نعزمنا انا وصاحبتي على عرس ....👰
اول ما فتنا العرس ، كانت صاحبتي بتتأفف ومش عاجبها الوضع، وكانت تضل تحكيلي يلا زهقت بدي أروح ....
بس فجأة شفتها صحصحت، بس فاتوا الرجال عالقاعة صارت وحدة ثانية ....
اطلعت فيها بحكيلها مالك؟
بتحكيلي تعالي نختار كل وحدة عريس لالها ... هيك هبل يعني ...
انا ضحكت وقلتلها يلا ....
شفتها بتأشرلي علي، كان شب حليوة كثير ومبين انه راقي وراكز، بحكيلها ول عليكي اخترتي احلى واحد ...
حكتلي شوفيلك واحد ثاني !.
انا اخترت هيك عشوائيا وقعدنا نتخوت .....
لما اجو بدهم يطلعو الشباب، اطلعت عصاحبتي وما لقيتها، صرت ادور عليها ....
بعد 10 دقايق اجت....
بحكيلها وين كنتِ
بتحكيلي عملت هالشغلة .....
بعد شهرين ونص، بتتصل صاحبتي علي ، بتحكيلي اليوم قراية فاتحتي ...
انا انبسطلها كتيير قلتلها الف الف مباااارك ...
مين العريس بعرفه انا؟
حكتلي اه بتعرفي ...
احكي ولي بسرعة مين ؟
الشب الي شفنا بالعرس .....
قلتلها : يعني انتي بتعرفي من زمان..؟
حكتلي : لا بعدين بخرفك ....
اانا فكرتها بتتخوت، سكرت التلفون وصرت افكر معقول كلامها صح طيب كيف ؟
بعد اسبوع كانت خطبتهاوفعليا كان خطيبها نفس الشب، الحلو بالموضوع، انه الشب نفس مواصفات فتى احلامها ، طول عمرها بدها واحد طويل وعضلنجي وغني وعنده مرسيدس!
ومرقوا الأيام وهي لسا مش حاكتلي كيف زبطته هيك؟
وبعد 5 شهور من الخطبة اتزوجوا... وهي مبسوطة بزواجها كتيير، رحت زرتها بعد ما تزوجت ...
بحكيلها بتعرفي نفسي اعرف كيف زبطي لزوجك ...
ضحكت ضحكة طويلة ... وحكت نصيب!
قلتلها ولي تسرحيش براسي ، كيف نصيب ؟
قالتلي ولا اشي ؛ بس طلعوا الرجال، انا رحت وقفت باب القاعة وعملت حالي بدي احكي مكالمة ضرورية، بس اجا ، هيك بوجه حزين قلتله : رصيدي خالص وامي تعبانة بالمستشفى بقدر ارن عليها منك ...
هو طبعا اعطاني تلفونه ... رنيت اول مرة عرقمي .. قلتله يا الله من اللخمة رنيت عرقمي ... ضحك وحكالي معلش ...
وبعدها اتصلت على امي هي كانت تعبانة عنجد، وحكيت معها شوي وشكرته!
قلي عفوا ... وتعرفنا عآسامي بعض ...
بعد فترة رنلي، يطمن على أمي ..
هسا هو رابط رقمه بحسابه عالفيسبوك، راقبته فترة عرفت مين هو وشو بشتغل شو بحب وشو بعمل ...
. وصرنا نحكي عالواتسب، واحكي كل شي بحبه 😂وبعدها حبني!
قلتلها هو بعرف القصة؟
قالتلي : لا اوعك لليوم ما حدا بعرفها غيري وغيرك
انا طول ما هي تحكي القصة وانا صافنة، يخي كيف قدرت تزبط كل هالشغلات بهالوقت ، ضحكت وقلتلها ولك مجرمة إنتِ....
طلعت من عندها وطول الطريق وانا صافنة وأفكر بالشي الي عملته صاحبتي وبسأل حالي هو الزواج اختيار ولا نصيب !
thank 1k
شكرا ع الف قارىْ
❤️