كان واقف وبيعطي محاضرة ...
عن اختلاف التفكير بين الرجل والمرأة ، وكيف تصرفات كل واحد فيهم بتختلف حسب طبيعة جنسه!
وقفله محمد وقله يا دكتور انت بتحكي انه في اختلاف بالتصرف بين المرأة والرجل .. انا بشوف هالشي لانها ناقصة عقل ودين !.
الدكتور ضحك بوجهه وقالها تعالي يا سمية احكيلنا شو عملتي من الصبح ؟
الطلاب صاروا يطلعوا ببعض، وسمية اتلبكت شوي ...
حكالها احكي يا سمية ...
حكت صحيت الصبح، وشربت القهوة، حكيت مع صاحبتي، ولبست وطلعت ...
اطلع فيها الدكتور احكيلنا ايش عملتي امبارح طيب ؟
قالت صحيت وطلعت عالجامعة، وقعدت انا وصاحباتي وبلشت تعد لاله بالمحاضرة ، وبعدها حكت اتصل علي زوجي، حكالي انه ابني مرتفعة حرارته، روحت عالبيت اخدته عالدكتور، ورجعت للجامعة وسمحت من الدكتور عشان اخد الامتحان ، اليوم، وروحت عالبيت، كانوا عنا دار حماي، قعدت معهم، وعملنا اكل، ابني ضل.طول للليل ببكي، وزوجي كان نايم، اضطريت اضل حاملته، واليوم جيت وحكتلك انه رح اقدم الامتحان بس متوقعة ارسب !
الدكتور حكا لمحمد انت يا محمد تعال احكيلنا شو عملت امبارح ....
حكالو، امبارح صحيت وطلعت عالجامعة وانا بالجامعة صار عندي مغص، حسيت اني تسممت، اجيت استأذنت انه اقدم الامتحان اليوم، روحت عالدار ، وضليت نايم طول اليوم،وبعدها صحيت لقيت دار اختي عنا ووولادها عاملين دوشة حاولت ادرس ما زبط بس درست شوي الصبح، وجيت قدمت الامتحان اليوم... ومتوقع انجح ....
قالهم الدكتور لو سمحتوا ارجعوا كل واحد مكانكم، وبلش يحكي، سمية متزوجة وعندها ولد صغير ، بنفس الوقت هي من المتفوقين بالقسم، ومع هيك هي ام مثالية، وزوجة رائعة، لانه زوجها امبارح اتصل علي بحكيلي، هي ما رح تقدر تقدم للامتحان اليوم كمان، بس سمية رغم هيك اجت وقدمته ؛ ونتيجة للامتحان رائعة برغم كل الظروف السيئة لي صارت معها، استقبلت دار حماها، وسهرت مع ابنها ودرست ونجحت !
محمد، شوية مغص ، روح على دارهم، انا بعرف انه سحبها نومة للمغرب، وامه اكيد ضلت تطلب منه اغراض وهو يتأفف ويتحجج انه تعبان، وصحي اخر الليل مسك الكتاب فتحه، سمع صوت ولاد اخته، صار عنده عدم تركيز ؛ ورسب بالامتحان ...
الطلاب صاروا يضحكوا.....
الدكتور حكالهم لا القصة مش عشان تضحكوا انه هو رسب انا حبيت اوضحلكم بمثال عملي، كيف الانثى بتقدر تركز باكثر من شغلة مع بعض، هي عندها قدرة خارقة لحتى تدير بالها عولادها تسمع زوجها وهو يشكيلها همومه، تشتغل بالبيت وتستقبل ضيوف وتنجح بدراسته وشغلها ! ، غير هيك زوجها كان نايم وما عندو اي حس بالمسؤولية اتجاه بكاء ولدهم بالليل ومرته عليها امتحان، مع هيك ما تذمرت منه !
أما احنا الرجال، انا بكون قاعد احضر مبارة ومرتي تحكي معي، ما بقدر اركز بالشغلتين ابدا، بحس انه كل تفكيري بالمبارة، واحيانا بروح من الشغل تعبان بسحبها نومة ، مع انه مرتي بتشتغل، بصحة بلاقيها ماسكة التلفون وبتحكي مع جارتنا، وحاملة ابني الصغير، وبتنضف بايدها الثانية الغبرة .. ولما اصحى بتبتسملي !
مع انه هي مليون شغلة مع بعض ....
هي الشغلة بتراكيب المخ، تقسيماات الي جواه، احنا نخلقنا لنفكر بطريقة وحدة، ما نوزع تفكيرنا باكثر من مكان؛ وهي سبحان الله انخلقت معها العاطفة ....
العاطفة الي بتخلي ضميرها يئنبها اذا قصرت بابنها او زوجها او اهلها او دراستها، او حتى دينها !
الحب الي بقلبها بتخليها تحتوي كل الي حوليها، وهاد يا محمد وهي ناقصة عقل ودين مثل ما حكيت انت ، هاي لو كانت بعقل كامل شو كانت عملت !
محمد خجل من كلامه، وسمية ابتسمت، بس يا دكتور انت نسيت انه محمد كان على ثقة انه رح ينجح، مع انه مدرسش منيح!
انا كنت على ثقة اني رح ارسب مع اني درست !
عارف شو هاي يمكن الثقة العميا الي عند بعض الرجال، بفكروا انهم عملوا كل شي ورح ينجحوا، وغير هيك ، بكونوا محملين نسوانهم جميلة ، وهم حتى كلمة حلوة ما بحكوها ، وبدهم هالزواج ينجح !
صفقوا الطلاب كلهم لسمية...... ومحمد حكى شايف يا دكتور ان كيدهن عظيم !
حكالوا حتى كيدهن حلو، الي بخليها تاخد حقها مع ابتسامة ، هي ردت عليك بطريقتها وانت تمسخرت عليها بطريقتك .....
هي بحبها بتحتوي كل الدنيا، بعطففها وحنيتها بتصنع رجال، وبتكون مشتتة بمليون شغلة مع هيك بتعطي كتير، ومن قلبها؛ وانت مشكلة صغيرة بتخليك تقسى عليها وتصير تلوم فيها، او حتى مشكلة صغيرة بتخليك تفشل بحياتك !
ردا على كل حدا بحكي عن المرأة انها ناقصة عقل ودين ... وكيدها عظيم 😍
إنتِ مجتمع كامل
أنت تقرأ
اقتباسات
Randomاقتباسات ✨ إشعار ، روايات ، أغاني حكم كلام من القلب مناقشات للعقول الراقية صور معبرة قصص قصبره "انتِ وانَا يَ رَيَت عِنا كُوخ." بهمنيش الأرقام الوهميه عقد ما بهمني انو الإشي فات عراسك وما عاد يطّلع ❤️ {كل شيء هنا مقدس، فأخلع نَ...
