فرحه:
سنوات تمر والانسان يندم على يوم بحياته يتمنى لو يرجع حتى يغيره... بعمر مسرة لما تزوجت بنفس الطريقة اهلنا اتفقوا وزوجونا ...عمره اكبر مني بهوايه واعي وفاهم الحياة يشتغل ويه ابوه وكامش حلال اهله وشايل مسؤولية جبيرة خلاني مرغمة على احترامه وحب العشرة وياه ما اذاني ابدا.... واني بدايات الشباب كانت الي تجربة حب ما نجحت او ما استمرت انتهت هو تزوج واني تزوجت ابن خالي واختيار الاهل والنصيب حكم
...تزوجت منا صارت مسرة منا والشهادة لله اي شي قبله اني قفلت عليه واستسلمت لواقع مفروض وخاصة كنت اخجل منه اذا تصرفي مو بمحله لان ابو مسرة الله يرحمه كان شاب رزن وما شفت منه اي اذية ...جبت مسرة واستلمتها امي عني ورجعت لوظيفتي كانت قبل دراستنا بسيطة لو دار معلمات لو تجارة لو اعدادية ماكو بنات بمناطقنا درسوا كليات وظيفتي صح بسيطة بس احبها كنت بدائرة المي اداوم ومستقرة بحياة استقرت تقريبا لو ما وفاة زوجي ببداية ايام السقوط كتلوه الامريكان ويه الاف العراقيين قتل متعمد
...صدمة اولى اثرت بيه وخاصة من اشوف مسرة تعيش بلا اب كلش انهضم عليها وعلى نفسي اني هم ما شفت من زواجي بعد شي ...بس كحال كل الارامل بالعراق قبلي تقبلت وضعي واني افضل حال من غيري امي وياي واخواني وخالي ابد ما كطع بيه كل يوم هو يمي وفترة العدة والسنوية مرت بسلام صح حزينة حيل بس عديتها عايشة وعيشتنا زينة اني وبنتي بخير ابوها وجدها
...لحد ما يوم اللي قابلت الحب القديم ...شفته وكأن الحياة انعادت ورجعنا لاول لحظة ...توالت الاحداث واللقاءات واني لحد هالوقت ما ادري بي هو متزوج اصراره على خطبتي خلتني اصدك هو على عهده القديم وامنت بي متناسية كل الاسباب اللي انرفض سابقا من اهلي لاجلها ....
راح لاخواني مرات ودز امه وكومه حاول واخواني يرفضون للمره الثانية اني حجيت ويه امي تأثر عليهم وهي بصفتي وحيدتها وترملت بعمر صغير والعمر يركض اجتي وياي وحجت ويه اخواني ووصل خبر لخالي وهنا دخل معد بحياتي زواج ماكو يابه شنو ليش محد يناقش هو ما يقبل وخالي مؤيد ما وقفه واخواني سكتوا مره مرتين حاولت ويه امي ما فاد لحد ما مره طلعت لدوامي مثل كل يوم وصلت هناك لكيته منتظرني الكلام طال بينا واكفين بمكان منعزل ما اشوفه غير يتلازم ويه معد بالدائرة وضرب مطاحن صار هو وياه اني من خوفي انهزمت كبل عفت الدائرة ورجعت لبيتنا ابجي اشتكي لامي من الفضيحة الصارت بين ما احاجيها ما اشوف الا معد شايل رشاشة فات للبيت اغسل عارها ما اغسل عارها
ما فهمت شنو وعليش بس عرفت اخو زوجته يداوم بمكان قريب وناقلين عني كلام زور بسبب الحقد اللي صار عليه من نسوان حمويني وخاصة نسوانه خاصة خالي من اول ما تقدم الي خاطب كال الهم اذا عالزواج ياخذها اخوه وهو اولى ببنته ومرته واكيد فلوسهن همه ما كالوها بس هذا التمر المهم اكيد وخاصه زوجي الله يرحمه ترك شغل بملايين وفلوس كومه وراه بس كلها بشغلهم ينطوني منه نسبة مصرفي اني وبنتي
KAMU SEDANG MEMBACA
بقايا شغف
ChickLitقصة باللهجة العراقية قصتنا عن علاقات انجبتها الصدفة ...وكانت صدفة خير من الف ميعاد
