بقايا شغف

نظرة اولى

مسرة:
بعد ايام من كلامنا عن السيارة اجانا راشد للبيت ياخذني وياه وكال امشي اختاري سيارتج طرت من الفرح سألته
-صدك يعني ؟؟

-اي والله استعجلي جدي وابوي كالوا اخذج تختاريها من معارض بيت حاج....
-زين شنو نوعها
-اني ادري شتريدين انت

-واني شمعرفني اريد سيارة وكبل واكيد مو جكسارة
-جكسارة ام حلك خل يشتروها الي اول
-اوووي شدعواك رويشد بخيل صارف من يمك

-من جيب ابويه ولج ابويه اشتراها
-صدك ؟
-والله من عنده كال لجدي اني ادفع بينهم حساب وفلوس يطلبهم هو وبيت الحجي

سكتت والله عمي معد مو حباب ولا يطير طير بضباب عنده مأرب وغايات
ضيقت عيني وراشد فهمني ولغمط السالفة

-هسه شنو رايدة
-باوع شفت صديقتي عدها هيج وحدة صغيرة يمكن كيا بس ما اعرف شنو اسمها عاجبتني
-نروح ونشوف هناك وشينصحونا
-باوع اوكف خل اصيح بنات خالو ويايه
-شعدنا زفة!!عاط بيه
-فدوة راشد لا تصير خبيث خل يجون البنات
-منو منهم
-غير دعاء وحوراء
-دعاء ماكو هسه بدوامها وهاي الخبلة كاعد تمسح ببيتهم هسه اذا ننتظرها احنا والعصر تضل تعيد وتصقل
-اوكف اشوفهم واجيك وهاي اني شبيهن هدومي مبدلة بس اطك جنطتي

عفته رغم اعتراضه اريد بنات خالو ويايه احب يشاركوني كل شي

فتت اركض لبيت خالو وشطحت بالمي يم الطرمة وانطبيت كمت اعرج وادردم واغلط فوك وكعتي طلعت على راسي حوراء هي وماسحتها عاصبة راسها
-ثول حتى ثول انعميتوا اليوم امداكم صار كم مره اعيد مسح كومي طاح حظج وصختي العتبة مثل الهايشة

-ولج عمية گلب ردت انكسر هاي شخاله بمي المسح
-خاله تيزاب بلكت اخلص من الطفيليات مثلكم
-ولج عليمن هاي
-انت وابن عمج اللي اجا بجزمته طين ودمرها قبلج

واحنا متناحرات سمعنا صوته
-دفضوها عاد وين صرتن
حوراء رفعت ماسحتها تهدد بيها
-هاي هم انت؟؟شكو رجعت

مسرة:ولج ....فتحت عيوني على وكاحتها عليه الولد مؤدب حيل وحباب وابد ما يغثنا وهاي ضريبة الادب الظاهر

حوراء:باوعوا انتو الاثنين امي حكمت عليه انظف البيت كله واني من البارحة لليوم طاح حظ حظي مو اني امسح وانتو توصخون ميري مالت العائلة عدكم
-مسرة:ولج عيب الولد خطار
راشد:شلون تعرف خطار اجيت اسال على امج تطردني من بيتهم

حوراء:والله عاد يا استاذ جان انت ما طردتني قبلها

فتح عينه مصدوم
-اني طردتج
مسرة:اوكفوا شويه شويه خل افتهم منو طارد منو
حوراء تخوصرت وانطلقت:من رحنا لبيتهم على جدو يكلي هي جايه عالسيارة انت شعندج جايه كتله ما جايه بيت الخلفك بيت جدي هذا

مسرة:صفكت خدي على حجاياتها دايسة ببطن الولد
راشد:اي وانت اليسألج ليش جايه يطلع طاردج .. يباه اذا عالسؤال جان سؤالي واضح واجابته بسيطه بس صدك لسانج طولان والا اشتكيج لعمي ابو دعاء