اقتباسات

عيد الام ❤️

كبرت بنتك يما ....
من وانا ببطنك كنتي خايفة علي، كنت اسمعك بالليل بتحكيلي قصة، ولما كنت اوجعك ما كرهتيني، كنت تستفرغي كثير وتبكي احيانا من التعب، بس انتي الوحيدة الي كنتي بتستنيني !
بتذكر اول ما سمعتي صوت عياطي حمدتي ربنا انه انا بخير، وبلشت معاناتك معي، ما خليتك تنامي الليل وانا اعيط وانتي مش عارفة شو مالي، نمغصت وانا عمري كم يوم احتارتي ايش تعمليلي ، صفنتي وعيطي معي، بعرف لما صار عمري شهرين صرت اغلبك اكثر، لإني صرت اميزك وما اقبل غيرك يحملني، اعذريني يما ما في امان غيرك ، لهيك مكنتش اقبل حدا غيرك يحملني .....
ولما كبرت اكثر صارت حركتي تزيد، بتذكر فرحتك انتي وأبوي بأول مرة حبيت فيها عالأرض، وبأول مرة طلعلي سن، مع اني قضيتها عياط ونكد، بتعرفي شو ما حدا فرح قدك لأني مشيت اول خطوة، كنت اوقع وتوقفيني، ما كنت اخاف، عارفة انك رح تكوني سندي، تضلي معي لو شو ما صار، بعدها فتت الروضة، باول يوم صرت اعيط ، بدي امي بدي ابوي، كنت بدي تضلوا معي، وانتي عيطي لانه رايحة لحالي، كنتي كل يوم تيجي تشوفيني اذا انا منيحة، ولما فتت المدرسة، اشتريتلي احلى اواعي؛ فصلتيلي احلى مريول، علمتيني يما ما اقبل بالشي العادي، ولا الأكل العادي، وصرت اكبر اكثر، وكل ما اكبر اغلبك اكثر، وتزيد مشاكلي وهمومي، انتي وابوي كنتو تكونوا فخورين فيي لما اجيبها الاولى بمدرستي، كنت ارفع راسكم ، وبعدها بمراهقتي، صرتي تقعدي معي وتكوني صديقتي، عشان ما اعمل اشي غلط، تضلي تسأليني عن صاحباتي وكل شي بحياتي، أمنتلك يما وما غلطت، بعدها بدي افوت الجامعة، خوفك علي زاد أكثر، وصرت بعيدة عنك، كنت اسمعك بالليل وانتي تحصنيني؛ ولما يجي الصبح تدعيلي الله يوفقني، تسهري معي وتتعبي معي لما يكون عندي امتحان ، ونضلي قلقانة طول ما انا بعيدة، ولما خلصت الجامعة كنتي انتي وابوي باول صف فرحانين الي والدمعة بعيونكم، وفخورين كثير، يمكن شفتوني بكل السنين الي مرت عليكم معي، ولما اشتغلت واضطريت ابعد اكثر؛ صرتي من الطبخة تخبيلي، وتلفونات كل يوم ترنيلي وتطمني علي، يما بهالمرحلة بعدت عنك، صار عندي صاحبات اشوفهم كثير؛ صرت اروح عالسكن وما الاقي طبخك الزاكي، اصير بدي اكل نفس اكلك، صرت لما اتعب ما احكيلك صرت اخبي بقلبي؛ يما تغيرت بهالمرحلة، بعدها لما اجى شب يخطبني، كيف انتي وابوي فحصتوا فحص، ما خليتو شي ما سالتوا عنه، بدكم تطمنوا علي ، وكان خوفكم كبير لأنه بدي اتغرب ......
انا كنت مبسوطة بالشب ولانه كل شي في عاجبني، بخطبتي هكلتي همي اكثر مني ...
وبعدها يوم عرسي؛ ضليتي تبكي من اول العرس لآخره، بتذكر حضنتيني بقوة، انا وقتها انهارت يما وبطلت عارفة احكي
بتذكر اول حمل لإلي كنت اتصل واعيطلك ، نفسيتي صارت سيئة وزوجي بشغله، وانا بروح عشغلي وبتعب؛ صرتي تحاولي تهديني، بلشت احس بتعبك يما، ولما قربت اولد؛ تركتي أبوي واخوتي وسافرتي لتديري بالك علي، انتي الي حممتي بنتي اول مرة، وانتي الي شمت ريحتك قبلي،
اليوم وانا معصبة عبنتي لاني ما بدها تطلع مع صاحبتها ، اتذكرت مواقف زعلتك فيها ، لما ما كنت أفهم خوفك عليي؛ لما بكل لحظة كنت اعلي صوتي عليكي؛ واجي اتأسفلك واستغرب كيف بتسامحيني، يما سامحيني ما في اغلى منك،
بتعرفي شو يما، ظلموكي لما عملولك يوم واحد بس؛عشان نيجي نعطيكي هدية لو كل عمرنا حوشنا لإلها ما بنوفيلك حقك ، بتعرفي شو ما احلى من هدية انك معنا؛ وتاج راسنا، واحلى هدية لالك نحافظ عليكي وما نزعلك !

اخ يما كبرت كثير .....

"Women are not created weaker but more generous than men. They are created more beautiful and less fierce, as beauty hates to hurt and harm others. That is why they seem weak to people, but in reality they are not. Angels are the strongest of created beings, and women are closer to the angelic nature than men, as they are readier than men to carry angelic light. It is the good manners and ethics of spirituality which they carry which makes them less forceful than men. Even physically, however, they are extremely strong." - Prophet Muhammad (PBUH)