اقتباسات

يلا

يلا نكون عفويين بعلاقاتنا مع بعض؟
انا شفتك وما سلمت عليك ، انا اكيد مش منتبه ، او يمكن تعبانه ، مدايقة ولو سلمت عليك راح يبيّن علي انه انا منكدة ، ف انت راح تتدايق ،
لما انا بكون اونلاين وما برد عليك بكون وراي الف اشي عادي ويمكن شفت المسج وما بدي ارد لانه مش بالمزاج الي احكي فيه ، لانه زي ما انا صار معي هيك راح ييجي وقت عليك وتكون بنفس الحالة ،
لما بحكي حكي جدّي يمكن يدايقك المقصود بكون منه مصلحتك ، او الحقيقة الي لازم تعرفها ، الصح الي لازم تسمعه ! مش لانه انا بدي احاسبك ع الكلمة ودايماً ضدك اتأكد انه بحبك وبخاف عليك ،
لما بلغي مشوار معك ، مش لاني بتهرب او مش حابة اشوفك بس الوقت والظروف وكتير اشياء ما سمحتلي اطلع معك بهالوقت ،
لما بترن علّي مره ومرتين وما برد ، ترا نفس قصة المسجات ، انه انا مش منتبه وعادي انه اكون منتبه بس ما بدي ارد لاني تعبانه او مدايقة او عندي ضجة ،
-ممكن لما تقرا هاد الكلام تقتنع فيه من ناحيتي انا ، مش من ناحيتك انه انا ما بدي احكي او ارد او اطلع معك انت خاصةً لانه الموضوع مش شخصي ابداً ولو بنفس الوقت حد غيرك عمل معي نفس الاشي ردة الفعل حتكون نفسها !
وانا مع انه كمان في ناس مستحيل تعمل معهم هالامور مش لانه بحبهم اكتر ، بس لانه همه نفسهم هدول مرّ وقت وعملت معهم هالاشي وما تحسسوا ابداً ، وبتقبلوك في جميع حالاتك وشو ما عملت ما حيعاتبوك ولا يتغيروا عليك ،  ف انت لا ارادياً حتى لو كنت مدايق بتضل معهم طبيعي ، بس رجاءاً خلينا نكون عفويين بعلاقاتنا وما ندقّق ع كل كلمه ، موقف صغير ، نظرة صارت بينا لانه الحياة بدها تمشي مع الناس الي بنحبها ف لا تخربوا ع بعض علاقاتكم من امور مش مستاهله . 💙