဲ့သူဆိုမိန်းကလေးလို့ဘဲတန်းမြင်မှာ
အသေအချာပင်..
"ဘယ်ဓာတ်ပုံကိုကြည့်ပြီးစိတ်ဝင်စားနေတာလဲ??
သားရဲ့"
ဒေါ်ဝင်းလဲ့ရီ၏အသံကြောင့်ဟိန်းထက်ယံ
လှည့်ကြည့်လိုက်ပြီး ဓာတ်ပုံလေးကို
ထောက်ပြကာ
"ဩော်..ဒီပုံလေ..
ဒီအလယ်ကသက်ဝေယံမဟုတ်လား?အန်တီ"
"အင်း..ဟုတ်တယ်..
မောင်နှမတွေစုရိုက်ထားကြတာလေ..
ဒီအပေါ်ကမကြီး..ဒီဘက်ဘေးက
မလတ်..အောက်က၂ယောက်ကမလေးနဲ့မငယ်"
ဒီကလေးမှာအမက လေးယောက်တောင်
ရှိနေတာဘဲ..
"သူတို့လေးယောက်လုံးက သားသားဆို
တုန်နေအောင်ချစ်ကြတာလေ..မောင်လေး
တစ်ယောက်တည်းဆိုတော့အရမ်းလဲအလိုလိုက်
ထားကြတာ.."
ဒါမို့လဲ ယောင်္ကျားလေးဖြစ်ပြီးအမတွေကြားထဲ
ရောက်သွားလို့ပျော့တော့တော့ဖြစ်နေတာ..
"မကြီး..မလတ်..မငယ်ကအိမ်ထောင်ကျသွားပြီလေ
မလေးဘဲကျန်တော့တယ်..သူတို့က၅နှစ်စီ
ကွာကြတာ.."
ဟိန်းထက်ယံကတော့ဒေါ်ဝင်းလဲ့ရီပြောသမျှ
ခေါင်းလေးတညိမ့်ညိမ့်လုပ်ရင်းက
"အဟင်း..သားကတောင်ကြီးကဆို.."
ကနေ အစချီပစ်လိုက်တာ..
"သားအဖေတွေအမေတွေကဘာလုပ်လဲ??
မောင်နှမဘယ်နှယောက်ရှိတာလဲ??.."
ဟိန်းထက်ယံခမျာမေးသမျှအဖြေတွေကိုဖြေရတာ
CV formဖြည့်ရတာထက်ဆိုးနေသည်..
CV formမှာမေးတာတောင်အဲ့လောက်
စုံမည်မထင်..
စိတ်တိုင်းကျအားရအောင်လဲမေးပြီးရော
"လာထိုင်..အန်တီဓာတ်ပုံalbumတွေပြမယ်"
တော်သေးတာပေါ့..
မဟုတ်ရင် မေးတာတွေဖြေရတာနဲ့
ဟိန်းထက်ယံလျှာထွက်ပြီးသေမှာဘဲ..
Show caseအောက်ဘက်ကအံဆွဲလေး
တစ်ခုထဲကဓာတ်ပုံablumတွေကို
ဒေါ်ဝင်းလဲ့ရီထုတ်ပြီး ဆတ်တီတွေထားတဲ့အလယ်က
စားပွဲပေါ်တင်ထားလိုက်သည်..
ဟိန်းထက်ယံ ဖျတ်ခနဲဆွဲယူသွားတဲ့
Albumကိုဒေါ်ဝင်းလဲ့ရီတစ်ချက်ကြည့်လိုက်တော့
သားသားရဲ့ဓာတ်ပုံတွေသီးသန့်ထည့်ထားတဲ့
ဓာတ်ပုံAlbum
သမီးလေး မလေးရဲ့Albumကို
ဒေါ်ဝင်းလဲ့ရီလက်ထဲမှာကိုင်ထားလိုက်ပြီး
ဟင်း...ဒီကလေးပုံစံလေးကမွန်မွန်ရည်ရည်လေး.
တစ်ဦးတည်းသောသားဖြစ်တဲ့အပြင်
ရှမ်းပြည်ဘက်ကဝိုင်ချက်စက်ရုံတွေရော..
Hotel resortတစ်ခုရော..
လက်ဖတ်စိုက်ခင်းတွေပါ ပိုင်သေးတာဆိုတော့
အမျိုးတွေကလဲနိုင်ငံခြားမှာဆိုတော့
ဒေါ်ဝင်းလဲ့ရီမျက်လုံးတွေအရောင်တောက်
သွားသည်..
"သား.."
ဒေါ်ဝင်းလဲ့ရီ အသံချိုချိုလေးနဲ့ ခေါ်လိုက်တော့
ဟိန်းထက်ယံ ဓာတ်ပုံAlbumကိုကြည့်နေရာမှ
မော့ကြည့်သည်..
"ဒါ မလေးငယ်ငယ်ကဓာတ်ပုံလေးတွေလေ..
တစ်ချက်ကြည့်.."
"ရတယ်..အန်တီ..ဒီဟာအရင်ကြည့်လိုက်အုံးမယ်.."
ပြောပြီး ချက်ချင်းသက်ဝေယံရဲ့
ဓာတ်ပုံတွေဆီအကြည့်ကပြန်ရောက်သွားသည်..
ဒေါ်ဝင်းလဲ့ရီတစ်ယောက်
Albumကမ်းပေးထားတဲ့လက်ကိုချက်ချင်း
ပြန်ရုတ်ပြီး ရှက်ရှက်နဲ့
ပြန်ထိုင်စောင့်နေရသည်..
သားသားရဲ့ဓာတ်ပုံAblumကို
ကြည့်နေတဲ့တလျှောက်လုံးအဲ့သူငယ်ကိုအကဲခတ်
တော့မျက်နှာကစပ်ဖြီးဖြီး
တချို့ပုံလေးတွေတွေ့ရင်တခွိခွိနဲ့တောင်
ထိုင်ရယ်နေသေး..
ဘာရယ်စရာများပါလဲလို့လှမ်းကြည့်တော့လဲ
ဘာမှရယ်စရာမပါ..
ပြီးတော့အဆုံးထိကြည့်ပြီးလို့
ဒေါ်ဝင်းလဲ့ရီက Ablumထိုးပေးမယ်လုပ်လိုက်
သူကအစကနေပြန်ကြည့်လိုက်နဲ့
အဲ့Ablumထဲမှာဘာတွေများအလွတ်မှတ်စရာ
ရှိနေလို့အဲ့လောက်ထပ်ခေါက် ထပ်ခေါက်
ပြန်ကြည့်နေရလဲကိုနားမလည်နိုင်တော့
ဒီကတော့ သမီးချောကိုအမွှန်းတင်ပါမည်ဆိုမှ
"မမကြီး.."
ဒေါ်ခန့်ခေါ်သံကြောင့်ဒေါ်ဝင်းလဲ့ရီလှည့်ကြည့်
လိုက်တော့ဒေါ်ခန့်က
"သားသားကထမင်းစားတော့မယ်တဲ့!!"
"ဩော်..ဟုတ်ပီ..လာခဲ့မယ်လို့.."
"သား..ဟိန်းထက်ယံ..အန်တီ့အိမ်မှာထမင်း
တစ်ခါတည်းစားသွားလိုက်.."
ဓာတ်ပုံတွေကိုဘဲသည်းကြီးမည်းကြီး
ပြူးပြဲကြည့်နေတဲ့ဟိန်းထက်ယံကိုလှမ်းပြောလိုက်
တော့
"ဟုတ်..အန်တီ.."
တော်သေးတာပေါ့...ပြန်တော့ထူးရှာသား
ကြားသေးလို့..
အဲ့ဓာတ်ပုံAlbumထဲမှာ မျက်လုံးတင်မကဘဲ
နားပါကျွတ်ဝင်နေပြီထင်ခဲ့တာ
"အဲ့Albumကိုထားခဲ့လိုက်တော့လေ."
ဒေါ်ဝင်းလဲ့ရီထိုင်နေရာကထပြီး
ပြောနေတာတောင်
ဟိန်းထက်ယံက
Albumစာအုပ်လေးကိုမထားချင် ထားချင်ပုံစံ
မျိုးလုပ်နေသည်..
"သားငယ်လေး..စောင့်နေပြီ
သူကဗိုက်ဆာရင်စိတ်မရှည်.."
ဘဲပြောရသေး..
ချက်ချင်းဘဲ
Albumစာအုပ်ကိုဝုန်းခနဲလွှတ်ချပြီး
ထမင်းစားခန်းကိုပြေးတာ
အကောင်လိုက်ကြီးရပ်နေတဲ့သူ့ကို
တောင်ဝင်တိုက်တော့မလို့ဖြစ်လို့
ဒေါ်ဝင်းလဲ့ရီရင်ဘတ်ဖိရင်း ကျန်ခဲ့ရသည်..
ဒီခေတ်ကလေးတွေများ
တယ်လဲစိတ်မြန်လက်မြန်ပါလား??
ဟိန်းထက်ယံထမင်းစားခန်းထဲဝင်လိုက်တော့
စားပွဲဝိုင်းမှာထိုင်ပြီး ဘုကြည့်,ကြည့်နေတဲ့
သက်ဝေယံရဲ့ အကြည့်နဲ့ပထမဆုံး
ရင်ဆိုင်လိုက်ရသည်..
ကြည့်ရတာ..သူ့မေမေပြောလို့
သိထားပြီးတဲ့ပုံတော့ပေါ်သည်မို့
ဟိန်းထက်ယံမှင်သေသေနဲ့ဘဲ
ထမင်းစားပွဲဝိုင်းထဲဝင်ထိုင်လိုက်သည်..
ခဏနေတော့ဒေါ်ဝင်းလဲ့ရီရောက်လာပြီး
ထမင်းဝိုင်းထဲဝင်ထိုင်ကာ
"သား..ဟိန်းထက်ယံ..
ဟင်းတွေကိုလိုသလောက်ထည့်စားနော်.."
စေတနာ သဒ္ဒါတရားတွေ
အပြည့်အမောက်နဲ့ထည့်,ထည့်ပေးနေတာနဲ့ဘဲ
ဟိန်းထက်ယံ ပန်းကန်ထဲမှာ
ထမင်းတောင်မမြင်ရတော့..
"ဩော်..ပြောဖို့မေ့နေတာ..
မလေး..မလေးနဲ့အန်တီကပြောနေတာ..မလေးရဲ့
နာမည်ရင်းကပန်းဝေယံလေ.."
"နာမည်ကလှ..."
အနဲငယ်တွန့်ချိုးချလိုက်တဲ့မျက်ခုံးတွေကို
တွေ့လိုက်တော့
ဟိန်းထက်ယံတစ်ယောက်
ခွေးအကြီးကိုလှည်းတက်နင်းလိုက်သလို
ဖြစ်သွားသည်..
ဆက်ပြောမည့်စကားကိုအစတောင်မရှာရဲတော့..
ဇွန်းသံတွေရော ခက်ရင်းသံတွေကပါ
ထွက်ပေါ်လာလို့ ဆန္ဒပြနေပြီမှန်းသိတာကြောင့်
ဟိန်းထက်ယံထမင်းကိုဘဲငုံ့စားနေလိုက်သည်..
"ဟုတ်တယ်..သားရဲ့..နာမည်လေးကလှတယ်
လူကလဲဓာတ်ပုံထဲမှာမို့သာ..အပြင်မှာပိုချော.."
"မေမေ!!!"
ဒေါ်ဝင်းလဲ့ရီဟိန်းထက်ယံရဲ့ထမင်းပန်းကန်ထဲ
ဟင်းတွေထည့်ပေးရင်းက
သက်ဝေယံရဲ့ခေါ်သံကြောင့် နောက်လှည့်
ကြည့်လိုက်သည်..
"ဟင်.."
သက်ဝေယံကရေဘူးကိုလက်ညိုးလေးထိုးပြပြီး
"သားကိုဟိုနားကရေဘူးလေး
ယူပေးပါလား??"
"အင်း..သားသား.."
ဒေါ်ဝင်းလဲ့ရီရေဘူးကိုခပ်မြန်မြန်ယူပေးပြီး
ဟိန်းထက်ယံဘက်ပြန်လှည့်ကာ
"ပြီးတော့လေ..သူကHotelတစ်ခုမှာ
အလုပ်လုပ်.."
"မေမေ!!"
စကားကဆက်ရုံရှိသေး..ထပ်ခေါ်ပြန်ပြီ....
"ဟင်..."
လှည့်ကြည့်လိုက်ပြန်တော့
ချစ်လှစွာသော သားတော်မောင်က
သွားလေးအဖြဲသားနဲ့
"ဟီး..သားကိုပုစွန်ထုတ်လှမ်းထည့်ပေး.."
"သားသားကလဲ..ဒီလိုဆွဲလှည့်လိုက်ရင်
ပြီးနေတာကို.."
ထမင်းဝိုင်းကဟင်းတင်တဲ့နေရာကလှည့်လို့
ရတာမို့ ဆွဲလှည့်ပြတာတောင်
သက်ဝေယံကနူတ်ခမ်းလေးစူထော်ပြီး
"မေမေကိုယ်တိုင်ထည့်ပေးတာဘဲလိုချင်တာ.."
ဒီသားသားတစ်ကောင်ကတော့
အရင်ကလဲသူ့ဟာသူ လိုတာ ထည့်ယူတာဘဲကို.
ထည့်ပေးလိုက်မြန်မြန်အေးရော ဆိုပြီး
ဟင်းခွက်ထဲက ပုစွန်ထုတ်တစ်ကောင်ကို
လှမ်းခတ်ပြီး ထည့်ပေးလိုက်သည်..
ဟိုသူငယ်နဲ့စကားကိုကောင်းကောင်း
မပြောရဘူး..ပြန်ပြောအုံးမှ..
ဒေါ်ဝင်းလဲ့ရီတစ်ယောက်ဟိန်းထက်ယံပန်းကန်ထဲ
ကိုပါပုစွန်ထုတ်တစ်ကောင်လှမ်းထည့်ရင်း
"သား..အဝသာစားနော်..မလေးက ငယ်တော့ငယ်သေးတယ်..ဒါပေမဲ့
အန်တီတို့ကသူ့အတွက်ခုတည်းကအိမ်ထောင်ဖတ်
ရှာ...."
"မေမေ..!!"
လာပြန်ပြီ..
ဒီတစ်ခါတော့ ဒေါ်ဝင်းလဲ့ရီသိပ်မကြည်ချင်တော့
သည်မို့
ခပ်တင်းတင်းမျက်နှာပေးနဲ့လှည့်ကြည့်ထည့်
လိုက်တာတောင်
သက်ဝေယံက သူ့ထမင်းပန်းကန်လေးကို
ရှေ့တိုးပြီး
"သားကိုထမင်းထည့်ပေး.."
"ဒီမှာ..သားသား...လူကြီးတွေစကားပြော
နေတာဝင်မရူပ်ရဘူးလေ.."
သက်ဝေယံကိုအသံတင်းတင်းနဲ့ပြောလိုက်ပြီး
ဒေါ်ခန့်ကိုချက်ချင်းလှမ်းခေါ်ရသည်..
"ဒေါ်ခန့်ရေ..ဒေါ်ခန့်..
ဒီမှာသားသားလိုတာမှန်သမျှအကုန်သာ
လာလုပ်ပေးလိုက်.."
"ဟုတ်...မမကြီး.."
ဆိုပြီးဒေါ်ခန့်တစ်ယောက်အပြေးအလွှား
ရောက်လာကာသက်ဝေယံရဲ့ဘေးနား
လာရပ်နေသည်..
သက်ဝေယံမျက်နှာကတော့လငပုပ်ဖမ်းထား
တဲ့အတိုင်း
ဟိန်းထက်ယံကတော့
သက်ဝေယံတို့သားအမိနှစ်ယောက်ကို
ကြည့်ပြီးဘာမှဝင်မပြောရဲ..
ဟိုကလေး ဂျယ်လ်လမတ်တွေအတောင့်
လိုက်မြိုနေပြီဆိုမှ
သူ့အမေက သူ့သမီးအကြောင်းပြောတာမပြီး
နိုင်တော့..
ဟိန်းထက်ယံခမျာ ယောက္ခမလောင်းက
စကားလာပြောတော့မကောင်းတတ်လို့
အလိုက်အထိုက်လဲပြန်ပြောချင်သေးသည်
ဒါပေမဲ့လဲ
ဒေါ်နွယ်ထွန်းနဲ့ဝက်ပုတို့ရဲ့နျူတွေနဲ့ချည့်
ပစ်မယ်ဆိုတဲ့တတိယကမ္ဘာစစ်ထက်ဆိုးတဲ့
ပန်းကန်ပြားပျံနဲ့တိုက်တဲ့စစ်တွေ
ထမင်းစားပွဲဝိုင်းထဲမှာတင်
ရုတ်တရက်ကြီးကောက်ကာငင်ကာ
ဖြစ်သွားနိုင်သည်လေ..
ပြီးတော့
တစ်ဖက်သပ်စတဲ့စစ်ပွဲမှာနိုင်မည့်သူဟာ
သက်ဝေယံဘဲမို့
ခုတည်းက အလံဖြူပြထားတာအကောင်းဆုံး
"သား..ဟိန်းထက်.."
နာမည်ခေါ်လာတာကြောင့်ထမင်းငုံ့စားနေရင်းက
ဟိန်းထက်ယံမော့ကြည့်တုန်းရှိသေး..
"မေမေ!!"
အသံကထပ်ပေါ်လာပြန်ပြီမို့
ဒေါ်ဝင်းလဲ့ရီစိတ်မရှည်တော့ဘဲ
ခါးထောက်ချလိုက်ပြီး..
"ကဲကဲ..ကိုယ်တော်ချောလေး..ဘာတွေထပ်ပြီး"
"သား သင်တန်းသွားတော့မယ်လို့.."
ရုတ်တရက်ကြီးထပြောပြီး
သက်ဝေယံ ထမင်းဝိုင်းထဲက ထကာ
ဟိန်းထက်ယံ၏လက်ကိုအတင်းဆွဲခေါ်ပြီး
အိမ်ရှေ့သို့ပြေးထွက်သွားလေပြီ..
"ဟဲ့..ဟဲ့..ဒီမှာ..
ထမင်းတွေတောင်မကုန်သေးဘူး.."
လှမ်းအော်ခေါ်နေတဲ့အမေတစ်ယောက်လုံးကို
တောင် နောက်ပြန်လှည့်မကြည့်တော့
............
"ခင်ဗျား တကယ် မလေးကိုကြိတ်မကြံပါဘူးနော်.."
တလမ်းလုံး အဲ့ကလေး
တတွတ်တွတ်နဲ့ပြောနေတဲ့စကား..
ကြံဖို့နေနေ သာသာ
သူပြောတဲ့မလေးဆိုတာ သူ့အမ အငယ်ဆုံး
ဆိုတာဘဲသိလိုက်တာ..
ဘုရားစူး..မိုးကြိုးပစ်..
ဓာတ်ပုံထဲမှာတောင်သေချာမြင်လိုက်တာ
မဟုတ်ဘူး..
ရှိသမျှအကုန်တိုင်တည် ကျိန်ပြီးတော့လဲ
ဖြေရှင်းပြီးသွားပြီ..
"ကိုယ့်ချစ်သူကို ယောက်ဖတော့မတော်နိုင်ဘူး!!"
ဒီလောက်တစ်လမ်းလုံးချော့ပြီး
အလံဖြူပြထားတာတောင်
သင်တန်းရောက်တဲ့အထိ
စိတ်ကောက်ကမပြေချင်သေးဘဲ
ပွစိပွစိနဲ့ဆက်ပြောနေသည်..
ဒီတိုင်းဆက်သွားရင် မပြီးနိုင်တော့မှာသိတာမို့
လူလစ်မလစ်ကို တစ်ချက်ကြည့်ပြီး
သူ့ပုခုံးလေးကိုဆွဲယူလှည့်လိုက်ကာ
"မလေး မပြောနဲ့!!
မင်းကလွဲရင် ကိုယ် ဘယ်သူကိုမှ
စိတ်မဝင်စားဘူး....ဟုတ်ပြီလား??!!"
ကတိပေးတာလဲအင်းမလူပ်အဲမလူပ်
စိတ်ကောက်ပြေချင်သလို မပြေချင်သလိုလုပ်
နေတာမို့
သူ့ပါးအိအိလေးနှစ်ဖက်ကိုဆွဲလိုက်တော့
စူထော်နေတဲ့နူတ်ခမ်းကနေ
ဘဲနူတ်သီးပုံစံလေးဖြစ်သွားသည်..
"အဲ့လိုဆက်ကောက်နေရင်
ဘဲရုပ်ဆိုးလေးဖြစ်သွားမယ်..."
သူ့ပါးကိုလိမ်ဆွဲနေရင်းရယ်ပြီးပြောနေတာတောင်
သက်ဝေယံကမျက်မှောင်ကြုံ့ပြီးကြည့်နေတုန်းမို့
"အင်း...Ramenကျွေးမယ်.."
လဲဆိုလိုက်ရော
သူ့မျက်လုံးလေးအရောင်ဖျတ်ခနဲ
တောက်သွားတာမို့
ဟိန်းထက်ယံနှစ်နှစ်ခြိုက်ခြိုက် ပြုံးလိုက်မိသည်.
ဘယ်လိုဖြစ်လို့
ဘဲရုပ်လေးပေါက်နေတာတောင်
ချစ်ဖို့ကောင်းနေရတာလဲ??
သင်တန်းရောက်နေပြီလို့တောင်သတိမထားနိုင်
လောက်အောင်
သူ့ပါးပြင်လေးနှစ်ဖက်ကိုလက်ဖဝါးနှစ်ဖက်နဲ့
ဆွဲယူပြီး..ဟိန်းထက်ယံမျက်နှာနားတိုးကပ်
လိုက်ကာ
"အဟမ်း..အဟမ်း..."
ချောင်းဟန့်သံကြောင့်ဟိန်းထက်ယံရော
သက်ဝေယံရော ကမန်းကတန်း
လူချင်းခွာပစ်လိုက်တော့ သက်ဝေယံက
နံရံကိုပြေးကပ်ပြီး ဟိန်းထက်ယံလှေကားလက်
ရန်းပေါ်မှပြုတ်မကျရုံတမယ်ဖြစ်သွားသည်..
ဒေါက်ဖိနပ်သံတဂွတ်ဂွတ်ကြောင့်
နှစ်ယောက်လုံးမော့ကြည့်လိုက်ပြီး
ကိုယ်စီတွေးလိုက်မိတာက
ဟူး..တော်ပါသေးရဲ့..ဆရာမ,မဟုတ်လို့
ခြေသလုံးသား မပေါ်ပေါ်အောင်
ချုပ်ထားတဲ့ ထဘီစကဒ်အကွဲကို
လက်တစ်ဖက်က ခပ်ဖွဖွလေးဖိရင်း
လှေကားလက်ရန်းကိုကိုင်ပြီး ခက်သဇင်ဆင်းလာရင်း
"ဟိန်း...
သက်ဝေလေးဘက်ကပ်လိုက်ပါလား??"
ငင်..??
အလယ်မှာအလွတ်ကြီးလျှောက်သွားလို့
ရရဲ့သားနဲ့ ဘေးကပ်ခိုင်းတာမို့
ဟိန်းထက်ယံအူကြောင်ကြောင်ဖြစ်သွားသည်..
"ဟိန်းတို့နှစ်ယောက်ကြားကိုမဝင်ရဘူးတဲ့..
အဲ့တာကြောင့်ပါ.."
ခက်က ဆံပင်လေးကိုသပ်ရင်း လေပြည်လေးနဲ့ပြော
လာတော့..
ဟိန်းထက်ယံ အူကြောင်ကြောင်နဲ့
သက်ဝေယံနားကိုကပ်ပေးလိုက်သည်..
အခုထိဘာကိုဆိုလိုသေးမှန်းမသိသေးတာမို့
ဟိန်းထက်ယံ..သက်ဝေယံကို
ကြည့်တော့ သက်ဝေယံ ကသူလဲမသိဘူးဆိုတဲ့
သဘောနဲ့ခေါင်းလေးခါပြသည်..
ခက်သဇင်သူတို့နှစ်ယောက်ရှေ့ကနေ
ဖြတ်သွားရင်းနဲ့လှေကားခွင်နားမှာခဏ
ရပ်လိုက်ကာ
"ဩော်..ဒါနဲ့..သက်ဝေလေး..
ဟိုဂျပုမသုံးကောင်ကိုတစ်ချက်လောက်
ပြောပေးပါလား??"
ဟိန်းထက်ယံနဲ့သက်ဝေယံဘက်ကိုခက်သဇင်
သမင်လည်ပြန်လှည့်ကြည့်လိုက်ပြီး
"နောက်ဆိုColorမူန့်သုံးမယ်ဆိုလဲ
အကောင်းစားဘဲသုံးပါလို့..
တစ်ကိုယ်လုံးယားလွန်းလို့spaအထိသွားပြီး
ဆေးပစ်လိုက်ရတယ်..ဟင်း."
နူတ်ခမ်းကိူတစ်ချက်ကိုက်ပြီး
ခက်သဇင်တစ်ယောက်
လှေကားတလျှောက်
ဒေါက်ဖိနပ်သံတဂွတ်ဂွတ်နဲ့ဆင်းသွားလေသည်..
"မမခက်သဇင်
သင်တန်းမတက်ဘူးလား??"
သက်ဝေယံလှေကားလက်ရန်းကနေငုံ့ကြည့်
ပြီးလှမ်းအော်ပြောလိုက်တော့
ခက်သဇင် လှေကားထစ်တွေကိုဆင်းနေရင်း
တုံ့ခနဲရပ်သွားသည်..
ပြီးမှမော့ကြည့်ပြီးမျက်ခုံးလေးပင့်ပြကာ
"မမ sectionပြောင်းလိုက်ပြီ.သက်ဝေလေးရဲ့"
"ရုတ်တရက်ကြီး.."
ဟိန်းထက်ယံနူတ်မှအံ့ဩသလိုပြောတော့
သက်ဝေယံ ခေါင်းလေးတခါခါလုပ်ပြီး
"ကြည့်ရတာအမမြတ်မွန်တို့သူ့ကိုတွယ်ထည့်
လိုက်ပြီထင်တယ်.."
လှေကားထစ်တွေဆီမှခက်သဇင်၏ပုံရိပ်
ပျောက်သွားတော့..
"ကျွန်တော်သတိပေးသားဘဲ..
နားမှမထောင်တာ.."
သက်ဝေယံစုတ်လေးတစ်ချက်သပ်ရင်းလှေကား
ထစ်တွေပေါ်တက်သွားမည်ပြင်သည့်
အခိုက်အတန့်
ညာဘက်လက်ဖဝါးတွေကြားထဲ
ရစ်သိုင်းဖွဲ့လာတဲ့အနွေးဓာတ်လေးတစ်ခုကြောင့်
လှည့်ကြည့်လိုက်တော့
"တူတူတက်ရအောင်.."
ခပ်တင်းတင်းဆုပ်ကိုင်လိုက်တဲ့
အထိအတွေ့နဲ့အတူ
ညင်သာတဲ့အပြုံးတွေအောက်မှာ
သက်ဝေယံအလိုအလျောက်ခေါင်းလေးညိမ့်
မိလိုက်သည်...
"ကြည့်ရတာ အမမြတ်မွန်တို့ရှိနေရင်
ခင်ဗျားကို စနိုက်ကြော်မယ့်သူတွေကို
ကျွန်တော်စိုးရိမ်စရာမလိုတော့ဘူး.."
"ပျော်နေတယ်..ဟုတ်လား??"
"ဒါပေါ့..သဝန်တိုပြီးသောင်းကျန်းစရာ
မလိုတော့ဘူး..သူတို့လက်ထဲထည့်လိုက်ရုံဘဲ.."
"ရက်စက်လွန်းရာကျပါတယ်ကွာ.."
"ခင်ဗျားကခုတည်းကတခြားသူတွေဘက်က
စဉ်းစားပေးနေတယ်ပေါ့လေ.."
"အ..နာတယ်..ဘယ်လိုလုပ်ပြီး
ဗိုက်ခေါက်ကိုလိမ်ဆွဲရတာလဲ??.."
"လှေကားပေါ်ကတွန်းမချတာခင်ဗျား
တော်တော်ကံကောင်းတယ်မှတ်.."
"ကလေးမှာ ဒီလူကြီးတစ်ယောက်တည်းရှိတာ
လုပ်ရက်လို့လားလိူ့????"
"တော်စမ်းပါ..ရုပ်ကြမ်းကြီးနဲ့လာနွဲ့.
Yaaa..သင်တန်းလှေကားမှာနော်.."
အဖြူရောင်လှေကားထစ်တွေပေါ်ကို
ရယ်ရယ်မောမောနဲ့
အတူယှဉ်တွဲတက်သွားတဲ့ကောင်လေးနှစ်ယောက်
တွဲလက်တွေဟာမြဲမြံစွာတည်ရှိနေလျက်...
..................
ThetTantYoung's note..
အားလုံးကိုကျေးဇူးတင်ပါတယ်😇
နောက်တစ်ပိုင်းဆိူ
သက်ဝေယံလေး ၁၈ပြည့်ပြီလို့ ..😛