اذا اكو اخطاء املائية غلسو😵
دعاء:
رجعت لبيتنا من وكت امي استغربت رجعتي تسال واني ما بيه اسولف ويه احد لو ابرر جدتي صاحتني بس سلمت ورحت سديت باب غرفتي وكعدت وحدي كل ما تطول المدة كل ما تتعقد امورنت اكثر
ابويه رجع من شغله لا يحجي ويايه ولا يباوع الي عبالك اني سويت ذنب جدتي تحجي وياه بغير مواضيع سكتت عن كل شي وهو هادئ حيل ما يطول بالكلام اكل لكمتين وفات يرتاح
انقضى اليوم كله مراقبين وضعه واني اركض قبل اختي اجيب اله طلباته اذا يطلب ولو هو قليل اصلا يطلب منا شي بابا ماكو مثله اثنين بكل شي مختلف حتى لامنا ما شفناه بيوم اذاها لو اهان كرامتها او تعاركوا عركه قوية علاقته بكل الناس حلوة واني ابد ما اريد اغضبه مني ابد ولا مفكرة اسوي شي يقهره بعد كافي انشغاله بحوراء ضلت هناك ومعلكة روحه يمها شلعنا گلبه من صرنا لليوم وصدك كمت اشوف هم البنات للممات
بالليل كاعدة وحدي بالحديقة كنت اظن الكل نيام انطيت مجال لدمعي يجري براحته ...سمعت حس وكفت ومسحت دموعي من شفته طالع ورايه
-تبجين على مجيد
-لا ما ابجي ..عيني مدري شوكع بيها
-تعاي يمي هنا
تقربت واني خايفة لا يحاسبني لو يرزلني بمكانها حضن راسي وخلاه على يسار صدره وخلاني افرغ همي كله
-يابه لمصلحتج
-اعرف والله
-الما يعرف قيمتج نعرفه قيمته مجيد ما يستاهلج من اول بس اني ما اريد اكسر گلوبجن جنت وشفت الجن رغبة والا مستحيل ترهمين انت اله اعرفه زين بس اخواني والاهل وامي كلها ساندته وبالاخير مثل ما توقعت وما تمنيت يصير وياجن صار ذيج حامل واخاف ربي اشيل خطية الطفل وراشد يتختل بيها مني اكول بي امل بس مجيد ما برر ولا اعتذر تدرين يوم اجاني يخطب لا طلبت منه ضمانات ولا اشترطت عليه شرط بس كتله دير بالك تقهرها اذا اجتني بنتي مقهورة ما ارجعها الك ورجعج عروس مطلكه !!شتريدين بيه بعد ويه مجيد ..ادري هو صاحب وكفات وزلمة ماكو منه بالمواقف بس وياج غلط وغلطه ما يغتفر ابد جان حسب حساب هاليوم واني حذرته
سكتتي ومسح دمعي
-تره توني سديت اتصال ويه عمج يكول جنه حصان لا يكسرون كلبج عليه عرج ما يطكه يموتج هذا وهو صل لا ينثني ولا يعدل
-مو يكولون عمليته صعبة اني على هاي ..قاطعني ومسح وجهي بكفه
-اي صعبه ومريض بس هذا شي والصار بيج شي ثاني
سكتت ودنكت وكمل كلامه
-تره اني اريده يتأدب ويعرف حده وين.. مو ترحين من ورايه تغضبيني وتحاجيه دير بالج دعاء تره زعلي وياج يصبح ثكيل وما نرجع ابد مثل هسه اريدج قوية مرت علينا ايام سود هواي وهاي منها وتروح وراح تتعقد الامور ويجوز يجي لهنا مجيد ما اريدج ضعيفة ولا تخافين منه زين خل نخلص من هالقوانة
هزيت راسي وابجي وهو يسكتني شبكته بكل قوتي
فتت وياه للبيت لكيت جدة تنتظرني هم بمحاظرة تصبر بيه لما يطيب زوجي على حسب قولها وتجيبه وتجينا
فرح:
ببيتي وحدي كاعدة اعزل باغراض المطبخ طبخت البارحة للخطار بسلامة مجيد ...مسرة راحت لبيتها وكالت لليل يرجعون ومعد ملتهي بذاك البيت باخوه ...اندكت الباب فتحتها وتفاجأت ببنات معد رنا واخواتها الاصغر جاياتني ...رحبت بيهن وفتحت الباب مرن من يمي يتمثلن بالبيت والاثاث اول مره يجوني ...كعدن وجوهن مكلوبة حجت اصغرهن ...
-عمه احنا اجينا بطلب
-احجي
رنا:امي نريدها ترجع
الثانية كملت وراها
-بابا طلكها بسببج وانت الةحيدة التكدرين تخليه يرجعها احنا تبهذلنا هاي راح يصير سنة امي خل ترجع حتى لو ما يريد يجي لبيتها بس ترجع لبيت جدو
فرح:واني شسوي يعني
-تحجين وياه
-اني لا احجي ولا الي علاقة بينهم ابوكم طلك امكم اني شعليه بيها وبعدين مو كافي اذيتها الي شكو جايات الي ذاك ابوجن
-ابويه معمي مدري شسويتي اله انت
-خوش حجي يجي واكوله شسويتله اني ولو روحن اسالن امجن شسوت
سكتن وكامن طلعن وحده وره الثانية بس الاخيرة وكفت تهدد
-بالله اذا ما رجعت ماما لا اشوفج النبي العربي لا عبالج سويتي الافلام عليه وضحكتي عليه ولفتي عقله سوالج بيت وقدر والله اخبلج من صدك
اخذتها رنا وطلعن واني كلبي كام يخفك كعدت تعبت من الوكفة بقيت بمكاني وعيني بدت تنعس احس ما الي طاقة اكوم لحيلي فات هو يتفقدني كل شويه يجيني هو من هنا موجود شافني انهبط
-شبيج فرحه
-ما بيه تعبانة
-سكرج ؟ راح يركض جاب الجهاز وجك اصبعي ديقيس السكر وعيني عليه من يتحرك ويشتغل منخبص بيه دنكت وبسته بين رقبته واذنه كش وتفاجأ
-هههه مريضة يا مره عوفيني بحالي
جريت وجهه وقربته الي وضعت وضاع هو اكثر ابتعد يمسح بكصته
-شبيج ؟؟؟
-ميصير يعني
-لا بس ما متعود هيج اني
-هو حتى تتعود
-دكومي ما طول هيج نروح للغرفة لا احد يفوت علينا واني هم مشتاق حيل انشغلت هالايام ويه مجيد والخطار
ضحكت ووكفت تجيت على ايده دوخة عندي بس من قسنا سكري زين يجوز لان انقهرت
مر وقت وكتله البنات اجوني وما حجيت اي شي من خلافنا بس كتله يريدون ترجع امهم ..ضاج ونهض عن الفراش اخذ جكايره بعد ما لبس بعض ملابسه طلع بالصالة يدخن
طلعت وراه لابسه روبي من شافني تغيرت ملامحه للراحه بساع اشر الي اكعد يمه سوالي مكان وحاوطني بايده
-اروح فدوة لهذا الوجه الحلو
-احظر الك حمام اخاف يريدونك
-لا خليني وياج محد يريدني لو ضجتي مني ؟؟
-لا ليش اضوج بالعكس ابتسمت اله لسه بيناتنا العلاقة مو طبيعية تمام ويخاف من كل شي ويسالني الف سؤال قبل لا نخطي خطوة قادمة بعدها اثار العمر بينا واني عندي خوفه منه ما خلصت ولا تخلص
ضمني بقوة لصدره
-اووف كون ترجع ايامنا شويه
-ليش
-اريد امسح هوايه اشياء غلط
-الفات مات
ابتسم ودنك باس رمشي
-صدك لو باجر هم اكعد الكي السجين بايدج
انقهرت ودنكت صديت عنه كمش بيه لا انهض من يمه
-مو قصدي يالحبيبة اريد نرتاح لا تجيبين سيرة احد واني يمج خلينا بس اني وانت وحتى بناتي وولدي ما اقبل احد يتدخل امهم اني طلكتها وكلهم يعرفون السبب بعد ما الهم حق التدخل لو ننسى اللي صار بينا
-يعني ما ترجعها
-لا طبعا مره التمشي بدروب الشيطان ما تصير الي مره
نفخت بارتياح لان هالشي شاغلني على طول ضحك سالني اذا اغار وغلست على سؤاله ..بقينا شويه وبعدها اندكت الباب راشد صاح اله زلم جايين خطار سبح وتعطر ومشالهم واني وراه امشي ليما راح ..
فتت سبحت براحتي وطلعت لبيت عمي من الباب الخلفية عبرت والكي ام راشد مشيله حوراء جدر شكبره تخبلت من شفتها
-ولج هاي شنو وانت حامل تريدين تتصخمين
ذبيته منها وكعدتها
-تخبلني شلون تشيلين هالثكل
-غير عمتي موتتني اليوم والخطار كومه
-وانت شنو والخطار بطنج هاعلاتها بالج روحي تمددي رجلج الشفيه وينه ما يشوف حالج ما يحجي
اني كاعد احاجيها تداخلت ويانا ام راشد
-ليش شمسويلها داده
-ام راشد الجدر ثكيل شلون تشيله
-ياما شلنا اويلي علينا لا احد سال ولا احد كال ذني خطيه
-وتطلعيها بجنتج
-ديلا عاد قابل مجلب بعلج
جريت حوراء من المطبخ
-امشي يولي
-هسه تضل تحجي
-يطبها مرض شكو تتراجفين انت امشي صعدي بغرفتح شعليج انت بالخطار
طردتها طلع راشد من الاستقبال كمشته احجي وياه
-مرتك دير بالك عليها شنو عايفها بالمطبخ تشيل هالجدورة الكبار
فتح عيونه على وسعهن
-بيها شي شصار
-وانت تنتظر يصير بيها شي
-يووووه يا عمه جفلتيني قابل اول وحده حامل
كمش راسه وعافني صعد
هزيت ايدي ورحت كعدت يم عمتي ام مجيد امي جاي ابو دعاء ماخذها ورايح حتى ما دز عليه وشافني انقهرت حيل منه ضال بخاطره مني لان دافعت لمجيد
ام مجيد:يمه فرحه ما حجيتي ويه اخوج ما الله هداه
فرح:والله عمه ما يقبل يسمع اسمه لمجيد
-هذا هم حظ ابني فوك المرض مشلوع كلبه عليها وابوها قفل ليش هذا خالج اكوله حجي نروح نجيبها اني وياك يگول لو اعرف باچر دفنته هم ما اوصل لهناك اكو اب هيج يسوي بابنه ..قهرتني كامت تبجي
الجناين كلهن كاعدات زوجة محمد ومشتاق كامن يسكتن بيها ونسوان بعد كرايبها
كمت من يمهن شنو بيدي واسويه الهم اني!!
رجعت للمطبخ لمحت عالدرج راشد كامش حوراء من شعرها ويخض بيها هي وبطنها يكتلها وهاي صام حلكها وتفرفح شاغت روحي من شفتها كلت تفلت منه وتتدعبل من الدرج صعدت طايرة دفعته عنها وهاي جلبت بيه شبكتني تستنجد تخاف يطلع صوتها حتى من تهديده وخطار كوم بالبيت
-انعل غيرتك اليوم هاي ليش
-كلبة اني اعلمج
-عمة راح يموتني
-يموتج شنو تايهة شوف ولك تصير ادمي لا بالقرأن اصيح لابوك
صعدت ام راشد قريبه بالمطبخ
-هاي شكو خير
راشد:ولي فوك للغرفة
فرح :باوع لا تسوي هيج والله اخذها وياي
ام راشد:وين عيني تاخذيها ما تشوفين البيت متروس عالم وانت كافي دلال يلا بدلي وانزلي وفضوا عركتكم عيب خما زعاطيط
راشد:وين وديتيهن
حوراء:عمه احجي وياه والله ما اعرف شنو يحجي موتني كتل
فرح:لا مو هنا مربط الفرس امشي انت وياي وانت خل ابوك يتفاهم وياك
جلب بيها اني اجر وهو يجر بالاخير خلصنا روحنا منهم بالقوة واخذتها لبيتي ...كعدتها تفهمني شصار بينهم
- ما اعرف والله هو صعد دور بالجرارات واندار عليه وين ضميتيهن وين وديتيهن
-شنو ؟؟
-شمدريني اني شنو شمدريني حسيتها ارتبكت وكذبت
سكتت عنها اني شاكه بي واليوم احجي لابوه يشوف اله حل
بقينا اني وياها واجتي مسرة بالليل هي وزياد يبقى ويه مجيد يضربه ابر ويضمد عمليته ويساعده بهالايام صارت بينهم مواقف قوت علاقتهم الاثنين اني كيفت بيهن لان باقية وحدي على واهسهن سويت اكل واكلنا اثنينهن حوامل ومسرة نساوتها قوية ما تشتهي كل شي عاد على طلبهن سويت العشا وكعدنا ناكل والاثنين كل شويه يشتكن من حياتهن واغير الموضوع منهن اني جايبتهن يرتاحن
وره العشا على خاطر حوراء ما رحنا يمهم بقينا ببيتي اريدها ترتاح زين بتنا ثلاثتنا بالهول فرشنا ثلاثتنا حضنت بنتي ونمت مثل من جانت طفلة والفرق هسه حطيتها بحضني هي وطفلها ابتسمت فرحانة بأمومتها صح صغيرة ومدللة ومو حمل مسؤولية بس هذا احلى طور احلى مرحلة ..واحلى شي تحس بي المرأة بحياتها بان تكون ام واستذكرت من ربنا رزقني بيها شكد كانت مشاعري مخربطة واكثر شي جان الفرح غامرني زحت شعرها عن صدغها وطبعت بوساتي على كصتها ووجنتها بعدني اشوفها ذيج الصغيرة ابد ما تكبر
دخل معد متأخر مد راسه بدون ما يفتح الاضوية رفعت راسي ابتسم واشر الي كمت اله
-هاا اليوم البنات اخذوج مني شعجب ما اجيتن هناك
-خطيه تعبانات وكلت يرتاحن هنا ما جبتهن
-على راحتكم عيوني بس تعاي شويه بالغرفة طلعي الي هدوم ابدل واسبح وارجع هناك ابات
ضجت هي ليلتي وهم يبات هناك هسه مو صار يومين هو هناك وكومه بايتين يم مجيد حتى زياد ضال رحت طلعت هدوم واريد افوت كمشني
-هااا اشو زعل الحلو
-لا عليش ازعل اذا تريد هناك براحتك
-وانت وين عني اليوم بنتج يمج شسوين بيه
-ويعني هي مو ليلتي ؟
-هاي منو لا جذب والله ما اصدك تذكرين من ابات كاعد عالكرسي البره لا بيه ارجع فشلة من الوادم ولا انت مخليتني افوت عالبيت والله لعبتي بحالي انت شكد جنت شايل بخاطري كلهن راحن والله
ابتسمت واني اتذكره شكد عاندته وهو جان متمسك لو غيره يومين يمل ...
بدل ملابسه واني اباوع اله واكفه ومجتفة صافنة لا اعمارنا ولا شكلنا ولا اي شي باقي بينا يشجع نعيش الطور العايشناه هو جبير عمر واني هم جدة راح اصير مدري شلون فكرت اخلف طفل ومنو يربيه
راح رجعت للبنات متكشفات غطيتهن بعدهن صغار اثنينهن ولا حمل بهذلة وزواج خطية ذني
مددت واني افكر بحياتي وياه شنو وشلون تمشي راح يبقى يحبني لو فرة عرس وتخلص غفيت واني اتكلب متوترة شلون وشلون اخاف يضغطون عليه ويرجعها ....
كعدوا البنات الصبح وراحن هناك يتريكون الكل ببيت جدهم واني لحكتهم بس صليت وقفلت البيت ....دخلت سلمت ورحت اشوف مجيد صار يومين من الخطار ولا شفناه ...فتت لكيته كاعد وامه تأكله بايدها وجهه كركم وتعبان اشرت لزياد اجاني اخذته بصفحة
-شبي ليش هيج
-رد هوايه من راسه وتأذى العصر ناخذه لطبيبه يجيك وضعه
-اكولك الزرع شكد ويطلع
-يعني مو هواي اسبوعين الى شهر يجوز ما متأكد
كعدت يمهم مختبصين بي اليوم اثار جانبية بعد ااعملية
تذكرت دعاء هسه هاي متخبلة واني نسيت اصلا اتصل بيها اشو هي بطلت تتصل مدري تفشلت من جدتها مظري من سالفة مسرة تكول رزلتها ؟؟اخذت اله صور ودزيتهن الها وهو انتبه الي من اصور شال راسه ويكابر عود ما بيه شي هالمكابرة راح تموتكم يولد ساري
ماكو دقايق واتصلت طلعت بره احاجيها تشهك وتبجي
-شبيه مجيد عمه شصاير
-شكو انت شبيج ذاك مجيد كاعد
-ليش هيج وجهه تعبان وحوراء تكول مو زين
-خل تولي لا يضل بالج ما بي شي
-عمه فدوة ما اكدر بعد اني اتصل انت حاجيني
-ليش
-عمه بابا ما يرضى واصلا ماكو بعد رجعة بينا
-وجع
-عمه
-اي والله ووجع شنو هالحجي هذا وببالج مجيد هيج راح يعوفج تره وقت وناطيج على كد عقلج والصوج منج يولي هذا الجنا خايفين منه وهذا اللي جنت اكوله الج ما تسمعين عميه طرشة بحب الافندي وعند الورطة جريتي ضهرج
-عمه مو هيج
-لا احجيلي فهميني شلون اذا مو هيج الرجال كومه زاحج عن دربه جان يعرف بروحه ويعرفج يكول ما اريد اورطها بيه وهسه عند التاب تعوفيه ؟؟وين عقلج
-منين تايب منو اليكول يعني صلى ركعتين صار تايب
سكتت وافور عصبية عليها
-ولي ولي ضيعت وكت وياج روحي اريد اتريك زوهرتيني من الصبح عذاا واني اكول ليش الرجال انكبد عمي حقهم حقهم بنات الضايع ولا ينحملن مني الج
سديته بوجهه كمت ارجع للهول تلكاني معد يضحك سامع المكالمة تخوصرت اله
-شكو تضحك
-ما بيه بس ضحكت عالرزالة وختامها
-انت تكيف احد يحجي عليه حتى لو اني احجي على نفسي
-لا شلون اكيف بس حجاية الحق سبقت
لويت شفتي مو عاجبني وهو يضحك اعلى وتذكرت اريد احجيله على راشد ...كعدنا بره وسولفت اله كل شي عن حوراء وشلون يعاملها وطلبت تكعد ويايه ببيتي اني هم عمتها وهم محتاجة ونس بالبيت وهنا البيت مزدحم كلت اخذها جنتي تصير احسن ما تضل تحت رحمة ام راشد ولمحت على سالفة الادمان بس ما اكدت وهو فهمني ما علق بس كام ووجهه ما يتفسر حتى تندمت لان حجيت
ويه ما خلن البنات السفرة والتمينا الكل عليها نتريك ونضحك مجيد كاعد عالسرير ويبتسم عالسوالف ما بي حسل يحجي اخوانه ناصبين عليه
بهالاثناء معد ساكت وكل شويه يباوع لراشد وحوراء حتى همه انتبهوا ترخص من خالي وكال الهم ينتقلون لبيتنا ...ام راشد من مكانها نهضت ترعد مو راضية تكوله هالولد وتاخذه مني تنطيه الها تأشر عليه واني خنست تخوف من عصبية الكل ساكت وراشد اصلا ما كدر يعترض معد من يكول شي يتنفذ معناها حوراء وجهها مبتسم نحاول تخفي ملامحها ومسرة تأشر الي من وره ام راشد علامة نصر ....
من ثاني يوم جبت بنت اخويه لبيتي وخليت ام راشد تكمز وتشوط للسما ...
مرت الايام واحنا استقرينا اكثر وحوراء مرتاحة راشد يخاف مني ما يطخها عالاقل رحمتها منه وشويه ارتاحت من الشغل والكراب بيتنا ما بي هواي شغل ونتعاون سويه واخذتها وجهزت للاثنين سويه جهاز طفلين بنت وولد ومناك امها ودعاء هم مجهزات لان هي قربت عالاشهر الاخيرة والكل متحظرين لولادتهن قرب العيد وطلعت تحاليل مجيد والف الحمد لله نظيفة طابت عمليته وكام يطلع ورجع للشغل وكل يوم جمعة ادز صور ما قبل الصلاة لذيج اللي سكتت وسنطة سوتها
الحياة بين الاقارب تمشي لو كل المشاكل تصير تستمر علاقتهم وتقوى خاصه للي مثلنا خال وعم شي داخله بشي وبعد زاد القرب من عمار هم خطب من بنات اخواني الصغار وانطونا بنت محمد لابن اخويه وصار عدنا مناسبات اكثر بالافق كل مره نتصل نسال عالحجية امي تكول ابو دعاء مجلب بيه ما يقبل يرجعني واخواني صاروا يعاتبوه هم على كطعته وهم مجلب بامنا اشتاقينا الها حيل هسه بطلنا من جيتهم كلهم بس هو جان يجينا من اخذ الوالدة هم بطل ...مجيد مرتين سالني على دعاء واكوله تسال عليك بس جذبت لا تسأل ولا تكول واصلا تتهرب هو خطيه يكيف وينتعش ادري توصلها اخباره وبرد كلبها وعرفت تحليله ...
بعد نحظر جنا للعيد وصارت علينا وكعة خالي ساري تمرض قلبه تعب وكام يتعب ما يكدر لا يمشي ولا يكوم حرنا بي وركضنا عالاطباء وسووله قسطرة وعملية وانكلبت الدنيا علينا من الخطار بايام العيد ذبايح وعزايم لسلامته جابو طباخ بوقتها توه مجيد طاب وبطلوا خطاره رجعنا جديد وهنا صار وقت اللقاء
واكفين نستقبل امي بباب بيت اخويه كلنا ..نزلت السيارة من الشارع مو سيارة صغيرة خصوصي استغربنا والتمينا كلنا نباوع لحد ما وصلت ابو دعاء وكل اهله وياه وامي شهكت من شفتهم وفرحت عيوني اتجهت لمجيد واخوانه الواكفين بعد امتار عنا ...كلهم تدنوا جاي عداه هو انسحب وفات عالبيت الجبير ...جنت اظنه يفرح بس ابد ما شفت فرح بملامحه نزلت اخر وحده النذلة وحظنتها بكل قوتي وابوس بيها وهي تضحك وتباوع على مكانه وترجع تدير عيونها عليه تسال كىصتها تنتبه لروحها وابوها اللي يراقب بينا عبالك راح نبوكها
-واكعتلج اربيل حليانة يولي
-ليش شبيه قبل
تداخلت مسرة ويانا بالكلام
-بذات مو خوش صديقة جنت وصرتي انكس بعد
شهكت واندارت دمتت عيونها وتشابكن هي وياها دمعت عيوني علي منظرهن وحوراء وبنات اخويه هم كلهن تكومن عليها يبوسن بيها دعاء الرقيقة اللي حتى العصفور بحديقتهم يعشكها بكل شي نازكة وحلوة
..دخلنا للبيت اخواني مسوين عزيمة اليوم برجعة امي عبالنا بس هي بس حلت بجيتهم كلهم طلعت حوراء الخبيثة تدري وما تكول الي رحنا وره الغدا شافوه لخالي بس امي والولد ورجعنا العصر يم البقية نكمل يومنا اخويه الصغير سوالنا العشا بحديقة بيته ولمة اهلي كلهم هنا نسينا حتى نفسنا ..حوراءبقت مكابلة ابوها واهلها وكاعدة لليل اكول الها نرجع تكول بعد ورجعت وحدي لبيتي اتمشى فتحت الباب بمهل ودخلت والكي وجوه اليتامي كاعدين بحديقتي معد ومجيد وراشد ثلاثتهم خازريني جنهم عجايز مبيوك تقاعدهن ...كلت بنفسي حيل وتشمتت واضحك مكيفة بشلعان گلوبهم ورانا ليش قليلات احنا .....يتبع...