🍷🥂خــادمـة الـقاسـي🥂🍷
✦وكأن عيناك في الحسن آية تتلى على قوم كفروا فاهتدوا...!
#حدوودد....!
شافتو زير على قبضة يديه وعض على فككه وهي تتكلم بصوت مرعوود خوفان وكلماتها مسروطين كايتقاطعو..
ليلى: عمررري فكرت فيك بشي صفة كثر من خويا والله.
زفررر بغيض وحول عينو من أريناس لعندها هي لي لسقات مع الكوافوز كي خافتو ينقزز عليهااا كاتترعد فمكانها.
"أنا عمرني فكرررت فيك بالمرة...لا ختي لا كثر... ناسي حتى واش كاينة شي بنت فالعائلة ديالي سوا نتي سوا غيييرررككك .....الى كنتي حتى نتي ماراضياش بهاد التزويجة دالتبببب غاتبلعي فمكك وتركني ساااقلة خير ليا وليككك غاتعاونيني غير بتمديد مهلة العرس قوليها لواليديك..... فداك الوقت نصلح وضع الشركات المتدهور حيت الواليد هاملهم بسباب مرض الواليدة....وحتى تبرا الواليدة وتولي بيخير ونولي قادر نفتح معاها الموضوع ونلغي هاد الفكرة دالقلالش لي جابو ليااا على غفلةةةة ديال تزوج بليلى ولا ماعرت اش قاليهم المخ ديال مخخخهم...حيت قريييب نفقد أعصابي ونولي نحرق كاع لي دايرين بياااا راني غييير شاد راااسسسي ومكالي سااااسي..... وديك الساعة كل واحد فينا يشد طرييقو....رجعي لحياتك ونرجع لحياتي...وفهاد المدة بقاي بعيدة عليياااا مادوريش بساحتي ولا ندور ليك راسك للجهة المعاكسة على عنقككك هاني علمتككك.....وماتفكريش تشري المعرفة وتربطي الصلة بيني وبينك وتوسعي الطريق حيت غانوسعها ليك الى كنتي باقا باغا تعيشي حتى تحققي أحلامك سمعي الهضرة وقطعيها".
هززاتت راسها بواخا حيت كاتضن هادي هي أحسن نتيجة وصلو ليها ....هي تسمع لهضرتو وهو مايعاديهاش حيت عارفاه خبيث وشرراني وقاسي وأناني والى حطها فراسو ماغايرحمهاااش......سكتات حانية راسها للأرض وأريناس شافت فيها ورجعات شافت فكيسر وهي كاتنطق من فوق خاطرها.
"ماتبعدهاش عليك....خاصها تبقا قريبة ليك".
حط فيها حمورية عيونو المجمرة بنار الغضب شاعلة ودغيا كملات كلامها باش مايفهمهاش غلط.
أريناس: باش ماتخليوش خالتي نجمة تحس بشي حاجة وباش تساعدوها فارتياح نفسيتهااا ...!
رجع هدء من روعو كي حس باللي كلامها صحيح وشاف فليلى لي حتى هي شافت فيه ورفع راسو بالإيجاب.
كيسر:فحدوووود..!
اريناس فاهمة باللي كيسر كيكره الإختلاط بالبنات أصلا...ومابغاش ليلى تزعم عليه كثر وتحسبو قريب ليها بزاف غير حيت عندهم نفس المشكل ونفس الهم فنفس الموضوع ونفس الرغبة وباغيين نفس النتيجة....وماباغيهاش تقرب ليه حيت عارفها غاتولي تحلم بكثر وتغير رأيها وتولي طامحة للتغيير فالغيزيلطا....وعاجبينها الحدود لي كايرسمهم بينو وبين ليلى وعاجباها شخصيتو المتوحدة المنعازلة....عاجبها تكبرو وتعجرفو وعزتو لنفسو وكبريائو ....ورغم خبث شرارتو إلا انه كايعجبها وهو قاسي وصارم ونابض وحاكم....!
لقاتهم سكتو وهو كايفور بالأعصاب وليلى كاتترعد بالخوف...وبغات غير تحيد من حداهم حيت كل ماجات عينها فشي واحد منهم كاتفككر باللي ممكن يولي راجلها وهي مرتوو .
خرجات بلا ماتهضر ونزلات لللتحت...كيسر تبعها العين حتى سدات الباب وراها وشاف فليلى رامقها بنظرة غريبة خلاتها تحط راسها قدامها كاتنبش فدراعها بضفران يدها لخرا....ميل راسو كايدوز اللقطات ديال قبيلة لي فيهم ليلى وأريناس كاملين قدام عينيه.
كيسر: ماتحاوليش تتدخلي فاللي بيناتنا...حيت هو بيناتناااا....!!
خرج وخبط الباب وراه مخليها تسترجع انفاسها...اقتاعدات جنب السرير وطلقات العنان لدمعاتها وبحزن نطقات محدثة ذاتها.
"فحاليلا انا فرحانة ...زعما انا وفرحانة نخسر كلشي بجملة وحدة ...و نوقف قدامك و نسمع سم كلامك ونصبر ليه حيت واخا ماعرت شكوون انا كانبقا ماشي من مقامك".
#ذنب_وتوبة....!
مادارش الحس فخطواتو ووقف فباب المطبخ داير يديه فجيابو ومميل راسو كايشوف فيها متبسم نصف ابتسامة وهي كاتلعب بالفراشط فوق البوطاجير وسارحة تخمامها فجنان يعقوب ماحاسساش براسها شكادير و بيديها وباللي حداها وداير بيها.
حنحن مخليها تحس بوجودو واستفاقت من سهوتها متلفثة لخلفها بزربة كاتشوف فيه بعوينات حمريين ذابلين والحزن طاغي عليهم...باين عليها باللي بكات بزااف من عويناتها المغرغرين الحمرين وبشرتها لي شحبات وشنيفاتها الناشفات .
قرب ليها ببضعة خطوات حتى كانو رجليه حدا رجليها وراسو محني فيهااا حاط عينيه فعينيها...تأمل تفاصيل وجهها بنظرة ثقييييلة تباطئية متمعن فكل نبشة فيه وجبد يديه من جيابو شاد وجهها بينهم وهي غير كاتبرقق بعويناتها فيه....تحنى كثر لمستواها وحط بشفايفو على شفايفها بايسها بشويييية بوسة ثقييييلة ماصص فيها كل شنيفة بوحدهااا مدوقها من لعابو ودايق من ريقها....حما الدم فيهااا وطلعات معاها السخونية لي طلعات مع عروقو حتى هو والمشاعر بيناتهم تواصلووو وقوات الصلة بيناتهم....كايتعمد يعضها بشويييية من شفتيها باش يسمع تآوهاتها ففممووو وكاتزيييد رغبتو فيهااا وماكايبغيش يطلق فمها ولا يرخيها...بعد بشوية عليها بعدما ختمها بقبلة سطحية حنييينة ودافية ونطق قايل وهو كايشوف ليها فعويناتها بعيونو المعسسليييين فغرامها سكرااانييين.
كيسر:شفت شنيفاتك ناشفييين وشاااحبين....وفزْكْتهم ليك خاصك تشكريني.
أريناس:اممم عزيز عليك دير الخير... ولكن أنا مارغبتكش ديرو فيا.
كيسر:غانديرو فيك بلا ماترغبيني...!
غمزها بمكر وحيت فهماتو خبطاتو بيدها على صدرو ناعلة الشيطان"اعود بالله من الشيطان الرجيم...شبعتي ذنوب".
كيسر: نتي ذنبي ونتي طريق الثوبة اابنتي...!
طلق وجهها من بين يديه وشد بيناتهم خصرهااا مزير عليها حتى تمتمات ب" اااه"...رفعهااا كي الريشة وحطها فوق البوطاااجير وقرب مخشي بين رجليهااا ووجهو ملاسق مع وجهها كايتكلم ويقيسو شنايفو شنايفهااا وسخونية انفاسو كاتدغدغهاا....سادين عويناتهم بجوووج وكايهضرو بالحرارة لي طالعة منهم وفمو كايلمس فمها كلما تكلم.
كيسر: علاش كاتهربي مني؟!
أريناس(ناسية راسها): كانشوفكم بجوج فنفس البلاصة كايتزمت بيا الخاطر ويتقبض عليا قلبي.
كيسر: ماتفاوتيش عليا....وماتبقايش تحاولي تهربي مني....كاع الطرق كاتجيب لعندي...!
#تزييف....!
كيسر:الى عاودتيها هاد المرة غانغبر ليك الكات جي"4G"...!!
بعد عليها مرجع ثاني عينيه فعينيها وهي عقدات حواجبها ناطقة.
" شناهي ال 4G".
كيسر(ساهي فعينيها): بدينا تاني؟!.
أريناس: بصح شناهي؟!.
جبد التيلي من جيبو وطلق كونيكسيون موريها ال 4G طالعة الفوق....شافت بشوية عليها ولكن بززربة فهمات وهزات راسها بالإيجاب.
أريناس: علاش سماوها كات جي؟؟
كيسر: حتى نسولهم ونرد عليك..!
أريناس: علاش ماسماوهاش كات مشي؟!
فاللول قوس حواجبو بين عينيه وفالتالي جرر الضحكة بالدموع ....حط راسو فعقنهااا كايضحكك من قلبوووو وهي كاتضحك معاه عارفا راسها زبلاتها ثاني بغبائها..
أريناس:بصح معاك علاش سماوها كاتجي وماسماوهاش كاتمشي هههه؟!
وهو كايضحك عضضها من عنقهااا بشوية وطبع بوسة على ديك العضة ورجع مقاد فوقفتو كايشوف فيها.
كيسر: حيت مكاتمشيش مجهدة ههه...كاتجي وكاتبقا.....قاددي قادي داك الفولار ههه....غاتحمقيني نتي مافيهاش.
هز قرعة دالما من التلاجة وطلع فحالاتو قبل ماتسطيه والطريق كولها وهو كايضحك مع راسو كي شي هبيل....بقات شوية وراه كاتفكر فجواب لسؤالها الغبي وطلعات حتى هي...لقات ليلى فرشات فالأرض ونعسات ...بقات كاتشوف فيها شحال....ملامحها البنية بريئة ماتستاهلش اللي صاري ليها...حتى واحد مالقاها كي بغاها... تنهدات و دخلات توضات وصلات صلاتها ورطبات لحمها وفرشات حداها فالأرض ونعسات ..
•• وفالصباح كيف العادة سبقات فياقهم وصحات بكري قبل منهم توجد فطورهم...جمعات الطابق السفلي كامل باش ينوضو يلقاوه مجموع متول...عاد بدات فالفطور...بدات كاتزين الطبلة وترجع تطل على اللي خلاتو فوق البوطة وهوما بداو كايفيقو واحد واحد ...ماهي الا عدة دقائق حتى تجمعو كاملين على الطبلةة من غير كيسر لي اكيد غاينزل حاط الفوطة على عنقووو وعريان من الفوق ...وحتى ليلى لي كان باين عليها العيا وغرقات فنعاسها.
مع كايخرج من البيت كاتخرج حتى هي...شاف فيها وشافت فيه وحدر عينيه....وصلو لراس الدروج باش ينزلو وهي تحنحن واقفة وقالت.
ليلى:ءء...صباح النور خويا كيسر...كانضن...خاصنا ننزلو ضاحكين ماشي عابسين...كيفما قالت ختي أريناس...ماخصناش نبينو ليهم باللي حنا كاع مامحاملين وكاع مامفاهمين وبهاد الزواج كاع ماراضيين.
كيسر: كاتعرفي تمثلي شوية؟!.
ليلى هزات راسها بأه وتبسمات وههي نازلة وراه....تبسممم حتى بانو سنيناتو وغممااازاااتو سابقها فالدروج ومرة مرة كايتلفث لعندها وراه فحاليلا كايهضرو فشي موضوع كايضحك وهي غير كاتقهقه بعلى صوتها قايلة.
" ماتقولهااااششش عافااااك ههههههه.....ضحكتينيييي".
كيسر( متبسم باصطناع): خاصك تبدلي توجيه الموضا وديري التمثيل حسن ليك ههههه.
ليلى: لاااااا ههههههههه اوووف كايعجبني الذكاء ديالك اكيسسررر
#غيرة....!
على ضحيكتهم حتى هوما تبسموو مامتيقينش باللي كيسر كايضحك مع ليلى لا ومجمعين ومفاهمين...نجمة بابتسامة بشوشة ونظرة حب رمقات ليلى وجرات ليها الكرسي حداها باش تجلس فجنبها....وكيسر جلس حدا قادر .
قادر: اليوم مانزلتيش بالفوطة نازل واجد....غادي خدام بكري؟.
كيسر:راني قلت البارح باللي اليوم خدام بكري.
شرب قهوتو فعدة جغمات بالخف كايزرب ووقف شايف فليلى"محتاجة شي حاجة نجيبهاليك معايا؟".
بالصدمة شافت فجنابها شاكة ياكما هضر مع شي واحد آخر من غيرها....رجعات كااتشوف فيه ياكما كاتحلم ولا ياكما غلط... حركات راسها بلا وهو شاف فأريناس لي واقفة حدا باب الكوزينة.
"تبعيليا هادشي".
دار ليها اشارة بعينيه لتيليفونو وسوارتو لي حطهم فوق الطبلة وناض خرج .
نجمة كاتسول ليلى كي صبحات وأريناس فباب الكوزينة تكوانسات ملي شافتهم كايضحكو مع بعضياتهم تزيييرااات...ماموالفاش تشوف كيسسر كايضحك مع غيرهااا حيت هي لي علماتو يضحكك ......بلعات ريقهاا بغصة واقفة على قلبهااا وعضات على اسفل شفتيهاا رادا فيها حررها...شعل الدم فعروقهاا وداز سخون فجسمهاا دليل على حرقة غيرتهااا.... تقدمات هزات بزطامو وتيليفونو وسوارت اللوطو لي قال ليها تتبعهم ليه وخرجات تابعاه لبرا.
لقاتو قدام حدا طوموبيلتو مسند عليها ومربع يديه مستنيها...وقفات عليه قارنة حاجبيها بين عينيهااا وحاطة على نصها يديها.
أريناس:شفت فممك وللا مشرركْ ؟! انا عمرك تبسمتي لياا وغير كانضحك كاتقمع الضحكة فيا وهي النهار كولو ونتا حاال ليها فمككك ولي قالتو سبحان الله كايضحكك... واخا تقول ليك تفو على والديك.
زمم على شفايفو حابس الضحكة كان عارفها غاتتبعو تعاتبوو وعيونو على ملامح وجهها تكتسيها العصبية متبع النظرة لشفايفها كي كاتسربي الهضرة بغضب والزعاف طالع ليها للراس.
أريناس(كاتعيبووو): واش محتاجة شي حاجة نجيبها ليك معايا؟! تجيك الموت قبل وقتهااا عامل التوصيل لاخر.. عاد تأكدت بلي ماغلطاتش خالتي نجمة فاش قالت الرجااال مافيهم ثقة كايتبدلو كيف الزمان وعينهم عشاقة ملالة.....(طلعاتو ونزلاتو باشمئزاز) .....حتى ولدهاااا خليقة كرشها.
ضحك بشوية على هضرتهااا وقرب ليها حاني راسو لعندها ويديه فجيابو.. وهي مربعة يديها وكاتشوف فجنبهااا.
كيسر: دابا مالك؟!
أريناس: حيد من قدامي خليني ندخل راني خللليت الحليب كايغلي.
كيسر: انا بنتي ليا نتي لي كاتغلي.
أريناس( عللات عويناتها لعينيه):ااه وبزاااف كاااع.... بالأعصاب.
كيسر: لا بالغيرة..!
🍂نتي ذنبي ونتي طريق الثوبة اابنتي🍂
🍂ماتبقايش تحاولي تهربي مني حيت كاع الطرق كاتجيب لعندي🍂
كبيدات واحد 90 نجمة على السريع
يتبع🍂