ထင်ရာစိုင်းတဲ့ကောင်းကင်
အပိုင်း(8)
အဲ့နောက်တော့ လူသေးသေးလေးဆွဲတဲ့နောက်ကို အသာတကြည်လိုက်ပါသွားလေရဲ့
သူမတို့အခန်းထဲပြန်ရောက်လာတော့ ဟော့ပေါ့အဆင်သင့်ဖြစ်နေပြီဖြစ်ပြီး သူတို့တွေရဲ့မိဘဖြစ်သူတွေကလဲ ရောက်နေကြပြီပဲဖြစ်လေတယ်
မြတ်ဘုန်းသျှန်ကသူတို့ကိုဂရုစိုက်ပေးပြီး ကင်ပေးပြုတ်ပေးလေတယ်
သူခေါင်းငုံ့ပြီးအချဉ်ရည်စပ်နေတဲ့အချိန် မြတ်ပန်းဝေက ဂဏန်းကိုကျကျနနစားနေတာကိုမြင်လိုက်ရလေတယ်
သူ့မှာမတရားထိတ်လန့်သွားပြီး တားဖို့လက်ဆန့်ထုတ်လာလိုက်ပေမဲ့ သူမက ပါးစပ်အပြည့်စားနေပြန်တာကိုပဲတွေ့လိုက်ရလေတယ်
"မြတ်မြတ် ! အဲ့ဒါက ! "
သူ့မှာ အလောတကြီးဖြစ်သွားပေမဲ့ သူမက လုံးဝကိုအပြစ်ကင်းပြီးမသိနိုးနားမျက်ဝန်းနဲ့ပလုတ်ပလောင်းဝါးနေရင်းကမော့ကြည့်လာလေတယ်
သူမရဲ့ပုံမှန်ဖြစ်နေတဲ့ပုံက လုံးဝအကောင်းအတိုင်းမို့ မြတ်ဘုန်းသျှန်တစ်ယောက်မျက်စိလည်သွားလေတယ် ကြည့်ရတာ သူ့ညီမရဲ့အလတ်ဂျစ်ကပြန်ကောင်းသွားတာများလား
"ဟင် ဘာဖြစ်လို့လဲ"
"...ဘာ...မှ..မဖြစ်တော့ပါဘူး"
မိဘနှစ်ပါးကလဲ သမီးဖြစ်သူကိုအစားအသောက်တွေထည့်ပေးနေပေမဲ့ အဲ့ဂဏန်းစားတာကိုလုံးဝမကန့်ကွက်တာကြောင့် မြတ်ဘုနး်သျှန်တစ်ယောက် ကြောင်အနေတော့တယ် သူမက အလတ်ဂျစ်မရှိဘူးလား သူပဲအမှတ်မှားနေတာလား
မဖြစ်နိုင်တာ
ငယ်ငယ်က မြတ်မြတ် အစားမှားလို့ တကိုယ်လုံးနီရဲပြီးအသက်ရှုတွေတောင်ကြပ်လာတာ သေမလိုဖြစ်လို့ အားလုံးကဆေးရုံမှာလေးငါးရက်လောက်သွားနေရတာကိုေတာင်သူမှတ်မိလိုက်ေနသေးတာကို
"မေမေ "
"ဟင် "
"ငယ်ငယ်တုန်းက မြတ်မြတ်နေမကောင်းဖြစ်တာလေ အဲ့တာဆေးရုံတောင်ရောက်သွားသေးတာ မေမေ အဲ့တာကိုမှတ်မိလား"
"ဘာတွေပြောနေတာတုန်း မြတ်ကလေးက အရမ်းကျန်းမာတဲ့ကလေးကို ဘယ်တုနး်ကဆေးရုံတက်ရဖူးလို့လဲ သျှန်ကလေး နေရောကောင်းရဲ့လား တခုခုမှားနေတာလား"
မြတ်ဘုန်းသျှန်။ ။ "......."
အဲ့တော့ သူတစ်ယောက်ထဲမှတ်မိနေတာလား
မြတ်ပန်းဝေကိုကြည့်လိုက်တော့လဲ သူမက စကားဝိုင်းကိုစိတ်ဝင်တစားနဲ့နားထောင်နေပြီး အစားအသောက်ေတာင်မပျက်ပဲ ပလုတ်ပလောင်းစားနေလိုက်သေးတယ်
မြတ်ဘုန်းသျှန်မှာသာ မရေမရာတွေးရင်းကျန်နေခဲ့လေရဲ့
မြတ်ပန်းဝေကတော့ နှုတ်ဆိတ်သွားတဲ့အကိုဖြစ်သူကိုကြည့်ပြီး ဘာမှမပြောပဲ အစားပဲကုန်းစားနေတော့တယ်
နောက်နေ့ သူမအတန်းထဲဝင်တော့ တခန်းလုံးဟာ ပုံမှန်မဟုတ်ပဲ တော်တော်ယောက်ယက်ခတ်နေတာကိုတွေ့လိုက်ရတယ်
"ဟဲ့ သူတို့ဘာဖြစ်နေကြတာလဲ"
"ဒီနေ့ပြောင်းလာတဲ့ကိုကိုလေးတစ်ယောက်နဲ့အလှလေးနှစ်ယောက်ကြောင့်ပဲပေါ့လေးတစ်ယောက်နဲ့အလှလေးနှစ်ယောက်ကြောင့်ပဲပေါ့"
"ဪ"
"မင်းဧကရာဇ် နှင်းဒီဇင်ဘာ ဆောင်းသံစဉ်မောင်တဲ့ဟယ် ပြောင်းလာတဲ့သူတွေက နာမည်တင်အပျံစားမဟုတ်ပဲ ရုပ်ကလေးတွေကလဲ ကြွေရုပ်လေးတွေလိုပဲဟယ် လှနေရော "
သူမမှာ ဘာအတွေးမှမရှိလို့ ကျောင်းပြောင်းလာရုံလေးပဲလေလို့တွေးလိုက်ပြီး စိတ်မဝင်စားတေ့ာ
ဒါပေမဲ့သူငယ်ချင်းဖြစ်သူဆက်ပြောလိုက်တဲ့စကားကြောင့် လုပ်လက်စတွေအားလုံးရပ်တန့်သွားပြီး မျက်လုံးပြူးသွားတော့တယ်
မင်းဧကရာဇ် ?
နှင်းဒီဇင်ဘာ ?
ဆောင်းသံစဉ်မောင်?
အိုင်း ဒီငါးဆားနယ်လေးရဲ့အေးချမ်းတဲ့နေ့ရက်တွေဟာ တကယ်ကြီးကုန်ဆုံးသွားခဲ့ပြီထင်ပါရဲ့
တကယ့်ခေါင်တွေကျောင်းကိုရောက်လာတော့ ဇတ်လမ်းစပြီဆိုတာသိလိုက်ရသလို တကျောင်းလုံး ပွက်လောရိုက်တော့မယ်ဆိုတာလဲသိလိုက်ရလေတယ်
အိုင်းးး ငါ့ဘဝလေး
ရင်နာလိုက်တာ...
သူမမှာ ကျောင်းဆက်တက်ချင်စိတ်တွေပျောက်သွားပြီး လွယ်အိတ်ပြန်လွယ်လိုက်ကာ အတန်းလစ်ကာ အေးချမ်းရာအေးချမ်းကြောင်းနေဖို့ပဲတွေးမိတော့တယ်
အတန်းမစခင်လစ်မှ..
သူမထရုံပဲရှိသေး ဆရာက ဝင်ဖို့လုပ်နေပြီဆိုတာကိုတွေ့လိုက်ရတာကြောင့် မပြေးရုံတမယ်လျှောက်ထွက်သွားတော့တယ် သူငယ်ချင်းဖြစ်သူရဲ့ "ဟဲ့နင်ဘယ်သွားမလို့လဲ အတန်းတက်နေပြီလေ"လို့ လှမ်းအော်တာကိုတောင်ပြန်မတုန့်ပြန်နိုင်ဘူး
သူမ အတန်းထဲကပြန်ထွက်တာ လောနေတာနဲ့ပဲ လှေကားမှာ သူမရဲ့ crush white hair လေးကိုဝင်တိုက်မိပါလေရော
Sky ကလဲ ကျစ်ခနဲစုပ်သပ်ကာ အော်ပြောတော့မလို့ ဒါပေမဲ့ နှာခေါင်းထဲကိုချိုချဉ်နံ့လေးရောက်လာတော့ အရာအားလုံးရပ်တန့်သွားကာ သူ့အကြည့်တွေက သူမရဲ့ကျောပြင်မှာသာကပ်ပါသွားလေရဲ့
ကြည့်ရတာအဲ့မိန်းကလေးက အတန်းလစ်မဲ့ပုံပဲ
သူလဲ လှေကားကပြန်ဆင်းလိုက်ကာ နောက်ကလိုက်မေးနေကြတဲ့ သူ့ရဲ့သူငယ်ချင်းတွေအားလုံးကိုပါပလစ်ခဲ့လေေတာ့တယ်
ငတုံးမလေး မြတ်ပန်းဝေကတော့ သူမနောက်ကိုတစ်ယောက်ယောက်လိုက်လာတာကိုတောင်မသိပဲ ကျောင်းဝန်းထဲကအပြေးအလွှားထွက်သွားလေရဲ့
Shopping mall ထဲရောက်တော့ ကြုံရာအဝတ်တစုံဝယ်လိုက်ကာ အရပ်ဝတ်ပြောင်းလိုက်တော့တယ်
သူမမှာ ဆံနွယ်ရှည်လေးတွေနဲ့ မျက်လုံးဝိုင်းဝိုင်းလေးတွေရှိလေတယ် အသားကကြွေရောင်လိုဖြူပြီး ခါးသေးသေး တင်ကားကားလေးတွေရှိကာ အရပ်လဲရှည်လေတယ်
ဒါကြောင့် တီရှပ်နဲ့ဂျင်းဘောင်းဘီကိုဝတ်လိုက်ပြီး အပေါ်က ခါးတိုအပေါ်ဝတ်လေးထပ်လိုက် လွယ်အိတ်လွယ်မျက်မှန်တပ်လိုက်တာနဲ့ သူမကို ဘယ်သူကမှ ကျောင်းသူလို့ထင်မှာမဟုတ်တော့ဘူး
ကိုယ့်အတွေးနဲ့ဟုတ်နေပေမဲ့ သူမက အလွန်တရာနုငယ်ပံုေပါ်သွားတာကြောင့် အသက်မပြည့်သေးမှန်းလူတိုင်းပြောနိုင်တယ်ဆိုတာကိုေတာ့ သူမ မသိခဲ့လေဘူး
Sky တစ်ယောက်သာ နောက်ကလိုက်ကြည့်ရင်း အရူးမလေးကြောင့် ကူကယ်ရာမဲ့ရယ်မောမိရလေတယ်
ဘယ်လိုလေးလဲ ...
အူကြောင်ကြောင်လေးနဲ့ချစ်ဖို့မတရားကောင်းလိုက်တာကွာ
ပြီးတော့ သူမရဲ့ချိုချဉ်နံ့လေးကလဲလူကိုအရမ်းစွဲလန်းစေတာပဲ
..mmmm......🌿🥕🥕🥕🥕🥕🥕🥕🌿🌿🌿🌿🌿🥕🥕🥕🥕🌿🌿🌿🌿🥕🥕🥕🌿
Alinkar nang 🌿