Labing walo
"Ano pa bang kulang?" Tanong ko sa sarili hababg hawak ko ang isang listahan at isang buslo ng mga pinamili ko.
Balak ko kasing ipagluto ng hapunan si Gab. Ni minsan kasi ay di ko pa siya naipagluto, ako lagi ang ipinagluluto niya. Gusto kong bumawi ngayon. Gusto ko ding matikman niya ang mga luto ko.
Sabi nga kasi nila the best way to a man's heart is through his stomach.
Paglabas ko ng supermarket ay nag-abang na ako ng taxi sa gilid ng kalsada. Pero imbes na taxi ang huminto, isang asul na van ang huminto at bumaba ang dalawang lalaking may maskara.
"Hoy! Ano ba?! Bitawan niyo ako!!! Tulong! Tulungan niyo ako!!" Sigaw ko.
Pilit akong nagpupumiglas mula sa pagkakahawak nila sa akin. Pero masyado silang malakas. Walang magagawa ang pagpiglas ko laban sa malalaki nilang mga braso.
"Wag ka ng magmatigas kung ayaw mong masaktan!" Sigaw ng isa sa akin.
Tinakpan ng isang lalaki ang ilong ko ng panyo. Doon ako nakaamoy ng kakaibang amoy, masakit sa ulo. Nanlabo ang paningin ko at doon ako panawan ng ulirat.
Nagising ako dahil sa ingay. Mga boses na nag-uusap. Dito ko napagtantong nakaupo ako sa isang silya at nakagapos ang mga kamay at paa.
"Tingnan niyo! Gising na ang mahal na prinsesa!" Sabi ng isang lalaki.
"S-sino kayo? Anong kailangan niyo sa akin?!" Pasigaw kong tanong. Pilit na itinatago ang takot na nararamdaman.
"Nami." Sabi ng isang malamig na boses.
"Sino ba kayo?"
"Di ba ikaw yung syota dati ni Daniel?" Sabi ulit ng isang lalaki.
"Kilala mo si Daniel?"
"Oo naman! Tropa kaya namin ang hayop na yun!"
"May kasalanan ba sa inyo si Daniel kaya niyo ako kinuha?"
"Walang atraso si Daniel. Yung bago mong syota, yun ang pakay namin."
"Si Gab?"
"Oo tama! Si Gab! Yung pumatay kay Daniel!"
"Ano? Sinong pumatay kay Daniel?"
"Si Gab." Sagot ng may malamig na boses.
"Ang pumatay kay Daniel ay walang iba kung di si Gab."
Pakiramdam ko, pinukpok ng maso ang puso ko sa nalaman ko.