اقتباسات

بنت مجددا ؟

شو يعني انك تكوني بنت؟
يعني انت حلوة،ناعمة،شفافة وحساسة برغم قسوتك سهل كسبك "بكلمتين حلوات".
يعني انك لما بتكوني صارمة هاي اشارة "حاول اكتر". لأنو انا ما بينقلي لأ:)
قلبك حلو وطيب سهل ارضائك "بوردة"
يعني ازا لبستي تنورة او فستان قصير انت عم تطلبي شي:) وما بلوموني اذا اغتصبتك..
ازا ما بررتي للكل وين كنتي ومع مين بتحكي في اشي وراكي
ازا سمعت شي اشاعة عنك او شب معرفش يطولك بنعمل منك عاهرة رسميا..
ازا مكنتيش "كلك الي"  انت متخلفة ومش أنثى:)
ازا سلمتي حالك "عشنك بتحبيني واقنعتك" انت مضحكة!
ازا انت متحررة وبتحبي تعيشي وتنطلقي وما بتخافي لازم أمنعك و"أضبك/أستر عليكي" لانو بتم اعتبار حريتك "عهر".
يعني حتى صاحبتك اللي ممكن تغار منك اخدها منكك.
ازا قلتلك انك حلوة انا بكذبش بس في أحلى منك..
صاحباتك؟صحابك؟انا؟القرايب؟زملائك؟جيرانك؟مجتمعك؟ كلنا منستنى هالغلطة الصغيرة منك لحتى نخرب سمعتكك:)
#مذكرات_بنت_قرفت_تشويه_السمعة:)