بقايا شغف

ولادة وموت

دعاء :

فتحت عيوني بكل قوة وسرت رجفة بكل جسمي وهو واكف بمكانه هادئ عيونه عالشفرة بايده يتمثلها اشكال افكار اجتي ببالي مجيد الخبل شنو براسه واجاني لهنا ....راح يذبحني مخبل ويسويها
-مجيد؟؟
-اي مجيد شعبالج تنهزمين بكل مره واعوفج؟
-مجيد الحجي لاهلنا بعد عفية كافي فضايح مكان شغل وعيب والله نتخازى هنا هم

-ما يصير شي من هذا كله اذا هسه مشيتي وياي
-وين اروح ؟مجيد الله يخليك لا تفضحني كافي
-الله لا يخليني نار بيه بصوت ناصي لان صوتنا ينسمع بره ورجع سيطر على غضبه المنصب بعيونه جمر يلهب

..امشي دعاء ..ابوج معاند جبت اله شكو كبارية وهو عناده راح يخليني اشيل خطايا وذنوب من وراكم

كعدت بمكان قريب لان الرجيف ماخذني تقرب مني ضميت وجهي احتمي بذراعي كمشني وكفني كباله
-ما اذيج شبيج والله ما اذيج شنو ما تعرفين شكد احبج؟ امشي وياي معليج بابوج
-ما اكدر

وكفني وابتسم بتعب
-جبانة طول عمرج...بس لو كايلة اي وامشي نروح جان كسرت راسج ابوج اولى مني ...والله تعبت دعاء تقرب بزيادة واني امنت شويه من شفته تبدل حاله

حط كصته على كصتي ورجع باسني بوسه خفيفة منها حاوطني وقربني لجسمه اني تخشبت نطقت بصعوبة
-حرام
-حرام عليج انت من هيج سويتي بينا
-مو انت طلكتني !

بعدني اسولف ختم شفايفي وكمش ايدي اللي تدفعه شبك اصابعي باصابعه ورفعها فوك راسي وايده الثانية وره ضهري مقربني عليه شل افكاري وتسلل لمشاعر قديمة لو شكد اضمها فاضحتني ...النفس وشياطينها رفاقه والروح هو ويعرف خباياها

خَدَعوا فُؤادي بِالوِصالِ وَعِندَما
شَبّوا الهَوى في أَضلُعي هَجَروني

دفعته بهدوء وابتعد يمسح بوجهه واني اعدل بنفسي امدا للحظ كبل تموعين خيرج يا هالروح جنج حنيتي لو شويه جان تمددت بحضنه خرب بالحظ اغم بروحي وهو مكيف مبتسم واني متت قهر من وراه

-المكان مو مناسب مجيد عيب احد يجي
-محد يجي انعل والديه اليجي هسه يحجي و مرتاح وكأنه انتصر باعظم حرب
-استاذ عمر مووو؟؟
-امشي نروح اوصلج لاهلج واريد اشوف ابوج شيسوي اليوم وياهم
-منو؟؟

جرني وراه واني اعرف بمجيد مو مال اعانده يخزيني هسه هنا مشيت وراه اخذت جنطتي طلعنا وهو سلم على استاذ نبيل وطلعنا من الشركة لبيت اهلي كبل ساكتين بس هو مكيف طاير وكل شويه يجر ايدي يبوسها واتي اجرها منه بقوة واضمها ضايجه...سكتت اريد اشوف التالي

بابنا متروسة سيارات
-هاي شكو شصاير شدتسوي هالمره مجيد تره ابويه تعب ضغطه دوم معلك اذا صار عليه شي ما يكفيني بيك انتقام

ضحك ودنك ورجع باوع الي
-يعني شسوي واكدر الم الموضوع ...جبت مشية واجيت انزلي وننتظر رحمة الله... يهديه للحجي علينا شك حلكي والله نادم هسه شلون واقنعه
-انت اللي اختاريت وكلت ما اريدها وانت السويت هيج بينا
-مو وكت عتاب دنزلي دنشوف التالي