مثل هاليوم قبل كم سنة كنا انا وياك نمشي تحت المطر ونسمع اغنية حبوا بعضن تركوا بعضن وحكتلي اتمنى امنية !
حكتلك بدي نضل انا وياك كل العمر، صفنت وقلتلي لو حتى كبرت وصرت ختيار...
قلتلك لو شو ما صار .....
بعد هالدعوة زخت مطر كتير، صرت تركض بدك تروح تحت مظلة تخبي حالك ...
اطلعت علي لقيتني واقفة بنص الطريق ورافعة راسي للسما وبتمتم وبضحك ...
ناديتني يا مجنونة تعالي ، رح تمرضي ..
اطلعت فيك وبصوت عالي والمطر مغرقني، بتعرف انا قبل ما نخطب كنت ادعي ربنا يرزقني بزوج منيح ...
بس ربنا اكرم من الكل ... اعطاني ياك ... انا هلئ بشكره انك معي ....
ركضت لعندي وغطيتني بجكيتك ، وقلتلي ولله اذا ضليتي واقفة هيك رح تموتي قبلي ...
مرقوا الأيام واجا موعد عرسنا، كنت خايفة ومرتبكة كتير وتذكرت كيف عرفتك
..
الصدفة الي جمعتني انا وياك ، قبل كم سنة؛ لما لقيتني واقفة عالبسطة بفاصل عالخضرا، اطلعت واضحكت، وبعدها وقعوا كياس البندورة مني، وانت صرت تضحك بصوت عالي زورتك، جيت ساعدتني وقلتلي هاتي رقم ابوكي ..
صرخت عليك ... لحقتني .. اعطيتك يا ....
قاطعتني الكوفيرة بتحكيلي انتي اخدتي خطيبك عن حب ...
رجعت سرحت، انه عطول اتصلت عابوي، ووقتها حكالي ابوي في واحد طلبك ما تخيلتك تكون صادق كان مبين عليك ملعبن !
ووافقت اشوفك، كيف اول ما دخلت الصالون كنت بتدور حواليك، كيف اول مرة قدمتلك القهوة ارتبكت انا وانتا كبيت القهوة لما مسكتها، بتعرف انا حبيتك من لحظتها !
ارتحتلك ، حسيت انك نصي الثاني، وبس كتبنا الكتاب حسيت انك الشخص الي بدور علي من زمان ....
قالتلي الكوفيرة شو؟
قلتلها بتعرفي اه بحب كبير خطبنا، حب أوله باب بيتنا وأهلي ، ما عذبني معه ولا طلب استنى سنين لليجهز ولا حبيته وراح لغيري...
جيت انت توصلني، اطلعت فيي وحكتلي بحبك ...
قلتها ... وانا بحبك ... بس بحياتي ما كنت بتمنى اخطب تقليدي كنت بدي حدا عن قصة حب كبيرة والكل يحكي فيها
عرفت انه هالحب الي بدايته باب بيتنا ما في أكبر منه،،،، وانك حبيبي لآخر يوم بالعمر ...واهم شي كله بالحلال .. بدون ما عشت شعور الخوف ... واحلى شي لما وقفت تحت المطر معك وتذكرت اغنية فيروز بأول شتي حبو بعضن .. تحت الشتي تركوا بعضن.. وغصبا عن فيروز ضلينا مع بعض ولبعض !
مين قال التقليدي ما في حب بينهم، الحب من اول لحظة بقرروا ال2 يكونوا لبعض بس حلو تكون فاهمين بعض قبل❤️
أنت تقرأ
اقتباسات
Randomاقتباسات ✨ إشعار ، روايات ، أغاني حكم كلام من القلب مناقشات للعقول الراقية صور معبرة قصص قصبره "انتِ وانَا يَ رَيَت عِنا كُوخ." بهمنيش الأرقام الوهميه عقد ما بهمني انو الإشي فات عراسك وما عاد يطّلع ❤️ {كل شيء هنا مقدس، فأخلع نَ...
